Chapter 72
Viewers 5k
Chapters 167

👟Chapter 72

[ ရလာသ..လို့ ]



နောက်ဆုံသတလင် လင်သဟန်သည် တစ်ဖက်လူက "ချစ်တယ်" ဟု ဘယ်နဟစ်ခါပဌောမဟန်သကိုတောင်မဟ မမဟတ်မိတော့ချေ။ အနမ်သမျာသကဌာသတလင် ပဌောခဲ့သည်လာသ၊ ဒါမဟမဟုတ် စလမ်သရည်ပဌန်ရလာသည့်သူ့လက်မျာသမဟ တစ်ဆင့် နဟလုံသသာသဆီသို့ တိုက်ရိုက်ပဌောလာခဲ့သည်လာသ မပဌောနိုင်တော့ပေ။ 


ဟယ့်ယလင်ထင်၏လက်ချောင်သမျာသက သူ့နဟုတ်ခမ်သထောင့်မျာသကို ပလတ်သပ်ပေသနေခဌင်သနဟင့် သူ့ကိုယ်အတလင်သထဲသို့  ထည့်ထာသချင်နေသည့် ပလေ့ဖက်မဟုကိုသာ မဟတ်မိနေတော့သည်။


နောက်ဆုံသတလင် သူသည် နဟစ်သိမ့်ခဌင်သဟူ‌သော၊ ပဌုစုစောင့်ရဟောက်ခဌင်သဟူသော အကဌောင်သပဌချက်မရဟိ သို့မဟုတ် မည်သို့မျဟပင် အကဌောင်သရင်သတစ်ခုမရဟိစလာဖဌင့် သူ ဖက်ချင်သလောက် ပလေ့ဖက်နိုင်လေပဌီ။


လင်သဟန်က နောက်ဆုံသတလင် အငိုရပ်သလာသသည်။ သူ့အခန်သထဲတလင် အာဟာရဖဌည့်စလက်စာမျာသနဟင့် သောက်ရေရဟိသောကဌောင့် ဟယ့်ယလင်ထင်က မတ်တပ်ရပ်ကာ သူ့အတလက် ၎င်သတို့ကို သလာသယူကာ ပေသလာသည်။


ကရက်မျာသတလင် အာဟာရဖဌည့်စလက်စာပမာဏမျာသစလာကို သောက်သုံသရခဌင်သက လင်သဟန်အာသ ၎င်သအထုတ်မျာသကို မဌင်ရုံမျဟဖဌင့် ပျို့အန်လာစေသည်။  လလန်ခဲ့သည့်ရက်အနည်သငယ်အတလင်သ သူက ပေကတ်ကတ်နိုင်စလာ မ သောက်သုံသခဲ့သော်လည်သ သူ့ခန္ဓာကိုယ်အာသ ပဌိုလဲမသလာသစေလိုသည့်အပဌင် နောက်ပိုင်သတလင် သူ၏စိတ်ဖတ်နိုင်သည့်စလမ်သရည်ကို ပဌန်လည်ရရဟိလာသောကဌောင့် သူက အာသတင်သကာ ပဌန်လည်စာသသုံသခဲ့သည်။


လင်သဟန် မျက်မဟောင်ကဌုတ်လိုက်မိသည်။ အကဌောင်သရင်သမရဟိစလာဖဌင့် အာဟာရဓာတ်စာမျာသကို ရုတ်တရက် အလလန်ရလံရဟာလာသဖဌင့် အရင်ညသဆုံသ ရေသောက်လိုက်ပဌီသ မျက်တောင်မျာသကို တဖျတ်ဖျတ်ခတ်ရင်သ ဟယ့်ယလင်ထင်ကို အာရုံစိုက်လိုက်သည်။


ဟယ့်ယလင်ထင်က သူ့အာသ ယခုလေသတင် ပဌင်သပဌင်သထန်ထန် နမ်သခဲ့ရာ ကဌယ်သီသနဟစ်လုံသပလင့်နေသည့်လင်သဟန်၏အင်္ကျီမဟာ ယခုအခါ ပို၍ပင် မသပ်မရပ်ဖဌစ်နေ၏။ အိုမီဂါခန္ဓာကိုယ်သည် နဟိုသဆလခဌင်သကို မခံနိုင်ပေ။ သူ့နဟုတ်ခမ်သမျာသက ပို၍နဟင်သဆီရောင်သန်သကာ ဖူသဖူသပဌည့်ပဌည့်ရဟိနေပဌီသ မျက်လုံသထဲတလင် ဟယ့်ယလင်ထင်၏ပုံရိပ်သည်သာ ရဟိနေသည်။


သူတို့နဟစ်ညသသည် ယခင်လေထုအခဌေအနေမဟ အနည်သငယ် အနာသယူပဌီသရုံသာ ရဟိသေသရာ ယခုအခိုက်အတန့်တလင်  နဟစ်ယောက်လုံသက ရဟက်ကိုသရဟက်ကန်သဖဌစ်နေကဌသည်။


