Chapter 83

💘Chapter 83 

ဗီလိန်၏ရည်မှန်းချက်

"လက်ထောက်အထွေထွေမန်နေဂျာတုက အရင်နှစ်လက နှုတ်ထွက်စာတင်ခဲ့တယ်...ဒီနှစ်လတာကာလအတွင်းမှာ လက်ထောက်အထွေထွေမန်နေဂျာရဲ့ တာဝန်တွေက ဒုဥက္ကဌကျိူးဆီမှာ ယာယီကျသွားတယ်...အခုအချိန်မှာ ဒုဥက္ကဌကျိုး ရဲ့ ကျန်းမာရေးက မေးခွန်းထုတ်စရာဖြစ်နေတော့ လက်ထောက်အထွေထွေမန်နေဂျာရာထူးအတွက် တစ်ယောက်ယောက်ကို ရှာသင့်တယ်...အစီအစဉ်ရှိကြလား”

ဥက္ကဋ္ဌက ပြုံးပြုံးရွှင်ရွှင်ဖြင့် ပြောလိုက်လေသည်။

 အစည်းအဝေးခန်းထဲမှ လူများက ပထမဆုံး စကားပြောရန် တွန့်ဆုတ်နေပုံဖြင့် တစ်ယောက်ကိုတစ်ယောက် ကြည့်လိုက်ကြသည်။

ကျိုးထုံဖမ်းက သူ၏ အမှုဆောင်ထိုင်ခုံကို အားနည်းစွာမှီလိုက်ပြီး သူက စကားပြောရန် ရည်ရွယ်ချက်မရှိသည်ကို ဖော်ပြလိုက်သည်။ သူက ဤကိစ္စ၌ သူ၏ အသံကို ဆုံးရှုံးသွားသကဲ့သို့ပင်။ သို့သော် ကျိုးထုံဖမ်းက သူ၏ အုပ်စုအတွက် ကိုယ်စားပြုသူ မဟုတ်ခဲ့ပေ။ သူက တိတ်ဆိတ်နေသော်လည်း ၎င်းက သူ့အတွက် မည်သူကမျှ စကားပြောမပေးဟု မဆိုလိုပေ။

ကျူးကောဖုန်းကလည်း မှိန်းနေသကဲ့သို့ သူ၏ မျက်လုံးများက်ို နှိမ့်ကာ တိတ်ဆိတ်စွာ ထိုင်နေခဲ့သည်။ ၎င်းက မမျှော်လင့်ထားဖွယ်ရာဖြစ်သည်။ သူက ယခင်လက လက်ထောက်အထွေထွေမန်နေဂျာ ရာထူးကို စိတ်ဝင်စားမှု ပြသခဲ့ပြီး ထိုရာထူးကို စိတ်ချရစေရန် သုံးဆယ့်တစ်ရာခိုင်နှုန်း တိုးတက်မှုနှုန်းကိုပါ ကမ်းလှမ်းခဲ့သည်။ သို့သော်လည်း တစ်လမျှသာ ကြာပြီးနောက် သူက အဘယ်ကြောင့် စိတ်မဝင်စားပုံပေါ်နေရသနည်း။

ကျူးကောဖုန်း၏ အပြုအမူက စိတ်ရှုပ်ထွေးစေခဲ့သည်။ ကျူးကောဖုန်းနှင့် ပူးပေါင်းထားသည့် ဒါရိုက်တာများကလည်း တူညီသော အမူအရာကိုသာ ပြသခဲ့ပြီး လက်ထောက်အထွေထွေမန်နေဂျာရာထူးကို စိတ်မဝင်စားပုံပေါ်သည်။

