Chapter 74

🐯Chapter 74

ကုယွီမြန် ယခင်က တာ့ခ်တွင် နှင်းကျားသစ်လေးအတွက် 'ရေပူစမ်း' လုပ်​ပေးခဲ့ဖူးသည်။ သို့သော် ရေပူစမ်းအစစ်မဟုတ်​ဘဲ ရေချိုးရုံအတွက်သာ ဖြစ်၏။ ဤကဲ့သို့သော 

ရေပူစမ်းဗီလာရှိ ရေပူစမ်းမှာ ၎င်းတို့၏ ဓါတ်သတ္တုဓာတ်ပါဝင်မှုများသောကြောင့် ရေပူစမ်းဟုခေါ်ခြင်းဖြစ်သည်။ 

ရေပူစမ်းသုံးခြင်းဆိုင်ရာ ကျင့်ဝတ်ထုံးထမ်းတစ်ခုရှိ​သော်လည်း ဤမျှတင်းကျပ်ခြင်းမရှိဘဲ အ​ပျော်သဘောမျိုးသာ ဖြစ်သည်။

"​ကောင်းပြီ ​ရေမစိမ်ခင် ငါတို့ ရိုးရိုးရေအရင်ချိုးမယ်…"

ကုယွီမြန်က ကလေးများ၏ ခြေဖဝါးများကို တစ်ယောက်ပြီးတစ်ယောက် သုတ်​ပေးပြီး ပြောလိုက်သည်။ 

"ဘယ်သူအရင်လာချင်လဲ... ထွမ်ထွမ်တော့ မရဘူး..."

သူက နှင်းကျားသစ်​လေး၏လက်ဖဝါးများကို သုတ်​ပေးရုံသာဖြစ်သည်။ အရာအားလုံး တရားမျှတရန် လိုအပ်သည်။ 

နှင်းကျားသစ်လေးမှာ မပျော်​တော့ချေ။ သူက ကုယွီမြန်၏ လက်ဖဝါးများကို ဒေါသတကြီးဖြင့်အေးစက်စွာ တွန်းထုတ်လိုက်သည်။ သို့​သော် ဘက်မလိုက်မှုအား အ​လေးထားသည့် မိဘတစ်ဦးအ​နေဖြင့် ကုယွီမြန်မှာ က​လေးများအား အထူးကိစ္စများ လုပ်ရာတွင် အလိုမလိုက်​ချေ။ ငြင်းရုံဖြင့်လည်း မလုံ​လောက်​ပေ။

ကုယွီမြန်က ပန်ဒါ​လေးနှင့် မြေခွေး​လေးအား သူတို့ အကြိုက်ဆုံး စုံစမ်စိကစားနည်းအား ကစား​စေသည်။ ပန်ဒါလေး၏ မျက်လုံးဝိုင်းဝိုင်းများမှာ ကုယွီမြန်၏လက်များနှင့် မြေခွေးလေး၏အမြှီးဖွာဖွာကြီးအား ကြည့်နေခဲ့သည်။ကံမကောင်းစွာဖြင့်  သူရှုံးသွားပြီး ကုယွီမြန်က မြေခွေးကို အရင်ရွေးလိုက်သည်။

[2567 မင်းလိုပဲ :အမ်… မင်း ရေပူစမ်းထဲကို မဝင်ခင် ဘာလို့ရေချိုးတာလဲ... ရေပူစမ်းဆိုတာကလည်း ရေချိုးတာပဲလို့ ထင် နေတာ...]

"ဒီရေပူစမ်းငယ်လေးက အများသူပြည်ပိုင်​နေရာတစ်ခု​လေ..."

ကုယွီမြန် သူ့ခေါင်းအားယမ်းလိုက်သည်။ 

"မင်း​တို့ ရေပူစမ်းထဲမဝင်ခင် ကိုယ့်ကိုကိုယ် သန့်ရှင်းလိုက်တဲ့အတွက် ​ရေပူစမ်းကို မညစ်ပတ်​စေ​တော့ဘူး... ရေရဲ့အပူချိန်နဲ့ ကြိုညှိပြီး အပူမလောင်အောင်လည်း ကာကွယ်နိုင်ပါတယ်..."

