MM Story Teller

အပိုင်း ၃၆

Viewers 23k

ချွန်းဟွာတောင်ကို ဇန်နဝါရီလ ၁၂ ရက်နေ့တွင် စတင်ထုတ်လွှင့်ခဲ့ပြီး တစ်ချိန်တည်းတွင်ပင် ကြယ်ပွင့်များစွာပါဝင်ထားသော "တရုတ်ပြည်သူ့သမ္မတနိုင်ငံ၏စုံထောက်" ရုပ်ရှင်သည်လည်း ထုတ်လွှင့်ပြသခဲ့သည်။ ချွန်းဟွာတောင်၏ ရုံဝင်ကြေးမှာ သန်းနှစ်ဆယ်သာဖြစ်သည်။

ချွန်းဟွာတောင် ထုတ်လွှင့်သည့် ဒုတိယမြောက်နေ့ ဇန်နဝါရီလ ၁၃ ရက်နေ့တွင်တော့ ရုံဝင်ကြေးက တစ်ဖြေးဖြေး မြင့်တက်လာခဲ့သည်။

ဇန်နဝါရီလ ၁၄ ရက်နေ့တွင်တော့ ချွန်းဟွာတောင်၏ ရုံဝင်ကြေးမှာ သန်းတစ်ရာအထိ ဖြစ်လာခဲ့သည်။

ဇန်နဝါရီလ ၁၅ ရက်နေ့တွင်တော့ ချွန်းဟွာတောင်သည် လူထုပါးစပ်ဖျားတွင် အပြတ်အသတ်ရေပန်းစားလာကာ ထိုနေ့တွင် ရုံဝင်ကြေး သန်းနှစ်ရာကျော်ရခဲ့သော "တရုတ်ပြည်သူ့သမ္မတနိုင်ငံ၏ စုံထောက်" ရုပ်ရှင်ကို တိုက်ဖျက်ခဲ့သည်။

ဇန်နဝါရီလ ၁၆ ရက်နေ့တွင် ချွန်းဟွာတောင်၏ ရုံဝင်‌ကြေးမှာ တရိပ်ရိပ်ထိုးတက်လာသည်။

........

ဒါရိုက်တာကျောက်ကျင်ကပဲ ရေတပ်ငှားထားလေသလား ပရိသတ်တွေကပဲ သူတို့ရဲ့ ခံစားချက်တွေကို ပွင့်ပွင့်လင်းလင်း ထုတ်ပြလာသောကြောင့်လားတော့မသိ။ ဝေ့ပေါ်၏ဖိုရမ်တိုင်းက ချွန်းဟွာတောင်ကို ဂန္တဝင်ရုပ်ရှင်အဖြစ် သတ်မှတ်ရေးအတွက် အားသွန်ခွန်စိုက် မဲဆွယ်နေကြသည်။

ထိုအချိန်အတွင်း ဒါရိုက်တာကျောက်ကျင်သည် အဓိက ရသစုံရှိုးများတွင် မကြာခဏ ပါဝင်ကာ သူ ချွန်းဟွာတောင်ကို ရိုက်စဉ်က အခက်အခဲများနှင့် မထုတ်လွှင့်မှီမှာပင် သရုပ်ဆောင်အချို့က သူ့အား ခြိမ်းခြောက်ငွေညှစ်သည်ကို ခံရပြီး အခြားသူများက ထိုရုပ်ရှင်မှာ သူကိုယ်တိုင်ရိုက်ခြင်းမဟုတ်ဟု ပြောဆိုသည်ကိုလည်း ခံခဲ့ရကြောင်း လူထုထံ ဖွင့်ဟလာသည်။ ထိုသို့ အခက်အခဲများကြောင့် သူ့မှာ ‌ဆံပင်ကျွတ်ကာ အခုတွင် မြေထဲပင်လယ်သားပင် ဖြစ်လာတော့သည်ဟု ဟာသနှောကာ ပြောလိုက်သည်။ အစီအစဉ်တင်ဆက်သူက ထိုသရုပ်ဆောင်မှာ မည်သူလဲဟု မေးမြန်းချိန်တွင်တော့ သူ့အနာဂတ်ကို မဖျက်ဆီးချင်ဟုသာ ခပ်ပြုံးပြုံး ‌ဖြေလိုက်သည်။ အစီအစဉ်တင်ဆက်သူက သူ၏ သဘောထားကြီးမှုကိုပင် ချီးကျူးလိုက်သေးသည်။

