Chapter 67
Viewers 4k
Chapters 444

🚩Chapter -67

 Arc_4 . အွန်လိုင်းဂိမ်းနတ်ဘုရားက ငါ့ကိုအလိုလိုက်နေတယ် [ 5 ]


_____


လင်ရှန်းကမ္ဘာတွင် အဓိကအုပ်စုကြီးများအပြင် ကိုယ်ပိုင်အသင်းများ၊ ဂိမ်းစတူဒီယိုများလည်းရှိပြီး စတူဒီယိုအများစုသည် သူတို့အလေးထားသည့်အပေါ်တွင်သာအခြေခံဆောင်ရွက်သည်။ သူတို့ကဘော့စ်များအားတိုက်ခိုက်ခြင်း၊ နောက်ကွယ်မှ ကြိုးကိုင်ခြင်း၊ ငွေအတွက်သတ်ဖြတ်ခြင်းတို့ကို လုပ်ဆောင်ကြ၏။ သူတို့အတွက်ထိုအရာများက သာမန်လုပ်နေကျအရာများ ဖြစ်ပြီး ပစ္စည်းကိရိယာများကိုလည်းအလွဲသုံးစားလုပ်တတ်ကြသည်။ 


သို့သော်လင်ရှန်းတွင် အွန်လိုင်းဂိမ်းများကပုံရိပ်ယောင်မှ လက်တွေ့သို့အကန့်အသတ်မရှိ နီးကပ်လာသောအခါ လက်တွေ့ကမ္ဘာရှိ စတူဒီယိုများသည် ခက်ခဲစွာရုန်းကန်ရပြီး သတိလက်လွတ်နှင့် မထီမဲ့မြင်မပြုရဲကြတော့ချေ။ 


အတိတ်တွင် အွန်လိုင်းဂိမ်းအများစု၌မည်မျှဆိုးဝါးသည့်လုပ်ရပ်တို့ကိုလုပ်ခဲ့ပါစေ၊ မည်သူမှမထုတ်ဖော်နိုင်ကြဘဲ ယောက်ျားဖြစ်စေ၊မိန်းမဖြစ်စေ အတည်ပြုမစစ်ဆေးနိုင်ခဲ့ကြချေ။ သို့သော် ယခုလင်ရှန်းတွင် လူတိုင်းသည် သူတို့၏မျက်နှာအစစ်အားဖော်ပြထားရသည်။ အမည်နှင့်အိုင်ဒီတို့ကိုလည်း ပြောင်းလဲ၍မရသောကြောင့် လူတစ်ယောက်၏ ဂုဏ်သတင်းသည် ညှိုးနွမ်းသွားသည်နှင့် သူကဤကမ္ဘာတွင် ဆက်လက်ရောထွေးရှင်သန်ရန်မဖြစ်နိုင်တော့ချေ။ 


သို့သော်အရာအားလုံးတွင်ခြွင်းချက်ရှိသည်။ ပေါများလှသည့် ဂိမ်းစတူဒီယိုများကြားတွင်လည်း ခြွင်းချက်တစ်ခုရှိလေသည်။ ၎င်းကဟာရီကိန်းစတူဒီယိုဖြစ်သည်။ စတူဒီယိုထက် အသင်းငယ်လေးဆိုသည်ကပိုလိုက်ဖက်လိမ့်မည်။ 


ထိုအသင်း၏ခေါင်းဆောင်မှာ ကျစ်စွင်းဝူရှန်း(အရှင်ဧကရာဇ်)ဖြစ်ပြီး အဖွဲ့ဝင်များမှာ နင်းမုန့်ပုရွှမ်၊ ဟန်းတောင်လိမာ(လျင်မြန်သည့်ဓားသွား) နှင့် လင်းတုယန်ရှောင် (သုညဒီဂရီလောင်ကျွမ်းမှု)တို့ဖြစ်သည်။ 