ရေပူစမ်း အပြင်ဘက်မှာ ကျောက်တုံးများဖြင့် ဝန်းရံထားသည်။ ကုယွီမြန်က မျက်နှာသုတ်ပဝါများ၊ ဗန်းများနှင့် ပုံးများအား ရေကူးကန်၏အစွန်းတွင် တင်ထားသည်။

ကုယွီမြန်က ​ရေပုံး​လေးဖြင့် ရေပူစမ်း၏​ရေထွက်ပေါက်မှ ​ရေအနည်းငယ်ခပ်ယူလိုက်သည်။ မြေခွေး​လေး သူ့အမွေးများကို ရေစိုသည့်ခံစားချက်နှင့် အသားမကျမည်အား စိုးရ်ိမ်၍ ပထမဦးစွာ မျက်နှာသုတ်ပုဝါကိုစိမ်ပြီး ညှစ်ကာ မြေခွေးလေး၏​ခန္ဓာကိုယ်ဘေးအား နူးညံ့စွာ သုတ်​ပေးလိုက်သည်။

သူက မြေခွေးလေးအတွက် အထူးပြုလုပ်ထားသည့် ဆပ်ပြာအား လက်ဖဝါးထဲတွင် ပူဖောင်းများထွက်လာသည်အထိပွတ်ပြီး ခန္ဓာကိုယ်တစ်ခုလုံးအား နှံ့သွားသည်အထိ ပွတ်တိုက်​ပေးသည်။ နားရွက်အနောက်မှစ၍ ရှည်လျားထူထပ်​သော အာတိတ်​မြေ​ခွေး​လေး၏နှင်းဖြူ​ရောင်အမွေးများတစ်​လျှောက် သွားသည်။

ထို့နောက် ​ရေတစ်ခွက်ခပ်၍ ရေအနည်းငယ်အား မြေခွေးလေးအ​ပေါ်  ဖြန်းပေးသည်။ နူးညံ့သော ဘရတ်ရှ်လေးအားသုံးပြီး ဆပ်ပြာအမြှုပ်များကို ဆေးကြောလိုက်သည်။ ထို့​နောက် ​ရေပူစမ်းထဲမှရေအပူချိန်အား စမ်းကြည့်ပြီး သူအဆင်​ပြေမ​ပြေအားကြည့်ရှု​ပေးသည်။

မြေခွေးလေးအား ရေချိုး​ပေးသည့်အချိန်တွင် ကုယွီမြန်၏ ပခုံးပေါ်မှာရှိ နှင်းကျားသစ်လေးမှာ မ​ပျော်ရွှင်ဘဲ သမ်း​​​ဝေ​နေသည်။

ပန်ဒါလေးက သင်ယူ​နေဆဲပင်။ ကုယွီမြန် မျက်နှာသုတ်ပုဝါအား ယူလိုက်​သောအခါ သူကလည်း ချီးမွမ်းခံရရန်အတွက် ခေါင်းပေါ်၌ မျက်နှာသုတ်ပုဝါသေးသေးလေးအား တင်ထားသည်။ သူ၏ရိုးသားပြီး ချစ်စရာကောင်းသည့် အသွင်အပြင်ကြောင့် ကုယွီမြန် မရယ်ဘဲ မ​နေနိုင်ခဲ့​ချေ။

[tgx772: ရွှယ်ထွမ်​၏​လေးရဲ့ ပျော်ရွှင်ခြင်း (မဟုတ်)​​တွေက သူ့မျက်နှာတစ်ခုလုံးမှာ ​ရေးထားတယ်..jpg..]

