MM Story Teller

Chapter 71

Viewers 4k

🐯Chapter 71

ကုယွီမြန်က ပန်းကန်အသေးလေးအားပြင်၍ ချာရှူဝက်သားကို အအေးခံကာ ကလေးများမြည်းကြည့်ရန် စောင်းဆိုင်းခိုင်းထားသည်။ ထို့နောက် လူတိုင်းမတုံ့ပြန်နိုင်မီတွင် အိုးထဲမှချက်ပြုတ်ထားသော ခေါက်ဆွဲများကို

ရေဆေးပြီး ပန်းကန်လုံး၄ခုထဲသို့ ထည့်လိုက်သည်။

ပန်းကန်လုံးတစ်ခုချင်းစီတွင် အနီရောင်တောက်ပသောအမဲသား၊ ပုဇွန်ကြော်၊ ရွှေရောင်သန်း၍ ချိုမြသော ချာရှူဝက်သား၊ မျှစ်နှင့် ကြက်သွန်မိတ်တို့ဖြင့် အမှတ်အသားပြုထားသည်။ တပွက်ပွက်ဆူပွက်နေသော ဖြူဆွတ်ဆွတ်

ဝက်ရိုးစွပ်ပြုတ်အား ဇွန်းဖြင့်ခပ်၍ မျက်နှာပြင်ပေါ်လောင်းလိုက်သည်။ နောက်ဆုံးတွင် ရေညှိခြောက်နှင့်ကြက်ဥပြုတ်အပျော့အားထည့်လိုက်သည်။ ဝက်ရိုးခေါက်ဆွဲ ပြီးသွားလေပြီဖြစ်သည်။

ဆောင်းရာသီ ရေပူစမ်း၏နွေးထွေးသော အလင်းရောင်အောက်တွင် အငွေ့များထွက်နေသော နို့နံ့သင်းသင်းခေါက်ဆွဲတစ်ခွက်နှင့် အရောင်စုံလင်သော ပါဝင်ပစ္စည်းအရံဟင်းများက ဆွဲဆောင်မှုရှိကာ အရသာရှိလှသည်။တဖျစ်ဖျစ်မြည်သံများကိုနားထောင်ရင်း၊ ကြည့်ရင်းဖြင့်

ကြည့်ရှုသူများက တံထွေးများမမျိုချဘဲ မနေနိုင်ဖြစ်ကာ စားချင်စိတ်အာသီသများ ဖြစ်ပေါ်လာသည်။

ကကြည့်ရှုသူများ"....."

မှတ်ချက်မျက်နှာပြင်မှာ တစ်ခဏမျှရပ်တန့်သွားပြီးနောက် ရူးသွပ်စွာတက်လာခဲ့သည်။

[အလှကုန်တွေကို လွှင့်ပစ်မယ် : ဘုရားသခင်… ငါ့ရဲ့စိတ်ကူးယဥ်မှုကလည်း ဆိုးဝါးလိုက်တာ… ဒီလောက်ထိအရသာရှိလိမ့်မယ့်လို့ မမျှော်လင့်ခဲ့ဘူး...]

[အသုံးပြုသူ ၁၈၇၈၆ :ကျေးဇူးပြုပြီး မြန်မြန်လုပ်ပေးပါ...]

[ဂွမ်းစောင် : မြန်မြန်လုပ်ပါ မစောင့်နိုင်တော့ဘူး...ငါအရမ်းစားချင်နေပြီ...]

