Chapter 73
Viewers 4k
Chapters 444

🚩Chapter -73

 Arc_4 . အွန်လိုင်းဂိမ်းနတ်ဘုရားက ငါ့ကိုအလိုလိုက်နေတယ် [ 11 ]


_____



လင်ရှန်းတွင် ကမ္ဘာတစ်ဝှမ်းမှလူများအတူတကွကစားကြပြီး ဟွာရှား၏ပြည်နယ်ရှစ်ခုတွင် ကစားသူများ အများအပြားရှိကြသည်။ စုဝမ်ရက်အနည်းငယ်လောက် လိုင်းမတက်သည့်အချိန်တွင် လူတိုင်းက သူမအကြောင်းအား မဆွေးနွေးကြတော့ပေ။ အဘယ့်ကြောင့်ဆိုသော် ဟွာရှားစတုတ္ထပြည်နယ်တွင် ကိစ္စအသစ်များသည်နေ့တိုင်းဖြစ်ပျက်နေ၍ဖြစ်သည်။ ထို့အပြင် လူအများစုသည် တရားဝင်Websiteပေါ်ရှိ နောက်ဆုံးထုတ်ပြန်မှုများကိုသာအာရုံစိုက်ကြသည်။ တစ်လခွဲကြာပြီးနောက် စနစ်အဆင့်မြှင့်တင်မည်ဖြစ်ပြီး ဒေသဖြတ်လမ်းကြောင်းလည်းပွင့်လာလိမ့်မည်။ 


စုဝမ်သည် Millennium ဧရိယာအား တစ်ယောက်တည်းရှင်းလင်းနေဆဲဖြစ်ပြီး ရှင်းလင်းနှုန်းက သူမ၏ စွမ်းရည်၊အဆင့်နှင့်၊ တိုက်ခိုက်မှုများတိုးတက်လာခြင်းနှင့်အတူ တဖြည်းဖြည်းချင်းမြန်ဆန်လာ၏။ 


နယ်မြေအားအသစ်ပြန်လည်ဖြစ်စေသည့်သော့အား ပိုက်ဆံအကုန်ခံဝယ်လိုက်ပြီးနောက် စုဝမ်ကထိုနယ်မြေအား နှစ်ရက်ကြာမရပ်မနားရှင်းလင်းပြီးနောက်တွင် အဆင့်၅၀သို့အောင်အောင်မြင်မြင်နှင့် ရောက်ရှိသွားတော့သည်။ အဆင့်၅၀သို့ရောက်လျှင် သူမသည် မြေပုံအသစ်ဖြစ်သည့် ‘ ကန္တာရမြေ’သို့ ကူးပြောင်းရလိမ့်မည်။ ထိုနေရာက အလွန်ကျယ်ပြောသည့် သဲကန္တာရဖြစ်ပြီး ထူးဆန်းတဲ့မကောင်းဆိုးဝါးအမျိုးမျိုးကျင်လည်ကျက်စားနေကြသည်။ 


ယခုအချိန်တွင် ‘ကန္တာရမြေ’၌ အဆင့်တင်နေကြသည့်ကစားသူအများအပြားရှိနေ၏။ မကောင်းဆိုးဝါးတို့စုဝေးရာ နေရာအားလုံးနီးပါးသည် အုပ်စုကြီးများ၏သိမ်းပိုက်ခြင်းခံထားရပြီဖြစ်သည်။ အခြားကစားသူများသည် မကောင်းဆိုးဝါးနည်းပါးသောနေရာများတွင်သာ နှေးကွေးစွာအဆင့်တင်နိုင်ခြင်း သို့မဟုတ် အဆင့်တင်ရန် အဆင့်မြင့်မကောင်းဆိုးဝါးနယ်မြေများသို့ရောက်တဲ့အထိ အဖွဲ့တစ်ခုဖွဲ့စည်းခြင်းတို့ကိုသာ လုပ်နိုင်ကြသည်။ 