ယခင်က သူတို့စတူဒီယိုသည် ဂိမ်းတိုင်းတွင်ငွေအတွက်သတ်ဖြတ်ခြင်းနှင့်နာမည်ကြီးခဲ့သည်။ ယခုခေတ် လင်ရှန်းတွင်လည်းသူတို့ကပျောက်ကွယ်မသွားသေးပေ။ တစ်ယောက်တည်းလျှောက်သွားကာ အဆင့်တင်ကြသူများနှင့် အုပ်စုငယ်လေးများ၏ အချို့အဖွဲ့ဝင်တို့သည် ဘော့စ်များကိုတိုက်ခိုက်ကြသည့် စတူဒီယိုမှလူများအား မုန်းသလို၊လေးလည်းလေးစားကြသည်။ ကစားသူများက သူတို့၏အရှက်မဲ့သည့်လုပ်ရပ်များကြောင့် မုန်းကြခြင်းဖြစ်ပြီး လေးစားကြခြင်းမှာ ယခုခေတ်တွင် အုပ်စုကြီးများအားလုံးသည် မြင့်မားလှသည့် အဆင့်များအား သိမ်းပိုက်ထားသည့်အချိန်၌ ဟာရီကိန်းစတူဒီယိုကသာ ရှင်သန်နေနိုင်သောကြောင့်ဖြစ်သည်။ ပိုက်ဆံရှိရန်သာလိုအပ်ပြီး သူတို့ကအဆင့်ကူတင်ပေးလိမ့်မည်ဖြစ်ကာ အမြင့်တွင် ပျံသန်းစေလိမ့်မည်။ တစ်နေ့တည်းနှင့်အဆင့်၃၀တင်ဖို့အတွက်မှာ အိပ်မက်တစ်ခုမဟုတ်ပေ။ 


စုဝမ်ကထိုအချက်ကိုသိသောကြောင့် ဟာရီကိန်းစတူဒီယိုသို့ဝင်၍ အရှင်ဧကရာဇ်နှင့်ပူးပေါင်းရန် ဆုံးဖြတ်လိုက်သည်။ 


လက်ရှိအခြေအနေတွင် အချိန်တိုအတွင်းသူမ၏မူလအဆင့်ရန်သို့ပြန်ရောက်ရန် ဟာရီကိန်းစတူဒီယိုမှလူများကသာ ကူညီပေးနိုင်သည်။ သူမအဆင့်၄၅သို့ပြန်ရောက်သွားသည်နှင့် ပြန်လည်ရှင်သန်ခြင်းစွမ်းရည်အားအသုံးပြုနိုင်ကာ အဆင့်မြင့်ပစ္စည်းကိရိယာများကိုလည်း တပ်ဆင်အသုံးပြုနိုင်မှာဖြစ်သည်။ ထိုအခါ စုဝမ်သည် သူမအားအမဲလိုက်ကြသည့်လူများကို ကြောက်စရာမလိုတော့ချေ။ 


သေချာပေါက် ယခင်ကအမဲလိုက်ခံခဲ့ရသောမူလစုဝမ်သည်လည်း သူမအားအဆင့်ကူတင်ရန်အတွက် စတူဒီယိုတစ်ခုအား ငှားရန်စိတ်ကူးခဲ့သော်လည်း ထိုအချိန်တွင်အခြေအနေတို့ကပြင်းထန်နေခဲ့ကာ မည်သူမှသတ်ဖြတ်မိန့်ကိုဆန့်ကျင်၍ သူမကိုမကူညီရဲခဲ့ကြပေ။ ထို့အပြင် ပျမ်းမျှစတူဒီယိုလေးသည် ကြီးမားသည့်အုပ်စုကြီးနှစ်စုအတွက်ပြိုင်ဘက်မဖြစ်နိုင်ချေ။ ဤပြည်နယ်တွင် ထိုအုပ်စုကြီးနှစ်စုအားမကြောက်သည့်သူမှာ ဟာရီကိန်းစတူဒီယိုသာရှိသည်။ 


