MM Story Teller

Chapter 70

Viewers 4k

🐯Chapter 70

( စာမကျန်ခဲ့ပါဘူးနော် 69က မြေခွေးလေး ရောက်လာတဲ့နေရာမှာတင် ရပ်သွားပြီး 70ကိုတော့ ရေပူစမ်းရှိတဲ့ဟိုတယ်မှာ တိုက်ရိုက်လွှင့်တာနဲ့စထားလို့ပါ💙)

တိုက်ရိုက်ထုတ်လွှင့်မှု စတင်လိုက်သည်နှင့်တစ်ပြိုင်နက် လူထောင်ပေါင်းများစွာ ဝင်ရောက်လာခဲ့သည်။ မျက်စိတစ်မှိတ်အတွင်းမှာပင် ကြည့်ရှုသူအရေအတွက်က ဂဏန်း၆လုံးထိရှိလာပြီး မှတ်ချက်များမှာလည်း တစ်ခုပြီး တစ်ခုတက်လာသည်။

[မိုင်းတွင်းထဲမှာ မိသားစုတစ်ခုရှိတယ် : မြန်မြန် လိုင်းတက်လာပြီ... အသက်ရှင်နေသရွေ့ ဘာကိုစိတ်ပူနေရမလဲ... အဲ့ဒါChaikeshanက ရေပူစမ်းလား...မျှော်လင့်နေမိပြီ...]

[ဗီဗီယန် : ပထမဆုံး၂ရက်ရဲ့ တိုက်ရိုက်ထုတ်လွှင့်မှုက တိုလွန်းတယ်... ဒီနေ့လည်း တိုဦးမှာလား... သိပ္ပံအကယ်ဒမီက အရမ်းကျော်ကြားနေတာ သူ့ရဲကျော်ကြားမှုပေါ် အခွင့်ကောင်းယူနိုင်တယ်လေ... တိုက်ရိုက်လွှင့်တာက တဖြည်းဖြည်း ပိုတိုလာတယ်... ကျေးဇူးပြုပြီး မကျော်ကြားအောင်မလုပ်ပါနဲ့...ငါတို့အတွက် ငဲ့ကြည့်ပါဦးQAQ]

[အညိုရောင်ပင်လယ် 53 : ရှေ့၂ရက်တုန်းက တိုတယ် +1 မင်း ဒီနေ့ဘာစားမှာလဲ... ရေပူစမ်းကရော... ငါ့ခေါင်းကိုဖက်ပြီး ဆိုဖာပေါ် ပျော်ပျော်ရွှင်ရွှင် လှဲချလိုက်ပြီ...]

[နို့လက်ဖက်စိမ်းပန်း : လူသစ်တွေက

တွင်းထဲကိုဝင်ပြီး ကတ်ထဲကထွက်လာကြတယ်...]

ငါးမိနစ်အတွင်းမှာပင် ကြည့်ရှုသူများစွာ

ဝင်ရောက်လာပြီး ရှစ်သန်းအထိ ရောက်သွားသည်။

"ဒီနေ့ တိုက်ရိုက်ထုတ်လွှင့်မှုကို ကြာကြာလုပ်နိုင်ဖို့ ကြိုးစားပေးပါ့မယ်.."

ကုယွီမြန်က ပြောလိုက်ပြီး ယခင် ၂ရက်မှ တိုက်ရိုက်ထုတ်လွှင့်မှု တိုတောင်းသည့်အပေါ် လူများမကျေမနပ် ဖြစ်နေလိမ့်မည်ဟု မမျှော်လင့်ထားခဲ့ချေ။

" ကျွန်တော်တို့ ဒီနေ့ညအရသာရှိတာစားကြမယ်... ကံစမ်းမဲလည်း ရှိတယ်နော် ဟုတ်ပြီလား ..."

[သေစမ်း ... ကံစမ်းမဲတဲ့...]

[ငါ မင်းပြောတာနားထောင်မယ်...]

[ငါမမျှော်လင့်ထားဘူး ဝူး ဝူး ဝူး ...]

[ကျော်ကြားတဲ့တင်ဆက်သူနဲ့ဆိုရင် ပိုပြီးလုပ်ရလည်း အဆင်ပြေပါတယ်..]

မီးခိုချောင်ထဲတွင် ဖြစ်သော်လည်း ကုယွီမြန်က ရှုပ်ထွေးသည့်ညစာအားလုပ်ရန် အစီစဥ်မရှိပေ။

ရေဘဝဲနဲ့ ဝက်ရိုးခေါက်ဆွဲ...