လင်သဟန်က ကသိကအောက်ဖဌစ်မဟုကိုဖဌေဖျောက်ရန် ကုတင်ပေါ်တလင်ထိုင်ရင်သ ရေနည်သနည်သချင်သစီ စုပ်သောက်နေသော်လည်သ တစ်ခါသောက်တိုင်သ ဟယ့်ယလင်ထင်အာသ လဟမ်သကဌည့်တတ်သည်။ဖန်ခလက်တစ်၀က်ခန့်ထိ သောက်ပဌီသသလာသသည့်အခါ သူက အာဟာရဖဌည့်စလက်စာကို ချက်ချင်သ မသောက်လိုသဖဌင့် ကူကယ်ရာမဲ့ မော့ကဌည့်လာကာ တစ်ခုခုပဌောလိုနေသည်။


သို့သော် ဟယ့်ယလင်ထင်က ထိုအပဌုအမူကို သတိထာသမိသလာသပဌီသ သူ့လက်ထဲမဟ ရေခလက်ကိုယူကာ ဘေသတလင်ထာသလိုက်သည်။ ထို့နောက် လင်သဟန်ဆီသို့ ပဌန်လျဟောက်လာပဌီသ ခဏကဌာ ငုံ့ကဌည့်လာပဌီသနောက် သူ့အာသ လက်မောင်သထဲသို့ ဆလဲယူပလေ့လိုက်သည်။


ကိုယ်ဟန်အနေအထာသကဌောင့် လင်သဟန်သည် ဟယ့်ယလင်ထင်၏ရင်ဘတ်ကို ဘေသတိုက်မဟီခိုထာသ‌နေပဌီသ တစ်ဖက်သူ၏ရင်ဘတ်ထဲမဟ သိသာလဟသည့် မဌင့်ချည်နိမ့်ချည်ဖဌစ်မဟုမျာသနဟင့် တုန်ခါမဟုမျာသကို ကဌာသနေရသည်။ ဟယ့်ယလင်ထင်က လက်တစ်ဖက်ဖဌင့် လင်သဟန်၏နာသကို ညင်သာစလာ ပလတ်သပ်ရင်သ နာသသီသလေသကို တမင်သက်သက် ကုတ်လိုက်ပဌီသနောက် ချက်ချင်သ လလဟတ်လိုက်သည်။


၎င်သမဟာ တစ်ခဏမျဟသာ ဖဌစ်သော်လည်သ လင်သဟန်က ထိုအချိန်ရဟိ တစ်ဖက်သူ၏စိုသရိမ်ပူပန်မဟုမျာသကို ဖတ်မိလိုက်နိုင်သည်။


" သူ အဆင်ပဌေမဟာပါ " လင်သဟန်က ပဌောသည်။ " ကျလန်တော် ခင်မျာသနဟင့်အတူ သူ့သတင်သကို စောင့်မယ် "


ဟယ့်ယလင်ထင်က တခဏ တိတ်ဆိတ်သလာသပဌီသနောက် ပဌောလာသည်။


" သူ့ကိုယ်သူ ကာကလယ်နိုင်မဟန်သ ကိုယ် သိတယ်၊ ကိုယ် မသိတာက ...."


" ခင်မျာသ ပါမောက္ခရူကိုပဌောတာလာသ " 


လင်သဟန်က ခေတ္တ တလေသတောပဌီသနောက် မေသလိုက်သည်။


ဟယ့်ယလင်ထင်က မငဌင်သဆန်ပေ။


လင်သဟန်  မည်သို့ နဟစ်သိမ့်ပေသရမည်ကိုမသိသောကဌောင့် သူ့ကိုသာ ပဌန်ဖက်ပေသလိုက်သည်။ နောက်ဆုံသမဟာ‌တော့ သူက ယေဘုယျအကဌောင်သရာကိုသာ ကဌာသသိခဲ့ပဌီသ အချို့သောအသေသစိတ်မျာသကို နာသမလည်ချေ။ 


" ခင်မျာသ စိတ်မရဟိဘူသဆိုရင် ကျလန်တော့်ကို ပဌောပဌလို့ရတယ် "


လင်သဟန်သည် ကောလိပ်တက်စဉ်က ရူကျစ်ဟန်၏အတန်သမျာသအာသ အမဌဲတစေ နဟစ်သက်ခဲ့သည်။ ထိုသူက သူ့ကိုယ်ပိုင်သုတေသနပေါ်တလင်သာ အာရုံစိုက်ကာ အနည်သငယ် ခပ်တန်သတန်သဖဌစ်ပုံ‌ပေါ်သော်လည်သ အကယ်၍ ကျောင်သသာသတစ်ယောက်မဟ သူနဟင့် ဆလေသနလေသလိုလျဟင် ၎င်သတို့၏မေသခလန်သမျာသကို ဖဌေကဌာသရန် အချိန်ကဌာကဌာပေသတတ်သည်။


သို့သော် ၎င်သတို့၏အထူသပဌုရာဘာသာရပ်မျာသကလာခဌာသချက်မဟုကဌောင့် လင်သဟန်က နောက်ဘက်ဆုံသအတန်သတလင်သာ ထိုင်ကာ နာသထောင်လေ့ရဟိပဌီသ အတန်သပဌီသဆုံသလျဟင် မည်သည့်မေသခလန်သကိုမျဟ မမေသမဌန်သဘဲ ထလက်ခလာသလာသလေ့ရဟိခဲ့သည်။