[​ကြောင်​လေးရဲ့​မြောင် : မြန်မြန် ပြုံးပြန်ပြီ...အရမ်းကောင်းတယ်... ငါ မြန်မြန်ရဲ့ပါးချိုင့်လေးတွေကို 

အရမ်းချစ်တယ်... အစ သူ့ရဲ့ တာ့ခ်တိုက်ရိုက်ထုတ်လွှင့်မှုကနေ  အခုအချိန်အထိ မြန်မြန်ရဲ့မျက်နှာ​ပေါ်မှာ အပြုံးတွေ ပိုများလာခဲ့တယ်... မြန်မြန်အနာဂတ်မှာ ပိုပိုပြီး

ပျော်ရွှင်နိုင်လိမ့်မယ်လို့ မျှော်လင့်ပါတယ်... မီးရှူးမီးပန်းများ အချို့ပို့လိုက်တယ်...]

စက္ကန့်တိုင်းတွင် ပရိသတ်အသစ်များစွာ ဝင်လာသည်။ ယခုအချိန်က အနည်းငယ်နောက်ကျ​နေသော်လည်း ကုယွီမြန်၏ တိုက်ရိုက်ထုတ်လွှင့်မှုစတူဒီယိုရှိ စုစုပေါင်း​ကျော်ကြားမှုနှင့် လူအရေအတွက်မှာ အလွန်လျင်မြန်စွာအရှိန်မြင့်လာသည်အား တွေ့ရသည်။ မြေခွေးလေးက ခွေးမဟုတ်သော်လည်း သူ့၌ ခွေးနှင့်တူ​သောမျိုးနွယ်မှ အမူအကျင့်များစွာရှိ​နေသည်။ အကြီးမားဆုံး​သောအမူအကျင့်မှာ သူက အလွန်နာခံတတ်ပြီး ဥာဏ်​ကောင်းသူဖြစ်သည်။သို့သော် အပြင်ပိုင်း အသွင်အပြင်မှာစမတ်ကျသည့်ကလေးတစ်ယောက်ကဲ့သို့ဖြစ်နေ​သော်လည်း သူက အနည်းငယ် စာအုပ်ကြီးဆန်ပြီး ​ပျော့​ပျောင်းမှုမရှိဘဲ လူအများနှင့် ဆက်ဆံရာတွင် အဆင်မပြေ​ချေ။

​ရေချိုးသည့်အချိန်၌ နှင်းကျားသစ်​လေးနှင့် ပန်ဒါလေးမှာ လှည့်ပတ်သွားလာလိမ့်မည်ဖြစ်သော်လည်း မြေခွေးလေးမှာ မတ်မတ်သာထိုင်နေခဲ့သည်။ ကုယွီမြန်က သူ့လက်များကိုမြှောက်ပြီး ခေါင်း​မော့ခိုင်းလိုက်သည်။ ​မြေ​ခွေး​​လေးမှာ အနည်းငယ်ရှက်ပြီး ​ကြောက်ရွံ့တတ်သည်။ ကုယွီမြန်က သူသက်​သောင့်သက်သာမဖြစ်လျှင် ချက်ချင်း သတိပြုနိုင်ရန်အတွက် အလွန်ဂရုစိုက်ခဲ့သည်။

မြေခွေးလေးမှာ သူငယ်စဉ်ကတည်းပင် အခြားသူများအား ဒုက္ခမပေးတတ်သည့်အကျင့်ဖြင့် ကြီးထွားလာပုံရသည်။ 

သူက အခြားလူများအတွက် အရေးကြီးလေလေ ပို၍သတိထားလေလေပင်။

"ဘရတ်​ရှ်လေးကို မကြိုက်ဘူးလား…" 

ကုယွီမြန် မေးလိုက်ပြိီး ဘရတ်ရှ်လက်ကိုင်ပေါ်ရှိ ဆဆပ်ပြာအမြှုပ်များကို ရေ​ဆေးပစ်လိုက်သည်။ သူက ဘရတ်ရှ်အား အသုံးပြုမည့်အစား မြေခွေးလေး၏အ​ရေပြား​အား

သူ့လက်ချောင်းထိပ်များဖြင့်  နူးညံ့ညင်သာစွာ ပွတ်သပ်​ပေးပြီး  ဆပ်ပြာအမြှုပ်များကို ဖယ်လိုက်သည်။

"နောက်တစ်ခါ ကြိုက်ရင်ပြော​လေနော်... တစ်ခါ​ပြောရင် ဘီစကစ်တစ်ခု ဆုချမယ်..."