နှင်းကျားသစ်လေးမှာ သူ၏တည်ငြိမ်မှုအားထိန်းမထားနိုင်တော့ပေ။ ခဲပြာရောင်မျက်လုံးများက မြေခွေးလေး၊ ပန်ဒါလေးနှင့်အတူ ပန်ကန်လုံးအားစိုက်ကြည့်နေပြီး သူတို့၏လက်ဖဝါးလေးများက ကုယွီမြန်၏လက်ကောက်ဝတ်အားဖိပြီး အလျင်စလိုတွန်းလိုက်သည်။

ကုယွီမြန်က ပထမဆုံး နှင်းကျားသစ်လေးအား သူ့ပခုံးပေါ်တွင်ထိုင်ရန်ပြောလိုက်ပြီး မြေခွေးလေးနှင့်ပန်ဒါလေးကိုချီကာ မီးဖိုအနီးထိုင်ရန် ဧည့်ခန်းသို့သွားပြီးနောက် ခေါက်ဆွဲကျွေးရန်အတွက် မီးဖိုချောင်သို့ပြန်လာခဲ့သည်။

"မင်းတို့ကိုအကြာကြီးစောင့်ရအောင် လုပ်မိလို့ တောင်းပန်ပါတယ်... အခုညစာစားကြရအောင်... ရေပူစမ်းကိုလည်းသွားမယ်...ပြီးမှ အိမ်နီးနားချင်းတွေဆီသွားလည်ကြမယ်..."

ကလေး၃ယောက်မှာ ထိုင်မနေနိုင်လုနီးပါး ဖြစ်နေသည်။ ကုယွီမြန်က စွပ်ပြုတ်အား အအေးခံပြီး ကလေးတစ်ယောက်ချင်းဆီကို တူအပြည့် ခေါက်ဆွဲများကျွေးပြီး အရံဟင်းများကိုလည်း အရသာခံစေသည်။

ခေါက်ဆွဲများဖြင့်ပြည့်နေသော စွပ်ပြုတ်က အဆီမပြန်ဘဲ နူးညံ့ပျော့ပျောင်းနေသည်။ ခေါက်ဆွဲနှင့်ဝက်ရိုးစွပ်ပြုတ်က

အရသာခံဖုတစ်လျှောက်စိမ့်ဝင်စေပြီး လည်ချောင်းမှအောက်ခြေအထိတိုင် အစာအိမ်အားနွေးထွေးစေသည်။

၎င်းက သူတို့စိတ်ကူးထားသည့်ထက် အဆပေါင်းများစွာပိုမိုကောင်းမွန်သည်။ အရသာမှာ အံအားသင့်ရသည်ထက်ပို၍ လူတစ်ဦး၏စိတ်ဝိညာဥ်အား တုန်ခါသွားစေသည်။

ပို၍စွဲမက်စရာကောင်းသည်မှာ အရံဟင်းပါဝင်ပစ္စည်းများကြောင့်ပင်။ ပဲငံပြာရည်အမဲသားက မွှေးပျံ့နူးညံ့ပြီး ဝါးရလွယ်ကူကာ စွပ်ပြုတ်၏ လတ်ဆတ်မှုနှင့်အတူနစ်မြုပ်နေသည်။ ကြက်ဥပြုတ်အပျော့က နှင်းကဲ့သို့ဖြစ်ပြီး အနှစ်အရသာမှာ ကွဲထွက်သွားသည်။ ပုဇွန်ကြော်က ပျားရည်ရောင်သန်းပြီး ပူပူနွေးနွေးစွပ်ပြုတ်နှင့်အတူ နူးညံ့ပျော့ပျောင်းသည်။ ချာရှူဝက်သား၏ အရသာမှာနောက်ဆုံးပိတ် ပြီးပြည့်စုံမှုဖြစ်သည်။ ရွှေရောင်သန်းသော ဝက်သားက နူးညံ့ပြီး အရသာရှိကာ အဆီများသော်လည်း မအီပေ။ ၎င်းက စွပ်ပြုတ်တွင်မြုပ်သွားပြီးနောက်

ချိုချိုငန်ငန်နှင့် နို့အရသာရကာ အရသာရှိလာသည်။ လတ်ဆတ်ပြီး အနည်းငယ်ချဥ်သော မျှစ်ခြောက်၊ ကြက်သွန်နီနှင့်အတူ စွပ်ပြုတ်မှာ ပြီးဆုံးသွားသည်။