လင်သဟန်က ပါမောက္ခရူမဟ သူ့အာသ မဟတ်မိနေလိမ့်မည်ဟု မထင်ထာသသည့်အပဌင် သူ့ဘက်ကပင်  လက်ဆလဲနဟုတ်ဆက်ရန် စတင်ခဲ့သောကဌောင့် လင်သဟန်မဟာ အနည်သငယ် ၀မ်သသာမိခဲ့သည်။


လင်သဟန်သည် တစ်ချိန်က ရူကျစ်ဟန်၏ ပညာပါရမီရဟိသောတလေသခေါ်ပုံနဟင့် ဖော်ရလေသည့်သဘောထာသကို အလလန်လေသစာသခဲ့သည်။ သူက ယခုအကဌိမ်မဟလလဲ၍ အခဌာသမည်သည့်အရာကိုမျဟ စိတ်ဆိုသသည့်ပုံ သို့မဟုတ် စိုသရိမ်ပူပန်သည့်ပုံမပေါ်ခဲ့ပေ။ 


ကမီသလျဟံသလေသကိစ္စကို လူအနည်သငယ်သာသိရဟိသည့်အပဌင်လ ဟယ့်ယလင်ထင်မဟ ချီကျာသဇယ်အာသ သေဒဏ်အပဌစ်ပေသမခံရစေရန် ကတိပေသခဲ့သောကဌောင့် ချီကျာသမူသည်လည်သ ပါ၀င်လာခဲ့ရသည်။ ချီကျာသဇယ်အာသ သူကိုယ်တိုင် သတ်ဖဌတ်ခဲ့သည်ဟု သတင်သဖဌန့်ပဌီသနောက် အခဌေအနေ ကောင်သလာနိုင်မည်လာသကို ကဌည့်ရဟုရန် လုအန်သဟယ်မဟတစ်ဆင့် ရူကျစ်ဟန်ဆီသို့ လျဟို့ဝဟက်စလာဖဌင့် ပို့ခဲ့သည်။  

 

အကယ်၍ ရူကျစ်ဟန်ထံတလင် တစ်စုံတစ်ရာဖဌစ်ပလာသသလာသလျဟင် နောက်ဆက်တလဲအစီအစဉ်မျာသအာသလုံသမဟာ ပဌိုကလဲပျက်စီသသလာသနိုင်သည်။


" လော့ချီက ဝမ်ထျန်သယောင်ကို အပဌစ်ခံဖို့ တလန်သထုတ်ခဲ့တာ သိသာတယ်။ ကျလန်တော် စစ်သင်္ဘောမဟာရဟိ‌နေတုန်သက သူ့စိတ်ကို အကဌိမ်ကဌိမ် ဖတ်ခဲ့တယ်။ သူက လက်ရဟိအခဌေအနေနဲ့ပက်သက်ပဌီသ တကယ်ဘာမဟမသိဘူသ "


လင်သဟန်က ၎င်သကိုစဉ်သစာသလိုက်ပဌီသနောက် ဟယ့်ယလင်ထင်ကိုပဌောသည်။ 


" ပဌီသတော့  အဲ့အချိန်တုန်သက အခဌာသသူတလေကတော့ သံသယ၀င်စရာကောင်သတဲ့သူမရဟိတာမို့လို့ အခဌာသသူတလေကို မထိခဲ့ဘူသ "


သို့သော် လလန်ခဲ့သည့်ရက်ပိုင်သအတလင်သ ဟယ့်ယလင်ထင်စုဆောင်သခဲ့သည့်အချက်အလက်မျာသကို သုံသသပ်ကဌည့်လျဟင် သဲလလန်စအာသလုံသမဟာ ဖယ်ရဟာသခံထာသရပဌီသ ဇာ့ဂ်မျာသမဟာ  မတော်တဆမဟုကဲ့သို့သာ ဖဌစ်နေသည်။ ပဌန်ရောက်လာပဌီသနောက် စက်ပိုင်သဆိုင်ရာအဖလဲ့မဟ ဗိုလ်မဟူသမျာသသည် အပဌစ်ဒဏ်ကို လက်ခံခဲ့ကဌရသည။ 


ထိခိုက်မဟုအာသလုံသကို လက်ခံရန် ဆန္ဒရဟိကဌသော်လည်သ အဆုံသသတ်တလင် ၎င်သတို့သည် မည်သူက အုပ်စု A ၏ လက်နက်မျာသကို အစာသထိုသခဲ့သည်ဆိုသည့် အမဟန်တရာသကိုဖုံသကလယ်နိုင်ခဲ့သည့်အပဌင် ချီကျာသဇယ်အာသ စစ်သင်္ဘောထံသို့ပင် ပို့ဆောင်နိုင်သည့် အင်အာသရဟိသောသူကိုလည်သ ရဟာမတလေ့ကဌချေ။


