MM Story Teller

Chapter 127

Viewers 11k

🌍Chapter 127

ထန်မော့ဂိမ်းထဲသို့၀င်လာသည်နှင့် သူနှင့်ဖူ၀မ်သော်မှာ ကစားသမား၂၁ယောက်ကို ရင်ဆိုင်ရဖို့ဖြစ်လာခဲ့သည်။ ထို့နောက် ထိုကစားသမားများနှင့် ပူးပေါင်းသင့်မသင့်ကိုလည်း စတင်တွေးတောလိုက်ရသည်။ သို့သော် သူတို့လိမ်ညာပူးပေါင်းရန်အတွက်လည်း သူတို့၏ သိသာနေသော သရုပ်မှန်ကတားဆီးနေခဲ့ပြန်သည်။ အဘယ်ကြောင့်ဆိုသော် ထန်မော့နှင့် ဖူ၀မ်သော်၏ ခေါင်းပေါ်တွင် ထင်ရှားသော စာလုံးကြီး၂လုံးက အလွန်သိသာလွန်းနေ၍ပင်။

ထိုစာလုံး၂လုံးကိုမြင်သော ကစားသမားတိုင်း မိမိတို့အား မစ္စတာ Aနှင့်Bဆိုသည်ကို သိကြမှာပင်။

မူလကမူ ထန်မော့နှင့် ဖူ၀မ်သော်သည် ဤကစားသမားများကို ၇ရက်အတွက်း တစ်သုတ်ချင်းကိုင်တွယ်မည်ဟု သဘောတူထားခဲ့ကြသည်။ ၀မ်ရင်းကွေ့နှင့် လူအိုကြီးနျောင်တုန်းကကဲ့သို့ လှောင်အိမ်ထဲပိတ်ကာ နှိပ်စက်ထားပြီး ပြိုင်ဘက်အရေအတွက်နှင့် တဖက်လူ၏ တိုက်ခိုက်စွမ်းအားကို လျှော့ချရန်ပင်။

၇ရက်ကျော်လွန်ပြီးနောက် သူတို့မှာ ရန်သူ၁၀ယောက်ထပ်ပို ရင်ဆိုင်ရနိုင်သည်။ သို့ဆိုပါက သူတို့သည် တီကောင်ကြီး၏ စွမ်းရည်ကိုသုံး၍ မြေကြီးကို အပေါက်ဖောက်ကာ ထိုမှတဆင့် ဆပ်ကပ်ကိုအရောက်သွားမှာဖြစ်သည်။

သို့သော် အနက်ရောင်မျှော်စင်မှာ သူတို့ကို အံ့အားသင့်ဖွယ်များအမြဲပေးတတ်သည်။

လင်းရီကိုပြန်ပို့ပေးချိန်တွင် သူမကိုသတိမေ့အောင်လုပ်ပြီး သူမရောက်နေသောနေရာအား မမှတ်မိစေရန် ပြုလုပ်ခဲ့သည်။ သို့သော် သူမကိုပြန်ပို့ပြီးနောက်ဖူ၀မ်သော်က ဆိုလာသည်။

"နေရာပြောင်းမယ်"

"အိုကေ"

ထန်မော့ခေါင်းညိတ်လျက် ဖူ၀မ်သော်နှင့်အတူ ထိုအပ်ချုပ်ဆိုင်မှ ထွက်လာခဲ့လေသည်။ လင်းရီကမတော်တဆထိုနေရာကို မှတ်မိနေမည်စိုး၍ နေရာကိုကြိုတင်ပြောင်းထားခြင်းမှာ စိတ်အချရဆုံးပင်။ ကျိန်းသေပေါက်ပင် ၃နာရီကြာပြီးနောက် ကစားသမား၅ဦး ထိုအပ်ချုပ်ဆိုင်သို့ လျပ်တစ်ပြက်ရောက်ရှိလာကြသည်။

