MM Story Teller

Chapter 72

Viewers 4k

🐯Chapter 72

ရှို့ဟန်က ရေပူစမ်းကို ရောက်လာတာလား...

တိုက်ဆိုင်လိုက်တာ...

ကုယွီမြန်တွင် ထူးဆန်းပြီး ရင်းနှီးသောခံစားချက်တစ်ခုရှိကာ သူ့အား ရှင်းလင်းစွာစကားမပြောနိုင်အောင်လုပ်နေသည်။ အထက်တန်းလွှာနယ်မြေသို့ ရောက်လာသည်မှာ တစ်ပတ်ပင် မပြည့်သေးသော်လည်း သိပ္ပံအကယ်ဒမီသို့ သွားခဲ့သည်အား ထည့်သွင်းစဥ်းစားပြီးနောက် သူနှင့် ရှို့ဟန်တွေ့သည်မှာ ဒုတိယအကြိမ်ဖြစ်သည်။ သို့သော် ရှို့ဟန်က အထက်တန်းလွှာနယ်မြေတွင် နေထိုင်ခြင်းဖြစ်သည်။ရေပူစမ်းမှာ တစ်နှစ်လျှင်တစ်ပတ်သာဖွင့်၍ အထက်တန်းလွှာနယ်မြေရှိ လူများ၏ ၁၀ရာခိုင်နှုန်းခန့်က လာပေလိမ့်မည်။ ထို့ကြောင့် တိုက်ဆိုင်မှုဖြစ်နိုင်သည်။

ဟုတ်တယ်မလား...

နှစ်ဖက်လုံးတွင် F နှင့် Gဟု တံဆိပ်တပ်ထားသော ခရီးဆောင်အိတ်များရှိပြီး လမ်းအဆုံးတွင် အနည်းငယ်ကျဥ်းမြောင်းနေသည်။ ကုယွီမြန်က ရှို့ဟန်၏မျက်လုံးများကိုကြည့်ပြီးနောက် ရှို့ဟန်ပေါ်လာရသည့်အကြောင်းအရင်းအား ကောက်ချက်ချလိုက်သည်။

" မင်းရဲ့ ခရီးဆောင်အိတ်ကို လာယူတာလား..."

ကုယွီမြန် ပြုံး၍မေးလိုက်သည်။

ရှို့ဟန်က ခေါင်းညိတ်ပြပြီး ထောက်ခံလိုက်သည်။

"ဟုတ်တယ်..."

"နောက်နည်းနည်းဆုတ်ပေးပါလား ငါ အပြင်ထွက်ပြီးရင် ငါ့နေရာကို ပေးမယ်လေ..."

လေထုက ခေတ္တမျှရပ်တန့်သွားသည်။

ရှို့ဟန်၏ခဲပြာရောင်မျက်လုံးများက သူနှင့်

အနီးကပ်ရှိနေသော ကုယွီမြန်အား ငုံ့ကြည့်လိုက်သည်။ အစပိုင်းမှ သူ၏မပျော်ရွှင်မှုများနှင့် စိုးရိမ်ပူပန်မှုများမှာ ပေါ့ပေါ့ပါးပါး ခံစားချက်နှင့်အတူ စိတ်ဝင်စားမှုဖြင့် အနည်ထိုင်သွားသည်။

ရင်းနှီးသောခံစားချက်က ကုယွီမြန်၏ရင်ထဲတွင် တစ်ဖန်ပြန်ပေါ်လာသည်။ ရှို့ဟန်၏ အမူအရာက ရွှယ်ထွမ် အလွန်စိတ်ဝင်စားသည့် သိုးမွေးလုံးကိုတွေ့သည့်အချိန် ဖြစ်သွားတတ်သည့် အမူအရာနှင့်ဆင်တူနေသည်။

သူက ကုယွီမြန်အား အချိန်တစ်ခဏမျှငုံကြည့်နေပြီးနောက် ပေါ့ပေါ့ပါးပါးပြောလိုက်သည်။

"မဆုတ်ပေးဘူး..."

