MM Story Teller

Chapter 17

Viewers 2k

🐯Chapter 17

ကြိုတင်ပြင်ဆင်ထားသည့် ပါဝင်ပစ္စည်းများကို ကြောင်မှယူသွားသည့်အတွက် တိုက်ရိုက်ထုတ်လွှင့်မှုတွင် ပြဿနာဖြစ်သွားရသည်။ အများ၏အထင်အရ သူ၏ကျော်ကြားမှုကို ထိခိုက်သွားလိမ့်မည်ဟုပင်။ ကုယွီမြန်လည်း ထိုသို့ခန့်မှန်းခဲ့သော်လည်း ပြောင်းပြန်ဖြစ်လာချေ၏။

ကြည့်ရှုသူများမှာ ဆက်၍တက်လာပြီး နေ့တစ်နေ့၏ကျော်ကြားမှုစာရင်းမှ ဒုတိယနေရာအတွက်ယှဥ်ပြိုင်ရန် လူအရေအတွက်မှာ လုံလောက်လာခဲ့သည်။

ကုယွီမြန် : "ဟင်…"

ငါလူငယ်တွေကို နားကိုမလည်နိိုင်တော့ဘူး...

"ဆော်လမွန်ကို ချိစ့်နဲ့စားကြရအောင်..."

ကုယွီမြန်က တစ်ခဏမျှဝမ်းနည်းနေပြီးနောက် သူ၏စိတ်အား လျင်မြန်စွာဆွဲတင်ခဲ့ပြီး ကလေးလေးအား မည်သည့်အခြေအနေတွင်မဆို အဆာမခံခိုင်းနိုင်ပေ။

"ဆော်လမွန်ကို ချိစ့်နဲ့စားတာကလည်း အရသာရှိတယ်... ရှို့ရှီဟော့ပေါ့ရဲ့ ပါဝင်ပစ္စည်းတွေကိုတော့ နောက်နေ့မှ ဝယ်နိုင်တော့မယ်..."

ကြိုတင်မှာယူထားရသည့် အမဲသားအတုမှာ ဝယ်ရန်မလွယ်ကူပေ။ ထိုအမဲသားကိုရရန် လူတစ်ယောက်က ကြယ်ကွန်ရက်ပေါ်တွင် နေ့ဝက်ခန့်ကြိုတင်မှာယူထားရန်လိုအပ်ပေသည်။ ယခုအချိန်တွင်မူ ဝယ်ရန်အလွန်နောက်ကျနေပြီဖြစ်သည်။ ကုယွီမြန်က ဆော်လမွန်ငါးအတုကို အစောပိုင်းတွင် ဝယ်ထားမိခဲ့ပြီး နောက်ဆက်တွဲအစားအစာအဖြစ်လုပ်ရန် ရည်ရွယ်ထားခဲ့သည်။

ကုယွီမြန်က ဆော်လမွန်အား ရေဖြင့်ဆေးကြော၍ အကြေးခွံများကိုချွတ်ကာ ဓားဖြင့်အပိုင်းပိုင်းလှီးခဲ့ပြီး ဝိုင်၊ ဆားနှင့်ဆော့အနည်းငယ်ဖြင့် အရသာနှပ်ထားခဲ့သည်။ တစ်ချိန်တည်းမှာပင် ကြိတ်ထားသော ငရုတ်ကောင်းအမှုန့်အား အပေါ်ယံတွင် ဖြူးလိုက်သည်။

" ဆော်လမွန်ငါးရဲ့ အရသာကပေါ့တယ်၊ အဆီနည်းတယ်... ဒါပေမဲ့ အသားဓာတ်များများပါဝင်ပြီးတော့ ကျန်းမာရေးအတွက်ကောင်းပါတယ်..."

