Welcome To MM Storyteller
LOGIN
🚩Chapter -115
Arc_6 . တိသမီးပြန်လာခြင်း [ 7 ]
____
ထိုနေ့က အဖြစ်အပျက်များအတွက် စုဝမ်သည် စိတ်ထဲတွင် စုရွေ့ကို အမှန်တစ်ကယ် မုန်းတီးနေခဲ့သည်။ သူ့ကိစ္စပြီးသွားသည်နှင့် သူမအား ဂရုမစိုက်တာကို မုန်းမိသည်။သို့သော်လည်း ယနေ့ သူ့ကိုပြန်တွေ့လိုက်ရချိန်တွင်၊သူ့ကို လုံးဝမုန်းလို့မရမှန်း တခြားသူထက် ပိုသိလာသည်။
စုရွေ့က သူမအပေါ် ရိုးသားသည်။ရိုးသားပြီး အပြစ်အနာအဆာကင်းသော သူ့နှလုံးသားတစ်စုံသည် သူမတစ်ယောက်တည်းဆီ၌သာ ဦးတည်နေသည်။ထိုအဖြစ်အပြီးမှာ သူ မျက်နှာမပြဝံ့သည့်အတွက်၊သူ့ကို အခုချိန်ကစပြီး ပညာပေးဖို့ လိုအပ်သလို ခွေးသွေးဖြန်းထားတဲ့တီဗီဒရာမာများ လျှော့ကြည့်ဖို့ ပြောရန်လိုအပ်နေပြီဟု ယူဆမိ၏။
သို့ဖြစ်၍၊သည်တစ်ခါတော့ သူမက အရွယ်ရောက်ပြီးသူဖြစ်၍ သဘောထားကြီးစွာ ခွင့်လွှတ်လိုက်မယ်၊ နောက်တစ်ကြိမ်ကျရင်သာ ...... 'ဟမ် နောက်တစ်ကြိမ်ဆိုတာကို တွေးဝံ့သေးသလား..'
စုဝမ်သည် စုရွေ့၏ ရင်ခွင်ထဲမှလွတ်မြောက်ရန် ရုန်းကန်ပြီးလျှင် သူမတို့ လျစ်လျူရှုထားသည့် ဧရာမဘီလူးကြီးကို သတိပြုမိလိုက်သည်။
"ကျားဖြူဘုရင်"
သူမ အော်ဟစ်ဖို့ကလွဲပြီး မတတ်နိုင်တော့။ ဤကျား၏ကိုယ်ခန္ဓာတစ်ခုလုံးသည် နှင်းကဲ့သို့ဖွေးဖွေးဖြူနေသည်။ ၎င်း၏အကြည့်စူးစူးကြောင့် ယင်းမှာ အားကောင်းပြီး ကြမ်းတမ်းပုံရသည်ဟု လူကိုခံစားမိစေ၏။
"မင်းပြောနေတာ ဒီကျားလား"
စုရွေ့က ကျားဖြူကို ပြောလိုက်ရာ၊၎င်းသည် သူတို့နှစ်ယောက်ဘက်သို့ ချက်ချင်း လျှောက်လာသည်။
“စောစောက ဒီလမ်းမှာပဲ ကိုယ် ဒီကောင့်ကိုတွေ့ခဲ့တယ်၊လမ်းမှာလည်း အလွယ်တကူ အသတ်ခံရမယ့် လူတွေလည်း ရှိနေတာကို"
စုရွေ့ လေသံက ပေါ့ပေါ့ပါးပါးပင်။
"မင်း ကိုယ့်ကို စိတ်မဆိုးတော့ဘူးဆိုတော့ ချန်ချင်းကျင်း နဲ့ ချင်ယွဲ့တို့နှစ်ယောက်လုံးကို ရှင်းဖို့ ဒီအခွင့်အရေးကို ကိုယ် သုံးလိုက်မယ်"
"အို၊ ကိုယ်စားလှယ်တွေရဲ့ စည်းမျဉ်းတွေကို မေ့နေပြီလား၊အထူးလိုအပ်ချက် မရှိရင် ကိုယ်စားလှယ်တွေက အမျိုးသားဇာတ်ဆောင်နဲ့ အမျိုးသမီးဇာတ်ဆောင်ကို ထုတ်ပယ်လို့မရဘူး"