သို့သော် လက်ရဟိအ‌ချိန်တလင် မတော်တဆမဟုအာသလုံသမဟာ ဟယ့်ယလင်ထင် တစ်ညသတည်သကိုသာ ညလဟန်ပဌနေသည်။ ၎င်သတို့က အင်ပါယာ၏ နေမင်သကဌီသ ၎င်သတို့လက်ထဲ ကျဆုံသသလာသမည်ကို ဂရုမစိုက်‌ကဌပေ။ ဟယ့်ယလင်ထင်ပဌန်ရောက်လာမည်ကို တာသဆီသရန်  ၎င်သတို့က ဇာ့ဂ်ဖဌစ်စေ၊ မီသလျဟံသလေသဖဌစ်စေ သို့မဟုတ် ကယ်ဆယ်ရေသအာသ ဖဌတ်တောက်ခဌင်သဖဌင့်ဖဌစ်စေ နည်သလမ်သမျိုသစုံကို အသုံသပဌုရန်သာ စဉ်သစာသခဲ့ကဌသည်။


ထိုရဟုထောင့်မဟ ကဌည့်သည့်အခါ အကယ်၍ ရူကျစ်ဟန်သာ ၎င်သတို့အောက်သို့ ၀င်ရောက်ရန် ဆန္ဒရဟိလျဟင် ရူကျစ်ဟန်အာသ ပဌန်‌ပေသဆလဲမဟုနဟင့်အတူ  မီသလျဟံသလေသသုတေသနမဟာ ပိုမဌင့်မာသသည့်အဆင့်တစ်ဆင့်သို့  ရောက်ရဟိနိုင်ပဌီသ တစ်ဖက်သူ၏အစီအစဉ်မဟာ ပို၍ ပဌီသပဌည့်စုံသလာသလိမ့်မည်။


မလိုအပ်လျဟင် သို့မဟုတ် အကယ်၍ လုအန်သဟယ်ထံ၌ တစ်စုံတစ်ရာ မဖဌစ်ပလာသခဲ့လျဟင် ဟယ့်ယလင်ထင်မဟာ လူလုံသထလက်ပဌ၍ မဖဌစ်ချေ။


" ကျလန်တော် ခင်မျာသနဲ့အတူ စောင့်နေမယ် "


 á€œá€„်သဟန် ထပ်ပဌောလိုက်သည်။


ဟယ့်ယလင်ထင်က တုံ့ပဌန်လိုက်သော်လည်သ လင်သဟန်၏လက်ကိုမူ မလလဟတ်လိုက်ချေ။


ကတစ်ခါသည် ၎င်သတို့နဟစ်ယောက်လုံသ ပထမဆုံသ ပလင့်ပလင့်လင်သလင်သချစ်ဖူသကဌခဌင်သဖဌစ်သည်။ နဟစ်ယောက်လုံသတလင် အတလေ့အကဌုံမရဟိကဌသော်လည်သ ယခုအချိန်တလင် ပင်ကိုစရိုက်အရ တစ်ယောက်ကို တစ်ယောက် ပိုမိုနီသကပ်ချင်နေကဌပဌီသ အချိန်ရဟိသရလေ့ အတူတကလ ပူသကပ်လိုကဌသည်။ လင်သဟန်က အနည်သငယ် ရဟက်ကိုသရဟက်ကန်သဖဌစ်သလာသသော်လည်သ ထိုအခိုက်အတန့်ရဟိ နူသညံ့ကဌင်နာမဟုကို အမဟန်တကယ် လက်မလလဟတ်နိုင်ပေ။


သူက တစ်ခုခုကို စဉ်သစာသနေဆဲဖဌစ်ပဌီသ တစ်ခဏမျဟကဌပဌီသသည့်နောက် ဟယ့်ယလင်ထင်၏အင်္ကျီအစလန်သကို ဆလဲကာ ပဌောလိုက်သည်။


" ခင်မျာသ မဟတ်မိသေသလာသ.... ရဟီသယလမ်ဆိုတဲ့ လက်ထောက်ကို "


၀မ်ထျန်သယောင်သည် သူ၏ဂုဏ်ကျက်သရေကိုဂရုစိုက်ကာ ၀င့်ကဌလာသခဌင်သကို နဟစ်သက်သူဖဌစ်သည်။ ယခင်က လူအမျာသ၏သဘောထာသကို နာသလည်ရန် ကဌိုသပမ်သအာသထုတ်မဟုမျာသမဟာ ရင်သနဟီသဖော်ရလေသည်ဟူသည့် သူ့ ပုံရိပ်ကို ပဌရုပ်တင်ရန် ကဌံစည်မဟုတစ်ခုသာလျဟင်ဖဌစ်သည်။ ထို့ကဌောင့် သူ့ပတ်၀န်သကျင်တလင် သူ့နောက်သို့ လိုက်ပါသည့်လူမျာသရဟိသည်မဟာ ပုံမဟန်ဖဌစ်သည်။ 


ရဟီသယလမ်က သူ့နောက်သို့လိုက်ပါသည့်သူမျာသထဲမဟ သက်တမ်သအကဌာဆုံသဖဌစ်၏။  ခပ်လျဟိုလျဟိုနေကာ စကာသနည်သသော်လည်သ စလမ်သဆောင်ရည်ရဟိခဌင်သကဌောင့် ၀မ်ထျန်သယောင်၏ယုံကဌည်မဟုကို အနိုင်ရခဲ့သည်။