ခေါက်ဆွဲလုပ်ရခြင်းမှာ ပို၍လွယ်ကူပေလိမ့်မည်။ ရေပူစမ်းထဲတွင် ခေါက်ဆွဲပူပူတစ်ခွက် စားရခြင်းက အဖိုးတန်လှသည်။

"ကောင်းပြီ စကားတွေအများကြီး မပြောတော့ဘူး...စကြရအောင်..."

ဝက်ရိုးများကို လတ်ဆတ်ပြီးနူးညံ့သွားသည်အထိပြုတ်ရန် လိုအပ်ပေသည်။ ဝက်ရိုးအတုက ကုယွီမြန် သိပ္ပံအကယ်ဒမီသို့ သွားစဥ်က ရရှိခဲ့သည့် အကျိုးကျေးဇူးများထဲမှ တစ်ခုဖြစ်သည်။ ကုယွီမြန် ဝက်ရိုးများကိုသန့်စင်ပြီး ရေလုံလုံလောက်လောက်ထည့်ကာ မီးပူပူတွင် ပြုတ်လိုက်ရာ မကြာမီတွင် အညစ်အကြေးတစ်ထပ်မှာ မျက်နှာပြင်ပေါ်သို့တက်လာခဲ့သည်။

မျက်နှာပြင်ပေါ်မှ အလွှာများကို ဇွန်းရှည်ဖြင့်ခပ်ယူရန် ဇွန်းရှည်ကြီးကို လက်သည်းလေးနှစ်ဖက်ဖြင့်ကိုင်ထားသည့် မြေခွေးပေါက်လေးအား လှည့်ကြည့်လိုက်သည်။ သူက ဇွန်းကို ကုယွီမြန်ထံပေးလိုက်ပြီးနောက် ကုယွီမြန်နှင့်ထိလိုက်မိသည့်အတွက် ရှက်ရွံ့စွာ မျက်လုံးများငုံ့ကြည့်နေသည်။

"ကျေးဇူးပါ ချိုးချိုး..."

ဥာဏ်ကောင်းသောမြေခွေးလေး သူတို့၏မိသားစုထဲ ရောက်လာပြီးနောက် ကုယွီမြန်၏အလုပ်များမှာ ပို၍လွယ်ကူလာသည်။

ပန်ဒါလေးမှာ ကိစ္စများလုပ်ရန် အလွန်နှေးကွေးပြီး ရိုးသားလွန်းသည်။ ကုယွီမြန်မှာ သူ၏ကူညီခွင့်ကို ငြင်းပယ်လိုက်သည်။ နောက်မှကုယွီမြန်က သူ့အားကူညီ၍ ကျွေးမွေးပေလိမ့်မည်။ သို့သော် သူက မြေခွေးလေးလောက် နားမလည်နိုင်သေးချေ။

နှင်းကျားသစ်လေး၏ မျက်နှာမှာ အမူယာမဲ့သွားရသည်။

"...."

ကုယွီမြန်က ထပ်မံ၍ ချဥ်စူးစူးဖြစ်နေသော နှင်းကျားသစ်လေးအား သူ့လက်မောင်းထဲတွင် သယ်လာခဲ့သည်။တစ်ခါတစ်ရံတွင် သူ့၌ မြေးခွေးတစ်ကောင်၊ပန်ဒါတစ်ကောင်နှင့် သံပုရာသီးတစ်လုံး ရှိနေသည်ဟု ခံစားရသည်။

ကုယွီမြန်မှာ ကြည့်ရှုသူများက "ရွှယ်ထွမ်လေးလို ငါလည်းချဥ်စူးနေပါပြီ" ဟူသည့် ရုပ်ပုံလေးများဖြင့် စနောက်ကျလိမ့်မည်ဟု မမျှော်လင့်ခဲ့ပေ။

အရသာရှိသော အစားအသောက်များနှင့် ကုယွီမြန် အပြင် အိမ်မှကလေးများနှင့် ကုယွီမြန်၏ကြားရှိ နွေးထွေးသော အပြန်အလှန်ဆက်ဆံမှုများအတွက် ကြည့်ရှုသူများလာရောက်ကြခြင်းဖြစ်သည်။

