Chapter 87
Viewers 4k
Chapters 444

🚩Chapter -87

 Arc_4 . အွန်လိုင်းဂိမ်းနတ်ဘုရားက ငါ့ကိုအလိုလိုက်နေတယ် [ 25 ]


_____


ကမ္ဘာ့ချန်နယ်တွင်သုံးနာရီကြာအောင်အဆက်မပြတ် ပေါ်နေသော ကြီးမားသည့် လက်ထပ်တောင်းခွင့်စာသည် စုဝမ်နယ်မြေမှထွက်လာပြီးနောက် ‘လက်ခံသည်’ကိုနှိပ်လိုက်သည့်အခါတွင်မှ ပျောက်ကွယ်သွားတော့၏။


ဂိမ်းထဲတွင်ထိမ်းမြားလက်ထပ်ခြင်းသည် လက်တွေ့ကမ္ဘာထက် အများကြီးရိုးရှင်းကာ လွယ်ကူသည်။ အုပ်စုနှစ်စုကြားရှိဆက်ဆံရေးအား ဆုံးဖြတ်ပေးပြီးနောက် သူတို့က လုံးချန်မြို့လည်ခေါင်ရှိ လက်ထပ်ပွဲဟောခန်းသို့တိုက်ရိုက်ကူးပြောင်း၍ ဇနီးမောင်နှံဖြစ်လာလိမ့်မည်ဖြစ်ပြီး NPCဇာတ်ကောင်တစ်ခုက ဘိသိက်ဆရာအဖြစ်ဦးစီးဆောင်ရွက်ပေးလိမ့်မည်။ သတို့သားနှင့်သတို့သမီးတို့က ကောင်းချီးများကိုပိုမိုရယူလိုပါက ဂိမ်းဈေးဝယ်စင်တာတွင် အထူးလက်ထပ်ပွဲဖိတ်ကြားလွှာအား ဝယ်ယူနိုင်ပြီး ဆာဗာထဲရှိ ကစားသူများအားလုံးအား ဤအခမ်းအနားတွင် ပါဝင်ဆင်နွှဲနိုင်ရန် ဖိတ်ကြားနိုင်သည်။ 


စုရွေ့၏အစီအစဥ်အတိုင်း လက်ထပ်ပွဲအား အလွန်ကြီးကျယ်ခမ်းနားစွာကျင်းပလေသည်။ ထိမ်းမြားခြင်းအဆောက်အအုံသည် ကောင်းချီးပေးရန်ရောက်လာကြသော ကစားသူများနှင့်ပြည့်နှက်နေသည်။ သို့သော်လည်း စုရွေ့စီစဥ်မထားခဲ့သော အခြားအရာပေါ်ပေါက်လာရာ လူတိုင်း၏အာရုံစိုက်မှုတို့ရှိနေရမည့် အသစ်စက်စက်ဇနီးမောင်နှံလေးသည် လုံးလုံးလျစ်လျူရှုခံထားရလေ၏။


ဝူပေါင်ပေ့ : ကလေးလေး အရမ်းချစ်ဖို့ကောင်းလိုက်တာ... စုရှောင်စူးဆိုတော့.... မမဝမ်ယွဲ့ရဲ့ ညီမလေးများလား။ 


မိန်းမလှလေး : ရှောင်ဝူ ဘယ်လိုမျက်လုံးတွေနဲ့ကြည့်နေတာလဲ။ သူမကသေချာပေါက် ငါတို့ခေါင်းဆောင်ရဲ့ ညီမလေးပါ။ ခေါင်းဆောင်နဲ့ဘယ်လောက်တူလဲကြည့်ပါလား။ 


ဝမ်းနည်းနေသောသိုးလေး : တကယ်တော့ ငါထူးဆန်းတဲ့အငွေ့အသက်ရနေတယ်.......။


ဇူလိုင်(၇)ရက် : လာ လာ လာ ကလေးမလေး ဒီမမကြီးပြောစကားနားထောင်စမ်း။ မင်းကဘယ်သူ့ညီမလေးလဲ။ 


စုရှောင်စူး (စုဝမ်၏အကျီအားဆွဲလျက်) : မေမေ.... မေမေ... ဒီမမကအရမ်းထူးဆန်းတယ်... သမီး သူနဲ့ သူငယ်ချင်းမဖြစ်ချင်ဘူး။ 


ဇူလိုင်(၇)ရက် : ……….


