ထန်ဝမ်ဝမ်က ဖုကျန်းချန်၏မူမမှန်မှုကို မမြင်လိုက်။ သူမက ဖုကျန်းချန်ကို ပြောလိုက်သည်။
"အဲ့ရုပ်ရှင်ကို ဖုကျန်းရိုက်ထားတာဆိုပြီး ပြောနေကြတယ် ဒါပေမယ့် ဖုကျန်းကောကောက သူ့အရွယ်နဲ့ ဒီလိုရုပ်ရှင်မျိုး မရိုက်လောက်ဘူးလို့ထင်တာပဲ ဖေဖေက သမီးကြောင့် ဖုကျန်းကောကောကို အိမ်ကနှင်ထုတ်လိုက်ရတာကို နောင်တရနေမှန်း သိပါတယ် ဖေဖေ့ရင်ထဲမှာလည်း ဖုကျန်းနဲ့ မယှဉ်နိုင်ပါဘူး ဒါပေမယ့် ဒီတစ်ခါတော့ သမီးကိုပဲ ကူညီပေးပါနော်..."
ထန်ဝမ်ဝမ်သည် ဖုကျန်းချန်ကို အပြစ်ရှိစိတ်ဖြစ်လာစေရန် သူ့ကိုယ်သူ တမင်သက်သက် နှိမ့်ချပြောလိုက်သော်လည်း ဒီတစ်ကြိမ်တွင်တော့ ဖုကျန်းချန်က သူမကို ကူညီမည်မဟုတ်။
ဖုကျန်း ထိုရုပ်ရှင်ကိုရိုက်ရခြင်းမှာ ဖုကျန်းချန်အတွက်ဖြစ်သည်။ သူသည် ဖုကျန်းချန်ကို surprise
လုပ်ချင်သော်လည်း သူ့ဘဏ်ကတ်ထဲမှငွေများက နေ့တိုင်း ရေလိုစီးသွားသည်။ ဘယ်လိုလုပ် ဖုကျန်းချန်က မသိဘဲနေမှာလဲ။ ဖုကျန်း သင့်တော်တာကို ချောချောမွေ့မွေ့ရွေးနိုင်တာ၊ သရုပ်ဆောင်တွေနဲ့ ဖုကျန်းချန်ရဲ့ စတူဒီယိုက အကြောင်းပြချက်ပဲ။
နောက်ဆုံးမှာတော့ ထန်ဝမ်ဝမ်က သူမ၏ ရည်ရွယ်ချက် ကို ဖွင့်ဟလာသည်။
" ဖေဖေ့ ဒါရိုက်တာကျောက်ကလေ သမီးကို အများကြီး ကူညီပေးခဲ့တာ ဖေဖေက သမီးကိုကူညီတဲ့အနေနဲ့ ရှင်းပေးလို့မရဘူးလားဟင်....."
ဖုကျန်းချန်မှာ သတင်းစာကိုသာ ငုံ့ဖတ်နေပြီး ခေါင်းပြန်ထောင်မလာခဲ့။ စာလုံးများမှာ အတောင်ပေါက်နေသလို ပျံတက်လာပြီး သူ့မျက်စိရှေ့တွင် လှည့်ပတ်နေသည်။ ကျောက်တောင်အောက်က သူရှာတွေ့ခဲ့သည်များကို သတိရလိုက်သည်။ ကျောက်တောင်အောက်တွင် ချွန်းဟွာတောင်၏ မိတ္တူနှင့် ဖုကျန်းထံမှ သူ့အတွက်ရေးထားသောစာတစ်စောင်ကို တွေ့ခဲ့သည်။ စာမှာ သူ့စာကြည့်ခန်းထဲတွင် ရှိနေပြီး အခုထိ ဖွင့်ဖတ်ဖို့ရန် သတ္တိမရှိသေး။
ဖုကျန်းချန်က သက်ပြင်းချလိုက်သည်။ ထန်ဝမ်ဝမ်၏တောင်းဆိုချက်ကို ငြင်းပယ်ကြောင်း အသိပေးချက်ဖြစ်သည်။ သူက ထန်ဝမ်ဝမ်ကို ပြောလိုက်သည်။
"ဝမ်ဝမ် သမီးက သန်ဘက်ခါ လက်ထပ်ရတော့မှာ ဒီကိစ္စတွေကို ချန်ထားခဲ့လိုက်တော့....."
ထန်ဝမ်ဝမ်သည် ဖုကျန်းချန် သူမကို ငြင်းပယ်လိုက်လိမ့်မည်ဟု မထင်ထား။
"ကောင်းပြီလေ လက်ထပ်ဖို့ စောင့်လို့ရသေးလား....."
ဖုကျန်းချန်က ထန်ဝမ်ဝမ်ကို လေပြေအေးဖြင့် ချော့ပြောလိုက်သည်။ သူသည် ထန်ဝမ်ဝမ်အား ကတိမပေးလို။ လက်ထဲမှ သတင်းစာကိုချကာ ဆိုဖာမှ ထရပ်လိုက်သည်။
".နည်းနည်းပင်ပန်းနေလို့ ခဏ သွားနားလိုက်ဦးမယ်....."