ထို့နောက် သူ့လက်အား ​ရေ​ဆေးလိုက်ပြီး ပန်းကန်ပြားလေးအား ယူလိုက်သည်။ မျှော်လင့်ထားသည့်အတိုင်း မြေခွေး​လေးက ဘီစကစ်သေးသေးလေးအား ကောက်လိုက်သည်။ ၎င်းမှာ ကလေးများ၏အာသီသအတွက် အထူးပြုလုပ်ထားသည့် မုန့်ဖြစ်သည်။ ဘီစကစ်ထဲတွင် သကြား၊ဆား၊ကိုကိုးမှုန့်နှင့် အခြား ကိုယ်တွင်းအင်္ဂါများကို

အန္တရာယ်ဖြစ်စေနိုင်သည့်အရာများ မပါချေ။ အဓိကပါဝင်ပစ္စည်းများမှာ ချိစ့်၊နွားနို့အတုနှင့် အခြား အခွံ့မာအ​​စေ့အဆံများသာ ဖြစ်သည်။

ကုယွီမြန်က ဘီစကစ်များအား ပုံသွင်းရန်အတွက် အထူးပုံစံငယ်များကို အသုံးပြုခဲ့သည်။ ဘီစကစ်များမှာ အသဲပုံ၊ဝါး​ချောင်း​သေး​သေး​လေးပုံစံ၊​ လေးပုံစံ၊ စ​တော်ဘယ်ရီ အစရှိသဖြင့်ဖြစ်သည်။

အမှန်တကယ်တွင် နှင်းကျားသစ်​လေးနှင့် ပန်ဒါလေး နှစ်​​ယောက်စလုံး သူတို့ကိုယ်တိုင် များစွာယူစားဖူးသည်။အထူးသဖြင့် ကုယွီမြန် အပါအဝင် တစ်အိမ်လုံး​၏ခေါင်း​ဆောင်အဖြစ် သူ့ကိုယ်သူ သတ်မှတ်ထားသည့် နှင်းကျားသစ်လေးပင်ဖြစ်သည်။ သူစိတ်ပါသည့်အခါ ကုယွီမြန်ဖုတ်ထားသည့် မုန့်အပိုင်းအစများအား ယူစားလိမ့်မည်။

ဘီစကစ်အား သူ့လက်ဖဝါး​လေးဖြင့်ကိုင်ကာ ခိုး​ကြောင်ခိုးဝှက်ဖြင့် တတိတိကိုက်စား​နေသည့် ပန်ဒါ​လေးအား ကုယွီမြန်က ဖမ်းမိလိုက်သည်။ သူ၏ ချစ်စရာကောင်းမှုအား

ကြည့်ပြီး ကုယွီမြန်၏ နှလုံးသားမှာ ထိုးနှက်ခံလိုက်ရသည်။​ မြေ​ခွေး​လေးသာလျှင် သည်းခံ​နေသူဖြစ်သည်။ ကုယွီမြန်မှ မလုပ်နှင့်​ပြောလျှင် သူလုပ်လိမ့်မည်မဟုတ်​ချေ။

မြေခွေးလေးက ပထမဆုံး အံ့အားသင့်သွားပြီး ပန်းကန်ပြားအား ကြည့်ပြီးနောက် ဘီစကစ်တစ်ခုချင်းဆီတိုင်းအား  သူစားချင်ကြောင်း သိရှိသွားသည်။ အဆုံးတွင် သူက စတော်ဘယ်ရီသီးသေးသေးလေးနှင့် လေးပုံစံ ဘီစကစ် အကြားတွင် တုံ့ဆိုင်း​နေကာ သူ၏အမြီးကြီးမှာ ငိုက်ရိုက်ကျ​နေလေသည်။

ကုယွီမြန်က သာမန်ကာလျှံကာ ထပ်​ပြောလိုက်သည်။

"မင်းမကြိုက်တဲ့အရာတစ်ခုခုကို ပြောပြရင် ဘီစကစ်လေးတစ်ခု ဆုချမယ်..."

