MM Story Teller

Chapter 73

Viewers 4k

🐯Chapter 73

တိတ်ဆိတ်၍ ရှုပ်ထွေးနေသောလေထုက သူတို့၏နောက်မှအခန်းထဲထိ လိုက်လာခဲ့ပြီး ကျိုးပျက်သွားသည်။ ရေပူစမ်းဗီလာမှ ယဥ်ကျေးသည့်အလုပ်သမားတစ်ယောက်က

အခန်းတံခါးရှေ့တွင် မတ်တပ်ရပ်ပြီး ဦးညွှတ်လိုက်သည်။

"မစ္စမိုလီ... ကျွန်တော်တို့ရဲ့လုပ်ငန်းအမှားကြောင့် မစ္စရဲ့အခန်းထဲက ရေပြောင်းလဲတဲ့စနစ်က ပျက်စီးသွားပါတယ်... အခန်းကိုပြန်ပြင်ရမှာမို့ အခန်းကို မေပယ်ဧရိယာကို ပြောင်းထားပေးပါတယ်..."

မေပယ်ဧရိယာက ကုယွီမြန်တည်ရှိသည့် 'လ'နယ်မြေနှင့် အဝေးဆုံးတွင်တည်ရှိသည်။ ၎င်းမှာ ရေပူစမ်းဗီလာ၏ အခြားတစ်ဖက်တွင် ဖြစ်လုနီးပါးပင်။ ဤရက်ပိုင်းအတွင်း၌ ကုယွီမြန်နှင့်မိုလီမ ထိပ်တိုက် မတွေ့စေရန်အတွက် ရေပူစမ်းဗီလာအား ကလေးဆန်သော

လူကြီးလူကောင်းတစ်ယောက်မှ ဝယ်ယူလိုက်သည်။

မိုလီ : "အာ..."

ထိုမျှနှင့် မပြီးသေးပေ။ အလုပ်သမားက မိုလီအားပြောပြီးနောက် ယုအာဘက်သို့လှည့်ကာပြောလိုက်သည်။

"တောင်းပန်ပါတယ် ကျွန်တော်တို့က လူမျိုးရေးခွဲခြားတဲ့သူကို မကြိုဆိုပါဘူး... သာမန်လူတန်းနဲ့ပတ်သက်တဲ့ ဆိုးရွားတဲ့ အယူအဆတွေကိုလည်း လက်မခံပါဘူး... ကျွန်တော်တို့မင်းအတွက် check-outလုပ်ပြီးပါပြီ... ကျွန်တော်တို့ဘက်က တောင်းပန်တာကို ဖော်ပြတဲ့အနေနဲ့ ငွေနှစ်ဆပြန်လျော်ပေးထားပါတယ်..."

ယုအာ : "ဟမ်..."

-----

ကုယွီမြန်နှင့် ရှို့ဟန်က လမ်းဆုံတွင် တစ်ယောက်နှင့်တစ်ယောက် နှုတ်ဆက်လိုက်သည်။

ရှို့ဟန်၏အခန်းနေရာမှာ ကုယွီမြန်၏ဘေးရှိ နှင်းလူသားဧရိယာတွင်ဖြစ်သည်။ ကုယွီမြန်က သူခရီးဆောင်အိတ်အားဆွဲ၍ အိမ်လေးထဲသို့ဝင်သွားပြီး မီးဖွင့်လိုက်သည်အထိ

စောင့်ကြည့်နေခဲ့သည်။ သူစဥ်းစားတတွေးတောရင်းဖြင့် ပြန်လာသည်။

ရှို့ဟန်တွင် အခန်းတစ်ခန်းရှိနေခဲ့သည်။ သူက အခန်းကတ်ဖြင့် ဖြတ်ဝင်သွားပြီး ကုယွီမြန်နှင့် အတူလိုက်မလာခဲ့ပေ။ ယခုအချိန်၌ ရှို့ဟန်နှင့်နှင်းကျားသစ်လေးကြားရှိ ဆက်စပ်မှုမှာ ဖြတ်တောက်ခံလိုက်ရသည်။ သူ၏သွေးဆောင်ဖျားယောင်းမှုများဖြင့် တွေ့ပြီးနောက် ထိုအတွေးများသေဆုံးသွားကာအနည်းငယ် မသေချာဖြစ်နေခဲ့သည်။

ထိုထက်ပို၍အရေးကြီးသည်မှာ...