ကျိုးထုံဖမ်းက သူ၏ မျက်လုံးများကို စောင်း၍ ကျုးကောဖုန်း၏ အမူအရာနှင့် သူနှင့်ပူးပေါင်းထားသူများ၏ အမူအရာများကို တွေ့ရှိခဲ့သည်။ သူ၏ မျက်လုံးထဲ၌ နားလည်သဘောပေါက်မှု အလင်းတန်းမှိန်မှိန်ဖြစ်လာခဲ့သော်လည်း ရှုပ်ထွေးမှုများက ပိုနေခဲ့သည်။ အခြေအနေက သူ မမျှော်မှန်းထားသည့်အရာပင်။

ကျိုးထုံဖမ်းအုပ်စု၏ အဖွဲ့ဝင်များက မနားမနေခံစားလာရသည်။ အဆုံးတွင်တော့ လက်ထောက်အထွေ‌ထွေမန်နေဂျာရာထူးကသူတို့အတွက် အရေးကြီးသော ရှုပ်ထွေးသော ကိစ္စရပ်များ ပါဝင်နေသည့် မားကတ်တင်းဌာနနှင့် အရောင်းဌာနကို ကြီးကြပ်ကွပ်ကဲရာ၌ အလွန် အရေးပါနေသည်။

ထိုဒါရိုက်တာများက သိမ်မွေ့စွာ ခေါင်းညိတ်နေသည့် ကျိုးထုံဖမ်းကို စိုက်ကြည့်နေကြသည်။ ကျူးကောဖုန်းက မည်သည့်လှည့်ကွက်များ ပြုလုပ်ထားကြောင်း သူတို့က မသိခဲ့သော်လည်း ကျူးကောဖုန်းက ထိုရာထူးကို စိတ်ဝင်စားဟန်မပြခဲ့သောကြောင့် သူက အစပျိုးမှုအတွက် ကျိုးထုံဖမ်းကို အပြစ်တင်၍ မရပေ။

ကျိုးထုံဖမ်း၏ အချက်ပြမှုကို လက်ခံရရှိပြီးနောက် ဒါရိုက်တာတစ်ဦးမှ မကြာသေးမီက ကျိုးထုံဖမ်း ရာထူးတိုးမြှင့်ခြင်းကို ခံရသော အထွေထွေမန်နေဂျာအတွက် ကိုယ်စားလှယ်လောင်းတစ်ဦးကို ချက်ချင်းအဆိုပြုခဲ့သည်။

တစ်စုံတစ်ယောက်က စကားပြောပြီးသည်နှင့် အခြားလူများက လိုက်၍ လုပ်ကြသည်မှာ သဘာဝပင်။ သူတို့အားလုံးက ကျိုးထုံဖမ်း၏ လက်ထောက်ကို ထောက်ခံခဲ့ပြီး တူညီသည့် စကားများကို ပဲ့တင်ထပ်၍ ပြောခဲ့ကြသည်။

လူတိုင်းက ကျိုးထုံဖမ်းနှင့် လိုက်လျောညီထွေ ပြောဆိုကြပြီးနောက် ကြားနေဒါရိုက်တာအချို့ကလည်း အခြားဌာနများမှ ထူးချွန်သူများကို အကြံပြုတင်ပြကြသည်။ တစ်ယောက်က ဝေ့ချန် ကိုပင် ပြောခဲ့သေးသည်။ ဝေ့ချန်က မကြာသေးမီက ကုမ္ပဏီသို့ဝင်ရောက်ခဲ့သော်လည်း ယခင်အစည်းအ‌ဝေးတွင် သူ၏ စွမ်းဆောင်ရည်က အထင်ကြီးစရာကောင်းပြီး လက်ထောက်အထွေထွေမန်နေဂျာအထိ ရာထူးတိုးနိုင်သည့် အလားအလာကို သက်သေပြခဲ့သည်။

ဥက္ကဌက လုပ်ငန်းစဉ်တစ်လျှောက်လုံး ဂရုတစိုက်နားထောင်ခဲ့ပြီး နောက်ဆုံးတွင် ကျူး‌ကောဖုန်း၏ ထင်မြင်ချက်ကို တောင်းဆိုခဲ့သည်။

"အထွေထွေမန်နေဂျာ ကျူးကော...မင်းမှာရော ကိုယ်စားလှယ်လောင်းတွေရှိလား..."

