MM Story Teller

Chapter 16

Viewers 2k

🐯Chapter 16

ထိုအချိန်တွင် ကြည့်ရှုသူများ၏ အစားထိုးခံစားချက်မှာ အလွန်ပြင်းထန်နေခဲ့သည်။

ကုယွီမြန်မှ တိုးညင်းစွာပြောနေချိန်တွင် သူတို့က ချက်ချင်းပင် အပူချိန်ကျဆင်းလာသည်အား ခံစားရပြီး အစောပိုင်းနွေဦး၏အအေးဓာတ်သည်လည်း ယခုအခါ နွေးထွေးသွားသည်။

ရေအပြင်ဘက်တွင်ပေါ်နေသည့် အသားရည်က အေးနေသည်။ ရေချိုးဆားထည့်ပြီးနောက် ရေက ဖြူဆွတ်ဆွတ် ပုံစံပြောင်းသွားကာ နှာခေါင်းထိပ်လေးကို ရေနွေးဖြင့်ထိနေပြီး အနံ့ဖျော့ဖျော့နှင့် ရေကျသံတပေါက်ပေါက်ကြားနေရသည်။

ကုယွီမြန်၏အမူအကျင့်က အမြဲနူးညံ့သိမ်မွေ့သည်။ မည်သည့်ကိစ္စမဆို ဆုံးဖြတ်ပြီးသွားလျှင် သူ၏နှလုံးသားတစ်ခုလုံးဖြင့် လက်ခံလိမ့်မည်။ သူ၏ရည်မှန်းချက်မှာ နှင်းကျားသစ်လေးပျော်အောင် လုပ်ပေးခြင်းသာဖြစ်သည်။

အမြင်အာရုံထဲတွင် အလင်းရောင်က ဝါဖျော့ဖျော့လင်းနေပြီး ကြယ်များမှာ သူတို့ထံပြေးဝင်လာတော့မည်ဟု ထင်ရသည်။ အလွန်တိတ်ဆိတ်နူးညံ့သော ပတ်ဝန်းကျင်က မူလအကြောက်တရားအား တွန်းလှန်လိုက်ပြီး လူတိုင်းအား ရေပူနှင့် သူတို့၏အသားထိနေရသည့် ခံစားချက်ကိုသာ စောင့်မျှော်နေစေသည်။

နောက်တစ်စက္ကန့်တွင် ရေနွေးများ စီးဆင်းကျလာပြီး ခန္ဓာကိုယ်တစ်လုံးအပေါ် ပျံ့နှံ့သွားသည်။

မရေတွက်နိုင်သောလူများက သူတို့၏မျက်လုံးများကို တစ်ချိန်တည်း ဖွင့်လိုက်မိသည်။

ရေနွေး၏အထိအတွေ့က သူတို့၏ခန္ဓာကိုယ်တစ်လျှောက် နူးညံ့စွာစီးဆင်းသွားပြီး ကြောင်ဆေးပင်အနံ့ဖျော့ဖျော့နှင့် ပင်လယ်ဆားငံရည်နံ့အနည်းငယ်လည်း ရလာသည်။ သက်သောင့်သက်သာရှိသောခံစားချက်က လူတိုင်းအား ထုံကျဥ်သွားစေသည်။ ရေထဲရောက်သောအခါ သူတို့က လုံးဝနွေးထွေး၍ သီးခြားအိပ်မက်ကမ္ဘာထဲသို့ ဝင်ရောက်သွားသလိုပင်။

နွေဦး၊ ကြယ်မြစ်၊ ည၊ ညနေခင်းလေပြေအေးလေး...

