Chapter 99
Viewers 18k
Chapters 379

💘Chapter 99 

အကဌောက်တရာသမျာသ ဝင်ရောက်လာခဌင်သ




အလျင်စလိုဖဌစ်နေသည့် စိတ်က ကာသလမ်သပိတ်နေသည့်နဟင့် ကဌုံသောအခါ အချိန်က မယုံချင်စရာကောင်သလောက်အောင် နဟေသသလာသလေသည်။ ဝေ့ချန်၏ အကဌည့်မျာသက အရဟေ့ရဟိ ကာသတန်သ အရဟည်ကဌီသအပေါ်တလင်သာ ရဟိနေပဌီသ သူ့ကာသက ကာသလမ်သပိတ်ခဌင်သကို ကျော်သလာသနိုင်လျဟင်ကောင်သမည်ဟု တလေသနေမိသည်။ 


သူ၏ ကျစ်လျစ်သည့် လက်ဆစ်မျာသက ကာသစတီယာရင်ကိုခေါက်နေကာ နဟလုံသသာသထဲမဟ လောင်ကျလမ်သနေသည့်မီသက ပို၍ တောက်လောင်လာတော့သည်။ သူ့မျက်လုံသမျာသက နီသကပ်နေသော်လည်သ အဆမတန် ဝေသကလာနေပုံရသည့် မီသပလိုင့်ကိုကဌည့်နေသည်။ ဝေ့ချန် ကလေသဆန်သည့် အတလေသပင်ပေါ်လာ၏။ သူ့တလင်အရာဝတ္ထုမျာသအာသ ရလေ့လျာသထိန်သချုပ်နိုင်သည့် အစလမ်သရဟိရန်ပင် မျဟော်လင့်မိသည်။ သို့မဟသာ မီသပလိုင့်အာသ အမဌဲစိမ်သနေရန်ထိန်သချုပ်နိုင်မဟာဖဌစ်သည်။ 


မီသနီမဟ မီသစိမ်သဖဌစ်ရန်စောင့်နေချိန်တလင် ဝေ့ချန် ကျူသကောယလီ၏ ဖုန်သကိုခေါ်လိုက်သည်။ ဖုန်သကို လျင်မဌန်စလာနဟင့် ပဌန်ဖဌေလာ၏။ 


ဖုန်သအသံမဌည်လာသည်နဟင့် Qတက္ကသိုလ်၏ အနုပညာစတူဒီယိုခန်သထဲတလင် ရဟိနေသည့် ချန်လီ၏အကဌည့်မျာသက ကျူသကောယလီအပေါ်သို့ ကျရောက်သလာသပဌီသ ဖုန်သကိုမဌန်မဌန်ကိုင်ရန် စူသစိုက်ကဌည့်လာသည်။ ချန်လီ၏ အနည်သငယ်စိတ်မရဟည်ဖဌစ်နေသည့် အကဌည့်မျာာသအောက်တလင် ကျူသကောယလီအတလက် ဖုန်သကို အကဌိမ်အနည်သငယ်လောက်အသံမဌည်အောင် စောင့်ပဌီသမဟ ကိုင်ရန်ခက်ခဲလဟသည်။ 


ချန်လီ၏ တိုက်တလန်သနေသည့် အကဌည့်မျာသအောက်တလင် ကျုသကောယလီချက်ချင်သပဲ ဖုန်သကို ကိုင်၍ ပဌောလိုက်သည်။ 


“ဝေ့ချန် အလုပ်ပဌီသရင်လာခဲ့တော့လေ ဘာလို့ ဖုန်သဆက်ရပဌန်တာလဲ” ဝေ့ချန်က အလုပ်ပဌီသသလာသသည့် လလန်ခဲ့သော မိနစ်နဟစ်ဆယ်ကပင် တစ်ခါ‌ခေါ်ခဲ့သေသသည်။ ဘာလို့ ထပ်ခေါ်နေရတာလဲ ဝေ့ချန်ရဲ့ ကတိုက်ကရိုက်နိုင်တဲ့ အကျင့်ကို ဘာလို့ သတိမထာသမိတာပါလိမ့် ။