ကုယွီမြန်မှ ပြောပြခဲ့သည်။

ဆော်လမွန်ငါးကို အချိန်ကြာမြင့်စွာ အရသာနှပ်ရန်မလိုအပ်ပေ။ ထို့ကြောင့် ကုယွီမြန်မှာ ဤဟင်းပွဲအားရွေးခဲ့ခြင်းဖြစ်သည်။ ကြောင်များက နွားနို့မသောက်နိုင်သောကြောင့် ချိစ့်မစားသင့်ပေ။ သို့သော် ဒိန်ချဥ် သောက်နိုင်သည်။ အချဥ်ဖောက်ထားသော ချိစ့်တွင် နို့သကြားပါဝင်မှုအား အလွန်နည်းသည်။

ယခုခေတ်တွင် ချိစ့်များရှိသော်လည်း ချိစ့်အား အသိမှတ်ပြုရန်မှာ ကုယွီမြန်အတွက် အလွန်အကူညီမဲ့စေသည်။ သူတို့ကို တိုက်ရိုက်စားသုံးရန်သာသိပြီး လူအများစုကသူ့အရသာအား လက်မခံနိုင်ကြပေ။

ကုယွီမြန်က ကြယ်ကွန်ရက်မှဝယ်ခဲ့သော်လည်း ထုတ်လုပ်သည့်လုပ်ငန်းစဥ်နှင့် ပတ်သက်၍ ပြဿနာရှိမည်လား မသိနိုင်၍ သူကိုယ်တိုင် အနည်းငယ်ပြုလုပ်ခဲ့သည်။ အရသာနှပ်နေသည့်အချိန်တွင် ကုယွီမြန်မှာ အရည်ထုတ်ရန် ပန်းသီး ၂လုံးအားယူပြီးနောက် အိမ်လုပ်ချိစ့်ကိုအရည်ပျော်သည်အထိ အပူပေးခဲ့သည်။

မကြာမီတွင် ပြင်းထန်သောချိစ့်နှင့် နို့အနံ့ထွက်လာခဲ့သည်။

ကုယွီမြန်က ချိစ့်ကို ဇွန်းဖြင့် အနည်းငယ်ခပ်ယူလိုက်သည်။အအေးခံပြီးနောက် နှင်းကျားသစ်လေးအား မကျွေးမီကိုယ်တိုင် အနည်းငယ်မြည်းကြည့်လိုက်သည်။

"စားကြည့်... ငါပထမဆုံးအကြိမ် ဒါမျိုးလုပ်ဖူးတာ... အရသာရှိလား..."

သူက နှင်းကျားသစ်လေး၏မေးလေးကို ကုတ်ခဲ့ပြီး နှင်းကျားသစ်လေးမှာလည်း မသိစိတ်ဖြင့် ခေါင်းကို ကုယွီမြန်၏လက်ဖဝါးနှင့် ပျင်းရိစွာပွတ်သပ်မိသည်။

【အိမ်မှာဗုံးတစ်လုံးရှိတယ်: ငါရွှယ်ထွမ်အစား ဖြေပေးမယ်... အရမ်းအရသာရှိတယ်…】

【 ကြောင်လေးရဲ့အော်သံ: ဒါ ချိစ့်ပဲ... ဒီနေ့မနက် အမေကငါ့အတွက် ချိစ့်လုပ်ပေးတာ ငါငြင်းလိုက်တယ်... ငါ့အိမ်မှာရှိတဲ့ ချိစ့်က ချဥ်ပြီးတော့ အီစိမ့်စိမ့်ကြီး...အရသာရှိအောင် ဘယ်လိုလုပ်လိုက်တာလဲ...】

【တိမ်လေးတစ်ခုရှိတယ် : နူးညံ့၊မွှေးပြီး အချဥ်ဓါတ်ထဲမှာကို ချိုနေတယ်... ငါ့ပါးစပ်ထဲမှာ အချိုအရသာကျန်နေတုန်းပဲ…】

【ရေခဲမုန့်လေး: တိမ်နတ်ဘုရားမအတွက်တောင် အဖိုးတန်တာပဲ... ငါ့မှာ‌တော့ အရသာရှိတဲ့အစားအစာတွေအကြောင်းကို ကြွားဘဲကြွားနိုင်တယ် ဝူးဝူးဝူး... တကယ်စားရမယ်ဆိုရင်ကောင်းမှာပဲ... တင်ဆက်သူရေ ချိစ့်တွေပိုလုပ်ပေးနိုင်မလား...ချစ်တယ်‌နော်... 】

"စိတ်မပူပါနဲ့...ခဏနေ ဆော်လမွန်ငါးနဲ့ဆိုရင် ပိုပြီးကောင်းသွားမှာ..."

