MM Story Teller

Chapter 75

Viewers 4k

🐯Chapter 75

၎င်းက ပင်မစာမျက်နှာ၏ လူကြိုက်များသည့်စာရင်းတွင် ထိပ်ဆုံးသို့ ရောက်ရှိသွားရုံသာမက ယနေ့ ကြားထဲ၌

အဆက်ပြတ်ကာ လူကြိုက်များစာရင်းမှ ကျသွားခဲ့သည့် တိုက်ရိုက်ထုတ်လွှင့်မှုအဆင့်မှာလည်း လျင်မြန်စွာ ပြန်လည်မြင့်တက်လာခဲ့ပြီး မကြာမီတွင် ထိပ်ဆုံးသုံးနေရာတွင် ရောက်ရှိခဲ့သည်။ ၎င်းက နောက်ဆုံး ကုယွီမြန်၏

သိပ္ပံအကယ်ဒမီမှ တိုက်ရိုက်ထုတ်လွှင့်မှု စံချိန်အား ကျော်လုနီးပါးပင်။

ထို့ပြင် ယခုက အစပိုင်းသာရှိသေးသည်။

ရေချိုးပေးပြီးနောက် ကုယွီမြန်က ဖက်ထုပ်ကလေးများအား မ၍ ရေပူစမ်းကန်ငယ်ထဲသို့ ထည့်လိုက်သည်။ နောက်ဆုံး သူ အပန်းဖြေနိုင်သွားသည်။ ပန်ဒါလေးမှာ လိုက်လျောညီထွေအဖြစ်ဆုံး သူဖြစ်သည်။ သူ ရေထဲရောက်သွားသောအခါ အလွန်တက်ကြွလာသည်။ ပထမဆုံး သူက သူ့လက်လေးများကို အသုံးပြု၍ ရေအားဗိုက်ပေါ်သို့ တင်ကာ အနည်းငယ် ကြောက်ရွံ့နေပုံပေါ်သည့်

မြေခွေးလေးနှင့် ကစားခဲ့သည်။ သူက မြေခွေးလေးနှင့်အတူ "လက်ဖဝါးခြင်းရိုက်သည့် ကစားနည်း"အား ကစားချင်နေသည်။

နှင်းကျားသစ်လေးက ရေပူစမ်းတွင် တစ်ဝက်နှစ်ကာ ၎င်းတို့အား တစ်ချက်ကြည့်လိုက်ပြီး သူ့ခေါင်းလေးက ရေကန်ဘေးရှိ ကုယွီမြန်၏ လက်ဖဝါးထဲတွင် လူးလှိမ့်နေသည်။

သူ၏အခြားလက်တစ်ဖက်က ကုယွီမြန်၏ လက်ကောက်ဝတ်အား ဖိထားပြီး ထွက်သွားခြင်းမှ တားမြစ်ထားသည်။ သူက ယခင်အတိုင်း ကပ်တွယ်နေဆဲပင်။

"ထွမ်ထွမ် ငါ့ကို ထခွင့်ပေးသင့်တယ်နော်..."

ကုယွီမြန်က အကူညီမဲ့စွာဖြင့် စနောက်ရင်း ပြောလိုက်သည်။

"သောက်စရာနဲ့မုန့်တွေ သွားယူပေးရဦးမယ်လေ..."

နှင်းကျားသစ်လေးက မပျော်မရွှင်ဖြင့် သူ့လက်အား ဖယ်လိုက်ရသည်။

ယခင်ဘဝ၌ ဂျပန်တွင် အထူးရေပူစမ်းခရီးစဥ်တစ်ခု ရှိခဲ့ပြီး ၎င်းက တစ်နိုင်ငံလုံးရှိ ရေပူစမ်းများကို လှည့်လည်သွားလာခြင်းဖြစ်သည်။ ဂျပန်တွင် ရေပူစမ်းစိမ်ခြင်းဓလေ့

ရှိခဲ့သည်မှာကြာပြီဖြစ်ပြီး နေရာများစွာတွင်လည်း ရေပူစမ်းဟိုတယ်များရှိသည်။

"မင်းတို့ ရေပူစမ်းထဲမှာ အကြာကြီးနေလို့မရဘူး.. မဟုတ်ရင်ခေါင်းမူးပြီး နှလုံးခုန်မြန်လာလိမ့်မယ်..."

