MM Story Teller

Chapter 154

Viewers 8k

🚩Chapter -154

Arc_7.နေရာလွဲမှားနေသောသမီး [ 20 ]

_____

ကပွဲည၏လေထုက လှုပ်လှုပ်ရှားရှားဖြစ်နေကာ အဆက်မပြတ် လင်းလင်းလက်လက်ဖြစ်နေသော ခန်းမမီးများကလည်း ပြိုးပြိုးပြက်ပြက်ရှိနေသည်။

စုရွေ့က စုဝမ်အား လက်များဖြင့် ရစ်ပတ်ထားကာ နှစ်ယောက်သားက ကနေသည့် လူအုပ်ကြီး၏ ဘေးအစွန်လေးတွင် စတင်၍ ကလိုက်ကြသည်။ ထို့နောက် ဖြေးညင်းစွာနှင့် စုရွေ့က စုဝမ်ကို ကပွဲအလယ်သို့ ခေါ်ဆောင်သွားသည်။ သိပ်မကြာခင်၌ပင် နှစ်ယောက်သားက ဝမ့်ဝမ့်ဟောက်နှင့် ကျန်းယိုတို့ ကနေသော နေရာအနားဆီသို့ ရောက်ရှိသွားကြ၏။

ထိုအချိန်တွင် ကျန်းယိုက ဝမ့်ဝမ်ဟောက်၏ ညင်သာပြီးသေချာဂရုတစိုက်သင်ကြားပေးမှုများအောက်တွင် အခြေခံကကွက်အချို့ကို ကျွမ်းကျင်ပိုင်နိုင်နေပြီဖြစ်သည်။ သူတို့နှစ်ယောက်ကြားတွင် တိတ်တဆိတ်နှင့် နားလည်မှုများရှိလာခဲ့သည်။ သူတို့က တစ်ယောက်နှင့်တစ်ယောက် ကြင်ကြင်နာနာကြည့်နေကြကာ လေထုကလည်း ကြည်နူးသင်းပျံ့နေတော့၏။

“ဇနီးလေး သူတို့ကို စိတ်လှုပ်ရှားစရာလေးတွေ ပေးလိုက်ရအောင်”

စုရွေ့က မျက်နှာကိုအရှေ့သို့ တိုးလာ၍ နှုတ်ခမ်းများက စုဝမ်၏ စုန်းမဦးထုပ်အနားဆီသို့ တိုးသွားကာ သူ၏သွားစွယ်များက ဦးထုပ်အစွန်းကို နှစ်ကြိမ်တိတိ ကိုက်လာသည်။

အဆိုးလေးပဲ....။

စုဝမ်က မနေနိုင်ဘဲ စုရွေ့ကို ပါးနပ်စွာ ပြန်ပြုံးပြလိုက်၏။ နောက်တစ်စက္ကန့်တွင် သူမက တင့်တယ်လှသည့် လှည့်ပတ်ခြင်းကို စတင်လာခဲ့သည်။ သူမလှည့်လိုက်ချိန်တွင် ကျန်းယိုအနား၌ရှိနေရာ သူမခြေထောက်မှ ဒေါက်ဖိနပ်များဖြင့် စနိုးဝှိုက်၏ ဝတ်စုံရှည်လေးအား တိကျသောထောင့်တစ်နေရာမှ တက်နင်းလိုက်လေသည်။

အထူးဆိုင်ရှိ အဝတ်အထည်များ၏ အရည်အသွေးက ပုံမှန်အားဖြင့် အာမခံထားလေသည်။ တက်နင်းလိုက်ခြင်းကြောင့် အဝတ်အစားများပြဲမသွားခဲ့ပေ။ သို့သော် စုဝမ်က အားကုန်သုံးထားခြင်းဖြစ်ပြီး မနင်းခင်တွင်လည်း တိကျသောနေရာကိုချိန်ထားသောကြောင့် ကျန်းယိုအတွက် ဖန်တီးပေးထားသော မင်းသမီးဝတ်စုံလေးမှာ ချက်ချင်းကျွတ်ကျသွားပြီး အထဲမှ အဖြူရောင်အတွင်းခံများပေါ်လာတော့သည်။