ပွဲအပြီးတွင် ကျောက်ကျင်က သူ့တွင် အခွင့်အရေးရှိလျှင် ချွန်းဟွာတောင်၏ နောက်ဆက်တွဲကို ရိုက်လိုပြီး ပရိသတ်များက အားပေးရန်လည်း မျှော်လင့်ကြောင်း ပြောလိုက်သေးသည်။

ဒီလိုအရှက်မရှိ မျက်နှာပြောင်တိုက်တဲ့သူမျိုးကတော့ ကမ္ဘာပတ်ရှာတောင် တွေ့မှာမဟုတ်ဘူး

ဖုကျန်းမှာ အလွန်တည်ငြိမ်နေသည်။ ထိုအခိုက်အတန့်တွင် ကျောက်ကျင် ဟိုဟိုဒီဒီ ခုန်ပျံနေသည်ကိုသာ ကြည့်နေပြီး အရေးယူရန် မလုပ်ခဲ့။ ရုပ်ရှင်ရိုက်သူမှာ သူဖြစ်ကြောင်း မဖော်ထုတ်လိုသည့်အတွက် သိမ်းဆည်းထားသော သက်သေများကို တည်းဖြတ်ခဲ့သည်။ ကျောက်ကျင်ရိုက်ထားခြင်းမဟုတ်ကြောင်း ဖရဲသီးစားသူများ သိသွားရန်ဖြစ်သည်။ ထိုရုပ်ရှင်ထဲတွင် သူထည့်သွင်းထားသော နက်ရှိုင်းသည့်မေတ္တာနှင့် တွယ်တာမှုအားလုံးမှာ ဖုကျန်းချန်အတွက်ဖြစ်ကြောင်း မည်သူ့ကိုမျှ သူမပြောချင်။

နောက်ထပ်အကြောင်းပြချက်လည်းရှိသေးသည်။ ထန်ဝမ်ဝမ်၏ ထိခိုက်မှုကြောင့် ဖုကျန်းအပေါ် အင်တာနက်သုံးစွဲသူ၏ ထင်မြင်ချင်မှာ ချွန်းဟွာတောင်မလွှင့်ခင်က ကျောက်ကျင်နှင့် ဘာမှမထူးပေ။

ကျောက်ကျင်က လမ်းကြောင်းမှားခဲ့ရုံသာဖြစ်ပေမယ့် ဖုကျန်းကတော့ တစ်စုံတစ်ယောက်ကို သတ်မိလုနီးပါးပဲ။

အင်တာနက်အသုံးပြုသူများ၏ မှတ်ဉာဏ်ကို အထင်ကြီး၍လည်းမရသလို လျှော့တွက်၍လည်းမရ။ သူတို့သည် တစ်စုံတစ်ဦး၏ အတိတ်ကအမှားအချို့ကို လျစ်လျူရှူနိုင်သကဲ့သို့ လွန်ခဲ့သော ဆယ်နှစ်ကျော်ခန့်က အမဲစက်ကိုလည်း နောက်ကြောင်းလှန်နိုင်သည်။

