MM Story Teller

Chapter 87

Viewers 7k

🐯Chapter 87

ခေတ္တမျှ ကစားပြီးနောက် လူတိုင်း၏ အာရုံစိုက်မှုကို တိုက်ရိုက်ထုတ်လွှင့်မှု၏ အကြောင်းအရာက အလျင်အမြန်ပင် ဆွဲဆောင်သွားသည်။

[ကျောင်းဆင်းခေါင်းလောင်း: အဲ့တော့ မြန်မြန်က ဒီနေ့ ဘာလုပ်နေတာလဲ... ငါက နွေရာသီနဲ့ ဆောင်းဦးရာသီတွေမှာ ဘာမှစားရတာကို မကြိုက်ဘူး... မြန်မြန်နဲ့အတူစားရဖို့ကိုတော့ စောင့်နေတယ်...]

ကုယွီမြန်က ဆက်တိုက်တိုးနေသည့် ကြည့်ရှုသူအရေအတွက်ကို ကြည့်လိုက်ပြီး သူ့မျက်လုံးများကို မှေးကာ ပြန်ဖြေလိုက်သည်။

" တို့ဟူးက ဆောင်းဦးအတွက် အရမ်းသင့်တော်တယ်..."

ရာသီအပြောင်းအလဲတွင် စားချင်စိတ်ပျောက်ဆုံးရန်မှာ လွယ်ကူပေ၏။ နွေရာသီ အလယ်တွင် အအေးသောက်စရာမှာ အနည်းငယ် အေးသော်လည်း ဆောင်းဦးနှင့် ဆောင်းရာသီတွင် အချိုရည်သောက်ပြီးနောက် နွေးထွေးရန် လွယ်ပေသည်။ တို့ဟူးက အဆုတ်များကို စိုစွတ်စေပြီး ချောင်းဆိုးပျောက်စေကာ နွေရာသီအပူကို ပြေပျောက်စေသည်။ ၄င်းက ရာသီဥတုမှာ ခြောက်သွေ့နေပြီး နွေရာသီ အပူက အလွန်မြောက်သေးသည့်အချိန်တွင် စားရန် အကောင်းဆုံးဖြစ်သည်။

ထို့အပြင် တို့ဟူးသည်လည်း အရသာရှိရှိ စားသုံးရန် နည်းလမ်းများစွာ ရှိပေသည်။

"မစ္စတာကု... တို့ဟူးက ဒီမှာပါ..."

အလုပ်သင်တစ်ဦးက သတိတကြီး တံခါးခေါက်လိုက်သည်။

"ကျေးဇူးပါ..."

ကုယွီမြန်က ခေါင်းညိတ်လိုက်သည်။

အလုပ်သင်လေးမှာ မျက်နှာနီနီဖြင့် လက်ယမ်းပြပြီး ဆိုလိုက်သည်။

"ပြဿနာမရှိပါဘူး..."

ထို့နောက် သူက လက်ချကာ ထွက်သွားပေသည်။

ကုယွီမြန်၏ စရိုက်က အလွန်ကောင်းမွန်ပေသည်။ သူက လူများကို ယဉ်ကျေး၊ ညင်သာစွာ ဆက်ဆံပြီး ယဉ်ကျေးသောအကွာအဝေး အာရုံခံချက်တစ်ခု ရှိပေသည်။ သူ စားသောက်ဆိုင်ကို လွှဲယူလိုက်သည့်အခါ အချို့သော အလုပ်သမားများက သူ့အား အနိုင်ကျင့်ရလွယ်ကူသည်ဟု တွေးကြပေသည်။ သို့သော် သူက စီမံခန့်ခွဲရေးတွင် ပြတ်သားပြီး စားသောက်ဆိုင်မှ နုတ်ထွက်မည်ဟု ပြောဆိုကာ အကြမ်းနည်းသာမ အနုနည်းနှင့်ပါ ကိုင်တွယ်သည်။ သူက မကြာမီပင် စားသောက်ဆိုင်တစ်ခုလုံးကို အစမှအဆုံးအထိ စီမံလိုက်သည်။