ဥက္ကဋ္ဌ၏ စကားများအားကြားပြီးနောက်  လူတိုင်း၏ အကြည့်များက ကျူးကောဖုန်း ဘက်သို့ လှည့်သွားကြသည်။ ကျူးကောဖုန်းက ဝေ့ချန်ကို ကိုယ်တိုင်ကိုယ်ကျ ခေါ်ဆောင်လာခဲ့ပြီး မကြာသေးမီက အစည်းအ‌ဝေးတွင် ၎င်း၏ အထင်ကြီးဖွယ်ရာ စွမ်းဆောင်ရည်ကို မြင်တွေ့ခဲ့ရပြီး သူက ကျူးကောဖုန်း၏ ထင်ရှားသော အစိတ်အပိုင်းတစ်ခုဖြစ်ကြောင်း သိရှိစေခဲ့သည်။

"ကျွန်တော့် မှာ ကိုယ်စားလှယ် မရှိဘူး...ဘာလို့ ဒုဥက္ကဌကျိုး ကို မမေးတာလဲ..."

မမျှော်လင့်ဘဲ ကျူးကောဖုန်းက လူတိုင်းကို အံ့သြသွားစေခဲ့သည်။

ယခုအချိန်မှာတော့ အားလုံးက ကျူးကောဖုန်းနှင့် ပတ်သက်၍ ပိုလို့ပင် မသေချာတော့ပေ။ ကျိုးထုံဖမ်းက သူ့မျက်နှာမှ အတွေးများကို ဖတ်ရန် ကြိုးစားနေသကဲ့သို့ ကျူးကောဖုန်းအား ပျော့ညံ့စွာ စိုက်ကြည့်နေခဲ့သည်။ ယခုအချိန်တွင် ကျိုးထုံဖမ်းက သူ မည်သည်တို့ တွေးနေသည်ကို သိရန် ကျူးကောဖုန်း၏ စိတ်ထဲသို့ ဝင်ကြည့်ချင်ခဲ့ပါသည်။

"ဒုဥက္ကဌကျိုး...မင်းရော ဘယ်လိုလဲ..."

ဥက္ကဋ္ဌက ကျိုးထုံဖမ်းကို မေးခွန်းထုတ်ခဲ့သည်။

ကျိုးထုံဖမ်းက သက်ပြင်းချလိုက်ပြီး စကားမပြောနိုင်လောက်အောင်ပင် အားနည်းနေသည့်ပုံပေါ်ကာ သူ၏ အမှုဆောင် ထိုင်ခုံသို့ လဲကျသွားခဲ့သည်။

"မင်းအတွက် လူနာတင်ကားခေါ်ပေးဖို့ လိုအပ်သလား...ဒုဥက္ကဌကျိုး..."

ကျူးကောဖုန်းက မျက်ခုံးပင့်၍ မေးခဲ့သည်။

ကျိုးထုံဖမ်းက သူ၏ လက်ကို ဝှေ့ယမ်းကာ ပြောခဲ့သည်။

"နေပါစေ..."

သူက ဖြူဖျော့ပြီး အလွန်အားနည်းနေပုံရသည်။

သူ၏ စိတ်ထဲတွင် ကျူးကောဖုန်းက 'ဟန်ဆောင်၊ ဟန်ဆောင်နေလိုက်' ဟု တွေးနေသော်လည်း အပြင်ပန်းအားဖြင့်တော့ သူက ဖော်ရွေသည့်အမူအယာကို ထိန်းထားပြီး ပြောလိုက်သည်။

"ဥက္ကဌ...ဒုဥက္ကဌကျိုး ရဲ့ ပကတိအခြေအနေကို သုံးသပ်ကြည့်တော့ သူက လက်ထောက်အထွေထွေမန်နေဂျာရဲ့ ကိစ္စတွေကို မကိုင်တွယ်နိုင်တော့မှာကို စိုးရိမ်မိတယ်..."

