အပိုင်း၁၁

👾Chapter 11:

 ဟယ့်ယွင်ထင်မှာသာ ဒီလိုအတွင်းစိတ်​တွေမရှိခဲ့ရင်... 

ဟယ့်ယွင်ထင် ထွက်လာမည်ကို ​စောင့်​နေသည့်လုအန်းဟယ်မှာ မထင်မှတ်ထားစွာပင် စကားတစ်ခွန်းမှ မ​ပြောလာဘဲ စိတ်စွမ်းအား လည်ပတ်တဲ့စနစ်မှာ ပြဿနာမရှိဘူးမလားဟု ​သာမေးလာပြီး ဟယ့်ယွင်ထင် ​ခေါင်းငြိမ့်ပြလိုက်သည်ကို ​တွေ့လိုက်ရ​သောအခါ ​မေးခွန်းများ ဆက်မ​မေး​တော့​ပေ။  

မက်ခါထဲတွင် ဟယ့်ယွင်ထင်၏ ဖယ်ရိုမုန်းများက အမှန်ပင် အကျိုးသက်​ရောက်မှုရှိ​သည်​ကြောင့် ဖြစ်မည်။ လင်းဟန်က ​မောင်းနှင်ခန်းထဲတွင် တစ်​ယောက်တည်း ထိုင်နေပြီး အလုပ်ဆက်လုပ်​နေခဲ့သည်။ 

လက်အိတ်များက စိတ်ဖတ်စွမ်းရည်ကို ဟန့်တား​ပေးသဖြင့် လင်းဟန်လည်း ထိုစဥ်က ဗိုလ်ချုပ် ​တွေး​နေမည့်အရာကို မ​သိနိုင်ခဲ့​ပေ။  

သူ့ကိုယ်သူ အလုပ်ထဲတွင် စိတ်နှစ်ထားလိုက်သဖြင့် တဖြည်းဖြည်း စိတ်တည်ငြိမ်လာသည်။ 

စိတ်ဖတ်နိုင်ခြင်းက စွမ်းရည်​ကောင်း မဟုတ်ဟု လင်းဟန် ​တွေးထားသည်။ သူသာ ထိုညက လက်အိတ်ဝတ်ထားခဲ့ပြီး ဟယ့်ယွင်ထင်၏ အ​တွေးများကို မကြားခဲ့ရပါက ဗိုလ်ချုပ်နှင့် ရင်းနှီးလာရန် အနည်းငယ် ပို၍ ဆန္ဒရှိ​ပေလိမ့်မည်။  

လင်းဟန်က အ​တွေးနစ်​နေရင်း ​ခြောက်ခု​မြောက်အပိုင်းကို ဖယ်လိုက်သည်။ 

သူအလုပ်များ​နေချိန်တွင် အချိန်များကို ​မေ့သွားတတ်သည်။ ကျန်အဖွဲ့အစည်း တစ်ခုလုံးကလည်း ဗိုလ်ချုပ်၏ လာ​ရောက်လည်ပတ်မှု​ကြောင့် ​ရှော့ခ်ရ​နေဆဲ ဖြစ်​နေရာ ရှန်ရှိုးနန်တစ်​ယောက် သူပြန်လည်ပြုပြင်ခန်းထဲတွင် ညလုံး​ပေါက် ​နေ​နေမည်ကို စိုးရိမ်​နေသဖြင့် သူ့ကို လာရှာသည်အထိပင်။ 

ရှန်ရှိုးနန် ဝင်လာ​သောအခါ လင်းဟန်က မက်ခါအတွင်းရှိ လည်ပတ်စနစ်ကို ပြန်လည်တည်းဖြတ်​နေခြင်း ဖြစ်ပြီး အလိုအ​လျောက်ပြုပြင်စက်များက တဝီဝီ မြည်​နေကာ လူလိုက်ကြည့်စရာ မလို​သော ​နေရာများတွင် နည်းနည်းချင်း ပြန်လည်ပြင်ဆင်​နေသည်။  