ကုယွီမြန်က သစ်သီးဝိုင်နှင့် ဖျော်ရည်ထည့်ထားသည့် ပန်းကန်ပြားတစ်ချပ်အားထုတ်ပြီး ကလေးများ ကောင်းစွာနေထိုင်ပြီး ရန်မဖြစ်သည်အား မြင်ရသောအခါ ခေါင်းညိတ်လိုက်သည်။ ၎င်းက သူ့အားပျော်ရွှင်စေသည်။

"ရေပူစမ်းရဲ့ အကျိုးကျေးဇူးတွေအပြင် ငါတို့ ရနိုင်တာက..."

ရှုခင်းကိုခံစားပြီး ဝိုင်သောက်ကာ အစားကောင်းများစားနိုင်သည်။

မတူညီသောနေရာများမှ ရေပူစမ်းများတွင် မတူညီသောရှုခင်းများရှိသည်။ ကုယွီမြန်က သူ၏ယခင်ဘဝ၌

ဂျပန် ဟကိုနဲ(Hakone)ရှိ သစ်ရွက်နီရေပူစမ်းတွင် မေပယ်သစ်တောနှင့် ဆောင်းရာသီလတို့အား ခံစားခဲ့ပြီး သက်သောင့်သက်သာရှိသော ရေပူစမ်းထဲတွင် စိမ်၍ကုန်ဆုံးခဲ့သည်။ ထို့အပြင် ပင်လယ်ကမ်းစပ်၊ ချောက်ကမ်းပါးများနှင့် ရေတံခွန်များအနီးတွင်လည်း ရေပူစမ်းများရှိသေးသည်။

ယခု ရေပူစမ်း၏ ရှုခင်းမှာ အလွန်ကောင်းပေသည်။

ရေပူစမ်းဗီလာကို ချိုက်ခဲ့တောင်ပေါ်တွင် တည်ဆောက်ထားပြီး သဘာဝအတိုင်း ဖြစ်ပေါ်နေသည့် ရေကန်များစွာရှိသည်။ သူတို့ကတောင်စောင်းတွင် ချိတ်ဆွဲနေသော လုံးဝင်းသည့် လဝန်းကြီးအား မြင်နိုင်သည်။ သစ်ပင်ထိပ်များတွင် နှင်းများစုပုံနေ၍ လေတိုက်သည့်အခါ ပြုတ်ကျလာသည်။

ယခုအခါ ကလေးသုံးယောက်က ရေပူစမ်းကန်ထဲတွင်‌ သားကျနေပြီဖြစ်သည်။ ပန်ဒါလေးမှာ မူလ ကကဲ့သို့

သွက်လက်တက်ကြွမှု မရှိတော့ချေ။ သူ စိတ်ဓါတ်ကျစွာ ခေါင်းငုံ့၍ ရေပူစမ်းကန်ကို ကြည့်လိုက်သည်။ ရုတ်တရက် သူ စိတ်လှုပ်ရှားသွားပြီး ရေထဲမှ လ အား ဆွဲထုတ်ရန်

အဆက်မပြတ် ကြိုးစားခဲ့သည်။ သူက မြေခွေးလေးကိုလည်း ကူ၍ကိုင်ထားစေချင်သည်။

မြေခွေးလေးက ထက်မြက်သော အစ်ကိုကြီးတစ်ယောက်နှင့်တူသည်။ သူက ပန်ဒါလေးအတွက် ရေအား ဂရုတစိုက်ကိုင်ထားပေးပြီး တစ်ချိန်တည်းမှာပင် တကျည်ကျည်အသံထွက်နေခဲ့သည်။ နှင်းကျားသစ်လေးကမူ ပျင်းရိစွာဖြင့် ကြည့်နေခဲ့သည်။ သူက ရုတ်တရက် အကြီးတစ်ယောက်ဖြစ်ချင်လာသည်။ သူ ရေကန်ဘေးမှ ဖန်ခွက်အလွတ်တစ်ခုအားကောက်ယူပြီး ပန်ဒါလေးကိုပေး၍ လကို ထိုထဲသို့ထည့်ရန်ပြောလိုက်သည်။

ကုယွီမြန် ရပ်ကြည့်နေခဲ့ပြီး ပန်ဒါလေးက ရေခွက်ထဲမှလနှင့်အတူ သူ့ထံသို့လျှောက်လာသောအခါတွင် သူ မရယ်ဘဲမနေနိုင်တော့ချေ။

၎င်းက ကလေးသုံးယောက် ဆယ်ထားသည့် လဖြစ်သည်။ကုယွီမြန်က သိမ်းထားရန် ဆုံးဖြတ်လိုက်သည်။

"ကျေးဇူးတင်ပါတယ်... ထွမ်ထွမ် ယွမ်ယွမ် ချိုးချိုး..."