ဥက္ကဌက ခေါင်းညိတ်သဘောတူပြီး ပြောခဲ့သည်။

"ဒါဆို မဲပေးကြစို့...အဆိုပြုထားတဲ့ ကိုယ်စားလှယ်လောင်းတွေကို မဲစာရင်းပေါ် မူတည်ပြီး ထည့်သွင်းစဉ်းစားမယ်..."

သဘာဝအလျောက်ပင် လူတိုင်းက သဘောတူခဲ့သည်။  နောက်ဆုံးတွင်၊ ဤနည်းလမ်းက ဘုတ်အဖွဲ့အစည်းအဝေးများတွင် အသုံးများပြီး အနည်းဆုံး အပေါ်ယံတွင် မျှတပုံပေါ်သည်။

မဲပေးခြင်းလုပ်ငန်းစဉ်က ရိုးရှင်းပြီး မြန်ဆန်သည်။  မိနစ်အနည်းငယ်အကြာတွင် ရလဒ်များကို ကြေငြာခဲ့ပြီး ၎င်းတို့က အနည်းငယ်မျှပင် မမျှော်လင့်ထားခဲ့ကြပေ။

မမျှော်လင့်ထားသောအပိုင်းမှာ ကျူးကောဖုန်းနှင့် ပူးပေါင်းထားသော အဖွဲ့ခွဲတစ်ခုက ကျိုးထုံဖမ်း၏ အဖွဲ့ခွဲမှ အဆိုပြုသော ကိုယ်စားလှယ်လောင်းကို အမှန်တကယ် ထောက်ခံမဲပေးခဲ့ခြင်း ဖြစ်သည်။ ဤအဖွဲ့နှစ်ဖွဲ့က အစည်းအဝေးများအတွင်း အများအားဖြင့် သဘောထားကွဲလွဲကြသည်ကို သိရှိကြသည်။  ကမ္ဘာကြီး မှောက်သွား၍သာ  မဟုတ်လျှင် ကျူးကောဖုန်းက ကျိုးထုံဖမ်းကို အဘယ်ကြောင့် ထောက်ခံမဲ ပေးနိုင်ရသနည်း။

အခြားသူများက မည်မျှပင် အံ့အားသင့်စေကာမူ ကျူးကောဖုန်း၏ အဖွဲ့ခွဲကလည်း ထောက်ခံမဲပေးခဲ့ခြင်းကြောင့် ကျိုးထုံဖမ်း၏ လက်ထောက်က လက်ထောက်အထွေထွေမန်နေဂျာ ဖြစ်လာပြီး မကြာမီ ရာထူးကို ထမ်းဆောင်ရတော့မည်ဖြစ်သည်။

ဤသည်က ကျိုးထုံဖမ်း လိုချင်သည့် ရလဒ်ဖြစ်ခဲ့သော်လည်း ရရှိပြီးနောက် သူက ပြုံးမပြနိုင်ခဲ့ပေ။  သူ လိုချင်သည့်အရာက ရရန် အရမ်းလွယ်ကူနေသောကြောင့် သူ့ကိုစောင့်နေသည့် လှည့်ကွက်တချို့ရှိနေသည်ဟု ခံစားရစေသည်။

ကျိုးထုံဖမ်း၏ နှလုံးသားက ထိတ်လန့်သွားပြီး ကျူးကောဖုန်းကို အလိုလို စိုက်ကြည့်နေမိသည်။ ကျူးကောဖုန်းက သူ၏ ပါးစပ်ကို ဖွင့်လိုက်တိုင်း ကျိုးထုံဖမ်းက ကြောက်ရွံ့လာပြီး ချက်ချင်း သတိထားလိုက်သည်။

ကံမကောင်းစွာဖြင့် အစည်းအဝေးပြီးခါနီးတွင် ကျူးကောဖုန်းက စကားအများကြီးမပြောခဲ့ဘဲ ဘုတ်အဖွဲ့အစည်းအဝေးကို ရိုးရိုးရှင်းရှင်းပဲ ပြုလုပ်ခဲ့သည်။