ထန်မော့နှင့်ဖူ၀မ်သော် ကျောက်တုံးနံရံကိုကွယ်လျက် ထို၅ယောက်ကို အဝေးမှစောင့်ကြည့်နေခဲ့လေသည်။ ထိုလူများမှာ အတော်လေးကြာပြီးနောက် အိတ်အခွံကြီးကိုဆွဲလျက်အတွင်းမှပြန်ထွက်လာခဲ့ကြသည်။

အမျိုးသားတစ်ဦး၏ ခပ်နိမ့်နိမ့် အသံကိုကြားလိုက်ရသည်။

"ထင်တဲ့အတိုင်းပဲ"

ထန်မော့ခေါင်းညိတ်လိုက်သည်။

"အဲဒီမိန်းကလေးကစားသမားမှာ ထောက်လှမ်းရေးစွမ်းရည်မျိုးရှိနေတာဖြစ်မယ်... ဘေးပတ်၀န်းကျင်ကို သေချာခန့်မှန်းနိုင်တယ် ဒီနေရာကိုတောင်ရှာတွေ့သွားတာပဲ... အစကကျွန်တော်သူ့ကိုဖမ်းချင်ခဲ့တာက သူ့စွမ်းရည်က တိုက်ခိုက်စွမ်းရည်မျိုးမဟုတ်လို့လေ...ကြည့်ရတာ သူ့အသင်းကသူ့ကို နေရာထောက်လှမ်းဖို့ လွှတ်လွှတ်နေတာဖြစ်မယ်"

ထိုကစားသမား၅ယောက်ထွက်လာသည်နှင့် ထန်မော့နှင့် ဖူ၀မ်သော်သည်လည်း ပြန်လည်ထွက်ခွာလာကြလေသည်။

ဖူ၀မ်သော်ကဆိုလိုက်သည်။

" ကြည့်ရတာ သူတို့ပူးပေါင်းကြမယ်ထင်တယ် ၀င်သွားတုန်းက ဘယ်သူမှအပြင်မှ ပုန်းမနေပဲ ၅ယောက်လုံးအတူ၀င်သွားတာ... ဒီဟာက ညှိုနှိုင်းဖို့ပဲ..အလစ်တိုက်ချင်လို့မဟုတ်ဘူး"

ထန်မော့သဘောတူလိုက်သည်။

"အဲဒီကစားသမား၃ယောက်ဆိုးဆိုးရွားရွားသေသွားတာကို မြင်ပြီးတော့ သူတို့ကိုသတ်နေတာက မစ္စတာAနဲ့Bထက် ခိုး၀င်သူတွေပိုဖြစ်နိုင်တယ်ဆိုတာ သိသွားတယ်ထင်တယ်"

ထန်မော့ကဆက်ပြောလာခဲ့သည်။

"အဲဒီခိုး၀င်သူ၄ယောက်က အဲလောက်ထိသန်မာမယ်လို့ မမျှော်လင့်ထားမိတာတော့ ဆိုးသွားတယ် ကျွန်တော်သူတို့လက်ထဲက မလွတ်နိုင်ဖြစ်တော့မလို့..."

၂ဦးသား မြို့တော်ကိုတစ်ပတ်ပတ်လိုက်ပြီးနောက် မြို့တော်၏ အဆုံးတစ်ဖက်တွင်ပြန်ပေါ်လာကြသည်။ ထိုနေရာတွင် ဆင်ခြေဖုံးတစ်ခုနှယ် ခြောက်ကပ်နေသော အိမ်တန်းရှည်ကြီးများရှိလေသည်။ အိမ်မှာဟောင်းနွမ်းနေပြီး ခေါင်မိုးတွင်လည်း အပေါက်ကြီးတစ်ပေါက်ရှိနေခဲ့သည်။ နေရောင်ခြည်မှာ ထိုအပေါက်ကြီးမှ အိမ်ထဲကိုဖြာကျလျက် အိမ်၏အလည်မှ လှောင်အိမ်ကြီးကို မြင်သာစေသည့်နှယ်။