မိန်းမလှလေး : ဘာဖြစ်တယ်.....ဘာ...ဘာက...။ 


ဝမ်းနည်းနေသောသိုးလေး : အင်း...ငါ့ခံစားချက်မှန်တယ်။ 


ဝူပေါင်ပေ့ : မင်းက မမဝမ်ယွဲ့ရဲ့သမီးတဲ့လား...အသက်ဘယ်လောက်ရှိပြီလဲ။ 


စုရှောင်စူး : ဒီနှစ်ခြောက်နှစ်ပြည့်မှာ.... မေမေက နှစ်ဆယ့်လေးနှစ်။


မိန်းမလှလေး : အသက်ဆယ့်ခုနစ်နှစ်မှာတင် ကလေးရှိခဲ့တာပေါ့... ကလေးအဖေက ငါတို့ခေါင်းဆောင်တော့ မဟုတ်ဘူမလား။ 


သူမအသံထဲတွင် သံသယတို့ရောနှောပါဝင်နေသော်လည်း စုရှောင်စူးကိုကြည့်လိုက်‌သောအခါ မိန်းမလှလေးမှာ တိုက်ဆိုင်မှုတစ်ခုဟု မယုံကြည်နိုင်တော့ချေ။ 


ဝမ်းနည်းနေသောသိုးလေး : ငါ့ရဲ့အလိုလိုသိစိတ်က ဇာတ်လမ်းတစ်ခုရှိလိမ့်မယ်လို့ပြောနေတယ်။ 


ကျော်ကြားသည့် မိန်းမလှလေး : စူးစူး...စူးစူး ဖေဖေနဲ့မေမေ့ရဲ့ ဇာတ်လမ်းကိုပြောပြနိုင်မလား။ 


စုရှောင်စူး (မျက်လုံးများတောက်ပလျက်) : ကောင်းပြီ... ကိစ္စတွေကဒီလိုဖြစ်ခဲ့တာ။ ဖေဖေနဲ့မေမေနဲ့က မမွေးခင်တည်းကစေ့စပ်ပေးထားခဲ့ကြတဲ့ ငယ်ချစ်တွေဖြစ်ပြီး မြင်မြင်ချင်းမှာတင် အချင်းချင်းသဘောကျသွားခဲ့ကြတာ။ မေမေငယ်ငယ်တုန်းက ကံဆိုးစွာနဲ့ မိသားစုအခြေအနေကျဆင်းခဲ့တယ်။ နောက်တော့ သူမက စစ်ထူမိသားစုမှာသွားနေခဲ့ပြီး ဖေဖေနဲ့ပျော်ပျော်ရွှင်ရွှင်နေခဲ့ပေမယ့် ကောင်းမွန်တဲ့အချိန်လေးတွေက ရေရှည်မတည်မြဲခဲ့ဘူး။ အဲ့နောက်မှာ စစ်ထူအိမ်တော်က သခင်မကြီးက ဖေဖေနဲ့မေမေတို့ ချစ်သူတွေဖြစ်နေကြတာကိုသိသွားခဲ့ပြီး အတင်းအကြပ်ခွဲစေခဲ့တယ်။ နောက်တော့ မေမေက ပင်ပင်ပန်းပန်းနဲ့ရုန်းကန်ခဲ့ရတယ်။ သူမက သမီးကိုပြုစုစောင့်ရှောက်ရင်း ကျောင်းတက်ခဲ့ရတယ် ဝူး ဝူး ဝူး သနားဖို့ကောင်းလိုက်တာ။ မေမေကအရမ်းသနားဖို့ကောင်းတယ်။ သူကတစ်နေ့ထဲမှာ အလုပ်သုံးခုလုပ်ရပြီး ညဘက်ကျတော့လဲ ဂိမ်းထဲမှာ ပိုက်ဆံရှာရတယ်။ သူ(မ)ကအပြင်ပန်းမှာ သန်မာပုံပေါက်တာ လူတိုင်းတွေ့ကြမှာပါ။ ဒါပေမယ့်လက်တွေ့မှာ သူ က သူများတွေထက် အရမ်းအားနွဲ့တဲ့ အမျိုးသမီးတစ်ယောက်ပါပဲ။ အဲ့ဒီအပြင်ကို မေမေက ဖောက်ပြန်တဲ့ရွံစရာတိရှစ်ထျန်းနဲ့ ဟွေ့မော့ယိရှောင်တို့ရဲ့ အနိုင်ကျင့်တာလဲခံခဲ့ရသေးတယ် စူးစူး အရမ်းဝမ်းနည်းတာပဲ ဝူးဝူးဝူး........။ 


