Welcome To MM Storyteller
LOGIN
Chapter 163
ယခုအချိန်တစ်ကမ္ဘာလုံးတွင် ရေပန်းအစားဆုံးကို ပြောရမည်ဆိုပါက ရှအန်း၏ကွန်ဖူးပင်ဖြစ်သည်။
Reality show တစ်ခုက နာမည်ကြီးအဖြစ်အပျက်များစွာကို ကျော်လွှားသွားနိုင်မည်ဟု မည်သူမျှ မထင်ခဲ့ကြပေ။
တရုတ်လူမျိုးများရိုက်ကူးသည့် variety show က တရုတ်လူမျိုးတို့၏ ကမ္ဘာကြီးကို နာမည်ကြီးသွားစေမည်ဟုလည်း မည်သူမျှ မမျှော်လင့်ခဲ့ပေ။ နာမည်ကြီးဒါရိုက်တာ ထုတ်လုပ်ရေးနှင့် ထင်ရှားကျော်ကြားသော အနုပညာရှင်များ မပါဝင်ခဲ့ပေ။ ၎င်းကို ကြီးမားသော အရှိန်အဟုန်ကို ဖြစ်ပေါ်စေသည့် သေးငယ်သော အစီအစဉ်တစ်ခုအဖြစ်သာ မှတ်ယူနိုင်သည်။
"ရှအန်း၏စတားဘဝ" အပိုင်း၄က တစ်ကမ္ဘာလုံးကို တရုတ်နိုင်ငံမှ အမျိုးသမီးအနုပညာရှင် ရှအန်းကို သိရှိသွားစေခဲ့သည်။
"ရှအန်း၏စတားဘဝ" အပိုင်း၅နှင့် အပိုင်း၆က ရှအန်းနှင့် သူမ၏ဘဝကို တစ်ကမ္ဘာလုံးရှေ့တွင် ကြော်ငြာခဲ့သည်။
မြောက်များစွာသောနိုင်ငံများမှ တီဗွီရုပ်သံလိုင်းများက "ရှအန်း၏စတားဘဝ" ကို ထုတ်လုပ်ခွင့်ကို ဝယ်ယူချင်လာကြသည်။ ကမ္ဘာတစ်ဝှမ်းတွင် လူသိများခဲ့သည့် variety show ကို တစ်ကမ္ဘာလုံးကို ယူဆောင်လာချင်ခဲ့သည်။
ထိုအချိန်အတောအတွင်း ဟန်ယွဲ့နှင့် ရှုထျန်းထျန်း အလွန်အလုပ်များခဲ့ကြသည်။
" ကောင်းပါပြီ ကျွန်မသိပါပြီ ဥက္ကဌဟန် ... ဟုတ်ကဲ့ ကျွန်မ အာရုံစိုက်လိုက်ပါ့မယ် စိတ်မပူပါနဲ့ ..."
ရှုထျန်းထျန်း ဖုန်းချလိုက်သည်ကို မြင်သောအခါ ရှအန်းက အပြုံးဖြင့်မေးလိုက်သည်။
" ဘာဖြစ်လို့လဲ ဟန် တစ်ခုခုဖြစ်လို့လား ..."
သူမ၏အေးဂျင့် ဖြစ်လာပြီးတည်းက ဤမိန်းကလေး အလွန်အလုပ်များလာကြောင်း သူမသိသည်။
သူမ၏ဖုန်းတစ်ကြိမ်မြည်လာတိုင်း အတူရှိနေသော ရှအန်းက သူမကိုယ်တိုင် နာမည်ကြီးအနုပညာရှင်ဖြစ်လာပြီဟု ထင်လာခဲ့သည်။
သူမ၏အေးဂျင့်လေးက နေ့တိုင်း အဆုံးမရှိ အလုပ်ရှုပ်နေခဲ့သည်။
" မစ္စတာဟန်ပြောတာက variety show ကို နိုင်ငံအများကြီးကို ရောင်းဖို့ရှိတယ်တဲ့ အဲ့ဒါကြောင့် ရက်အနည်းငယ်အတွင်း ကျွန်မတို့ဆီကို လက်မှတ်ထိုးဖို့ စာချုပ်တစ်စောင်ပို့ပေးလိုက်မယ် ဆိုတဲ့အကြောင်း ပြောတာပါ ..."