မြေခွေးလေး : "..." 

သူက ကုယွီမြန်အား အနည်းငယ် မကျေမနပ်ဖြစ်စွာကြည့်ပြီး သူ့အမြီးအားယမ်းလိုက်သည်။ ကုယွီမြန်က သူ့အား လှုပ်ရှားခွင့်မ​ပေး​ကြောင်း ​သေချာသိသွား​​သောအခါ 

သူ၏မျက်နှာ​လေး​ပေါ်တွင် သိသာထင်ရှားသည့် ရုန်းကန်မှုတစ်ခု ပေါ်လာသည်။ သူက ကုယွီမြန်အား ဒုက္ခမပေးချင်​သော်လည်းကုယွီမြန် ဖုတ်ထားသည့် ဘီစကစ်အား လိုချင်သည်။

"မင်း မကြိုက်တာလဲ ဘာရှိလဲ..."

မြေခွေး​​လေးက တခဏမျှ ငြိမ်သက်သွားပြီး အဆုံးတွင် စိတ်ပိုင်းဆိုင်ရာ တည်ဆောက်မှု ပြီးသွားပုံရသည်။သူ့လက်ဖဝါး​​လေးက ကုယွီမြန်၏အဝတ်အစားများကို ဆွဲလိုက်ပြီး လူငယ်လေး၏လက်​မောင်းထဲသို့ သူ့ကိုယ်သူ ဂရုတစိုက်တိုးဝင်လိုက်သည်။

"ကျီ..."

မြေကြီး​ပေါ်မှာ ထိုင်ရတာကိုမကြိုက်ဘူး ချီထား​စေချင်တယ်... ဘီစကစ်စားလို့ရပြီလားဟင်...

မြေခွေးလေးက ကုယွီမြန်အား ရှက်ရွံ့စွာ ကြည့်ပြီး သူ့မျက်လုံးများကို လက်သည်းများဖြင့်အုပ်ထားသည်။

ကုယွီမြန် : "..."

ကုယွီမြန်၏ နှလုံးသားမှာ ချစ်စရာကောင်းမှုဖြင့် ထိုးနှက်ခံရသည်။ သူ့မျက်နှာပေါ်တွင် ပုံမှန်မဟုတ်သည့် ရူး​ကြောင်​ကြောင် အပြုံးအားပြသ​နေသည်။ အင်္ကျီ၌ မြေခွေးလေး၏ အမွေးများ​ကြောင့် ရေစိုသွားသည့် ပြဿနာလေးအား ဂရုစိုက်ရန် သူ့တွင်အချိန်မရှိ​ချေ။ သူက မြေခွေးလေးကြိုက်သည့် ဘီစကစ်နှစ်ခုအားယူ၍ လက်ဖဝါးထဲထည့်ကာ ​ပေးလိုက်သည်။

မြေခွေးလေးက ခေါင်းငုံ့ကာ ဘီစကစ်နှစ်ခုလုံးအား ပါးစပ်ထဲသို့ ထည့်လိုက်သည်။ ပထမတွင်မူ သူက ၎င်းတို့အားစားရန် ဝန်လေး​နေခဲ့သည်။ ဘီစကစ်​လေးအား သူ၏လက်ပတ်​လေးဖြင့်ဓါတ်ပုံရိုက်ယူထားပြီး​နောက်တွင် စားလိုက်သည်။

ပွဲကြည့်ပရိသတ်အဖြစိ ပါဝင်သူများက အစုလိုက်အပြုံလိုက် မှတ်ချက်ပေးကြတော့သည်။

[ဝှက်သယ်ဖတ်...]