စုဝမ်သည် စုရွေ့က ထိုအတွဲကို ဓါးဖြင့် ဖြေရှင်းမည်ကို ကြောက်နေမိသည်။ ကိုယ်စားလှယ်စည်းမျဉ်းများကို ဖောက်ဖျက်သည့်အတွက် ပြစ်ဒဏ်မှာ အလွန်ကြီးပြီးပြင်းထန်ကြောင်း သိထားသင့်သည်။
"ကိုယ် ဒီလောက် မအပါဘူး၊ ဒီကိစ္စတွေကို ကိုယ် ကိုင်တွယ်ဖြေရှင်းနိုင်တယ်”
စုရွေ့သည် ပြောပြောဆိုဆို IQ မြင့်သော တော်ဝင်ဦးရီးတော်၏ ခေါင်းကို ဂုဏ်ယူစွာ လက်ညှိုးထိုးပြလိုက်သည်။
"ဘာပဲဖြစ်ဖြစ်၊ ဒီကမ္ဘာမှာတော့ ပေါ့သေးသေးတွက်ပြီး အဆင်ပြေမယ်လို့ တွေးမနေနဲ့၊မဟုတ်ဘူး၊ ရှင် ကျွန်မကို ကတိပေးရမယ်၊ ဒီကမ္ဘာမှာ ဘာပဲလုပ်လုပ် ရှင် တစ်ယောက်တည်း လျှောက်လုပ်လို့မရဘူး၊ကိုယ်စားလှယ် စည်းမျဉ်းတွေကို မထိနဲ့"
"ရပါပြီ၊ စိတ်ချပါ"
စုဝမ်၏စကားကို စုရွေ့ မဆိုင်းမတွ ကတိပြုလိုက်သည်။သူမက ဘာပဲပြောပြော၊သူကတော့ လုံးဝ ခြွင်းချက်မရှိ နာခံမည်ဖြစ်သည်။
တစ်နေ့တွင် သူ့စိတ်တို့ရှုပ်ထွေးကာ ထိုစည်းကမ်းကို တကယ် ထိမိလိမ့်မည်ဟု ယခုအချိန်၌ လုံး၀မထင်ထားခဲ့ပေ။ သူသည် ထိုကမ္ဘာရှိ ဇာတ်ဆောင်ကို သူ့လက်ဖြင့် သတ်ရုံသာမက သူ့ခန္ဓာကိုယ်ကို အပိုင်းပိုင်းဖြတ်ကာ မိသားစုတစ်ခုလုံးကိုပါ သတ်ပစ်မည်ဖြစ်သည်။
လူတိုင်းတွင် အကန့်အသတ်ဆိုသည်မှာ ရှိ၏။ထို့ကြောင့် စုရွေ့၏ သည်းခံနိုင်စွမ်းအတိုင်းအတာကို တစ်ယောက်ယောက်မှ ထိလိုက်သည်နှင့် သူသည် ကောင်းကင်ဘုံမှာပါမချန်၊ အစုလိုက်အပြုံလိုက် သတ်ဖြတ်ခဲ့သည့် မူလ စစ်သူကြီးစုဖြစ်လာလိမ့်မည်ပင်။
ဤအရာများအားလုံးက အနာဂတ်မှာ ဖြစ်မည့်ကိစ္စပင်။ယခု သူတို့အရှေ့တွင် မာန်ဖီနေသော ကျားဖြူတစ်ကောင်ကို မြင်နေရသည်။ ကျားဖြူသည် စုရွေ့ ကို တစ်ချက်ကြည့်ကာ ကြောက်ရွံ့သွားသည်ကို တွေ့လိုက်ရသဖြင့် စုဝမ် ၎င်းကို ထည့်စဉ်းစားမနေတော့ပေ။ ကျားဖြူဘုရင်ကိုပင် ကြောက်အောင် လုပ်လိုက်နိုင်၍၊စစ်သူကြီးစုကို သူမ လေးစားသွားရ၏။
သစ်ရွက်များကြားမှ တစ်စွန်းတစ်စမြက်နေရသော နေရောင်ကို မော့ကြည့်လိုက်ရင်း သူမ မထိန်းနိုင်ဘဲ ညည်းတွားမိသည်။