မှတ်ချက်မျက်နှာပြင်...

[ဝူးးးးးး သူတို့က အရမ်းချစ်စရာကောင်းတယ်... ငါလည်း မြန်မြန့်အတွက် လကို ကောက်ပေးချင်တယ်...]

[ငါသာ မြန်မြန် နဲ့အချိန်အကြာကြီးနေရရင် ဦးနှောက်ထဲမှာ သကြားဓာတ်တွေ လွန်ကဲလာလိမ့်မယ်...]

[ပေါက်စလေးတွေ သူ့ကို 'လ' လေးယူပေးကြတာက ရိုမတ်တစ်ဆန်ပြီး ချစ်ဖို့ကောင်းတယ်...]

ကုယွီမြန်၏ နှလုံးသားက သကြားစားထားသကဲ့သို့ နူးညံ့ပျော့ပျောင်းနေပြီး ယခု အခိုက်အတန့်လေးအား တိတ်တိတ်လေး မှတ်ထားမိသည်။

လူတိုင်း၏အာရုံအား ဖမ်းယူရန် သူက လက်ခုပ် ဖွဖွတီးလိုက်သည်။

"ဒါဆို... ဖျော်ရည်သောက်ကြရအောင်... ငါတို့မှာ သီးသန့်ရေပူစမ်းတစ်ဝက်ရှိတယ် ဒါကြောင့် အစားစားလို့ရတယ်... မနက်ဖြန် အများပိုင်ရေပူစမ်းကို သွားရင်တော့ စားလို့မရတော့ဘူး..."

ကလေးများက သေချာပေါက် ဝိုင်အစစ်မသောက်နိုင်ချေ။ ကုယွီမြန်တွင် အသီးဝိုင်နှင့်အတူ ဖျော်ရည်လည်းရှိသည်။ သူက ကလေးသုံးယောက်အတွက် တစ်ယောက် တစ်ခွက်စီ လောင်းထည့်ပေးလိုက်သည်။

ကြည့်ရှုသူများက မြေခွေးလေး၏ ရှုထောင့်မှကြည့်နေဆဲပင်။

သဘာဝဓာတ်သတ္တုများပါသော ရေပူစမ်းများက ရုတ်တရက်အပူချိန် မြင့်တက်လာမှုကြောင့် အစပိုင်းတွင်

အနည်းငယ်သိပ်သည်းနေတတ်သည်။ သို့သော် မကြာမီတွင် သူတို့က ချွေးထွက်လာပြီး သက်တောင့်သက်သာ ခံစားရကာ သူတို့၏ကျောများ ပျော့ပျောင်းလာသည်။ ရေပူစမ်း၏ရေငွေ့များမှဖြတ်၍ ဆောင်းည၏ လရောင်၊ ထင်းရှူးတောနှင့် နှင်းများအား မြင်နိုင်သည်။

တစ်ချိန်တည်းမှာပင် သူတို့က သစ်သီးဝိုင်တစ်ခွက် ထပ်သောက်လိုက်သည်။ အနည်းငယ် အေးသောအသီးဝိုင်က ရတ်စ်ဘယ်ရီသီး(ဆီးဖြူသီးနှင့်တူသည့် အသီး) အရသာရှိသည်။ ၎င်းမှာ ချိုပြီး အနည်းငယ်ချဉ်ကာ တစ်ငုံတည်းဖြင့်ပင် လန်းဆန်းစေသည်။ တစ်ငုံသောက်ပြီးနောက် ရေပူစမ်း၏ ပူနွေးမှုအား ဖယ်ရှားပစ်လိုက်သည်။

အံ့အားသင့်ဖွယ်ကောင်းသည့် ကမ္ဘာပင်။

နှင်းကျားသစ်လေးက အမွေးထူထူခေါင်းလေးကို ကုယွီမြန်၏ လက်ဖဝါးပေါ်တင်ကာ ကျေနပ်စွာဖိလိုက်သည်။ ပန်ဒါလေးကလည်း စိတ်ကျေနပ်စွာအော်ရင်း သူ့ဗိုက်လေးအားပွတ်နေသည်။ မြေခွေးလေးက ရှက်ရွံ့စွာခေါင်းငုံ့ပြီး နှစ်ကြိမ်ခန့် တကျည်ကျည်အော်ကာ မနေနိုင်ဘဲ သစ်သီးဝိုင်တစ်ခါထပ်သောက်ရန်အတွက် ကုယွီမြန်အား ပွတ်သပ်လိုက်သည်။

