MM Story Teller

Chapter 129

Viewers 11k

🌍Chapter 129

ကတုံးပြောင်ကြီးက အလျင်အမြန်ပြေးလာလျက် သူမကိုဖမ်းယူလိုက်သည်။ ၂ကြိမ်လောက် လှုပ်ခါလိုက်ပြီးနောက် ဆံပင်တိုအမျိုးသမီးမှာ ပြန်လည်နိုးထလာခဲ့လေသည်။ ကတုံးပြောင်ကြီးကမေးလိုက်သည်။

"ဘာဖြစ်တာလဲ"

ဆံပင်တိုအမျိုးသမီး တဖြည်းဖြည်းပြန်သတိရလာပြီးနောက်အံကိုကြိတ်ကာ ဆိုသည်။

"ရုတ်တရက်ကြီး အိပ်ချင်လာတာ သတိထား သူ့မှာ အိပ်မွေ့ချစွမ်းရည်ရှိတယ်"

ထိုအမျိုးသမီးစကားပြောနေချိန်တွင် လုမျိုးရိုးမှာ ခြေသုတ်တင်ပြေးနှင့်ပြီဖြစ်သည်။

"သူ့ကျည်ဆန်ကိုတော့အိပ်မွေ့ချလို့မရဘူးဟ အန်ချူး ကယ်ပါဦး"

အန်ချူး သူမကိုအဆက်မပြတ်တိုက်ခိုက်နေသော ကောင်ချောလေး၏ အင်းဆက်များကြောင့်မအားလပ်နိုင်ချေ။ သူမ အင်းဆက်များကို ဘိုးမရင်းနှင့် အဆက်မပြတ်ရိုက်ထုတ်နေရသည်။ ထိုငွေရောင်ကျည်ဆန်မှာ လုမျိုးရိုး၏ခေါင်းကိုဖောက်၀င်တော့မည်ကိုမြင်လျှင် သူမအံကိုကြိတ်လျက် ခြေဆောင့်လိုက်မိသည်။ အနက်ရောင်ဘိုးမရင်းတစ်ခုက သုမ၏လက်ထဲတွင်ပေါ်လာခဲ့ပြီး သူမ၄င်းကို ဝေ့ယမ်းလိုက်သည်။

သူမ၏အလျင်က လုံလောက်အောင်မလျင်မြန်လှသော်လည်း ထိုကျည်ဆံမှာ လုမျိုးရိုး၏ခေါင်းကို ဖောက်၀င်ခါနီးတွင် အနက်ရောင်ဖဲချပ်တစ်ခုက ထိုကျည်ဆံကိုရိုက်ထုတ်ပစ်လိုက်ပြီး မြေကြီးပေါ် ပြုတ်ကျသွားစေသည်။

ကျည်ဆံသည် မြေကြီးပေါ်တွင် ခတ္တမျှတုန်နေသေးသော်လည်း အဆုံးတွင် ရပ်တန့်သွားခဲ့လေသည်။

ဆင်ခြေဖုံးအနီးတွင် ကောင်းကင်ပေါ်မှ မီးပန်း၄ခုပြုတ်ကျလာပြီး အန်ချူးဘေးတွင် ၀ိုင်းအုံနေသော အင်းဆက်များကို လောင်းကျွမ်းသွားစေသည်။ တစ်ချိန်တည်းမှာပင် သက်လတ်ပိုင်းလူကြီးက လုမျိုးရိုးထံပြေး၀င်လာသော ဓါးများကို တားဆီးထားလိုက်သည်။

အန်ချူးနှင့် လုမျိုးရိုးတို့မှာ အဆုံးတွင် အသက်ရှူချိန်ရရှိသွားခဲ့သည်။ တဖက်မှာတော့သူတို့၏ ယာယီအသင်းဖော်၂ဦးမှာ ဒဏ်ရာများဖြင့် လဲကျနေခဲ့လေသည်။ မျက်မှန်နှင့်လူက အသင်းဖော်၄ဦးနှင့်အတူ တဲထဲမှ ထွက်လာခဲ့သည်။ သူတို့သည် မွန်းစတားကြီးရှိရာနေရာမှ ထွက်လာခြင်းဖြစ်သည်။