လင်ရှန်းတွင် မကောင်းဆိုးဝါးများနှင့် ကစားသူများ၏ အဆင့်ကွာခြားချက်များလေ ထိုမကောင်းဆိုးဝါးသတ်ဖြတ်ခြင်းမှရရှိသော အတွေ့အကြုံမှတ်လည်းများလေဖြစ်သည်။ သို့သော်လည်း မိမိထက်အဆင့်မြင့်သော မကောင်းဆိုးဝါးတို့အားသတ်ဖြတ်ခြင်းမှာ အခွင့်အလမ်းများနှင့် အန္တရာယ်များက ဘေးချင်းယှဥ်လျက်ရှိနေသည်။ အဘယ့်ကြောင့်ဆိုသော် လင်ရှန်းဂိမ်းကမ္ဘာထဲတွင် အဆင့်၅၅နှင့်အထက်၌ အဆင့်အလိုက်မြေပုံများမှမကောင်းဆိုးဝါးများသည် ပိုမိုသက်လက်စွာတိုက်ခိုက်လာကြမည်ဖြစ်ပြီး သူတို့၏ သတ်ဖြတ်နိုင်စွမ်းတို့မှာလည်း မနိမ့်တော့ချေ။ 


ပြင်းထန်သည့်ပူးပေါင်းဆောင်ရွက်မှုစိတ်ဓာတ်မရှိဘဲ မိမိထက်အဆင့်မြင့်သော မကောင်းဆိုးဝါးများကိုသတ်ရန် အဖွဲ့တစ်ခုအလျင်စလိုဖွဲ့စည်းခြင်းက သေချာပေါက်မရှုမလှသေဆုံးခြင်းနှင့်ကြုံတွေ့စေလိမ့်မည်။


သို့သော် စုဝမ်သည် သူမ၏သတိကပ်နိုင်စွမ်းနှင့် ပူးပေါင်းဆောင်ရွက်နိုင်စွမ်းတို့တွင် ယုံကြည်ချက်ရှိသောကြောင့် ၎င်းအားသိပ်စိုးရိမ်မနေပေ။ ပိုအရေးကြီးသည်က အဆင့်၅၀သို့ရောက်ပြီးနောက် သူမတွင် ‘ဖြူစင်သောအလင်း’ဟုခေါ်သော နတ်ဆရာမ၏ပထမဆုံး အုပ်စုလိုက်တိုက်ခိုက်သည့်စွမ်းရည်ရရှိလာ၏။ ၎င်းသည် အုပ်စုကြီးများတွင်ဝင်ရောက်ထားသော နတ်ဆရာများအတွက် မရှိမဖြစ်လိုအပ်သော စွမ်းရည်ဖြစ်သည်။ 


……


အဆင့်၆၀မြေပုံ၊ မြေအောက်အိပ်မက်နန်းတော်တွင်…


ဂိမ်းထဲတွင် အဆင့်၆၀သို့ရောက်ရှိနေသော ကစားသူသိပ်မရှိချေ။ မြေအောက်အိပ်မက်နန်းတော်တွင် စုစုပေါင်း အလွှာငါးလွှာရှိကာ မကောင်းဆိုးဝါးများသည် အဆင့်တစ်ဆင့်တိုင်းတွင် ထူထပ်ပေါများပြီး သူတို့၏တိုက်ခိုက်မှုများကလည်း အလွန်ပြင်းထန်သည်။ ရလဒ်အနေနှင့် ဤမြေပုံတွင် မကောင်းဆိုးဝါးများအား သတ်ဖြတ်သူမရှိသလောက်နည်းလေသည်။ 


‘ရေခဲတမျှအေးစက်သောခြေထောက်များ’နှင့်သူ၏အသင်းဖော် ‘ကမ္ဘာမြေအဆုံး’တို့သည် မြေအောက်နန်းတော်၏ ပထမဆုံးအထပ်သို့ဝင်လာကြသည်။ အဝင်ပေါက်တွင်ရှိနေသော မကောင်းဆိုးဝါးများမှာ မကြာသေးခင်က ရှင်းလင်းခံထားရသည့်ပုံပင်။ ဆုလာဘ်ပစ္စည်းများက မြေကြီးပေါ်တွင်ရှိနေကာ ပျောက်မသွားသေးပေ။ 