ကုယွီမြန်လည်း ပြုံး၍နောက်တစ်ဆင့်အား သွားလိုက်သည်။ လတ်ဆတ်သွားစေရန် အိုးထဲသို့ ရှာလကာရည် ဇွန်းအပြည့် ၂ဇွန်းထည့်လိုက်သည်။ သူက ကြက်သွန်ဖြူ၊ ကြက်သွန်နီနှင့် ဂျင်းများကို အပိုင်းပိုင်းပြီး ဟင်းခတ်အမွှေးအကြိုင်အတွက် ပိုင်းဖြတ်ထားလိုက်သည်။ ဝက်ပေါင်ခြောက်၂ပိုင်းကိုထည့်ပြီး အပူချိန်ခပ်အေးအေးဖြင့် ချက်ပြုတ်လိုက်သည်။ သူက တစ်ချိန်တည်းမှာပင် ရှင်းပြလိုက်သည်။

"ဝက်ပေါင်ခြောက်က သူ့ကိုယ်တိုင်ကကို အငန်ဓါတ်ရှိပြီးသားမို့ ဆားထပ်ထည့်စရာမလိုတော့ဘူး..."

အရိုးစွတ်ပြုတ်မှာ ခပ်ပေါ့ပေါ့ အလယ်အလတ် ထူပျစ်သည့် အနေအထားမျိုးဖြစ်သည်။ ကြည့်ရှုသူများမမျှော်လင့်ထားသည့် လုပ်ရပ်တစ်ခုကို ကုယွီမြန်မှ လုပ်လိုက်သည်။

အရိုးစွပ်ပြုတ်လုပ်မည်အစား သူက အရိုးနှင့်ဝက်ပေါင်ခြောက်များကို ဇကာဖြင့် စစ်ယူလိုက်သည်။ ကျန်ရှိနေသည့် အရိုးစွပ်ပြုတ်များကို အေးသွားစေရန် ရေခဲသေတ္တာထဲသို့ထည့်လိုက်သည်။ ရှေးဟောင်းကမ္ဘာ၌ဆိုလျှင် တစ်ရက်တာ ထည့်ထားရမည်ဖြစ်သော်လည်း ယခုတွင်မှု မိနစ်ဝက်ခန့်သာ လိုအပ်ပေသည်။ သူ ထုတ်ယူလိုက်သောအခါ အရိုးစွပ်ပြုတ်သက ဖောက်ထွင်းမြင်ရသည့် ဂျယ်လီများအဖြစ်

ပြောင်းသွားသည်။

ကုယွီမြန်က ဂျယ်လီ၏အပေါ်ယံမျက်နှာပြင်ရှိ အဆီများကို ဇွန်းဖြင့် ဂရုတစိုက်ခြစ်ထုတ်လိုက်ပြီး ရှင်းပြလိုက်သည်။

"ဒီလိုနည်းနဲ့ဆိုရင် ဆီနဲ့ စွပ်ပြုတ်ကို သက်သက်ဆီ ခွဲလို့ရသွားပြီ... နောက်ဆုံးကျန်တဲ့စွပ်ပြုတ်က ပိုလတ်ဆတ်ပြီးတော့ အဆီနည်းသွားလိမ့်မယ်... ဒါက ကျန်းမာရေးအတွက်လည်းကောင်းတယ်..."

သူ့စိတ်ထဲ နာကျင်စွာဖြင့် ထန်ယွမ်လေး၏ဗိုက်အား နှိပ်နယ်ပြီး ကူညီပေးခဲ့သည်။ ယွမ်ယွမ်က ဤထက်ပိုဝ၍ မဖြစ်ချေ။

ပန်ဒါလေးက ကုယွီမြန်၏ လက်အားကိုင်ထားကာ စိတ်လွတ်နေခဲ့သည်။

"ဘာတွေဖြစ်နေတာလဲ..."

ကြည့်ရှုသူများက ဖြစ်ပျက်သွားသည့်အရာများကို အနည်းနှင့်အများ ခန့်မှန်းမိပြီးနောက် မျက်နှာပြင်ပေါ်တွင် နောက်ထပ် "ဟားဟား" များတက်လာခဲ့သည်။

ကုယွီမြန်၏ တိုက်ရိုက်ထုတ်လွှင့်မှု စတူဒီယိုက မူရင်းမျက်နှာပြင်ပေါ်ရှိ ကျော်ကြားမှုစာရင်းတွင် ထပ်မံနေရာယူရန် အချိန်မကြာခဲ့ပေ။ သူ၏ကျော်ကြားမှုက သောကြာနေ့တွင် စတင်ပျံဝဲတက်နေခဲ့ပြီး ကြည့်ရှုရန်ဝင်ရောက်မှုများ များပြားလာချိန်တွင် လမ်းတစ်လျှောက် ထိပ်ဆုံးသို့တက်သွားသည်။