ရှို့ဟန်ရဲ့အပြုအမူတွေအရ သူ ငါ့ကို လိုက်နေတာလား...

ကုယွီမြန် ကျောင်းသားဘဝတွင် ကောင်မလေးများထံမှ စာပေးခံရဖူးသော်လည်း အမျိုးသားတစ်ယောက်လိုက်ခြင်းခံရသည်မှာ ပထမဆုံးအကြိမ်ဖြစ်သည်။ ထို့ပြင် ရှို့ဟန်က

သာမန်ခံစားချက်ဖြင့် သူ့ကတ်များကို ကစားမည့်သူမဟုတ်ချေ။ ကုယွီမြန်မှာ သူက အချစ်တွင်ကျရှုံးရန် စိတ်ဝင်စားမှုမရှိကြောင်း ရိုးတိုးရိပ်တိတ် ပြောပြခဲ့သော်လည်း ရှို့ဟန်၏အပြုအမူများမှာ မရှင်းလင်းပေ။

ထို့ပြင် ခရီးဆောင်အိတ်များမထုတ်မီတွင် ရှို့ဟန်မှ သူ့အားမေးခွန်းမေးခဲ့သည်။

ရှို့ဟန်၏အနမ်းမှာ အမှန်တကယ် မမျှော်လင့်ထားသည့်အရာဖြစ်သည်။ သူက ယခင်ကဲ့သို့ မာနကြီးနေသော်လည်း

လိုချင်တပ်မက်မှုများမရှိချေ။ သူ နမ်းချင်သောကြောင့်သာ ဖိကပ်လိုက်သည့်ပုံပေါ်ပြီး ကုယွီမြန်မှာနှစ်စက္ကန့် သုံးစက္ကန့်ခန့် မတုံ့ပြန်နိုင်ခဲ့ချေ။

ရှို့ဟန်၏အသံက အလွန်တိုးပြီး ကျဥ်းမြောင်းသောနေရာတွင် ပဲ့တင်ထပ်နေကာ မျှော်လင့်ချက်နှင့်ပျင်းရိမှုမှာလည်း

မထင်မရှားနှင့် သူ၏အသံအား ပို၍ကြမ်းတမ်းသည့်ပုံပေါ်စေသည်။ ကုယွီမြန် တစ်ခဏမျှ သူ့နှလုံးသားထဲမြည်ဟိန်းသွားသကဲ့သို့ ခံစားလိုက်ရသည်။

ထိုအချိန်က ကုယွီမြန် သူ့အမေးအား ကြားလိုက်ရသည်။

"ကိုယ့်မွေးနေ့က မကြာခင်ရောက်တော့မှာ... မင်း လက်ဆောင်ပေးမှာလား..."

"...."

ကုယွီမြန် သူ့အတွေးများအား ပြန်ရုတ်သိမ်းလိုက်သည်။

မွေးနေ့လား... လက်ဆောင်ပေးတာပုံမှန်ဆိုပေမယ့်... သူနည်းနည်းတည်ငြိမ်သင့်တယ်လေ... ငါတို့ ဒီအကြောင်းကိုနောက်မှပြောသင့်တယ်...

ကုယွီမြန် သစ်သားတံခါးအား တွန်းဖွင့်လိုက်သောအခါ နှင်းကျားသစ်လေးက တံခါးဝတွင်ထိုင်ပြီး သူ့အားစောင့်နေသည်။ သူ့လက်သည်းလေးများဖြင့် တံခါးအားကုတ်ခြစ်ပြီး သဘောတူညီချက်အား ချိုးဖောက်သည်ဟု သူ့မျက်လုံးများဖြင့် ပြောနေခဲ့သည်။ မိနစ် ၃၀ကျော်သွားပြီဖြစ်သည်။

"အာ...ငါ့အမှားပါ..."