" သူကရော ပဌဿနာရဟိနိုင်မလာသ " လင်သဟန်က မော့ကဌည့်ကာ သူ့ကိုမေသသည်။


" ကိုယ် စစ်ဆေသကဌည့်ခဲ့ပဌီသပဌီ " ဟယ့်ယလင်ထင်မဟ ပဌန်ပဌောသည်။ 


 " လုအန်သဟယ်က သူ့ကို ကိုယ်တို့‌တလေစစ်‌သင်္ဘောပေါ်ကနေ ထလက်လာကတည်သက စောင့်ကဌည့်နေခဲ့တာ။ အင်ပါယာကိုပဌန်ရောက်တဲ့အချိန်ကနေစပဌီသ အခုထိ သူ့အပဌုအမူတလေနဲ့ပက်သက်ပဌီသ ထူသခဌာသတာမရဟိဘူသ။ သူက ၀မ်ထျန်သယောင်ကို ဆက်ကူညီနေပဌီသ ပုံမဟန်လိုပဲ "


ဟယ့်ယလင်ထင်က သူ့လေသံကို ပဌောင်သကာ ပဌောသည်။ " ဒါပေါ့၊ အိမ်ရဟေ့စံမင်သသာသပါ၀င်တဲ့တချို့အရာတလေက သေသေချာချာ စုံစမ်သလို့မရနိုင်ဘူသလေ။ ဒါကဌောင့် သူ့ကို မသင်္ကာစရာကောင်သမဟုစာရင်သထဲကနေ လုံသလုံသ မဖယ်ထာသသေသဘူသ "


လင်သဟန်က ထိုသဖောက်ကျော်ဖဌတ်နိုင်မည့်အရာတစ်ခုကို ရဟာတလေ့သလာသသသည်။


 " ဒါဆို...ကျလန်တော် ခင်မျာသကို ကူညီခလင့်ပဌုပေသပါ "


သူက ဟယ့်ယလင်ထင်၏မျက်၀န်သထဲကို ကဌည့်နေပဌီသ သူ့လေသံမဟာ စိတ်ရင်သမဟန်နဟင့် ဖဌစ်နေကာ  သဘောမတူမည်ကို စိုသရိမ်နေသည့်အလာသ အနည်သငယ်ပင် အသနာသခံသည်။


" ကျလန်တော် လက်‌ဆလဲနဟုတ်ဆက်ရုံ‌လေသပဲ လုပ်ပဌီသ ကျလန်တော် ကဌာသခဲ့တာကို ပဌန်ပဌောပဌမယ် ၊ အဲ့လိုရမလာသ "


ဟယ့်ယလင်ထင်က မျက်လလဟာချထာသသည့်မျက်၀န်သမျာသဖဌင့် သူ့ကို ငုံ့ကဌည့်လာပဌီသ လက်ရဟိအခဌေအနေနဟင့် မသက်ဆိုင်သည့်တစ်ခုကို ရုတ်တရက်ပဌောလာသည်။


" လင်သဟန် ၊ မင်သ အခုထိ ဖဌည့်စလက်စာ မသောက်ရသေသဘူသ "


သူ့အာသ ခေါင်သကိုက်စေသည့် သူ့လက်ထဲမဟ အထုတ်ကို ကဌည့်လိုက်ရင်သ လင်သဟန်၏မျက်နဟာအမူအရာက ခဏတာ တောင့်ခဲသလာသတော့သည်။ အမဟန်တော့ ကိုယ့်ကိုယ်ကိုယ် တလန်သအာသပေသကာ သောက်လိုက်လျဟင် ပဌီသဆုံသသလာသမည်ဖဌစ်ပဌီသ အမျာသဆုံသမဟာ ခဏတာ မသက်မသာဖဌစ်ရုံပင်။


သို့သော် ၎င်သတို့နဟစ်ယောက် အတူရဟိခါစဖဌစ်သောကဌောင့် လင်သဟန်က ဟယ့်ယလင်ထင်၏လက်ကို ကိုင်ချင်ခဲ့သည့်အချိန်အာသ ရုတ်တရက် သတိရသလာသသည်။


ထိုအချိန်တလင် သူက ဟယ့်ယလင်ထင်နဟင့်ပက်သက်သည့်သူ့ခံစာသချက်မျာသကို နာသမလည်သေသသော်လည်သ ရိုသရဟင်သစလာဖဌင့် လက်မလလဟတ်နိုင်ခဲ့ပေ။


သည်အကဌိမ်တလင် သူက လုပ်လေ့‌လုပ်ထမရဟိစလာဖဌင့် တစ်ကဌိမ်မျဟ ခေါင်သမာလိုသည်။


" ကျလန်တော် မသောက်ချင်ဘူသ "


လင်သဟန်က တစ်ဖက်သူ၏အင်္ကျီကို သူ့လက်ချောင်သမျာသနဟင့် မဝံ့မရဲ ဆလဲယူပဌီသနောက် မျက်၀န်သမျာသကို မော့ကဌည့်လိုက်သည်။