လင်းဟန် ပြုံးလိုက်ပြီး ဗိုလ်ချုပ်က စိတ်စွမ်းအား စနစ်ကို လာ​ရောက် စစ်​ဆေးခြင်းဖြစ်​၍ သူ့ဘက်ကလည်း မက်ခါပြုပြင်​ရေးလုပ်ငန်းကို တတ်နိုင်သမျှ မြန်မြန်ပြီးသွား​စေရန် အလုပ်ကြိုးစားရမည် ဖြစ်ကြောင်း ရှင်းပြလိုက်သည်။ 

ရှန်ရှိုးနန် ​ရွေးချယ်စရာ မရှိ​တော့ဘဲ သူ့ကို အာဟာရဖြည့်စွက်စွာများ တား​ဆေးများကို အချိန်မှန်မှန် ​​သောက်ရန်သာ သတိ​ပေးလိုက်ပြီး ထွက်သွား​တော့မည်အပြုတွင် ​​ဒေတာများ စစ်​ဆေး​နေသည့် လင်းဟန်ကို ကြည့်ကာ မျက်မှောင်ကြုတ်၍ ​ပြောလိုက်သည်။ 

"မင်းဒီ​နေ့ ​​တော်​တော်​လေး စိတ်တက်ကြွ​နေပုံပဲ" 

လင်းဟန် ​ပြောလိုက်သည်။ "ဟုတ်လို့လား" 

"ဒါ​ပေါ့... မင်း ပြုပြင်​ခန်းထဲမှာ ရှိ​နေတာ ဘယ်​​လောက်ကြာပြီလဲ ​တွေးကြည့်လိုက်​လေ" ရှန်ရှိုးနန် ​ပြောလိုက်သည်။

 "...မင်း heatဝင်​နေတာ​ရော တကယ် ဟုတ်ရဲ့လား... မင်းသုံးထားတာ တား​ဆေးမဟုတ်ဘဲ စိတ်တက်ကြွ​​ဆေး ဖြစ်​နေမယ်လို့​တောင် သံသယ ဝင်လာပြီ" 

လင်းဟန် တစ်ဖက်လူကို ကူကယ်ရာမဲ့စွာ ကြည့်လိုက်သည်။ "မဟုတ်ပါဘူး... တကယ်ပါ" 

ရှန်ရှိုးနန် ​တွေးကြည့်လိုက်ပြီး​နောက် ဖြစ်နိုင်​ချေရှိသည့် အ​ဖြေတစ်ခု ​ပေါ်လာသည်။

 "ဖြစ်နိုင်တာ ဗိုလ်ချုပ် မင်းဆီ ​ရောက်လာလို့ စိတ်​​တွေလှုပ်ရှား​နေတာနဲ့ ​ပင်ပန်းနွမ်းနယ်​နေတာ​တွေ​တောင် ​အမှုမထားနိုင်​တော့ဘဲ ဆက်ပြီး အလုပ်လုပ်​နေ​တော့တာ​ပေါ့​လေ" 

လင်းဟန် “…” 

ဘယ်လို ဖြစ်နိုင်မှာလဲ... 

သို့​သော်လည်း သူတို့နှစ်​ယောက်အကြား တစ်စုံတစ်ခု ဖြစ်​ခဲ့ပြီး ထိုအ​ကြောင်းကို ရှန်ရှိုးနန်အား ​ပြောပြမည် မဟုတ်​ပေ။ 

သူ့အား အမှတ်အသား​ပေးရန် ​ကြံ​နေသည့် အ​တွေးများကို ​ဘေးဖယ်ထားလိုက်ပါက ထိုဗိုလ်ချုပ်မှာ အမှန်ပင် လူ​ကောင်းတစ်​ယောက် ဖြစ်နိုင်သည်။သို့သော် သူကမူ ပျင်းစရာ​ကောင်းကာ စိတ်ဝင်စားစရာမရှိသည့် လူမျိုး ဖြစ်ပြီး အခြားသူများနှင့် တူညီ​​သော စာမျက်နှာထက်တွင် ရှိ​​နေသည့်ပုံမ​ပေါ်​ပေ။ 

လင်းဟန်က ရှန်ရှိုးနန်အား တံခါးအပြင်သို့ လိုက်ပို့လိုက်ပြီး​နောက် အလုပ်ဆက်လုပ်​​နေ​လေ​တော့သည်။ 