အကြားအာရုံ၊ အမြင်အာရုံနှင့်ခံစားချက်က အလွန်သက်သောင့်သက်သာရှိသောအခြေအနေတွင် ရောက်နေပြီး လူတိုင်းအား သူတို့၏မျက်လုံးများကို ကျဥ်းမြောင်း၍လက်ရှိအခြေအနေတွင် ပျော်မွေ့စေသည်။

ထိုမျှသာ မကသေးပေ။

အစပိုင်းရေအပူချိန်က မကြာမီတွင် သူတို့၏ခန္ဓာကိုယ်ပေါ်၌ နူးညံ့သောအထိအတွေ့ကို ခံစားမိစေသည်။

လူငယ်လေး၏လက်ချောင်းများက သွယ်လျပြီးနွေးထွေးသည်။ သူက ဆပ်ပြာများကို လက်ဖဝါးပေါ်တွင်ပွတ်တိုက်ပြီး သူ့၏လက်ချောင်းများက ရေနွေးကိုဖြတ်၍ နှင်းကျားသစ်လေး၏လည်ပင်း၊ မေးစေ့မှနောက်ကျောအထိ တိုက်ပေးပြီး အညစ်အကြေးများကို ပြောင်စေကာ ခန္ဓာကိုယ်ရှိဆဲလ်တိုင်းကို စိတ်ကျေနပ်စွာ သက်ပြင်းချမိစေသကဲ့သို့ပင်။

နှင်းကျားသစ်လေးက သူ့အမြှီးလေးအား မသိစိတ်မှဝေ့ရမ်းနေပြီး ကုယွီမြန်၏လက်ဖဝါးကို ပွတ်သပ်နေခဲ့သည်။

" ကျွန်တော် အဆင့်နိမ့်ဘယ်လူးဘယ်ရီဝိုင်တချို့ ပြင်ဆင်ထားတယ်...ခဏနေရင် အရသာခံခိုင်းမယ်နော်..."

စကားသံထွက်လာပြီးနောက် ဝိုင်မှ ဘယ်လူးဘယ်ရီ၏အနံ့က နှာခေါင်းထဲတွင် အနံ့ရလာသည်ကို လူတိုင်းရှုကြည့်ပြီးနောက် မူးဝေလာစေသည်။

သက်သောင့်သက်သာရှိသော ရေပူစမ်းတွင်စိမ်ပြီး တူညီသောအပူချိန်ရှိသည့် ဟော့ပေါ့အားစားပြီး အရသာရှိသော ဘယ်လူးဘယ်ရီဝိုင်နှင့်အတူ...

ကုယွီမြန်က အမြဲတမ်း အရာအားလုံးကို အစီအစဥ်တကျလုပ်တတ်သည်။

သူ၏အသားရည်လေးက နူးညံ့နွေးထွေးပြီး လူတိုင်းအား ညထက်ပင်ပို၍ နူးညံ့သည်ဟု ခံစားမိစေသည်။

ရာသီဥတုအေးလာသောအခါ ရေပူစမ်း၊ ညနေခင်းတွင် ပင်လယ်ရှုခင်းကြည့်ပြီး ဘာဘီကျူးစားခြင်း၊ အလုပ်ပင်ပန်းသော နေ့တစ်နေ့အဆုံးတွင် ဂရုစိုက်မှုနှင့် စံပယ်ရေနွေးကြမ်းပူပူ၊ ဘဝ၏စည်းချက်ကို သူက သင့်လျော်စွာ စီစဥ်ထားနိုင်ပြီး ကြည့်ရှုသူများအား သူ့အပေါ် ယုံကြည်၍မှီခိုအားထားကာ ချစ်မြတ်နိုးလာစေသည်။

၎င်းက စွဲလန်းစေသည်။

ကြည့်ရှုသူများက လေထုထဲတွင် လုံးဝနစ်မြုပ်နေပြီး အိပ်မက်မှနိုးထရန် အချိန်အတော်ယူခဲ့ရသည်။ မှတ်ချက်မျက်နှာပြင်တွင် မရေတွက်နိုင်သောလူတစ်ယောက်ပြီးတစ်ယောက်၏ မှတ်ချက်များ ပျံသန်းလာခဲ့သည်။

【နက်ရှိုင်းတဲ့ပင်လယ်ထဲမှာအိပ်နေတယ်: လက်ဆောင်အားလုံးကို တင်ဆက်သူဆီပို့လိုက်ပြီ… ငါမွေးလာကတည်းက ဒီလိုခံစားချက်မျိုး ပထမဆုံးခံစားဖူးတာပဲ…】