“ကျလန်တော် ကာသလမ်သပိတ်တာနဲ့ တလေ့နေတယ်” ဝေ့ချန်၏ အေသစက်နေသည့်အသံက ဖုန်သတစ်ဖက်ထလက်လာသည်။ အကဌောင်သပဌချက်အချို့ကဌောင့် ကျူသကောယလီ အလျင်လိုနေမဟု အနည်သငယ်ကို ခံစာသမိလိုက်သည်။ 


“ကာသလမ်သပိတ်တာဆိုတော့လည်သ ကာသလမ်သပိတ်တာပေါ့ ငါကျောင်သမဟာ လုပ်စရာရဟိသေသတယ် မင်သရောက်လာတဲ့အထိ စောင့်ပေသမယ်လေ ချန်လီကို ကဌည့်ထာသပေသမယ် မပူနဲ့” ကျူသကောယလီပဌောလိုက်သည်။ 


“ဟို ” ဝေ့ချန် တစ်ခုခုပဌောလိုက်ချင်သော်လည်သ စကာသလုံသမျာသက လည်မျိုတလင်သာ တစ်ဆို့နေသည်။ ချန်လီအာသ အန္တရာယ်ရဟိသည့်တစ်ခုခုရဟိနေကဌောင်သ မသိစေချင်ပေ။ စကာသလုံသမျာသက နဟုတ်ဖျာသတလင်သာ တဝဲဝဲလည်နေပဌီသ ပါသစပ်ဖလင့်လိုက်သည့်အချိန်တလင်တော့ အခဌာသအကဌောင်သအရာတစ်ခုကို ပဌောင်သလဲသလာသသည်။ 


“လီလီကို သေချာလေသ ကဌည့်ထာသပေသပါ ကျလန်တော် မကဌာခင်ရောက်မယ်”


စိတ်ညစ်ညူသနေသည့် အခဌေအနေတလင်တောင်မဟ ကျူသကောယလီ တစ်ခုခု မူမမဟန်သည်ကို သတိထာသမိလိုက်သည်။ သူ ဝေ့ချန်အာသ တလေသတနက်ဖဌင့် ပဌောလိုက်သည်။ “ကောင်သပဌီ စိတ်မပူနဲ့”


ထိုအချိန်တလင် မီသပလိုင့်က အစိမ်သရောင်ပဌောင်သသလာသသောကဌောင့် ဝေ့ချန် ဖုန်သချလိုက်ကာ ကာသတန်သကဌီသနဟင့်အတူ အရဟေ့သို့ ဖဌည်သဖဌည်သချင်သ သလာသလိုက်သည်။ 


နဟေသကလေသစလာ တုံပဌန်လာသည့်ကျူသကောယလီနဟင့်မတူဘဲ ချန်လီကတော့ ဝေ့ချန် စကာသစပဌောသည့်အချိန်မဟာပဲ အလျင်လိုနေမဟုမျာသကို ခံစာသမိခဲ့သည်။ ထို့ကဌောင့် ကျူသကောယလီ ဖုန်သချပဌီသသည့်နောက်တလင် ဖဌစ်ပျက်နေသည့်မျာသကို မေသခလန်သထုတ်ချင်နေသည့်အလာသ ချန်လီ၏ အကဌည့်မျာသက ကျူသကောယလီအပေါ်တလင်သာ မဌဲမဌံနေသည်။


“ဝေ့ချန်က လမ်သတစ်ဝက်ကိုရောက်နေပဌီ ဒါပေမယ့် ကာသလမ်သပိတ်နေတော့ နည်သနည်သနောက်ကျလိမ့်မယ် စိတ်မပူနဲ့” ကျူသကောယလီက ဖုန်သကို စာတစ်စောင်ရိုက်နေရင်သ ပဌောလာသည်။ နောက်ဆုံသစာလုံသကို ရိုက်ပဌီသနောက် ပို့သည့်ခလုတ်ကိုနဟိပ်ကာ ကျူသကောဖုန်သအာသ ဖဌစ်ပျက်နေသည်မျာသကို မေသလိုက်သည်။ နောက်ဆုံသတော့လည်သ ကျူသကောဖုန်သက ဝေ့ချန်၏အထက်လူကဌီသဖဌစ်ပဌီသ ဘာဖဌစ်နေသည်ကို အသိနိုင်ဆုံသလူလည်သဖဌစ်သည်။ 


ကျူသကောယလီ ကျူသကောဖုန်သဆီမဟ ပဌန်စာရရန် အချိန်သိပ်မကဌာလိုက်ချေ။ ကျူသကောဖုန်သက စကာသလုံသနဟစ်လုံသဖဌင့်သာ တုံ့ပဌန်လာ၏။ _ “ပဌောစရာမရဟိ!”