အစည်းအဝေးအပြီးတွင် ကျိုးထုံဖမ်းက  ရှုပ်ထွေးနေသောအမူအရာ ရှိနေခဲ့သည်။ ကျူး‌ကောဖုန်း၏ ရည်ရွယ်ချက်ကို သူ အပြည့်အဝ နားမလည်နိုင်ခဲ့ပေ။ သူက တကယ်ပဲ အာဏာကို လွယ်လွယ်နဲ့ လွှဲခဲ့သည်လား။

ကျိုးထုံဖမ်းက အစည်းအဝေးခန်းမှ ထွက်သွားသည်နှင့် တပြိုင်နက် သူ့လက်ထောက်က စိတ်အားထက်သန်သော အကြည့်ဖြင့် သူ့ထံသို့ ချဉ်းကပ်လာခဲ့သည်။ ကျိုးထုံဖမ်းက မတုံ့ပြန်မီမှာပင် ကျူးကောဖုန်းက ရှေ့ကိုရောက်လာခဲ့ပြီး လက်ထောက်ကို ပြောခဲ့သည်။

"ဂုဏ်ယူပါတယ် လက်ထောက်လင်...မဟုတ်ဘူး...အခု မင်းကို လက်ထောက်အထွေထွေမန်နေဂျာလင် လို့ခေါ်သင့်တယ်..."

ကျိုးထုံဖမ်းကို ကြည့်နေသည့် လင်ရှင်း၏ မျက်လုံးများက မယုံနိုင်လောက်အောင် ကျဉ်းမြောင်းသွားခဲ့သည်။ ကျိုးထုံဖမ်းက ခေါင်းညိတ်ပြီး သတင်း၏တိကျမှုကို အတည်ပြုပေးခဲ့သည်။

ထိုအတည်ပြုချက်ပေးသည့် အခိုက်တွင် လင်ရှင်းက သူ၏ကိုယ်ဟန်အနေအထားကို တည့်မတ်ကာ သူ့မျက်လုံးထဲတွင် တိမ်မြုပ်နေသည့်အရာက ချက်ချင်းပျောက်ကွယ်သွားခဲ့သည်။  သူက ကျူး‌ကောဖုန်း၏ လက်ကို ဆွဲကိုင်လိုက်ပြီး လည်ချောင်းကိုရှင်းထုတ်ကာ ပြောခဲ့သည်။

"အထွေထွေမန်နေဂျာကျူးကော...ကျေးဇူးပြုပြီး အနာဂတ်မှာ ကျွန်တော့်ကို ဂရုစိုက်ပေးပါဦး..."

ကျူးကောဖုန်းက သဘာဝအလျောက်ပင် ပြုံးကာ အရေးပေါ်ကိစ္စရပ်အချို့ကို အကြောင်းပြပြီး ထွက်သွားခဲ့သည်။

ကျူးကောဖုန်း၏ နောက်တွင် အခြားသူများက သူ့ကို ချီးကျူးဂုဏ်ပြုရန် လင်ရှင်းထံ ချဉ်းကပ်လာကြသည်။ လင်ရှင်းက တလျှောက်လုံး ပြုံး၍ သူ့အပြောအဆိုတွင် ကျေနပ်မှုကို ဖုံးကွယ်မထားနိုင်ခဲ့ပေ။

လူအားလုံး ထွက်သွားပြီးနောက် လင်ရှင်း၏ ပါးစပ်ထောင့်တွင် အထိန်းအကွပ်မဲ့ အပြုံးတစ်ခု ရစ်ဝဲလာခဲ့သည်။ သို့သော်လည်း ကျိုးထုံဖမ်းကို ငေးကြည့်မိသောအခါ ကျိုးထုံဖမ်းက သူ့ကို ဤရာထူးသို့ မြှင့်တင်ပေးနိုင်ပြီး သူ့ကို ဆွဲထုတ်နိုင်သည့် အစွမ်းရှိကြောင်း သူသိခဲ့သည်။

"ဒုဥက္ကဌကျိုး...ကျွန်တော့်ကို မြှင့်တင်ပေးလို့ ကျေးဇူးတင်ပါတယ်..."