【တိမ်လေးတစ်ခုရှိတယ်: ဒီနေ့ရဲ့ ရေပူစမ်းကတကယ် ပြီးပြည့်စုံတယ်… လေထုနဲ့ရေချိုးဆားလည်းပါတဲ့ တင်ဆက်သူရဲ့စီစဥ်မှုက အကောင်းဆုံးဘဲ... ဒီမီးရှူးမီးပန်းကမင်းအတွက်ပါ ヽ(´▽`)ノ】

【ကြောင်လေးရဲ့အော်သံ: ငါ လုံးဝကိုဆွဲဆောင်ခံလိုက်ရပြီ... ရွှယ်ထွမ်လေးရဲ့အိမ်က လူသားကိုခိုးချင်တယ်(-ε- )】

【တရုတ်ပြည်တောင်ဘက်က ကျားကဘယ်တော့မှချိန်းမတွေ့ဘူး : +1 ငါလည်း တင်ဆယ်သူနဲ့ ရွှယ်ထွမ် နှစ်ယောက်လုံးကို ခိုးချင်တယ်... ငါ့အိမ်ကို သူတို့နှစ်ယောက်လုံးပြန်ပေးဆွဲလာလို့ ရနိုင်လား( ・ε・)】

လက်ဆောင်တစ်ခုပြီးတစ်ခု ပေါက်ကွဲထွက်လာခဲ့ပြီး အထူးပြုလုပ်ချက်များသည်လည်း အတူတကွတွဲထွက်လာကာ မှတ်ချက်မျက်နှာပြင်အား မမြင်နိုင်လုနီးပါးပင်။ပရိသတ်များစွာက မီးရှူးမီးပန်းများကို တစ်ချိန်တည်း ပစ်လိုက်ကြရာ ပလက်ဖောင်းအမျိုးမျိုးမှ ကံစမ်းမဲပေါက်ချင်သူ အများအပြားအစပျိုးလာခဲ့ပြီး ကြည့်ရှုသူအရေအတွက်က ထိပ်ဆုံးသို့ရောက်သွားသည်။

ယနေ့တွင် ကုယွီမြန်က အကြုံပြုချက်စာရင်းတွင်မပါခဲ့ပေ။ သို့သော် မရေတွက်နိုင်သော လက်ဆောင်များနှင့်တိုးလာသော ကြည့်ရှုသူများက သူ့အားနေ့တစ်နေ့၏ ထိပ်ဆုံးဆယ်နေရာသို့တွန်းပို့လိုက်ပြီး ယခင် ဘာဘီကျူး၏ကျော်ကြားမှုနှင့် အတူတူဖြစ်လာခဲ့သည်။

တစ်ခြားတစ်ဖက်တွင်မူ တင်ဆက်သူ စီးကရက်က အသက်ရှုကြပ်လုနီးပါးပင်။

သူက တင်ဆက်သူအသစ် ထောက်ပံ့ရေးအစီအစဥ်ကို မြှင့်တင်ရန်အတွက် ရေတပ်အားဝယ်ခဲ့ပြီး ထိပ်စီးခေါင်းစဥ်တွင် အချိန်အတော်ကြာရှိနေခဲ့သည်။ သူက ကြယ်တာရာကောင်းကင်မြို့၏ 'တင်ဆက်သူအသစ်ထောက်ပံ့ရေးအစီအစဥ်'တွင်ပါဝင်ရမည့် အခွင့်အရေးကို အယူရန်နှင့် မကြာသေးမီက အတင့်ရဲလာသော ကုယွီမြန်ကိုနင်းခြေရန် စီစဥ်နေခဲ့သည်။