သူက အကယ်ဒမီတွင် အ​တော်ဆုံး မက်ခါ ဒီဇိုင်နာ ဖြစ်​နေရသည့် အ​ကြောင်းမှာလည်း သာလွန်ထူးကဲ​​သော အဆင့်များ ရခဲ့သည့်အပြင် စိတ်စွမ်းအားကလည်း အ​ကြောင်းအရင်းတစ်ခုပင်။ ဤဒီဇိုင်းနှင့် ထုတ်လုပ်​ရေး နယ်ပယ်၌ မက်ခါ ကျွမ်းကျင်သူများမှာ စိတ်စွမ်းအား မြင့်​လေ​လေ အ​ရေး​ပေးခံရ​လေ​လေပင်။ မက်ခါများကိုလည်း အဆင့်သတ်မှတ်ထားပြီး သာမန်B သို့မဟုတ် Cအဆင့် မက်ခါများအတွက် ဒီဇိုင်းကို အကယ်ဒမီထံမှ အတည်ပြုချက် ရယူရန်သာ လိုအပ်ပြီး ထို့​နောက်တွင် မက်ခါထုတ်လုပ်​ရေးဌာနမှ သာမန်စစ်သားများ၏ ရိုးရိုးသာမန် ကင်းလှည့် လုပ်ငန်းစဥ်များအတွက် အသုတ်လိုက် ထုတ်လုပ်​ပေးသည်။ 

အင်ပါယာတွင် မက်ခါများက ​ယေဘုယျအားဖြင့် စိတ်စွမ်းအားများအ​ပေါ် မူတည်​နေသည်။ လိင်သုံးမျိုးလုံးကလည်း စိတ်စွမ်းအားအဆင့်အမျိုးမျိုး ကွဲပြား​နေသဖြင့် အသုတ်လိုက်အများအပြား ထုတ်လုပ်ထား​သော မက်ခါတစ်ခုက လိင်အမျိုးအစား အားလုံးနီးပါး အသုံးပြုနိုင်ပြီး စိတ်စွမ်းအား အနည်းဆုံးပင်။

ထိုနည်းတူစွာပင် အဆင့်မြင့် မက်ခါတစ်ခုကို ​မောင်းနှင်ရန်အတွက်လည်း စိတ်စွမ်းအားနှင့် ထိန်းချုပ်နိုင်စွမ်းတို့ ပိုမြင့်ရန် လိုအပ်​ပေသည်။ သို့မဟုတ်လျှင် စက်မနှိုးနိုင်ခြင်းမျိုး ​နောက်ပိုင်းတွင် ပြဿနာရှိလာခြင်းမျိုး ဖြစ်​ပေါ်လာ​ပေမည်။ 

လင်းဟန်က ​မက်ခါ ​မော်ဒယ်များစွာ၏ ဒီဇိုင်းများ၌ ပါဝင်ခဲ့သည်။ ​ရှေ့တန်းစစ်သားများအတွက် အစုလိုက် ထုတ်လုပ်မှုများမှသည် ဟယ့်ယွင်ထင်နှင့် လုအန်းဟယ်တို့၏ မက်ခါများကဲ့သို့ အထူးအ​သေးစိတ် ​လေ့လာမှုနှင့် ဒီဇိုင်းတို့ လိုအပ်သည့် အသုံးမပြုခင် မ​ရေတွက်နိုင်​​သော စစ်​ဆေးမှုများ ချိန်ညှိမှုများ လုပ်​ဆောင်ရသော သီးသန့်မက်ခါများအထိပင်။ 

ဟယ့်ယွင်ထင်၏ M2742မှာ လင်းဟန်တစ်​ယောက် မက်ခါအစည်းအရုံးသို့ ဝင်သည့်အချိန်ထက် ​​စောစီးစွာ အသုံးပြုခဲ့ခြင်းဖြစ်သည်။သူ ဒီဇိုင်းပိုင်းသို့ တရားဝင်မ​ဝင်​ရောက်ခင်ကပင် နှစ်ဦး​မောင်းမက်ခါများမှာ အင်ပါယာတစ်ဝိုက်ပျံ့နှံ့ပြီးဖြစ်ပြီးနောက် ရပ်ဆိုင်းလုနီးပါးပင် ဖြစ်ခဲ့ရသည်။ 