“အချိန်နီးနေပြီ၊ ရှင် ပဉ္စမမင်းသားရဲ့ လျှို့ဝှက်လက်နက်ကိစ္စကို ထိန်းနိုင်နေပြီမလား၊ တခြားလူတွေကိုလည်း ကျော်အောင်လုပ်လို့မရဘူးမလား"
စုရွေ့ သူ့မျက်လုံးကို မှိတ်လိုက်ပြီး "ဒီလိုလုပ်တာက အလကားပဲ၊ မင်းကို ကျားပေးစီးမယ်ဆို ဘယ်လိုလဲ...ရှုခင်းတွေကြည့်လို့ရတာပေါ့"
စုရွေ့သည် စုဝမ်ကို သူ့ရင်ခွင်ထဲသို့ ထည့်ကာ လက်တစ်ဖက်ဖြင့် သူမအား ကျားဖြူ၏ကျောပေါ်သို့ ဆွဲတင်လိုက်သည်။
" အဖြူကောင်ကြီး၊မင်းရဲ့ သခင်အတွက် ပျံပြလိုက်စမ်း"
ကျားဖြူဘုရင်- “ငါ့ကို သန်မာတယ်လို့ ပြောရင် ရပါတယ်၊ ဒါပေမယ့် ဘာလို့ ကျားကို လာပျံခိုင်းနေတာလဲ၊ ငါ့မှာ တောင်ပံလည်း မပါဘူး~ နောက်ပြီးတော့ အဖြူကောင်ကြီးဆိုတာကရော ဘာသဘောလဲ၊နွေးနွေးထွေးထွေးရှိတဲ့ ကျားဘုရင်လို့ မခေါ်ရင်တောင် ရက်စက်လွန်းတဲ့ ကျားဘုရင်လို့ ခေါ်သင့်တယ် မဟုတ်လား
ကျားဖြူကြီး စိတ်ထဲမှာ အနည်းငယ် မလိုလားသော်လည်း စုရွေ့၏ ကြောက်စရာကောင်းသော ကျွမ်းကျင်မှုနှင့် လူသတ်ချင်သည့် မျက်လုံးများကို တွေးပြီးသည်နှင့်၊ အဆုံးတွင် နာခံမှုရှိစွာဖြင့် တောထဲသို့ လေအဟုန်ကဲ့သို့ ပြေးလာရင်း သူတို့နှစ်ယောက်ကို သယ်ဆောင်သွားတော့သည်။
နာရီဝက်လောက်ကြာသော် အမဲလိုက်ကွင်းတစ်နေရာ၌...
ချန်ချင်းကျင်းသည် အစ်ကိုဖြစ်သူ ချန်ယွီရှုနှင့် လွန်ခဲ့သည့် တစ်နာရီခန့်က ကွဲကွာသွားခဲ့သည်။ယခုအချိန်တွင် သူမသည် အမဲလိုက်၍ရသော သားကောင်အချို့ကို သယ်ဆောင်လာခဲ့သည်။ အမဲလိုက်ရာတွင်ပါဝင်ရင်း၊သူမသည် တော်ဝင်မျိုးနွယ်မှ ရာထူးကြီးသူ အချို့နှင့် မိတ်ဖွဲ့ရန် စိတ်ကူးထားသည်။သူတို့စိတ်ထဲမှာ သူ့မကို အထင်ကြီးသွားစေချင်မိသည်။
သူမ ဘဝကို ယခင်ဘဝကလို မဖြစ်စေချင်ပေ။ ဘာကိုမှမသိဘဲ အိမ်ထဲမှာ သာ နေခဲ့သည့် သခင်မလေးတစ်ယောက်လို မရှင်သန်ချင်ပေ။ဤဘဝတွင်၊ သူမသည် ချင်ထင်ကို လက်စားချေလိုသည်။ထိုသို့ ပြုလုပ်ရန် အချိတ်အဆက်များနှင့် သူမ၏ ပါဝါကို တည်ဆောက်ရန် ပထမဆုံး လုပ်ဆောင်ရမည်ဖြစ်သည်။
“ဝေါင်း”