သူ၏ရေတပ်များက ထိပ်စီးခေါင်းစဥ်အား 'စီးကရပ်၏အစားအစာ' ၊ ''လူသားတွေ တိုက်ရိုက်ထုတ်လွှင့်မှုကနေထွက်သွား' အစရှိသဖြင့် ခေါင်းစဥ်များရရန် ကြိုးစားနေစဥ်တွင် ရုတ်တရက် ကြယ်တာရာကောင်းကင်မြို့၏တရားဝင်ခေါင်းစဥ်တွင် အခြားတစ်ခုပေါ်လာခဲ့သည်။

အချို့ပရိသတ်များက တိုက်ရိုက်ထုတ်လွှင့်မှု၏ဗီဒီယိုနှင့် ပုံများအား ပြန်တင်ခဲ့ကြပြီး ကြယ်ကွန်ရက်တွင်လည်းတင်ခဲ့သည်။

၎င်းပုံမှာ လူငယ်လေးက ရေနွေးငွေ့များဖြင် ရေကန်ဘေးတွင် ဒူးတစ်ဝက်ထောက်နေသည့်ပုံဖြစ်သည်။ သူ၏အင်္ကျီလက်များကို ခေါက်တင်ထားပြီး ဖြူဖွေး၍ နူးညံ့သောလက်ကောက်ဝတ်လေးအား ပြသထားသည်။ သူ၏ဆံပင်များက အနည်းငယ်စိုနေပြီး လိပ်ပြာသဏ္ဍာန်မျက်ခွံများမှာအောက်ငုံ့နေကာ ပယင်းရောင်မျက်လုံးတောက်တောက်ကလေးအား ဖုံးနေသည်။

သူ့နှုတ်ခမ်းအနီးတွင် ပါးချိုင့်အရိပ်ကလေးတစ်ခုအား မြင်နိုင်သည်။

ထိုပုံက လူတိုင်းအားရယ်မောစေပြီး တစ်ချိန်နည်းမှာပင်ငိုစေနိုင်သည်။ ထိုပုံအား အလှအပများကို တောင့်မခံနိုင်သော blogger တစ်ယောက်မှ တင်ထားခြင်းဖြစ်သည်။ bloggerက အမျိုးမျိုးသော နတ်ဘုရားအလှများကို အာရုံစိုက်၍ တင်လေ့ရှိသည်။ ကုယွီမြန်၏ပုံကို မြင်သောအခါ သူမတွင် တောက်ပသော အမြင်တစ်ခုရှိနေခဲ့သည်။

【အရိုအသေပေးထိုက်တဲ့မျက်နှာတွေအပေါ်မှာ အာရုံစိုက်နေတယ်:ဒီအစ်ကိုအသစ်ကလေးက ဘယ်သူတုန်း... ငါ နှလုံးရောဂါရတော့မယ်... @နက်ရှိုင်းတဲ့ပင်လယ်ထဲမှာအိပ်နေတယ် : ဒီနတ်ဘုရားကိုကြည့်ပါဦး 5555 (人´∀`)

[picture][Video]】

【အကြည့်တစ်ချက်နဲ့ ရင်ခုန်သွားမယ်: +1 မင်းသူတို့တွေ့ပြီးပြီလား...ဘယ်ကုမ္ပဏီကလဲ...အားး အားး အဲ့အစ်ကိုကြီးကိုလိုချင်တယ်…】

【ငါကြက်လှောင်အိမ်ယူလာခဲ့တယ် : ညီအစ်မတို့ စိတ်အေးအေးထားကြပါ...ငါကတော့ စိတ်မထိန်းနိုင်တော့ဘူး (//∇//)】

【သူကသာမန်လူလို့ပဲ ထင်ရတယ်...အလှအပတွေလည်း မပါဘူး...သေချာရိုက်ထားတဲ့ မှန်ဘီလူးလည်း မပါဘူး... ဒီလိုတည်ရှိမှုမျိုးက သက်ရှိတစ်ယောက်ရောဟုတ်ရဲ့လား…】

【သူက idolမဟုတ်ဘူး...ကြယ်တာရာပလက်ဖောင်းက တင်ဆက်သူတစ်ယောက်ပဲ… Room No. 342xxxညီအစ်မတို့ မြန်မြန်လာကြ နတ်ဘုရားကိုသွားကြည့်ကြမယ်…】