ထိုအချိန်တွင် ကြည့်ရှုသူအရေအတွက်မှာ သန်း ၇၀အထိ တက်သွားပြီး ကုယွီမြန်၏ စတူဒီယိုမှာ လူကြိုက်အများဆုံး ကျော်ကြားမှုစာရင်းတွင် ထိပ်ဆုံး ၃နေရာသို့ဝင်သွားကာ မှတ်ချက်များမှာလည်း အထွတ်အထိပ်သို့ရောက်သွားသည်။

[ဂျူနီယာဘီ : ညီအစ်ကို မင်းကအရမ်းအံ့သြဖို့ကောင်းတာပဲ... ဒါကမမွှေးလွန်းဘူးလား...]

[ဗီီဗီယန် : ငါသွားတော့မယ်... စကားတောင်မပြောနိုင်တော့ဘူး...ဒီအရသာရှိတဲ့အရာက တကယ့်အစစ်အမှန်ရောဟုတ်ရဲ့လား QAQ]

[ယန်ဟွားလော :ငါ တိုက်ရိုက်ထုတ်လွှင့်မှုကြည့်တဲ့အခါတစ်ခါမှ မှတ်ချက်မပေးဖူးဘူး... အခုတော့ ငါမနေနိုင်တော့ဘူး... အရမ်းစားကောင်းတယ်... ငါ ရွှေရောင်သန်းနေတဲ့ ဝက်သားကိုကြိုက်တယ်... စွပ်ပြုတ်နဲ့တွဲစားတဲ့အခါ အရသာရှိတယ်... အရသာအတွက် တင်ဆက်သူကိုလက်ဆောင်ပေးချင်လို့...ဒီမီးရှူးမီးပန်းတွေကိုယူလိုက်ပါ...]

[ကြောင်ကလေးရဲ့မြောင် : မြန််မြန် အလုပ်ကြိုးစားခဲ့ပါတယ်... ခေါက်ဆွဲက စားလို့ကောင်းတယ်...ကကြက်ဥက ဘယ်လိုဖြစ်လို့ အရမ်းနူးညံ့ပြီး စားကောင်းရတာလဲ... ငါမြန်မြန်လုပ်သမျှကို ကြိုက်တယ်... မြန်မြန်က အရင်ဘဝက ခေါက်ဆွဲလုပ်တဲ့သူဖြစ်ရမယ်... စက်တင်ဘာက နှင်းဆီပန်းတွေ၊ မီးရှူးမီးပန်းတွေက မင်းအတွက်ပဲ...]

[တိမ်လေးတစ်ခုရှိတယ် : စွပ်ပြုတ်က အရသာရှိပြီး အရည်အသွေးပြည့်မှီတယ်... ခေါက်ဆွဲကလည်း အရသာရှိပြီးတော့ ပြီးပြည့်စုံတယ်... တင်ဆက်သူဆီက အရသာရှိတဲ့အစားအစာတွေအတွက် ကျေးဇူးတင်ပါတယ်...မီးရှူးမီးပန်း ၅ခုပို့လိုက်ပါတယ်...]

နှင်းကျားသစ်လေးက ခဲပြာရောင်မျက်လုံးများကိုမှေးလိုက်ပြီး စွပ်ပြုတ်တစ်ငုံသောက်ရန် အတွက် ခေါင်းငုံ့လိုက်သည်။ ကုယွီမြန်က နှင်းကျားသစ်လေးကျောကို ပုတ်ပေးလိုက်၍ နှင်းကျားသစ်လေးက ပျင်းရိ၍သက်သောင့်သက်သာရှိနေမှုကို ခံစားနိုင်သည်။ ပန်ဒါလေးမှာပို၍ ပွင့်ပွင့်လင်းလင်းရှိသည်။ သူ၏ နှစ်သက်မှုကိုပြသရန် ခေါင်းလုံးလုံးလေးဖြင့် ကုယွီမြန်၏လက်မောင်းထဲတွင် ကျီစယ်နေသည်။