ကုယွီမြန် မည်သည်မျှ ပြန်မပြောနိုင်မီမှာပင် ရှို့ဟန်က သူ့ခြေတံရှည်များဖြင့် ရှေ့သို့တိုးလာကာ လူငယ်လေး၏ပခုံးပေါ်မှီ၍ သူ၏ သွယ်လျရှည်လျားပြီး အေးစက်သောလက်ချောင်းများက ကုယွီမြန်နား အနီးမှဖြတ်၍နောက်ရှိစင်မှ ခရီးဆောင်အိတ်အား လှမ်းယူလိုက်သည်။

၎င်းက အလွန်ဗိုလ်ကျစိုးမိုးသောအနေအထား 'kabedon'စတိုင်ဖြစ်သည်။

(kabedon ဆိုတာ နံရံကိုလက်တစ်ဖက်ထောက်ထားပြီး နံရံနဲ့လူကြားညှပ်ထားတဲ့ ပုံစံပါ။ ကိုရီးယားကားတွေထဲကလိုမျိုး။)

ကုယွီမြန် :"...."

ကုယွီမြန်မှာ သူနှင့်အလွန်နီးကပ်နေသည့် ထိုမျက်လုံးများအားကြည့်ပြီး သူပြောချင်ခဲ့သည့်အရာအား မေ့သွားသည်။

ရှို့ဟန်နှင့် ရွှယ်ထွမ်တို့၏မျက်လုံးများမှာ အလွန်ဆင်တူပြီး အထူးသဖြင့် အရောင်များဖြစ်သည်။ အဆုံးတွင် ရွှယ်ထွမ်မှာ အကောင်ပေါက်လေးသာဖြစ်ပြီး သူ၏မျက်လုံးများမှာ

လုံးဝန်း၍ အတွင်းပိုင်းတွင် နက်ရှိုင်းသောအပြာရင့်ရောင်ဖြစ်ပြီး အပြင်ဘက်တွင် ခဲပြာရောင်ဖြစ်လုနီးပါး အပြာနုရောင်ဖြစ်သည်။

ရှို့ဟန်၏မျက်လုံးများမှာ ပို၍နက်မှောင်ပြီး ကုယွီမြန်၏သူ၏ယခင်ဘဝ မဂ္ဂဇင်းများတွင် တွေ့ခဲ့ဖူးသည့် စိမ်းမြရောင် ပင်လယ်အား သတိရမိစေသည်။ ၎င်းက ပေါက်စလေး၏ ခဲပြာရောင်မျက်လုံးများနှင့် အလွန်ကွဲပြားသည်။

ကုယွီမြန် အနည်းငယ် စိတ်ရှုပ်သွားရသည်။

သူ အနည်းငယ်အဆင်မပြေစွာ တိတ်ဆိတ်နေခဲ့ပြီးနောက် သူတို့နှင့် အလွန်နီးကပ်သည့်နေရာမှ အသံများကြားလိုက်ရသည်။ ကုယွီမြန် စင်နောက်မှ ကြားခဲ့ရသည့် သခင်နှင့်အစေခံသာဖြစ်သည်။ ထို့ပြင် လူ၂ဦးထပ်မံပေါင်းလာခဲ့ပြီး အသံနှင့်ခြေသံများမှာ သူတို့ထံဦးတည်နေသည်။

"ခရီးဆောင်အိတ်ကဘယ်မှာလဲ Fစင်ဘက်မှာလား... စကားမစပ် တင်ဆက်သူက ဗီလာမှာနေပုံရတယ်... နင် သူ့ရဲ့ တိုက်ရိုက်ထုတ်လွှင့်မှုတွေကို ကြည့်ဖူးလား...ငါသူ့ကိုအရမ်းကြိုက်တယ်... တစ်ချိန်ချိန်ကျ အပြင်မှာတွေ့နိုင်လိမ့်မယ်လို့ မျှော်လင့်မိတယ်..."

၎င်းက နူးညံ့သိမ့်မွေ့သော အထက်တန်းလွှာအမျိုးသမီး၏အသံဖြစ်သည်။

"ဟားဟားဟား နင်က မြင့်မြတ်တဲ့မျိုးရိုးကသူပဲ... ဘယ်လိုလုပ် အမှားလုပ်နိုင်ရတာလဲ... အဆင့်နိမ့်တဲ့သူတွေကို မကြိုက်သင့်ဘူး...နင်က သူ့ကိုအရမ်သဘောကျပြီး တွတွယ်ကပ်ချင်နေတာပဲ... ကောင်းပြီ... စင် F က ဒီဘက်မှာထင်တယ်..."