ပရိသတ်များ၏အင်အားက ကြောက်မက်ဖွယ်ကောင်းလှသည်။ သူတို့က တင်ဆက်သူ၏ပုံအား 'တင်ဆက်သူအသစ်ထောက်ပံ့ရေးအစီအစဥ်'မှတင်ထားသည့်ပုံကို bloggerပြန်တင်ထားသည်မှ ဦးဆုံးဆုံးရရှိခဲ့ခြင်းဖြစ်သည်။ စီးကရက် ယခုလေးတင် ခြယ်မှုန်းခဲ့သည့် ခေါင်းစီးများတွင် နေရာယူပြီးနောက် တိုက်ရိုက်ထုတ်လွှင့်မှုကိုရှာတွေ့ခဲ့ကြသည်။

၎င်းက ကုယွီမြန်၏ကျော်ကြားမှုအား တစ်ဆင့်မြှင့်ပေးခဲ့ပြီး စီးကရက်၏ကျော်ကြားမှုအား ထပ်မံကျော်သွားပြန်သည်။ ကုယွီမြန် တိုက်ရိုက်ထုတ်လွှင့်မှုစတင်ခဲ့သည်မှာ တစ်နာရီသာရှိသေးသော်လည်း ယနေ့၏ ကျော်ကြားသော ထိပ်ဆုံးနေရာ ၃နေရာထိပင် ရောက်နိုင်ခဲ့သည်။

-----

【မိန်မိန်ကလူကောင်းလေး : အားဝေ့… ဒီနတ်ဘုရားကိုလာကြည့်ပါဦး…】

【ယုန်လေးကလည်း ပင်လယ်ဘုရင်ဖြစ်လာနိုင်တယ် : ငါ့စိတ်တွေကစဥ့်ကလျားဖြစ်နေပြီ... အစ်ကိုပေါက်စလေးရဲ့ဆွဲဆောင်မှုအညွှန်းက ဇယားကိုကျော်နေပြီ... အနည်းဆုံး တစ်ထောင်လောက်တော့ရှိမယ်လို့ ငါထင်တယ်…】

【 ဗဟိုလေအေးပေးစက် သမင်လေး: တင်ဆက်သူကတော့ နတ်ဘုရားအဖြစ် အဆင့်တက်သွားရလို့ ပင်ပန်းနေတော့မှာဘဲQAQ ယောကျာ်းက ပွဲဦးထွက်ချင်စိတ်ရော ရှိလောက်လား… 】

【 မူလီချိုး : ငါ ဒါကိုလက်ခံတယ်လို့ အားး… ကျေးဇူးပြုပြီး သူ့လိုက်ဖ်ကို ဗီဒီယိုပြန်ရိုက်ပြီးသိမ်းထားပေးပါဦး...ငါအဆအများကြီးပေးဝယ်ပါ့မယ်…】

ဤခေတ်သို့ရောက်လာသောအခါ လူ့အဖွဲ့အစည်းက မည်သည့်သက်ရှိတွင်မဆို လူမျိုးခွဲခြားရေးကို ဆန့်ကျင်ကြောင်း ရှင်းလင်းစွာပြသလာခဲ့သည်။ သူတို့က ခွေးများကိုပင် ကြိုက်နှစ်သက်ကြသည်။ တင်ဆက်သူမှာကြည့်ကောင်းနေသရွေ့သူတို့က လူမျိုး(မျိုးနွယ်)၊ အသက်နှင့် လိင်ကို ဂရုမစိုက်ပေ။