ကုယွီမြန် ခရီးဆောင်အိတ်အားချလိုက်သောအခါ စက်ရုပ်လေးမှ အလိုလျောက်လာသယ်ပေးသည်။ ထို့နောက် ပေါက်စလေးအားချီပြီး သူ့လက်ဖဝါးလေးကိုနမ်းကာ

ပခုံးပေါ်တင်လိုက်သည်။

"ငါနည်းနည်းနောက်ကျသွားတယ်... နောက်ဆို ခုလိုမဖြစ်စေရဘူးနော်..."

ကုယွီမြန်က နှင်းကျားသစ်လေး၏ လက်ဖဝါးများကို စစ်ဆေးကြည့်လိုက်သည်။ ၎င်းတို့မှာသန့်ရှင်းနေပြီး အပြင်ထွက်ထားသည့်ပုံမပေါ်ချေ။ သူ၏ ငွေရောင်အမွေးများမှာလည်း အလွန်သန့်ရှင်းနေကာ တံခါးဖွင့်ထားသည့် ပုံမပေါ်ချေ။

အာတိတ်မြေခွေးလေး၏ အမူအရာမှာလည်း ပုံမှန်ဖြစ်သည်။ အကယ်၍ နှင်းကျားသစ်လေးထွက်သွားလျှင် ပန်ဒါလေးမှာ သတိမထားမိနိုင်သော်လည်း လိမ္မာပါးနပ်သည့် မြေခွေးလေးမှာသေချာပေါက် သတိထားမိလိမ့်မည်။

သူ တုံ့ပြန်ခဲ့သေးလား...

"ကျီ..."

မြေခွေးလေးမှာ အလွန်စိုးရိမ်နေသော်လည်း စိတ်ထိန်းထားရသည်။ တံခါးဘောင်အားဆွဲ၍ သူ၏အမြှီးကြီးအားလှုပ်ယမ်းကာ ရှေ့သို့တိုးချင်သော်လည်း နှင်းကျားသစ်လေးကြောင့် မတိုးရဲပေ။ ပန်ဒါလေးမှာ ဖြေးငြင်းစွာရွှေ့လျားလာပြီး ကုယွီမြန်၏ ခြေထောက်အားဖက်ကာ

ရွှင်ပျပျအသံများ ပြုလုပ်နေသည်။

ကုယွီမြန် စိတ်မကောင်းဖြစ်သွားရသည်။ သူအပြင်သို့ နာရီဝက်ခန့်သာ ထွက်သွားသော်လည်း အလုပ်ခရီးကြောင့်အိမ်မှလအတတော်ကြာဝေးကွာသွားသည်ဟု ခံစားလိုက်ရသည်။ သူ အိမ်ပြန်လာသောအခါ ကလေးများမှာ သူ့အား သနားစဖွယ်စောင့်နေသည်ကို မြင်လိုက်ရသည်။

နောက်ဆို မင်းတို့ကိုလည်း အတူခေါ်နိုင်ဖို့ ကြိုးစားပါ့မယ်...

သူက ကလေးတစ်ယောက်ချင်းစီအား ချီ၍ နဖူးများကိုနမ်းပြီး မြေခွေးလေး၏လက်ဖဝါးကို ဆုပ်နယ်ပေးကာ ကလေးတိုင်း စိတ်ချမ်းသာစေရန်အတွက် ပန်ဒါလေး၏ဗိုက်လေးကိုလည်း ပွတ်ပေးခဲ့သည်။

ည၉နာရီတွင် ကုယွီမြန် သူ၏တိုက်ရိုက်ထုတ်လွှင့်မှုအား ထပ်မံလွှင့်ခဲ့သည်။

တိုက်ရိုက်ထုတ်လွှင့်မှု စတင်လိုက်သည်နှင့်တစ်ပြိုင်နက် ကြည့်ရှုသူအရေအတွက်မှာ အလွန်လျင်မြန်စွာ တိုးလာသည်။

"ဟဲလို ကျွန်တော်က တင်ဆက်သူ ကုယွီမြန်ပါ..."

ကုယွီမြန်က ကြည့်ရှု့သူများအား တောင်းပန်လိုက်သည်။

"အကြာကြီးစောင့်စေမိလို့ တောင်းပန်ပါတယ်... အပြင်မှာအသိတစ်ယောက်နဲ့တွေ့နေလို့ နောက်ကျသွားတယ်..."