မက်ခါ၏ အဆင့်ပိုမြင့်​လေ​လေ မက်ခါ​မောင်းသူမှာလည်း ပို၍ စိတ်စွမ်းအား မြင့်မားရ​လေ​လေ​လေပင်။ ဟယ့်ယွင်ထင်မှာလည်း သူ​မောင်းနှင်သည့် မက်ခါကို အမှန်ပင် ဂရုစိုက်​ပေသည်။ ထိုအ​ကြောင်း​ကြောင့်လည်း မက်ခါကို ပြင်ဆင်ရန် စိတ်အားထက်သန်​နေရခြင်းသာ။ 

ကြည့်ရတာ တရားနည်းလမ်းကျ​နေပုံပဲ... ဟယ့်ယွင်ထင်မှာသာ ဟိုလို အတွင်းစိတ်​တွေ မရှိခဲ့ရင်​ပေါ့... 

*****

လင်းဟန်တစ်​ယောက် အလုပ်​ကြိုးစား​နေချိန်တွင် လုအန်းဟယ်မှာလည်း အလုပ်များ​နေရ​ပေသည်။ 

ဗိုလ်ချုပ်၏ မက်ခါကို ပြင်ဆင်၍ မပြီး​သေးသည့်အတွက် ​နေ့စဥ်​လေ့ကျင့်မှုများတွင် ပါဝင်ရန် အ​ကြောင်းမရှိ​လေရာ နှစ်ရက်လုံးလုံး အိမ်ထဲမှ မထွက်သဖြင့် အဓိက အုပ်စုနှင့် အုပ်စုခွဲများအား အခွင့်အ​ရေးရှာ​ဖွေရန် ခွင့်ပြုထားသလိုပါပင်။ 

ရိုးရိုးရှင်းရှင်း​ပြောရလျှင် အုပ်စုတစ်စုစီက အခြားတစ်ဖက်ကို ဆက်လက် နိုင့်ထက်စီးနင်း လုပ်​နေကြပြီး တစ်​နေ့ကျလျှင် ဗိုလ်ချုပ်တစ်​ယောက် သူတို့၏အဖွဲ့သို့ ဝင်ရောက် အ​ခြေချရန် ​မျှော်လင့်​နေကြသည်။ 

အဓိကငြိမ်းချမ်း​ရေးအုပ်စုမှာကား ဧကရာဇ် အား မက်ခါ ထုတ်လုပ်မှု နှင့် စစ်တပ်အ​ထောက်အပံ့များ လျှော့ချရန် မ​တောင်းဆိုခင်ကပင် ဟယ့်ယွင်ထင်အား သူတို့ဘက်သို့ ပူး​ပေါင်း​စေချင်​နေခဲ့ကြသည်။ ​မြေပြင်မှာကား လက်ရှိအ​ခြေအ​နေက ရံဖန်ရံခါထကြွတတ်သည့် ကြယ်ဓါးပြများကလွဲ၍ တည်ငြိမ်​နေပြီး ဇာဂ့်များကလည်း အလွန်ငြိမ်သက်​နေသည်ပင်။ အ​မြောက်ဆံများ ဝယ်ယူရာ၌ ​ငွေသုံးမည့်အစား လူများ၏ ​နေထိုင်မှုပုံစံမှာသာ သုံးစွဲပါက ပို​ကောင်းမည် ဖြစ်ပြီး အင်ပါယာကို အခြား​သော ​နယ်ပယ်များ၌ ပို၍ သန်မာလာ​စေမည် ဖြစ်သည်။ 

အခြားတစ်ဖက်တွင်လည်း စစ်တပ်အုပ်စုက ကြယ်တာရာဓါးပြများမှာ ဒုတိယကျ​သော အ​ရေးကြီးကိစ္စ ဖြစ်ပြီး ဇာဂ့်များမှာလည်း ​လွှတ်ထား၍ မရဟု ယုံကြည်​နေကြသည်။  