“အား”

အဖြစ်အပျက်က မြန်ဆန်လွန်းသည့်အတွက် သူမတစ်ကိုယ်လုံး ပေါ်သွားသည်ကိုသတိထားမိသည့်အချိန်တွင် ကျန်းယိုက စတင်အော်ဟစ်လေ၏။ ဝမ့်ဝမ်ဟောက်၏ မျက်လုံးများလက်သွားသည်။ မျက်မှန်တပ်မထားသောကြောင့် ဝမ့်ဝမ်ဟောက်က လူအုပ်ကြီးကြားထဲတွင် အနက်ရောင်အရိပ် ဖြတ်ခနဲဖြစ်သွားသည်ကိုသာ မြင်လိုက်ရသည်။ ကျန်းယိုအပေါ်တွင် ရည်ရွယ်ချက်ရှိရှိ လုပ်ကြံကစားရဲသည့် တရားခံကို မဖမ်းနိုင်လိုက်ချေ။

ထိုအချိန်တွင် ကျန်းယို၏ အာမေဋိတ်သံက သူမအနားရှိ လူတိုင်း၏ အာရုံကို ဆွဲဆောင်လိုက်သည်။ ဝမ့်ဝမ်ဟောက်က ချက်ချင်းသူ၏ သင်းအုပ်ဆရာဝတ်ရုံကို ချွတ်လိုက်ကာ ကျန်းယို၏ ခန္ဓာကိုယ်ကို လွှမ်းခြုံပေးလိုက်သည်။

“အဆင်ပြေတယ် မကြောက်နဲ့”

ဝမ့်ဝမ်ဟောက်တွင် ပါးလွှာသည့် အဖြူရောင်ရှပ်လေးတစ်ထည်သာကျန်တော့သည်။ သူက ငုံ့ချလိုက်၍ ကျန်းယိုကို ရင်ခွင်ထဲသို့ သွင်းလိုက်သည်။

“မင်းကို အရင်ဆုံး ဒီကနေ ခေါ်သွားပေးမယ်”

ထိုအချိန်တွင် ကျန်းယိုက အသိစိတ်မဲ့သည်အထိ ထိတ်လန့်နေ၏။ ဝမ့်ဝမ်ဟောက်၏ မျက်နှာဖုံးအောက်မှ ညင်သာပြီး နွေးထွေးသည့် မျက်ဝန်းတစ်စုံကို တွေ့လိုက်သောအခါ ကျန်းယိုက မသိစိတ်အရ ချက်ချင်းသူ၏ပူနွေးနေသည့်ရင်ဘတ်သို့ မျက်နှာအပ်ထားမိသည်။

ထိုလူ၏ လက်များနှင့် ရင်ဘတ်က နွေးထွေးနေကာ သူမကို စိတ်သက်သာရာရအောင် လုပ်ဆောင်ပေးနေသည်။

ဝမ့်ဝမ်ဟောက်က ကျန်းယိုကို ချီ၍ ကပွဲမှထွက်သွားသည်ကိုကြည့်ရင်း စုရွေ့၏ နှုတ်ခမ်းထောင့်များက မြင့်တက်သွား၏။ ထွက်ခွာသွားသည့် လူ၏နောက်ကျောကိုကြည့်၍ လူအုပ်ကြီးထဲတွင် နူးညံ့စွာ တီးတိုးပြောလာသည်။

“အယ်... အဲ့ဒီရှပ်အကျီကိုမှတ်မိတယ် အဲ့ဒါ ဆရာဝမ့်မလား”

ဝမ့်ဝမ်ဟောက်က ဖုန်းဟန်ကျောင်းတွင် လူသိများသည့်သူဖြစ်သည်။ ငယ်ရွယ်ကာချောမောပြီး သူ့အဝတ်အစားများကို ကြည့်ရုံနှင့်တင် သူက သာမန်ထက်ကျော်လွန်နေသည့်သူတစ်ယောက်ဖြစ်ကြောင်းကို သိနိုင်သည်။

