Welcome To MM Storyteller
LOGIN
Chapter 168
ရှုထျန်းထျန်းက ပြုံးပြပြီး ရေရွတ်လိုက်သည်။
" သူမက အရမ်းစိတ်လှုပ်ရှားသွားပုံပဲ ... ရေးကြီးခွင်ကျယ်မဟုတ်ပါဘူး ... နောက်ဆို နေသားကျသွားလိမ့်မယ် ..."
ထို့နောက် ရှအန်းက လူဆယ့်တစ်ယောက်၏ ကိုယ်ပိုင်အရည်အချင်းများကို မှတ်ထားလိုက်သည်။ ထိုဆယ့်တစ်ယောက်ထဲတွင် အချို့က မိတ်ကပ်အထူးပြုကျောင်းမှ ဘွဲ့ရခဲ့ပြီး နာမည်ကြီးဆရာများ၏ လက်အောက်တွင် ပညာသင်ခဲ့ကြသဖြင့် မိတ်ကပ်လိမ်းခြယ်ခြင်းနှင့် လက်ယဉ်နေကြသည်။
အချို့က ဖက်ရှင်ဒီဇိုင်းတက္ကသိုလ်မှဘွဲ့ရခဲ့သဖြင့် ဖက်ရှင်ပညာတွင် ထူးချွန်ကြသည်။
ပို၍ကြောက်စရာကောင်းသည်မှာ ဤလူဆယ်ယောက်ထဲတွင် စာရင်းကိုင်များလည်း ပါဝင်ပြီး တချို့က ကွန်ပျူတာဂရိုဂရမ်ရေးဆွဲသူများဖြစ်သည်။
ရှအန်း အနည်းငယ်ရှက်သွားသည်။
ဒီလူအုပ်စုက သူမလက်အောက်က ဖျော်ဖြေရေးနယ်ပယ်မှာ ဘာလို့ လက်ထောက်လာလုပ်ကြတာလဲ ...
ဘာများဆိုင်နေလို့လဲ ...
" ရှအန်းကျဲ ကျွန်မဒီလူတွေကို ဂရုတစိုက်ရွေးထားတာပါ ... မိတ်ကပ်နဲ့ ဝတ်စုံဒီဇိုင်းအတွက် ကျွန်မတို့ ကိုယ်ပိုင်လူတွေကိုပဲသုံးရင် ကျဲရဲ့ ပုံရိပ်အတိုင်း ပိုလှအောင်လုပ်ပေးလို့ရတယ် ... စာရင်းကိုင်ကတော့ နောက်ဆိုရင် အခွန်တွေနဲ့ ငွေပေးချေမှုတွေကို ကိုင်တွယ်လိမ့်မယ် ..."
ရှအန်း၏ အကြည့်က မျက်မှန်အနက်ကြီးကိုတပ်ထားပြီး ဆံပင်များက နဖူးအထိရောက်နေသည့် အိုတာခုကို ကြည့်လိုက်သည်။
" သူကရော ... ကွန်ပျူတာပရိုဂရမ်ပိုင်းက တို့တွေအလုပ်နဲ့ ဘာဆိုင်လို့လဲ ..."
သူ၏ နတ်ဘုရားမလေးပြောသည်ကိုကြားသဖြင့် အိုတာခုက စိတ်လှုပ်ရှားစွာဖြင့် ခါးမတ်မတ်ထိုင်လိုက်သည်။ သူမအသံတွင် အနည်းငယ်လှောင်ပြောင်မှု ပါဝင်သွားသဖြင့် သူ အံ့အားသင့်သွားပုံပင်။
" ရှအန်းကျဲ ကျွန်မတို့ရဲ့ programmer ကို အထင်မသေးပါနဲ့ ... သူ့ရဲ့အသုံးဝင်မှုတွေကတော့ ပြောမကုန်အောင်ပဲ ..."