မြေခွေးလေးက ကုယွီမြန်၏ဧည့်ဝတ်ကျေမှုအတွက် ကျေးဇူးတင်ကြောင်းပြသရန် သူ၏အမြှီးဖွာဖွာကြီးကို ဝှေ့ယမ်း၍ သူ့ခေါင်းလေးကို ကုယွီမြန်၏လက်ဖဝါးထဲသို့ ရှက်ရွံ့စွာတင်ထားသည်။

ကုယွီမြန်၏နှလုံးသားမှာ အချိုများဖြင့် ပြည့်လုနီးပါးပင်။

လက်ဆောင်များနှင့်မှတ်ချက်များမှာ တစ်ခုပြီးတစ်ခုပေါက်ကွဲနေပြီး သူ၏ကျော်ကြားမှုနှင့်လေထုက အထွတ်အထိပ်သို့ ရောက်သွားသည်။

အထူးသဖြင့် ကုယွီမြန်က အိုးထဲတွင် ဆူပွက်နေသေးသော ချာရှူနှင့်စွပ်ပြုတ်အား အပူခံဗူးထဲသို့ထည့်ကာ ပရိသတ်အယောက် ၃၀ထံပို့မည်ဟု ပြောလိုက်သောအခါ သူတို့အလွန်စိတ်လှုပ်ရှားနေကြသည်။

ကြည့်ရှုသူ သန်း ၈၀ထဲမှ အယောက်၃၀မှာ ဖြစ်နိုင်ချေအလွန်နည်းသော်လည်း သူတို့က ကံကောင်းသည့်သူများဖြစ်ခဲ့လျှင်…

ကြည့်ရှုသူများအတွက် ဖြစ်စေ၊ ကုယွီမြန်နှင် သားပေါက် ၃ကောင်အတွက်ဖြစ်စေ ၎င်းက ပျော်ရွှင်ဖွယ် အစားအစာတစ်ခုဖြစ်ခဲ့သည်။

ခေါက်ဆွဲပူပူ၊ အိုးထဲမှ ဝက်ရိုးစွပ်ပြုတ်၊ အပူပေးစက်နွေးနွေးနှင့် နူးညံ့သောအခင်းတို့ကြောင့် လူများ နေသားကျရန်အတွက် လေထုမှာအလွန်တက်ကြွနေသည်။

"ယွမ်ယွမ် ဖြေးဖြေးစားမနင်စေနဲ့... နောက်ထပ်ရှိသေးတယ်လေ.."

ကုယွီမြန်က ပန်ဒါလေး၏မေးစေ့အားကုတ်ကာ ထန်ယွမ်၏နဖူးလေးအား လက်ညှိုးဖြင့် ဖိလိုက်သည်။

"အင်း...ခဏနေရင် ရေပူစမ်းကိုသွားပြီး အနားယူရအောင်... ရေကန်က သိပ်မနက်ဘူး... ဆူညံသံတွေ မလုပ်မိစေနဲ့နော်..."

သူတို့မိသားစုတွင် "မုန့်ဖိုးဖြတ်ခြင်း"နှင့် "တားမြစ်ခြင်း"ကဲ့သို့သော အပြစ်ဒဏ်များ မရှိချေ။ သို့သော် အံ့အားသင့်ဖွယ်ကောင်းသည်မှာ ကလေးများက အလွန်နာခံမှုရှိသည်။ ထိန်းမနိုင်သော မာနကြီးသည့်နှင်းကျားသစ်

လေးသည်ပင် နာခံမှုရှိသည်။ ဆိုးသွမ်းမှုအနည်းငယ်ရှိခဲ့သော်လည်း အပြစ်ကြီးကြီးမားမားတစ်ခုမှ မလုပ်ခဲ့ပေ။