ဟာရီကိန်းစတူဒီယိုတွင် အဖွဲ့ဝင်အနည်းငယ်သာရှိသော်လည်း အကုန်လုံးသည်လက်ရွေးစင်များဖြစ်သည်။ လေးယောက်စလုံးသည် ပြည်နယ်အဆင့်တွင် နာမည်ကြီးသည့် ပုဂ္ဂိုလ်များဖြစ်ပြီး သူတို့၏ခေါင်းဆောင်အရှင်ဧကရာဇ်သည် ပြည်နယ်၏နံပါတ်တစ်လုပ်ကြံသတ်ဖြတ်သူ ဖြစ်သည်။ ထိုလုပ်ကြံသတ်ဖြတ်သူသည် ကိုယ်ရောင်ဖျောက်၍ တည်ငြိမ်စွာနှင့် တစ်ယောက်တည်းလှုပ်ရှားနိုင်ပြီး သူ့ဘေးတွင် အထောက်အပံ့ပေးနိုင်သည့် အဆင့်မြင့်နတ်ဆရာမက တစ်ချိန်လုံးရှိနေရာ သူတို့နှစ်ယောက်၏ပေါင်းစပ်မှုမှာ အပြစ်ကင်းအောင်ပြီးပြည့်စုံလေသည်။ သူတို့က ပြည်နယ်၏နံပါတ်တစ် တိရှစ်ထျန်းနှင့် ရင်ဆိုင်ရလျှင်တောင် စွမ်းအားချင်းမျှသည့်တိုက်ပွဲတစ်ခုပင်ဖြစ်သည်။ အခြားအုပ်စုများမှသူများအတွက်တော့ အရှင်ဧကရာဇ်၏ လုပ်ကြံမှုစွမ်းရည်တို့ကိုကြောက်သောကြောင့် ပြဿနာမဖြစ်စေရန် ဟာရီကိန်းစတူဒီယိုနှင့်ငြိမ်းချမ်းစွာဆက်ဆံကြသည်။ 


သေချာပေါက် ဟာရီကိန်းစတူဒီယို၏တည်ရှိမှုသည် မျှတမှုမရှိဟုပြော၍မရချေ။ အုပ်စုကြီးများ၏ ခေါင်းဆောင်များသည့် များပြားသည့်ကိစ္စရပ်များအား ဖြေရှင်းရသည်ဖြစ်သည်။ မည်သူတို့ကသူတို့၏အချိန်နှင့် အင်အားတို့အား စတူဒီယိုအငယ်လေးအပေါ်တွင် အကုန်ပုံအပ်လိမ့်မည်လဲ။


ထိုကိစ္စနှင့်ပတ်သက်၍ အရှင်ဧကရာဇ်သည် အလွန်သတိထားသည်။ ထို့ကြောင့် စုဝမ်ပို့ခဲ့သည့်စာအား မြင်လိုက်သောအခါ သူ၏ပထမဆုံးအတွေးမှာငြင်းလိုက်ရန်ဖြစ်သည်။ သို့သော် စာ၏အောက်ခြေရှိ အဆင့်တင်သည့်ကုန်ကျငွေနှင့်အတူ ထပ်တိုးစရိတ်တို့က အရှင်ဧကရာဇ်၏စိတ်ကို ကိုင်လှုပ်နိုင်လိုက်သည်။


သူကဘဏ်ကတ်ထဲရှိငွေတို့ကိုစစ်ဆေးကြည့်လိုက်ရာ ကြီးမားလှသည့်ပမာဏက သူ့အားထိတ်လန့်စေခဲ့သည်။ ထိုခဏတွင် စုချန်းဝမ်ယွဲ့ကပိုင်ဆိုင်မှုအားလုံးအား စွန့်လွှတ်လိုက်ကြောင်း သဘောပေါက်သွားတော့သည်။