အဖြူရောင်ရှပ်က ဝမ့်ဝမ်ဟောက်အများဆုံး ဝတ်နေကျဖြစ်ပြီး သူက နာမည်ကြီးတံဆိပ်ကိုသာ ဝတ်သည်။

စုရွေ့၏အသံကိုကြားသောအခါ ကပွဲအလယ်မှ လူများ၏ခေါင်းများက ဝင်ပေါက်ဆီသို့ လှည့်လာကြသည်။ ထိုအချိန်တွင် ကျန်းယိုကိုချီ၍ ဝင်ပေါက်သို့ ရောက်နေပြီဖြစ်သည့် ဝမ့်ဝမ်ဟောက်က သူ့အနောက်မှ တီးတိုးစကားသံတို့ကို မကြားနိုင်တော့ပေ။

“ဆရာဝမ့်နဲ့ ကနေတဲ့သူက ဘယ်သူလဲ”

“ငါမသိဘူး သူမက ဝတ်စုံကိုတောင် ယူမသွားဘူး ကြည့်ရတာ တိုက်ပွဲထဲကို ခါးအထိဝတ်လစ်စလစ်နဲ့ ဝင်သွားတဲ့ပုံပဲ”

လူအုပ်ကြီးထဲမှ ဘယ်သူမှန်းမသိသည့်လူနှစ်ယောက်က မနာလိုမုန်းတီးနေမှုများနှင့် စကားနှစ်ခွန်းကိုဆိုလာရာ ချက်ချင်း မီးလောင်ရာလေပင့်သလို ဖြစ်သွားတော့သည်။

ဝမ့်ဝမ်ဟောက်နဲ့အတူရှိနေက ဆရာမလား ဒါမှမဟုတ် ကျောင်းသူတစ်ယောက်လား.....။

ကျစ် ကျစ် ကြည့်ရတာ ဖုန်းဟန်ကျောင်းမှာ ဆရာတပည့် အချစ်ဇာတ်လမ်းလေးရှိလာတော့မယ်နဲ့ တူတယ်....

ဖုန်းဟန်ကျောင်းမှ ကျောင်းသားကျောင်းသူအားလုံးသည် ချမ်းသာပြီး အမျိုးမြင့်မြတ်သည့်သူများဖြစ်ကြသည်ကို သိထားရမည်။ သူတို့တွင် မြင့်မားသည့်စံနှုန်းများရှိပြီး တင်းကြပ်သောမိသားစုများတွင် ကြီးပြင်းလာကြသူများ ဖြစ်ကြသည်။ အချို့သော ပလေးဘွိုင်းများက အပြင်ဘက်တွင် အရူးများကဲ့သို့ ပါတီပွဲများ ကျင်းပလျှင်တောင်မှ၊ ကျောင်းမှ ကျောင်းအုပ်ကြီး အိုးယန်၏မျက်နှာကိုမထောက်လျှင်တောင် သူတို့မိဘများ၏ ဂုဏ်သတင်းကြောင့် ကျောင်းသားကောင်းများအဖြစ် ဟန်ဆောင်နေထိုင်ကြလိမ့်မည်။

Dမြို့၏ အရာရှိများနှင့် လုပ်ငန်းရှင်များ၏ သားသမီးများစုဝေးရာ ဤကျောင်းတော်တွင် သတင်းတစ်ခု ထွက်လာပါက မြို့ထဲသို့ပါ ပျံ့နှံ့ပြီးသားဖြစ်၏။

လူတိုင်းက ခန့်မှန်းဆွေးနွေးမှုများပြုလုပ်နေကြချိန်တွင် စုရွေ့က စုဝမ်အား ဘေးဘက်တံခါးကိုဖြတ်၍ ခန်းမထဲမှ ခေါ်ထုတ်လာခဲ့၏။

အပြင်ဘက်တွင် ညလေအေးလေးက တိုက်ခတ်နေသည်။

စုဝမ်က အေးစိမ့်မှုကြောင့် သူမ၏ဝတ်ရုံကို တင်းတင်းကိုင်၍ဆွဲဖုံးလိုက်သည်။ နောက်တစ်စက္ကန့်တွင် စုရွေ့က သူမအနောက်မှ တင်းကြပ်စွာပွေ့ဖက်လာသည်။