လုမျိုးရိုး အံ့သြသွားလျက် မျက်မှန်နှင့် အမျိုးသားကို ကြည့်လိုက်မိသည်။

လင်းရီကဆိုလိုက်သည်။

"ခေါင်းဆောင် ဒီလေးယောက်က ဂိမ်းထဲနောက်ဆုံးကျန်တဲ့သူတွေဖြစ်လောက်တယ်... ကျန်တဲ့သူတွေကဒီခိုး၀င်သူတွေသတ်တာခံလိုက်ရပြီထင်တယ်...ခေါင်းဆောင်ရဲ့ အစီအစဥ်အတိုင်းလုပ်ကြတော့မလား"

လူအ်ုကြီးလီကအရွှန်းဖောက်လိုက်သည်။

"ခေါင်းဆောင်အစီအစဥ်မဟုတ်ပါဘူး မစ်စတာ Aနဲ့ ဘီရဲ့ အကြံပါ"

လုမျိုးရိုးလူငယ်က မျက်မှန်နှင့်လူ၏ အသင်းဖော်၅ဦးကို အံ့အားသင့်လျက်ကြည့်နေဆဲပင်။ ထိုသူကအန်ချူးနှင့် လုမျိုးရိုးကိုမိမိတို့ဘက်ဆီဆွဲခေါ်လျက် မနီးမဝေးမှ ခိုး၀င်သူ၄ဦးကို စိုက်ကြည့်လိုက်သည်။

"ဒီခိုး၀င်သူတွေကိုမရှင်းပစ်ရင် ဂိမ်းကိုရှေ့ဆက်လို့မရဘူး... ဒါကြောင့်ငါတို့က မစ်စတာAနဲ့Bရဲ့ အကြံအတိုင်းလိုက်နေတာမဟုတ်ဘူး...ငါ့အကြံဆိုလည်း ဟုတ်တယ်"

ကတုံးပြောင်ကြီးက အခြေအနေမဟန်သည်ကို မြင်လျှင် လှည့်ကာပြေးတော့သည်။

"သွားတော့"

သို့သော် ၄င်းကိုဆိုလိုက်စဥ်မှာ ပင် သူ၏ခြေထောက်အောက်မှ ဘုန်းခနဲအသံကျယ်ကြီးကိုကြားလိုက်ရလေသည်။

သူ၏ခြေထောက်အောက်မှ အစွန်ဆုံးကောင်ချောလေး၏ ခြေထောက်အောက်အထိ တစ်ခုခုကပေါက်ကွဲသွားလျက် သူတို့၏ရှေ့တွင် ပန်းရောင်ကောင်းကင်တစ်ခုပေါ်လာသည့်နှယ်။ သူတို့ပြန်လည်သတိ၀င်လာသော် သူတို့၏ခြေထောက်များပေါ် စေးကပ်သော ပန်းရောင်အရာများက မြေကြီးနှင့်မခွာနိုင်အောင် ဆွဲကပ်ထားသည်ကို တွေ့လိုက်ရတော့သည်။

ထိုပန်းရောင်အရာမှာ ပီကေတစ်ခုနှယ်။ ကတုံးပြောင်ကြီး၏ ခြေတစ်ဖက်မှ ကပ်နေပြီး ဆံပင်တိုအမျိုးသမီးနှင့် သက်လတ်ပိုင်းလူကြီးတို့မှာလည်း ခြေတစ်ဖက်စီ ကပ်နေခဲ့သည်။ ကောင်ချောလေးမှာ အဆိုးဆုံးဖြစ်ကာ ခြေ၂ဖက်လုံးကပ်နေခဲ့လေသည်။ သူတို့မှာ ကြိုးစားပြီး ခြေထောက်ကို မြှောက်နေပါသော်လည်း မရခဲ့ချေ။

ရယ်မောသံတစ်ခုက အဝေးမှ ထွက်ပေါ်လာခဲ့သည်။

"ဆွဲခွာလို့မရတဲ့ စတော်ဘယ်ရီ ပီကေလေ... မင်းတို့တွေ ခွာကြည့်နေလဲမထူးဘူးနော်"

ခိုး၀င်သူ၄ဦး အလျင်အမြန်မော့ကြည့်လာကြသည်။ နံရံကိုမှီနေသော သူဖုန်းစားတစ်ဦးကိုတွေ့သည်နှင့် ကောင်ချောလေးမှာ အော်ဟစ်လာခဲ့သည်။

"ခင်များကို သတ်ပစ်မယ်"

[ပစ္စည်း : ဆွဲခွာလို့မရတဲ့ စတော်ဘယ်ရီပီကေ]

[ပိုင်ရှင်: ထန်မော့]

[အရည်အသွေး :ထူးရှယ်]

[အဆင့်: ၂]