ကုယွီမြန်က ပြုံးပြလိုက်သည်။

ထိုအချိန်တွင် ကြည့်ရှုသူအရေအတွက်က ၁သိန်း၈သောင်းကျော်နေပြီး ယနေ့၏ဒုတိယနေရာအောက် အနည်းငယ်သာနိမ့်ပြီး စီးကရက်အား ခုနှစ်နေရာတွင် ချန်ထားရစ်ခဲ့သည်။

စီးကရက်မှာ စိတ်တိုလွန်း၍သေလုနီးပါပင်။

သူက ရေတပ်အားငှားခဲ့သော်လည်း ယခုကဲ့သို့ရလဒ်သာ ရပေသည်။ ယခင်ပုံ၏ ကျော်ကြားမှု ပျောက်ကွယ်သွားသည်ကို စောင့်ကြည့်ပြီးနောက် "လူသားတွေ တိုက်ရိုက်ထုတ်လွှင့်မှုရပ်ဝန်းကနေထွက်သွား" ဟူသည့် ခေါင်းစဥ်ဖြင့် ဆက်ချင်ခဲ့သည်။ မမျှော်လင့်စွာဖြင့် သူ၏ရေတပ်များက ကုယွီမြန်၏အရသာရှိသော အစားအစာများဖြင့် ပုံနှင့်ဗီဒီယိုအသစ်များယူ၍ ပြန်လာခဲ့ပြန်သည်။

စီးကရက်မှာ လူသားကုယွိမြန်၏ ကြီးမားသောအကြုံပြုချက်နေရာအား လျော့ကျသွားစေရန်အတွက် ခေါင်းစဥ်ဝယ်ရန် ရေတပ်အား ငွေပေးခဲ့ခြင်းဖြစ်သည်။

စီးကရက် : "..."

ပြဿနာပဲ တိုင်ပတ်နေပြီ...

-----

အခြားတစ်ဖက်တွင် ကုယွီမြန်၏တိုက်ရိုက်ထုတ်လွှင့်မှု စတူဒီယို၏ ကျော်ကြားမှုမှာ မြင့်တက်နေဆဲပင်။

သူက နှင်းကျားသစ်လေး၏မျက်နှာလေးအား ကိုင်၍ နားရွက်နုနုလေးကို ပွတ်သပ်လိုက်သည်။

"ဒီနေ့ရှို့ရှီဟော့ပေါကို မစားလိုက်ရတဲ့ နောင်တရမှုအတွက် အလျော်ပေးချင်ပါတယ် ... မင်းတို့ရဲ့ထောက်ပံ့မှုအတွက်လည်း ကျေးဇူးတင်ပါတယ်... ဒါကြောင့် မင်းတို့ရဲ့တောင်းဆိုမှု‌တစ်ခုကို ဖြစ်စေရမယ်လို့ ကတိပေးပါတယ်..."