အနက်ရောင်လှောင်အိမ်ကြီးအား အုပ်ထားပြီး အတွင်းမှ တီကောင်ကြီးကို ဖုံးကွယ်ထားခဲ့သည်။ ထိုလှောင်အိမ်ကြီးကို ၀င်တိုက်သံများနှင့် ငိုသံများမှာတော့ တစ်ချက်မှစဲမသွားခဲ့ချေ။ ထိုငတုံးတီကောင်ကြီးမှာ လှောင်အိမ်ကို၀င်တိုက်ပြီး မျက်ရည်မထွက်ပဲ ငိုဟန်ဆောင်နေသည်အား ဖွင့်ပင်ကြည့်နေစရာမလိုချေ။

သူက၄င်းကိုလျစ်လျူရှုထားလျက် အိမ်ထဲသို့၀င်လိုက်သည်နှင့် အနည်းငယ် စိတ်အေးသွားခဲ့သည်။

"ဒီနေ့တော့မဆိုးဘူး... ဒဏ်ရာလည်းအများကြီးမရခဲ့ဘူး တီကောင်ကြီးလည်း အခိုးမခံလိုက်ရဘူး"

ထန်မော့နှင့် ဖူ၀မ်သော် အခုချိန်အထိ သတင်းများကို အေးအေးလူလူဖလှယ်နိုင်ခြင်းမရှိခဲ့ချေ။ ထန်မော့ဂရုတစိုက်မေးလိုက်သည်။

"ခင်များတွေ့ခဲ့တဲ့ ကစားသမားတွေရဲ့ စွမ်းရည်ကဘာတွေလဲ"

ဖူ၀မ်သော်က အရင်ဆုံးရှင်းပြလာခဲ့သည်။

"၅ယောက်အဖွဲ့ပဲ မင်းဖမ်းလာတဲ့ ကောင်မလေးကလွဲရင် ၄ယောက်ပေါ့...

မျက်မှန်နဲ့တစ်ယောက်က ခေါင်းဆောင်...အဲဒီကောင်မလေးပြောနေတဲ့ ခေါင်းဆောင် ကသူပဲဖြစ်မယ်...သူ့စွမ်းရည်ကဖဲချပ်တွေနဲ့တူတယ်...ဒါပေမယ့် ကိုယ်တို့တိုက်ခိုက်ချိန်တိုတော့ သေချာမသိခဲ့ရဘူး သူတို့က၄ယောက် ကိုယ်ကတစ်ယောက်ဆိုတော့ အသာစီးရဖို့ ခက်ခဲတယ် နှစ်ဖက်လုံးစီက အနိုင်ရဖို့၅၀ရာခိုင်နှုန်းသေချာပေမယ့် အချိန်ဆွဲနေတာက ကိုယ့်အတွက်မကောင်းဘူး... ဒါကြောင့် ၄မိနစ်လောက်ထိပ်တိုက်တွေ့ပြီးတော့ ကိုယ်ကထွက်ပြေးလာပြီးတော့သူတို့က ကစားသမား၂ယောက်ကို ကယ်နိုင်လိုက်တယ်"

၀မ်ရင်းကွေ့နှင့် လူအိုကြီးနျောင်အကယ်ခံရသည်ကို ထန်မော့သိထားပြီးဖြစ်သည်။ သို့မဟုတ်ပါက ကစားသမား၂ယောက်ကို မိမိတို့စားလိုက်ပြီဟု၍ လင်းရီကိုအရူးလုပ်ခဲ့မည်မဟုတ်။ ၄င်းမှာ ကစားသမားအရေအတွက်ကို ဖုံးလျက် မိမိတို့မှာလည်း ကစားသမားများဖြစ်သည်ဟူသော အချက်ကို ဖုံးကွယ်ရန်ပင်ဖြစ်သည်။