ကုယွီမြန်၏မျက်နှာက အလွန်ကြည့်ကောင်းသည်။ သူ့တွင် နူးညံ့သိမ်မွေ့၍ အန္တရာယ်ကင်းသောမျက်လုံးများ၊ လှပသောနှုတ်ခမ်းပါးနှင့် ပါးချိုင့်များရှိသည်။ များသောအားဖြင့် သူ့တွင် အေးစက်သောလေထုရှိသော်လည်း သူပြုံးလိုက်သောအခါ တစ်စုံတစ်ယောက်အား မီးရှူးမီးပန်းများ မြင်စေသကဲ့သို့ ဆွဲဆောင်သွားသည်။ သူက တိုက်ရိုက်ထုတ်လွှင့်သည့်အချိန်တွင် အလွန်တည်ငြိမ်ပြီး မည်သည့်ဝန်ထုပ်ဝန်ပိုးကိုမှ မပြသဘဲ ချက်ပြုတ်၊ ရေချိုး၍နှိပ်နယ်ပေးသည်။

ရေပူစမ်းတွင်စိမ် စေပြီးနောက် ကုယွီမြန်က နှင်းကျားသစ်လေး၏ခန္ဓာကိုယ်မှ ရေများခြောက်စေရန် ပူနွေးနူးညံ့သော သဘက်စောင်အားယူလာခဲ့ပြီးနောက် အခြောက်ခံစက်အသေးစားလေးကို လေနွေးနွေးဖြင့် နှင်းကျားသစ်လေး၏ အမွေးများအား မှုတ်ပေးသည်။ ထို့နောက် သူ မှတ်ချက် မျက်နှာပြင်အားကြည့်လိုက်သည်။

ကုယွီမြန် : "..."

သူတို့က ငါ့ကိုဘာလုပ်စေချင်နေတာလဲ...

အားဝေ့က ဘယ်သူတုန်း..

အဲဒါတွေထက် ပွဲဦးထွက်တယ်တဲ့လား...

သူ နားမလည်ပေ။

ကုယွီမြန်က ရုတ်တရက် ရောထွေးနေသောမှတ်ချက်များအား ကြည့်ပြီး သူ၏ကျော်ကြားမှုသည်လည်း တစ်ချိန်တည်းမှာပင် ပို၍မြင့်မားလာခဲ့သည်။ ပထမဆုံးအကြိမ်အဖြစ် ရှည်လျားသောတိုက်ရိုက်ထုတ်လွှင့်မှုတွင် စိတ်ရှုပ်ထွေးသလိုခံစားခဲ့ရသည်။

ဒါက ချီမွမ်းတာနဲ့တူတယ်...

"ကျေးဇူးတင်ပါတယ်..."

ကုယွီမြန်က သူ့နှာခေါင်းထိပ်လေးအား ထိလိုက်သည်။

"ဒါဆို...ငါတို့ ဆက်ကြမယ်နော်..."

သူက နှင်းကျားသစ်လေးအားချီ၍ အပြင်ဘက်ထမင်းစားခန်းသို့ သွားခဲ့သည်။ ထမင်းစားခန်းတွင် ရှို့ရှီးဟော့ပေါ့အားပြင်ဆင်ထားပြီး အဓိကပါဝင်ပစ္စည်းမှာ အဆင့်မြင့်အမဲသားဖြစ်သည်။

သို့သော် ယနေ့တွင် မမျှော်လင့်ထားသည့်အရာ ဖြစ်ပျက်သွားသည်။

လွန်ခဲ့သောနာရီဝက်ခန့်က ကုယွီမြန် အမဲသားကိုထုတ်၍ ပြင်ပစားပွဲဝိုင်းတွင် ရေခဲပျော်အောင်ထားထားခဲ့သည်။

သူ မမျှော်လင့်ခဲ့သည်မှာ အမဲသားထည့်ထားသော ပန်းကန်က ဗလာဖြစ်နေခဲ့သည်။ ကုယွီမြန် ပဟေဠိဖြစ်သွားရပြီး ဥယျာဥ်အားလှည့်ပတ်ကြည့်ပြီးနောက် ထောင့်ရှိကြောင်ဆေးပင်အိုးသို့ အကြည့်ရောက်သွားသည်။ ကြောင်ဆေးပင်မှာ ထပ်ခါထပ်ခါဖျက်ဆီးခံထားရပြီး ရှုပ်ပွနေသည်။