ထန်ဝမ်ဝမ်က ဖုကျန်းချန် ထွက်သွားသည်ကို ကြည့်နေလိုက်သည်။
".ကောင်းသောညပါ ဖေဖေ....."
ဖုကျန်းသည် ကျောက်ကျင်၏ ရွှံ့ထဲသို့ဆွဲချသည်ကို ခံနေရသော်လည်း ဂရုမစိုက်။ အလားတူဖြစ်ရပ်မျိုးကို လွန်ခဲ့သောနှစ်နှစ်ကျော်က ကြုံတွေ့ခဲ့ဖူးပြီဖြစ်သည်။ အင်တာနက်သုံးစွဲသူများက အချိန်ဖြုန်းရန်အလို့ငှာ ကျိန်ဆဲကြသော်ငြား ထိုကျိန်ဆဲမှုများက သူ့ကို ဘာမှမထိခိုက်နိုင်။
တရားရုံးဖွင့်လှစ်မည်ကိုသာ စောင့်နေရန် လိုအပ်ပြီး အရာအားလုံး စာရင်းရှင်းနိုင်တော့မည်ဖြစ်သည်။
သို့သော် ထိုကဲ့သို့ မျက်နှာသာမပေးသော အခြေအနေမျိုးတွင် ထန်ဝမ်ဝမ်သည် ရွှံ့ရေထဲမှ ဖြတ်လျှောက်နေရ၍ ဖုကျန်းသည် တစ်ဖက်လူ၏ စိတ်သည်လည်း ရေထဲတွင်ပင် ရှိနေသလားဟု တွေးမိသည်။
ဆုပေးပွဲအခမ်းအနားတွင် သတင်းထောက်များက ထန်ဝမ်ဝမ်ကို အင်တာဗျူးကြသည်။ မင်္ဂလာသတင်းနှစ်ခုသုံးခုမေးပြီးနောက် အကြောင်းအရာသည် ချွန်းဟွာတောင်ဒါရိုက်တာ အငြင်းပွားမှုအပေါ် သူမ၏ အမြင်သို့ ပြောင်းသွားသည်။
"ကျွန်မက ဒါရိုက်တာကျောက်နဲ့ အလုပ်တွဲလုပ်ဖူးတယ် သူက အရည်အချင်းရှိတဲ့သူဆိုတော့ ကျွန်မ လေးစားပါတယ် ဖုကျန်းကတော့....."
ထန်ဝမ်ဝမ်က ထိုသို့ပြောရင်း မရည်ရွယ်သလိုလိုနှင့် သူမ၏ ဘယ်ဘက်လက်ကို ငုံ့ကြည့်လိုက်သည်။ လွန်ခဲ့သောနှစ်နှစ် ပြုတ်ကျခဲ့စဉ်က သူမ၏ ဘယ်ဘက်လက်မှာ ဆိုးဆိုးဝါးဝါးထိခိုက်သွားကြောင်း လူတိုင်းသိရှိပြီးသားဖြစ်သည်။
သူမက ပြုံးကာ ဆက်ပြောလိုက်သည်။
"ဖုကျန်းကိုတော့ ကျွန်မ ကောင်းကောင်းမရင်းနှီးဘူး ကျွန်မက ဖုအိမ်တော်ကို နောက်ပိုင်းမှ ပြန်ဝင်လာခဲ့တာ အဲ့ကိစ္စဖြစ်ပြီးတော့ ဖုကျန်းက ဖုအိမ်ကနေ ထွက်သွားတာဆိုတော့ သူ့ကို တစ်ခါမှ ထပ်မတွေ့ဖြစ်တော့ဘူး ဒါပေမယ့် ဖုကျန်း ရုပ်ရှင်ရိုက်နေတယ်ဆိုတာကိုတော့ တစ်ခါမှ မကြားဖူးဘူး ကျွန်မက သူ့ကို သိပ်ပြီးမသိလို့လားတော့ မပြောတတ်ဘူး......"