[တိုက်ခိုက်မှု: မရှိ]

[အသုံးပြုပုံ: ပီကေကိုဆွဲခွာလို့မရပါ အကပ်ခံရသောအရာကို မြေဆွဲအားထက် အဆ၂၀ပြင်းသော ဆွဲအားဖြင့် ဆွဲကပ်ထားနိုင်သည်]

[ကန့်သတ်ချက်: ကုန်ဆုံးနိုင်သော ပစ္စည်း၊ အနံ့အလွန့်အလွန်ဆိုးရွား၊ အသုံးပြုသူသာ အနံ့ရနိုင်]

[မှတ်ချက်: ထန်မော့တစ်ယောက် မာရီယိုဦးထုပ်ကို သုံးပြီး ဒီပီကေကိုရခဲ့တုန်းက မာရီယိုဦးထုပ်ကပဲပိုနံတာလား ဒီပီကေကပဲ ပိုနံတာလားဆိုတာစဥ်းစားရခက်နေမှာပဲ၊ ဒါမှမဟုတ် နံနေတာက ထန်မော့ပဲဖြစ်ချင်ဖြစ်နေမှာပေါ့၊ ဘယ်လိုပဲဖြစ်ဖြစ် အနံ့ကအတူတူပဲလေ]

ခိုး၀င်သူများကို ပီကေနှင့် ဖမ်းချုပ်ထားခြင်းမှာ ထန်မော့ကြိုတင်ပြင်ဆင်ထားသော အရံအကြံ ဖြစ်လေသည်။ သို့သော် သူသည်ထိုလူ၄ဦး၏ ခြေထောက်များထံ ပီကေကို အတိအကျပစ်မိရန်ရော ထိုလူများကို ချုပ်ထားနိုင်ရန်ကိုပါ မသေချာခဲ့ချေ။ ကံကောင်းစွာဖြင့် သူအောင်မြင်ခဲ့သည်။ သို့သော် ထိုခိုး၀င်သူများထဲမှ ၃ယောက်က အဝေးတိုက်ခိုက်နိုင်စွမ်းများရှိနေခဲ့လေသည်။

ငယ်ရွယ်သောကောင်ချောလေးက ဒေါသတကြီးဟိန်းဟောက်လျက် လက်ကိုဝေ့ယမ်းလိုက်လျှင် သူ၏အင်္ကျီလက်ထဲမှာ အင်းဆက်ထောင်ပေါင်းများစွာ ထွက်လာခဲ့လေသည်။ များပြားလှသော အင်းဆက်များ ထန်မော့ထံပြေး၀င်လာခဲ့သည်။ တစ်ချိန်ထဲတွင် သက်လတ်ပိုင်းအရွယ်လူကြီးက ဓါးတိုများကိုပစ်လွှတ်လာခဲ့ပြီး ဆံပင်တိုအမျိုးသမီးကလည်း ပစ္စတိုကိုချိန်ရွယ်လျက် ကျည်ဆံ၃ခုကို ပစ်လွှတ်လာခဲ့သည်။

“Checkmate, Checkmate, Checkmate”

ဘန်း ဘန်း ဘန်း

ကျည်ဆံသုံးခုမှာ ထန်မော့၏ခေါင်းထံပြေး၀င်လာခဲ့ပြီး ဆက်တိုက်ဆိုသလို ရှောင်ရှားလိုက်ရသည်။ ထို့နောက်သူက မျက်မှန်နှင့် ယောကျာ်းကိုကြည့်လိုက်လေသည်။ မျက်မှန်နှင့် ယောကျာ်းမှာ မျက်မှန်အားအသာပင့်တင်လျက် ဆိုလိုက်သည်။

"သူတို့ကိုအရင်သတ်"

ဤသည်မှာ ထန်မော့နှင့် ၅ယောက်အဖွဲ့ပူးပေါင်းရခြင်း၏ ဒုတိယအကြောင်းအရင်းဖြစ်သည်။

အရေးအကြီးဆုံးအချက်မှာ ဤ၅ယောက်အား ခိုး၀င်သူများနှင့် မပူးပေါင်းမိစေရန်ပင်။ သို့တည်းမဟုတ်ပါက ထန်မော့နှင့် ဖူ၀မ်သော်အတွက် အနိုင်ရရှိရန်အလွန်ခက်ခဲသွားမည်ပင်။ ဒုတိယရည်ရွယ်ချက်မှာမူ အတူတကွပူးပေါင်း၍ ဤခိုး၀င်သူအုပ်စုကို ရှင်းပစ်ရန်ဖြစ်သည်။