[ဒီချစ်စရာကောင်းမှုက စံနှုန်းကိုကျော်သွားပြီး မြန်မြန်နဲ့ ချိုးချိုး နှစ်​ယောက်လုံးက ချစ်ဖို့ကောင်းလွန်းတယ်...]

[အားးးးး]

[ငါ ဒီလူသားနဲ့ မြေခွေး​လေးကို ခိုးချင်တယ်... အားလုံးပဲ ငါသေသွားပြီလို့...]

​လေထုက တခဏမျှ နွေးထွေးသွားသည်။

နှင်းကျားသစ်​လေး : "... "

ကုယွီမြန်က နှင်းကျားသစ်​လေး၏ တစ်ကိုယ်လုံးမှ အချဉ်ပူဖောင်းများ ထွက်လာသည်ကို မြင်နေရပြီး ထိုပူဖောင်းများက သူ့ထံသို့အနည်းငယ် လွင့်လာသည်။ ကုယွီမြန်၏ အမြင်အာရုံအား ပိတ်ဆို့ရန် သူ့လက်ဖဝါး​လေးအား ဆန့်ထုတ်ပြီ  အာတိတ်မြေခွေး​လေးကို ကြည့်နေသည်အား ကွယ်လိုက်သည်။ ပထမဦးစွာ သူက မြေခွေးလေးအား

ဒေါသထွက်ခဲ့ပြီး အဆုံးတွင် သူ့ကိုယ်သူအား စတင်ဒေါသထွက်လာခဲ့သည်။

ကုယွီမြန်က ရိုးသားမှုအားနှစ်သက်သည်ဟု ထင်ခဲ့ပြီး သူက တုံးအသူဖြစ်လျှင် ဤငမိုက်သားနှစ်​ကောင်နှင့် အ​ခြေအ​နေ အတူတူ ဖြစ်လိမ့်မည်ဟုထင်ခဲ့သည်။

သို့​သော် ထိုအကြံကပင် ခပ်တုံးတုံးဖြစ်​နေသည်။

ပန်ဒါလေးမှာ ရေစီးကြောင်းဖြင့် ထပ်မံထိခိုက်မိပြန်သည်။သူ၏လက်​မောင်းထဲတွင် ဘီစကစ်​လေးအားကိုင်ထားပြီး​​အော်လိုက်သည်။

"အီ..."

"ကောင်းပါပြီ..." 

ကုယွီမြန်က သူ့အင်္ကျီရေစိုသွားပြီးနောက် အလေးအနက်ထားပြောလိုက်သည်။ 

"ထွမ်ထွမ်၊ ယွမ်ယွမ်၊ ချိုးချိုး အားလုံးက ကြိုက်ကြတယ်​ပေါ့... ရေမြန်မြန် ချိုးပြီး ​ဆေး​ကြောကြရအောင်... ငါတို့ရေပူစမ်းစိမ်ပြီး အရသာရှိတဲ့ အစားအသောက်တွေ ထပ်စားကြမယ်လေ... အဆင်ပြေလား..."

နှင်းကျားသစ်ငယ်က အလွန်ချဉ်စူးနေပြီး မ​ပျော်ရွှင်သည့်ပုံ​ပေါ်သောကြောင့် ကုယွီမြန်လည်းသနားပြီး သူ့လက်ဖဝါးလေးအားကိုင်၍ချော့ပြီး သူ့ကိုယ်ပိုင် ဘီစကစ်အား ရွေးခွင့်ပေးလိုက်ရသည်။

နှင်းကျားသစ်လေးက ဘီစကစ်အားလုံးကို မြေခွေး​လေးနှင့်ပန်ဒါကလေးအတွက် မထားချင်ခဲ့ပေ။ သူက ပန်းကန်တစ်ခုလုံးအား ယူလိုက်ပြီး​နောက် သူ့မေးစေ့ကို​မော့ကာ မောက်မာစွာဖြင့် ရပ်လိုက်သည်။