“ဇနီးလေး အိမ်ပြန်ရအောင်”

“ကောင်းပြီ”

စုဝမ်ခေါင်းညိတ်လိုက်သည်။ စုရွေ့ပြောလာသည့် အိမ်က စုမိသားစုအိမ်မဟုတ်ဘဲ ကျောင်းနားတွင် သူတို့ငှားရမ်းထားသည့် တိုက်ခန်းကိုဆိုလိုခြင်းဖြစ်၏။

တိုက်ခန်းထဲမှ အရာအားလုံးက စုဝမ် ထွက်သွားသည့်နေ့ကကဲ့သို့ပင် ရှိနေသည်။ နေ့လည်ဘက်တွင် နေ့တိုင်း လာရောက်သန့်ရှင်းရေးလုပ်ပေးရန် စုဝမ်က အချိန်ပိုင်းအလုပ်သမားကိုငှားခဲ့သည်။

တိုက်ခန်းတံခါးကိုဖွင့်လိုက်သောအခါ ပူနွေးနေသော လေက သူမမျက်နှာကို တိုက်ခတ်လာသည်။

စုဝမ်က လက်မြှောက်၍ တံခါးအဝမှ မီးကိုဖွင့်ရန် ပြင်လိုက်သော်လည်း စုရွေ့က သူမကို တားဆီးလာ၏။

“မီးတွေမဖွင့်လိုက်နဲ့”

စုရွေ့က စုဝမ်ကို တံခါးတွင်ဖိကပ်လိုက်ပြီး မျက်နှာလေးကို အနမ်းခြွေလိုက်သည်။

“ရှောင်ဝမ် ဝမ့်ဝမ်ဟောက်နဲ့ ကျန်းယိုတို့ ဘာလုပ်နေမလဲ ခန့်မှန်းကြည့်ပါလား”

“ကျွန်မက ဘယ်လိုလုပ်သိမှာလဲ”

ပြောပြီးသည်နှင့် စုဝမ်က သူမ၏မျက်နှာကို အနှောင့်အယှက်ပေးနေသည့် စုရွေ့၏ ပါးစပ်ထဲမှ သွားစွယ်နှစ်ခုကို ဖယ်ထုတ်လိုက်သည်။

“ကောင်းပြီ ဆရာဝမ့်ရဲ့ နည်းစနစ်တွေ ဘယ်လိုနေလဲဆိုတာကြည့်ရအောင်”

စုရွေ့က ရုတ်တရက် လက်ထဲမှ သေးငယ်သည့် လက်ခံကိရိယာအသေးလေးကို ထုတ်ယူလိုက်ကာ စုဝမ်၏အရှေ့တွင် လှုပ်ခါပြလာသည်။

“ကုမ္ပဏီက အသစ်ထုတ်ထားတဲ့ ကင်မရာအသေးလေးကို ကျန်းယိုရဲ့ဆံပင်ထဲမှာ စောစောက မတော်တဆထည့်ပေးလိုက်တယ်”

အဲ့လို “မတော်တဆ”မျိုးက ရှိရောရှိလို့လား...။

အဲ့ဒါက သိသိသာသာကြီးကို တမင်လုပ်လိုက်တာလေ...။

စုဝမ်က မျက်ခုံးပင့်၍ စုရွေ့၏လက်ထဲမှ လက်ခံကိရိယာအသေး‌လေးကို လေးလေးနက်နက်ကြည့်လိုက်သည်။

“ရှင့်ကိုကြည့်ရတာ ကျန်းယိုကို စိတ်ဝင်စားနေတဲ့ပုံပဲ”

“ဇနီးလေး...ကိုယ်..”