လင်ရှင်းက ခေါင်းညိတ်ကာ ကျိုးထုံဖမ်းကို နှိမ့်ချသောအမူအရာဖြင့် ဦးညွတ်ခဲ့သည်။

"အင်း..."

ကျိုးထုံဖမ်းက ခေါင်းညိတ်ပြီး အကြံပေးခဲ့သည်။

"မင်း ဒီရာထူးကို ရသွားပြီ...မင်းရဲ့အလုပ်ကို ကောင်းကောင်းလုပ်ပါ...ငါ့အတွက် အခက်အခဲဖြစ်အောင် မလုပ်နဲ့..."

"ကျွန်တော် နားလည်ပါတယ်..."

လင်ရှင်းက ပြန်ဖြေခဲ့သော်လည်း သူ၏ စိတ်ထဲတွင် အနည်းငယ် မကျေမနပ်ဖြစ်နေခဲ့သည်။

လင်ရှင်းက သူ၏ မကျေနပ်မှုနှင့် မာနကို ကောင်းစွာ ဖုံးကွယ်ခဲ့သည်။ ကျိုးထုံဖမ်းက ယခုအချိန်တွင် လင်ရှင်းအပေါ် အာရုံစိုက်ခြင်း မရှိသောကြောင့် လင်ရှင်း၏ အတွေးများကို သတိမထားမိခဲ့ပေ။ အပြောင်းအရွှေ့အမှာစာက မနက်ဖြန်တွင် ထွက်ရှိနိုင်သောကြောင့် စာရွက်စာတမ်းအချို့ကို ပြန်လည်စုစည်းရန် လက်ကိုဝှေ့ယမ်းကာ ရိုးရိုးရှင်းရှင်းသာပြောခဲ့သည်။

လင်ရှင်းက တုံ့ပြန်ခဲ့သည်။

"ကျွန်တော် သိပါပြီ..."

ထို့နောက် သူက လှည့်၍ ပျံသန်းလုနီးပါး ပေါ့ပါးသွက်လက်သော ခြေလှမ်းများဖြင့် ထွက်ခွာသွားခဲ့သည်။

ကျိုးထုံဖမ်း ပြောခဲ့သည့်အတိုင်း လင်ရှင်း၏ ဒုတိယအထွေထွေမန်နေဂျာရာထူးတိုးခြင်းအတွက် လွှဲပြောင်းအမိန့်စာက နောက်တစ်နေ့နံနက်တွင် ထွက်ပေါ်လာခဲ့သည်။ ကုမ္ပဏီ၏အင်တာနက်ပေါ်တွင်လည်း ကြေငြာထားသောကြောင့် ယခုအခါတွင် ကုမ္ပဏီရှိလူတိုင်းက မားကတ်တင်းဌာန၏ ဒါရိုက်တာအဖြစ် အမှန်တကယ်ရာထူးတိုးခံရပြီး ဒုတိယအထွေထွေမန်နေဂျာဖြစ်လာကြောင်းကို ယခုအခါ ကုမ္ပဏီတွင်းရှိလူတိုင်းသိကြသည်။

ဤသတင်းကို ဟဲခယ်ချမ်း ကြားသောအခါတွင် သူ့ရုံးခန်းထဲတွင် ရယ်မော‌နေခဲ့သည်။

ဝေ့ချန်က လက်ထောက်အထွေထွေမန်နေဂျာ ဖြစ်လာမယ်လို့ အစက ထင်ထားခဲ့ပေမယ့် အခု ဘာဖြစ်သွားတာလဲ...ဝေ့ချန်က ရာထူးမတိုးဘူးလား...