ဟယ့်ယွင်ထင်က မည်သည့်ဘက်ကိုမှ မပါဝင်ခဲ့​​သော်ငြား မည်သည့်ဘက်ကိုမှလည်း မငြင်းဆန်ခဲ့​​လေရာ လုအန်းဟယ်ကပင် အလုပ်များသူ ဖြစ်လာရသည်။ 

သနားစရာ ​ကောင်းလှ​သော ဒုတိယဗိုလ်မှူးလုခမျာ နှစ်ဖက်လုံးမှ လက်​ဆောင်များ၊ ​စာလွှာများကို ​ပေးပို့လာသူများအား ကိုင်တွယ်​ဖြေရှင်း​နေရချိန်တွင် ဧည့်ခံပွဲအတွင်း နမူနာခိုးယူသွားခဲ့​သော စားပွဲထိုးကိုလည်း တိတ်တဆိတ်​​​ထောက်လှမ်း​နေရသည်။ 

စတုတ္ထမြောက်လူစုကို ပြန်လည်ပို့​ဆောင်ပြီး​နောက် လုအန်းဟယ်မှာ တစ်ခဏမျှ အနားယူချိန် ရခဲ့ပြီး ဟယ့်ယွင်ထင်ကို သူရရှိလာ​သောအချက်အလက်များအား ​သတင်းပို့ရန် ထွက်လာခဲ့သည်။ 

“အရမ်း ရှင်းလွန်း​နေတယ်... အဲ့ဒီလူကို ရှာဖို့ နည်းလမ်း မရှိဘူး" လုအန်းဟယ် ခါးသက်သက် ​ပြောလိုက်သည်။ 

"အရင်တစ်​ခေါက် ဝိုင်လာပို့သလို ဟန်​ဆောင်တဲ့ စားပွဲထိုးကို ကျွန်​တော် စစ်​ဆေးကြည့်ပြီးသွားပြီ... ဒါ​ပေမယ့် အမှန်တကယ်​တော့ သူက ဗိုလ်ချုပ်ရဲ့ ဒဏ်ရာကို တမင်သက်သက် ဝင်တိုက်မိသလို လုပ်ပြီး ဗိုလ်ချုပ်ကို တိုက်ပြီးသွား​တော့ တစ်​နေ့လုံး ​​ကြောက်လန့်​နေတဲ့ပုံပဲတဲ့... ​​နောက်တစ်​နေ့ကျ​တော့ သူ့မိသားစု ​တွေ့လိုက်ရတာ...အဲ့ဒီလူ ကိုယ့်ကိုယ်ကိုယ် သတ်​သေလိုက်တယ် ဆိုတာပဲ" 

ဟယ့်ယွင်ထင် အံ့အားသင့်သွား​လေသည်။ 

"သေသွားပြီလား" 

လုအန်းဟယ်က အ​လေးအနက် အမူအယာဖြင့် ​ခေါင်းငြိမ့်ပြလိုက်သည်။ "​သေတဲ့လူကို ဘယ်လိုသွား​မေးလို့ ရ​တော့မှာလဲ... သူ့မိသားစု​နောက်ခံက အရပ်သား​တွေပဲ... သူကလည်း မကြာ​သေးခင်ကမှ စားပွဲထိုးဖြစ်လာတာ... ဘာမူမမှန်မှုမျိုးမှ မရှိဘူး" 

အရပ်သား စားပွဲထိုး​​လေးက အလွန်​ကြောက်ရွံ့သွားသဖြင့် သူ့အိမ်မှာပင် ကိုယ့်ကိုယ်ကိုယ် သတ်​သေသွားခဲ့သည်။ အ​ကြောင်းမှာ မလဲပြိုနိုင်​သော အင်ပါယာဗိုလ်ချုပ်တစ်​ယောက်အား ဝင်တိုက်မိသွား၍ ဖြစ်သည်။ သတင်းများက အမြဲတမ်း ထိုကဲ့သို့ပင်။ ကြားမိသူများက ​သေချာပေါက် မယုံမကြည် ဖြစ်ကြမည် ဖြစ်​သော်လည်း ထိုစကားများ ပျံ့နှံ့သွားသည်နှင့် ယုံကြည်မည့်သူများလည်း ရှိလာနိုင်​ပေသည်။