ဖူ၀မ်သော်ကဆက်ပြောလာခဲ့သည်။

"ယောကျာ်းလေး၄ယောက်မှာ မျက်မှန်နဲ့တစ်ယောက်ကို ဖယ်လိုက်ရင် ကျန်တဲ့၃ယောက်ထဲက တစ်ယောက်မှာတော့ ဒုံးကျည်တွေပစ်တဲ့စွမ်းရည်ရှိတယ်...တစ်ကြိမ်မှာ ၄ခါပစ်နိုင်တယ် တစ်ကြိမ်စီက ကျည်ဆံတစ်ခုရဲ့အလျင်နီးပါးပဲ သေစေနိုင်လောက်တဲ့ပြင်းအားလည်းရှိတယ်...ကုသစွမ်းရည်နဲ့တစ်ယောက်လည်းပါတယ်"

ထန်မော့၏မျက်လုံးများတောက်ပသွားခဲ့သည်။

"ကုသစွမ်းရည်ဟုတ်လား"

ထန်မော့တွင်လောလောဆယ် စွမ်းရည်၁၀ခုရှိကာ တစ်ခုကမျှ ကုသစွမ်းရည်မဟုတ်ချေ၊ သူ့တွင်ဒဏ်ရာရလျှင် ကုသရန် တီကောင်မျက်ရည်သာလျှင်ရှိသည်။ သူသာအသက်အန္တရာယ်ရှိလောက်သောဒဏ်ရာမျိုးရလာပြီး တီကောင်မျက်ရည်လည်း သုံးကုန်သွားခဲ့လျှင် ဒုက္ခရောက်မည်ပင်။

သို့သော်လည်း ဖူ၀မ်သော်ဆက်ပြောလာသော စကားက ထန်မော့၏မျှော်လင့်ချက်များကို ရိုက်ချိုးပစ်ခဲ့လေသည်။

"သိပ်ထူးဆန်းတဲ့စွမ်းရည်ပဲ... ကစားသမားကိုယ်တိုင်က သန်လည်းသန်မာတယ် မြန်လည်းမြန်တယ် ဒါပေမယ့်သူကစွမ်းရည်ကို မသုံးဘူး...ကိုယ်ပြေးနေတုန်း လှည့်ကြည့်လိုက်တော့ သူ့လက်၂ဖက်ကို ကယ်လိုက်တဲ့ ကစားသမား၂ယောက်ဆီတင်ထားတယ် အဲဒီကစားသမား၂ယောက်ရဲ့ ပုံစံကလည်း စိတ်အေးလက်အေးဖြစ်သွားပြီး ချက်ချင်းအိပ်ပျော်သွားတာ"

ဖူ၀မ်သော်ကဆက်၍ဆိုလိုက်သည်။

"အဲဒီ၂ယောက်က မွန်းစတားကြီးနဲ့အတူ လှောင်အိမ်ထဲမှာ ထည့်ခံထားရပြီးတော့ သူတို့ စိတ်အခြေအနေကသိပ်တည်ငြိမ်မနေဘူးလေ"

ထန်မော့မှာ ကျန်တစ်ခုကိုပို၍သိချင်နေခဲ့သည်။

"သူတို့ဒဏ်ရာတွေပြန်ကောင်းသွားလား၊သူတို့မှာဆိုးဆိုးရွားရွားဒဏ်ရာမျိုးတော့မရှိပေမယ့် သေးသေးမွှားမွှားဒဏ်ရာတွေတော့ များတယ်လေ"

ဖူ၀မ်သော်ကပြန်ဖြေလိုက်သည်။

"ဟင့်အင်း"

ထန်မော့လျှာကိုအသာသပ်လိုက်မိသည်။

ကိုယ်ပေါ်မှ ဒဏ်ရာလေးများကပြန်ကောင်းမသွားခဲ့ချေ။ သို့ဆိုပါကထိုသူ၏ ကုသစွမ်းရည်မှာ စိတ်ပိုင်းဆိုင်ရာကုသစွမ်းရည်မျိုးသာဖြစ်လိမ့်မည်။ ထန်မော့လိုချင်သောစွမ်းရည်မျိုးမဟုတ်ချေ။