သူက ဂျယ်လီကဲ့သို့စွပ်ပြုတ်အား အိုးထဲသို့ထည့်ပြီး အပူပေးကာ ချက်ပြုတ်လိုက်သည်။ ဆူပွက်နေသည့်အချိန်တွင် တပွက်ပွက်အသံများ မြည်နေသည်။ သူက လတ်ဆတ်သော ခရင်ဗူးတစ်ဝက်ကိုပင် ထည့်ခဲ့သေးသည်။

အရိုးစွပ်ပြုတ်နှင့် ခရင်များမှာ ရောနှောသွားပြီး ဖြူဆွတ်ဆွတ် စွပ်ပြုတ်ပျစ်ပျစ်က ဆူပွက်လာသည်။ မကြာမီတွင် နူးညံ့ပြင်းထန်သောအနံ့က အိုးထဲမှထွက်လာသည်။

"လတ်ဆတ်တဲ့ ခရင်ဗူး တစ်ဝက်လောက်ထည့်လိုက်တာက စွပ်ပြုတ်ကိုပိုပြီး အနံ့အရသာနဲ့ ပြည့်စုံစေတယ်... မင်းတို့မိသားစုမှာ နို့အရသာကို မခံနိုင်တဲ့သူပါတယ်ဆိုရင် နို့အနံ့ကင်းတဲ့ နွားနို့အတုကို သုံးလို့ရတယ်... ကျွန်တော်က အခုတစ်ခေါက် ခရင်အတုကို ထည့်သုံးထားတာပါ..."

ကုယွီမြန်က ဇွန်းအရှည်တစ်ချောင်းအားကိုင်၍မွှေရင်း ပြောနေခဲ့သည်။ သူ၏ယခင်ဘဝတွင် ခေါက်ဆွဲစားလေ့ရှိသော်လည်း တူညီသောအရသာနှင့် အရောင်အဆင်းကို အိမ်တွင်မလုပ်နိုင်ခဲ့ပေ။ ဤဖြစ်ရပ်အပိုင်းကို နားမလည်မှီက ဂျပန်စားသောက်ဆိုင် မန်နေဂျာအား မေးမြန်းကြည့်ခဲ့သည်။

ဖြူဆွတ်ဆွတ်နှင့် ခပ်ပျစ်ပျစ်စွပ်ပြုတ်အား မီးအေးအေးဖြင့်တည်ထားပြီး တစ်ခါတစ်ရံ မျက်နှာပြင်ပေါ်တွင် ပူစီပေါင်းလေးများထနေသည်။ ဝက်ပေါင်ခြောက်နှင့်ဝက်ရိုး၏

အရသာများမှာ စိမ့်ဝင်နေသည်။ နို့အရသာခပ်ပေါ့ပေါ့နှင့် ဝက်အရိုးစွပ်ပြုတ်က တစ်ငုံစာဖြင့်ပင် လူတိုင်းအား သူတို့၏လျှာများကို မျိုချမိချင်သည်အထိ ဖြစ်သွားစေသည်။

ယခုအခြေအနေတွင် စွပ်ပြုတ်မှာ ကျက်လုနီးပါးပင်။ခေါက်ဆွဲနှင့်အခြားပါဝင်ပစ္စည်းများကို ပြင်ဆင်ရတော့မည်ဖြစ်သည်။

သို့သော် ကုယွီမြန်က မနေနိုင်ဘဲ ကလေးသုံးယောက်နှင့်ကြည့်ရှုသူများ မြည်းစမ်းနိုင်ရန် ကလေးတစ်ယောက်လျှင် ဇွန်းအပြည့်ကျွေးလိုက်သည်။ ပါးစပ်အပြည့် ဝက်ရိုးစွပ်ပြုတ်က နှုတ်ခမ်းနှင့်သွားများကြားမှ လည်ချောင်းထဲသို့ စီးဝင်သွားပြီး လျှာပေါ်တွင် ကြာရှည်စွာ အရသာစွဲကျန်ခဲ့သည်။

မြေခွေးလေးနှင့် ပန်ဒါလေးမှာ တစ်ယောက်နှင့် တစ်ယောက်ကြည့်လိုက်မိပြီး မျက်လုံးများဝိုင်းသွားသည်။ မြေခွေးလေးက သူ့ခေါင်းဖြင့် ကုယွီမြန်၏လက်မောင်းကိုတွန်းကာ နောက်တစ်ဇွန်း ထပ်မံတောင်းဆိုသည်။ နှင်းကျားသစ်လေးမှာ တည်ငြိမ်နေဆဲပင်။ သူ၏က မေးလေးကို

ပင့်ပြီး ကုယွီမြန်၏လက်ဖဝါးကို ခေါင်းလေးဖြင့်ပွတ်သပ်လိုက်သည်။

[အသုံးပြုသူ 1467 :အားး.....]