ချွန်းဟွာတောင်ရိုက်ကူးရေးမစမီ နှစ်ရက်ခန့်အလိုတွင် ကျောက်ကျင်တစ်ယောက် ရိုက်ကွင်းသို့ ရောက်လာခဲ့သည်။ သူသည် ဆရာဖုကျန်းထံတွင် ရိုက်ကူးရေးဒါရိုက်တာအဖြစ် မိတ်ဆက်ခံခဲ့ရသော်လည်း ဖုကျန်းသည် သူ၏အိုင်ဒီယာအများစုကို သဘောမတူခဲ့။ ကျောက်ကျင်သည်လည်း သူ ဖုကျန်းကို မထိန်းချုပ်နိုင်ကြောင်း သိရှိသွားသည်။ ထို့ကြောင့် ရိုက်ကွင်းတွင် ရက်အနည်းငယ်ကြာပြီးနောက် လူများ ပျောက်ကွယ်သွားသည်။ ကျောက်ကျင်ထွက်သွားပြီးနောက် ဖုကျန်းသည်လည်း ကျောက်ကျင်ရိုက်ကူးခဲ့သည့် အစောပိုင်းဇာတ်ကွက်များကို ဖျက်ကာ အားလုံးကို တစ်ဖန်ပြန်ရိုက်ကူးခဲ့သည်။

ကျောက်ကျင်က ချွန်းဟွာတောင်ရိုက်ကွင်းမှ ထွက်သွားပြီးနောက် သူ့ဇနီးနှင့် နိုင်ငံခြားသို့ အပန်းဖြေခရီးထွက်ခဲ့ပြီး သတင်းထောက်၏ ဓာတ်ပုံရိုက်ခြင်းကိုလည်း ခံခဲ့ရကြောင်း ရှာတွေ့ရန် ကျန်းဟန်ရှုက သူ့ကို ကူညီခဲ့သည်။ ကျောက်ကျင်သည် ထိုသတင်းကို ဖုံးဖိရန် ငွေအများကြီးသုံးထားခြင်းဖြစ်သည်။

သက်သေများအားလုံး ထွက်လာသည်နှင့်တစ်ပြိုင်နက် ကျောက်ကျင်တွင် ပါးစပ်ဆယ်ပေါက်ရှိလျှင်ပင် ရှင်းလင်းနိုင်မည်မဟုတ်ချေ။

ပြီးခဲ့သောရက်ပိုင်းအတွင်း ကျန်းဟန်ရှုသည် တစ်ဖြေးဖြေး အလုပ်ရှုပ်လာခဲ့သည်။ သူက အိမ်မှ မိုးမလင်းမီ ထွက်သွားပြီး မိုးချုပ်သည်အထိ ပြန်မလာနိုင်သေး။ သူ့ဖခင်မှာ အချိန်မတိုင်မီ ပြန်ရောက်လာခဲ့ပြီး ကျန်းဟန်ရှုလည်း မိသားစုစီးပွားရေးကို တစ်ဖြေးဖြေး လက်လွှဲယူခဲ့သည်။

၁၅ ရက်နေ့ ညနေပိုင်း ကျန်းဟန်ရှုအိမ်ပြန်လာပြီး ဖုကျန်းနှင့် စကားခဏပြောပြီးနောက်တွင် အမည်မသိ ဖုန်းစိမ်းတစ်လုံး ဝင်လာခဲ့သည်။

ကျန်းဟန်ရှုက သိပ်ပြီး ဂရုမထားခဲ့။ ထို့ကြောင့် ဘေးကိုဆွဲကာ ဖုန်းကိုင်လိုက်သည်။ ထန်ဝမ်ဝမ်က တကယ်ကြီး ဖုန်းခေါ်လာလိမ့်မည်ဟုတော့ သူမထင်ထား။ ကျန်းဟန်ရှု၏ဖုန်းနံပါတ်ကို သူမ ဘယ်လိုရှာ တွေ့ခဲ့သလဲတော့ သူမသိ။ သူမက ကျန်းဟန်ရှုနှင့် စကားပြောလို၍ဟု ပြောခဲ့သည်။