စုရွေ့ရှင်းပြတော့မည့်အချိန်တွင် စုဝမ်က သူ့လက်ထဲမှ လက်ခံကိရိယာအသေးလေးကို လျင်မြန်စွာ ဆွဲယူလိုက်၏။

“အဲ့လိုဖြစ်လာမှတော့ ကျွန်မလည်း တကယ်တော့ ဝမ့်ဝမ်ဟောက်ရဲ့ နည်းစနစ်တွေကို အရမ်းသိချင်မိတယ် ဒီလူ့ရဲ့ ကြီးမားတဲ့ပစ္စည်းကတခြားသူတွေနဲ့မတူဘဲ သာမန်ထက်ကျော်လွန်ပြီး ကျန်းယိုကို တစ်ခါတည်းနဲ့တောင် ရနိုင်တယ်လို့ လူတွေကပြောကြတယ် ဟင်း သူများတွေထက် အရည်အချင်းညံ့ဖျင်းတဲ့သူတွေက သူ့ရဲ့နည်းစနစ်တွေကို စိတ်အားထက်သန်စွာနဲ့ ကြည့်ချင်တာ နားလည်ပေးနိုင်စရာပါပဲ”

“ကိုယ့်ဇနီးလေး ကိုယ်မှားတာ သူများတွေကိုခိုးကြည့်တာက မကောင်းပါဘူး”

စုဝမ်၏စကားလုံးများကိုကြားသောအခါ စုရွေ့၏မျက်နှာက ချက်ချင်းမည်းမှောင်သွား၏။

“ဇနီး‌လေး ဝမ့်ဝမ်ဟောက်မှာ ကြည့်ကောင်းတာဘာရှိလို့လဲ သူ့မှာ ဗိုက်ကြွက်သားတွေရှိလို့လား သူ့မှာ mermaid လိုင်းတွေရှိလို့လား သူ့မှာကိုယ့်လို ချောမောမှုတွေရှိလို့လား ဇနီးလေး မင်းမီးဖွင့်လိုက် ကိုယ်မင်းကိုပြပေးမယ် ဘယ်လိုလဲ”

ဗိုလ်ချုပ်ကြီးက ထိုအချိန်တွင် အတော်လေးနောင်တရနေမိသည်။

ထိုဝမ်ဝမ်ဟောက်ဆိုတဲ့ ယောက်ျားပျက်က ကမ္ဘာပေါ်က အရက်စက်ဆုံးသူတွေထဲက တစ်ယောက်ဆိုတာ သူဘယ်လိုလုပ်မေ့နိုင်သွားရတာလဲ

အဲ့ဒီ့ယောက်ျားပျက်က တခြားသူတွေရဲ့ စံပြပုဂ္ဂိုလ် (ဆရာ)အဖြစ်နေနေပေမယ့် သူကတကယ်တော့ တစ်ညကိုခုနစ်ကြိမ်လုပ်နိုင်တဲ့ မြေခွေးအိုကြီးပဲ....ဒါက သိပ္ပံနည်းမကျဘူးလို့ ဗိုလ်ချုပ်ကြီးစု ဖော်ပြမယ် ဟုတ်ပြီလား

သေချာပေါက် အရည်အချင်းကောင်းတွေရှိရင်တော့ အဲ့ဒီ့ယောက်ျားပျက်ကို အမှိုက်တစ်စဖြစ်အောင် သတ်ပစ်နိုင်တာပေါ့....။

စုရွေ့အာရုံပျက်နေသည့်အချိန်တွင် စုဝမ်က မီးဖွင့်ကာ နည်းပညာမြင့်မားသည့် လက်ခံကိရိယာလေးကို သူမဖုန်းနှင့်ဆက်သွယ်လိုက်သည်။ ထို့နောက် မျက်နှာပြင်ပေါ်တွင် မြင်ကွင်းတစ်ခုက ချက်ချင်းပေါ်လာ၏။

ဒီထုတ်ကုန်အသစ်က အတော်လေး အံ့ဩဖို့ကောင်းတာပဲ လျင်မြန်စွာဖမ်းယူနိုင်တယ်၊ ကြည်လင်ပြတ်သားတယ် ပြီးတော့ အသံပါကြားရသေးတယ်...