ရှုထျန်းထျန်းက အပြုံးတစ်ခုနှင့် ရောက်လာပြီး ပျော်ရွှင်စွာပြောလိုက်သည်။
" စာချုပ်လား ..."
ရှအန်း မျက်တောင်ခတ်လိုက်သည်။
" အိုး ... မစ္စတာဟန်ပြောတာ ဒီရှိုးကို အရမ်းနာမည်ကြီးလာမယ်မထင်ခဲ့လို့ အခုမှစာချုပ်ကို ပြောင်းချင်တာတဲ့ ..."
ရှအန်းအထင်လွဲသွားမည်ကိုစိုးရိမ်၍ ရှုထျန်းထျန်းက အလျင်စလို ရှင်းပြလိုက်သည်။
" ရှအန်းကျဲကျဲ စိတ်အေးအေးထားပါ ... စာချုပ်အသစ်က ပိုပြီး အကျိုးကျေးဇူးများတယ် ... ဥက္ကဌဟန်က ဘောနပ်စ်လည်း ထည့်ပေးထားတော့ ပိုအဆင်ပြေတယ် ..."
ရှအန်းရယ်လိုက်သည်။
" ထျန်းထျန်း ဟန်ယွဲ့ကို ရိုးသားတဲ့လူလို့များ ထင်နေလား ..."
" မဟုတ်ဘူး ... ဥက္ကဌဟန်က အရမ်းစမတ်ကျတဲ့လူပါ ... သူက ဒီလိုနည်းနဲ့ ကျဲကျဲကို အနိုင်ယူဖို့ကြိုးစားနေတာ ... အခု ရှအန်းကျဲကျဲက တရုတ်မှာမက တစ်ကမ္ဘာလုံးမှာလည်း နာမည်ကြီးနေပြီဆိုတော့ ဒီအမြတ်ငွေတွေက ရင်းနှီးမြှုပ်နှံမှုအတွက်ပဲ ..."
ဟန်ယွဲ့က သူမဦးလေး၏သူငယ်ချင်းဖြစ်သော်လည်း ရှုထျန်းထျန်းက ဘက်မလိုက်ပဲ ဤကိစ္စ၏အကျိုးအမြတ်များအကြောင်း ရှအန်းကို ဂရုတစိုက် ရှင်းပြလိုက်သည်။
ရှုထျန်းထျန်းက ကိစ္စများကို လေးနက်ပြီး ဂရုတစိုက်ဖြင့်သာ စီစဉ်ဆုံးဖြတ်တတ်သည်။ ဟန်ယွဲ့က သူမအတွက် အေးဂျင့်ကောင်းတစ်ယောက်ကို ရှာပေးခဲ့သည့်အတွက် သူမဝမ်းသာနေမိသည်။
စွမ်းရည်ပိုင်းနှင့် ပတ်သက်၍ပြောခြင်းမဟုတ်ပေ။ သူမ၏ အပြည့်အဝ သစ္စာရှိမှုကြောင့် ရှအန်းက အမှတ်ပြည့်ပေးလိုက်သည်။
သစ္စာရှိမှုကလည်း သူမ ဂရုအစိုက်ဆုံးအရာဖြစ်သည်။
" ဟားဟား ... ထျန်းထျန်းက အရမ်းရိုးသားတာပဲ ..."
ရှအန်းက ရှုထျန်းထျန်း၏ ပခုံးကိုပုတ်ကာ ချီးမွမ်းလိုက်သည်။
ချီးမွမ်းခံရပြီးနောက် ရှုထျန်းထျန်း၏မျက်နှာက ပန်းပွင့်ကဲ့သို့ ပွင့်လန်းလာသည်။
အား အား အား ... နတ်ဘုရားမလေးက ငါ့ကိုချီးကျူးတယ် ...