အမျိုးသမီးကစားသမားလူအုပ်ကြီး : နတ်ဘုရားမ ဝမ်ယွဲ့ကအရမ်းသနားဖို့ကောင်းတာပဲ။ 


အမျိုးသားကစားသမားလူအုပ်ကြီး : ယဲ့ယွီက သူ့ဇနီးလေးကို အသည်းအသန်လိုက်နေတာ မထူးဆန်းတော့ပါဘူး ဒါက သူ့ဇနီးနဲ့ကလေးကိုစွန့်ပစ်ခဲ့တဲ့အတွက် အပြစ်ဒဏ်ခံရတာပဲပေါ့...


စုရွေ့ : ..........


စုဝမ် : စုရှောင်စူး တော်လောက်ပြီ အဓိပ္ပာယ်မရှိတာတွေထပ်ပြောနေရင် အိမ်မွေးစနစ်ကိုပိတ်လိုက်ပြီး ဘယ်တော့မှထွက်မလာဘဲနေခိုင်းလိုက်မယ်။ 


လူတိုင်း : ........


ထို့နောက်တွင်တော့ ကောလဟာလများသည် လမ်းမ‌များပေါ်၌ ဤကဲ့သို့တဖြည်းဖြည်းပျံ့နှံ့သွားတော့၏........။


ယဲ့ယွီနှင့် စုချန်းဝမ်ယွဲ့၏ ခမ်းနားကြီးကျယ်လှသော လက်ထပ်ပွဲကြီးတွင် သူ၏အချစ်များကို စုချန်းဝမ်ယွဲ့အား ဖော်ပြရန်အတွက် ယဲ့ယွီက ဂိမ်းဈေးဝယ်စင်တာတွင် ပိုက်ဆံအများကြီးသုံး၍ ကိုယ်ပိုင်အဆင့်မြင့်အိမ်မွေးသတ္တဝါလေးတစ်ကောင် မှာယူခဲ့ကာ စုချန်းဝမ်ယွဲ့အပေါ်ထားရှိသော သူ၏စစ်မှန်သည့် ချစ်ခြင်းမေတ္တာတို့ကိုပြသခဲ့သည်ဟူ၍။


အဆင့်မြင့်လူလုပ်အိမ်မွေးသတ္တဝါလေးသည် ယဲ့ယွီနှင့်တူရုံသာမက ဉာဏ်လည်းထက်မြက်သည်။ ၎င်းက ‘ဖေဖေ’ ‘မေမေ’ဟုခေါ်နိုင်သည်သာမက ဇာတ်လမ်းတို့ကိုလည်း မျက်နှာထားအမျိုးမျိုးနှင့်ပြောပြနိုင်သည်။ 


လင်ရှန်း၏ စနစ်များက ပွဲအပြီးတွင် ထိုအဆင့်လူလုပ်အိမ်မွေးသတ္တဝါလေးသည် စုချန်းဝမ်ယွဲ့က လျှို့ဝှက်တာဝန် ပြီးစီးအောင်မြင်သွားသည့်အတွက် ရရှိလာသောဆုလာဘ်လေးတစ်ခုဖြစ်ကြောင်း ရှင်းလင်းချက် ထုတ်ခဲ့သော်လည်း သူဌေးသားသမီးကစားသူများက အထင်သေးခံလိုက်ရသကဲ့သို့ခံစားလိုက်ရသည်။ 