သာမန်လူထုက ထိုလူမှာ စိတ်ဓါတ် ​ပျော့ညံ့နိမ့်ချလွန်းသူ သို့မဟုတ် ဗိုလ်ချုပ်မှာ ​ကြောက်စရာ​ကောင်းလွန်းပြီး ရက်စက်တတ်လွန်းသူဟု မှတ်ချက် ပြုကြမည် ဖြစ်​သည်။ မည်သို့ပင် ဆို​စေကာမူ ပို၍ နက်ရှိုင်း​​သော  သဲလွန်စများအား တူး​ဖော်ရန် ဖြစ်နိုင်တော့မည် မဟုတ်​ပေ။ 

“​ဘောစ့်” လုအန်းဟယ်က အားထုတ်မှုတစ်ရပ် ပြုခဲ့ပုံရပြီး အဆုံးတွင် ​မေးရန် ဆုံးဖြတ်ချက် ချလိုက်သည်။ "ဒီတစ်​ခေါက် ကိစ္စက​လေ... 'အဲ့ဒီလူ​တွေ' ဇာတ်တိုက်ထားတာများ ဖြစ်​နေမလား" 

ထိုစကားများကို ​ပြောချိန်တွင် လုအန်းဟယ်မှာ သိသိသာသာပင် အချိန်အ​တော်ကြာ တုန့်ဆိုင်း​နေပုံရပြီး အမူအယာများကလည်း ​လေးနက်​နေ​ပေသည်။ သို့​သော်လည်း  ဟယ့်ယွင်ထင်ကမူ အထင်​သေးဟန်ဖြင့် ကျိတ်ရယ်လိုက်​လေသည်။ သူ့နှုတ်ခမ်း​ထောင့်စွန်းများက အပြုံးယဲ့ယဲ့ ထင်​နေ​သော်လည်း မျက်နှာထက်တွင်မူ ​လှောင်​ပြောင်သ​ရော်လိုဟန်များ ပြည့်​နေခဲ့သည်။

 "မဟုတ်ဘူး" 

"သူတို့​တွေ တိုးတက်မှုတစ်ခုခု လုပ်နိုင်ခဲ့တာများ ဖြစ်​နေမလား" 

"မဖြစ်နိုင်ဘူး" ဟယ့်ယွင်ထင်က ပြတ်ပြတ်သားသား ​ပြောလိုက်သည်။

 "သူတို့မှာ လမ်း​ကြောင်း မရှိဘူး" 

"ဒါ​ပေမယ့် အခုပြဿနာက ငါတို့ဘက်က ဆက်ပြီး တက်တက်ကြွကြွ မစုံစမ်းနိုင်​တော့ဘူး ဆိုတာပဲ... တစ်ဖက်က လှုပ်ရှားလာမှာကိုပဲ မတုန်မလှုပ်​စောင့်ကြည့်ထားဖို့ ပြင်ဆင်ရမယ်... သူတို့​တွေ ဘယ်လို လှည့်ကွက်​တွေ လုပ်လာမလဲ ဆိုတာပဲ ကြည့်လိုက်ရ​အောင်" 

လုအန်းဟယ်မှာ ထိုကိစ္စအ​ပေါ် ဆက်ပြီး ​လေးတွဲမ​နေ​တော့​ပေ။

 "နမူနာကို ဖျက်ဆီး ပြီးသွားပြီဆို​တော့ တစ်ဖက်က စိတ်စွမ်းအား နမူနာအတုကို သုံးပြီး  M2742မက်ခါရဲ့ AIထိန်းချုပ်ဌာနကို ဖျက်ဆီးဖို့ ကြံစည်ထားတယ်လို့ ခန့်မှန်းထားတယ်... ဒီလိုဆို မက်ခါကို ပြင်ပြီးသွားလို့ ​ဘောစ့်ဆီ ​ရောက်လာရင် ​ဘောစ့်ရဲ့ မက်ခါက ​ဘောစ့်ရဲ့ ထိန်းချုပ်မှု​​အောက်မှာ ရှိ​တော့မှာ မဟုတ်ဘူး..." 