ထို၅ယောက်အဖွဲ့၏ စွမ်းရည်များအကြောင်း အသေးစိတ်ဆွေးနွေးပြီးနောက် ထန်မော့လည်း သူရင်ဆိုင်ခဲ့ရသော ခိုး၀င်သူများအဖွဲ့အကြောင်း ပြောပြလာခဲ့သည်။ ၀က်၀ံညိုကြီးအဖြစ်ပြောင်းနိုင်သော ကတုံးပြောင်ကြီး၊ အင်းဆက်များကို ထိန်းချုပ်နိုင်သော ဆယ်ကျော်သက် ကောင်ချောလေးနှင့် ဓါးပေါင်းများစွာကို ပစ်နိုင်သောသက်လတ်ပိုင်းလူကြီး နောက်ဆုံးအနေနှင့် သူကတန့်သွားလျက် ဖူ၀မ်သော်အား တည်ငြိမ်စွာကြည့်လိုက်သည်။

"ဖူ၀မ်သော် ကျွန်တော် လူဟောင်းတစ်ယောက်ကို တွေ့ခဲ့တယ်"

သူကထန်ချီအစား ဖူ၀မ်သော်ဟုခေါ်ခဲ့သည်။

ထန်မော့ ဤတစ်ကြိမ်အလွန်အရေးတကြီးပြောလာခြင်းဖြစ်သည်။ ခေါင်းဆောင်း၏အောက်တွင် ဖူ၀မ်သော်၏ မျက်လုံးများမှာ မှေးကျဥ်းသွားခဲ့လေသည်။

ထန်မော့ကတည်ငြိမ်သောလေသံဖြင့် ဆိုလာသည်။

"ခင်များလည်းသူ့ကိုသိပါတယ်...ပီနိုကီယိုဂိမ်းထဲမှာ ခင်များတို့အသင်းဘက်ကတစ်ယောက်ပဲ ကျွန်တော်တို့ပူးပေါင်းကြပြီးတော့ သူ့ဘက်က စစ်သည်တော်ကတ်ရယ် ကျွန်တော့်ဘက်က ဘုရင်မကတ်ရယ်ထုတ်လိုက်တာလေ... သူအဲတုန်းက ကျွန်တော့်ဆီက ထုတ်ခံလိုက်ရပြီးတော့ အခုခိုး၀င်သူအုပ်စုထဲမှာရောက်နေတာ"

ဆံပင်တိုတိုနှင့် မိန်းကလေး၏ပုံရိပ်မှာ ဖူ၀မ်သော်၏ အာရုံထဲတွင် ပေါ်လာခဲ့သည်။ သူ့တွင်အလွန်ကောင်းမွန်သောမှတ်ဥာဏ်မျိုးရှိလေသည်။ ကမ္ဘာကြီးအွန်လိုင်းပေါ်မတက်ခင်က နယ်စပ်ရှိ မူးရစ်ဆေးမှောင်ခိုသမားများနှင့် ၄င်းတို့၏မိသားစု၀င်တိုင်းကို သူအတိအကျမှတ်မိသည်။ သူကမေးလိုက်သည်။

"သူဆိုတာ သေချာလား"

ထန်မော့ကဆိုလာသည်။

"Checkmate သူ့ရဲ့စွမ်းရည်က ကျည်ဆံတွေရဲ့ လမ်းကြောင်းကိုထိန်းချုပ်တာလေ"

ထန်မော့မီးခြစ်ဆံကြီးကိုထုတ်လျက် ၄င်းတွင် စိုက်၀င်နေသော ငွေရောင်ကျည်ဆံကိုပြလိုက်သည်။

ဖူ၀မ်သော်မှာ ၄င်းကိုကြည့်လျက်ဆိုလာခဲ့သည်။

"သူကခိုး၀င်သူပဲ"

သူစကားမှာ အလွန်သေချာနေသည့်နှယ်။

"ပီနိုကီယိုဂိမ်းတုန်းက ပီနိုကီယိုကခိုး၀င်သူ၂ယောက်ရှိတယ်လို့ပြောတာ သူနဲ့ကိုယ်ဖြစ်လောက်တယ်"