ည ၁၀ နာရီထိုးခါနီးသည်အထိ စတူဒီယို၏ လူအရေအတွက်မှာ တိုးနေဆဲပင်။

ကောင်းမွန်သည့် ဝိုင်အားသောက်ပြီးနောက် အစားအစာအလှည့်ဖြစ်သည်။

"ဂဏန်းစွပ်ပြုတ်ဖက်ထုပ်လုပ်မယ်... ဒါကို မကြာခင်မှာ စားနိုင်တဲ့အတွက် ငါတို့ ဗိုက်အဆာမခံရတော့ဘူး..."

ရေပူစမ်းက အဆီများသော အစားများစားရန်အတွက် မသင့်လျော်သော်ချေ။ သို့သော် အလွန်ပေါ့၍ အရသာမရှိလျှင်လည်း မဖြစ်ချေ။ ကုယွီမြန်က သေချာစဥ်းစားပြီးမှ

ဂဏန်းစွပ်ပြုတ် ဖက်ထုပ်လုပ်ရန်ဆုံးဖြတ်လိုက်သည်။ရေကူးကန်ဘေးတွင် ရိုးရှင်းသော မီးဖိုငယ်တစ်ခုရှိပြီး ဧည့်သည်များ၏အစားအစာလိုအပ်ချက်အတွက် ထည့်သွင်းစဉ်းစားထားသည့်ပုံပေါ်သည်။

[ကြောင်ပန်းပွင့်နဲ့ခေါင်းအုံး : ရေပူစမ်း၊ အသီးဝိုင်၊ အရသာရှိတဲ့ အစားအစာတွေပါတယ်.. ငါ သွားရည်ယိုနေပြီ တင်ဆက်သူ...မင်းက အရမ်းကြင်နာတတ်တာပဲ...]

[ငှက်သိုက်မုန့် :မျှော်လင့်နေပြီ...]

ကုယွီမြန်က ရေပူစမ်းကန် အစွန်းရှိဘောင်ပေါ်တွင် သူ့ကိုယ်သူ ထောက်ကန်လိုက်သည်။ သူက မတော်တဆမှုများကို ရှောင်ရှားရန်အတွက် ကလေးများအား ကြည့်ရှုနိုင်ပြီး တစ်ချိန်တည်းမှာပင် အလုပ်အား အတူလုပ်ဆောင်နိုင်မည်။

ဂဏန်းဖက်ထုပ်စွပ်ပြုတ်လုပ်ရာတွင် ဗဟုသုတများစွာလိုအပ်သည်။ ကကုယွီမြန် အကြီးအကဲများထံမှ လုပ်နည်းအနည်းငယ်ကို သင်ယူနိုင်ခဲ့၍ ပရော်ဖက်ရှင်နယ်

စားဖိုမှူးတစ်ယောက်၏ နည်းလမ်းကဲ့သို့ မလုပ်နိုင်သော်လည်း အရသာရှိလိမ့်မည်ဟု ထင်သည်။

"ညနေက လုပ်ထားတဲ့ ခေါက်ဆွဲထဲက ဂျုံမှုန့်တွေကျန်နေသေးတယ်... ဂျုံမုန့်ညက်လုပ်ဖို့အတွက် အဲဒါကိုသုံးလို့ရတယ်... ဒီတစ်ခါတော့ ဂျုံမုန့်ညက်ထဲကို ဆားနဲ့

အယ်ကာလီရေထည့်ရမယ်..."