မျက်မှန်နှင့်လူက လှုပ်ရှားလိုက်သည်နှင့် မြေကြီးပေါ်စိုက်နေသော ဖဲချပ်များမှာ သူ၏လက်တွင်းသို့ပြန်ရောက်လာခဲ့သည်။

အစ်ကိုဟောင်က ဟိန်းဟောက်လျက် ပီကေတွင်ကပ်ကာမလှုပ်ရှားနိုင်သော ကတုံးပြောင်ကြီးထဲံပြေး၀င်သွားခဲ့သည်။ သန်မာသောကစားသမား၂ဦး ထိပ်တိုက်တွေ့သွားကြပြီးနောက် ကျန်ကစားသမားများမှာလည်း ကျန်ခိုး၀င်သူများကို ရှင်းရန် ပြေး၀င်လာခဲ့ကြသည်။

အစ်ကိုဟောင်၏ စွမ်းရည်မှာမသိသာလှချေ။ သူ၏ခန္ဓာကိုယ်ပုံစံကပြောင်းလဲမသွားသလို မည်သည့်လက်နက်ကိုမျှလည်း အသုံးမပြုခဲ့။ သိူ့သော်သူ့တွင် ခွန်အားတိုးမြှင့်ခြင်း စွမ်းရည်မျိုးရှိပုံရသည်။ သူကကတုံးပြောင်ကြီးနှင့် တိုက်ရိုက်ရင်ဆိုင်ရန် ပြေး၀င်သွားခဲ့သည်။ ကတုံးပြောင်ကြီး၏ ညာခြေထောက်မှာ ပီကေတွင် ကပ်ညိနေသည့်အတွက် အစပိုင်းတွင် အစ်ကိုဟောင်မှာ အသာစီးရနေခဲ့လေသည်။ သို့သော် မကြာခင်မှာပင် အစ်ကိုဟောင်မှာ လက်သီးတစ်ချက်ကြောင့် သွေးများအန်လျက် လဲကျသွားခဲ့သည်။

နောက်တစ်စက္ကန့်တွင် ကတုံးပြောင်ကြီးက ကောင်းကင်ကိုကြည့်ကာ ဟိန်းဟောက်လိုက်လေသည်။ သူကိုယ်ပေါ်မှ အညိုရောင်အမွှေးအမျှင်များမှာ ပို၍ထူထဲလာခဲ့လေသည်။ ထိုအမွှေးအမျှင်များ သူ၏တစ်ကိုယ်လုံးကို ဖုံးလွှမ်းသွားသည်နှင့် သူ၏ခါးမှာ မြေကြီးပေါ်သို့ကိုင်းလာခဲ့ပြီး သူ၏မျက်နှာမှာလည်း တဖြည်းဖြည်းပြောင်းလဲလာခဲ့လေသည်။ သူ၏ပါးစပ်မှာ တဖြည်းဖြည်းကျယ်လာပြီး မျက်နှာမှာ ၀က်၀ံညိုတစ်ကောင်အဖြစ်အသွင်ပြောင်းလဲလာခဲ့လေသည်။

လုမျိုးရိုး အော်ဟစ်လိုက်သည်။

"မကောင်းတော့ဘူး"

ကစားသမားများမှာ ထိုလူအားရှောင်ရှားလိုက်ကြပြီး သူ၏အသင်းဖော်၃ဦးပင်လျှင် မျက်နှာများပျက်ယွင်းသွားခဲ့ကြသည်။ သူတို့မှာ ထွက်ပြေးချင်သော်လည်း ၄င်းတို့၏ခြေထောက်များမှာ ပီကေနှင့် ခိုင်မြဲစွာ စွဲကပ်နေကြလေသည်။

မကြာခင်မှာပင် ထိုလူမှာ ၀က်၀ံညိုကြီးအဖြစ်လုံး၀ပြောင်းလဲသွားခဲ့ပြီး ရင်ဘတ်ကိုထုလျက် မြေဆွဲအားထက် အဆ၂၀ပိုသန်မာသော ဆွဲအားကိုအံတုလျက် သူ၏ခြေထောက်ကို ပီကေထံမှ ဆွဲခွာနိုင်လိုက်လေသည်။ သူလုံး၀လွတ်မြောက်သွားသည်နှင့် မြေပေါ်တွင်လဲကျနေသော အစ်ကိုဟောင်အား ကြည့်လျက် ပြေး၀င်လာတော့သည်။