ကျန်းဟန်ရှုသည် ချက်ခြင်းပဲ စပီကာကို ဖွင့်လိုက်ပြီး ခပ်မြူးမြူးပြုံးရင်း နားထောင်လိုက်သည်။ နောက်ဆုံးတော့ ထန်ဝမ်ဝမ်က ရှာတွေ့သွားပြန်ပြီပဲ။ သူ့မှာ တကယ့်ကိုဆဌမအာရုံရှိနေတာပဲ။

ထန်ဝမ်ဝမ်က ကျန်းဟန်ရှု စပီကာဖွင့်ထားမှန်းမသိ၍ ယုတ္တိမရှိသော စကားများကို ဆက်ပြောနေသေးသည်။ သူမ၏စကားများကို အနှစ်ချုပ်ရလျှင် ကျန်းဟန်ရှုသာ ဖုကျန်းနှင့် လမ်းခွဲပါက သူမသည် ကျန်းဟန်ရှု စိတ်ပင်မကူးဖူးသည်များကို ထောက်ပံ့ပေးနိုင်သည် ဟု ဖြစ်သည်။ ကျန်းဟန်ရှုသည် တိုက်ရိုက်ပဲ ဖုန်းချလိုက်သည်။

ခဏအကြာမှာတော့ ထန်ဝမ်ဝမ်က ဖုန်းထပ်ဆက်လာပြန်သည်။ ဒီတစ်ကြိမ် သူမ စပြောလိုက်သည်မှာ

".ကျွန်မ ဖုကျန်းရဲ့လျှို့ဝှက်ချက်တွေကို သိတယ် ရှင်သိချင်ရင် ကျွန်မကို လာတွေ့လေ....."

ကျန်းဟန်ရှု ဖုန်းချပစ်လုဆဲဆဲတွင် ဖုကျန်းသည် သူ့လက်ကိုဆွဲကာ ခေါင်းညိတ်ပြလိုက်သည်။

ထန်ဝမ်ဝမ်က သူ့ရဲ့ ဘယ်လိုလျှို့ဝှက်ချက်မျိုးကို သိထားလဲဆိုတာ သူတကယ်သိချင်မိသည်။

ထန်ဝမ်ဝမ်က ကျန်းဟန်ရှုအား အချိန်နှင့်နေရာကို ပြောကာ မနက်ဖြန် သူမ စောင့်နေမည်ဖြစ်ကြောင်း ပြောလိုက်သည်။

ဖုန်းချလိုက်ပြီးနောက် ဖုကျန်းသည် ကျန်းဟန်ရှုကို ကြည့်လိုက်သည်။

".အချိန်ရှိလား မရှိရင် ကိုယ့်ဘာသာကိုယ်ပဲ သွားလိုက်မယ်လေ......"

ကျန်းဟန်ရှုက ဘယ်လိုလုပ် ဖုကျန်းကို ထန်ဝမ်ဝမ်နဲ့တွေ့ဖို့ တစ်ယောက်ထဲလွှတ်ရက်မှာလဲ။

"အတူတူသွားရအောင်....."

ထန်ဝမ်ဝမ်နှင့် ချိန်းထားသည့်နေရာမှာ အနောက် တိုင်းစားသောက်ဆိုင်တစ်ဆိုင်ဖြစ်သည်။ တမင်တကာ ဟုတ်မဟုတ်တော့မသိ။ ထန်ဝမ်ဝမ်သည် ချိန်းထားသည်ထက် ဆယ်မိနစ်နောက်ကျပြီးမှ ရောက်လာခဲ့သည်။

ဖုကျန်းသည် ကျန်းဟန်ရှု၏နောက်ဘက်က စားပွဲတွင် သူနှင့် သီးခြားစီ ထိုင်နေသည်။ သူမ ဝင်လာချိန်က သိပ်အာရုံမထားသည့်အတွက် ဖုကျန်းလည်း ထိုနေရာတွင် ရှိနေကြောင်း မသိခဲ့။