ရှုထျန်းထျန်းက ခေါင်းငုံ့၍ ရှအန်းနားကပ်ကာ တီးတိုးပြောလိုက်သည်။
" သူ့ရဲ့ ကွန်ပျူတာပညာရပ်က အရမ်းကောင်းလွန်းတယ် သူက hackerလေ ... အင်တာနက်ပေါ်က တချို့လူတွေက ဆိုက်ဘာအဖွဲ့ငှားပြီး ကျဲကျဲအကြောင်း သတင်းမှားတွေဖြန့်တယ်လေ ... တကယ်လို့ ကျွန်မတို့မှာhackerကောင်းကောင်းရှိရင် ကျဲကျဲက မကောင်းကြံတဲ့လူကို သိနိုင်ပြီ ... ပြီးတော့ အင်တာနက်ပေါ်က လူထုရဲ့မကောင်းတဲ့အမြင်တွေကိုလည်း သူနဲ့ဖြေရှင်းနိုင်တယ် ..."
ရှအန်း၏မျက်လုံးများ ရုတ်တရက် အရောင်တောက်သွားသည်။
ထျန်းထျန်းက သူမရဲ့အေးဂျင့်ဖြစ်ထိုက်ပါပေတယ် ...
သူမရဲ့ အခြေအနေတွေကိုစဉ်းစားပေးပြီး အပြစ်အနာအဆာမရှိအောင် ပြည့်ပြည့်စုံစုံ လုပ်နိုင်တယ် ...
" ကောင်းပါပြီထျန်းထျန်း တို့စိတ်အေးသွားပြီ ..."
ရှအန်းက ထျန်းထျန်းကို ပျော်ရွှင်စွာဖြင့် ပွေ့ဖက်လိုက်သည်။ ဤသို့ပြုလုပ်လိုက်သဖြင့် ဘေးတွင်ထိုင်နေသည့် လက်ထောက်အသစ်များက အေးဂျင့်ကို မနာလိုဖြစ်ကုန်သည်။
နတ်ဘုရားမလေးက အရမ်းကြင်နာတတ်တာပဲ ... သူတို့အလုပ်ကြိုးစားရင်လည်း ဒီလိုအဖက်ခံရမယ်ထင်တယ် ...
" အဟမ်း ... ကျွန် ...ကျွန်မလည်း နောက်ဆို ကျဲ စိတ်အေးလကါအေးနေနိုင်အောင် အလုပ်လုပ်ပေးပါ့မယ် ..."
အဆုံးတွင် ရှုထျန်းထျန်း ခေါ်ယူထားသော လက်ထောက် ၁၁ ယောက်က အစီအစဉ်အတိုင်း ၎င်းတို့၏ ကိုယ်ပိုင်ရာထူးများ ရရှိခဲ့သည်။
၎င်းတို့ မျှဝေထားသော လက်ထောက်တစ်ဦးနှင့် ရှအန်းအတွက် လက်ထောက် လေးဦးမှလွဲ၍ ကျန်ခြောက်ဦးမှာ ရှုထျန်းထျန်း သတ်မှတ်ထားသည့် ယာယီရုံးတွင် အလုပ်သွားလုပ်ရသည်။
လက်ထောက်ဆယ့်တစ်ယောက်သာရှိသော အဖွဲ့ငယ်လေးက အနာဂတ်တွင် နိုင်ငံတကာနာမည်ကြီး ကုမ္ပဏီတစ်ခုအဖြစ် ဖွံ့ဖြိုးတိုးတက်လာမည်ကို မည်သူမျှ မတွေးခဲ့မိပေ။
လက်ထောက်များရရှိပြီးနောက် ရှအန်းနှင့် ရှုထျန်းထျန်းတို့နှစ်ဦးစလုံး ဘဝအရည်အသွေးများစွာ တိုးတက်ကောင်းမွန်လာသည်ဟု ခံစားခဲ့ရသည်။
ရှုထျန်းထျန်းက အလွန်အကျွံ အလုပ်မများတော့သည့်အတွက် အင်တာနက်ပေါ်မှ ရှအန်းနှင့် ပတ်သက်သမျှသတင်းတိုင်းကို အချိန်မီသိနိုင်သည်။
ရှအန်း နာမည်ကြီးကြယ်ပွင့်တစ်ယောက်၏ အဓိပ္ပါယ်ကို ဤတစ်ကြိမ်တွေ့ကြုံခဲ့ရသည်။
ဝတ်စားဆင်ယင်မှုနှင့် ပက်သတ်သောအခါတွင်လည်း စီစဉ်ထားသောအဝတ်များကိုသာ လက်ဆန့်ထုတ်၍ ဝတ်လိုက်ရုံဖြစ်ပြီး သူမပါးစပ်ဟလိုက်သည်နှင့် ကိစ္စတိုင်းကိုလည်း စီစဉ်ပြီးသားဖြစ်သွားသည်။
ဒီခံစားချက်က တော်တော်ကောင်းတာပဲ ...