လင်းရီ အစ်ကိုဟောင်ကိုကယ်တင်ရန် အမြန်ဆုံးလှုပ်ရှားခဲ့ပါသော်လည်း သူမ၏ပုခုံးမှ အသားစတစ်ဖက်သာ ၀က်၀ံကြီးထံမှ ဆုတ်ဖြဲခံလိုက်ရလေသည်။

၀က်၀ံညိုကြီးက ပြုံးနေသော ထန်မော့ကိုကြည့်လျက် ဟိန်းဟောက်လိုက်သည်။ ကောင်ချောလေး၏ အင်းဆက်များနှင့် ဆံပင်တိုအမျိုးသမီး၏ ကျည်ဆံများကို ဖြေရှင်းရန်အတွက် ထန်မော့ သူ၏တစ်နေ့တစ်ကြိမ်သုံးနိုင်သော စွမ်းရည်အများစုကို အသုံးပြုပြီးဖြစ်လေသည်။

ဤလက်ရှိ၀က်၀ံညိုကြီးမှာ အလွန်အန္တရာယ်များကြောင်း ခံစားလိုက်ရသည်။ ထို့အပြင် သူသည်ထို၀က်၀ံညိုကြီး၏ ပြိုင်ဘက်မဟုတ်သည်ကိုလည်း ခံစားလိုက်ရလေသည်။

ထန်မော့ထွက်ပြေးရန်တွန့်ဆုတ်မနေခဲ့ချေ။ ၀က်၀ံညိုကြီးမှာလည်း သူ့နောက်မှပြေးလိုက်လာခဲ့သည်။

လင်းရီကရှေ့သို့ထွက်လာခဲ့သည်။

"ခေါင်းဆောင် သူတို့..."

မျက်မှန်နှင့်လူ သူမကိုတားလိုက်ပြီး သူ၏မျက်လုံးများကျဥ်းမြောင်းသွားခဲ့သည်။

"သူကဘုရင့်ရွှေဒင်္ဂါးပဲလေ"

လင်းရီဆက်မပြောတော့ချေ။

ခိုး၀င်သူများကိုရှင်းပစ်ရန် အစီအစဥ်ကိုလည်း ရပ်မပစ်ခဲ့ပဲ သူကကျန်ရစ်သည့် ခိုး၀င်သူ၃ဦးထံ ထပ်မံဦးတည်လိုက်ကြသည်။ သူကမစ်စတာBကိုသာ ကယ်တင်ရန် ဆန္ဒမရှိခြင်းပင်။ မစ်စတာBသေဆုံးသွားလျှင်လည်း သူ့တွင်ဆုံးရှုံးစရာမရှိချေ။ ထိုကတုံးပြောင်ကြီးထံမှ ဘုရင့်ရွှေဒင်္ဂါးကိုပင် လုယူလို့ရကောင်းရနိုင်သေးသည်။

အနက်ရောင်အင်းဆက်များနှင့် ငွေရောင်ဓါးများမှာ

မိုးစက်များနှယ် ကျန်ကစားသမားများထံရောက်ရှိလာကြသည်။ ထိုတိုက်ခိုက်ပွဲမပြီးခင်မှာပင် ကစားသမားများနောက်ရှိ ကျောက်တုံးအိမ်ထံမှ ကျယ်လောင်သောအသံတစ်ခုကို ကြားလိုက်ရလေသည်။ ထို့နောက် မစ်စတာB ထိုအိမ်ထဲမှ ပြေးထွက်လာပြီး သူ၏နောက်မှ ၀က်၀ံညိုကြီးကပြေးလိုက်လာသည်ကို တွေ့လိုက်ရလေသည်။ ထို၀က်၀ံညိုကြီးက ခုန်ပြီးလှမ်းကုတ်လိုက်စဥ်တွင် ထူးဆန်းသော ငွေရောင်သံချပ်ကာကို၀တ်ဆင်ထားသည့် စစ်သည်တော်တစ်ဦးက ရုတ်တရက်ပေါ်လာပြီး ၀က်၀ံညိုကြီး၏ လက်သည်းများကို တားဆီးလာခဲ့သည်။

ဖူ၀မ်သော်သည် ဤ၀က်၀ံညိုက အလွန်သန်မာမည်ဟု မျှော်လင့်မထားခဲ့ချေ။ ထန်မော့အစား ထိုလက်သည်းကို တားဆီးလိုက်ပြီးနောက် သူ၏ကိုယ်မှာ ကျောက်တုံးကြီးတစ်ခုဆီ လွင့်ထွက်သွားခဲ့သည်။