ယနေ့တွင် သူသည် ဆဆော်လမွန်ငါးသာမက ချိစ့်ပါ လုံလုံလောက်လောက် မဝယ်ခဲ့မိပေ။ သူသည် ကံစမ်းမဲမပြုလုပ်နိုင်သော်လည်း ကြည့်ရှုသူများ၏ လိုအပ်မှုများကို ပြုလုပ်ပေးနိုင်သည်ကပင် အဆင်ပြေနေပြီဖြစ်သည်။

ကုယွီမြန်၏စကားများ ဆုံးသွားသည့်နှင့် မျက်နှာပြင်ပေါ်တွင် မရေတွက်နိုင်သောမှတ်ချက်များ ထွက်ပေါ်လာခဲ့သည်။

【သူငါ့ကိုလည်း အဲလိုမျိုး မြင့်မြင့်ဖက်ထားစေချင်တယ်…】

【တင်ဆက်သူက ရွှယ်ထွမ်လေးကို ငါ့အိမ်ခေါ်လာစေချင်တယ်…】

【မြန်မြန်က ကြယ်ကွန်ရက်တစ်ခုဖန်တီးသင့်တယ်…】

မမျှော်လင့်စွာ မကြာမဏပြောကြသည့် တစ်ခုမှာ:

【ငါမင်းကို ပွဲဦးထွက်စေချင်တယ် …】

ကုယွီမြန် :"...."

"ကျွန်တော့်ကို ပွဲဦးထွက်စေချင်တယ်လား...ဒါဆို ကျွန်တော့်ကို သီချင်းဆိုစေချင်တာပေါ့..."

ကုယွီမြန်မှာ ဘာပြောရမည်မသိ ဖြစ်သွားရသည်။

နှင်းကျားသစ်လေးမှာ သီချင်း ဟူသည့်စကားလုံးအား ကြားရသည့်အခါ သူ့နားရွက်လေးများလှုပ်၍ စိတ်ဝင်စားမှု ပြသလာသည်။

ခဲပြာရောင်မျက်လုံးများက ကုယွီမြန်အား စိုက်ကြည့်ခဲ့ပြီး တစ်ခဏအကြာတွင် သူ၏လက်ဖဝါးလေးကိုဆန့်၍ ကုယွီမြန်၏နဖူးကို ဖိလိုက်သည်။

သူက ကုယွီမြန် သူ့ကိုသီချင်းဆိုပြစေချင်သည်။

အအခြားများအတွက် မဟုတ်ဘဲ သူ့တစ်ယောက်ထဲအတွက်သာ ဆိုစေချင်သည်။

ကုယွီမြန်က သူ့လက်ဖဝါးလေးကိုယူ၍ နမ်းလိုက်သည်။ တစ်ခဏမျှစဥ်းစားပြီးနောက် သူ့ကိုအလိုလိုက်စွာဖြင့် ပြောလေသည်။

"ဒီနေ့က နည်းနည်းနောက်ကျနေပြီ... ပြင်ဆင်ထားပြီး မနက်ဖြန်မှဆိုပြမယ်နော်..."

ဒါပေါ့ ကြည့်ရှုသူတွေကတာ့ "ဟုတ်ကဲ့"လို့ ပြောကြလိမ့်မယ်...

"ဆော်လမွန်ငါးကို အရသာနှပ်တာ လုံလောက်ပြီ...အခုချက်ကြရအောင်..."

ကုယွီမြန်က သူ့နာရီအားကြည့်၍ ပြောလိုက်သည်။

၎င်းက နှင်းကျားသစ်လေးအတွက် ဖြစ်သောကြောင့် ပါဝင်ပစ္စည်းအားလုံးမှာ နည်းပါးပေသည်။ ကုယွီမြန်က ဒယ်အိုးအားအပူပေးပြီး သံလွင်ဆီလောင်းထည့်ကာ အပူထပ်ပေးသည်။ အရသာနှပ်ထားသော ဆော်လမွန်ငါးကို ဒယ်အိုးထဲသို့ထည့်ပြီး နှစ်ဖက်လုံးရွှေရောင်သန်းသည်အထိ လျင်မြန်စွာ ကြော်လိုက်သည်။ ထို့နောက် ပူ၍အရည်ပျော်နေသောချိစ့်ကို ထပ်ထည့်သည်။ ဆော်လမွန်ငါးက ချိစ့်ဖြင့်ရစ်ပတ်ခံလိုက်ရသည်။