ထန်ဝမ်ဝမ်ထိုင်ပြီးမကြာလိုက် သူမသည် အိတ်ထဲမှ ဘဏ်ကတ်ကိုထုတ်ကာ စားပွဲပေါ်တင်လိုက်ပြီး လက်ညှိုးနှင့် လက်ခလယ်ကိုသုံး၍ ကျန်းဟန်ရှုအရှေ့သို့ အနည်းငယ် ထီမထင်ဟန်ဖြင့် တွန်းပို့ကာ ပြောလိုက်သည်။

".ဒီထဲမှာ ငါးသန်းရှိတယ် ဖုကျန်းကို စွန့်ပစ်လိုက်တာနဲ့ ဒါအကုန်ရှင့်ဟာပဲ....."

ဖုကျန်းလည်း ထန်ဝမ်ဝမ်၏စကားများကို ကြားလိုက်သည်။ ပထမဆုံးတုန့်ပြန်မှုမှာ စိတ်မတိုမိရန် ဖြစ်သော်လည်း တစ်ဖြေးဖြေး ရယ်ချင်လာသည်။ ခွေးသွေးဇာတ်လမ်းတွေထဲက အမျိုးသားဇာတ်လိုက်ရဲ့အမေ အမျိုးသမီးဇာတ်လိုက်ကို ပြောတဲ့စကားမျိုးကြီးတွေပဲ။ တစ်နေ့နေ့တွင် ထန်ဝမ်ဝမ်သည် သူ့ချစ်သူကို ဒီလိုစကားမျိုး ပြောလာလိမ့်မည်ဟု သူတကယ်မျှော်လင့်မထား။

ကျန်းဟန်ရှု သူနှင့် မျက်နှာချင်းဆိုင်မှ အမျိုးသမီးကိုကြည့်လိုက်သည်။ ထို့နောက် ခေါင်းကိုငုံ့ကာ သူ့အရှေ့သို့ ထားထားသော ဘဏ်ကတ်ကိုကြည့်ရင်း ထန်ဝမ်ဝမ်ကို ပြောလိုက်သည်။

".ဖုကျန်းရဲ့လျှို့ဝှက်ချက်ကို သိတယ်ဆို....."

ထန်ဝမ်ဝမ်မှာ ငြိမ်ကျသွားသည်။ ကြည့်ရတာ သူမ ကျန်းဟန်ရှုကို လိမ်ထားတယ်ဆိုတဲ့ အဓိပ္ပါယ်ပဲ။ ကျန်းဟန်ရှုက ခေါင်းယမ်းကာ ချောင်းဟန့်လိုက်သည်။ ဖုကျန်း၏တောင်းဆိုမှုကြောင့်သာ မဟုတ်လျှင် သူ ဒီနေ့ ထန်ဝမ်ဝမ်ကို လာတွေ့မည်မဟုတ်ချေ။

ထန်ဝမ်ဝမ်က လျှော့တွက်ခံလိုက်ရသည်ဟု ခံစားမိသည်။ သူမနှာတံပေါ်သို့ နေကာမျက်မှန်ကို တွန်းတင်လိုက်ကာ ကျန်းဟန်ရှုကို ပြောလိုက်သည်။

"ရှင်သာ ဖုကျန်းကို မစွန့်ပစ်ရင် ကျွန်မအဖေနဲ့ အစ်ကိုကို ရှင့်ကို ဂရုစိုက်ပေးဖို့ ပြောလိုက်မှာ ရှင့်ကို သတိမပေးဘူးလို့တော့ အပြစ်မတင်နဲ့......"

ကျန်းဟန်ရှု : ".ဘာလို့ သူ့ကို ပစ်မှတ်ထားနေရတာလဲ......"

"သူ့ကို ပစ်မှတ်ထားတယ်.... ဖုကျန်းက ရှင့်ကို ဒီလိုပြောထားတာလား......."