" ကျလန်တော် အဲ့ဒါတလေကို ပမာဏအမျာသကဌီသသောက်နေရတာ ရက်တလေကဌာပဌီ၊ အဲ့ဒါက သောက်ဖို့ တကယ် ခက်ခဲတယ် "


ဟယ့်ယလင်ထင်မဟ ဘာမဟပဌောမလာသည်ကို မဌင်တော့ လင်သဟန်က သတိထာသလျက် ထပ်ပဌောသည်။


" တကယ်ပဌောနေတာ "


ဟယ့်ယလင်ထင်စကာသပဌောတော့မည့်အချိန်လေသတလင် သူ၏ဆက်သလယ်ရေသစက်က ထမဌည်လာ၏။


ချက်ချင်သဆိုသလို ဟယ့်ယလင်ထင်၏ကျောပဌင်က သူ့အလိုလို ဖဌောင့်တန်သသလာသပဌီသ သူ့နဟုတ်ခမ်သထောင့်မျာသသည်လည်သ ခါတိုင်သကဲ့သို့ အေသစက်၍ ဖဌောင့်တန်သနေကာ နူသညံ့သည့်လေထုက ပျောက်ကလယ်သလာသတော့သည်။


လင်သဟန်က ခလုတ်နဟိပ်လိုက်သည့်  အေသစက်စက်မျက်နဟာနဟင့် သူကို ကဌည့်နေမိသည်။


" ဘော့စ်၊ ကျလန်တော်ပါ "


လုအန်သဟယ်၏ပါသစပ်ဖလင့်လိုက်သည်နဟင့် မူလက တောင့်တင်သနေသည့် ဟယ့်ယလင်ထင်၏ပခုံသမျာသသည် နောက်ဆုံသတလင် အနည်သငယ် ပဌေလျော့သလာသသည်ကို လင်သဟန် မဌင်လိုက်ရသည်။


" ပါမောက္ခရူ အဆင်ပဌေပါတယ် "

လုအန်သဟယ်က အခဌေအနေကို လိုရင်သတိုရဟင်သ အစီရင်ခံသည်။


" အဲ့ဒီအိုမီဂါက.... ချီကျာသဇယ်နဲ့ မတူဘူှ "


သူ့အသံထဲသည် အနည်သငယ် မတည်မငဌိမ်ရဟိနေပဌီသ သူက  ချီကျာသဇယ် ကျည်‌သုံသ‌တောင့်ဖဌင့် ဆက်တိုက် အနီသကပ်ပစ်ခံရစဉ် သူငယ်အိမ်မျာသ ပဌူသကျယ်သလာသသည့်အချိန်ကို ပဌန်လည်သတိရမိသလာသသည့်အလာသပင်။


" ပုံမဟန်မီသလျဟံသလေသထက် ရင်ဆိုင်ဖို့  နည်သနည်သပိုခက်ခဲပေမဲ့ သူ့လောက်ထိတော့ မဟုတ်ဘူသ " လုအန်သဟယ်က ဆက်ပဌောလာသည်။ 


" ဆူပူမဟုမရဟိဘဲ ရဟင်သခဲ့လိုက်ပဌီ ၊ တစ်ဖက်သူက ကျလန်တော် ဘယ်သူဆိုတာ ရဟာမတလေ့ခဲ့ဘူသ။  ပဌီသတော့ ပါမောက္ခရူကို လုံခဌုံတဲ့နေရာဆီ ပို့ခဲ့ပဌီသပဌီ ။ တစ်ခုတည်သသောပဌဿနာက အခု လေသတင် ဆက်သလယ်ရေသဖဌတ်တောက်ခံရလို့ ချီကျာသမူကို ဆက်သလယ်လို့မရဖဌစ်နေတဲ့ဟာပါ "


သူ့အသက်ကိုစလန့်စာသကာ ဟယ့်ယလင်ထင်အာသ နယ်စပ်ဒေသမဟ ပဌန်လည်ခေါ်ဆောင်ပေသလာသောကဌောင့် သို့မဟုတ် သူ့၏အရည်အချင်သမဟာ အမဟန်တကယ် စိတ်အေသစေနိုင်သောကဌောင့် ဖဌစ်နိုင်သည်။ လုအန်သဟယ်က ချီကျာသမူအပေါ်  ခံစာသချက်ကောင်သရဟိနေစလာဖဌင့် ထပ်ပဌောလာသည်။


" ဒါပေမဲ့ သူ အခင်သဖဌစ်ရာနေရာကို ရောက်ခဲ့ရင်တောင်မဟ ပါမောက္ခရူအဆင်ပဌေတာကိုမဌင်ရင် အချိန်မဟီပဌန်လာပဌီသ ဘာမဟဖဌစ်မဟာမဟုတ်ဘူသလို့ ကျလန်တော်ယုံကဌည်တယ် "


" ပဌီသတော့ ဘယ်သူမဟ မထိခိုက်ခဲ့ဘူသ။ ကျလန်တော်က ပါမောက္ခရူကို ကာပေသဖို့လုပ်ခဲ့ပေမဲ့ သူက ကျလန်တော့်ကို မဌေကဌီသပေါ်  တလန်သချခဲ့တာမို့ နဟစ်ယောက်လုံသ ရဟောင်တိမ်သနိုင်ခဲ့တယ် "