အစပိုင်းတွင် သူမ နေသားမကျခဲ့သော်လည်း နောက်ပိုင်းတွင် ပျော်ရွှင်လာသည်။
ပျော်ရွှင်မှုကြောင့် ရှအန်းအလုပ်ကို လေးလေးနက်နက်လုပ်လာသည်။
H.Sနိုင်ငံတကာဓာတ်ပုံဆုပေးပွဲကြောင့် ဖက်ရှင်အသိုင်းအဝိုင်းက သူမကိုအများအပြားဆက်သွယ်လာကြပြီး ဖက်ရှင်မဂ္ဂဇင်းများတွင်လည်း ကာဗာဓာတ်ပုံရိုက်ကူးပေးခဲ့ရသည်။
ပထမဆုံးရိုက်ကူးပေးခဲ့ရသည်က "ဖက်ရှင်" မဂ္ဂဇင်း၏ ကာဗာဓာတ်ပုံဖြစ်သည်။
သူမ ကြော်ငြာများစွာလည်း လက်ခံခဲ့ရသည်။ ကမ်းလှမ်းလာသော ကြော်ငြာများထဲမှ ရှုထျန်းထျန်းက ထိပ်တန်းကြော်ငြာများကိုသာ ရွေးချယ်ပေးခဲ့သည်။
ဈေးပေါသောထုတ်ကုန်များက ငွေများများပေးပါကလည်း ရှုထျန်းထျန်း လက်မခံခဲ့ပေ။
ထိုသို့ အလုပ်များနေစဉ်တွင် ရှအန်း၏ပုံက "ဖက်ရှင်" မဂ္ဂဇင်း၏ ကာဗာတွင် ပါလာခဲ့သည်။
"ဖက်ရှင်" မဂ္ဂဇင်းကြောင့် ရှအန်း၏ ဖက်ရှင်လောကနှင့်ပက်သတ်သည့် အခွင့်အလမ်းများပွင့်လာသည်။
မူလက “မျှော်လင့်ချက်နှင့် ကတိတည်ခြင်း” ဟူသော ဤဆုရလက်ရာက ဖက်ရှင်လုပ်ငန်းခေါင်းဆောင် အများအပြားက လူငယ်မျိုးဆက်သစ် ရှအန်းကို စိတ်ဝင်စားစေခဲ့သည်။
သို့သော်လည်း ဓာတ်ပုံရိုက်ရန် အလျင်စလို မစွန့်စားခဲ့ကြပေ။
ဖက်ရှင်နယ်ပယ်ထဲတွင် လူငယ်မျိုးဆက်သစ်များကို ဦးစွာလေ့လာရန် လိုအပ်ပေသည်။
ဖက်ရှင်နယ်ပယ်ထဲမှ နာမည်ကြီးများက "ဖက်ရှင်" မဂ္ဂဇင်းမှ ရှအန်း၏ပုံက်ုမြင်ပြီး သေချာသွားကြသည်။
လူသစ်လေးရှအန်းက အရမ်းဖက်ရှင်ကျတာပဲ ...
သူမက ပြီးပြည့်စုံတယ် ...