သူ၏ကိုယ်ပေါ်မှ သံချပ်ကာမှာလည်း ပွင့်ထွက်သွားခဲ့လေသည်။ ဖူ၀မ်သော် ထရပ်လျက် ထန်မော့အားကြည့်လိုက်သည်။ ထို့နောက် သတင်းအမှန်ကိုမပေးခဲ့သည့် သူ၏အသင်းဖော်ကို အပြစ်တင်လိုက်သည်။

"ဗစ်တာမင်းပြောတော့သူကအရမ်းသန်မာတယ်ဆို ဒါပေမယ့်ဒီလောက်ထိ သန်မာမယ်လို့ကျမပြောခဲ့ဘူး"

ဤ၀က်၀ံညိုကြီးမှာ သူ့ထက် အလွန်သန်မာလွန်းနေသည်။

ထန်မော့ တစ်ချိန်လုံး၀က်၀ံညိုကြီးထံမှပြေးလွှားနေခဲ့ရပြီး ယခုမှသာ ဖူ၀မ်သော်ထံမှ အကူအညီကို ရခဲ့ခြင်းဖြစ်သည်။ သူကလျင်မြန်စွာ ရှင်းပြလာခဲ့သည်။

"ငါတွေ့ခဲ့တုန်းက သူကဒီလို အပြည့်အ၀ပုံစံ မပြောင်းရသေးဘူးလေ"

ကတုံးပြောင်ကြီးက ၀က်၀ံညိုကြီးအဖြစ်ပြောင်းလဲသွားပြီးနောက် လုံး၀စိတ်လွတ်သွားပုံပေါ်လေသည်။ သူ၏အနီရောင်မျက်လုံးများမှာ ထန်မော့နှင့် ဖူ၀မ်သော်အား စိုက်ကြည့်နေခဲ့သည်။ သူကတွေးတောလိုက်ပုံဖြင့် ဖူ၀မ်သော်ထံပြေး၀င်သွားခဲ့သည်။ ဤလူအား ပို၍သတိထားရမည်ကိုလည်း မမေ့လျော့ချေ။ ဖူ၀မ်သော်မှာ ရှောင်ရှားလိုက်ပြီး ၀က်၀ံကြီး၏ လက်သည်းချက်ကြောင့် မြေကြီးတွင် ကြီးမားသော အပေါက်ကြီးတစ်ခုဖြစ်သွားစေသည်။

၀က်၀ံညိုကြီးမှာ ခုန်ထွက်လျက် ဖူ၀မ်သော်နောက်မှ ပြေးလိုက်သွားခဲ့သည်။

လူတစ်ယောက်နှင့် ၀က်၀ံတစ်ကောင်မှာ ထိပ်တိုက်တွေ့လျက် ကျယ်လောင်သော အသံများကို ထွက်ပေါ်လာစေသည်။ ကြီးမားသော လက်သည်းချက်ကြီးက ကျဆင်းလာပြီး ဖူ၀မ်သော်အား မြေကြီးပေါ် လွင့်ထွက်သွားစေသည်။ ဖူ၀မ်သော် ချက်ချင်းမြေကြီးပေါ်လှိမ့်၍ နောက်ထပ်သန်မာသော တိုက်ကွက်ကို ရှောင်ရှားလိုက်သည်။ သို့သော် ဤသံချပ်ကာတွင်ကား အလယ်တွင် အပေါက်ကြီးရှိနေခဲ့လေသည်။ ဖူ၀မ်သော်ထရပ်လျက် အဝေးတွင်အသက်ကိုပြင်းပြင်းရှူနေသော ၀က်၀ံကြီးကိုကြည့်လိုက်သည်။

ဤသည်မှာ အန္တရာယ်များသော ရန်သူပင်ဖြစ်သည်။

သူသည် အနက်ရောင်မျှော်စင်ထံမှာ တရား၀င်၂ကြိမ်တိဆိကြေညာခံရသည့် အနက်ရောင်မျှော်စင်၏ ပထမထပ်နှင့် ဒုတိယထပ်တို့ကို ပထမဆုံးရှင်းလင်းခဲ့သူလည်းဖြစ်သည်။ သူက တရုတ်ပြည်၏ ထိပ်ဆုံးကစားသမားဖြစ်သော်လည်း ၄င်းမှာ သူကတရုတ်၏ကျန်ကစားသမားများအားလုံးကို အနိုင်ယူနိုင်သည်ဟု မဆိုလိုချေ၊ သူသည်ထန်မော့မှာ အလွန်လျို့၀ှက်သူဖြစ်ပြီး တချို့အရာများကို ဖုံးကွယ်ထားသည်ကို သိသည်။