ကြည့်ရှုသူများမှာ အဆင်ပြေသည်ဟု တညီတညွတ်တည်း ပြောကြသည်။ သူတို့က တိုက်ရိုက်ထုတ်လွှင့်မှုဖြင့်ပင်

စိတ်ကျေနပ်နေကြ၍ သူတို့ကို ချော့ရလွယ်ကူသည်။ ကုယွီမြန်အား ခွင့်လွှတ်စေချင်လျှင် သူတို့ကိုနမ်း၍ရကြောင်း လေးလံသောလေသံဖြင့် ပြောသည့်သူအချို့ပင်ရှိသည်။

ကုယွီမြန် ပြုံးလိုက်သည်။

"ကောင်းပြီ အခြားအကြောင်းတွေမပြောတော့ဘူး

အခု ကလေးတွေကိုရေပူစမ်းခေါ်သွားပေးမယ်နော်... ရေစိမ်ပြီးရင် သူတို့အမွေးတွေကိုဖြီးပေးမယ်… ညလယ်စာ အဆာပြေမုန့်စားပြီး အချိန်ကျတဲ့အခါ အိပ်ရာဝင်မယ်... အဆင်ပြေလား..."

နှင်းကျားသစ်လေးနှင့် မြေခွေးလေးတွင် အမွေးရှည်များရှိ၍ ဂရုမစိုက်လျှင် ထုံးသွားပြီး ဖြီးသည့်အခါ နာကျင်လိမ့်မည်။ ထို့ကြောင့် နေ့တိုင်းဖြီးပေးရန် လိုအပ်သည်။ ကုယွီမြန်က ကြည့်ရှုသူများ၏ ဖြီးသင်ပြင်ဆင်ပေးခြင်းအပေါ်

တုံ့ပြန်မှုမှာ မဆိုးကြောင်း ယခင်တိုက်ရိုက်ထုတ်လွှင့်မှုအရ သိထားသည်။ သူက တစ်ခါတစ်ရံ တိုက်ရိုက်ထုတ်လွှင့်မှုအတွက် ဤတင်ဆက်မှုအား ချန်ထားခဲ့သည်။

[အာ့ရွှယ်က သရဖူကိုလိုချင်တယ် : အမွေးတွေဖြီးတာ...အားးးး ငါလိုချင်တယ်... ငါဒီမှာရှိနေတာ အရင်တုန်းက မြန်မြန် သူတို့အအမွေးတွေကို ကျွမ်းကျွမ်းကျင်ကျင်ဖြီးပေးတာကြောင့်ပဲ...]

[တာတာ ဆော့စ် : ညစာကဘာလဲ...(￣ｑ￣) သရည်ယို...ခေါက်ဆွဲက အရသာရှိတယ် နောက်တစ်ပွဲထပ်လိုချင်တယ်... ခေါက်ဆွဲလေးထပ်ရနိုင််မလား... အနိုင်မရလို့နာကျင်နေပါပြီ...]

[ကြောင်ကလေးရဲ့မြောင် : မြန်မြန်က ရေဘဝဲခေါက်ဆွဲစားမယ်လို့ ပြောတာကြားမိသလားလို့...ရေပူစမ်းကိုမျှော်လင့်နေမိပြီ... ချိုက်ခဲ့ရှန် (Chaikeshan)ကိုသွားဖို့ ပိုက်ဆံမရှိပေမယ့် ချိုက်ခဲ့ရှန်မှာ မြန်မြန်နဲ့အတူ အားလပ်ရက်

အချိန်ဖြုန်းမယ့်ကြောင်လေးက ငါပဲ...]