အခြားအသံတစ်ခုက သူမအား မခံချင်အောင်ပြောခဲ့သည်။

"လူသားမျိုးနွယ်ကမနိမ့်ကျပါဘူး... တော်ဝင်မျိုးနွယ်ကရော ဘာဖြစ်နေလဲ... အခုလက်ရှိတော်ဝင်မျိုးနွယ်ကလွဲလို့

တခြားသူတွေဆို နာမည်တောင်မရှိကြတော့ဘူး..."

အစပိုင်းတွင် ကောင်မလေးမှာ ထုတ်ဖော်ပြောကြားရန်ရှက်ရွံ့နေပြီး အသံတိုးတိုးဖြင့် ပြောလေရာ ပို၍ပြင်းထန်စွာ စနောက်ခံလိုက်ရသည်။

"နင် သူ့ကို တော်တော်ကြိုက်တာပဲ..."

အခြားအသံတစ်ခုမှ ပြန်ပြောခဲ့သည်။

" အဲ့ကောင်လေး မင်းမျိုးမင်းနွယ်ရဲ့သားမက်ဖြစ်သွားရင်တော့ ကောင်းတာပေါ့လေ... နင် ပါးစပ်ဟလိုက်တာနဲ့ လူသားမျိုးနွယ်ကို သေချာပေါက်ဖမ်းလို့ရမှာပဲ... အဲ့ဒါက မသင့်‌တော်ဘူးနော်... မင်းမျိုးမင်းနွယ်နဲ့သာမန်လူတွေ တွေ့ဆုံနိုင်ကြတယ်ဆိုရင်တောင်... မင်းမျိုးမင်းနွယ်နဲ့သာမန်လူဆိုတာ တစ်ယောက်နဲ့တစ်ယောက် အရမ်းဝေးကွာလွန်းတယ်..."

အသံမှာ ပို၍နီးကပ်လာသည်။

ခရီးဆောင်အိတ်ထားတဲ့ စင် Fဆိုတာ ငါတို့နောက်ကဟာ မလား...

ကုယွီမြန် ပို၍ပို၍ရှက်ရွံ့လာသည်။ ရှို့ဟန်မှာ နောက်သို့မဆုတ်သွားသောကြောင့် သူတို့က နီးကပ်သောအနေအထားဖြင့် အခြားသူများ၏စကားဝိုင်းကို နားထောင်နေရသည်။သူတို့က ကုယွီမြန်၏အကြောင်းပြောနေကြပြီး ခေါင်းစဥ်မှာ အလွန်မဖော်ရွေပေ။

ကောင်မလေး၏ ကောင်းမွန်သောခံစားချက်များနှင့် သူ့သူငယ်ချင်း၏သဘောထားမှာ ကုယွီမြန်အား ရှုပ်ထွေးစွာ ရှက်ရွံ့စေသည်။ အချို့သော စိတ်မသက်သာမှုများအပြင်

မျိုးရိုးကြောင့် မည်သူမျှမကောင်းသည့်သူဟု အထင်မခံချင်ကြပေ။ သူကိုယ်တိုင်လည်း "နိမ့်ကျသောမျိုးနွယ်"ဟူသည့်စကားကို မနှစ်သက်ချေ။

သူ ရှို့ဟန််အားမော့ကြည့်လိုက်သည်။ ရှို့ဟန်ကလည်း သူတို့၏စကားဝိုင်းကို နားထောင်နေသည့်ပုံပေါ်သည်။

သူ့မျက်လုံးထဲရှိ အပြုံးများမှာ မသဲကွဲပေ။

ကုယွီမြန် သူ့အားပြောလိုက်သည်။

"သူတို့ ရောက်လာတော့မယ်..."

သူက ရှို့ဟန်မှနောက်ဆုတ်၍ သူ့အားသွားခွင့်ပေးကာ တစ်ယောက်နှင့်တစ်ယောက် နှုတ်ဆက်နိုင်ပေလိမ့်မည်ဟု ထင်ခဲ့သည်။

သို့သော် ရှို့ဟန်မှာ သူ့အားတစ်ချက်သာ ကြည့်လာသည်။

"မကြာသေးခင်က ဗီလာမှာ ကျော်ကြားတဲ့သူတွေအများကြီးရှိလာတယ်... ဒန်နီတို့မိသားစုကလည်း ဒီမှာပဲ... ဒါပေမယ့် အဲ့ဒီလူသားက နာမည်မကြီးဘူးမလား..."