သူ့က ဆာမွန်ငါးနှင့် ချိစ့်အချိုးအစားအား ကောင်းမွန်ပိုင်နိုင်စွာ ရောစပ်ထားသည်။ သူ၏လက်ကောက်ဝတ်အား ဝှေ့ယမ်းလိုက်သောအခါ ဆော်လမွန်ငါးက ချိစ့်နှင့် အစီအစဥ်ကျကျ ရစ်ပတ်မိသွားသည်။ နို့နံ့ပြင်းပြင်က ဆော်လမွန်ငါး၏ လတ်ဆတ်သောအနံ့နှင့်အတူရော၍ ထွက်လာသည်။အနံ့ရှူရရုံဖြင့်ပင် လူတိုင်းကို သွားရည်ယိုသွားစေသည်။

ဆော်လမွန်က မပူတော့သောအခါ ကြည့်ရှုသူများနှင့် နှင်းကျားသစ်လေးက မစောင့်နိုင်တော့ပေ။

ကုယွီမြန်မှာ အပိုင်းသေးသေးလေးအား ဦးစွာမြည်းကြည့်ခဲ့ပြီးနောက် အအေးခံ၍ နှင်းကျားသစ်လေးအားကျွေးလိုက်သည်။

"ငါတော့ အဆင်ပြေတယ်ထင်တာဘဲ... ထွမ်ထွမ် ကြိုက်ရဲ့လား..."

အရည်အသွေးကောင်းသော ချိစ့်၏နို့အရသာကို ဆော်လမွန်ငါး၏လတ်ဆတ်မှုနှင့် ရောစပ်လိုက်သောအခါ လျှာဖျားပေါ်တွင် တရစ်ရစ်ဝဲနေစေသည်။ ချိစ့်ပူပူက ချော့မွေ့ပြီး မလိုင်များသည်။ ရွှေရောင်သန်းသည်အထိ ကြော်ထားသော ဆော်လမွန်ငါးသည်လည်း နူးအိပြီးအဆင်သင့်စားနိုင်သည်။

၎င်းက ရိုးရှင်းသောနည်းလမ်းသာဖြစ်သော်လည်း အားသာချက် အားနည်းချက်များရှိသည်။

ချိစ့်၊ နို့အရသာနှင့် လတ်ဆတ်သောဆော်လမွန်ငါး၏အရသာက အလွန်ထူးကဲပြီး အံ့သြဖွယ်ကောင်းသည်။

နှင်းကျားသစ်လေးက တွန့်ဆုတ်တွန့်ဆုတ်ဖြင့် ခေါင်းညိတ်ပြပြီး လျင်မြန်စွာစားလေသည်။

ထိုအချိန်တွင် လက်ဆောင်များ၏အထူးပြုလုပ်ချက်များက မျက်နှာပြင်ပေါ်တွင် လွှမ်းမိုးသွားသည်။

【မိန်မိန်ကလူကောင်းလေး : ကယ်ကြပါဦး… ငါက သူ့မျက်နှာကို ငမ်းဖို့လာခဲ့တာလေ... ဘာစားလိုက်ရတာလဲ..ပြန်ပေးပါဦး(≧□≦) မင်း... အားး စားလို့ကောင်းတယ်...】

【ရေခဲမုန့်လေး :ရိုးရိုးသားသားပြောရရင် ကိုယ့်လျှာကိုယ် ပြန်မျိုချမိလုနီးပါးဘဲ(-.-)】

【တိမ်လေးတစ်ခုရှိတယ် : အရသာရှိတယ်… ဆော်လမွန်ငါးကို ချက်စားဖို့ အံ့သြဖွယ်နည်းလမ်းပဲ...ဒီမှာ မင်းအတွက် မီးရှူးမီးပန်တွေ…】

【တရုတ်ပြည်တောင်ဘက်ကကျားက ဘယ်တော့မှချိန်းမတွေ့ဘူး:အားးးးးး ဝူးဝူးဝူးဝူးးးးး ငါလူကိုယ်တိုင်စားချင်တယ်QAQ ငါသာလူဝင်စားနိုင်မယ်ဆိုရင် နောက်ဘဝကျ မြန်မြန်ရဲ့ကလေးလေးတစ်ယောက် ဖြစ်ချင်တယ်…】

ကုယွီမြန်က ပြုံး၍ပြောလိုက်သည်။

"အများကြီးစားထားတော့ နည်းနည်းအီနေမှာပဲ... ပန်းသီးဖျော်ရည်လည်း ပြင်ပေးထားတယ်..."