"ကံ​ကောင်းလို့ အဲ့​နေ့တုန်းက ​ဘောစ့်ကိုယ်တိုင် ရှိ​နေလို့ ဘာမှ မဖြစ်ခဲ့တာ" 

လုအန်းဟယ် စိတ်သက်သာရာရစွာဖြင့် သက်ပြင်းချလိုက်သည်။ ဟယ့်ယွင်ထင်၏ ​ရေခဲရိုက်မျက်နှာမှာ အရည်​ပျော်ကျလာ​လေသည်။ 

"ဒါ​ပေမယ့် တကယ်လည်း ကိစ္စမရှိပါဘူး" 

လုအန်းဟယ်မှာ အစပိုင်းတွင် နားမလည်လိုက်​ပေ။ "ဘာလို့များ..." 

"ငါ​ပြောချင်တာ" ဟယ့်ယွင်ထင်က ပြတင်း​ပေါက် အပြင်ဘက်မှ အပြည့်အဝ မပွင့်​သေး​သော ကျူးလစ်ပန်းခင်းကြီးကို ကြည့်လိုက်သည်။

 "တကယ်လို့ ငါမရှိရင်​တောင်...ဒါမှမဟုတ် နမူနာအတုကို သုံးလိုက်မိရင်​တောင် သူက​တော့ သတိပြုမိလိမ့်မယ်" 

ထို 'သူ'ဟူသည်မှာ မည်သည်ကို ရည်ညွှန်း​ကြောင်း မသိရ​သော်လည်း လုအန်းဟယ်မှာ သူ့​ဘောစ့်၏ အသံအ​နေအထားက ယုံကြည်မှုအချို့ ရှိ​နေသည်ထက် ပိုသည်ဟု ခံစားလိုက်ရသည်။ 

နှစ်​ယောက်သား စကား​ပြော​​နေစဥ် အိမ်​တော်ထိန်းက တယဥ်တ​ကျေး တံခါး​ခေါက်လာသည်။ "ဗိုလ်ချုပ်... ဧည့်သည်​ရောက်​နေပါတယ်" 

ထိုစကားကို ကြား​​သောအခါ လုအန်းဟယ်၏ ​ခေါင်းတစ်ခုလုံး တဝီဝီ မြည်သွား​ပြီး တံခါးရှိရာသို့ ​အော်လိုက်သည်။

 "ဒီတစ်​ခေါက်က​ရော ဘယ်သူ့ဘက်ကလဲ... ကျန်း​ဘက်ကလား ​လော်ဘက်ကလား" 

“တစ်​ယောက်မှ မဟုတ်ပါဘူး" အိမ်​တော်ထိန်း၏ အသံက ပို၍ သတိကြီးကြီး ဖြစ်သွားသည်။ "လာလည်သူက အရှင်မင်းသားပါ" 

ဟယ့်ယွင်ထင် အဝတ်အစားလဲပြီး ဧည့်ခန်းထဲသို့ ထွက်လာ​သောအခါ အိမ်​တော်ထိန်း ​ပြောသည့် အရှင်မင်းသားမှာ မျက်နှာထက်တွင် အပြုံးတစ်ခု ဆင်မြန်းလျက် ဝင်လာခဲ့သည်။  

အင်ပါယာ၏ တစ်ဦးတည်း​သော ​တော်ဝင်မင်းသား ဖြစ်သည့် ဝမ်ထျန်း​ယောင်မှာ လွန်ခဲ့သည့် နှစ်အနည်းငယ်အတွင်း မကြာခဏဆိုသလို ထွက်​ပေါ်လာ​လေ့ရှိသည်။ အထူးသဖြင့် ပြည်သူများ၏ ခံစားချက်နှင့် ရင်ဆိုင်ရ​သော အခက်အခဲများကို အတူတူ မျှ​ဝေ ခံစားလိုပါသည်ဟု ဆိုကာ မိမိ၏ အ​ထောက်အထားကို ဖုံးကွယ်၍ Nခရိုင်ရှိ စု​ပေါင်းအိမ်တစ်လုံးတွင် အရပ်သားများနှင့်အတူ အခန်းမျှကာ ​နေထိုင်ခဲ့သည်။ စစ်တပ်ကိုလည်း အချိန်နှင့်အမျှ ​ရောက်လာပြီး ဟယ့်ယွင်ထင်ထံမှ မက်ခါ​မောင်းနည်း သင်ယူချင်သည်ဟု ဆိုကာ သူကိုယ်တိုင်ပင် ဇာဂ့် တိုက်ဖျက်​ရေး ကမ်ပိန်းများ၌ ပါဝင်ခဲ့သည်။ 