နားရွက်ကွဲသွားမတတ် ကျယ်လောင်သည့် ဟိန်းဟောက်သံသည် ချန်ချင်းကျင်း၏အတွေးရထားကို ရိုက်ခတ်သွားသည်။သူမ၏မျက်လုံးများသည် ထိတ်လန့်တကြားဖြစ်မှုနှင့်အတူတောက်ပသွားပြီး၊မြင်းကလည်း ထိတ်လန့်တကြားဖြစ်ကာ ရုတ်တရတ် ခြေလှမ်းယ်ိုင်သွား၏။
သူမသည် ဇက်ကြိုးကို တင်းတင်းကြပ်ကြပ် ဆုပ်ကိုင်ထားပြီး နောက်မကြာမီ မြင်းက ရုတ်တရက် မြေပြင်ပေါ်သို့ ဒူးထောက်ကွေးညွတ်သွား၏။သို့ဖြစ်၍ သူမလည်း ဟန်ချက်မထိန်းနိုင်ဘဲ အောက်သို့ပြုတ်ကျသွားရသည်။
"ဝေါင်း"
ဟိန်းဟောက်သံနှင့်အတူ ကျားဖြူကြီးသည် ချုံပုတ်နောက်ကွယ်မှ ထွက်လာ၏။
“အား”
ပြင်းထန်စူးရှသော ကျားမျက်လုံးတစ်စုံကို ရင်ဆိုင်နေရသည့် ချန်ချင်းကျင်းမှာ ကြောက်ရွံ့စွာ အော်ဟစ်လိုက်သည်။သူမ အလိုလိုပင် မြှားတစ်ချောင်းကို ဆွဲထုတ်ဖို့ပြင်နေခိုက်၊ ကျားဖြူကြီးက ရုတ်တရက် သူမ အပေါ် ခုန်အုပ်လိုက်သည်။
သူမသည် တစ်ဖန်မွေးဖွားလာပြီးနောက်၊နှစ်ဘဝစာ နှစ်ပေါင်း ၄၀ ကျော် နေထိုင်ခဲ့သော်လည်း ဤကြောက်စရာကောင်းသောအခြေအနေအား မကိုင်တွယ်တတ်ချေ။ ရက်စက်ကြမ်းကြုတ်သော ကျားသည် ကြီးမားကျယ်ပြန့်သော ပါးစပ်ကို ကျယ်ကျယ်ဖွင့်ကာ ပြေးလာသည့်အခိုက်တွင် သူမ ကြောက်ရွံ့မှုကြောင့် ချက်ချင်းပင် မေ့လဲသွားသည်။
ထိုအချိန်တွင် အနီးနားရှိသစ်ပင်ကြီးတစ်ပင်မှာ တစ်ချိန်လုံး ပုန်းနေသည့် စုရွေ့သည် စုဝမ်ကို ရင်ခွင်ထဲမှာ ပွေ့ဖက်ထားရာက၊ သစ်ကိုင်းတစ်ခုပေါ်သို့ ညင်သာစွာ ချထားလိုက်သည်။
"ရှင့်ကိုစောင့်နေမယ်၊ သွားပြီးတော့ သူမ အနေအထားကို ပြင်လိုက်"
အယ်...
စုဝမ်သည် သစ်ပင်ပေါ်တွင်ထိုင်ကာ အောက်ကိုငုံ့ကြည့်လျက်ရှိသည်။ထိုအခိုက် စုရွေ့သည် ချန်ချင်းကျင်း၏ ရင်ဘတ်၊ ခြေထောက်နှင့် ဗိုက်တွင် ကုတ်ခြစ်ရာများကျန်နေစေရန် ကျားဖြူ၏ လက်သည်းအား ဆွဲယူကာ အရာထင်စေလိုက်သည်။
တစ်မိနစ်အကြာတွင် ချန်ချင်းကျင်း ဝတ်ထားသော ဝတ်စုံကလည်း စုတ်ပြဲကာ၊အနည်းငယ်အရိုင်းဆန်သည့်ပုံပေါ်လာ၏။
"ဘယ်လိုလဲ"
သစ်ပင်ဆီပြန်လာရင်း စုရွေ့က ချီးမွှမ်းခံချင်သည့် မျက်နှာထားနှင့် စုဝမ်ကိုကြည့်နေသည်။
“အင်း……” စုဝမ်က စုရွေ့၏ မျက်နှာကို ကြည့်ပြီး ရုတ်တရက် မေးလိုက်သည်။
“တော်တော် ကြည့်ကောင်းနေသလား"
"အမ်..."