ဟေး...ငါ့ကိုအဲ့လောက် ပိုက်ဆံလေးမသုံးနိုင်ဘူးများထင်နေတာလား။ 


လာ လာ လာ ဈေးပြောလိုက်...ဒီအစ်ကိုကြီးက ပိုက်ဆံသုံးတယ်ဆိုတာဘာလဲသိအောင်ပြပေးမယ်။ 


ရလဒ်အနေနှင့် လင်ရှန်း၏ ပရိုဂရမ်တည်ဆောက်ရေးအခန်းထဲတွင် ဝန်ထမ်းများသည် သုံးရက်ဆက်တိုက် မအိပ်မစားဘဲ အလုပ်လုပ်ခဲ့ရတော့သည်။ သုံးရက်ကြာပြီးနောက် ဂိမ်းဈေးဝယ်စင်တာတွင် ဈေးအကြီးဆုံး ပစ္စည်းများကိုရောင်းချလာခဲ့သည် - အဆင့်မြင့်လူလုပ်အိမ်မွေးသတ္တဝါလေးများ။ 


၎င်းပစ္စည်းများက ချက်ချင်းပင် လင်ရှန်းကမ္ဘာရှိ များပြားလှသော ကစားသူများ၏ ဝယ်ယူခြင်းခံလိုက်ရခြင်းသည် ဂိမ်း၏တာဝန်ရှိသူများအတွက် မမျှော်လင့်ထားသောအရာပင်ဖြစ်သည်။


ခရစ်စမတ်တွင် လိကျန်းမြို့၌ နှင်းထူထဲစွာကျလျက်ရှိသည်။ မူလတွင် စုရွေ့က အနီးအနားရှိ အနောက်တိုင်းစားသောက်ဆိုင်တွင် ကြိုတင်ဘိုကင်ယူကာ စုဝမ်နှင့် ပျော်ရွှင်စွာစားသောက်ရန် စီစဥ်ထားသော်လည်း စီစဥ်ထားသည့်အတိုင်းဖြစ်မလာခဲ့ပေ။ 


လိကျန်းမြို့ထဲရှိ ကော်ဖီဆိုင်တစ်ဆိုင်တွင်..... 


“ငါနဲ့တွေ့ရတာ အံ့ဩဖို့မကောင်းဘူးလား”


ယွီရှောင်းရှောင်းက ကော်ဖီအားလက်တစ်ဖက်နှင့်မွှေနေရင်း မျက်ခုံးတို့အနည်းငယ်ပင့်လိုက်ကာ စုဝမ်အား တည်ငြိမ်စွာကြည့်လာသည်။ 


စုဝမ်ကနှုတ်ခမ်းတို့တွန့်ကွေးလိုက်ကာ “ပြော... ငါ့ကိုဘာလို့တွေ့ချင်တာလဲ။” 


“ငါနင့်ကိုရက်ရက်စက်စက် မဖျက်စီးချင်ဘူး။” 


ယွီရှောင်းရှောင်းက ယုံကြည်ချက်အပြည့်ရှိနေသည့်ကိုယ်နေဟန်ထားဖြင့်ပြောလာသည်။ 


“ဒါကြောင့် နင်လင်ရှန်းကနေ ထွက်သွားပေးမယ်ဆိုရင် ငါဖီးနစ်အုပ်စုနဲ့ ယဲ့ယွီကိုလွှတ်ထားပေးမယ်။ အဲ့လိုမှမဟုတ်ရင်.....” 


“မဟုတ်ရင်ဘာလဲ နင့်ရဲ့အဲ့ဒီ သွေးနှောကောင်လေးကိုခေါ်လာပြီး ငါ့တို့ကိုသတ်ခိုင်းမလို့လား။” 


စုဝမ်မရယ်ဘဲမနေနိုင်တော့ပေ။


 â€œá€Ąá€­á€Żá€¸ ဟုတ်သားပဲ အဲ့လူနာမည်ကဘာပါလိမ့် Charlie လား ဒါမှမဟုတ် Charlesလား။ သူကလုပ်ငန်းဦးစီးရာမှာတော်တိုင်း ဂိမ်းထဲမှာလဲ တော်လိမ့်မယ်လို့နင်ထင်လား။” 


ယွီရှောင်းရှောင်းတောင့်ခဲသွားသည်။ စုဝမ်က Charles၏တည်ရှိမှုကို မည်သို့သိသွားသည်မသိသော်လည်း ယခုတွင် ၎င်းကအရေးမကြီးပေ။ 