သူက ဝေချန်၏အမူအရာကို ယခုမြင်တွေ့ချင်နေပြီဖြစ်သည်။ 

အဲ့ဒါက မကျေမနပ်ဖြစ်နေမလား...နာကြည်းမှုလား...ဒေါသလား...

သို့သော်လည်း ဝေ့ချန်၏ မျက်နှာတွင် ဤအမူအရာများ ပေါ်လာပါက ရယ်စရာကောင်းမည်ဟု သူမည်သို့ တွေ့ခဲ့သနည်း။ တွေးကြည့်ရုံဖြင့် ရယ်မောသွားလောက်အောင်ပင်။  သူသာ သူ့မျက်လုံးဖြင့် အမှန်တကယ်မြင်ခဲ့ရလျှင် ဟဲခယ်ချမ်းက သူတစ်နေ့လုံး ရယ်နေမိလိမ့်မည်ဟု ယုံကြည်ခဲ့သည်။

အဲ့ဒါက ကြည်နူးစရာပဲ...တကယ်ကို ကြည်နူးစရာကောင်းတယ်...

လင်ရှင်းက လက်ထောက်အထွေထွေမန်နေဂျာအဖြစ် မားကတ်တင်းဌာနနှင့် အရောင်းဌာနများက ၎င်း၏ စီရင်ပိုင်ခွင့်အောက်တွင် ရှိနေသည်ဟု ဆို၍ရသည်။ ဝေ့ချန်က လင်ရှင်း၏ ဖိနှိပ်ခြင်းကို ခံနေရသည်။ လင်ရှင်းက မည်သည်ကို ပြောပါစေ ဝေ့ချန် လုပ်ရမည်ဖြစ်သည်။ နောက်ဆုံးတွင် မားကတ်တင်းဌာန ကို ဟဲခယ်ချမ်းတစ်ယောက်တည်းက ထိန်းချုပ်ထားဆဲဖြစ်သည်။ ဝေ့ချန်က မည်သူနည်း။

ဤသို့တွေးရင်း ဟဲခယ်ချမ်းက သူ၏ ရုံးခန်းထဲတွင် မည်သို့ ထိုင်နေနိုင်မည်နည်း။ လင်ရှင်းက လက်ထောက်အထွေထွေမန်နေဂျာဖြစ်လာကြောင်း သိရှိပြီးနောက် ဖြစ်လာမည့် အခြားသူများ၏မျက်နှာပေါ်ရှိ အမူအရာများကို အပြင်ထွက်ပြီး ကြည့်ချင်ခဲ့သည်။ ၎င်းက စိတ်လှုပ်ရှားစရာပင်။

ရုံးခန်းတံခါးက ပွင့်လာခဲ့ပြီး ဟဲခယ်ချမ်းက မောက်မာစွာဖြင့် ထွက်လာခဲ့သည်။

လက်ထောက်မန်နေဂျာ လုဝေ့က ဝေ့ချန်၏ရုံးခန်းမှ အစီရင်ခံမှု ပြီးဆုံးသွားခဲ့ပြီး ဟဲခယ်ချမ်းနှင့် တိုက်မိခဲ့သည်။  ဟဲခယ်ချမ်းက ရှက်ရွံ့သော အပြုံးဖြင့် ပြောခဲ့သည်။

"လက်ထောက်မန်နေဂျာလု...မင်း မကြာသေးခင်က အလုပ်များနေလို့လား..."

လုဝေ့က ဟဲခယ်ချမ်း မည်သည်ကို တွေးနေကြောင်း မသိသောကြောင့် ပြောခဲ့သည်။

"ဟုတ်တယ်...ငါ အလုပ်များနေတယ်...အရမ်းအလုပ်ရှုပ်နေလို့ မြေပြင်ကိုထိဖို့ အချိန်တောင်မရှိတော့ဘူး...ပျင်းနေပုံရတဲ့ မန်နေဂျာဟဲနဲ့ မတူဘူး..."