စုရွေ့ အံ့အားသင့်သွားပြီး စုဝမ်ကို ဖော်မပြနိုင်သည့်အကြည့်မျိုးနှင့် ကြည့်လိုက်မိသည်။
စုဝမ်သည် နှုတ်ခမ်းများကို ဆူထော်ထားကာ မြက်ခင်းပြင်ပေါ်ရှိ ချန်ချင်းကျင်း၏ ဖြူလွလွ ခန္ဓာကိုယ်ကို မေးဆတ်ပြလိုက်ရင်း
"ကျွန်မ မေးနေတယ်လေ၊သူမက ကြည့်လို့ကောင်းလားလို့"
စုရွေ့ : ……
"ကိုယ် သူမကိုမထိခဲ့ပါဘူး"
သူ့လက်ကို အမြန် မြှောက်ပြလိုက်ရင်း သူမကို ကြည့်ပြီး "ထိတာက အဖြူကောင်ကြီးရဲ့ လက်သည်းနဲ့လေ၊ကိုယ်က သူမ အင်္ကျီစကိုတောင် မထိပါဘူး"
ကြည့်ကောင်းသည်ဖြစ်စေ ကြည့်မကောင်းသည်ဖြစ်စေ၊သူ ဂရုမစိုက်။မည်သို့ပင်ဖြစ်စေ၊သူမက စုဝမ်မဟုတ်၍ သူ မြင်ချင်စိတ်မရှိချေ။
ထိုသို့တွေးရင်း စုရွေ့က စုဝမ်၏ ရင်ဘတ်ကို စိုက်ကြည့်လိုက်သည်။
ဘာပဲဖြစ်ဖြစ်၊ ဒီကမ္ဘာမှာ ရှောင်ဝမ် ရဲ့ ခန္ဓာကိုယ်က ချန်ချင်းကျင်းထက် ဘယ်လောက်တောင် ပိုလှသလဲဆိုတာ သူကလွဲပြီး ဘယ်သူသိနိုင်မှာလဲ...ချန်ချင်းကျင်းလို လေယာဉ်ကွင်းကို သူ သဘောမတွေ့ပေ။
"စုရွေ့ ရှင်ဘာတွေတွေးနေတာလဲ ဆိုတာ ကျွန်မ သိတယ်နော်"
စုဝမ်က ရုတ်တရက် အေးစက်သောအသံဖြင့် ပြောလိုက်သည်။
ထိုအခါ သူ ချက်ချင်းပဲ တခြားနေရာကို စိုက်ကြည့်ပြီး တည်ငြိမ်သည့် မျက်နှာထားဖြင့်" သူတို့လာကြပြီ"
ချန်ချင်းကျင်း ကိုရှာမတွေ့မီကတည်းက၊ စုရွေ့သည် အမဲလိုက်ကွင်းပြင်တွင် လှည့်ပတ်သွားလာကာ၊ လူအားလုံးကို ဤနေရာဆီလာကြဖို့ တမင်အစီအစဉ်ဆွဲထားခဲ့၏။ မြင်းခွာသံများ နီးကပ်လာသည်နှင့်အမျှ သူ ပြုံးပြီး အတွင်းအားကို သူ့လက်ချောင်းထိပ်တွင် စုရုံး၍ မြေပြင်ပေါ်ရှိ ချန်ချင်းကျင်းကို သတိပြန်လည်လာအောင် လုပ်ပေးလိုက်သည်။
ထိုအကွက်က အတွင်းအားနှင့် အပ်စိုက်ခြင်းဟု ခေါ်၏။
“အင်း...အင်း”
ကြောက်ပြီး မူးမေ့လဲသွားသော ချန်ချင်းကျင်းသည် မျက်လုံးကို ဖြည်းညှင်းစွာဖွင့်ရင်း မျက်လုံးအား ပွတ်သပ်ကာ တိုးညှင်းစွာ ညည်းညူလိုက်သည်။ခဏကြာသည်အထိ သူမ အနည်းငယ် စိတ်ရှုပ်နေဆဲပင်။ သူမ ဘယ်ရောက်နေမှန်း မသိသေး။ ဘေးပတ်ပတ်လည်မှာလည်း မြင်းခွာသံများ ကြားနေရသည်။
သူမ ထထိုင်ဖို့အားယူလိုက်လျှင်၊ စုတ်ပြဲနေသော သူမ၏အဝတ်အစားများကိုတွေ့ကာ ချက်ခြင်းအော်လိုက်မိသည်။
“အား”
ဤအော်သံသည် ကျားဖြူဘုရင်ကို ရှာဖွေနေသော ပတ်ဝန်းကျင်ရှိ လူများအား ချက်ချင်းပင် ဆွဲဆောင်နိုင်ခဲ့သည်။ သို့နှင့် ပတ်ဝန်းကျင်မှ လူအုပ်က မြင်းစီးလာရင်း အကြီးဆုံးသခင်မလေးချန်၏ ဆက်စီကျကျနှင့် အရိုင်းဆန်ဆန် ပုံစံကို တွေ့လိုက်ကြရလေ၏။
__
🚩
Welcome To MM Storyteller
LOGIN
Welcome To MM Storyteller
REGISTER