“Charles က သာမန်စီးပွားရေးလုပ်ငန်းရှင်တစ်‌ယောက်မဟုတ်ဘူး သူကဆက်ဆံသူမင်းသားတစ်ပါးပဲ။ သူက စစ်ထူမိသားစုတစ်ခုလုံးကို အမြစ်ပြတ်သွားအောင်လုပ်နိုင်တယ်။ အဲ့ဒါတင်မကဘူး။ TXကုမ္ပဏီကိုရော လင်ရှန်းကိုပါဝယ်ပစ်နိုင်တယ်။” 


ဘာမင်းသား၊ ဘာဂိမ်းကုမ္ပဏီတစ်ခုလုံးကိုဝယ်နိုင်တာလဲ။ 


ဦးနှောက်မဲ့နေတဲ့ဝတ္ထုတွေအများကြီးဖတ်တဲ့ပုံပဲ။ 


“ယဲ့ထျန်းရော ဘယ်လိုနေသေးလဲ” 


စုဝမ်ရုတ်တရက်မေးလိုက်၏။ 


ယဲ့ထျန်း၏အမည်ကိုကြားသောအခါ ယွီရှောင်းရှောင်း၏မျက်နှာက မည်းမှောင်သွားတော့သည်။ 


“ နင်.... ငါ့ကိုသူ့အကြောင်းမေးပြီးဘာလုပ်ချင်နေတာလဲ။ ဒါက ယဲ့ထျန်းကိုကိုနဲ့ ငါနဲ့ကြားကကိစ္စပါ။ နင်နဲ့မဆိုင်ဘူး။” 


“အိုး... ယဲ့ထျန်းကိုကိုပေါ့လေ အခေါ်အဝေါ်တွေမပြောင်းသေးဘူးပဲ။ နင့်ရဲ့ ယဲ့ထျန်းကိုကိုက နင်နဲ့ Charlesလား Charlieလား အဲ့ဒီလူရဲ့ဆက်ဆံရေးကိုရောသိလား။” 


စုဝမ်ပြောလိုက်ရင်းနှင့် သူမအိတ်ထဲမှ ဓာတ်ပုံအထပ်လိုက်အား တည်ငြိမ်စွာထုတ်လိုက်သည်။ ၎င်းကအမှန်တကယ်တွင် ယွီရှောင်းရှောင်းနှင့် ချောမောသည့်သွေးနှောလူတို့၏ အိပ်ယာထက်မှပုံများဖြစ်သည်။ 


“ဒီရိုက်ချက်တွေကမဆိုးဘူး။ ဒီပုံတွေကိုယဲ့ထျန်းမြင်သွားတဲ့အချိန်ကျရင် သူဘယ်လိုတုံ့ပြန်လိမ့်မလဲ ခန့်မှန်းကြည့်ကြမလား။” 


“နင်တော်တော်ကို ရွံဖို့ကောင်းတာပဲ။” 


ယွီရှောင်းရှောင်းမျက်နှာသည်အမျိုးမျိုးပြောင်းလဲနေကာ ထိုဓာတ်ပုံများကိုအထိတ်တလန့်နှင့်ဆွဲယူလိုက်၍ အပိုင်းပိုင်းဖြစ်အောင်ဆုတ်ဖြဲလေသည်။ 


သူမ မမှားခဲ့ပေ။ သူမ ယဲ့ထျန်းကိုကိုအား ဘယ်သောအခါကမှ သစ္စာမဖောက်ခဲ့ချေ။ သူမက စိတ်ပျက်သွားခဲ့ရုံလေးသာ။ အစတွင်သူမက Charles၏ အတင်းအကြပ်ဖိအားပေးခြင်းခံခဲ့ရသော်လည်း အနည်းဆုံးတော့..... Charlesက ယဲ့ထျန်းကိုကို ပြန်လည်နာလန်ထူလာနိုင်အောင် ကူညီပေးရန်လိုလိုလားလား ရှိနေသည်။


သူမက အသံတိတ်လှောင်ပြောင်သရော်မှုများကိုသည်းခံရမည်။ သူမလုပ်ခဲ့သမျှအရာအားလုံးက အချစ်အတွက်၊ ယဲ့ထျန်းအတွက်ဖြစ်သည်။