စုဝမ်က မျက်ခုံးပင့်၍ ဖုန်းမှအသံကိုတင်လိုက်သည်။ ထိုအချိန်တွင် ကျန်းယို၏ အသက်မနည်းရှူနေရသည့် အသံကထွက်‌ပေါ်လာ၏။

“မလုပ်နဲ့....ရှင်လုပ်လို့မရဘူး... ကျွန်မကို....လွှတ်ပေး”

မျက်နှာပြင်ပေါ်တွင် ကျန်းယိုက ဧည့်ခန်း၏ထောင့်၌ ဝမ့်ဝမ်ဟောက်၏ဖိကပ်ခြင်းကိုခံနေရသည်။ ကင်မရာရှုထောင့်မှမြင်ရသည့်မြင်ကွင်းတွင် နှစ်ယောက်စလုံးက မျက်နှာဖုံးများဝတ်ထားကြဆဲဖြစ်ပြီး ကျန်းယိုကို ရစ်ပတ်ထားသည့် သင်းအုပ်ဆရာဝတ်ရုံကလည်း ကြမ်းပြင်ပေါ်တွင် အပုံလေးကျနေသည်။ ကင်မရာက ကျန်းယို၏ဆံပင်ထဲတွင်ရှိနေသောကြောင့် ကျန်းယို၏ကိုယ်ကိုသေချာမမြင်ရသော်လည်း ပိန်ပါးနေသည့် လက်မောင်းလေးတစ်စုံက ရုန်းကန်နေသည်ကိုတော့ မြင်နိုင်သည်။

ထိုအချိန်တွင် ကျန်းယို၏ရုန်းကန်မှုကြောင့် ဝမ့်ဝမ်ဟောက်၏ မျက်နှာဖုံးက ပြုတ်ကျသွားလေသည်။ သူမအရှေ့ရှိ မျက်နှာကိုမြင်လိုက်ရချိန်တွင် ကျန်းယိုတောင့်ခဲသွားတော့သည်။

“ဆရာ....ဆရာဝမ့်”

သူမ၏အသံက တုန်ယင်နေသည်။

“ကျန်းယို”

ဝမ့်ဝမ်ဟောက်၏မျက်လုံးများက ကျဥ်းမြောင်းသွားပြီး ကျန်းယို၏မျက်နှာအနားဆီသို့ ဖြေးညင်းစွာ တိုးကပ်လာ၏။

“ကိုယ်မင်းကို ကြိုက်နေခဲ့တာကြာပြီ”

ဤကမ္ဘာမှ အမျိုးသမီးဇာတ်လိုက်အား ပိုးပန်းကြသူများထဲမှတစ်ယောက်အဖြစ် ဝမ့်ဝမ်ဟောက်က ထူးခြားသည့်သူတစ်ယောက်ဖြစ်သည့်မှ သံသယဖြစ်စရာပင်မရှိချေ။ ထိုအပြင်ပန်းချောမောသည့်လူက တကယ်တမ်းတွင် အိပ်ရာပေါ်မှ လေ့ကျင့်ခန်းများကို စိတ်အားထက်သန်သည့်သူဖြစ်သည်။ သူက လူအရေခွံခြုံထားသည့် သားရဲတစ်ကောင်ပင်။

ဝမ့်ဝမ်ဟောက် ဖုန်းဟန်ကျောင်းသို့ စတင်ဝင်လာချိန်၌ ကျန်းယိုကို မြင်မြင်ချင်းသဘောကျမိခဲ့၏။ နောက်ပိုင်းတွင် ကျန်းယိုက ကိုယ်ခံပညာကျွမ်းကျင်ပြီး ခန္ဓာကိုယ်၏ပျော့ပြောင်းနိုင်စွမ်းကလည်း ကောင်းမွန်သည်ကို သိရှိခဲ့သည်။ ၎င်းက ဝမ့်ဝမ်ဟောက်၏ အလိုရမ္မက်များကို ပို၍တောက်လောင်စေခဲ့သည်။