ဤနေရာတွင်ရှိနေသာ မကောင်းဆိုးဝါးများသည် အဆင့်၆၀ရှိကာ မြေအောက်နန်းတော်တစ်ခုလုံးတွင် အဆင့်အနိမ့်ဆုံးမကောင်းဆိုးဝါးများဖြစ်သည်။ 


‘ရေခဲတမျှအေးစက်သောခြေထောက်များ’သည် ယခုလေးတင် အဆင့်၅၇သို့ရောက်လာခြင်းဖြစ်သည်။ သူနှင့် ‘ကမ္ဘာမြေအဆုံး’တို့သည် ဤနေရာအား ရှင်းလင်းနေသည်မှာ သုံးရက်ရှိပြီဖြစ်ပြီး ဤအထပ်တွင် အဆင့်၅၈သို့ရောက်သည်အထိ တိုက်ခိုက်ကာ ဒုတိယထပ်သို့တက်ရန်စီစဥ်ထားကြ၏။


“ဒီနေ့လာတာနောက်ကျသွားတယ်” 


ဘေးတွင်ရပ်နေသာ ‘ကမ္ဘာမြေအဆုံး’သည် သက်ပြင်းချလိုက်သည်။ သူတို့၏ ဝံပုလွေအစွယ်(လန်ယာ)အုပ်စု၏ ဂုဏ်သတင်းသည် မကောင်းသော်လည်း ပထမအဆင့်ကစားသူတစ်ယောက်အနေနှင့် ‘ကမ္ဘာမြေအဆုံး’က အခြားသူများကိုဖိအားပေးရန်အုပ်စုအမည်ကိုအသုံးချခြင်းအားမကြိုက်ပေ။ ထို့အပြင် အခြားသူများနှင့် မကောင်းဆိုးဝါးများအား တိုက်ခိုက်ရသည်ကိုလည်းမကြိုက်ချေ။ 


“ထောင့်ဘက်ကိုသွားရအောင် အဲ့မှာမကောင်းဆိုးဝါးတွေအများကြီးရှိတယ်”


ပြောနေစဥ်မှာပင် ‘ရေခဲတမျှအေးစက်သောခြေထောက်များ’က မြေအောက်နန်းတော်ထဲသို့ ဝင်သွားနေပြီဖြစ်သည်။ ‘ကမ္ဘာမြေအဆုံး’က သူ့အနောက်သို့လိုက်ဝင်လိုက်၏။ သူတို့ဝင်ပေါက်အားကျော်ဖြတ်ဝင်လိုက်သည့်အချိန်တွင် သိပ်မဝေးသည့်နေရာမှ တိုက်ခိုက်နေသည့်အသံများ ကြားလိုက်ရသည်။ အသံ၏လားရာနောက်ကိုလိုက်ရင်း သူတို့ကအစိမ်းရင့်ရောင်နန်းတော်စောင့်ကိုတွေ့လိုက်ရ၏။ ထိုနေရာတွင် ပိန်ပါးလှသောကိုယ်ထည်လေးမှာ နတ်ဆရာမနှင်တံကိုကိုင်ထားကာ အစောင့်များကြားတွင် ပျံသန်းနေပြီး အထူးသဖြင့် သူမ၏လှုပ်ရှားမှုများက အလွန်လျင်မြန်လှသည်။ ထို့အပြင် သူမစွမ်းရည်တစ်ခုထုတ်လွှတ်လိုက်တိုင်း စွမ်းရည်၏CDအချိန်ပြီးဆုံးသည်နှင့်အချိန်ကိုက်ဖြစ်ပြီး တစ်စက္ကန့်လေးမျှ အလဟဿဖြစ်မသွားချေ။ (CD=cool down) 


“အဲ့ဒါ စုချန်းဝမ်ယွဲ့ပဲ” 


မကောင်းဆိုးဝါးအုပ်ကြားထဲတွင်ရှိနေသောထိုလူအား သေချာမမြင်ရသော်လည်း စွမ်းရည်များအပေါ် အကဲဖြတ်ကြည့်လျှင် နတ်ဆရာမတစ်ယောက်ဖြစ်လိမ့်မည်။ 