ပိုက်ဆံတွေ့ရဲ့နဲ့ အမြတ်မထုတ်နိုင်ရင်အဲ့လူကအရူးပဲ။


ထို့ကြောင့်ယခုအရှင်ဧကရာဇ်သည် စုဝမ်အားဖိတ်ခေါ်လိုက်ခြင်းဖြစ်သည်။ သူကသူမ၏တောင်းဆိုချက်ကို လက်ခံခဲ့သောကြောင့် ယခုအချိန်မှစ၍ သူမသည်ဟာရီကိန်းအဖွဲ့ဝင်ဖြစ်သွား၍ လာမည့်တစ်ပတ်လုံးတွင် ဟာရီကိန်းအဖွဲ့သားများ၏တစ်ခုတည်းသောတာဝန်မှာ စုဝမ်အား အဆင့်တင်ပေးရန်ဖြစ်သည်။


အရှင်ဧကရာဇ်နှင့်သူ့အဖွဲ့သားများကြောင့် စုဝမ်ရဲ့အဆင့်တင်ခြင်းသည် ချောမွေ့နေ၏။


ထိုအချိန်တွင် ကဏ္ဍအသစ်တစ်ခုကလည်းပွင့်လာရာ အုပ်စုကြီးများ၏ခေါင်းဆောင်များသည် ထိုနယ်မြေအား စူးစမ်းရှာဖွေရန် တပ်အင်အားတို့ကိုအပူတပြင်းစုစည်းလျက်ရှိသည်။ စုချန်းဝမ်ယွဲ့၏တည်ရှိမှုအား သိရှိသွားခဲ့လျှင်တောင် သူမအားသတ်ရန် အချိန်မပေးနိုင်ကြချေ။ 


ယခုအချိန်တွင် တိရှစ်ထျန်းနှင့်ဟွေ့မော့ယိရှောင်တို့သည် သူတို့၏ခံစားချက်များပေါက်ဖွားနေသည့်အခြေအနေတွင် ဖြစ်သည်။ သူက စုချန်းဝမ်ယွဲ့အား ဟိုးအရင်တည်းကပင်စွန့်ပစ်ခဲ့ပြီးဖြစ်ကာ ရှစ်ထျန်းအုပ်စု၏ ဒုခေါင်းဆောင်အသစ် နံနက်လေပြေညင်းက စုချန်းဝမ်ယွဲ့အား အနိုင်ကျင့်သတ်ဖြတ်နေတာကို သည်းမခံနိုင်ခဲ့ချေ။ ထို့ကြောင့် သူမဂိမ်းထဲသို့ပြန်ရောက်လာသည့်အကြောင်းအား နံနက်လေပြေညင်းကချန်လှပ်ထားလိုက်ရာ တိရှစ်ထျန်းကလုံးဝမသိခဲ့ပေ။


မျက်စိတစ်မှိတ်လေးအတွင်းမှာပင် ပိတ်ရက်သို့ရောက်ရှိလာတော့သည်။ ယခုတွင် စုဝမ်သည်အဆင့်၄၅သို့ ရောက်ရှိနေပြီဖြစ်သည်။ ၎င်းကဂိမ်းထဲသို့နောက်ကျ၍ဝင်လိုက်ခြင်း၏အကျိုးပင်ဖြစ်သည်။ ဂိမ်းဆာဗာအားဖွင့်လိုက်သောအခါ မကောင်းဆိုးဝါးတို့အနည်းငယ်သာရှိပြီး လူများသောကြောင့် လူတိုင်းက စူးစမ်းရှာဖွေကြရင်း အဆင့်တင်ကြသည်။ လူအနည်းငယ်သာ ထိုမကောင်းဆိုးဝါးတို့ကိုသတ်၍ အဆင့်၃၀သို့ရောက်နိုင်ကြသည်။ သို့သော်ယခုတွင် အင်အားကြီးမားသည့် အုပ်စုကြီးများတွင် မကောင်းဆိုးဝါးများအားသုတ်သင်ရှင်းလင်းရန် အဖွဲ့များရှိရာ အတွေ့အကြုံများ ရေစီးသကဲ့သို့တရှိန်ထိုးတိုးနိုင်ပြီး အဆင့်၃၀သို့လည်းတစ်နေ့တည်းနှင့် ရောက်နိုင်သည်။ 