ပန်းသီးဖျော်ရည်က ဖန်ခွက်ထဲတွင်ရှိနေပြီး ည၏နွေးထွေးသောအလင်းရောင်က ရောင်ပြန်ဟပ်နေသည်။ ကုယွီမြန်မှ နှင်းကျားသစ်လေးအား ဖျော်ရည်တိုက်ခဲ့သည်။

မူလပထမတွင် ယနေ့ညအတွက် ဘယ်လူးဘယ်ရီဝိုင် ပြင်ဆင်ထားခဲ့သော်လည်း ဝိုင်နှင့် ဆော်လမွန်ငါးချိစ့်ကြော်က အနည်းငယ် မလိုက်ဖက်ဟုထင်မိသည့်အတွက် ပန်သီးရေခဲဖျော်ရည်သို့ပြောင်းပြီး ဝိုင်အား မနက်ဖြန်မှ ဟော့ပေါ့နှင့်တွဲရန် ထားလိုက်သည်။

ပန်းသီးဖျော်ရည်၏ ချိုချိုချဥ်ချဥ်အရသာက ဆော်လမွန်ငါး၏ အဆီများသောအရသာအား ပျော့သွားစေသည်။ ၎င်းက လည်ပင်းမှတစ်ဆင့် အစာအိမ်ထဲအထိ လန်းဆန်းစေပြီး အလွန်လိုက်ဖက်သည်။

ရေပူစမ်းတွင်စိမ်ပြီးနောက် သက်သောင့်သက်သာရှိမှုက အရေပြားပေါ်တွင်ကျန်နေဆဲပင်။

ကောင်းကင်တွင် ဖဲပွင့်သဏ္ဍာန်ကြယ်များဖြင့် ဖုံးကွယ်ထားခံရပြီး ညနေခင်းလေပြေအေးက နားရွက်ပေါ်မှ ဖြတ်တိုက်သွားသည်။ နှင်းကျားသစ်လေးက လူသားအား သူ့ကို သယ်ဆောင်ခွင့်ပြုထားသည်။ ထို့ကြောင့် ကြည့်ရှုသူများသည်လည်း တစ်စုံတစ်ယောက်၏ ဂရုစိုက်မှုနှင့် နှလုံးသားတစ်ခုလုံးဖြင့် ချစ်မြတ်နိုးခံရသည့် ခံစားချက်အား ခံစားနိုင်သည်။

တိတ်ဆိတ်သောလေထုက အိပ်မက်ကဲ့သို့ စိတ်ကျေနပ်စရာများဖြင့် ပြည့်နှက်နေခဲ့သည်။

ညနေခင်းလေ၏အပူချိန်က သင်တင့်ပြီး တောင်တန်းနှင့်မြစ်များကလည်း တည်ငြိမ်၍ လွတ်လပ်ပေသည်။ ကုယွီမြန်က သူ၏စိတ်ထဲမှတေးသွားကို ဖြည်းညင်းစွာ ညည်းလာခဲ့သည်။

သူက မျက်လုံးများကိုမှေး၍ နှင်းကျားသစ်လေး၏နားထဲသို့ တီးတိုးပြောနေသည့် အသံဖြင့် စာတစ်ကြောင်းအား သီဆိုပြခဲ့သည်။

"~~ကြယ်တွေ မှိတ်တုတ်မှိတ်တုတ်ဖြစ်တဲ့အခါ... လမင်းကြီးက ငါ့ဆီပြေးလာတဲ့အခါ~~"