အရမ်းကောင်းတာပဲ ... အနာဂတ်မှာလည်း နတ်ဘုရားမလေးအတွက် အများကြီး အလုပ်ကြိုးစားပေးရမယ် o (*> ▽ <*) o
" စကားမစပ် တို့က ‘Return to Earth’မှာ ဂျုန်းနေရာက သရုပ်ဆောင်ပြီးပြီဆိုတော့ တချို့ကြော်ငြာလေးတွေ ကူညီပြီးစီစဉ်ပေးလို့ရပြီနော် ..."
‘Return to Earth’၏ရိုက်ကူးရေးပြီးဆုံးသွားသည်မှာ ကြာမြှင့်ပြီဖြစ်ပြီး အဖွဲ့သားများကလည်း "ရှအန်း၏ကြယ်ပွင့်ဘဝ" ပထမပိုင်းတည်းက သူမနှင့်အတူ ရှိနေခဲ့သည်။
ယခု "ရှအန်း၏ကြယ်ပွင့်ဘဝ" အပိုင်း၆ကို ထုတ်လွှင့်ပြီးပြီဖြစ်၍ သူမ၏ရိုက်ကူးရေးကလည်း ပြီးဆုံးလုပြီဖြစ်သည်။
ရှအန်း အလုပ်စလုပ်တော့မည့်အကြောင်း ပြောလိုက်သည်နှင့် ရှုထျန်းထျန်း၏မျက်လုံးများ ချက်ချင်းအရောင်တောက်လာသည်။
သူမ ရှအန်း၏အေးဂျင့်ဖြစ်ချိန်မှစ၍ ပူးပေါင်းဆောင်ရွက်ရန် ဖုန်းခေါ်မှုများစွာကို ရရှိထားခဲ့သည်။
သို့သော် နတ်ဘုရားမလေးက အလွန်ပျင်းရိနေပြီး ရည်ရွယ်ချက်အတွက် အားတက်သရောမရှိပေ။
Variety show နှင့် ‘Return to Earth’၏ ရုပ်ရှင်ရိုက်ကူးရေးမှလွဲ၍ နတ်ဘုရားမလေးအတွက် တခြားရှိုးတစ်ခု မရှိပေ။
" ရှအန်းကျကျဲ ကျွန်မ အဆင်ပြေမယ့်အလုပ်တော်တော်များများကို သေချာစိစစ်ထားတယ် ... ကျဲက အချိန်တစ်ခုအထိ တရုတ်ကို မပြန်သေးပဲ ကြော်ငြာတွေကဲ လက်ခံမယ်ဆိုတော့ အများကြီးတော့မလုပ်ရပါဘူး ..."
ထို့နောက် ရှုထျန်းထျန်းက မှတ်စုစာအုပ်ကို ထုတ်လိုက်သည်။
သူမ ရွေးချယ်ထားသည်များက ရှအန်း၏လိုအပ်ချက်များနှင့် ပို၍ကိုက်ညီသည်။ ရှအန်း၏လက်အတွင်းသို့ ကောင်းမွန်သည့်ကြော်ငြာများသာ ရောက်ရှိလာသည်။
မှတ်စုထဲတွင် ရေးမှတ်ထားသည်များက တရုတ်နှင့် နိုင်ငံခြားမှ စီးပွားရေးလုပ်ငန်း အကြီးအသေး အားလုံးပါဝင်သည်။ ကြော်ငြာများသာဖြစ်သော်လည်း သူမရွေးချယ်ရန် လုပ်ငန်းပါတနာက များပြားလွန်းလှသည်။
" ကြော်ငြာတွေပဲဆိုတော့ ရိုက်ကူးဖို့ အချိန်သိပ်မကုန်ဘူးမလား ..."