လွန်ခဲ့သည့် ရက်ပိုင်းက ကုယွီမြန်မှာ အသစ်ကြေညာမည့် ဆောင်းဦး ဟင်းပွဲအသစ်တစ်ခုကို ကြိုစဥ်းစားခဲ့ပြီး စားဖိုမှူး အလုပ်သင်များကို တို့ဟူးကြို၍လုပ်ထားရန် ပြောလိုက်သည်။ တို့ဟူးပြုလုပ်သည့် လုပ်ငန်းစဉ်မှာ ပဲနို့ ပြုလုပ်သည်နှင့် ဆင်တူပေသည်။ ပဲစေ့များကို ကြိတ်ခြေပြီး ပဲနို့ထုတ်လုပ်ရန် ညှစ်ထုတ်ရပြီး ဂျစ်ပဆမ်နှင့် ဆားရည်များ ပို၍ ချန်ထားလိုက်သည်။

လူတိုင်းမှာ အားကောင်းသော သင်ယူနိုင်စွမ်းရှိလေသည်။ ကုယွီမြန်က ၄င်းကို တစ်ကြိမ်သရုပ်ပြ၍ အဖြူရောင်တို့ဟူးတစ်ခုပြုလုပ်လိုက်ပြီးနောက် လက်ရှိအချိန်တွင် ၄င်းက ပန်းကန်ပြားပေါ်တွင် ရှိနေ၏။

[အသုံးပြုသူ 1837: ဒီ"တို့ဟူး"က ပူတင်းလိုပဲ... အဲ့တော့ တင်ဆက်သူက တို့ဟူးကို ဘယ်လိုစားတာလဲ...]

အမှန်တကယ်တွင် ကြယ်တာရာခေတ်၌ တို့ဟူးရှိ၏။ ကုယွီမြန် ယခင်က အချိုပွဲပြုလုပ်ရန် ပိုးသားတို့ဟူးကို တွေ့ရှိခဲ့သော်လည်း တို့ဟူး၏ နာမည်ကျော်ကြားမှုက မမြင့်မားပေ။ တို့ဟူးကိုမြင်ရသည့် လူအများ၏ ပထမဆုံး တုံ့ပြန်ချက်မှာ ၄င်းကို ပူတင်းဟု တွေးခြင်း ဖြစ်ပေသည်။

ကုယွီမြန်က ရုတ်တရက် ရှေးဟောင်းကမ္ဘာမှ တရုတ်စကားပုံတစ်ခုကို တွေးမိသွားသည်။ သူက နှင်းကျားသစ်လေးကို မပြီး နှာခေါင်းလေးအား မနမ်းဘဲ မနေနိုင်ချေ။

"ဒါကိုလည်း တို့ဟူးစားတယ်လို့ ခေါ်တယ်..."

နှင်းကျားသစ်လေး၏ ပျင်းရိကာ သတိလက်လွတ်မျက်လုံးများက ရုတ်တရက် တိုက်ခိုက်မှုကြောင့် စိတ်ရှုပ်သွားသကဲ့သို့ အနည်းငယ် ပွင့်သွားလေသည်။ သူက ကုယွီမြန်ကို ကြည့်ကာ သူ့လက်ဖြင့် နှုတ်ခမ်းများကို ဖိထားပြီး ကြောင်အခြင်းနှင့် ချစ်ခင်ခြင်းအနည်းငယ်ကို ပြသလိုက်သည်။

နူးညံ့သော ဖျာပေါ်တွင် ထိုင်နေသည့် မြေခွေးလေးက ခေါင်းမော့ကာ တစ်စုံတစ်ခုကို ညည်းညူနေသကဲ့သို့ ရှက်ရွံ့စွာဖြင့် အမြီးယမ်းလိုက်သည်။ ကုယွီမြန်သည်လည်း မြေခွေးလေးကို မကာ သူ့နဖူးကို နမ်းလိုက်သည်။

သတိဝင်သွားပြီး ပျော်ရွှင်စပြုနေသည့် နှင်းကျားသစ်လေး "..."