လူပေါင်း ၂သိန်းခန့်က တစ်ချိန်တည်းမှာပင် ကြက်သေသေသွားရသည်။

ရိုးရှင်းပြီး သူတို့နှင့် အလှမ်းဝေးကွာသောတေးသွားက သားချော့တေးနှင့်တူပြီး ကုယွီမြန်၏အသံက ၎င်းအတွက် အလွန်သင့်လျော်ပေသည်။

သီချင်းတစ်ကြောင်းကပင် လူများအား ထူးကဲသည့်စိတ်အခြေအနေတစ်ခု ယူလာပေးသည်။

နှင်းကျားသစ်လေး၏ ခဲပြာရောင်မျက်လုံးများလည်း ပြူးကျယ်သွားခဲ့သည်။

【အဖြူရောင်ပိုးထည်ခြုံထားတဲ့လ :ဘုရားရေ ဒါက ဘာသီချင်းလဲ…】

【သမင်နဲ့ ငှက်တွေ : အားး အားး အားး သီချင်းလား…သေချာနားထောင်လေလေ ငါ့နားတွေပြုတ်ကျတော့မလိုပဲ…】

【အလှကုန်တွေလွှတ်ပစ်မယ်: သူ့မှာအရည်အချင်း မရှိဘူးဆိုတာ အသိသာကြီးပါ ဒါပေမယ့် ဒီခံစားချက်က... မြန်မြန်က ပွဲဦးထွက်နိုင်တယ်လို့ ငါထင်တယ်…】

【မိန်မိန်ကလူကောင်းလေး: ကျေးဇူးပြုပြီး အယ်လ်ဘမ် ထုတ်ပေးပါ...ငါအားလုံးကိုဝယ်ပါ့မယ် အားး အား အား…】

ချိစ့်နှင့်ဆော်လမွန်ငါးက လူများအတွက် လုံလောက်အောင်အရသာရှိနေပြီဖြစ်သော်လည်း ဤသီဆိုသည့်အပိုင်းတိုလေးက ထုတ်လွှင့်မှု၏လေထုအား ဦးဆောင်သွားသည်။

လက်ဆောင်အမျိုးမျိုး၏ အထူးပြုလုပ်ချက်များကမျက်နှာပြင်ပေါ်တွင် ဒီရေအလားပြည့်နေပြီး မရေတွက်နိုင်သော ကြည့်ရှုသူများက သူတို့၏ ခေါင်းများကို ကုတ်ခြစ်၍ ကုယွီမြန်အား ယခုထက်ပို၍ သီဆိုစေချင်သည်။

သို့သော် ကုယွီမြန်က ဆက်မဆိုခဲ့ပေ။ သူ၏ အကျင့်စရိုက်တာ introvertဆန်ပြီး သူကိုယ်တိုင်ကလည်း ရှက်တတ်သူဖြစ်ကာ နှိမ့်ချတတ်သည်။ တစ်ခဏသာဆိုပြီးနောက် သူ့အား အမှန်တကယ် ရှက်ရွံ့သွားစေသည်။ သူက လက်ညိုးကိုကွေး၍ နှာခေါင်းထိပ်အား ထိနေခဲ့သည်။

"ဒါဆို...ဒီနေ့တော့ ဒီလောက်ပါပဲ...မနက်ဖြန်ညနေကျရင် ဟော့ပေါ့လုပ်စားပါမယ်...မနက်ဖြန်ကြမှ တွေ့မယ်နော်..."

ကြည့်ရှုသူများ : နေပါဦး...