[လျန့်ချန်ယွဲ့ : ဝှက်သယ်ဖတ် သောက်လို့ အရမ်းကောင်းတယ်... အရသာခပ်ပြင်းပြင်းလေးနဲ့ မအီဘူး... အရမ်းကောင်းတယ် အားးးး...]

အကယ်၍တစ်စုံတစ်ယောက်မှ ဤကဲ့သို့ စွပ်ပြုတ်ကိုခေါက်ဆွဲဖြင့်ချက်ပြုတ်လျှင် အလွန် လက်ခံနိုင်ဖွယ်မရှိဖြစ်လိမ့်မည်။

ချက်ပြုတ်ခြင်းအကြောင်း သိသည့် လူအနည်းငယ်ကသာ ခေါက်ဆွဲက စွပ်ပြုတ်ကို ပွယောင်းသွားစေပြီး အရသာကိုဖျက်စီးပစ်လိမ့်မည်ဟု သိကြသည်။ လူအများစုကလည်း စွပ်ပြုတ်နှင့်ခေါက်ဆွဲမှာ လိုက်ဖက်မှုမရှိဟု သဘောတူကြသည်။ ယခုကဲ့သို့ လတ်ဆတ်၍အရသာကောင်းမွန်သောစွပ်ပြုတ်အား ခေါက်ဆွဲနှင့်ချက်ပြုတ်သည်မှာ အနည်းငယ်တရားလွန်လွန်းသည်။

"စိတ်မပူပါနဲ့..."

ကုယွီမြန် သူ၏ဘခေါင်းကိုခါရင်း ပြုံး၍ပြောလိုက်သည်။

"ခေါက်ဆွဲကိုစားကြည့်ပြီးရင် အရသာပိုရှိလာလိမ့်မယ်..."

ဂျပန်ခေါက်ဆွဲ(ရာမန်)၏ လိုအပ်ချက်၃ခုမှာ စွပ်ပြုတ်ရည်၊ ခေါက်ဆွဲနှင့် အခြားပါဝင်ပစ္စည်းများဖြစ်သည်။

သူက ခေါက်ဆွဲနှင့်ပါဝင်ပစ္စည်းများကို ပြင်ဆင်တော့မည်ဖြစ်သည်။

ဂျပန်ခေါက်ဆွဲလုပ်နည်းက အခြေခံအားဖြင့် တရုတ်နှင့်ဆင်တူသည်။ ကုယွီမြန်က ကစီဂျုံမှုန့်နှင့် ဆားကို ဇလုံးထဲသို့ သူမှတ်မိသည့်အချိုးအစားအတိုင်း ထည့်လိုက်သည်။ ရေနွေးပူပူကို လက်တစ်ဖက်ဖြင့် အကြိမ်များစွာထည့်ပြီး အခြားလက်တစ်ဖက်ဖြင့် ဂျုံနှယ်လိုက်သည်။ ဂျုံမှုန့်များက ရေကိုစုပ်ယူပြီး ချောမွေ့သောမျက်နှာပြင်တစ်ခုဖြစ်လာကာ ဂျုံညက်သည်အထိ နှယ်လိုက်သည်။ ထို့နောက် ဘေးသို့ဖယ်ထားလိုက်သည်။

"ဒါကို ပါဝါစိုနဲ့အုပ်ပြီး ခဏဖယ်ထားလိုက်ရအောင်..."