ဟွာရှားစတုတ္ထမြောက်ပြည်နယ်တစ်ခုလုံးတွင် ထိုကဲ့သို့လုပ်ဆောင်ချက်များနှင့် နတ်ဆရာမများအရေအတွက်က လက်တစ်ဖက်ပင်မပြည့်ပေ။ ထို့ပြင် မြေအောက်နန်းတော်၏ ပထမဆုံးအထပ်တွင် အဆင့်တင်နေသည့်အတွက်သေချာပေါက် အဆင့်၆၀မဟုတ်သေးပေ။ ထို့ကြောင့် ထိုလူ၏ သရုပ်မှန်အားခန့်မှန်းရန် လွယ်ကူလှသည်။ 


“စုချန်းဝမ်ယွဲ့လား” 


‘ကမ္ဘာမြေအဆုံး’ပြောသည်ကိုကြားသောအခါ ‘ရေခဲတမျှအေးစက်သောခြေထောက်များ’မှာ ရုတ်တရက်ထအော်မိသွား၏။ ထိုအော်သံက အနီးနားတွင် အဆင့်တင်ခြင်းအပေါ်အာရုံစိုက်နေသော စုဝမ်အားမနှောင့်ယှက်လိုက်ပေ။ ထိုအစား သူတို့အနောက်ရှိ မြေအောက်နန်းတော်ပထမထပ်သို့ ယခုလေးတင်ဝင်လာသော အသင်းငယ်လေး၏ အာရုံစိုက်မှုကို ဆွဲဆောင်မိလိုက်သည်။ 


“ဟေး အရှေ့မှာရှိနေတဲ့ ဝံပုလွေအစွယ်အုပ်စုကနှစ်ယောက်… ဘာလုပ်နေကြတာလဲ”


ပြတ်သားကာတက်ကြွနေသောမိန်းမငယ်အသံလေးသည် သူတို့နောက်မှထွက်ပေါ်လာသည်။ 


ထို့နောက် ချက်ချင်းပင် ငယ်ရွယ်ပြီးချစ်စဖွယ်ကောင်းကာ အစိမ်းဖျော့ရောင်နတ်ဆရာမဝတ်ရုံအားဝတ်ဆင်ထားသော နတ်ဆရာမလေးသည် သူတို့ဘေးသို့ရောက်လာ၍ “ပြောစမ်း… ငါ့ဆရာကိုချောင်းတိုက်ဖို့ကြံနေကြတာလား ပြဿနာရှာချင်နေတာလား ဝံပုလွေဖြူလိုမျိုး ဆာဗာကနေအထုတ်ခံချင်နေတာလား။” 


ကမ္ဘာမြေအဆုံး : “မင်းရဲ့ဆရာလား စုချန်းဝမ်ယွဲ့ကလေ” 


ရေခဲတမျှအေးစက်သောခြေထောက်များ : ဝံပုလွေဖြူ ဆာဗာကနေအထုတ်ခံရတာက စုချန်းဝမ်ယွဲ့နဲ့ပတ်သက်နေတာလား နေဦး တကယ်ပဲဆက်နွယ်နေတာလား။ 


‘ရေခဲတမျှအေးစက်သောခြေထောက်များ’သည် ရုတ်တရက်အုပ်စုထဲမှလူများပြောနေသည့် ဝံပုလွေဖြူက သူ့မိသားစုဒေဝါလီခံရသောကြောင့် ဂိမ်းမှအထုတ်ခံလိုက်ရသည့်အကြောင်းအားပြန်တွေးလိုက်သည်။ 


ဝံပုလွေဖြူ ဂိမ်းထဲကနေထွက်သွားတဲ့နေ့က သူ့အစ်ကိုရဲ့ ခေါင်းဆောင်နဲ့စုချန်းဝမ်ယွဲ့ကို တွေ့ခဲ့တဲ့နေ့ဖြစ်လောက်တယ်။ 


မဟုတ်မှလွဲ...