"ဖက်ရှင်" မဂ္ဂဇင်း၏ စတိုင်လစ်အဖွဲ့က ရှအန်းအတွက် ပြင်ဆင်ပေးခဲ့ခြင်းဖြစ်သောလည်း တူညီသော ဝတ်သုံတစ်စုံက ကွဲပြားသောလူများအပေါ်မူတည်၍ ခံစားချက်ကို ကွဲထွက်သွားစေသည်။
ပုံစံတစ်မျိုးတည်းကို မတူညီသောလူများအပေါ်ဆင်မြန်းပေးလိုက်ပါက မတူညီသောအော်ရာများ ထွက်လာစေသည်။
ထို့ကြောင့် အချိုးအစားလှပခြင်းကလည်း လူတစ်ယောက်ကို ဖက်ရှင်မကျစေပေ။
သူတို့ထံမှပေးစွမ်းသည့်အော်ရာကသာ အရေးကြီးဆုံးဖြစ်၍ ရှအန်း၏ ကာဗာဓာတ်ပုံက အလွန်ပြီးပြည့်စုံလှသည်။
မျက်လုံးနှင့် ခန္ဓာကိုယ်အနေအထားက သူမအလှကိုရောင်ပြန်ဟပ်စေပြီး လွှမ်းမိုးမှုရှိရုံသာမက သူမ၏ ဆွဲဆောင်မှုများကိုပါ ပေါ်လွင်စေသည်။
ထိုသို့ ရိုးရှင်းသော မဂ္ဂဇင်းကာဗာတစ်ခုတည်းဖြင့် ရှအန်းက ဖက်ရှင်နယ်ပယ်တွင် ထိပ်ဆုံးသို့ ရောက်သွားနိုင်သည်။
[ "ဖက်ရှင်" မဂ္ဂဇင်းရဲ့ international edition ကို ဖတ်ပြီးပြီလား ... ရှအန်းက ဒီတစ်ခေါက်ရဲ့ ကာဗာမော်ဒယ်လေ ... အထဲမှာ အရောင်ပါတဲ့ဓာတ်ပုံတွေနဲ့ အင်တာဗျူးလည်းပါတယ် ]
[ "ဖက်ရှင်"ရဲ့ ကာဗာဓာတ်ပုံက တော်တော်လှတာပဲ ... Internationalဗားရှင်းဖြစ်နေတာဆိုးတယ် ... ငါက အင်္ဂလိပ်စာ သိပ်မရဘူး ... ရှအန်း အင်တာဗျူးမှာ ဘာပြောထားတာလဲ ]
[ သိချင်လာပြီ ... ဘာသာပြန်သူရှာပြီး ဒီအင်တာဗျူးကို တရုတ်လိုဘာသာပြန်ပေးကြပါလား ]
[ ရှအန်းရဲ့ဓာတ်ပုံက အရမ်းလှတာပဲ ... "ဖက်ရှင်" မဂ္ဂဇင်းရဲ့ ကာဗာတွေအားလုံးထဲမှာ ကြည့်လို့အကောင်းဆုံးပဲ ]
[ ရှအန်းက တကယ်ကို ဘက်စုံတော်တဲ့ အနုပညာရှင်တစ်ယောက်ပဲ ... Variety show တွေရိုက်ရုံမကဘူး မော်ဒယ်လုပ်တော့လည်းအဆင်ပြေတယ် ... ဂရေစ့်ရိုက်တဲ့ ရုပ်ရှင်မှာလည်း ဇာတ်လိုက်နေရာက ပါထားသေးတာပဲ ... သီချင်းဆိုဖို့ပဲကျန်တော့တယ် ... သူမသာ သီချင်းဆိုတယ်ဆိုရငိ သေချာပေါက် အယ်လ်ဘန်ဝယ်မယ် ]