[ Chaikeshanက အခုရောက်နေတဲ့ ရေပူစမ်းဟိုတယ်နာမည်ပါ ]

ကုယွီမြန်၏ ကြည့်ရှုသူများ၏ အားပေးနှုန်းက အလွန်မြင့်မားသည်။ တိုက်ရိုက်ထုတ်လွှင့်မှု အလယ်တွင် မိနစ်၄၀ခန့်ဖြတ်တောက်ခံခဲ့ရသော်လည်း ပြန်လည်တိုက်ရိုက်ထုတ်လွှင့်ပြီးနောက် ကျော်ကြားမှုအား မထိခိုက်ခဲ့ပေ။ သူ၏စတူဒီရိုက မကြာမီတွင် အဓိကစာမျက်နှာ၏ လူကြည့်အများဆုံး ကျော်ကြားသည့်စာရင်းတွင် ထိပ်ဆုံး၅နေရာသို့ ရောက်သွားသည်။

ကုယွီမြန်၏ ကံစမ်းမဲနှင့်လက်ဆောင်များဖြင့် ဖြတ်ရိုက်ခံရသောအခါ အခြားတင်ဆက်သူအများအပြား၏သွားများကျိုးလုနီးပါးပင်။

"ရေဘဝဲကိုနောက်မှစားရအောင်... ဒီနေ့က နည်းနည်းနောက်ကျနေပြီမို့ အစာချေဖို့လွယ်ကူတဲ့ အဆာပြေမုန့်အသေးစားလေးတွေ လုပ်ပေးမယ်..."

ကုယွီမြန်က ရေပူစမ်းတွင် ကိုယ်တိုင်စိမ်ရန် အစီအစဥ်မရှိချေ။ ကလေးများသက်သောင့်သက်သာရှိနေစေရန် ရေစိမ်ပြီးနောက် သူတို့၏ အမွေးများကို ဖြီးသင်ပေးချင်ရုံသာဖြစ်သည်။ သားပေါက်စလေးများအား ဂရုစိုက်ခြင်းမှ ရရှိလာသည့် ပျော်ရွှင်မှုက ရေပူစမ်းစိမ်ရခြင်းထက် ပိုများသည်။

ဆပ်ပြာရည်အား ပြင်ဆင်ပြီးနောက် ကုယွီမြန်က ရေကန်ထဲတွင်ထိုင်လိုက်ပြီး ရေချိုးစက်ရုပ်အားပြင်ဆင်ကာ

ပျော့ပျောင်းသည့်အခင်း ခင်းပြီး အစွန်းများတွင် အကာအကွယ်ပစ္စည်းများ တပ်ဆင်လိုက်သည်။ ကလေး၃ယောက်အတွက် ရေချိုးပဝါများ၊ ဘရတ်ရှ်နှင့်ဆပ်ပြာရည်များကိုလည်း ပြင်ဆင်ထားသည်။ သူက အဆာပြေမုန့်သေးသေးလေးများနှင့် ဖျော်ရည်အား ရေကန်ဘေးရှိ

ပန်းကန်လေးများပေါ်တွင် တင်ထားသည်။

"ရေပူစမ်းစိမ်တာက အရမ်းရေဆာလာစေလိမ့်မယ်... ဒါကြောင့် လတ်ဆတ်တဲ့ ဖျော်ရည်လေးတွေပြင်ဆင်ထားတယ်..."

ဆောင်းရာသီတွင် အေးသည့်တစ်စုံတစ်ခုအားသောက်ရန် မသင့်လျော်ချေ။ ကုယွီမြန်က ဘလူးဘယ်ရီနှင့်သံပုရာရည်အား အခန်းတွင်းအပူချိန်ဖြင့် ပြင်ဆင်ထားပြီးနောက် အခြားပူနွေးသည့်တစ်ခုခုအားလုပ်ရန် စီစဥ်ထားသည်။ ယခုအချိန်၌ လက်ဖက်ရည် လုပ်ရမည်လား နွားနို့ပူပူလုပ်ရမည်လားကို သူ မဆုံးဖြတ်ရသေးချေ။ ရေပူစမ်းထဲမှထွက်လာပြီးနောက် အနည်းငယ် အေးမည်ဖြစ်၍ နွားနို့မှာ ကောင်းမွန်သည့်ရွေးချယ်မှု ဖြစ်လိမ့်မည်။