‘ရေခဲတမျှအေးစက်သောခြေ‌ထောက်များ’သည် မယ်လိုဒရမ်မာတစ်ခုကိုစိတ်ကူးမိလိုက်၏။ ဤကိစ္စ၏အမှန်တရားသည် သူအတွေးထဲမှအကြောင်းအရာများနှင့် အလွန်ကွာခြားသော်လည်း မှန်ကန်သွားသည့်အချက်တစ်ချက်ရှိ၏။


ဝံပုလွေဖြူ၏မိသားစုအား ဒေဝါလီခံရအောင်လုပ်လိုက်ခြင်းမှာ သေချာပေါက် စုရွေ့လက်ချက်ပင်ဖြစ်သည်။ 


ထိုအရည်အချင်းသည် စုရွေ့ဝတ္ထုများထဲမှသင်လာသည့် ယုံကြည်မှုလွန်ကဲနေသော CEOများ၏ မရှိမဖြစ်အရည်အချင်းဖြစ်ပြီး သုံးရအလွန်အဆင်ပြေ၏။ 


ထိုအချိန်တွင် ‘ကမ္ဘာမြေအဆုံး’သည် သူ၏အားကိုးမရသောအသင်းဖော်တွေးနေသည်များကို ဂရုမစိုက်ဘဲ သူအရှေ့ရှိ ကျောင်းသူအရွယ်နတ်ဆရာမလေးကိုကြည့်နေလိုက်သည်။ သူမကအဆင့်၅၀ ပစ္စည်းကိရိယာတို့ကို တပ်ဆင်ထား၍ ဤနေရာသို့အဆင့်တင်ရန်ရောက်လာပုံပေါ်သည်။ 


ဒါပေမယ့်... ဝူပေါင်ပေ့တဲ့လား။


သူမ ထိုအမည်အား မကြားဖူးပေ။ သို့သော် သူမနောက်ရှိတစ်ယောက်ကိုတော့...


ဝူဖုန်း...


‘ကမ္ဘာမြေအဆုံး’ ဤစစ်သည်တော်အကြောင်းကြားဖူးသည်။ ၎င်းသည်အလွန်အင်အားကြီးသော ဇာတ်ကောင်ဖြစ်သည်။ တစ်ခါကသူ့အုပ်စုမှ အကြီးအကဲများသည် ဝူဖုန်းအား အုပ်စုထဲသို့ဖိတ်ခေါ်ခဲ့သော်လည်း နောက်ဆုံးတွင် အငြင်းခံခဲ့ရ၏။ 


ဝူဖုန်းအားကြောက်ရွံ့သောကြောင့် ‘ကမ္ဘာမြေအဆုံး’သည် လျင်မြန်စွာရှင်းပြလိုက်သည်။ 


“ငါတို့နှစ်ယောက်က ဒီကိုအဆင့်တင်ဖို့လာတာ အခြားသူတွေနဲ့ပြဿနာဖြစ်ဖို့စိတ်ကူးမရှိဘူး ဘာကိစ္စမှမရှိဘူးဆိုရင် ငါတို့အရင်သွားနှင့်မယ်” 


သူကပြောပြီးသည်နှင့် စိတ်နှင့်ကိုယ်နှင့်မကပ်ဖြစ်နေသည့် “ရေခဲတမျှအေးစက်သောခြေထောက်များ’ကိုဆွဲကာ အခြားတစ်ဖက်သို့မြန်မြန်လေးထွက်သွားတော့သည်။ 


“ဟင့် ကိုယ့်လမ်းကိုယ်သွားရမယ်ဆိုတာသိသားပဲ” 


သူတို့နောက်တွင်ကျန်ခဲ့သော ဝူပေါင်ပေ့သည် လက်သီးတင်းတင်းဆုပ်ထားသည်။ ဘေးတွင်ရှိနေသာ ပင်းဟွေ့ရှင်ကျဲ့က ပြုံးရုံသာပြုံးလိုက်ကာ အနီးတွင်တိုက်ခိုက်နေသော စုဝမ်အားကြည့်လိုက်သည်။ ယခုတွင် သူမက မကောင်းဆိုးဝါးအုပ်စုကြီးအား သုတ်သင်ပြီးဖြစ်ကာ ဒုတိယအုပ်စုဆီသို့ချဥ်းကပ်နေလေသည်။ 


“အစ်ကိုဝူဖုန်း ကျွန်‌တော်တို့သူမနဲ့အတူသွားတိုက်ကြမလား”