ထန်ဝမ်ဝမ်က သရော်လိုက်သည်။

"အရင်တုန်းက သောင်ဝေ့ယာမှာ ကျွန်မက

မသန်စွမ်းဖြစ်လုနီးပါး ဖြစ်ခဲ့တာနော် အဖေနဲ့အစ်ကိုက သူ့ကို ထောင်ထဲပို့ဖို့ လုပ်တာတောင် ကျွန်မပဲ ဖျောင်းဖျပေးခဲ့တာ..."

ကျန်းဟန်ရှုက မျက်လွှာပင့်ကာ ထန်ဝမ်ဝမ်၏ မျက်လုံးကို တည့်တည့်စိုက်ကြည့်ရင်း မေးလိုက်သည်။

"သူတကယ်လုပ်ခဲ့တာရောဟုတ်လို့လား......"

သူမမျက်လုံးကို‌ စိုက်ကြည့်ပြီး မေးခွန်းထုတ်ရဲတဲ့သူနဲ့ တွေ့ဖူးတာ ဒါပထမဆုံးပဲ။

တုန်လှုပ်သော အရိပ်အယောင်တစ်ချက်က ထန်ဝမ်ဝမ်၏ မျက်ဝန်းအတွင်း ဖြတ်ပြေးသွားသော်လည်း သူမ၏ အမူအယာမှာတော့ တည်ငြိမ်နေသေးသည်။

".သေချာတာပေါ့ မဟုတ်ရင် ကျွန်မအဖေနဲ့ အစ်ကိုက သူ့ကို သက်သေမရှိဘဲ စွပ်စွဲမှာတဲ့လား......"

နောက်စားပွဲတစ်ခုတွင် ဖုကျန်းသည် ကော်ဖီခွက်ကို ကိုင်ကာ ခေါင်းစောင်းရင်း ထန်ဝမ်ဝမ်တစ်ယောက် သူ့အား နာမည်ဖျက်နေသည်ကို ဂရုမထားစွာ နားထောင်နေသည်။ အဲ့အချိန်တုန်းက ဖုကျန်းချန်နဲ့ ဖုထင်က သူ့ကို တကယ်ပဲ ထောင်ထဲပို့ဖို့ တွေးခဲ့ကြတာလား။

ကျန်းဟန်ရှု လှုပ်လည်းမလှုပ်။ ပြန်လည်းမတုန့်ပြန်။

ထန်ဝမ်ဝမ် မျက်မှောင်ကြုတ်ကာ သူမ၏ အသစ်စက်စက် လက်သည်းများကို ကြည့်ရင်း ကျန်းဟန်ရှုကို မေးလိုက်သည်။

"ကတ်ထဲကပိုက်ဆံက နည်းတယ်ထင်လို့လား....."

ကျန်းဟန်ရှုက ခပ်ဖွဖွ ရယ်လိုက်သည်။ ဘယ်ကယူလာမှန်းမသိသည့် ချက်လက်မှတ်တစ်စောင်ကို ထုတ်ကာ ထန်ဝမ်ဝမ်ကို ပေးလိုက်ပြီး သာသာလေး ရေးလိုက်သည်။

"လိုချင်သလောက်ရေးလိုက် မင်း ချင်ကျောက်ကို စွန့်ပစ်ရမယ်ဆိုရင်ရော ဘယ်လိုလဲ....."

ထန်ဝမ်ဝမ်က ကျန်းဟန်ရှု၏ စကားများကို ယုံပင်မယုံနိုင်တော့။ သူမက ကျန်းဟန်ရှုပေးလိုက်သောအရာကို ကြည့်ပင်မကြည့်ခဲ့။ ဒီလိုချက်လက်မှတ်မျိုးမှာ စတိုးဆိုင်တွင် အထပ်လိုက်ဝယ်ကာ အတုလုပ်နိုင်သည်။ သူမက ကျန်းဟန်ရှုကို ကြည့်လိုက်သည်။

"ရှင် ကျွန်မကို အရှက်ခွဲနေတာလား....."