ရှအန်းက ရှုထျန်းထျန်းကိုကြည့်ပြီး မေးလိုက်သည်။
" ဟုတ်တယ် အချိန်သိပ်မကုန်ဘူး ..."
ရှုထျန်းထျန်းက အပြုံးဖြင့်သာ ပြန်ဖြေလိုက်သည်။
" အားလုံးက ရှအန်းကျဲရဲ့ စံသတ်မှတ်ချက်အတိုင်းပါပဲ ... ဒီတရုတ်ဘရန်းတွေက ကျဲရဲ့လိုအပ်ချက်တွေနဲ့ ကိုက်ညီပြီး ယူအက်စ်ကို ရိုက်ကူးရေးလုပ်ဖို့ လာနိုင်ပါတယ်တဲ့ ..."
ရှအန်းက တိတ်တိတ်ဆိတ်ဆိတ်ဖြင့် ခေါင်းငြိမ့်ပြလိုက်သည်။
" ဒီ ဘရန်းတွေက ယုံကြည်အားထားရလား ..."
သူမက ငွေမက်သူဖြစ်သော်လည်း သူမကိုယ်ပိုင်ကုမ္ပဏီ၏ ထုတ်ကုန်များနှင့် ပတ်သက်၍ ပြောရေးဆိုခွင့်ရှိသူလည်း ဖြစ်နေသည်။ သေးငယ်သော အကျိုးအမြတ်တစ်ခုကြောင့် သူမ၏ပုံရိပ်ကို မပျက်စီးလိုပေ။
" စိတ်ချပါ ရှအန်းကျဲကျဲ ... ဒီဘရန်းတွေကို ကျွန်မအသေးစိတ် စုံစမ်းထားတယ် သာမန်အလုပ်ရုံလေးတွေ မဟုတ်ဖူး ..."
ရှအန်း ရွေးချယ်လိုက်သည့်ဘရန်းများကို သူမမှတ်စုထဲတွင် မှတ်ထားလိုက်သည်။ ရှအန်းက စိစစ်ရွေးချယ်ပြီးသောအခါတွင်လည်း မြောက်များစွာ ကျန်နေသေးသည်။
ရှအန်း၏ နှစ်သက်မှုကိုရရှိမည့် ကံကောင်းသောဘရန်းကို သူမသိချင်နေသည်။
ရှအန်းက သူမ မမျှော်လင့်ထားသည့် ရွေးချယ်မှုများကို ပြုလုပ်လိုက်၍ ရှုထျန်းထျန်း ထခုန်မိမတတ်ဖြစ်သွားသည်။
" ရှအန်းကျဲ ဒါတွေက နိုင်ငံတကာဘရန်းတွေမဟုတ်ဖူး ... အဆင့်မြှင့်ဇိမ်ခံပစ္စည်းတွေလည်းနည်းနည်းပဲရှိတာ ... ရုပ်ရှင်ပြမယ့်အချိန်စောင့်ပြီးမှ ရိုက်မယ်ဆိုရင် ကျွန်မတို့ ..."
ရှုထျန်းထျန်း စကားမဆုံးမီ ရှအန်းက ဖြတ်ပြောလိုက်သည်။
" ဒါဆိုလည်း အဲ့ဒါတွေအားလုံးကိုယူမယ် ..."
" ကောင်းပါပြီ ..."
ရှုထျန်းထျန်း၏ မသိစိတ်က ခေါင်းငြိမ့်လိုက်ပြီး စက္ကန့်အနည်းငယ်အကြာမှ သူမ အသိစိတ်ပြန်ကပ်သွာသည်။
" အာ ..အမ် ရှအန်းကျဲကျဲ ဘာပြောတာလဲဟင် အကုန်ဆိုတော့ ဒီကြော်ငြာတွေအကုန်လား ..."
Welcome To MM Storyteller
LOGIN
Welcome To MM Storyteller
REGISTER