မလှမ်းမကမ်းအကွာအဝေး၌ စကားပြောခြင်းမှာပြန်လည်စတင်လာသည်။ သခင်များ၏စကားဝိုင်းတွင် အစေခံများပါ ပါဝင်လာကြသည်။

"တော်ဝင်မိသားစုအကြောင်းပြောရမယ်ဆိုရင် အအရှင်ဧကရာဇ် သာမန်လူတန်းစားနယ်မြေမှာ အချိန်တွေအများကြီးကုန်ဆုံးနေတာမလား... နေ့တိုင်း အဲဒီမှာပဲ..."

မျိုးရိုးမြင့်မှ ပြောလိုက်သည်။

"အရှင်က နေ့တိုင်းမှာ နေ့တစ်ဝက်ပဲအလုပ်လုပ်တယ်...သူအရင်ကဆို အလုပ်စွဲလမ်းသူတစ်ယောက် ဖြစ်ခဲ့တာမလား... ဗီဒီယိုအစည်းအဝေးကိုလည်း ည၁၁နာရီ၂၂မိနစ်မှစလုပ်တယ်... အခုလည်း သူထွက်သွားပြန်ပြီ... သူ့ရဲ့ကိုယ်ရေးကိုယ်တာဘဏ်အကောင့်မှာ အင်တာနက်ပေါ်က အရေးမပါတဲ့ဇိမ်ခံပစ္စည်းတွေဝယ်ပြီး ဘီလီယံနဲ့ချီသုံးနနေတယ်လို့လည်းပြောကြတယ်... အရှင်ဧကရာဇ်က ချစ်ကျွမ်းဝင်နေတာလား..."

ရှို့ဟန်၏မျက်လုံးများ ဖြေးညင်းစွာ မြင့်တက်သွားသည်။

ကုယွီမြန်မှာလည်း သူတို့၏စကားဝိုင်းအား ဂရုတစိုက်ဖြင့်နားထောင်ရန် တွန်းအားပေးခံနေရသည်။ ဤအကြောင်းအရာက သူ့အား စိတ်ဝင်စားစေသည်။

ဒန်နီဆိုတာ ဒယ်အိုး ၂၄မလား... အရှင်ဧကရာဇ်ရဲ့ကိစ္စကရော..

သူကိုယ်တိုင်က ထိုအကြောင်းကို နားထောင်ချင်နေသည်အား သတိမထားမိခဲ့ချေ။

တစ်ချိန်တည်းမှာပင် စကားသံများက ပို၍ပို၍နီးကပ်လာပြီး ရုတ်တရက်ရပ်တန့်သွားကာ ခြေသံများလည်း တိတ်သွားသည်။

စီးဆင်းနေသောလေထုကလည်း ရပ်တန့်သွားသည်။

ဘေးနှစ်ဖက်ရှိ ခရီးဆောင်အိတ်များဖြင့်လမ်းက ကျဥ်းမြောင်းစွာ တည်ဆောက်ထားပြီး အလင်းရောင်မှာမှိန်နေသည်။ ကောင်းကင်မှအလင်းရောင်က လေထဲတွင်

လွင့်မျောနေသည်အား မြင်နိုင်သည်။ ကုယွီမြန်၏မျက်လုံးများ ပြူးကျယ်သွားပြီး ခြေလှမ်းအနည်းငယ်အကွာမှ လူ၄ယောက်ကလည်း တူညီသောအံ့အားသင့်နေသည့်

အမူရာဖြင့် သူတို့အားကြည့်နေသည်။

ရှို့ဟန်က ကုယွီမြန်အား လွယ်ကူစွာပွေ့ချီပြီး သူတို့နောက်ရှိအနည်းငယ်မြင့်သော စင်၏နေရာလွတ်တစ်ခုပေါ်တွင်ထိုင်စေလိုက်သည်။ ထို့နောက် ထိုအနေအထားဖြင့် ကုယွီမြန်အား အချိန်အတော်ကြာ ငေးကြည့်နေခဲ့သည်။ နောက်ဆုံးမှ သူစိတ်ကျေနပ်သွားသည့်ပုံပေါ်သည်။ သူ့လက်တစ်ဖက်အား ကုယွီမြန်၏ ခါးပေါ်တွင်တင်ထားပြီး အခြားတစ်ဖက်ဖြင့် ကုယွီမြန်၏ခေါင်းအား ငုံ့စေလိုက်သည်။