သူတို့စကားလုံးတစ်လုံးမှ မပြောရသေးမီတွင် တိုက်ရိုက်ထုန်လွှင့်မှုက ရုတ်ချည်းပြတ်တောက်သွားသည်။ တိုက်ရိုက်ထုတ်လွှင့်မှုပြီးနောက် တစ်စက္ကန့်တွင် ကြည့်ရှုသူအရေအတွက်က တရားဝင်၂သိန်းကျော်သွားခဲ့ပြီး နေ့တစ်နေ့၏ကျော်ကြားမှုစာရင်းတွင် ဒုတိယမြောက်ဖြစ်လာသည်။

ဆိုလိုသည်မှာ...

ကုယွီမြန်၏တိုက်ရိုက်ထုတ်လွှင့်မှုက တာ့ခ်၏စာရင်းထိပ်ဆုံးနားသို့ နီးလာခဲ့သည်ဟူ၍ပင်။

-----

ကြယ်တာရာမြို့တော်၌…

အင်တာဗျူးသမားတစ်ယောက်က စတင်၍ ရိုက်ကူးနေခဲ့သည်။

"မစ္စတာကော.."

ပရိုဂရမ်ဒါရိုက်တာမှ စင်နောက်သို့လာ၍ တံခါးခေါက်ခဲ့သည်။

"မစ္စတာ ကောအာရှစ်စစ်... ကျွန်တော်တို့စတော့မှာမို့လို့... မင်း..."

တံခါးကို ပပိတ်မထား၍ အနည်းငယ်တွန်းလိုက်ရုံဖြင့်ပင် ပွင့်သွားခဲ့သည်။ ပရိုဂရမ် ဒါရိုက်တာမှာလည်း ကြက်သေသေသွားရသည်။ ထိုနေရာတွင် ထိုင်နေကာ အမူအရာမဲ့နေသည်မှာ ကြာလှပြီဖြစ်သည့် ပန်ဒါ၏နောက်ကျောအား သူ မြင်လိုက်ရသည်။

အလင်းမျက်နှာပြင်ပေါ်ရှိ ပုံရိပ်သက ပျောက်ကွယ်သွားပြီး တိုက်ရိုက်ထုတ်လွှင့်မှုအဆုံးသတ်အား ပြသနေသော်လည်း ကောအာရှစ်စစ်မှာ မရွေ့လျားသေးပေ။

"ဒီသီချင်းက..."

အချိန်အတော်ကြာပြီးနောက် သူ အိပ်မက်မှ နိုးထလာခဲ့ပြီး လုံးဝန်းသောခန္ဓာကိုယ်ကို စိတ်ကူးမကြည့်နိုင်သော တက်ကြွမှုဖြင့် ခုန်လိုက်သည်။

တစ်ချိန်တည်းမှာပင် သူ၏လက်ပတ်ကွန်ပျူတာအားသုံး၍ မိဘများထံ လျင်မြန်စွာ ဗီဒီယိုကော ခေါ်လိုက်သည်။

"ငါတောင်းပန်ပါတယ်... ဒီပွဲကို ဆက်မလုပ်နိုင်တော့ဘူး…အားသိုရေ တာ့ခ်ကိုသွားဖို့ လက်မှတ်တစ်စောင်ဖြတ်ပေးပါဦး..."

အားသိုက ရုတ်ချည်းပြောင်းလဲမှုကြောင့် ကြက်သေသေနေရသည်။

တာ့ခ်ကိုသွားမယ်တဲ့လား…

ဘာလို့ တာ့ခ်ကိုသွားမှာတုန်း…

ကောအာရှစ်စစ်ကရပ်တန့်သွားသည်။

အားသိုမှာ သူက ပရိုဂရမ်အားဆက်လုပ်မည်ဟု ထင်ခဲ့သော်လည်း ကောအာရှစ်စစ်၏ လေးလေးနက်နက်ပြောသံကို ကြားလိုက်ရသည်။

"မဟုတ်ဘူး လက်မှတ်ဖြတ်နေရင် နှေးလွန်းတယ်… ငါ့အဖေရဲ့ကြယ်သင်္ဘောကိုပဲ မောင်းသွားတော့မယ်..."

အားသို : "ဘာပြောတာ..."

🐯🐯🐯

Prev Next