တစ်ခဏထားပြီးနောက် ကုယွီမြန်က ဂျုံလုံးကို အပိုင်းပိုင်းဖြတ်ပြီး သွယ်လျသော လက်ချောင်းများဖြင့် လျင်မြန်စွာလှိမ့်လိုက်သည်။ ဂျုံလုံးက အချောင်းရှည်ကြီးဖြစ်လာပြီးနောက် အလယ်မှဖြတ်၍ ဆီဖြင့်သုတ်လိုက်သည်။ ဂျုံလုံးအား သူ၏လက်ကောက်ဝတ်အားကို သုံး၍ဖိလိုက်သည်။သူ့အားကို ဂျုံလုံးအလယ်တွင်ထည့်ကာ ဘေးသို့ပွတ်ဆွဲပြီး ရှည်သွယ်သော အချောင်းလေးများအဖြစ် ပွတ်တိုက်လိုက်သည်။

ခေါက်ဆွဲထည့်မည့် ပန်းကန်ပြားနှင့် ပျဥ်ချပ်ပေါ်တွင် ဆီသုတ်လိုက်သည်။ ခေါက်ဆွဲများကို ပန်းကန်ထဲထည့်ပြီးနောက် ဆီတစ်လွှာသုတ်လိုက်သည်။ ခေါက်ဆွဲများခြောက်သွားပြီးနောက် အစွန်းနှစ်ဖက်အားကိုင်၍ ပျဥ်ချပ်ပေါ်တွင်

ထပ်ခါထပ်ခါ လိမ်လိုက်သည်။

ဤလှုပ်ရှားမှုများမှာ ပျော်စရာကောင်းသည်ဟု ထင်ရသည်။ ကုယွီမြန်၏ပခုံးပေါ်မှ နှင်းကျားသစ်လေးက သူ့မျက်လုံးများကိုမှေးကြည့်ပြီး ကုယွီမြန်၏လက်အားဆွဲရန် သူ့လက်ဖဝါးလေးကို ထပ်ခါထပ်ခါဆန့်ထုတ်လိုက်သည်။ မြေခွေးလေးနှင့် ပန်ဒါလေးတို့၏ မျက်လုံးများမှာလည်း သူထံကပ်တွယ်နေသည်။ မြေခွေးလေး၏ ရှေ့လက်နှစ်ချောင်းက ကုယွီမြန်အား မြဲမြန်စွာချိတ်တွယ်ထားပြီး သနားကမားကြည့်နေသည်။

ပန်ဒါလေးမှာ ရိုးသား၍ချစ်စဖွယ်ကောင်းနေစဥ်တွင် မြေခွေးလေးမှာ ရှက်တတ်ပြီး သီးသန့်နေတတ်သည်။ သို့သော် ကလေးနှစ်ယောက်၏ လှုပ်ရှားမှုများမှာ တစ်ထပ်တည်းကျနေသည်။ နှင်းကျားသစ်လေးမှာ သူတို့နှင့်အတူရှိရန် စိတ်မဝင်စားသကဲ့သို့ ပြုမူနေသော်လည်း သိချင်စိတ်အပြည့်ဖြင့် အာရုံစိုက်ထားသည်။

ကုယွီမြန်မှာ ကလေးများက အလွန်ချစ်စရာကောင်းသည်ဟုထင်ပြီး မကြည့်ဘဲမနေနိုင်ခဲ့ချေ။ သူ၏နှလုံးသားကို ကြောင်လက်သည်းလေးများဖြင့် ကုတ်ခြစ်နေသည်ဟု ခံစားရ၍ သူ့လက်တွင် ဂျုံမှုန့်များကပ်မနေလျှင် ကလေးတစ်ယောက်ချင်းဆီအား ချီပစ်လိုက်မည်ဖြစ်သည်။ လူငယ်လေး၏လက်ချောင်းများမှာ ဖြူဖွေးသွယ်လျပြီး လှပသည်။ သူက ဖြေးညင်းစွာဖြင့်နယ်ရင်း ခေါက်ဆွဲများပြုလုပ်နေသည်။ သို့သော် ကြည့်ရှုသူများမှာ အခြားအရာတစ်ခုပေါ်တွင် အာရုံစိုက်နေကြသည်။

[လက်နှစ်ဖက်လုံးက ကြည့်ကောင်းတယ်...]

[မြန်မြန် ဂျုံနယ်တာက အနုပညာလက်ရာတစ်ခု

လုပ်နေသလိုပဲ...]

[တင်ဆက်သူရဲ့လက်ကို ကိုင်ချင်တယ်...]

နှင်းကျားသစ်လေးမှာ မပျော်မရွှင်နှင့် ကုယွီမြန်၏ လက်ကောက်ဝတ်အား သူ့အမြှီးရှည်ဖြင့် ပတ်နေသည်။

ကုယွီမြန် သူ့လက်ကိုဆေးပြီး သုတ်လိုက်သည်။ သူက ကလေးသုံးယောက်၏လက်များကိုလှည့်၍ ခါလိုက်ပြီး ခေါင်းများကိုပွတ်ပေးကာ ဖက်လိုက်ပြန်သည်။

"မစောင့်နိုင်တော့ဘူးလား... ခဏနေရင်ပြီးတော့မှာပါ..."