ဖုကျန်း သူ့ရှေ့မှ ကော်ဖီကို တစ်ငုံသောက်လိုက်သည်။ ထန်ဝမ်ဝမ်ရဲ့ တွေးပုံခေါ်ပုံကို သူတကယ်ကို နားမလည်နိုင်တော့ဘူး။ ဒါက ဘယ်လိုလုပ် သူမကို အရှက်ခွဲတယ်ဖြစ်ရမှာလဲ။ သူမကမှ ကျန်းဟန်ရှုကို အရှက်ခွဲနေတာ မဟုတ်ဘူးလား။

ထန်ဝမ်ဝမ်ကိုမကြည့်ဘဲ ကျန်းဟန်ရှု ကော်ဖီတစ်ငုံ မော့သောက်လိုက်သည်။

ထန်ဝမ်ဝမ်သည် နှုတ်ခမ်းကို တင်းတင်းကိုက်ကာ ပြောလိုက်သည်။

".အနာဂတ်မှာ ရှင် နောင်တမရဖို့ မျှော်လင့်တယ်...."

ကျန်းဟန်ရှုသည် ထန်ဝမ်ဝမ်ကို လေသဖွယ် မရှိသလို လျစ်လျူရှုထားလိုက်သည်။

ထန်ဝမ်ဝမ် အနည်းငယ် ဒေါသထွက်လာသည်။ သူမအတွက်မူ ပထမဆုံးအကြိမ် အထင်အမြင်သေးခံရခြင်းဖြစ်သည်။ ဖုမိသားစုကို ပြန်မသွားဘဲ အောက်ခြေတွင် ရုန်းကန်နေရစဉ်ကတောင် ဘယ်သူကမှ သူမကို ဒီလိုမဆက်ဆံရဲ။ ကျန်းဟန်ရှု၏ အကြည့်များက သူမကို မသက်မသာဖြစ်စေသည်။ ပုရွက်ဆိတ်တစ်ကောင်ကို ကြည့်နေသလိုမျိုးပဲ။

သူမ၏အိတ်ကို ကောက်ကိုင်ကာ ဒေါက်ဖိနပ်သံပေးရင်း ဆိုင်ထဲမှ ထွက်သွားသည်။ ကျန်းဟန်ရှုက အကြည့်တစ်ချက်တွင် မစွန့်ကြဲ။ ခြေသံဝေးသွားချိန်တွင် ကော်ဖီခွက်ကိုကိုင်ရင်း ဖုကျန်းနှင့် မျက်နှာချင်းဆိုင်တွင် ဝင်ထိုင်လိုက်သည်။

ဖုကျန်းက ပြတင်းပေါက်အပြင်ဘက်ကို ကြည့်နေသည်။ ထန်ဝမ်ဝမ်သည် ကားထဲသို့ ဒေါသတကြီး ဝင်သွားပြီး ဖုကျန်း၏ အကြည့်ထဲမှ ပျောက်ကွယ်သွားသည်။ သူသည် ကျန်းဟန်ရှုဘက်သို့ လှည့်ပြောလိုက်သည်။

".ငွေရှင်းမသွားဘူးထင်တယ်နော်....."

ကျန်းဟန်ရှုက ပြုံးလိုက်ရင်း ဖုကျန်းဘက်သို့ မီနူးစာအုပ်ကို ရွှေ့ပေးလိုက်သည်။

".ဘာစားချင်လဲ....."

ဖုကျန်းအတွက် အနောက်တိုင်းစာ မစားရသည်မှာ ကြာပြီဖြစ်သည်။ မီနူးကို အစအဆုံးဖတ်ပြီးမှ ဘေးက စားပွဲထိုးကိုပြောလိုက်သည်။

".အလယ်အလတ်ကျက်တဲ့ စတိခ်(steak)တစ်ပွဲ...."