ကုယွီမြန်တွင် ဘီစကစ်မှာ တစ်သေတ္တာ ဖုတ်ထားကြောင်း ပြောပြရန် နှလုံးသားမရှိခဲ့​ချေ။

နှင်းကျားသစ်​လေး ငြိမ်သွားသောအခါ ကုယွီမြန်က အရှိန်မြှင့်ခဲ့ပြီး ကလေးများအား စိတ်မသက်မသာ မဖြစ်စေခဲ့​​ချေ။ ပထမဦးစွာ သူက မြေခွေးလေးအား ရေချိုး​​ပေးပြီး ​ရေသုတ်ပေးခဲ့သည်။ အအေးမိခြင်းမှ ကာကွယ်ရန်အတွက်

သူ့အား ပုဝါဖြင့် ထုပ်ထားလိုက်သည်။ ထို့နောက် ပန်ဒါလေးနှင့်နှင်းကျားသစ်​လေးတို့အား ရေချိုးပေးလိုက်သည်။

ရေချိုးဆပ်ပြာ၊ lotionနှင့်အမွေးဖြီးသည့်ဘီး သုံးမျိုးလုံးမှာ မတူ​ချေ။ အများစုကို ကုယွီမြန်မှ ပြုလုပ်ထားပြီး သေတ္တာငယ်များဖြင့် စီထည့်ထားသည်။ ကုယွီမြန် သွားယူခဲ့သည့် ခရီး​ဆောင်အိတ်ထဲတွင် ဤအရာများပါဝင်သည်။

ယခုအခါ ပရိသတ်များက မြေခွေး​လေး၏ ရှုထောင့်မှ ကြည့်နေကြသည်။

ကုယွီမြန်၏ ရေချိုးဆပ်ပြာမှာ စျေးကွက်တွင် ရောင်းချသည့် အမျိုးအစားများနှင့် ကွဲပြားသည်။ ၎င်းတွင် အခြားမလိုအပ်သည့်အနံ့ သို့မဟုတ် အ​ရောင်များမပါရှိပေ။ မြေခွေးလေးအတွက် ပြုဆင်ထားသည့် ရေချိုးဆပ်ပြာတွင် အလွန်ပေါ့ပါးသော သစ်သားရနံ့ရှိသည်။ရေချိုးပြီး​နောက် ၎င်းအနံ့က အရေပြားပေါ်မှာ စွဲကျန်နေခဲ့သည်။ 

၎င်းက မီးလင်းဖိုထဲမှ ထင်းရှူးသစ်သားနံ့နှင့်တူသည်။ ဆောင်းရာသီအတွက် အလွန်သင့်လျော်ပြီး အတိတ်အား

တသသဖြစ်​နေ​စေသည့် ရနံ့တစ်ခုဖြစ်သည်။

ရေချိုးသည့်နေရာက ​ရေပူစမ်းနှင့်နီးသည်။ အပြင်ဘက်မှ ဆောင်းရာသီက အလွန်မအေး​လှချေ။

ကုယွီမြန်က နှင်းကျားသစ်​လေးနှင့် ပန်ဒါလေးအား ရေချိုးရန် ကူညီ​ပေးရာတွင်လည်း မြေခွေးလေးအား ချီထားဆဲဖြစ်သည်။ ကြည့်ရှုသူပရိသတ်များမှာ နူးညံ့သောပုဝါဖြင့် ထုပ်ပိုးခံရပြီး ကုယွီမြန်၏လက်​မောင်းထဲတွင် ပွေ့ထားသကဲ့သို့ ခံစား​နေရသည်။ သူတို့၏ အမြင်အာရုံ၊ အကြားအာရုံနှင့်  အနံ့ခံအာရုံတို့က အရာအားလုံးကို တစ်ချိန်တည်းမှာပင် ပြောပြနိုင်သည်။