သူ့၏ တည်ငြိမ်သောမျက်နှာဖြင့် မြေခွေးလေး၏ ခေါင်းကို အဝေးသို့ ဒေါသတကြီး တွန်းထုတ်လိုက်သည်။

ပန်ဒါလေးမှာ ယခုတွင် လူသားတစ်ဦးဖြစ်ကာ လက်ချောင်းများကိုစုပ်ပြီး တွန်းလှည်းထဲတွင် အပြစ်ကင်းစွာ လှဲနေပေသည်။ ယနေ့၏ ပရိသတ်မှာ နှင်းကျားသစ်လေး၏ ရှု့ထောင့်မှဖြစ်သည်။

ဤအခိုက်အတန့်တွင် သူတို့၏ နေ့တိုင်း အပြန်အလှန်ပြုမူဆက်ဆံမှုများကို ချစ်မြတ်နိုးသည့် ပရိသတ်များနှင့် အလှပဂေးများက ပေါက်ထွက်ကုန်ကြသည်။

ပရိသတ်:

[အားးးး... မြန်မြန် အနားကပ်လာတုန်းကထက်ကို ငါ့နှလုံးက ပိုခုန်နေတယ်...]

[ထွမ်ထွမ်ရဲ့ ဒီနေ့ သံပုရာသီး ပါဝင်နှုန်းကလည်း မြင့်နေတယ်...]

[ငါရုတ်တရက်ကြီး တို့ဟူးစားတာရဲ့ အဓိပ္ပာယ်ကို နားလည်သွားသလိုပဲ... ရိုးရိုးသားသားပြောရရင် ငါက တင်ဆက်သူရဲ့ တို့ဟူးကို စားချင်တယ်...]

'ငါမင်းနဲ့ သူငယ်ချင်းဖြစ်တာကို မမှတ်မိဘူး'ဟူသည့်အဖြစ်ကို ထပ်ပေါင်းလိုက်ပါက ကုယွီမြန်၏ စရိုက်နှစ်ခုမှာ အတန်ပင်ကွာခြားကာ လူအများ၏ ချစ်စရာကောင်းသည့် အားနည်းချက်များကို ထိသွားလေ၏။ မှတ်ချက်များထဲရှိ လေထုက အတန်ကြာအောင် အလွန်နွေးထွေးသွားသည်။

"ဟင်..."

၄င်းကို သိပြီးနောက် ကုယွီမြန်က အနည်းငယ် ရှက်ရွံ့သည်ဟု ခံစားလိုက်ရပေသည်။ သူက ချောင်းနှစ်ကြိမ်ဆိုးကာ လက်ခုပ်တီးပြီး လူတိုင်း၏ အာရုံစိုက်မှုကို ဆွဲယူလိုက်သည်။

"အဟမ်း... မဆိုင်တာတွေ ပြောကြမဲ့အစား ချက်လိုက်ရအောင်... ဒီနေ့ ငါက တို့ဟူးကို ပုစွန်ပန်းတွေနဲ့ ရသာမွန် စွပ်ပြုတ်ချက်ဖို့ စီစဉ်ထားတယ်... အရင်ဆုံး တို့ဟူးချဉ် လုပ်လိုက်ရအောင်..."

( T/N - ပုစွန်ပန်းက တို့ဟူးထဲကို ပုစွန်အစာသွပ်ထည့်တာပါ၊ ဟင်းချက်တာကို အသေးစိတ်ရေးထားတဲ့နေရာကျ သိသွားပါလိမ့်မယ် )

ပုစွန်နှင့် တို့ဟူးချဉ်မှာ လတ်ဆတ်ပြီး နူးညံ့သော အရသာရှိသည့် အရှေ့တောင်ပိုင်း တရုတ်ဟင်းပွဲတစ်မျိုးဖြစ်ကာ လတ်ဆတ်သော အရသာကို အာရုံစိုက်ထား၏။ သို့သော် ကုယွီမြန်၏ အချက်အပြုတ်မှာ နှင်းကျားသစ်လေးနှင့် သက်တူရွယ်တူများအား အလေးပေးထားရာ အလွန်ပေါ့ခြင်းကို ရှောင်ရှားရန် ဦးစွာ တို့ဟူးကို အိုးထဲတွင် နှစ်ဖက်စလုံး ရွှေရောင်သန်းလာသည်အထိ ကြော်လိုက်သည်။