ထို့နောက်တိုက်ရိုက်ပင်မေးလာခဲ့သည်။

"သူမင်းကိုမှတ်မိသွားလား"

ထန်မော့တုန့်ဆိုင်းနေခဲ့သည်။

"ကျွန်တော်က မျက်နှာဖုံး၀တ်ထားပြီးတော့ သူကလည်း နောက်မှရောက်လာတာ...ကျွန်တော်သူ့အသင်းဖော်၃ယောက်နဲ့ စတိုက်တုန်းက သူမရှိသေးဘူးထင်တာပဲ သူဘယ်တုန်းကရောက်လာလဲဆိုတာရယ် ကျွန်တော့်ထီးလေးကိုမြင်သွားလားဆိုတာရယ်မသေချာဘူး... ကျွန်တော်ထီးကလေးကို တစ်ယောက်ဆီပစ်ပေးလိုက်ပြီးတော့ သူရောက်လာတာပဲ သူအဲဒီထီးလေးကို မြင်သွားမသွားတော့ ကျွန်တော်လည်း မသေချာဘူး"

ဖူ၀မ်သော်မှာ အဆိုးဆုံးဖြစ်နိုင်ချေကို တွေးလိုက်သည်။

"မြင်သွားရင်တော့ မင်းကကစားသမားတစ်ယောက်ဆိုတာရယ် မင်းရဲ့အပေါင်းအပါကိုယ်ကလည်း ကစားသမားဆိုတာ ခန့်မှန်းမိသွားမှာပဲ"

ဤသည်မှာ အဆိုးဆုံးဖြစ်နိုင်ချေပင်။ ဖူ၀မ်သော်မှာ မပျော်ရွှင်နေသော ထန်မော့ကိုကြည့်လိုက်သည်။

၄င်းမှာ သူတို့၏အစီအစဥ််ထဲတွင် မပါ၀င်ခဲ့။ ထန်မော့နှင့် ဖူ၀မ်သော်က အဆုံးအထိ မိမိတို့၏သရုပ်မှန်ကို ဖော်မပြရန်စဥ်းစားထားခဲ့ကြသည်။ သို့သော် ဤ၂၁ယောက်ဂိမ်းထဲတွင် အရင်လူဟောင်းတစ်ယောက်ဖြင့် လာဆုံမည်ဟု မထင်ထားခဲ့ချေ။

ထန်မော့၏အစီအစဥ်က ဤအမျိုးသမီးကြောင့် ပျက်စီးသွားနိုင်သည်ကို တွေးမိလျှင် ထန်မော့မပျော်ရွှင်တော့ချေ။ မျက်နှာဖုံး၏အောက်တွင် ထန်မော့၏ မျက်ခုံးမှာ တွန့်ချိုးလျက် သူ၏မျက်ခုံးများမှာလည်း ဤအခြေအနေကိုကြိုမတွေးထားမိသည့်အတွက် အလွန်စိတ်အနှောင့်အယှက်ဖြစ်ပုံပေါ်နေခဲ့သည်။

ဖူ၀မ်သော် ထန်မော့၏ ဤကဲ့သို့ပုံစံကိုမြင်လိုက်ရသော် စိတ်၀င်တစားဖြင့် ဆိုသည်။

"ကိုယ်ရဲ့ မျက်နှာဖုံးကိုယူမလား"

ထန်မော့အံ့အားသင့်သွားခဲ့သည်။

"ခင်များရဲ့ မျက်နှာဖုံးဟုတ်လား"

ဖူ၀မ်သော် ခတ္တမျှတွေးတောလိုက်သည်။

"ကိုယ်တို့ပထမဆုံး၀င်ခဲ့တဲ့ဆိုင်မှာ မျက်နှာဖုံး၂ခုရှိတယ်လေ... တစ်ခုကဒီဟာ ကျန်တဲ့တစ်ခုကဒီထက်သေးတယ်...မင်းရဲ့ခေါင်းလည်းသိပ်မကြီးဘူးဆိုတော့ အဲဒါကို ၀တ်လို့ရမှာပေါ့...ဒါပေမယ့်သူ့မှာပါတဲ့ ဒီဇိုင်းအရအမျိုးသမီးမျက်နှာဖုံးထင်တယ်"

ထန်မော့"..."