ထို့ပြင် ပေကျင်းတွင်လည်း ခိုး၀င်သူအဖွဲ့အစည်း၏ ခေါင်းဆောင်တစ်ဦးရှိသေးသည်။ ထိုလူ၂ဦးနှင့် တိုက်ခိုက်ရမည်ဆိုပါက သူ၏နိုင်နိုင်ချေမှာ ၇၀ရာခိုင်နှုန်းမျှသာ သေချာလေသည်။

ဖူ၀မ်သော် သတ္တ၀ါကြီးကိုကြည့်လျက် သူ၏ လက်ကောက်၀တ်ကိုလှည့်လိုက်သည်။ ထို့နောက် ငွေရောင်သံချပ်ကာက သူ၏ကိုယ်ပေါ်မှ ကျွတ်ကျလာခဲ့သည်။ ထိုသံချပ်ကာမှာ ၀က်၀ံကြီးနှင့် တိုက်ခိုက်နေစဥ်ကပင် ပျက်စီးနှင့်ပြီးဖြစ်သော်လည်း ကိုယ်ပေါ်မှ ပြုတ်မကျခဲ့သေးချေ။ ဖူ၀မ်သော်မှာ ထိုသံချပ်ကာကို အလွယ်တကူချွတ်ချလိုက်ပြီးနောက် သူ၏ခေါင်းဆောင်းကို ထိလိုက်သည်။

ဖူ၀မ်သော်ခေါင်းဆောင်းကို ဖြည်းညင်းစွာ ချွတ်လိုက်သည်။

ထန်မော့သည် ဖူ၀မ်သော်က သူ့ကိုယ်သူဖော်ပြတော့မည်ထင်၍ တုန်လှုပ်သွားမိသည်။ သို့သော် မမျှော်လင့်ထားမ်သည်မှာ ထိုခေါင်းဆောင်းအောက်တွင် ထန်မော့နှင့်ဆင်တူ မီးခိုးရောင်မျက်နှာကာတစ်ခု၀တ်ဆင်ထားပြီး မျက်လုံးများကိုသာ ဖော်ပြထားခဲ့သည်။

အနက်ရောင်ကုတ်အင်္ကျီရှည်ကို ၀တ်ဆင်ထားသော ဖူ၀မ်သော် ၀က်၀ံညိုကြီးကို အေးစက်စွာကြည့်လိုက်သည်။ သူ၏နှုတ်ခမ်းတို့တွန့်ကွေးသွားလျက်

"ဒီလိုဆိုတော့ ပိုအဆင်ပြေသွားတာပေါ့"

ထို့နောက်သူ၏ညာလက်ကို ဝေ့ယမ်းလိုက်လျှင် အနက်ရောင်ဒုချွန်သဏ္ဍာန်တစ်ခုပေါ်လာခဲ့လေသည်။ စက္ကန့်ပိုင်းအတွင်းတွင် ဖူ၀မ်သော် ပျောက်ကွယ်သွားပြီး ၀က်၀ံညိုကြီး၏ ဘေးတွင်ပြန်ပေါ်လာခဲ့သည်။ သူကထိုဒုချွန်လက်နက်ဖြင့် ၀က်၀ံညိုကြီး၏ ခေါင်းကို ထိုးချလိုက်လေသည်။

၀က်၀ံညိုကြီးမှာ နောက်ပြန်လဲကျသွားခဲ့လေသည်။

ထိုအနက်ရောင်ဒုချွန်လက်နက်မှာ ၀က်၀ံညိုကြီး၏ ခေါင်းကိုထိသွားစဥ် မီးပွားများ လွင့်စင်ထွက်လာခဲ့သည်။ အနီရောင်သွေးစက်တချို့ ၀က်၀ံညိုကြီး၏ မျက်လုံးများထံမှ စီးကျလာခဲ့သည်။ ၀က်၀ံညိုကြီးက ကြောက်မက်ဖွယ် ဟိန်းသံကြီးကို ပြုလုပ်လာခဲ့လျှင် ဖူ၀မ်သော်မှာ ရန်သူကို အထင်မသေး၀ံ့ပဲ ထို၀က်၀ံညိုကြီးအား တုန့်ပြန်ချက်မရစေပဲ တိုက်ရိုက် တိုက်ခိုက်လိုက်လေသည်။