ယေဘုယျအားဖြင့် လုပ်နည်းအဆင့်ဆင့်မှာ ကြီးကြီးမားမား ကွာခြားမှု မရှိချေ။ သူက ၎င်းကို အလုံးတစ်လုံးအဖြစ်

ရောစပ်ပြီး နယ်ပေးရန်လိုအပ်သည်။ ကုယွီမြန်က ဂျုံမုန့်ညက်အား သာမန် လှီးသည့်ဘုတ်ပြားပေါ်တွင်တင်က ဆုပ်နယ်ပြီး သူ့လက်ချောင်းများကို ရေထဲသို့နှစ်၍ အကြိမ်များစွာ ခေါက်လိပ်ရသည်။ သူက ၎င်းအား အလုံးတစ်ခုဖြစ်အောင် ဆုပ်နယ်ပြီးနောက် မပြားမှီတွင် အနားယူလိုက်သည်။

တိုတောင်းသောအချိန်အတောအတွင်း ဂျုံမုန့်ညက်က အလယ်တွင် ထူပြီး အစွန်းနှစ်ဖက်တွင်ပါးလွှာကာ ပြီးဆုံးသွားသည်။

" အစာသွတ်တွေကို ပါဝင်ပစ္စည်းတွေနဲ့ သီးခြား ကိုင်တွယ်သင့်ပါတယ်..."

ယခုအချိန်တွင် အဓိက ပါဝင်ပစ္စည်းများမှာ ကြက်သားတု၊ ဝက်သားနှင့်ဂဏန်းပင်။ ကုယွီမြန်က ကြယ်ကွန်ရက်မှဝယ်ယူထားသည့် အသားအားလုံးကို သန့်စင်ပြီး ပြုတ်ကာ

မီးဖိုပေါ်တွင် ရေတစ်အိုးကျိုပြီးနောက် ဆူသည့်အခါ အခြားပါဝင်ပစ္စည်းအားလုံးကို ပစ်ထည့်လိုက်သည်။

မကြာမီတွင် အိုးထဲမှရေများက ပွက်ပွက်ဆူလာသည်။

ကုယွီမြန် ဝက်သားကိုထုတ်ပြီး ကြက်သားအတုကို နုတ်နုတ်စင်းထားလိုက်သည်။ အရေခွံအား ဇွန်းဖြင့်ခြစ်ထုတ်ကာ အခြားလက်တစ်ဖက်မှ ဓါးဖြင့်ခုတ်လိုက်သည်။

ဂဏန်းအတုက အိုးထဲတွင်ပြုတ်လိုက်၍ အသားမှာ အခွံအတွင်း၌ တိုက်ရိုက်ကြေမွသွားသည်။ ထို့နောက် အိုး၏အောက်အထပ်တွင် ဂျင်းမှုန့်နှင့်သစ်သီးဝိုင်းကို ရောထား၍ မကြာမီတွင် အိုးထဲမှ မွှေးကြိုင်သော ရနံ့တစ်ခုလျှံထွက်လာသည်။

မီးဖိုပေါ်ရှိ အရိုးမှပြုလုပ်သည့်စွပ်ပြုတ်က ပျစ်နေသည်။ကုယွီမြန်က ပန်းကန်လုံးတစ်လုံးအားယူပြီး အပေါ်ရှိ အမြှုပ်များကို ဖယ်ထုတ်ကာ ကျက်သည်အထိထပ်၍ ပြုတ်လိုက်ပြီး နုတ်နုတ်စင်းထားသော ကြက်သားနှင့် ဝက်သားကို ထည့်လိုက်သည်။ သို့သော် ထိုအချိန်တွင်မီးဖိုပေါ်မှာ စွပ်ပြုတ်မှာ ပွက်ပွက်ဆူနေသည်။

ပရိသတ် : "...."

မာနကြီးသော နှင်းကျားသစ်လေးအပါအဝင် ကလေးသုံးယောက်မှာ အလွန်မူးဝေနေသောကြောင့် ရေကန်အား မှီထားပြီး အိုးထဲသို့ စူးစိုက်ကြည့်နေကြသည်။

"ခဏလေးနော်... သိပ်မကြာခင် အဆင်သင့်ဖြစ်တော့မှာပါ..."

ကုယွီမြန်က သူ့မျက်လုံးများကို ကွေးပြီးပြုံးလိုက်သည်။

"အခု ဖက်ထုပ်လုပ်တော့မှာ မင်းတို့ သင်ချင်ကြလား..."