ပုံမှန်အားဖြင့် အဆင့်၄၅သို့ရောက်ပြီးလျှင် အဆင့်တက်နှုန်းသည်နှေးသွားလေ့ရှိသည်။ စုဝမ်ရရှိနိုင်မည့် အတွေ့အကြုံပမာဏတို့ကိုတွက်ချက်လိုက်ကာ အဆင့်၅၀သို့အချိန်တိုအတွင်းတက်လှမ်းချင်ပါက တစ်နည်းပင်ရှိကြောင်းသိလိုက်သည်။ ၎င်းက Millenniumဧရိယာသို့ သွားရောက်သုတ်သင်ရန်ဖြစ်သည်။ 


ဂိမ်းထဲတွင် Millenniumဧရိယာသည် ဧရိယာအသေးများကြားတွင် အလယ်အလတ်အဆင့်ရှိပြီး သုတ်သင်ရှင်းလင်းရန် ပုံမှန်အားဖြင့်လူငါးယောက်ပါသည့်အသင်းတစ်သင်းလိုအပ်သည်။ သို့သော် အဆင့်မြင့် ပစ္စည်းကိရိယာများနှင့် စွမ်းဆောင်ရည်ကောင်းကြသည့် လူနှစ်ယောက်အဖွဲ့ သို့မဟုတ် တစ်ယောက်တည်း သုတ်သင်ကြသူများလည်းရှိကြသည်။


ဤရက်များတွင် စုဝမ်သည်သူမ၏အတုအပစွမ်းရည်ကိုသုံးကာ အဆင့်၄၀နတ်ဆရာ ပစ္စည်းကိရိယာများကိုပြုလုပ်၍ သူမ၏တစ်ကိုယ်လုံးအား +၈တိုးစေလိုက်သည်။ ၎င်းတို့သည် ကောင်းမွန်သည့် ပစ္စည်းကိရိယာများဟုသတ်မှတ်နိုင်ပြီး သူမယခင်ကရထားခဲ့သော ရှားပါးစွမ်းရည်တို့ကိုလည်း ယခုအသုံးပြုနိုင်ပြီဖြစ်သည်။ ဥပမာအနေနှင့် ပြန်လည်ရှင်သန်ခြင်းစွမ်းရည်၊ ခုခံတိုက်ခိုက်မှုများနှင့် အားနည်းစေသည့်စွမ်းရည်တို့ပင်ဖြစ်သည်။ ၎င်းတို့သည် အသုံးဝင်သည့်စွမ်းရည်များဖြစ်ပြီး အထူးသဖြင့် အားနည်းစေသည့်စွမ်းရည်မှာ ဘော့စ်များနှင့်တိုက်ခိုက်ရာတွင် ထိရောက်မှုရှိပြီး လျစ်လျူရှုထား၍မရနိုင်ပေ။ 


အရှင်ဧကရာဇ်အား သူမ၏အကြံများကိုပြောဆိုလိုက်ပြီးနောက် စုဝမ်သည် ကူးပြောင်းသည့်လမ်းကြောင်းအားအသုံးပြုကာ Millenniumဧရိယာဝင်ပေါက်သို့ တစ်ယောက်တည်း တိုက်ရိုက်ကူးပြောင်းလိုက်သည်။ ယခုတွင် ပျမ်းမျှကစားသမားများ၏ အမြင့်ဆုံးအဆင့်မှာ အဆင့်၅၀ ဝန်းကျင်ဖြစ်သောကြောင့် Millenniumဧရိယာဝင်ပေါက်တွင် အုတ်အုတ်ကျက်ကျက်ဖြစ်နေတော့သည်။ 