ကျန်းဟန်ရှုက ထပ်ဖြည့်လိုက်သည်။

".အသားအနှစ်နဲ့ စပါကတီနှစ်ပွဲ သံပုရာရည်နှစ်ခွက် ကျေးဇူးပါ....."

စားပွဲထိုးက မီနူးကိုယူကာ ထွက်သွားချိန်တွင် ထန်ဝမ်ဝမ်ပြောခဲ့သော ထိခိုက်မှုအကြောင်း သတိရသွားသည်။ ကျန်းဟန်ရှုကို ရှင်းပြရန်အတွက် ထန်ဝမ်ဝမ် ဖုအိမ်ကို စရောက်လာစဉ်က အကြောင်းကို ပြောရန် ပြင်လိုက်သည်။ လက်နှစ်ဖက်ကို တင်းတင်းဆုပ်ရင်း ပါးစပ်ကို ဖွင့်လိုက်ပိတ်လိုက် လုပ်ခဲ့သော်လည်း စားပွဲထိုး ပြန်ရောက်လာသည်အထိ စကားသံက ထွက်မလာခဲ့။

စားသောက်ပြီးနောက် ကျန်းဟန်ရှုက ဖုကျန်းကို အိမ်ပြန်ခေါ်သွားသည်။

".ကျန်းဟန်ရှု......"

နောက်ဆုံးတွင်တော့ ဖုကျန်းသည် အတိတ်က သံသယလွန်ကဲကာ ခေါင်းမာသော သူ့အကြောင်းကို အသိပေးရန် သတ္တိရှိလာပြီဖြစ်သည်။

"မင်းဘာပြောချင်လဲ ကိုယ်သိတယ်.."

ကျန်းဟန်ရှုက စကားဖြတ်ကာ ခေါင်းယမ်းလိုက်သည်။

"ကိုယ် မင်းကိုယုံတယ်....."

….…..............

ဇန်နဝါရီလ ၁၈ ရက်နေ့တွင် ချွန်းဟွာတောင်၏ တစ်ရက်ထဲ ရုံဝင်ကြေးမှာ သန်းသုံးရာအထိ တိုးလာပြီး စုစုပေါင်း ရုံဝင်ကြေး သန်းတစ်ထောင်အထိ တိုးလာခဲ့သည်။

ထိုနေ့တွင်ပင် ဖုကျန်းသည် သက်သေအားလုံးကို တရားရုံးသို့ တင်သွင်းလိုက်သည်။ တစ်ချိန်တည်းတွင်ပင် အင်တာနက်ပေါ်မှ ရေတပ်အချို့ကိုရှာရန် ယွမ်တစ်သောင်း သုံးခဲ့သည်။ ရေတပ်မှာ မများသော်လည်း အားလုံးမှာ အဆင့်မြင့်အကောင့်များဖြစ်သည်။ သူတို့အားလုံး သက်သေများကို တင်ပြီးပြီးချင်း မီဒီယာလည်း သိသွားကာ ခေါင်းစီးမှာ တစ်ဆင့်ပြီးတစ်ဆင့် ချဲ့ကားလာသည်။

ကျောက်ကျင်သည် ထိုအကောင့်များအားလုံးကို ဘန်း(ban)လိုသော်လည်း ဝေ့ပေါ်က ငြင်းဆန်ခဲ့သည်။ forwardလုပ်သော comment များမှာ များလွန်း၍ သူတို့လည်း မပိတ်ဆို့နိုင်တော့။ သူ ပြီးဆုံးသွားတော့မှာကို ကြောက်နေမိပြီ။

လေးနာရီအတွင်းတွင်ပင် ဝေ့ပေါ်၏ အမြဲတမ်းသုံးသူ ထက်ဝက်ခန့်က ချွန်းဟွာတောင်သည် ကျောက်ကျင်ကိုယ်တိုင် ရိုက်ထားခြင်းမဟုတ်ကြောင်း သိသွားကြလေသည်။

Prev Next