နှင်းကျားသစ်လေးက ကုယွီမြန်၏ပခုံးပေါ်တွင်ရှိပြီး လုံးဝန်းသောထန်ယွမ်လေးနှင့် မြေခွေးလေးကို လက်မောင်းထဲတွင် ချီပြီး ညစာစားရန်အတွက် အတူလိုက်ပါသွားခဲ့သည်။ သူက ရေပူစမ်းအကြောင်းအနည်းငယ်မျှပြောပြီးနောက် နောက်၂ရက်အတွက် အစီအစဥ်များကိုပြောနေခဲ့သည်။ သူက အရာအားလုံးကို စနစ်တကျစီစဥ်ထားသည်။

ကြည့်ရှု့သူများ၏ ခံစားချက်မှာလည်း အပန်းပြေ၍ အနည်းငယ်နူးညံ့နေခဲ့သည်။ ဆောင်းရာသီတွင် အရသာရှိသောခေါက်ဆွဲနှင့် ဘဝ၏အနှစ်သာရက ရုတ်တရက်

အလွန်ပေါ့ပါး၍ အချိန်ကြာရှည်စွာ မွှေးပျံ့နေခဲ့သည်။

အံ့သားသင့်ဖွယ်ခံစားချက်နှင့် အလွန်စိတ်ကျေနပ်ဖွယ်ကောင်းစွာ စိတ်ချလက်ချဖြစ်စေခဲ့သည်။

သူတို့က စက္ကန့်တိုင်းအတွက် စောင့်စားနေမိကြသည်။

ဝမ်ချွမ်ဗီလာ၏ သစ်သားအိမ်များနှင့် မီးအိမ်များကို စက္ကူဖြင့်ပြုလုပ်ထားသည်။ ဤဆောင်းညတွင် နှင်းမကျချေ။

ပြတင်းပေါက်မှတစ်ဆင့် ကောင်းကင်ပေါ်ရှိ တောက်ပသော လမင်းကြီးအားမြင်နိုင်သည်။ အတွင်းထဲတွင် အဖြူရောင်အခိုးအငွေ့များနှင့် ဝက်ရိုးခေါက်ဆွဲ၏အနံ့များ ရှိနေသည်။

ပြင်ပရှိ ရေပူစမ်းမှနွေးထွေးသောရနံ့ကိုလည်း ရနိုင်သည်။

ကြည့်ရှုသူအရေအတွက်မှာလည်း လျင်မြန်စွာတိုးလာခဲ့ပြီး သန်း ၉၀နားသို့ ရောက်လာသည်။ ကုယွီမြန်မှာ တစ်ကြိမ်ထပ်မံ၍ လူကြိုက်များကျော်ကြားသောစာရင်းတွင် ထိပ်ဆုံးနေရာသို့ ရောက်ရှိသွားသည်။

ရေပူစမ်းဗီလာက သူတို့၏ရေပူစမ်းများအား အာရုံစိုက်သည်။ အိမ်အသေးတစ်လုံးချင်းစီတွင် ကိုယ်ပိုင် ရေပူစမ်းတစ်ခုစီရှိ၍ သူစိမ်းများနှင့်အတူ ရေချိုးစရာမလိုတော့ပေ။ညနေခင်း၌ ရေပူစမ်းမှာ အလိုလျောက်ပြင်ဆင်လိမ့်မည်။သဘတ်နှင့် မက်မွန်ဝိုင်အားရေကန်ဘေးတွင် စက်ရုပ်လေးဖြင့်ထားရှိမည်ဖြစ်ပြီး အခြားတစ်ဖက်တွင် ရေပူစမ်းရရှိနိုင်သည်။

ဤရေပူစမ်းမှာ "စွမ်းအင်သားတော်" ဒဏ္ဍာရီလာရေပူစမ်းမဟုတ်ချေ။ ၎င်းက သာမန်လူများ အနားယူပြီး ရေချိုးနိုင်သော ရေပူစမ်းသာဖြစ်သည်။ သို့သော် ကုယွီမြန်က ဤနေရာတွင် ပြင်ဆင်ထားသည့် ရေချိုးအေးဂျင့်အား သဘောမကျပေ။