စုဝမ်ကလူကြားထဲသို့ တည်ငြိမ်စွာလျှောက်သွားလိုက်ရာ မည်သူမှသူမအား သတိမထားမိကြချေ။ သို့သော် သူမကဧရိယာ၏ NPCဇာတ်ကောင်ထံသို့မသွားခင် ရင်းနှီးနေသည့် ပုဂ္ဂိုလ်ထံသို့အရင်လျှောက်သွားလိုက်သည်။ 


ဝံပုလွေဖြူ အဆင့်၆၀ လုပ်ကြံသတ်ဖြတ်သူ ဝံပုလွေအစွယ်အုပ်စုအကြီးအကဲ...


ထိုလုပ်ကြံသတ်ဖြတ်သူသည် မျက်နှာတွင်ပြုံးနေသော်လည်း မကောင်းသောရည်ရွယ်ချက်များရှိသောသူပင်။ သူကစုဝမ်ပထမဆုံး တာဝန်ကျကမ္ဘာသို့ရောက်လာချိန်တွင် သူမအားသတ်ခဲ့သည့် လုပ်ကြံသတ်ဖြတ်သူဖြစ်သည်။ 


“စုချန်းဝမ်ယွဲ့လား” 


ထိုအချိန်တွင် ဝံပုလွေဖြူသည် စုဝမ်ကို သတိထားမိသွားသည်။ သူကထိတ်လန့်သွားကာ စုဝမ်အား အကဲဖြတ်စွမ်းရည်ဖြင့် စူးစမ်းလိုက်သည်။


အိုင်ဒီ : စုချန်းဝမ်ယွဲ့


လိင် : မိန်းမ


အထူးပြု : နတ်ဆရာမ


အဆင့် : ၄၅


ဝင်ရောက်ထားသောအုပ်စု : မရှိ


အကောင်းအဆိုးတန်ဖိုး : -၇၉၈


အကောင်းအဆိုးတန်ဖိုးသည် ဂိမ်းထဲတွင်သတ်ခဲ့သည့် လူအရေအတွက်အပေါ်အခြေခံသည်။ လူတစ်ယောက်သတ်လိုက်တိုင်း တစ်မှတ်ဆုံးရှုံးမှာဖြစ်သည်။ ဤနည်းဖြင့်အမှတ်များစုပုံလာမည်ဖြစ်ပြီး အဆိုးတန်ဖိုးအမှတ်တစ်မှတ်ချင်းစီအား အွန်လိုင်းပေါ်တွင်တစ်နာရီကြာရှိနေမှသာ ဖယ်ရှားနိုင်မှာဖြစ်သည်။ စုဝမ်ကယခင်ရက်များတွင် လိုင်းမတက်ဘဲနေရာ အချိန်အကြာကြီးလူမသတ်ခဲ့သောကြောင့် သူမ၏အကောင်းအဆိုးတန်ဖိုးတို့သည် တဖြည်းဖြည်းလျော့လာနေခဲ့သည်။ ထို့သိုဆိုလျှင်တောင်မှ အဆိုးတန်ဖိုးသည် ၇၀၀ကျော်ရှိနေသေးသည်။ ၎င်းက စုဝမ် ရှစ်ထျန်းအုပ်စုတွင်ရှိနေခဲ့တုန်း၌ လူမည်မျှသတ်ခဲ့ကြောင်းဖော်ပြနေလျက်ရှိသည်။ 


“မင်းအခုတလော ငြိမ်နေပါ့လား”


ဝံပုလွေဖြူက နှုတ်ခမ်းသပ်လိုက်ကာ စုဝမ်အား မလိုမုန်းထားစွာကြည့်နေသည်။ ယခုလေးတင်ပင် သူက စုဝမ်နာမည်အားအကျယ်ကြီးအော်ခေါ်လိုက်ရာ ပတ်ဝန်းကျင်မှ မျက်လုံးတို့သည် စုဝမ်ထံသို့စုပြုံကျရောက်လာတော့၏။