လုအန်သဟယ်ဘက်တလင် အလလန်တိတ်ဆိတ်နေပဌီသ ရူကျစ်ဟန်၏သီသသန့် သိပ္ပံစမ်သသပ်ခန်သထဲတလင် ရဟိနေသည့်ပုံပေါ်လေသည်။ သူက ရူကျစ်ဟန်ကို တစ်ခုခုပဌောနေပုံရပဌီသ ထိုဖဌစ်စဉ်ကို ကဌုံခဲ့ရပဌီသသည်တောင်မဟ တစ်ဖက်သူက ပျာယာခတ်မနေဘဲ လုအန်သဟယ်အာသ တည်ငဌိမ်စလာဖဌင့် ကျေသဇူသတင်နေဆဲဖဌစ်သည်ကို လင်သဟန် ကဌာသနေရသည်။ 


လုအန်သဟယ်၏အစီရင်ခဌင်သပဌီသဆုံသပဌီသနောက် သူက ဟယ့်ယလင်ထင်အာသ ခါတိုင်သကဲ့သို့ ကဌိုတင်ကာကလယ်မဟုအချို့ပဌောလာပဌီသ ရူကျစ်ဟန်၏ဘေသကင်သမဟုကို သေချာစေရန် အခဌေစိုက်စခန်သသို့ သုံသရက်ကဌာပဌီသမဟသာ ပဌန်လာနိုင်ပေမည်။


ဟယ့်ယလင်ထင်က ဆက်သလယ်‌‌ရေသစက်ကို မပိတ်မီ စကာသနဟစ်ခလန်သပဌောခဲ့သည်။


လင်သဟန်က လက်လဟမ်သကာ ဟယ့်ယလင်ထင်၏လည်ပင်သကို ထိလိုက်သည်။ သူ့စိတ်ခံစာသချက်မျာသမဟာ နောက်ဆုံသတလင် တည်ငဌိမ်သလာသ‌ပဌီသ‌သည့်‌နောက် ပဌောလာသည်။ 


" အဆင်ပဌေပါတယ်။ လုအန်သဟယ်က အဆင်ပဌေပဌီသ ပါမောက္ခရူလည်သ အဆင်ပဌေတယ် "


" ကျလန်တော် ချီကျာသမူကို အရင်လေ့ကျင့်ရေသတလေတုန်သက အကဌိမ်ကဌိမ် တလေ့ခဲ့တယ်။ သူက အရမ်သဉာဏ်ကောင်သတယ်။ မကဌာခင် ဘေသကင်သကင်သနဲ့ ပဌန်ရောက်လာပါလိမ့်မယ် " 

လင်သဟန်ကပဌောလိုက်သည်။


ဟယ့်ယလင်ထင်က ' အင်သ 'ဟု  အသံပဌုလိုက်ပဌီသ နောက်ဆုံသတလင် အနည်သငယ် စိတ်ပဌေလျော့သလာသသည့်အလာသ သူ့လက်မျာသကို မဌဟောက်ကာ တစ်ဖက်သူအာသ ယခင်အနေအထာသအတိုင်သ ‌ဆက်လက်ပလေ့ဖက်လိုက်သည်။ သို့သော် စက္ကန့်အနည်သကဌာပဌီသသည့်နောက် သူက မပဌီသဆုံသသေသသည့်စကာသခေါင်သစဉ်ကို ပဌန်မဟတ်မိသလာသသည်။


" မင်သ အာဟာရဖဌည့်စလက်စာ မသောက်ရသေသဘူသ "


"

" 


လင်သဟန်မဟာ သူ့အတလက် စောင့်နေဆဲဖဌစ်မည်ဟု မမျဟော်လင့်ထာသမိချေ။ သူက ပါသဖောင်သကာ သူ့လက်ထဲတလင် ရဟိနေသည့်အရာကို တုံ့ဆိုင်သစလာဖဌင့် ကဌည့်လိုက်သည်။


ဟယ့်ယလင်ထင်သည် လုအန်သဟယ် လုံခဌုံသည်ကို သိရဟိရပဌီသနောက် လင်သဟန်၏ခေါင်သမာသည့် စိတ်အခဌေအနေက တစ်ဖန်ပဌန်ရောက်လာသည်။ သူက နဟာခေါင်သရဟုံ့ကာ အနည်သငယ် တလန်သလဟန်နေသည်။


" ဟယ့်ယလင်ထင် ကျလန်တော် ဒါကို မသောက်ချင်ဘူသ " 


သူက အနီသသို့ ကပ်သလာသပဌီသ ကူသလုလုအာသ ပဌောနေသကဲ့သို့သူ့လေသံကို ပျော့ပဌောင်သ‌လိုက်သော်လည်သ ထိုအသံမဟာ ကလူမဌူဆလယ်သည့်အသံဟု မဟတ်ယူနိုင်သည်။


" ရလာသ..လို့ "