သူ ပြင်ဆင်နေသည့်အချိန်တွင် ပန်ဒါလေးမှာ သူ့ဗိုက်အားပွတ်ပြီး ဗလာဖြစ်စွာကြည့်ကာ ပြင်းပြင်းထန်ထန်လက်ခုပ်တီးသည်။ မြေခွေးလေးမှာ အလွန်ဥာဏ်ကောင်းပြီး သူ့၏ဘေးတွင် ထိုင်နေခဲ့သည်။ ကုယွီမြန်နောက်သို့ လှည့်လာသောအခါ သူရှာနေသည့် ပန်းကန်လေးအားတွန်းပို့လာသည်။ မြေခွေးလေးက အလွန်ရှက်ရွံ့ပြီး နှစ်ကြိမ်ခန့်အော်မြည်လိုက်သည်မှာ အလွန်ချစ်စရာ ကောင်းပေသည်။

နှင်းကျားသစ်လေး :"...."

ကုယွီမြန်မှာ နှင်းကျားသစ်လေးနှင့် မြေခွေးလေးမှာ တက်ကြွနေလိမ့်မည်ဟု မမျှော်လင့်ခဲ့ချေ။ သူတို့ ကုယွီမြန်အားမည်သို့ကူညီနိုင်မည်ကို‌ စဉ်းစားနေသည်။ နှင်းကျားသစ်လေး ဦးစွာလုပ်ခဲ့ပါက ကုယွီမြန်၏ချီးကျူးမှုအား ဦးစွာခံယူရမည်ဖြစ်သည်။ မြေခွေးလေးမှာ ကုယွီမြန်အားတွေဝေစွာကြည့်ပြီး အနည်းငယ်အကူညီမဲ့နေခဲ့သည်။

ကုယွီမြန် "..."

"ထွမ်ထွမ်..."

ကုယွီမြန် ချက်ချင်းစိတ်ဓါတ်ကျသွားရပြီး နှင်းကျားသစ်လေးတွေးနေသည့် အရာများမှာ ပြောပြရန်ခက်ခဲသွားသည်။ သူ သက်ပြင်းချလိုက်ပြီး နှင်းကျားသစ်လေးနှင့်မြေခွေးလေးအား လက်မောင်းထဲသို့ချီလိုက်သည်။

"ကောင်းပြီ ကိုယ့်ဘာသာပဲလုပ်လိုက်မယ်နော်... ထွမ်ထွမ်၊ ယွမ်ယွမ်၊ နဲ့ချိုးချိုး သုံးယောက်လုံးကချစ်ဖို့ ကောင်းတယ် ဟုတ်ပြီလား..."

ပန်ဒါပေါက်လေးက တုံ့ဆိုင်းခြင်းမရှိဘဲ ကုယွီမြန်၏လက်ကိုကိုင်ကာ သဘောတူခဲ့သည်။

" အီ..."

[အလှကုန်တွေကို လွှင့်ပစ်မယ် : ဟားဟားဟား… ချစ်ဖို့ကောင်းခြင်းရဲ့အဖိုးအခပဲ... ကောင်းပြီ အလုပ်ပြီးမြောက်အောင် အကောင်းဆုံးကြိုးစားပါ့မယ်...]

[မိုင်းတွင်းထဲမှာ မိသားစုတစ်ခုရှိတယ် : ထွမ်ထွမ်က အရမ်းသနားစရာကောင်းတယ်… အရင်ကနေ အခုချိန်ထိသူက အရှေ့နန်းဆောင်ရဲ့တစ်ဦးတည်းသော အချစ်တော်လေးဖြစ်ခဲ့တာ... ခုတော့ သုံးပုံတစ်ပုံလောက် အလျှော့ချခံလိုက်ရပြီ...သနားပါတယ်...]

[ငါနူးညံ့တာကို အရမ်းကြိုက်တယ် : အရှေ့နန်းဆောင်က တစ်ဦးတည်းသော အချစ်တော်တဲ့လား… အကိုမင် မင်းကပရိသတ်အဟောင်းရောဟုတ်ရဲ့လား... တင်ဆက်မှုသေးသေးတွေကနေ ဦးနှောက်ဆေးခံလိုက်ရတာလား...]

[အလှလေး : ဒီမိသားစုက အရမ်းချစ်ဖို့ကောင်းတာပဲ... ငါ သူတို့စားတာ အိပ်တာကိုတစ်နေကုန် ဘာမှမလုပ်ဘဲ ကြည့်နေနိုင်တယ်...]