သူ စောင့်ကြည့်ကင်မရာအား ချက်ချင်းစစ်ဆေးလိုက်သောအခါ ပြင်ပရှိကြောင်နှစ်ကောင်က ကြောင်ဆေးပင်၏ဆွဲဆောင်ခြင်းခံရကြောင်း ထွက်ပေါ်လာသည်။ သူတို့က ဆေးပင်ကို အလွန်တရာစိတ်ဝင်စားခဲ့ပြီး ပြန်သွားသောအခါ သူ့အမဲသားကိုလည်း ယူသွားခဲ့သည်။

ကုယွီမြန် : "...." (ーー;)

"ထွမ်ထွမ်ရေ ငါဘာလုပ်ရမလဲ..."

ကုယွီမြန်မှာ သူ့မေးစေ့အား နှင်းကျားသစ်လေး၏ခေါင်းပေါ်တင်၍ ပင်ပန်းစွာသက်ပြင်းချလိုက်သည်။

"မင်းကတော့ ကြောင်ဆေးပင်အပေါ် ဘာမှမတုံ့ပြန်ဘူး..."

ကုယွီမြန်မှာ ဤခေတ်၏ကြောင်ဆေးပင်က ကြောင်များအပေါ်ဆွဲဆောင်မှုလျော့နည်းသွားသည်ဟုထင်သော်လည်း ထိုသို့မဟုတ်ခဲ့ပေ။

သူက အလွန်နီးကပ်နေခဲ့၍ နှင်းကျားသစ်လေး၏နားရွက်ထိပ်များမှာ အနည်းငယ်ပူလာသည်။ သူ၏လက်ဖဝါးလေးအား ကုယွီမြန်၏လည်ပင်းပေါ်ဖိ၍ ခဲပြာရောင်မျက်လုံးများကို ကျဥ်းမြောင်းလိုက်သည်။

ကြောင်ဆေးပင်ဆိုတာ မြက်ပင်အိုးကို ပြောတာလား...

မြက်ပင်အိုးအကြောင်းတွေးမိသောအခါ နှင်းကျားသစ်လေး၏မျက်လုံးများတွင် သဘောမကျမှုကို ပြသလာခဲ့သည်။

မြက်ပင်အိုးက ရေပူစမ်းအတွက် အမှုန့်ကြိတ်ထားတာဆိုရင်တော့ တကယ်ကောင်းပါတယ်... ဒါပေမယ့် ငါ့ကို ဆွဲဆောင်မယ့်တစ်ခုခုကို ရှာချင်တယ်ဆိုရင်တော့... ဒီအမျိုးသား(ကုယွီမြန်)က မြက်ပင်အိုးထပ် အနည်းဆုံးအဆတစ်ရာလောက်ပိုပြီး ဆွဲဆောင်မှုရှိတယ်...

ကြောင်ဆေးပင်က သူတို့ရှေ့တွင် အရသာရှိသော ငါးပေါင်းနှင့်တူသည်။ ကမ္ဘာကြီးအား မမြင်ဖူးသော ကြောင်များကိုသာ ဆွဲဆောင်နိုင်လိမ့်မည်။

"ကလေးလေး ဗိုက်ဆာနေပြီလား... အကုန် ငါ့အပြစ်တွေပါ..."

ကုယွီမြန်က နှင်းကျားသစ်လေး၏မျက်နှာလေးအား ပွတ်လိုက်သည်။

" ဘာစားရမလဲဆိုတာ နောက်မှစဥ်းစားရအောင်... ငါရဲ့ဘိုးဘေးလေကို အဆာမခံခိုင်းနိုင်ပါဘူး... ထွမ်ထွမ်ဘာစားချင်လဲ... ဆယ်လမွန်ငါးဆိုရင်‌ရော ဟင်..."

တစ်ခဏကြာပြီးနောက် ကုယွီမြန်က မှတ်ချက်များအားကြည့်လိုက်သည်။

နေပါဦး... သူတို့ ဘာတွေပြောနေကြတာလဲ...