ထန်ဝမ်ဝမ်၏အဖြေမှာ ကျောက်ကျင်ကို ထောက်ခံ သည်ဟု ပြောနိုင်သော်ငြား သူမ၏စကားများက ဘောင်ကျော်မလာ။ အကယ်၍ နောက်ပိုင်းတွင် ဖုကျန်းသည် ချွန်းဟွာတောင်၏ ဒါရိုက်တာဖြစ်ကြောင်း သက်သေအပြည့်အစုံ ထုတ်ပြလာနိုင်လျှင်ပင် သူမကို အကျိုးသက်ရောက်မည်မဟုတ်။
သူမရဲ့ နာမည်ကြီးမှုက မသေးလှ။ ဖုမိသားစုနှင့် ကျွင်မိသားစုတို့၏ နောက်ခံကလည်း ရှိနေသေးတာကြောင့် သူမ၏စကားများက သေချာပေါက် လွှမ်းမိုးမှုရှိသည်။ လူတိုင်းက ဖုကျန်းသည် ချွန်းဟွာတောင်၏ ဒါရိုက်တာအစစ်မဟုတ်ဟု မတွေးရမနေနိုင်ဖြစ်သွားသည်။
ထန်ဝမ်ဝမ်၏ အင်တာဗျူးမတိုင်ခင်က ဘာမှ မပြောရဲကြသော အုပ်စုကလည်း သံယောင်လိုက်ခြင်းဖြင့် အနာပညာလမ်းကြောင်း ဖြောင့်ဖြူးရေးအတွက် ဖုမိသားစု၏ သခင်မလေး ရွှေပေါင်လုံးကို အလုအယက် ဖက်ဖို့ကြိုးစားလာကြသည်။
ချွန်းဟွာတောင်ပွဲဦးထွက်မိတ်ဆက်ပွဲကတည်းက ပါဝင်လာသော တစ်ဦးတည်းသော ဇာတ်ပို့မင်းသားကလည်း ဖွင့်ဟလာသည်။ သူ့နာမည်မှာ ချမ်ကျုံးဖြစ်ပြီး ဇာတ်ကားထဲက အငယ်ဆုံး ချန်းဟွာဖြစ်သည်။
ထန်ဝမ်ဝမ်၏အင်တာဗျူးနောက်ပိုင်းတွင် သူက ကျောက်ကျင်ကို ထောက်ခံခဲ့သည်။ ပြည်သူများမြင်ခဲ့သော ဗီဒီယိုမှာ တကယ်တမ်းတော့ ဖုကျန်း လေ့ကျင့်ရန် ရရှိခဲ့သောအခွင့်အရေးဖြစ်သည်။ ကျောက်ကျင်သည် ဖုကျန်း၏ လုပ်ဆောင်မှုများကို သဘောမကျခဲ့။ နောက်ပိုင်း သေချာစိစစ်ပြီးနောက်တွင် ကျောက်ကျင်သည် ဖုကျန်း၏စကားများက ကျိုးကြောင်းဆီလျော်သည်ဟု ထင်ခဲ့သည်။ ထို့ကြောင့် အခုလက်ရှိပရိသတ်များကြည့်နေသော ရုပ်ရှင်မှာ ဖုကျန်း၏စတိုင်ဖြစ်နေရခြင်းဖြစ်သည်။
ထို့အပြင် ထိုအချိန်က အသက်ပင်မပြည့်သေးသည့်ဖုကျန်းမှာ ဒီလိုလက်ရာမျိုးကို ဘယ်လိုလုပ် ရိုက်ကူးနိုင်ပါ့မလဲ။
ကျောက်ကျင်သည် ထိုကိစ္စမတိုင်မီကပင် ချမ်ကျုံးကို တောင်းဆိုခဲ့သော်ငြား သူက သဘောမတူခဲ့။ ထန်ဝမ်ဝမ်က သူမ၏ သဘောထားကို ထုတ်မပြခင်အထိ သူက ရပ်တည်မပေးခဲ့။
ချမ်ကျုံး၏ အင်တာဗျူးကို ကြည့်နေရင်း ဖုကျန်းက ရယ်လိုက်သည်။ သူက ကျန်းဟန်ရှုကို မေးလိုက်သည်။
".နောက်သက်သေတွေ ထုတ်ပြလို့ရလောက်ပြီလား.....''
ကျန်းဟန်ရှုက သူ့ကို မော့ကြည့်ပြီးပြောလိုက်သည်။
"ထုတ်ပြခိုင်းဖို့ ကိုယ် လူတစ်ယောက် ရှာထားပြီးပြီ......"
ဖုကျန်းသည် အလှည့်အပြောင်းတစ်ခု လာတော့မည်ကိုတွေးရင်း ပျော်ရွှင်လာသည်။ ထိုအချိန်ရောက်လျှင် ကျွမ်ကျုံး၏အမူအယာမှာ မည်သို့မည်ပုံဖြစ်မည်ကိုတော့ မသိ။
ကျန်းဟန်ရှုက ဖုကျန်းအနားကိုလာကာ လက်ထဲကဖုန်းကို ဆွဲယူပြီးပြောလိုက်သည်။
"ဆယ်နာရီပဲရှိသေးတယ်လေ....."
ဖုကျန်းက ကျန်းဟန်ရှုကို ဆန္ဒပြသောအကြည့်ဖြင့် ကြည့်လိုက်သည်။ မျက်နှာဖြတ်ရိုက်သည်ကို တိုက်ရိုက်ကြည့်ရန် စောင့်နေချင်သေးသည်။
ကျန်းဟန်ရှုက ခေါင်းကိုပုတ်လိုက်သည်။
".နောက်ကျနေပြီ သွားအိပ်တော့....."
ဖုကျန်းလည်း နှေးတိနှေးကန်ဖြင့်ထကာ ရေချိုးခန်းထဲ ဝင်သွားသည်။
ကျန်းဟန်ရှုက နောက်ကနေ သတိပေးလိုက်သည်။
".အိပ်ယာဘေးက နွားနို့ကို သောက်ဖို့ မမေ့နဲ့နော်....."
"စစ်ဖို့ကျန်တဲ့စာရွက်စာတမ်းတွေပြီးရင် ကိုယ် ချက်ချင်းလိုက်လာခဲ့မယ်......"