[ ရှအန်းရဲ့ဓာတ်ပုံက လှရုံတင်မကဘူး စတိုင်လည်းကျတယ် ... မျက်လုံးကလည်း သူများတွေလို အသက်မဲ့မနေပဲ ခံစားချက်ရှိတယ် ... အရေးကြီးဆုံးကတော့ ဒီဖက်ရှင်ပုံစံကို ငါအရမ်းသဘောကျတယ် ... ဒါမျိုးကိုမှ ဖက်ရှင်လို့ ခေါ်ရမှာ ]
…
"ဖက်ရှင်" မဂ္ဂဇင်း၏ internationalဗားရှင်း၏ ရောင်းအားက တည်ငြိမ်နေသည်။
Trendထဲတွင် အမြဲတမ်းပါနေသော ကြယ်ပွင့်များအတွက်က ရောင်းအားတိုးရန် မလိုအပ်ပေ။
သို့ရာတွင် မဂ္ဂဇင်းထုတ်ဝေရေးဝန်ထမ်းများက နိုင်ငံခြားမှအမျိုးသမီးကြယ်ပွင့်ရှအန်းက ထိုမျှရောင်းအားစေမည်ဟု မထင်ခဲ့ကြပေ။
မဂ္ဂဇင်းများကို အရေအတွက် ကန့်သတ်ကာ ထုတ်ဝေထားသည်ကများသည်။ တစ်ခါတစ်ရံတွင် ရောင်းမထွက်သည့် မဂ္ဂဇင်းများလည်း ရှိတတ်သည်။ သို့သော် ဤတစ်ကြိမ်တွင်မူ ...
" ဘာ ... မဂ္ဂဇင်းတွေအကုန် ရောင်းထွက်သွားတာလား ..."
ထိပ်တန်းဖက်ရှင်မဂ္ဂဇင်းငါးစောင်တွင် ရှအန်း၏ပထမဆုံးထုတ်ဝေမှုက အရောင်းရဆုံးဖြစ်မည်ဟု မည်သူမျှမထင်ထားခဲ့ပေ။
“ဖက်ရှင်” ၏ international ဗားရှင်းက လက်ကျန်များ ရောင်းကုန်သွားခဲ့ပြီး ရောင်းချမှုပမာဏသည် ယခင်နှစ်ကထက် နှစ်ဆတိုးလာသည်။
အမေရိကန်နှင့် အင်္ဂလန်တွင် ရောင်းအားများရုံသာမက အီလက်ထရွန်းနစ် အရောင်းလိုင်းတွင်လည်း ရောင်းအားအများဆုံးဖြစ်ပြီး တရုတ်နိုင်ငံမှ အများဆုံးဝယ်ယူကာ ဂျပန်နှင့် တောင်ကိုရီးယားတို့လည်း ပါဝင်သည်။
နိုင်ငံအများအပြားရှိ အင်တာနက်သုံးစွဲသူများ၏ ၀ယ်လိုအားသည် အမေရိကန်မဂ္ဂဇင်းများ၏ ရောင်းအားကိုပင် ကျော်လွန်စေခဲ့သည်။
[ တကယ့်လန့်စရာကြီး ... ရှအန်းရဲ့ မဂ္ဂဇင်းကာဗာကို တစ်ရာမီလီယံကျော်ရောင်းရတယ်တဲ့ ]
[ "ဖက်ရှင်" မဂ္ဂဇင်းက စံချိန်တင်ရောင်းအားကို ချိုးဖျက်လိုက်တာပဲ ... ရှအန်းက ဖက်ရှင်နယ်ပယ်ထဲမှာ ဖျက်မြင်းတစ်ကောင် ဖြစ်လာပြီ ]
[တရုတ်မင်းသမီးလေးက ထိပ်တန်းဖက်ရှင်မဂ္ဂဇင်းငါးခုရဲ့ ပထမဆုံးကာဗာဓာတ်ပုံရောင်းအားစံချိန်တင်သန်းတစ်ရာကို ချိုးဖျက်နိုင်ခဲ့တာပဲ]
Welcome To MM Storyteller
LOGIN
Welcome To MM Storyteller
REGISTER