“အဲ့ဒါငါ့အပြစ်မဟုတ်ဘူး။ ငါလည်းမဖြစ်ချင်ခဲ့ဘူး။ စုဝမ် ဒါတွေအားလုံးက နင် ငါ့ကိုလုပ်ခဲ့တာတွေ‌ကြောင့်ဖြစ်ရတာ။ ဘာလို့ဒီလောက်တောင်မလိုတမာစိတ်ရှိနိုင်ရတာလဲ။” 


ယွီရှောင်းရှောင်းသည် မထိန်းနိုင်တော့ဘဲ စူးရှစွာအော်ပြောလာတော့သည်။


စုဝမ်ကသူမအား စောင်းငဲ့ကြည့်လိုက်၍ “နင့်ရဲ့ဦးနှောက်ကကြီးမလာဘဲ နင့်ခန္ဓာကိုယ်ပဲ ကြီးလာတာပဲ ပြီးတော့ နင်လုပ်ခဲ့တဲ့အရာအားလုံးက နင်ကိုယ်တိုင်လုပ်ခဲ့တာပဲ။ ယွီရှောင်းရှောင်း တခြားသူတွေအပေါ်ကို ဒီလိုအရာအားလုံးပုံချလိုက်ရုံနဲ့ နင့်ခံစားချက်တွေကို အသိစိတ်ရှင်းရှင်းလင်းလင်းနဲ့ သစ္စာဖောက်နိုင်လိမ့်မယ်လို့ ထင်နေတာလား။ မဟုတ်ဘူး သစ္စာဖောက်တယ်လို့ဘယ်ပြောလို့ရမလဲ။ နင့်လိုလူမျိုးတွေက ခံစားချက်အကြောင်းပြောဖို့တောင် အရည်အချင်းမရှိဘူး။” 


ဤကဲ့သို့အလွန်ဦးနှောက်မဲ့ကာ အချစ်စစ်ဆိုသည့်အရာကိုနှစ်ခုအပြိုင်ထားနေပြီး ရည်းစားများစွာရှိခြင်းအား ဂုဏ်ယူစရာတစ်ခုအဖြစ်မှတ်ယူနေသည့် အမျိုးသမီးဇာတ်လိုက်မျိုး စုဝမ်ယခုမှမြင်ဖူးတော့သည်။ 


အတင်းအကြပ်ဖိအားပေးခံရတယ်ဆိုတာကရောဘာလဲ။


တစ်စုံတစ်‌ယောက်ကနင့်လည်ပင်းကိုဓားထောက်ပြီးနှစ်ယောက်ပြိုင်ထားအောင်လုပ်ခဲ့လို့လား။ ယဲ့ထျန်းကရော ငိုယိုပြီး သူ့မိသားစုပြန်လည်နာလန်ထူလာအောင်လုပ်ပေးပါလို့တောင်းပန်ခဲ့လို့လား။


‘ကိုယ့်အတွက်ပဲကိုယ်စဥ်းစားတာကမှန်ကန်တယ်”လို့တွေးတဲ့သူတွေက ဒီလိုမျိုးပါလား။ 


ထို့အပြင် ဖြစ်ပျက်ခဲ့သမျှ ကိစ္စများ၏အရင်းခံသည် ယွီရှောင်းရှောင်းသာဖြစ်၏။


မူလကတော့ သူမက တိရှစ်ထျန်းနှင့် စုချန်းဝမ်ယွဲ့၏ ဆက်ဆံရေးကိုသတိထားနေခဲ့သော်လည်း ယဲ့ထျန်းအား လိုချင်စိတ်လောဘကြီးကာ အဆက်မပြတ်လိုအင်ကြီးနေခဲ့သည်။ 


ဒီလိုပြုမူတာက တကယ်ပဲရည်ရွယ်ချက်မရှိဘူးလား။ 


သူမ ယခုကဲ့သို့စျေးပေါသည့်မိန်းမတစ်ယောက်ဖြစ်နေခြင်းက နဂိုပါရမီပါလာတာဟု ဆိုနိုင်၏။


“အိုး ဟုတ်သားပဲ ဒါလေးပေးဖို့မေ့သွားတော့မလို့”



__🚩

Prev Next