ထိုအချိန်တွင် သူက ပဲငံပြာရည်၊ သကြားနှင့် ဂဏန်းအကျက်မှုန့် အနည်းငယ်ထည့်ပြီး အဆက်မပြတ် မွှေကာ

စွပ်ပြုတ် အဆီပျစ်လာသည်အထိ စောင့်ပြီး အပိုင်းပိုင်းဖြစ်အောင် မွှေလိုက်သည်။ တစ်ချိန်တည်းမှာပင် ကုယွီမြန်

ပြင်ဆင်ထားသည့် ဂျုံမုန့်ညက်အား ကောက်ယူပြီး ဇွန်းဖြင့် အဆာပလာများကို ကော်ထည့်ကာ လက်ဖြင့်ညှပ်၍ ဖက်ထုပ်ဘေးသားများကို ပုံပေါ်လိုက်သည်။ သူ့လက်ထဲတွင် ဖက်ထုပ်အစာသွပ်အား ပိတ်ထည့်ပြီးပြန်ဖွင့်လိုက်သောအခါ လက်ပေါ်တွင် နူးညံ့ပြီး ချစ်စဖွယ်ကောင်းသည့် ဖက်ထုပ်လေးပေါ်လာသည်။

[ဂျူနီယာ ဘီ: ဒူးထောက်နေပါပြီ အစ်ကိုရေ... ဘယ်သူ သင်နိုင်လဲ... တင်ဆက်သူရေ အဲ့ဒါနည်းနည်းလောက်

ပို့ပေးမလား ဒါမှမဟုတ် မြန်မြန်လုပ်တတ်အောင် သင်ပေးမလား...]

[ထူးကဲသောစာကြောင်းတစ်ကြောင်း : နောင်ဘဝမှာတောင် သင်ယူဖို့မဖြစ်နိုင်ဘူး ... ဒါပေမယ့် ဘယ်အချိန်စားရမလဲဆိုတာကို ပိုပြီး စိတ်ပူတယ်...]

ယခုအခါ နောက်ဆုံးခြေလှမ်းတစ်ခုသာ ကျန်တော့သည်။ကုယွီမြန် ရေနွေးငွေ့မီးဖိုပေါ်တွင် ဖက်ထုပ်များအားဖြည့်ပြီး ပေါင်းထားလိုက်သည်။ ရေပူစမ်းကန်မှာ နွေးနေသည်။

ကောင်းကင်အလယ်ရှိ လမှ ဆောင်းတွင်းည၏ ထူးခြားသော ရေပူစမ်းဝိုင်နှင့် အစားအစာများအထိတိုင် ၎င်းတို့က လူတိုင်းအား ဤညကို အချိန်အတော်ကြာသည်အထိ မှတ်မိနေနိုင်သည်ဟု ခံစားရစေသည်။

ယခုအချိန်တွင် ကြည့်ရှုသူအရေအတွက်မှာ သန်း ၉၀ အထိ မြင့်တက်လာပြီး ယနေ့ အကျော်ကြားဆုံးစာရင်းတွင်

တိုက်ရိုက်ထုတ်လွှင့်မှုအဆင့်မှာလည်း ထိပ်ဆုံး ၃နေရာသို့ ရောက်ရှိသွားကာ မကြာမီတွင်ထိပ်ဆုံးသို့ ရောက်ရှိလာလိမ့်မည်။

တစ်ချိန်တည်းမှာပင်...

ကုယွီမြန်က အချိန်အားတစ်ချက်ကြည့်ပြီး ခေါင်းညိတ်လိုက်သည်။ ခဏအကြာတွင် ပထမဆုံး ဖက်ထုပ်စွပ်ပြုတ်က ကလေးသုံးယောက်နှင့် ကြည့်ရှုသူသန်း ၉၀၏ မျက်စိများရှေ့သို့ ပေါ်ထွက်လာသည်။

ကြည်လင်သန့်ရှင်းသော အပေါ်ယံံလွှာက စက္ကူကဲ့သို့ ပါးလွှာသည်။ မည်သူမဆို နူးညံ့ပျော့ပျောင်းသောဂဏန်းအသားနှင့် စွပ်ပြုတ်အားမြင်နိုင်သည်။ နူးညံ့ပြီး ပုံမှန်မဟုတ်ဘဲ စူးရှသောအနံ့တစ်ခုက နှာခေါင်းထဲသို့ ဝင်လာသည်။ ဤအတိုင်း ကြည့်၍အနံ့ခံကြည့်ရုံဖြင့်ပင် ၎င်းမှာ မအီဘဲ အရသာရှိသည့် လန်းဆန်းစေသောအရသာဖြစ်လိမ့်မည်ကို စိတ်ကူးကြည့်နိုင်သည်။

တစ်ချက်ကြည့်လိုက်ရုံဖြင့်ပင် လူတိုင်း၏စိတ်အာရုံများကို ဖမ်းစားသွားသည်။

🐯🐯🐯

Prev Next