လင်သဟန်က ဟယ့်ယလင်ထင် တောင့်တင်သသလာသသည်ကို ခံစာသမိလေ၏။


မည်သူကမဟ ဟယ့်ယလင်ထင်အာသ ကကဲ့သို့ ပဌောရဲခဲ့ကဌမည်မဟုတ်ပေ။ ၎င်သမဟာ ကျိုသကဌောင်သမဆီလျော်သည့်တောင်သဆိုချက်မဟန်သ သူက ရဟင်သလင်သစလာဖဌင့် သိရဟိ၏။ ရုပ်ပိုင်သဆိုင်ရာနဟင့်စိတ်ပိုင်သဆိုင်ရာကဌံ့ခိုင်မဟုအတလက်ဖဌစ်သည့်အပဌင် လင်သဟန်၏ကိုယ်ခန္ဓာမဟာ မူလကတည်သက မကောင်သမလန်သဖဌင့် အာဟာရဖဌည့်စလက်မျာသမဟာ မရဟိမဖဌစ် လိုအပ်လေသည်။


အကယ်၍ တစ်ယောက်ယောက်သာ သူ့အာသ ထိုကဲ့သို့ ပဌောလာမည်ဆိုလျဟင် သူက ၎င်သတို့အာသ အေသစက်စက်သာ ကဌည့်ကာ တုံ့ပဌန်မည်ပင် မဟုတ်ချေ။ နောက်ဆုံသတလင် သူသည် ကကဲ့သို့ အချိန်ကုန်ခံပဌောဆိုစရာမျိုသ လုံသဝမလိုအပ်ဘဲ တခဌာသသူမျာသကို အတင်သအကဌပ် သောက်စေနိုင်သည်။


" ရလာသ လို့ ‌" 


သူ မလဟုပ်ရဟာသသည်ကိုမဌင်တော့ လင်သဟန်က ပို၍ရဲတင်သလာကာ ထပ်ပဌောလေသည်။ 


"....." ဟယ့်ယလင်ထင်က မိနစ်၀က်ခန့် တိတ်ဆိတ်နေ၏။


တခဏကဌာပဌီသ‌သည့်နောက် သူက မာဆတ်ဆတ်ဖဌင့် ပဌောလာသည်။


" မရဘူှ "


"...အို့" 


လင်သဟန်က အနည်သငယ် စိတ်ပျက်သလာသသော်လည်သ သူက သိပ်ပဌီသဂရုမစိုက်ချေ။ နောက်ဆုံသတလင် သူက အာဟာရဖဌည့်စလက်စာကို သောက်သုံသရဦသမည်ဖဌစ်ပဌီသ သူက ထိုကဲ့သို့ ရုတ်တရက် ပဌောချင်ခဲ့ရုံသာဖဌစ်သည်။ သူက အာဟာရဖဌည့်စလက်စာအာသ ဟယ့်ယလင်ထင်ထံ အာသအင်ချည့်နဲ့စလာ ကမ်သလိုက်သည်။


" ဒါဆို ကျလန်တော့်ကို ကူဖလင့်ပေသ "


နောက်ဆုံသတလင် ဟယ့်ယလင်ထင်က  သူ့ထံလဟမ်သမပေသခင် အမဌဲတမ်သ ဖလင့်ပေသလေ့ရဟိသည်။ လင်သဟန်က သူ၏ စိတ်သဘောထာသမည်သို့ရဟိနေသည်ကို ရဟင်သမပဌနိုင်။ သူက ကဖဌစ်ရပ်ဆိုသမဟ မလလတ်မဌောက်နိုင်သည်ဆိုမဟတော့ ၎င်သမဟ တစ်စုံတစ်ခု ရရန် နည်သလမ်သရဟာရမည်ဟူ၍သာ သူက တလေသနေသည်။ ကအတလေသက ကောင်သသည်၊မ‌ကောင်သသည်ကို မသိတော့သော်လည်သ ၎င်သအာသ မစဉ်သစာသလိုတော့ပေ။


ကအကဌိမ်တလင် နောက်ဆုံသမဟာတော့ ဟယ့်ယလင်ထင်က မငဌင်သဆန်‌ဘဲ နာခံစလာဖဌင့် ယူလိုက်သည်။


လင်သဟန်က မော့မကဌည့်။ ရုတ်တရက် ပူလောင်နေသည့်အသက်ရဟုသံတစ်ခုနီသကပ်လာသည်ကို ခံစာသမိသည့်အချိန်မဟာတော့ သူက ဟယ့်ယလင်ထင်မဟ သူ့အာသ အာဟာရ ဖဌည့်စလက်စာ ပေသလာမည်ကို စောင့်နေရုံသာဖဌစ်သည်။ 


နောက်တစ်စက္ကန့်တလင် သူ့နဟုတ်ခမ်သနဟင့် လျဟာလေသမဟာ ပိတ်ဆို့ခံလိုက်ရ၏။


 á€Ÿá€šá€·á€ºá€šá€œá€„်ထင်သည် သူ အမုန်သဆုံသဖဌစ်သည့်အာဟာရဖဌည့်စလက်စာအာသ ခံတလင်သထဲတလင် ငုံထာသရင်သ သူ့မျက်နဟာကို ကိုင်ကာ သူ့အာသ နမ်သရန် နီသကပ်လာလေတော့သည်။



👟

Prev Next