ကုယွီမြန်မှာ ထုံးစံအတိုင်း ပုစွန်၏ ကျောကို ဖွင့်ကာ သွေးကြောများကို ထုတ်ပြီး အဆီတစ်ဝက်နှင့် ခပ်ပါးပါး နံရိုးများကို အပိုင်းသေးလေးများ လှီးထားပြီးနောက် ၄င်းတို့ကို အစာသွပ်ရန်အတွက် လှီးရန် ဓားကို လှည့်လိုက်သည်။ သူက ပုစွန်အစာသွပ်များထဲသို့ ကောက်ညှင်းဆန်မှုန့်နှင့် ဆားထပ်ထည့်လိုက်ပြီး ကြက်ဥအစိမ်းထည့်ကာ နှပ်ထားလိုက်သည်။ ထို့နောက် ကုယွီမြန်က ပုစွန်အစာသွပ်များကို စဥ်းနှီတုံးပေါ်တွင် ထပ်တလဲလဲ လှိမ့်လိုက်ပြီး ရေခဲပေါ်တွင် လတ်ဆတ်အောင် သိမ်းထားလိုက်သည်။

ဝါဂယူနံရိုးသားကို လှီးထားသော ဂျင်း၊ကြက်သွန်ဖြူ၊ ဟင်းချက်ဝိုင်၊ ပဲငံပြာရည်တို့နှင့် နှပ်ထားသည်။ အသားကို ပို၍ ကျစ်လစ်ကာ နူးညံ့စေရန် ကောက်ညှင်းဆန်မှုန့်နှင့် ရေကိုလည်း ထပ်ထည့်လိုက်သည်။

"ဒီအတိုင်းဆိုရင် ပုစွန်အစာသွပ်တွေရဲ့ အရသာက ပိုပြီး ကြွပ်ပြီး ဝါးလို့ကောင်းသွားတယ်..."

ကုယွီမြန်က ပရိသတ်ကို ရှင်းပြလိုက်သည်။

"အစာသွပ်ပြီးရင် ပေါင်းလို့ရပြီ... အဲ့ဒါက အကြာကြီး ပေါင်းစရာမလိုဘူး... အဲ့ဒါမှ ပုစွန်နဲ့ အသားတွေ အကျက်မလွန်မှာ..."

ဤအချိန်တွင် အစာသွပ်မှာ အဆင့်သင့် ဖြစ်နေလေပြီ။ ကုယွီမြန်က နူးညံ့သော တို့ဟူးကို လှီးလိုက်ပြီး အလယ်တွင် အပေါက်သေးလေးတစ်ပေါက် ကော်ထုတ်ကာ ဝက်သားအစာသွပ်နှင့် ပုစွန်အစာသွပ်ကို တစ်လှည့်စီထည့်ပြီး ပေါင်းလိုက်သည်။

သူတို့က ပြီးမြောက်အောင်လုပ်ရန် အချိန်အကြာကြီး မယူလိုက်ရပေ။ နူးညံ့သော တို့ဟူးတုံးလေးများက ပန်းရောင်ပုစွန်အစာသွပ်များနှင့် အလှဆင်ထားသည်။ မျက်နှာပြင်ကို ပေါင်းလိုက်သော်လည်း ၄င်းက အလွန်နူးညံ့ကာ ဆွဲဆောင်မှု ရှိနေဆဲဖြစ်၏။ မြေခွေးလေး၏ လက်က ကုယွီမြန်၏ လက်မောင်းပေါ်သို့ ဆွဲလိုက်သည်။ သူ့မျက်လုံးများက အပြည့်အဝ ဆွဲဆောင်ခံထားရပြီး အိုးထဲသို့ ဂရုတစိုက်ကြည့်နေသည်။

ပေါင်းခြင်းကို စောင့်နေသည့် အချိန်အတွင်း ကုယွီမြန်က လတ်ဆတ်သော ပုစွန်နှင့် တို့ဟူးချဉ်၏ အဓိက ပါဝင်ပစ္စည်းများထဲမှ တစ်ခုဖြစ်သော ပင်လယ်စာ ပဲငံပြာရည်ကို ပြုလုပ်လိုက်သည်။

"ပင်လယ်စာ ပဲငံပြာရည်က ပဲငံပြာရည်၊ သကြားခဲ၊ ပုစွန်အစာသွပ်တွေနဲ့ ကြိုပြီးလုပ်ထားတာ... အဲ့ဒါက ပိုပြီးအရသာရှိတယ်..."