ယခုအချိန်တွင် ကုယွီမြန်၏စတူဒီယိုမှာ ပင်မစာမျက်နှာ၏ အချိန်နှင့်တစ်ပြေးညီ လူကြိုက်များသည့်စာရင်းတွင် ထိပ်ဆုံးငါးနေရာသို့ ဝင်သွားသည်။ ယနေ့က လူအများဆုံးနေ့ဖြစ်သည့် သောကြာနေ့ညဖြစ်ရ။ တင်ဆက်သူအများအပြားတစ်ပြိုင်တည်း လုပ်ကိုင်နေကြချိန်ဖြစ်သည်။

၎င်းက ပိတ်ရက်တွင် ထိပ်ဆုံးသို့ရောက်ရှိခဲ့သည့် ယခင်သိပ္ပံအကယ်ဒမီတိုက်ရိုက်ထုတ်လွှင့်မှုနှင့် လုံးဝကွဲပြားသွားသည်။

ကြည့်ရှုသူအရေအတွက်မှာ ၄၀မီလီယံကျော်သွားပြီး အထူးပြုလုပ်ချက်များနှင့်လက်ဆောင်မျိုးစုံမှာ ပျံသန်းနေသည်။

"မင်းတို့ လက်ဆောင်တွေ အများကြီးပေးဖို့ မလိုပါဘူး..."

ကုယွီမြန် အကူညီမဲ့စွာ ပြောလိုက်မိသည်။

"ပိုက်ဆံစုပြီး မင်းတို့မိသားစုနဲ့ အပြင်ထွက်လည်ကြပါ...

ကောင်းပြီ အခြားပါဝင်ပစ္စည်းတွေ ပြင်ကြရအောင်..."

[မိုင်းတွင်းထဲမှာ မိသားစုတစ်ခုရှိတယ် : မင်းကဘာလို့ အရမ်းပွင့်လင်းရတာလဲ...]

ဝက်ရိုးခေါက်ဆွဲ၏ ပါဝင်ပစ္စည်းများအပေါ်တွင် အမြင်အမျိုးမျိုးရှိသည်။ ကုယွီမြန်က အမဲသား ၊ပုစွန်၊ မျှစ်၊ကြက်သွန်မိတ်၊ ရေညှိနှင့် ကြက်ဥပြုတ်အပျော့အား နှစ်သက်သည်။

အမဲသားနှင့် ပုဇွန်ကိုင်ရသည်မှာ မခက်ခဲပေ။ သူက အမဲရွတ်များကို အတုံးကြီးကြီးလှီးဖြတ်ပြီး ဟင်းချက်ဝိုင်၊ပဲငံပြာရည်၊ ကြက်သွန်နီ၊ ကြက်သွန်ဖြူ၊ ဂျင်းတို့နှင့် နှပ်ကာ အပူချိန်မြင့်မြင့်ဖြင့် ချက်ပြုတ်ရသည်။ အအေးမခံမီတွင် အပူချိန်နည်းနည်းလျှော့ချကာ အအေးခံပြီးနောက် လှီးဖြတ်ရမည်ဖြစ်သည်။ မျှစ်များကို ရေဆေးပြီးနောက် အပိုင်းပိုင်းဖြတ်ကာ ရေနွေးဖျော၍ ရှာလကာရှည်အုပ်ပေးရသည်။

ပုဇွန်က ပို၍ရိုးရှင်းသည်။ နောက်ကျောအားလှီး၍ ဖွင့်ပြီး အကြောကိုထုတ်ကာ ကြက်ဥအစိမ်းဖြင့်သုတ်ပြီး အကြော်မှုန့်ကပ်ကာ လျင်လျင်မြန််မြန်ကြော်ပေးရသည်။

ကုယွီမြန်က ပုဇွန်ကြော်အသေးလေးအားယူ၍ ဆာလောင်နေသကဲ့သို့ဟန်ဆောင်၍ ငိုနေသော ပန်ဒါလေးအားကျွေးလိုက်သည်။ ပန်ဒါလေးက ချက်ချင်း ပျော်ရွှင်သွားသည်။သူက ဂရုတစိုက်ဖြင့် ဝါးပြီးနောက် ကုယွီမြန်၏လက်ကိုဆွဲကာ ပျော်ရွှင်သည့် အသံများလုပ်နေသည်။