ပင်းဟွေ့ရှောင်ကျဲ့က စုဝမ်အပေါ်တွင် အထင်အမြင်ကောင်းများရှိသည်။ ထို့အပြင် သူမသည် သူ့ဝမ်းကွဲညီမ၏ အိုင်ဒေါလည်းဖြစ်၏။ 


“မသွားဘူး ငါတို့အဆင့်တင်တဲ့နေရာပြောင်းရအောင်”


တစ်ချိန်လုံးတိတ်နေခဲ့သော ဝူဖုန်းက ညင်သာစွာပြောလာပြီးနောက် လှည့်ထွက်သွားတော့သည်။ ပင်းဟွေ့နှင့် ဝူပေါင်ပေ့တို့မှာ သူ့နောက်မှလိုက်လာရုံသာတတ်နိုင်ကြသည်။ သူတို့နှစ်ယောက်အား အဆင့်တင်ရန် ဝူဖုန်းကသာ ဦးဆောင်လေ့ရှိပြီး သူတို့ကဂိမ်းနှင့်ပတ်သက်၍ အာရုံခံနိုင်စွမ်းသိပ်မကောင်းကြပေ။ ယခုတွင်ပင် ဝူဖုန်းသည် အချိန်တစ်ခုကြာအောင်လေ့လာပြီးနောက် စုဝမ်ကနတ်ဆရာမဖြစ်သော်လည်း သူမ၏သုတ်သင်နိုင်စွမ်းက မှော်ပညာရှင်တစ်ယောက်ထက်မနှေးကြောင်း သိလိုက်ရသည်။ ထိုမျှမကဘဲ မှော်ပညာရှင်များသည် အသက်နည်းနည်းသာရှိသောကြောင့် မကောင်းဆိုးဝါးတို့အား ချဥ်းကပ်ရာတွင် တစ်ခါတည်းနှင့်အများကြီးအားမချဥ်းကပ်ရဲပေ။ သို့သော် နတ်ဆရာများကမတူ‌ချေ။ စုချန်းဝမ်ယွဲ့က အချိန်မရွေး အသက်ပြန်ဖြည့်နိုင်သောကြောင့် မကောင်းဆိုးဝါးများအား ဆက်တိုက် တိုက်ခိုက်နေနိုင်၏။ 


ထိုကဲ့သို့တွက်ချက်လိုက်ပြီးနောက် အမှန်တကယ်တွင် သူမတစ်ယောက်တည်းအဆင့်တင်ခြင်း၏ အတွေ့အကြုံမှတ်များသည် သူတို့အုပ်စုလိုက်ရနိုင်သော အတွေ့အကြုံမှတ်များထက်များကြောင်းသိလိုက်ရ၏။


ဟွာရှားဆဌမမြောက်ပြည်နယ် ‘အဆုံးမရှိည’အုပ်စုတွင်ဖြစ်သည်။ 


စုရွေ့ကရက်အနည်းငယ်ကြာ‌အောင်လိုင်းမတက်ဖြစ်သော်လည်း သူ့အဆင့်သည်အခြားသူများ၏ရှေ့တွင် ရှိနေဆဲပင်။ ထို့နောက် ယနေ့လိုင်းတက်လာပြီးနောက်တွင် စုရွေ့ကတက်ကြွစွာနှင့် လင်ရှန်းတွင်လက်ရှိ အဆင့်အမြင့်ဆုံးဖြစ်သည့်အဆင့်၈၀မြေပုံတွင် တစ်ယောက်တည်းအဆင့်တင်နေလေသည်။


အုပ်စုခေါင်းဆောင်သည် တစ်ခါတည်းနှင့်အဆင့်နှစ်ဆင့်တက်သွားသည်ကိုကြည့်ရင်း သူတို့က အဆင့်၇၂ကိုသာကြည့်နေနိုင်ကြတော့သည်။ အုပ်စုတစ်ခုလုံး သွေးတို့ဆူပွက်နေကြ၏။ 


မိန်းမလှလေး : ခေါင်းဆောင်ဘယ်လိုဖြစ်တာလဲ သုံးရက်လောက်လိုင်းမတက်ဘဲနေရာကနေ တက်လာတော့လည်း ချက်ချင်းကို အဆင့်သုံးဆင့်လောက်အထိ ဆက်တိုက်ကိုတက်သွားတာပဲ