ကြည့်ရှုသူများက ပန်ဒါလေး၏ရှု့ထောင့်မှ ကြည့်နေခဲ့ကြသည်။ သူတို့က ကုယွီမြန်နှင့် ကလေးများကြားရှိအပြန်အလှန် ဆက်ဆံရေးကို စိတ်ဝင်စားရုံသာမက ပါဝင်နစ်မြောလာသည်။ တမင်တကာ ဖန်တီးယူရန်မလိုသည့်

မိသားစုခံစားချက်နှင့်ငြိမ်းချမ်းစွာ နေထိုင်သောမိသားစု၏နွေးထွေးမှုက အတိတ်အားတသသဖြစ်စေကာ အခြားတင်ဆက်မှုများကိုကြည့်ရန်အတွက် ထွက်ခွာရမည်အား တွန့်ဆုတ်စေသည်။

ကောင်းကင်ပေါ်တွင် တောက်ပသောလမင်းကြီးက ချိတ်ဆွဲလျက်ရှိသည်။ ဆောင်းရာသီတွင် လမင်းကြီးနှင့်အလင်းရောင်များက ရေပူစမ်းမျက်နှာပြင်ပေါ်၌ တလက်လက်

အရောင်ပြန်နေသည်။ နွေးထွေးသောအဖြူရောင်အခိုးငွေ့များက သူတို့ခန္ဓာကိုယ်၏ လက်မတိုင်းကိုပွေ့ဖက်ထားသည်။ ရေငွေ့များက နှာခေါင်းထဲသို့ သစ်ရွက်နံ့

ခပ်ဖျော့ဖျော့ဖြင့် တိုးဝင်လာပြီး ရေများက တပွက်ပွက်ဆူပွက်နေသည်။

လူအနည်းငယ်ကသာလျှင် ဤမိသားစု၏ ခေါက်ဆွဲပူပူစားခြင်း၊ ရယ်မော၍စကားပြောခြင်း၊ ရေပူစမ်းစိမ်ခြင်း၊ အအမွေးများအား ဖြီးသင်၍ အိပ်ခြင်းတို့အား ခုခံနိုင်သည်။

သူတို့မအိပ်မီတွင် နှင်းများအားမြင်နိုင်သည်။

ယခုအချိန်က ၉နာရီရှိပြီဖြစ်ပြီး တိုက်ရိုက်ထုတ်လွှင့်မှု၏ ကြည့်ရှုနှုန်းမှာ ၇နာရီနှင့်ယှဥ်လျှင် လျော့နည်းသွားသည်။

သို့သော် ကုယွီမြန်တိုက်ရိုက်ထုတ်လွှင့်မှု၏ ကျော်ကြားမှုမှာ ကြားတွင် ရပ်သွားပြီးနောက် တစ်ဖန်ထပ်၍ ထိပ်ဆုံးသို့

ထပ်မံရောက်ရှိသွားသည်။ ကြည့်ရှုသူအများဆုံးကျော်ကြားသည့် စာရင်းတွင် ထိပ်ဆုံး၃နေရာသို့ရောက်သွားပြီး အချိန်တိုအတွင်း ထိပ်ဆုံးသို့ ထပ်မံရောက်ရှိသွားသည်။

"ထွမ်ထွမ်၊ ယွမ်ယွမ်၊ ချိုးချိုး မင်းတို့ရဲ့လက်ဖဝါးတွေသုတ်ဖို့ တန်းစီမယ်နော်..."

ရေပူစမ်း၏ အကျယ်နှင့်အမြင့်က ဧည့်သည်ပေါ်မူတည်ပြီး အလိုလျောက် ချိန်ညှိလိမ့်မည်။ ကုယွီမြန်မှ ကလေးသုံးပုံစံသို့ ပြောင်းလိုက်သောအခါ ရေကန်မှာ ကျဥ်းမြောင်းသွားပြီး ရေက ပန်ဒါလေး၏ဗိုက်အထက်သာ ရှိတော့သည်။ သေးငယ်သော နှင်းကျားသစ်လေး နှင့်မြေခွေးလေးဆိုလျှင်ပင် သူတို့ခြေချလိုက်သည့်အခါ ရေများက နှာခေါင်းနှင့်ပါးစပ်ထဲသို့ မဝင်နိုင်တော့ချေ။