သူက ဆား၊ ပဲငံပြာရည်နှင့် ပင်လယ်စာ ပဲပံပြာရည်တို့ကို အချိုးကျရောလိုက်ပြီး သကြားနှင့် နှမ်းဆီကို ထပ်ထည့်ကာ ဆန်အရက်ဝါ တစ်ဇွန်းလောင်းထည့်ပြီး တည်ထားရန် အိုးထဲသို့ ထည့်လိုက်သည်။ သကြားများက အိုးထဲတွင် အလျင်အမြန် အရည်ပျော်သွားသည်။ ဝိုင်၊ ပဲငံပြာရည်နှင့် ဆားတို့၏ ရနံ့နှင့် ချိုမြိန်သော ရနံ့တို့က တဖြည်းဖြည်း တစ်ခုတည်း ပေါင်းစည်းသွားပြီး ဆီပူများက တရှဲရှဲမြည်လာကာ အနံ့မွှေးမွှေးက ပျံ့နှံ့သွားသည်။

ဤအချိန်တွင် ပေါင်းအိုးက 'တင်'ဟူသော အသံတစ်ခုကို ပြုလုပ်ကာ ပုစွန်အစာသွပ်နှင့် တို့ဟူးက ကျက်သည်အထိ ပေါင်းပြီးသွားလေပြီ။

ကုယွီမြန်က ပဲငံပြာရည် နှစ်ဇွန်းအပြည့်ကို ပန်းကန်ပြားထဲသို့ လောင်းထည့်ပြီး ဆလတ်ရွက်ပေါ်သို့တင်ကာ နူးညံ့သော တို့ဟူးကို ပန်းကန်ပေါ်သို့ တစ်ခုချင်း တင်လိုက်သည်။ နောက်ဆုံးတွင် သူက မွှေကြော်ထားသော ဂျင်းမှ ဆီပူကို ထိုအပေါ်သို့ တစ်လွှာ လောင်းထည့်လိုက်သည်။

နူးညံ့သော တို့ဟူးမှာ ရွှေရောင်ဖြစ်ကာ ခပ်ကြွပ်ကြွပ် မျက်နှာပြင် ရှိပြီး အတွင်းပိုင်းတွင် ဖြူဖွေးနေကာ ပုစွန်က အနီရောင်ကြည်ကြည်ရှိနေပြီး မျက်နှာပြင်ပေါ်တွင် ဆီပူရှိနေသည်။ တောက်ပသော အရောင်နှင့် လှပသော အရောင်စုံက လတ်ဆတ်သော ပုစွန်တို့ဟူး၏ နူးညံ့ခြင်း၊ ချောမွေ့ခြင်း၊ အရသာရှိခြင်းနှင့် လတ်ဆတ်ခြင်းကို ညွှန်ပြနေသည်။ လတ်ဆတ်ကာ အရသာကောင်းမွန်သော ပဲငံပြာရည်က နှာခေါင်းဖျားတွင် စိမ့်ဝင်လာပြီး လူတိုင်းကို တံတွေးမျိုချရအောင် ပြုလုပ်နေ၏။

မြေခွေးလေးနှင့် တွန်းလှည်းထဲရှိ ထန်ယွမ်လေးတို့က အချင်းချင်းကြည့်ကာ ကုယွီမြန်ကို အစားအသောက်တောင်းရန် ကြည့်လိုက်သည်။ နှင်းကျားသစ်လေးက လက်ဦးမှုယူကာ ဇွန်းလက်ကိုင်ကို ကိုင်ပြီး ကုယွီမြန်အား သူ့ကို ကျွေးရန် တိုက်ရိုက် ပြောလိုက်သည်။ မလှမ်းမကမ်းတွင် အလုပ်သင်စာဖိုမှူးများက တံတွေးမျိုချနေကြပြီး ချက်ပြုတ်ခြင်း လုပ်ငန်းစဉ်နှင့် အဓိက အချက်များကို မှတ်တမ်းတင်ရန် ကြိုးစားနေကြသည်။ ဖန်သားပြင်ပေါ်တွင် ပေါ်နေသည့် မှတ်ချက်များက ဆူပွက်နေ၏။

[လက ကြည်လင်နေတယ်: အားးးးး.... ပျော်လိုက်တာ... ငါထိုင်ဖို့ လိုတယ်... အယ်လ်ဘတ် စားသောက်ဆိုင်ထဲမှာ... ငါ မီးဖိုချောင် နောက်ထဲကို ခိုးဝင်ပြီး အကုန်လုံးကို ခိုးလိုက်လို့ရလား... ငါ့အချစ်ဆုံးသူငယ်ချင်းနဲ့ ငါနဲ့က ထိုင်လို့တောင် မရတော့ဘူး...]