ဝံပုလွေဖြူ၏ ရန်စသည့်စကားများနှင့် အခြားသူများ၏ ပြက်ရယ်ပြုသည့်နေ့သည့်အကြည့်များကိုရင်ဆိုင်ရင်း စုဝမ်၏အကြည့်များသည့်နက်ရှိုင်းသွားကာ “ခွေးကောင်းတွေကလမ်းပိတ်မရပ်ဘူး” 


“စုချန်းဝမ်ယွဲ့” 


စုဝမ်၏စကားလုံးများဖြင့် ထိုးနှက်ခံလိုက်ရသော ဝံပုလွေဖြူက လက်ကိုမြှောက်ကာ သူမ၏လမ်းကိုပိတ်လိုက်၏။ 


“သေရတာကို သဘောတွေ့နေတာလား အခုချက်ချင်း တပ်ဖွဲ့တွေကိုလှမ်းခေါ်လိုက်ပြီး မင်းကို အဆင့်၁၀ပြန်ရောက်အောင် လုပ်ခိုင်းလိုက်ရမလား”


“နင့်ရဲ့ ဝံပုလွေအစွယ်အုပ်စုကလူတွေက အဆင့်နည်းတဲ့သူတွေနဲ့ အမျိုးသမီးတွေကို အနိုင်ကျင့်ဖို့လောက်ပဲသိတာမလား”


ပြောပြီးပြီးချင်းပင် စုဝမ်က ဝံပုလွေဖြူအားမတူမတန်သကဲ့သို့ကြည့်လိုက်ကာ “သတ်ကွင်းထဲမှာ ငါနဲ့တစ်ယောက် တစ်ယောက်ချင်း ချရဲလား”


စုဝမ်၏ကျင့်ဝတ်မှာ ရန်ပွဲထဲတွင်ဝင်မပါရန်ဖြစ်သည်။


“ဘာကြောက်စရာရှိလို့လဲ”


အနှီဝံပုလွေဖြူသည် အရင်ကလိုဘဝင်မြင့်နေဆဲပင်။ စုဝမ်၏စကားကိုကြားပြီးနောက် သူကချက်ချင်းပင် သတ်ကွင်းမျက်နှာပြင်အားဖွင့်လိုက်ကာ စုဝမ်အားဖိတ်ခေါ်လိုက်သည်။ 


“ငါ့ကိုအနိုင်ယူနိုင်ရင် ခုချိန်ကနေစပြီး မင်းကိုလုံးဝမနှောင့်ယှက်တော့ဘူး” 


“ဟင်း”


ဝံပုလွေဖြူ၏စကားတို့ကို စုဝမ်ကပြုံး၍သာတုံ့ပြန်လိုက်သည်။ သူမကချက်ချင်းပင် လက်ခံသည်ကိုနှိပ်လိုက်ကာ နှစ်ယောက်လုံးသည် သတ်ကွင်းသို့ကူးပြောင်းရောက်ရှိသွားတော့၏။


လင်ရှန်းတွင် သတ်ကွင်းသည် ကစားသူများယှဥ်ပြိုင်တိုက်ခိုက်ကြကာ တစ်ယောက်နှင့်တစ်ယောက်သင်ယူနိုင်သည့်နေရာဖြစ်သည်။ ရှုံးသွားလျှင် အတွေ့အကြုံအမှတ်တို့မလျော့သလို လူသတ်လိုက်လျှင်လည်း အဆိုးတန်ဖိုးအမှတ်တို့ တိုးလာမည်မဟုတ်ချေ။ 


ဝံပုလွေဖြူနှင့် စုဝမ်တို့ သတ်ကွင်းသို့ကူးပြောင်းသွားတာကိုကြည့်ရင်း အခြားသူများသည်လည်းမနေနိုင်သဖြင့် ရန်ပွဲအားကြည့်ရန် သတ်ကွင်းသို့လိုက်ပါကူးပြောင်းကြတော့သည်။


_____


🚩

Prev Next