ကုယွီမြန်၏ညှပ်ရိုးတွင် ခပ်ဖွဖွအေးစက်မှုအား ခံစားလိုက်ရသည်။ ရှပ်၏အပေါ်ကြယ်သီး ပြုတ်သွားသောကြောင့် ဓားနှင့်နှင်းဆီတက်တူး ပေါ်လာသည်။ ရှို့ဟန်၏အနမ်းမှာ ထိုနေရာတွင် ရပ်တန့်သွားသည်။ သူကဘအပေါ်သို့အနည်းငယ်တက်၍ လူငယ်လေး၏နားအနီးသို့ကပ်ကာ အနိမ့်သံဖြင့် တစ်စုံတစ်ခုကို မေးလိုက်သည်။

"...."

ခြေလှမ်းအနည်းငယ်အကွာမှ လူ၄ယောက်မှာ လုံးဝ ကြက်သေသေသွားသည်။

သူတို့၏ပါးပြင်များ ပူခြစ်နေပြီး လျှို့ဝှက်ချက်အချို့အား ရှာတွေ့မိသကဲ့သို့ပင်။ သူတို့၏ပထမဆုံး တုံ့ပြန်မှုမှာ ရှောင်ထွက်သွားရန်ဖြစ်သည်။ ထိုအချိန်တွင် အရပ်မြင့်မြင့်နှင့်လူက သူတို့အား ကြည့်လာသည်။

အေးစက်၍စိတ်မရှည်သော အကြည့်က သူတို့အားနှလုံးသားထဲမှာပင် ကြောက်ရွံ့မှုကို ခံစားရစေသည်။

တစ်ချိန်တည်းမှာပင် ထိုအမျိုးသားထံမှပွေ့ဖက်ပြီး အနမ်းခံနေရသည့်လူငယ်လေးအား မြင်လိုက်ရသည်။အရပ်ရှည်သောအမျိုးသားက လူငယ်လေးအား သီးသန့်အနေအထားဖြင့်ဖက်ထားပြီး သူတို့၏မျက်လုံးများ အောက်ငုံ့ကြည့်လိုက်သောအခါ ယုံကြည်သူများထက်ပင်ပို၍ ရိုသေကိုင်းရှိုင်းသွားရသည်။

သူတို့က လူငယ်လေး၏ညှပ်ရိုးရှိ နှင်းဆီနှင့်ဓားတက်တူးအားမြင်လိုက်ရပြီး ၎င်းမှာတော်ဝင်မိသားစုအပိုင်ဖြစ်သည်။ သာမန်ပြည်သူများမှာ ထိုအကြောင်းမသိနိုင်သော်လည်း တော်ဝင်မျိုးနွယ်ဝင်များအနေဖြင့် ၎င်းအား မမှားယွင်နိုင်ပေ။ ထိုတံဆိပ်က အတုလည်း မဖြစ်နိုင်ချေ။

သူတို့က ကြီးမားသောသတင်းအား ဖော်ထုတ်မိသွားပြီး မမျှော်လင့်ဘဲ ရုတ်တရက်သိလိုက်ရသည့်အတွက် ကြက်သေသေသွားရသည်။

ဆယ်မိနစ်ကြာပြီးနောက် သခင်နှင့်အစေခံများမှာ သူတို့၏လမ်းသို့သွားကြသည်။ နှုတ်ဆက်ပြီး ကျန်ရှိနေသောမိန်းကလေးများမှာ သူ့အဖော်များနှင့်အတူ အခန်းထဲသို့ဝင်သွားသည်။

ကုယွီမြန်အားကြိုက်သည့် ကောင်မလေးမှာ မိုလီဖြစ်သည်။သူမက တော်ဝင်မျိုးနွယ်ဖြစ်ပြီး သူမအားစနောက်ခဲ့သူသူငယ်ချင်းမှာ ယုအာဖြစ်သည်။ သူမက ပိတ်ရက်တွင် ရေပူစမ်းသို့သွားရန် ဖိတ်ခဲ့ခြင်းဖြစ်သည်။ ခရီးဆောင်အိတ်ဌာနမှ ထွက်လာပြီးနောက် ဖိနှိပ်ခြင်းက်ိုခံစားခံခဲ့ရပြီး အချိန်အတော်အကြာအထိ ထိုအကြောင်း မပြောဖြစ်ခဲ့ပေ။

"ဘုရားသခင်... အဲ့ဒါက နင်ကြိုက်တဲ့ လူသားတင်ဆက်သူမလား... သူ့မှာဘာလို့ တက်တူးရှိနေတာလဲ... တော်ဝင်မိသားစုက တစ်ယောက်ယောက်က သူတို့ရဲ့လက်ထက်ပွဲကိုကြေညာပြီလား..."