သူသည်ဖူ၀မ်သော်ကဲ့သို့ တစ်ခေါင်းလုံးကို မဖုံးကွယ်ခဲ့မိသည်အား နောင်တရမိပါသည်။ သို့သော်လည်း မည်သို့ပင်တွေးတွေး သူသည် ထိုသူကဲ့သို့ ထူးဆန်းသော သံချပ်ကာနှင့် လူမဖြစ်ချင်ပေ။

ထန်မော့က ဖူ၀မ်သော်၏ အလိုက်အဖက် အတွဲအစပ်ကို နားမလည်သလို နားလည်းမလည်ချင်ပေ။ အနည်းဆုံးတော့ လင်းရီဤနေရာတွင်ရှိနေစဥ်က သူ၏အတွဲအစပ်မှာ အဆင်ပြေပြီး ဖူ၀မ်သော်တွင်သာ ပြဿနာရှိခြင်းဖြစ်သည်။ (အနည်းဆုံးတော့ လင်းရီက ထန်မော့တွင် မြွေမျက်နှာရောဂါရှိသည်ဟု ထင်သွားခဲ့သည်)

ဖူ၀မ်သော်အား အတွေးထဲမှ တိတ်တဆိတ်ဝေဖန်ရင်း ထန်မော့၏ စိတ်တို့ပြန်လည်တည်ငြိမ်သွားခဲ့သည်။

"ခိုး၀င်သူ၄ယောက်က ကျွန်တော်တို့ကို ကစားသမားတွေမှန်းသိသွားရင်တော့ အလုပ်မဖြစ်တော့ဘူး...၄ယောက်လုံးကသန်မာတယ်... တစ်ယောက်ချင်းစီဆိုကိစ္စမရှိပေမယ့် ၂ယောက်စီဆိုရင်တော့ ခက်ခဲလိမ့်မယ်... ၄ယောက်လုံးသာဆို ကျွန်တော်ထွက်ပြေးဖို့ပဲ ကြိုးစားနိုင်မှာ... အဲဒီအလစ်၀င်တိုက်တုန်းကလည်း သူတို့ကသိပ်ယုံကြည်ချက်ရှိနေတာ... ကျွန်တော်ကမစ်စတာBဖြစ်နေရင်တောင် ကျွန်တော့်ကို မျက်လုံးထဲထည့်မထားသလို သူတို့အစွမ်းကုန်လည်း ထုတ်မသုံးခဲ့ဘူး... သူတို့ကျွန်တော်တို့လို ဘောစ့်မျိုးတွေအရင်ကသတ်ဖူးတာသေချာတယ်...ဒါပေမယ့်နောက်တစ်ကြိမ်ကျရင်လည်း သူတို့ပေါ့နေတော့မှာ မဟုတ်ဘူး"

ဖူ၀မ်သော်ကမေးလိုက်သည်။

"ဘယ်သူကအသန်မာဆုံးလဲ"

ထန်မော့တုန့်ဆိုင်းမနေခဲ့ချေ။

"၀က်၀ံညိုကြီးအဖြစ်ပြောင်းနိုင်တဲ့ ကတုံးနဲ့လူပဲ သူကခွန်အားချည်းသက်သက်ဆို ခင်များထက် သန်မာတယ်"

ဖူ၀မ်သော်ကဆိုလာသည်။

"၀က်၀ံညိုတွေက တိရစ္ဆာန်တွေထဲမှာဆို အသန်မာဆုံးထဲမှာပါတယ်"