( ရေချိုးဖို့ ဟိုတယ်က ပြင်ဆင်ပေးထားတဲ့ ပစ္စည်းကိရိယာတွေလို့ ထင်တာပဲ )

"တောင်းပန်ပါတယ်... ကျွန်တော် ရေချိုးအေးဂျင့်ကိုပြင်ဆင်ဖို့ အချိန်နည်းနည်းယူရဦးမယ်... တိုက်ရိုက်ထုတ်လွှင့်မှုကိုခဏရပ်ပြီး မင်းတို့ကို ပြီးမှရေပူစမ်းဆီခေါ်သွားပေးမယ်နော်..."

မချက်ပြုတ်မီတွင် ရေချိုးသင့်သော်လည်း တစ်ချိန်တည်းမှာပင် လူတိုင်းက ဆာလောင်နေသောကြောင့် ကုယွီမြန်မှာ ဦးစွာချက်ပြုတ်ခဲ့သည်။

သူတို့က ရေပူစမ်းတွင် ၂ရက်ကြာမည်ဖြစ်သည်။ ကုယွီမြန် ခရီးဆောင်အိတ်များ၏ အခြားအပိုင်းကို ပို့ပြီးပြီဖြစ်သည်။၎င်းတွင် သီးခြားထားရန်လိုအပ်သည့် အချက်အလက်များပါဝင်သောကြောင့် ကြည့်ရှုသူများမပါဝင်ဘဲ ပြင်ဆင်ခဲ့သည်။

ကုယွီမြန်က တိုက်ရိုက်ထုတ်လွှင့်နေစဥ်တွင် အခြားသူများ၏ကိုယ်ရေးကိုယ်တာများ ပေါက်ကြားခြင်းကို ကာကွယ်မည်ဖြစ်သည်။ ထို့ကြောင့် ပြင်ပတိုက်ရိုက်ထုတ်လွှင့်မှုအား မည်သူမျှမရှိသော လူသွားလူလာရှားသော နေရာများတွင် ပြင်ဆင်ခဲ့သည်။ ကြည့်ရှုသူများက သူတို့စောင့်နေမည်ဟု ပြောပြီးနောက် ကုယွီမြန်၏တိုက်ရိုက်ထုတ်လွှင့်မှုပိတ်သွားသည်ကို တုန့်ဆိုင်းစွာ ကြည့်နေခဲ့သည်။

"ထွမ်ထွမ်... ယွမ်ယွမ်...ချိုးချိုး... ဒီမှာစောင့်နေကြနော်... ဆယ်မိနစ်အတွင်း ပြန်လာခဲ့မယ်..."

ရေပူစမ်းဗီလာတွင် လူများစွာ၊ မျက်လုံးများစွာရှိသောကြောင့် ကုယွီမြန်က ကလေးများအား အပြင်မထုတ်ဝံ့ချေ။လုံခြုံရေးစနစ်အပြည့်ရှိသော အိမ်ထဲတွင်သာ ပို၍ လုံခြုံပေသည်။

မြေခွေးလေးနှင့်ပန်ဒါလေး နှစ်ဦးစလုံးမှာ အလွန်နာခံမှုရှိသည်။ နှင်းကျားသစ်လေးမှာ သူ ထွက်သွားမည်ကိုမလိုလားပေ။ သို့သော် ကုယွီမြန်မှာ သူ့အား ထန်ယွမ်နှင့်မမြေခွေးလေးအား စောင့်ရှောက်ရင်း နေစေလိုသည်။ တစ်ခဏမျှကြာပြီးနောက် မလိုလားစွာဖြင့် သဘောတူလိုက်ရသည်။