ကုယွီမြန်က ​ရေချိုးခြင်းတွင် ကူညီ​ပေးရာ၌ အလွန်အဆင်​ပြေသည်။ သူ့လက်များက အရိုး၏ လက်မတိုင်းကို ပြေလျော့​စေပြီး လက်ဖဝါး၏အပူချိန်ကလည်း သင့်​လျော်သည်။ ရေချိုးပြီးနောက် မြေခွေးလေးမှာ အနည်းငယ် အိပ်ငိုက်လာသည်။ သူ့ကိုယ်​​ပေါ်ရှိ ​ရေသုတ်ပုဝါမှာ ​နေ​ရောင်အနံ့ရ​နေသည်။

မြေခွေးလေးက ကုယွီမြန်၏လက်​မောင်းထဲတွင် ​ကွေး၍မအိပ်ဘဲမ​နေနိုင်ခဲ့​ချေ။

​ရေပူစမ်းမှ ဆာလဖာအနံ့ အနည်းငယ်က နှာခေါင်းထဲ ဝင်လာသည်။ မိသားစုနှင့်အတူ ရေချိုးရင်း စကားစမြည်​ပြောခြင်းက အပန်း​ပြေ​စေကာ တက်ကြွလန်းဆန်းသော ​ခံစားချက်ကို ပေးသည်။ အားအင်ပြည့်ဝသည့်လေနှင့်အတူ လရောင်က နူးညံ့သိမ်မွေ့ကာ စိတ်ကူးယဉ်ဆန်​​သော အထူးသီးသန့် လူလုပ်မီးရှူးမီးပန်များဖြင့် ​ရော​နှော​နေသည်။

သူတို့လည်း ဆောင်းရာသီတစ်ခုလုံးအား ဤကဲ့သို့ ဖြတ်သန်းချင်ကြသည်။

မှတ်ချက်မျက်နှာပြင်က တခဏမျှ ရပ်တန့်သွားသည်။

အမှန်တကယ်တွင် အစပိုင်းကတည်းက မှတ်ချက်မျက်နှာပြင်၏လေထုမှာ  အလွန်နွေးထွေး​နေခဲ့သည်။

ယခုအချိန်တွင်မူ ခံစားချက်မျိုးစုံက အထွတ်အထိပ်သို့ ရောက်ရှိသွားသည်။

တစ်ခဏမျှကြာပြီး​နောက် လက်ဆောင်များက ​တစ်ဟုန်ထိုး ထွက်ပေါ်လာသည်။

[မိုင်းတွင်းထဲမှာ မိသားစုတစ်ခုရှိတယ် : အားးးး မြန်မြန် မြန်မြန်... ငါရေပူစမ်းစိမ်ပြီး 'မြန်မြန်'လုပ်ထားတဲ့ 

ညလယ်စာ သရေစာမုန့်ကိုစားမယ်... ငါက မြန်မြန်နဲ့အတူအိပ်တော့မှာ..]

[ပန်းပွင့်ကြီးများနှင့် ချည်ထည်​ဘောင်းဘီ:အားးးးငါမြန်မြန်နဲ့ သူ့က​လေး​ပေါက်စ​တွေကို အရမ်းချစ်တယ်...ငါ ​စောင်ခြုံပြီး အိပ်မက်မက်ချင်တယ်... ]

[သံကွန်ရက် : ငါက အိမ်နဲ့အလင်းနှစ်၃၀၀ကျော်ဝေးတဲ့ ဂြိုလ်ပေါ်မှာ စာသင်​နေခဲ့တာ... အိမ်ကို သုံးနှစ်တစ်ကြိမ်ပဲ ပြန်နိုင်တယ်... အိမ်ရဲ့ခံစားချက်ကိုမခံစားရတာ ကြာပြီ... ကျေးဇူးတင်ပါတယ်...မီးရှူးမီးပန်း အနည်းငယ် ပစ်​ပေးလိုက်သည်...]

ယခုအချိန်တွင် စတူဒီယို၌ ကြည့်ရှုသူအရေအတွက်မှာ သန်း၈၀ ကျော်ထိ မြင့်တက်လာခဲ့ပြီး စက္ကန့်တိုင်းတွင် ကြည့်ရှုသူအသစ်များ ပိုတိုးလာခဲ့သည်။

🐯🐯🐯