သူက ဘေးဖယ်ထားခံရခြင်းနှင့် ပတ်သက်၍ လုဝေ့၏ ပုတ်ခတ်ပြောဆိုမှုကို ဟဲခယ်ချမ်း က စိတ်မ၀င်စားခဲ့ပေ။ ထိုအစား သူက သက်ပြင်းချခဲ့ပြီး ပြောခဲ့သည်။

"အင်း...ကောင်းတဲ့ အချိန်တွေ ကုန်ဆုံးတော့မယ်...ငါ အခုကစပြီး အလုပ်များနေမယ်ထင်တယ်..."

မျက်ခုံးနှင့် မျက်လုံးများကြားမှ ကျေနပ်မှု ခံစားချက်က လျော့မသွားပေ။

လုဝေ့က ဟဲခယ်ချမ်း၏ အောင်ပွဲခံသည့်အမူအရာကို သည်းမခံနိုင်ခဲ့ပေ။ ဟဲခယ်ချမ်းနှင့် စကားအနည်းငယ်ပြောခဲ့ပြီးနောက် စာရွက်စာတမ်းများနှင့်အတူ ထွက်ခွာသွားခဲ့သည်။  သူ့စိတ်ထဲတွင် ငြူစူသည့် အရိပ်အယောင်များ မရှိသော်လည်း အထင်အမြင်သေးမှုအပြည့်ရှိသည်။

လုဝေ့က ထိုသို့ အတွေးမျိုးရှိသည့် တစ်ယောက်တည်းသောသူ မဟုတ်ပေ။  မားကတ်တင်းဌာနရှိ ဝန်ထမ်းအများအပြားကလည်း ဟဲခယ်ချမ်းကို ရှုံ့ချခဲ့ကြသည်။  လင်ရှင်းက ဝေ့ချန်ကို နှိပ်ကွပ်လိုလျှင် စုပေါင်းခုခံရန် သူတို့ကိုယ်တိုင်ပင် ပြင်ဆင်ထားခဲ့သည်။

ဟဲခယ်ချမ်းက ဝေ့ချန်၏ ရုံးခန်းထဲသို့ ဝင်ပြီး တံခါးကိုပိတ်လိုက်သည်နှင့် တစ်ပြိုင်နက် လုံ့လစိုက်ထုတ်လုပ်ကိုင်နေကြသော ဝန်ထမ်းများက ရပ်တန့်သွားကာ ဗျူဟာများကို အသံနိမ့်ဖြင့် စတင်ဆွေးနွေးကြသည်။

ဝေချန်၏ ဖိနှိပ်ခံရမှုကို တန်ပြန်ရန် နည်းလမ်းအမျိုးမျိုးကို ဖော်ပြခဲ့ကြပြီး သက်ဆိုင်ရာ ဖြေရှင်းချက်များကို အဆိုပြုခဲ့ကြသည်။  မည်သို့ပင်ဆိုစေ ဝေ့ချန် ညှင်းပန်းနှိပ်စက်ခံရခြင်းကို မမြင်လိုကြပေ။

သူကဲ့သို့ ထူးချွန်သည့် ဒါရိုက်တာတစ်ယောက်ကို လက်မလျှော့ချင်ကြပေ။

လုဝေ့က ဖြတ်သွားရင်း သူတို့၏ ဆွေးနွေးမှုကို ကြားခဲ့သည်။ ဟဲခယ်ချမ်း၏ အစောပိုင်းအပြုအမူကြောင့် ဒေါသစိတ်က အနည်းငယ် လျော့ပါးသွားသည်။ သူက ဝန်ထမ်းများထံသို့ လျှောက်သွားခဲ့ပြီး သူတို့၏ အာရုံကို ဖမ်းစားရန် သူ့လက်ကို ဖိပြီး‌ ပြောလိုက်သည်။

“ဒါရိုက်တာဝေ့က နောင်ဘာတွေပဲ ဖြစ်ပါစေ...ငါတို့ မသိချင်‌ယောင်ဆောင်ပြီး မနေသင့်ဘူး...”

💘