[ချောကလက်ကြောင်နီ: အဲ့ဒါက အရသာရှိလိုက်တာ... ငါ့တံတွေးတွေ ခုံပေါ်တောင် ဖိတ်ကုန်ပြီ... ဒီပုစွန်အစာသွပ်က ကြည့်ရတာ နူးညံ့မယ့်ပုံပဲ... ဟုတ်တယ်မလား...]

[ပန်းသီး ကြီးကြီး: ငါအရသာကို စိတ်ကူးကြည့်ပြီးပြီ=uu= ပုစွန်အစာသွပ်နဲ့ အသားအစာသွပ်ကို ပေါင်းပြီး တစ်လုတ်အပြည့် စားလိုက်ရရင်တော့...]

စစ်ထုတ်သည့် အချိန်ကာလမရောက်မီ နာရီဝက်မှာပင် မျက်တောင်တစ်ခတ်အတွင်း လူအရေအတွက်က သန်း၆၀သို့ ရောက်ရှိသွားပြီး စက္ကန့်တိုင်းတွင် ပရိသတ် အသစ်ရာကျော်က ဆက်တိုက် ဝင်လာနေပေသည်။ ပရိသတ်အသစ်၏ တစ်စိတ်တပိုင်းမှာ ကိုယ်ပိုင် ဘလော့အငယ်စားလေးပေါ်မှ GIFက အကြံပြုချက်ပေး၍ ရောက်ရှိလာခြင်း ဖြစ်သည်။ သူတို့က တိုက်ရိုက်ထုတ်လွှင့်မှု စတူဒီယိုထဲသို့ ဝင်လာလာချင်းမှာပင် အချိန်ကောင်းတစ်ခုကို ကြုံလိုက်ကြသည်။ ကုယွီမြန်က ကလေးများကို ကြွေဇွန်းကိုင်ရန် မတိုက်တွန်းဘဲ မနေနိုင်ပေ။ သူက ကလေးသုံးယောက်ကို ပုစွန်အစာသွပ် တို့ဟူးတစ်တုံးစီ ကျွေးလိုက်သည်။

အိုးထဲမှ ချချခြင်းဖြစ်သော ကျိုထားသည့် တို့ဟူးက ပူနေဆဲဖြစ်သည်။ လတ်လတ်ဆတ်ဆတ်ပုစွန်နှင့် ဝက်နံရိုးများကို ပေါင်းခံကာ ကျိုထားပြီး အရသာရှိသော အရည်ထုတ်ထားလိုက်သည်။ နူးညံ့သော တို့ဟူးက အသားပြုတ်ရည်နှင့် ပဲငံပြာရည်ကို စုပ်ယူကာကြွပ်ရွရွ အပေါ်ယံလွှာကို ကိုက်လိုက်သည့်အခါ စွပ်ပြုတ်ပူပူက ပါးစပ်ထဲသို့ စီးဝင်လာသည်။

ကြွပ်ဆတ်ကာ ပျော့ပြောင်းသော ပုစွန်၊ အဆီတစ်ဝက် အသားတစ်ဝက် ဝက်သား၊ အရသာပြည့်နေသော ပဲဆောစ့်တို့နှင့် နူးညံ့ကာ ချောမွေ့သော တို့ဟူးက အလွန်အရသာရှိကာ မရပ်တန့်နိုင်ပေ။