တိမ်ကဗျာ : ကြီးမြတ်လှတဲ့ခေါင်းဆောင်


ဝမ်းနည်းနေသောသိုးလေး : အခုလေးတင် ခေါင်းဆောင်ရဲ့တည်နေရာကိုကြည့်လာတာ သူကအခုအဆင့်၈၀မြေပုံမှာရှိနေတာဟ အံ့ဩဖို့ကောင်းလိုက်တာ 


မိန်းမလှလေး : ဟုတ်ပ ဟုတ်ပ ငါတို့ရဲ့အင်အားကြီးတဲ့ခေါင်း‌ဆောင်နဲ့ ဒီအဆုံးမရှိညအုပ်စုက ဒေသဖြတ်လမ်းကြောင်းပွင့်လာရင် ပြိုင်ဘက်ကင်းဖြစ်နေတော့မှာ


တိမ်ကဗျာ : ဒီနေ့ အေးစက်သောလက်များ ဘာလို့တိတ်နေတာလဲ


ယခုလေးတင်လိုင်းတက်လာသည့် ရေခဲတမျှအေးစက်နေသောလက်များ : ငါက စကားနည်းပြီးချောမောတဲ့လူတစ်ယောက်ဖြစ်ချင်ရုံပါ


မိန်းမလှလေး : အေးစက်သောလက်များ... နင်အန်တီလာနေတာလား (ဓမ္မတာလာခြင်း)


ရေခဲတမျှအေးစက်သောလက်များ : ......


ကုန်တိုက်ကအမှတ်မထင်တွေ့ဆုံမှုကခေါင်းထဲရောက်လာပြန်ပြီ ဘယ်လိုလုပ်ရမလဲ။ 


ဝေခွဲမရဖြစ်နေပြီးနောက် ‘ရေခဲတမျှအေးစက်သောလက်များ’သည် အုပ်စုစကားပြောခန်းထဲတွင် စာအနည်းငယ်ရိုက်လိုက်၏။


ရေခဲတမျှအေးစက်သောလက်များ : ငါစုချန်းဝမ်ယွဲ့နဲ့တွေ့ခဲ့တယ်


မိန်းမလှလေး : ??


ယဲ့ယွီ : ဘယ်တုန်းကလဲ


ဝမ်းနည်းသောသိုးလေး : အား အား ခေါင်းဆောင်ထပ်ပေါ်လာပြန်ပြီ


မိန်းမလှလေး : ခေါင်းဆောင်အသက်ရှင်နေသေးတာကိုအမိအရ မှတ်တမ်းတင်ထားကြ


တိမ်ကဗျာ : ခေါင်းဆောင်ကသာအတော်ဆုံး....ခေါင်းဆောင်ကကြိုးကြိုးစားစားအဆင့်တင်နေတာပါနော်။ 


လက်ရှိတွင် စုရွေ​ြရောက်ရှိလာမှုကြောင့် ယခင်ကတက်ကြွနေခဲ့သောအုပ်စုဝင်များသည် ပို၍ပင်တက်ကြွလာကြတော့သည်။ ဤစကားများသည့်အဖွဲ့ဝင်များအပြင် တစ်နှစ်လုံးပျောက်နေခဲ့ကြသော အခြားအဖွဲ့ဝင်များကလည်း စကားပြောလာကြ၏။ 


အုပ်စုစကားပြောခန်းတွင် ပွက်လောရိုက်နေသည်ကိုကြည့်ရင်း စုရွေ့မျက်ခုံးတို့တွန့်ချိုးသွားသည်။ သူကချက်ချင်းပင် အုပ်စု၏အဖွဲ့ဝင်များစာရင်းကိုဖွင့်လိုက်ပြီး ‘ရေခဲတမျှအေးစက်သောလက်များ’အား သီးသန့်စကားပြောခန်းတွင် စာပို့လိုက်သည်။ 


ယဲ့ယွီ : စုချန်းဝမ်ယွဲ့နဲ့ဘယ်တုန်းကတွေ့ခဲ့တာလဲ။


____


Translated By IQ-Team.

Prev Next