အမှန်တကယ်တွင် နှင်းကျားသစ်လေးမှာ ကုယွီမြန်အားတစ်ယောက်ထဲ အအပြင်မထွက်စေချင်ပေ။ ရေပူစမ်းတွင် ဧည့်သည်များစွာရှိနေ၍ ကုယွီမြန် အပြင်ထွက်ပြီး စက္ကန့်ပိုင်းအကြာတွင် သူက အချိန်နှင့်အမျှ စိုးရိမ်ပူပန်စပြုလာသည်။

ရေပူစမ်းဗီလာအပြင်ဘက်တွင် လူစုလူဝေးတစ်ခု ရှိနေသည်။ ရေပူစမ်းတွင် ရေစိမ်ရန်အတွက် သစ်သားရေဇလုံအား ကိုင်ထားသော မိသားစုတစ်ခုရှိပြီး လူအိုစုံတွဲတစ်တွဲက တစ်ယောက်နှင့်တစ်ယောက်အကူညီပေး၍ လမ်းလျှောက်ရင်း ကုယွီမြန်အား ကြင်နာစွာပြုံးပြသွားသည်။ သူတို့က ကြယ်တာရာမြို့တော်ရှိ အထက်တန်းလွှာများနှင့်မတူချေ။ ၎င်းကြောင့် ကုယွီမြန်က မြို့လယ်ရှိည၏ လူစုလူဝေးနှင့်လမ်းများကို သတိရမိစေသည်။ မနက်ဖြန် သို့မဟုတ် နောက်ရက်တွင် သူ့၌အချိန်ရှိပါက ကလေးများကိုခေါ်၍ အလည်အပတ်လမ်းလျှောက်ခေါ်မည်ဖြစ်သည်။

"သူတို့ သူငယ်ချင်းတွေလုပ်နိုင်လောက်တယ်.."

ကုယွီမြန် စဥ်းစားကြည့်လိုက်သည်။

သူက နှင်းကျားသစ်လေးအတွက် စိုးရိမ်နေသည်။ နှင်းကျားသစ်လေး၏အကျင့်မှာ မဆိုးသော်လည်း အနည်းငယ်မာနကြီး၍ သီးသန့်ဆန်သည်။ ကုယွီမြန်မှာ သူသူငယ်ချင်း

မရှိမည်ကိုစိုးရိမ်ပြီး ကျောင်းတွင် အနိုင်ကျင့်ခံရမည်အား စိုးရိမ်နေသည်။ သို့သော် နှင်းကျားသစ်လေးမှာ ကျောင်းနှင့်ပတ်သတ်၍ သူနှင့် ဆက်သွယ်ပြောဆိုမှုမရှိချေ။ ကုယွီမြန်က ကျောင်းအား အကြိမ်အနည်းငယ်ခန့်သွားပြီး ရှာဖွေရန် မျှော်လင့်မိသည်။

ခရီးဆောင်အိတ်ဌာနသို့ရောက်ရန်မှာ အချိန်မကြာခဲ့ပေ။

ဤနေရာတွင် လူအနည်းငယ်သာရှိပြီး အဆုံးတွင် ကြယ်တာရာခေတ်၏အခြေအနေအရ အဆောက်အဦးမျိုးစုံရှိသည်။ ရေပူစမ်းဗီလာမှာ လူများစွာ သွားလာနေ၍ ခရီးဆောင်အိတ်ဌာနမှာ ကြီးမားလှသည်။ ဤနေရာတွင် စာကြည့်တိုက်ကဲ့သို့ စင်အမြင့်များစွာရှိပြီး စင်ပေါ်ရှိခရီးဆောင်အိတ်များကို အလင်းလုံးလေးများဖြင့် ထုပ်ပိုးထားသည်။အလင်းမျက်နှာပြင်တွင် လက်ဗွေရာထည့်သွင်းပြီး ကိုက်ညီသောအခါ သူတို့၏ခရီးဆောင်အိတ်အား တောင်းဆိုနိုင်သည်။