တိုက်ရည်ခိုက်ရည်များမပါပဲ ခွန်အားချည်းသက်သက်သာလွန်နေသည်။ သူ၏ခွန်အားအလုံအလောက်မရှိပါက ထန်မော့ထိုကတုံးနှင့်လူကို တစ်ချက်ထိုးလိုက်ပါလျှင်တောင် တုန့်ပြန်မည်မဟုတ်ချေ။ ဥပမာ ထန်မော့ထိုကတုံးကြီး၏ လည်ပင်းကို မီးခြစ်ဆံကြီးနှင့် ရိုက်ခဲ့သော်လည်း တဖက်လူမှာ မသေခဲ့ချေ။ သို့သော် တဖက်လူ၏ လက်သီးတစ်ချက်မှာ သူ၏ကိုယ်တွင်အပေါက်ကြီးတစ်ပေါက် ဖြစ်သွားစေနိုင်သည်။

ထန်မော့ခတ္တမျှတွေးတော့ပြီးနောက် သူ၏နှုတ်ခမ်းတို့ကွေးညွတ်လာခဲ့သည်။

"သူတို့ကျွန်တော်တို့ သရုပ်မှန်ကို ခန့်မှန်းမိရင်တောင် ကျန်တဲ့ကစားသမားတွေကိုပြောပြမှာမဟုတ်ဘူး...ဒီဟာကအရမ်းအရေးကြီးတဲ့ သတင်းလေ... ကျွန်တော်ကကစားသမားဆိုတာ သိသွားလို့ သူတို့ပိုပြီး စိတ်အေးသွားတာပဲရှိမှာ"

မျက်မှန်နှင့်လူပြောသလိုပင် ကစားသမားတစ်ဦးမှာ အဘယ်ကြောင့် ထိုမျှသန်မာနိုင်ပါမည်နည်း။ သူတို့မှာ မျှော်စင်ဒုတိယထပ်ကိုသာရှင်းပြီးရုံရှိသေးသည်။ မစ်စတာBကစားသမားဖြစ်နေခြင်းမှာ အနက်ရောင်မျှော်စင်မွန်းစတားတစ်ကောင်ဖြစ်နေသည်ထက် ပို၍ ကောင်းသည်ပင်။ အနည်းဆုံးတော့သူ့တွင် ဘွားဘွား၀ံပုလွေကြီးနှင့် စန်တာကလော့တို့လိုသန်မာမှုမျိုးရှိနေမှာမဟုတ်ချေ။

ဖူ၀မ်သော်မှာ ထန်မော့၏ တည်ငြိမ်သောအပြုံးကိုကြည့်လိုက်သည်။

"သူတို့အတွက် ခက်ခဲနေရင်တောင် ပူးပေါင်းဖို့လူရှာဖို့ခက်မှာပဲ... ကစားသမား၂၁ယောက်ထဲမှာ ခိုး၀င်သူတွေနဲ့ ၅ယောက်အုပ်စုက အသန်မာဆုံးပဲ... အကယ်၍ ခိုး၀င်သူတွေကသာ သူတို့နဲ့ ပူးပေါင်းချင်စိတ်ရှိရင် ကိုယ်တို့လက်ထဲက မွန်းစတားကြီးကိုလာခိုးမယ်ဆိုတာ မဖြစ်နိုင်တာတော့မဟုတ်ဘူး"

"သူတို့ပူးပေါင်းလို့မရဘူး"

ထန်မော့သေချာနေခဲ့သည်။

ဖူ၀မ်သော်ကရယ်လိုက်သည်။

"မင်း အဲဒီအလောင်း၃လောင်းကို နံရံမှာ ချိတ်ခဲ့ပြီးကတည်းက သူတို့ပူးပေါင်းဖို့ မဖြစ်နိုင်တော့ဘူး"

ထန်မော့သူ့ကို အမှန်ပြင်ပေးလိုက်သည်။

"ထန်ချီ ခင်များကသာချိတ်ခဲ့တာပါနော် ကျွန်တော်က ဘေးကပဲကကြည့်နေတာ"

🪩

Prev Next