ကုယွီမြန် စဥ်းစားကြည့်ပြီးနောက် ကြက်ဥပြုတ်အပျော့အား လုပ်လိုက်သည်။

ကြက်ဥပြုတ်အပျော့ လုပ်သည့်နည်းလမ်းသည်လည်း မခက်ခဲပေ။ ကြက်ဥများကို ငါးငံပြာရည်၊ ပဲငံပြာရည်၊ ဟင်းချက်ဝိုင်၊ မီဆိုတို့ဖြင့် ရောပြုတ်ပြီးနောက် အအေးခံရသည်။ ကုယွီမြန်က ကြက်သားအတုပြုတ်ရည်အား

အိုးထဲသို့ထည့်ပြီး အပူချိန်အလယ်အလတ်လောက်ဖြင့် အပူပေးလိုက်ပြီးနောက် ကြက်ဥအား ရေအေးထဲသို့တိုက်ရိုက်ထည့်ကာ အခွံခွာပြီးနောက် ငံပြာရည်ထဲစိမ်ထားလိုက်သည်။

"ချာရှူဝက်သားလုပ်နည်းကတော့ နည်းနည်းခက်တယ်... သူက အခြားပါဝင်ပစ္စည်းတွေ အားလုံးရဲ့အဓိကအနှစ်သာရပဲ..."

ကုယွီမြန်က မက်မွန်ပွင့်ကဲ့သို့ အဆီထူ၍ပါးသော ဝက်သားအတု၏ဂုတ်သားအား ရွေးချယ်လိုက်သည်။ သူက အသားကို အပိုင်းများစွာဖြစ်သည်အထိ လက်တစ်ဖက်မှ ဓါးကိုင်၍ လှီးလိုက်သည်။ သူ၏လက်ချောင်းများကိုလှည့်ပြီး

ဓားနှောင့်နှင့် အသားနှစ်ဖက်လုံးအားရိုက်ကာ နူးညံ့စွာ ပုတ်လိုက်သည်။

"ဓားနှောင့်နဲ့ အသားကိုရိုက်လိုက်တာက အသားကိုပိုနူးညံ့ပျော့ပျောင်းသွားစေပြီး ဝါးရတာလွယ်ကူစေတယ်... အဲဒါက ချာရှူ ရဲ့အရသာအတွက် အရမ်းအရေးကြီးတယ်..."

အသားပိုင်းများကို နှပ်ရန်အတွက် ကုယွီမြန်က ပဲငံပြာရည်နှင့်ပျားရည်ကို အသုံးပြုသည်။ ပယင်းရောင် ပျားရည်က အပူပေးပြီးနောက် သကြားရည်ကဲ့သို့အရည်ပျော်သွားသည်။ ၎င်းမှာ ပျစ်ချွဲပြီး ပဲငံပြာရည်နှင့်အတူ အသားပြားများအပေါ်တွင် ပျံနှံ့သွားသည်။ ဆော့စ်ကို ဆား၊ နှင်းဆီဝိုင်နှင့်ဟင်းချက်ဝိုင်တို့ဖြင့် အချိုးကျရောစပ်ထားသည်။အသားတစ်ခုလုံးက ပျားရည်ဆော့စ်ဖြင့် ဖုံးအုပ်လုနီးပါးပင်။

အသားချက်ပြုတ်ပြီးနောက် ချကာ အကင်ဗန်းပေါ်တင်ပြီး ကင်လိုက်သည်။ အသားကင်နေစဥ်တွင် ပျားရည်ဆော့စ်အား အကြိမ်များစွာသုတ်ပြီး လှည့်ပေးသည်။ အကင်ကင်နေစဥ်တွင် ဝက်ဂုတ်သား၏အဆီများက အရည်ပျော်သွားပြီး ပါးလွှာသောအသားက ကြွပ်ရွသောအသံအားထုတ်ပေးလာသည်။

ဝက်ဂုတ်သားအား နှစ်ဖက်လုံးရွှေညိုရောင်သန်း၍နူးညံ့ကြွပ်ရွကာ ချောမွေ့သည်အထိ လှည့်ပေးရသည်။ ချိုမြိန်၍ လတ်ဆတ်သောအနံ့က နေရာတိုင်းတွင်ပြန့်နှံ့နေကာ လူတိုင်း၏လည်ချောင်းများကို လှိမ့်မိစေသည်။

လူပေါင်း၅၀မီလီယံခန့်နှင့် ကလေး၃ယောက်မှာ ရင်သပ်ရှုမောနေကြရသည်။

🐯🐯🐯

Prev Next