အဆုံးတွင် သူက ထီးနန်းကို တဖြည်းဖြည်း ဆက်ခံရမည် ဖြစ်သဖြင့် ​ကျော်ကြားမှုအချို့ ရယူထားရ​ပေမည်။ သူက အလုပ်​ကောင်း​ကောင်း လုပ်ခဲ့ပြီး အမှန်ပင် ချဥ်းကပ်ရလွယ်ကူသဖြင့် ပြည်သူများစွာက သူ့ကို လက်ခံထားကြပြီး ဖြစ်ကာ သူ့ကို ​တော်ဝင်မင်းသား​ကောင်းတစ်​ယောက်အဖြစ် ချီးကျူး အမွှမ်းတင်ကြပြီး အင်ပါယာ၏ အနာဂတ်အဖြစ် ​ဖော်ကျူးကြသည်။ 

ဝမ်ထျန်း​ယောင်က ဟယ့်ယွင်ထင် ထွက်လာသည်ကို ​တွေ့​​သောအခါ ​ခြေလှမ်းအနည်းငယ် ​ရှေ့တိုးကာ "​ကောင်း​သော​နေ့ပါ ဗိုလ်ချုပ်' ဟု နှုတ်ဆက်လာခဲ့သည်။ 

ယခင်က 'သီးသန့်​လည်ပတ်မှုများ'မှ လွဲ၍ ဝမ်ထျန်း​ယောင်က ထသွားထလာ ဝတ်စုံများ ဝတ်ရသည်ကို မနှစ်သက်လှဘဲ သူ၏ ရာထူးဂုဏ်သိမ်၊ ​ခေတ်​ဟောင်းဆန်ဆန် ​ကျော့​​မော့မှုများကို ပြသရန် ပွင့်လွှာအထပ်ထပ် အင်္ကျီလက်အနားစများနှင့် ချည်ထိုးထားသည့် မိသားစု အမှတ်တံဆိပ်နှင့် ​ကော်လံအနားသတ်တို့ ပါဝင်သည့် ​အထူးချုပ်လုပ်ထား​သော ​တော်ဝင်ဝတ်စုံကို ဝတ်ဆင်ထားသည်။ မျက်နှာအစိတ်အပိုင်းများမှာ ရန်မူလိုခြင်းမျိုး မရှိဘဲ အထူးသဖြင့် သူပြုံးလိုက်သည့်အခါ ပြည်သူများ ချစ်ခင်နှစ်သက်ကြသည့် ​ဖော်​ရွေ​သော မင်းသားတစ်ပါး ပုံစံသာ ဖြစ်သည်။ 

ဟယ့်ယွင်ထင် အနား​ရောက်​လာ​သောအခါ ညာလက်ကို ရင်ဘတ်သို့ ထိကပ်ကာ အ​ရိုအ​သေ​ပေးလိုက်သည်။ အရိုအ​သေ ​ပေးပြီးသွား​သောအခါ ထူးမခြားနားဟန်ဖြင့် ခပ်မတ်မတ် ရပ်လိုက်ရာ ​​​တစ်ဖက်ရှိ လုအန်းဟယ်က အလျင်အမြန် ​ရောက်လာပြီး နားထဲသို့ တီးတိုး​ပြောလိုက်သည်။ 

"​​ဘောစ့်... အခု​လေးတင် သု​တေသန အဖွဲ့အစည်းက လင်းဟန်ဆီက​နေ အ​ကြောင်းကြားလာပါတယ်... M2742 ကို ပြင်ပြီးသွားပြီမို့ ဘယ်အချိန် လာယူချင်ပါသလဲတဲ့"

👾