ထိုအချိန်တွင် ကုယွီမြန်မှ စင်၂ခုကြားရှိ နေရာလွတ်မှ ထွက်လာသော မရေမရာအသံအား ကြားလိုက်ရသည်။ ၎င်းက စကားဝိုင်းတစ်ခုနှင့်တူသည်။ လူတစ်ယောက်၏အသံက မြင့်၍ အခြားသူများ၏ အထက်တွင်ရှိနေပြီး အစေခံများအပေါ် သခင်တစ်ယောက်ကဲ့သို့ အုပ်စိုးထားသည်။

"လူသားတွေ...မြင့်မြတ်တဲ့...အရှင်ဧကရာဇ်..."

ကုယွီမြန်က စကားလုံးအချို့အားဖမ်းဆုပ်မိပြီးနောက် ရပ်တန့်လိုက်သည်။ သူက ခိုးနားထောင်ရန် မရည်ရွယ်ချေ။ သူ တစ်ခဏမျှတုံ့ဆိုင်းသွားပြီး ထွက်သွားရန်ဆုံးဖြတ်လိုက်သည်။ သူက အလျင်လိုနေ၍ နာရီအားကြည့်လိုက်သည်။သူ ခရီးဆောင်အိတ်လာယူသည်မှာ ဆယ်မိနစ်ခန့်ရှိပြီဖြစ်၍ သူပြန်မရောက်လျှင် ကလေးဆိုးလေးမှာ စိတ်တိုနေလိမ့်မည်။

သူ တစ်ဖက်သို့လှည့်လိုက်သည်နှင့်တပြိုင်နက် ခဲပြာရောင်မျက်ဝန်းတစ်စုံနှင့် တွေ့လိုက်သည်။

ကုယွီမြန်၏ပထမတုံ့ပြန်မှုမှာ နှင်းကျားသစ်လေးမှာ မစောင့်နိုင်၍ သူ့အားရှာရန် လိုက်လာခဲ့သည်ဟုထင်ခဲ့ပြီး နောက်စက္ကန့်တွင် ၎င်းမှာမဟုတ်ခဲ့ချေ။

ထိုအမျိုးသားက ဂျပန် ရူကာတာ့နှင့်တူသည့်ဝတ်စုံအားဝတ်ဆင်ထားပြီး အရောင်နှင့်စတိုင်မှာ သူနှင့် အလွန်လိုက်ဖက်လှသည်။ သူ့ လည်ပင်းအနားသားများက သူ၏ကြွေထည်ကဲ့သို့မာကျောဖြူဖွေးသော ရင်အုပ်အား ပြသထားပြီး ဘယ်ဘက်ပခုံးမှာ ခရီးဆောင်အိတ်စင်ကို မှီထားသည်။

ရှို့ဟန်က ကုယွီမြန်ထက် အရပ် အတော်အတန်ရှည်၍ သူ့လမ်းကို ပိတ်ထားလုနီးပါးပင်။ သူက အနည်းငယ်မကျေမနပ်ဖြစ်နေသော အမူအရာဖြင့် ကုယွီမြန်အား ပျင်းရိစွာ

ငုံ့ကြည့်လာသည်။ သူ့အကြည့်များကြောင့် ကုယွီမြန်က အလုပ်ပြီးနောက်အရက်သောက်ရန် လျှို့ဝှက်၍အပြင်ထွက်ပြီးမှ အိမ်ပြန်လာသူက သူ့ဇနီးထံတွင် ဖမ်းမိသွားသကဲ့သို့ ခံစားလိုက်ရသည်။

ကုယွီမြန် :"..."

တင်စားမှုမှာ အလွန်မသင့်တော်သောကြောင့် ကုယွီမြန် သူ့ဦးနှောက်ထဲမှ အမြန်ဖျက်လိုက်ရသည်။

🐯🐯🐯

Prev Next