သန်မာသောအမျိုးသားက ၀က်၀ံငတုံးအား ထောင့်ပေါင်းစုံမှ တိုက်ခိုက်နေခဲ့သည်။ ကတုံးပြောင်ကြီးမှာ ဖူ၀မ်သော် ၏ အလွန်လျင်မြန်လှသော အရှိန်ကြောင့်ရှုပ်ထွေးနေခဲ့လေသည်။ သူလက်သည်းများကိုလွှဲလိုက်ချိန်တိုင်း ဖူ၀မ်သော်က ပျောက်ကွယ်သွားနှင့်ပြီးဖြစ်လေသည်။ သူကဒေါသတကြီးဟိန်းဟောက်လိုက်သော်လည်း သူ၏အပေါ်ယံ အရေပြားမှာ အလွန်မာကြောနေဆဲပင်။ ဖူ၀မ်သော် ၄င်းအား ဆက်တိုက် တိုက်ခိုက်နေပါသော်လည်း ဒဏ်ရာကြီးကြီးမားမား မရသေးချေ။

ဖူ၀မ်သော်ရောက်လာသည်နှင့် ထန်မော့သည် လှည့်ပင်မကြည့်တော့ပဲ ၀က်၀ံညိုကြီးအား ဖူ၀မ်သော်ထံ လုံး၀လွှဲထားလိုက်လေသည်။

ဖူ၀မ်သော်က ဤသန်မာလှသော၀က်၀ံညိုကြီးကို ထိန်းထားနိုင်ကြောင်း အပြည့်အ၀ယုံကြည်လေသည်။ ထို့နောက်သူကိုယ်တိုင်ကတော့ အင်းဆက်များကို ထိန်းချုပ်နေသော ဆယ်ကျော်သက်ကောင်ချောလေးဆီ ဦးတည်လိုက်သည်။

ထိုဆယ်ကျော်သက်ကောင်ချောလေး၏ စွမ်းရည်မှာ ခိုး၀င်သူ၄ဦးထဲတွင် အသန်မာဆုံးဖြစ်သည်။ သူ၏ခွန်အားကအသန်မာဆုံးမဟုတ်သော်လည်း ထိုအင်းဆက်များမှာ အလွန် ဖြေရှင်းရန်ခက်ခဲလှသည်။ ထန်မော့မီးခြစ်ဆံကြီးကိုဝေ့ယမ်းလျက် သူ၏ရှေ့မှ အင်းဆက်များကို တားဆီးလိုက်သည်။

သူကမျက်မှန်နှင့်လူဆီ အမြန်ပြေးသွားခဲ့သည်။ လူ၂ဦးမှာတစ်ဦးကိုတစ်ဦးကြည့်လျက် ခေါင်းညိတ်လိုက်သည်။

မျက်မှန်နှင့်လူ၏လက်ထဲမှ အနက်ရောင်ဖဲချပ်၃ချပ် လွင့်ထွက်လာခဲ့လေသည်။ ထိုဖဲချပ်များမှာ မိုးကြိုးသွားများနှယ် ထန်မော့အားတိုက်ခိုက်နေသော အင်းဆက်မှန်သမျှကို ရိုက်ချပစ်ခဲ့သည်။

ထန်မော့ ထိုဆယ်ကျော်သက်ကောင်ချောလေးဆီ တိုက်ရိုက်ပြေး၀င်သွားခဲ့သည်။

ထိုကောင်လေးမှာ တမဟုတ်ချင်း ဖြူလျော်သွားခဲ့လေသည်။ သူသည်အချိန်တိုင်း သူ၏အသင်းဖော်များ၏ နောက်တွင် ပုန်းအောင်းနေပြီး တိုက်ခိုက်နေကြဖြစ်ကာ လူများက သူ့အနားသို့မရောက်နိုင်ခင် သေဆုံးသွားကြရသည်။ သူ၏ စွမ်းရည်မှာ ထိပ်တိုက်ရင်ဆိုင်ရသော စွမ်းရည်မျိုးမဟုတ်ချေ။ ထန်မော့အနားသို့ရောက်လာသည်နှင့် သူချက်ချင်းအင်းဆက်များကိုပြန်ခေါ်လိုက်ပြီး သူ၏တစ်ကိုယ်လုံးကို သံချပ်ကာနှယ် ဖုံးအုပ်သွားစေခဲ့သည်။

🪩

Prev Next