မြေခွေးလေးက ၄င်းကို အရသာခံပြီးနောက် သူ့အမြီးကို တိုက်ရိုက်ကိုင်ကာ ထန်ယွမ်နှင့် ထိုင်ချလိုက်ပြီး ရှက်ရွံ့ပျော်ရွှင်မှုဖြင့် ခွေနေလေသည်။ နှင်းကျားသစ်လေး၏ လက်က ကုယွီမြန်၏ လက်ကို ဖိထားပြီး သူ့ကို ဆက်ကျွေးရန် တိတ်တဆိတ် တိုက်တွန်းနေသည်။ ဤအချိန်တွင် ဖန်သားပြင်ပေါ်တွင် ပေါ်နေသည့် မှတ်ချက်များက ဒုတိယအကြိမ် ထိပ်ဆုံးသို့ ထပ်မံတွန်းပို့ခြင်း ခံလိုက်ရသည်။

[ဗီဗီယန်: စားလိုက်... ဒီတို့ဟူးက ပူတင်းနဲ့တူတယ်... အဲ့ဒါက အရသာရှိပြီး နူးညံ့တယ်... အဲ့ဒါက ပုစွန်၊ အသား၊ ဆော့စ်တွေနဲ့ အရမ်းကို ပြီးပြည့်စုံနေတာ...]

[အလှကုန်တွေကို လွှင့်ပစ်မယ်: အဲ့ဒါက အဲယာ်လ်ဘတ်စားသောက်ဆိုင်မလား... ငါလာပြီ...]

[Sdysuf: တင်ဆက်သူ... မြန်မြန် အဲ့ဟင်းပွဲကို စားသောက်ဆိုင်ထဲမှာ ထည့်ရဲသရွေ့ ငါဒီဟင်းပွဲကို ဝယ်မယ်... ငါ စားသောက်ဆိုင်ကို ရွှေ့လာမယ်... ဆိုင်ကို ဟိုတယ်လုပ်ငန်းတစ်ခုအထိ တိုးချဲ့ချင်လား...]

[မိုင်းတွင်းထဲမှာ မိသားစုတစ်ခုရှိတယ်: တွေးခေါ်နည်း အသစ်တစ်ခုကို ဖွင့်လိုက်... မြန်မြန်က စားသောက်ဆိုင်တစ်ခုဖွင့်ပြီးပြီဆိုတော့ သူက ဟိုတယ်တစ်ခု ထပ်ဖွင့်မှာလား... နောက်ထပ် ဆံပင်အလှပြင်နဲ့ ရေချိုးခန်းတွေရော တခြားဟာတွေရောပဲ...]

နာရီဝက်စစ်ထုတ်သည့် ကာလသို့ ရောက်သည့်အခါ ပရိသတ်က သန်း၇၀ဖြစ်နေလေပြီ။ ကုယွီမြန်၏ တိုက်ရိုက်ထုတ်လွှင့်ရေး စတူဒီယိုက မူလစာမျက်နှာ၏ အချိန်နှင့်တစ်ပြေးညီ နာမည်ကျော်ကြားမှုစာရင်း၏ ထိပ်ဆုံးသုံးယောက်သို့ တိုက်ရိုက်ပင် ထိုးတက်သွားသည်။

"နည်းနည်းစားပြီး အရင်ဆုံး အရသာခံကြည့်လိုက်..."

ကုယွီမြန်က ဖန်သားပြင်ပေါ်တွင် ပေါ်နေသည့် မှတ်ချက်များကို ကြည့်လိုက်ပြီးနောက် ကလေးသုံးယောက်၏ ချစ်စရာတုံ့ပြန်မှုများကို ကြည့်လိုက်ပြီး မရယ်ဘဲ မနေနိုင်ပေ။

" ကျွန်တော်က ဒါပြီးသွားရင် ပုံမှန်နေ့လည်စာ စားမှာ... ဒါနဲ့ ကျွန်တော့်ရဲ့စားသောက်ဆိုင်ကို ပြမယ်... အားတဲ့အချိန် ဒီမှာ ညစာလာစားဖို့ ကြိုဆိုနေပါတယ်နော်..."

ဤသည်က ကုယွီမြန်မှာ အယ်လ်ဘတ်စားသောက်ဆိုင်ကို ဦးစီးနေသည်အား သူတို့ပထမဆုံး ကြားဖူးခြင်းဖြစ်သည်။ မှတ်ချက်များ၏လေထုက နွေးထွေးနေကာ သူတို့က ချက်ချင်း ထိုအကြောင်းကို ပြောလိုက်သည်။

🐯🐯🐯

Prev Next