သို့သော် ကုယွီမြန်က ကလေးများ၏ လက်ဖဝါး၊ခြေဖဝါးများကိုသုတ်ရန် လိုအပ်သေးသည်။ ၎င်းက နောက်ပိုင်း ထသည့်အခါ ချော်လဲခြင်း၊ ထိခိုက်မိခြင်းတို့အား ရှောင်ရှားရန် ဖြစ်သည်။ မြေခွေးလေးနှင့်ပန်ဒါလေးတွင် နှင်းကျားသစ်လေးအပေါ် နားမလည်နိုင်သည့် လေးစားမှုများ

ရှိနေခဲ့သည်။ သူတို့ တန်းစီလိုက်သော်လည်း နှင်းကျားသစ်လေးအား ရှေ့တွင်ထားခဲ့သည်။ သူက ကုယွီမြန်၏ လက်မောင်းများပေါ်တွင်မေးတင်၍ ခြေဖဝါးကို ပျင်းရိစွာဆန့်ပြီး

ကုယွီမြန်၏လက်ဖဝါးပေါ်တင်လိုက်သည်။

ကုယွီမြန်က နှင်းကျားသစ်လေးအား ကြောင်အကြီးစား ဟု စနောက်လေ့ရှိသော်လည်း သူက အမှန်တကယ်တွင် အလွန်ကွဲပြားသည်။

ဥပမာအားဖြင့် အရွယ်ရောက်နှင်းကျားသစ်တစ်ကောင်၏လက်သည်းက ကြောင်ထက် ကြီးမား၍ ကျယ်ပြန့်သည်။ လက်သည်းများသိမ်းလိုက်သောအခါ လက်ဖဝါးက ပို၍ထူကာနူးညံ့သည်။ မြေခွေးလေး၏လက်ဖဝါးကအလွန်သေးငယ်ပြီး မနူးညံ့သော်လည်း အလွန်ချစ်စဖွယ်ကောင်းသည်။ ပန်ဒါလေး၏ ခန္ဓာကိုယ်တစ်ခုလုံးက လုံးဝန်းပြီးလှိမ့်နေသည်။ ကုယွီမြန်မှာ သူ၏ရှေ့လက်ဖဝါးကိုသာ သုတ်ပေးရန်လိုအပ်သည်။

သူက ဟိုတစ်ယောက်၊ သည်တစ်ယောက် လက်ဖဝါးများကို ဖျစ်ညှစ်ပြီးနောက် သူ့ကလေးများအား ပွဲထုတ်ချင်စိတ် ပြင်းပြလာသည်။

[ဆိုဒါ : တစ်ချိန်တည်းမှာပဲ ငါလူသားနဲ့ ကလေးတွေအတွက် အရမ်းပျော်မိတယ်...]

[ထွမ်ဇီ : ကလေးတွေက အရမ်းချစ်ဖို့ကောင်းတယ် ကောင်လေးက လက်ဖဝါးတွေကိုစွဲလန်းနေတာကလည်းချစ်ဖို့ကောင်းတယ်... ငါဒီသံပရာသီးကို ကိုင်ထားမယ်... ဘယ်သူကချဥ်မလဲဆိုတာတော့ မသိဘူး...]

ကုယွီမြန်က မှတ်ချက်မျက်နှာပြင်အား ကြည့်ပြီး မနေနိုင်ဘဲ ရယ်လိုက်မိသည်။ သူက ရေပူစမ်းအားကိုယ်တိုင်ပြင်ဆင်မိသည့်အတွက် တာဝန်ရှိပြီး ကလေးများမှာ

ချစ်စရာကောင်းနေသည့်အတွက် တာဝန်ရှိသည်။ ပုဂ္ဂိုလ်ရေးအရ သူတို့အားလုံး အလုပ်ကောင်းကောင်းလုပ်ခဲ့သည်ဟု ထင်သည်။

"အင်း... ရေပူစမ်းကိုသွားကြရအောင်..."

🐯🐯🐯

Prev Next