ယုအာမှာ ယခင်က နောက်ပြောင်နိုင်သော်လည်း တက်တူးနှင့်လူသားအကြောင်း တွေးမိသောအခါ တော်ဝင်မျိုးနွယ်ဖြစ်နေလျှင်ပင် မိုလီအား ပါးရိုက်ချင်လာသည်။ ယခုအခါ ၎င်းက ရှက်စဖွယ် နောက်ပြောင်မှုတစ်ခုဖြစ်ခဲ့သည်။

တော်ဝင်မိသားစု၏ သီးသန့်ကိုယ်ပိုင်အမှတ်အသားမှာ သူတို့၏ဘဝတစ်လျှောက်တွင် လူတစ်ယောက်ကို တစ်ကြိမ်သာပေးနိုင်ခြင်း ဖြစ်သည်။ အမှတ်အသားက သူတို့၏လက်တွဲဖော်များအတွက်သာဟု မဆိုလိုပေ။ အတိတ်တွင် တိုက်ပွဲအတွင်း ရဲဘော်ရဲဘက်အချင်းချင်း အသိအမှတ်ပြုပေးလေ့ရှိသော်လည်း ယခုအခါတွင် ဘဝတစ်သက်တာ အဖော်မွန်ကိုသာ ပေးလေ့ရှိသည်။

ကိုယ်ပိုင်အမှတ်အသားအား တော်ဝင်မိသားစုမှ ဖန်တီးထားသည်။ ပထမတွင် ပြည်သူလူထုအား ကြေညာလိမ့်မည်မဟုတ်ချေ။ တော်ဝင်မိသားစုမှလူများက သူတို့၏ဘဝသက်တမ်းတစ်လျှောက် အတူတူကုန်ဆုံးသွားချင်သည့် သူအား သူတို့၏အမှတ်အသားကိုပေးပြီးမှ ကြေညာလိမ့်မည်။

ထို့နောက် လက်ထက်ပွဲကျင်းပလိမ့်မည်။

"မဟုတ်ဘူး.."

ကုယွီမြန်၏ အမာခံပရိသတ်တစ်ဝက်၊ girlfriend fanပတစ်ဝက်ဖြစ်သော မိုလီက အချစ်နာကျရင်းပြန်ဖြေလိုက်သည်။

"သူတို့က ကြေညာဖို့ မစီစဥ်ထားလောက်ဘူး... အခုမြန်မြန်က သူ့ရဲ့အသက်မွေးဝမ်းကြောင်းမှာ ထိပ်ဆုံးရောက်နေပြီး တက်သစ်စကြယ်ပွင့်လေးလေ...ငယ်ငယ်ရွယ်ရွယ်နဲ့အိမ်ထောင်ပြုတာ မကောင်းဘူး..."

ယုအာ : "...."

"ငါ တော်ဝင်မိသားစုထဲမှာ လက်မထပ်ရသေးတဲ့သူလို့ မကြားဖူးသေးဘူး...နင်ရော ကြားမိလား... မင်းသားလေးလား...မဟုတ်လောက်ပါဘူး သူကငယ်လွန်းသေးတယ်.."

ယုအာ စဥ်းစားကြည့်လိုက်သည်။

"အရှင်ဧကရာဇ်က လက်မထပ်ရသေးဘူး..."

မိုလီ ပြောလိုက်သည်။

လူတိုင်းတိတ်ဆိတ်သွားသည်။

ညနေအထိ သူတို့တစ်ယောက်မှ မည်သူဖြစ်ကြောငိး မရှာနိုင်ခဲ့ချေ။ တော်ဝင်မိသားစုထဲတွင် လက်မထပ်ရသေးသည့်အပြင် ထင်ထင်ပေါ်ပေါ်နေရသည်အား မနှစ်သက်သောအရှင်ဧကရာဇ်၏မျက်နှာအား ဤတော်ဝင်မျိုးနွယ်ပေါက်စလေးများမှာ မမြင်ဖူးချေ။

တွေးကြည့်လေလေ ဖြစ်နိုင်ချေရှိလေလေပင်။

🐯🐯🐯

Prev Next