သူကတည်ငြိမ်စွာနှင့်ချဥ်းကပ်ပြီး ကျန်းယိုကို သူ့အား နွေဦး၏လေပြည်များကဲ့သို့ တဖြည်းဖြည်းချစ်လာအောင် လုပ်ရန် စီစဥ်ထားခဲ့သည်။ သို့သော် ယနေ့တွင် သူတို့နှစ်ယောက်လုံးက လူလွတ်များဖြစ်နေကာ ပေါက်ကွဲထွက်နိုင်သည့်အခြေအနေတွင်ရှိနေပြီး အထူးသဖြင့်သူ့အရှေ့ရှိပြစ်မျိုးမှဲ့မထင်လှနေသည့် ကျန်းယိုကို မြင်နေရသောအခါ ဝမ့်ဝမ်ဟောက်မှာ သူ၏ခံစားချက်များကို ထိန်းမထားနိုင်တော့ပေ။

ဝမ့်ဝမ်ဟောက်၏ရုတ်တရက် ဝန်ခံလာမှုအောက်တွင် ကျန်းယို မှင်သက်နေမိသည်။

သူမငေးငိုင်နေချိန်တွင် ဝမ့်ဝမ်ဟောက်က သူမ၏ခေါင်းအနောက်ကို လက်တစ်ဖက်နှင့်ထိန်းကိုင်၍ သူမကို ပြင်းပြင်းရှရှ နမ်းရှိုက်လာလေသည်။ သူ၏ကျွမ်းကျင်ပိုင်နိုင်များအောက်တွင် အချစ်အကြောင်း ဘာမှမသိသေးသည့် ကျန်းယိုက ချက်ချင်းကျရှုံးသွားတော့သည်။

သူတို့နှစ်ယောက်ကြားမှ တိုက်ပွဲက လျင်မြန်စွာ အရှိန်တက်နေလျက်ရှိသည်။ ဝမ့်ဝမ်ဟောက်က အဝတ်အစားများကို စတင်ချွတ်လာသည်ကိုတွေ့သောအခါ စုရွေ့သည်းမခံနိုင်တော့ချေ။ သူက ချက်ချင်းဖုန်းကို ဆွဲယူလိုက်ကာ စုဝမ်ကို နက်ရှိုင်းနေသော မျက်လုံးများဖြင့်ကြည့်လာသည်။

“ဇနီးလေး မင်းသူ့ကို ကြည့်ခွင့်မရှိဘူး ကိုယ့်တစ်ယောက်တည်းကိုပဲ ကြည့်ရမယ်”

“အင်း”

စုဝမ်က ပြုံး၍ ခေါင်းညိတ်လာသည်။

“ကျွန်မ ရှင့်တစ်‌ယောက်တည်းကိုပဲ ကြည့်ပါ့မယ် ဟုတ်ပြီလား ဖုန်းကို မပိတ်လိုက်နဲ့ဦး ဒီကြည်နူးဖို့ကောင်းတဲ့ ဗီဒီယိုလေးကို ကူးထားရအောင် ကျန်းယိုကို အမှတ်တရအနေနဲ့ ပေးချင်သေးတယ်”

အမှတ်တရလေးချန်ထားပေးမယ်တဲ့လား....။

စုရွေ့၏မျက်လုံးများလက်သွားကာ စုဝမ်ကိုပြန်ပြုံးပြလိုက်သည်။ ဤကမ္ဘာပေါ်တွင် သူ့ကိုနားအလည်နိုင်ဆုံးက သူ့ဇနီလေးပင်......။

သူက အဲ့လူ ဝမ့်ဝမ်ဟောက်ကို သင်းကွပ်ပစ်မယ်လို့တောင် သူမခန့်မှန်းလိုက်သေးတယ်....။

ဗိုလ်ချုပ်ကြီးစုက ဤတစ်ခေါက်တွင် လူတွေကို သေချာပေါက် ဒုက္ခပေးမည်ဟု စိတ်ကူးလိုက်သည်။ ထိုကဲ့သို့ လုပ်ရခြင်းမှာ အခြားအကြောင်းအရင်းများကြောင့်မဟုတ်ဘဲ မတရားမှုကို မျက်မြင်တွေ့နေရသောကြောင့်သာဖြစ်၏။

~____~

Translated By IQ-Team.🚩

Prev Next