【အလှကုန်ပစ္စည်းတွေလွှတ်ပစ်မယ်: ငါ တိုက်ပွဲမှာအသတ်ခံလိုက်ရပြီ... တစ်ယောက်ယောက်များ နို့နည်းနည်းပေးနိုင်မလား… 】

【 အိမ်မှာဗုံးတစ်လုံးရှိတယ်: နို့နတ်ဘုရားကလည်း အသတ်ခံလိုက်ရပြီ... ကိုယ့်ဘာသာကိုယ် ကယ်တင်လိုက်တော့…】

[T/N - MMORPGဂိမ်းမှာ ကုသသူကို နို့နတ်ဘုရားလို့ခေါ်တယ်တဲ့]

【နက်ရှိုင်းတဲ့ပင်လယ်ထဲမှာအိပ်နေတယ်: ရိုးရိုးသားသားပြောရမယ်ဆိုရင် ငါကသံတိုင်လို အဖြောင့်ကောင်ပါ... ဒါတောင် နှာခေါင်းသွေးလျှံချင်နေတယ်… 】

【ကြောင်လေးရဲ့အော်သံ: မြန်မြန်ရေ စိတ်မညစ်ပါနဲ့ QAQ ငါတို့ဟော့ပေါ့ကို နောက်နေ့မှစားလို့ရပါတယ်… မင်းလုပ်သမျှ ငါတို့ကြိုက်မှာပဲ…】

【တရုတ်ပြည်တောင်ဘက်ကကျားက ဘယ်တော့မှချိန်းမတွေ့ဘူး :ကျေးဇူးပြုပြီး ဒီလိုအသံနဲ့မပြောပါနဲ့(TωT) ငါရဲ့လိင်စိတ်တိမ်းညွန်းမှုနဲ့ ပတ်သက်တဲ့ခံယူချက်က မကောင်းဘူးနော်… 】

လွန်ခဲ့သော ငါးမိနစ်ခန့်တွင် ပရိသတ်များမှာ လွှမ်းမိုးခံလိုက်ရသည်။

ကုယွီမြန်တွင် ဝါးရွက်နှင့်ပင်လယ်ဆားအနံ့ ရောနေသော နွေးထွေးသည့်အနံ့လေးရှိသည်။

သူ၏အခြေအနေမှာ အလွန်စိတ်ဓါတ်ကျစရာ ဖြစ်နေသောကြောင့် နှင်းကျားသစ်လေးအားဖက်၍ နားနားကပ်၍ တိုးညင်းစွာ တောင်းပန်ကတိပေးနေခဲ့သည်။

ကုယွီမြန်၏အသံက ရှင်းလင်း၍နွေးထွေးသည်။ သူစိတ်ညစ်နေသောကြောင့် အသံမှာနူးညံ့စေးကပ်နေပြီး နှင်းကျားသစ်လေး၏နားပေါ်သို့ ပူနွေးသောအသက်ရှုသံထုတ်လွှတ်နေခဲ့သည်။ သူပြောသည်မှာ သာမန်စကားလုံးများသာဖြစ်သော်လည်း ညအချိန်တွင်ပြောသောအခါ အချစ်စကား ၁၀၀၀အဖြစ်သို့ ပြောင်းလဲသွားသည်။

၎င်းက နူးညံ့ ရင်းနှီးလေသည်။

ကြယ်မြစ်က အပေါ်တွင်ယိမ်းထိုးနေပြီး သူတို့မှာမသောက်ဘဲ မူးသွားရသည်။

နှင်းကျားသစ်လေးမဆိုနှင့် နှင်းကျားသစ်လေးနှင့် တူညီသောရှု့ထောင့်ရှိသည့် ကြည့်ရှုသူများမှာ သူတို့၏နှလုံးသားများ ထုံကျဥ်သွားရသည်။

ယခုအချိန်တွင် ကုယွီမြန်မှ မြေကြီးများထည့်ထားသော အိုးတစ်အိုး ယူလာပေးမည်ဆိုလျှင်ပင် သူတို့ သေချာပေါက် ပျော်ရွှင်လိမ့်မည်။

🐯🐯🐯

Prev Next