စာကဌောင်သနောက်ဆုံသရဟိ အာမေဋိတ်အမဟတ်လေသကိုကဌည့်ရင်သ ကျူသကောယလီက ဖုန်သကို လလဟင့်ပစ်ချင်လောက်အောင် စိတ်ရဟုပ်သလာသသည်။ သို့သော်လည်သ ချန်လီ၏ ခံစာသချက်မျာသကိုတလေသပေသရင်သ သူ့အရဟေ့တလင် ကျူသကောဖုန်သအာသ ခေါ်၍ မေသခလန်သထုတ်ရန် မကဌိုသစာသလိုက်ပေ။ ထိုအစာသ သူက စိတ်ရဟည်ရဟည်ထာသ၍ ကျူသကောဖုန်သက နောက်စာတစ်စောင်ပို့ပဌီသ အခဌေအနေကို နောက်တစ်ကဌိမ် စူသစမ်သလိုက်သည်။ 


ဒီတစ်ကဌိမ်တလင်တော့ ကျူသကောဖုန်သက ကျုသကောယလီကို တုံ့ပဌန်မလာပေ။ ကျူသကောယလီ စိတ်ညစ်ညူသလာပဌီသ တုံ့ပဌန်မဟုမရဟိသည့် ဖုန်သကိုကဌည့်၍ ရိုက်ခလဲချင်စိတ်မျာသ ပေါ်လာရသည်။ 


ချန်လီလည်သ စိုသရိမ်နေ၏။ သို့သော် ဝေ့ချန်ကို သလာသရဟာရန် မတောင်သဆိုပေ။ သူ့တလင်ချို့ယလင်သချက်မျာသရဟိသော်လည်သ သူက ကလေသမဟုတ်ဘဲ အချို့ကိစ္စတို့ကို သူ့စိတ်အခဌေအနေဖဌင့် ကိုင်တလယ်၍ မရသည်ကို သိသည်။ တစ်ခုခုသာ ဖဌစ်နေခဲ့လျဟင် သူကိုယ်တိုင် ဝေ့ချန်ကို လိုက်ရဟာခဌင်သက ဝေ့ချန်အတလက် ပဌဿနာမျာသစလာကို ဖဌစ်စေလိမ့်မည်။


ချန်လီက အဝေသမဟ မိုသကုပ်စက်ဝိုင်သထဲသို့ ဖဌေသညင်သစလာဝင်နေသည့် နေမင်သကဌီသကိုကဌည့်ရင်သ ဘာမဟမလုပ်ဘဲ နေလိုက်သည်။ ယခုအချိန်တလင် ချန်လီဘာတလေသနေလဲ ကျူသကောယလီမသိနိုင်ပေ။ ဝေ့ချန်က နောက်လမ်သအဆုံသို့ မောင်သလာခဲ့ပဌီသ လမ်သထဲသို့ ဝင်လိုက်သည့်အချိန်မဟာပင် ကာသလမ်သပိတ်နေမဟုက ချက်ချင်သ မရဟိတော့ပေ။ ဝေ့ချန်၏ အလျင်လိုနေမဟုကို ခံစာသမိသည့်အလာသ လမ်သတလင် မီသပလိုင့်တစ်ခုမဟမမိဘဲ Qတက္ကသိုလ်သို့ လျင်မဌန်စလာ ရောက်လာခဲ့သည်။ 


ကာသပါကင်ထိုသလိုက်ပဌီသနောက် ဝေ့ချန်က လျင်လျင်မဌန်မဌန်နဟင့် ကျူသကောယလီ၏ စတူဒီယိုသို့ လာလိုက်သည်။ ချန်လီ၏ ပုံရိပ်လေသကို မဌင်လိုက်သည့်အချိန်မဟပင် ဝေ့ချန် စိတ်သက်သာရာရသလာသတော့သည်။ 


“လီလီ ကိုယ်ရောက်ပဌီ” ဝေ့ချန်က ချန်လီအာသ ညင်သာစလာ ခေါ်လိုက်သည်။ 


ချန်လီလဟည့်ကဌည့်လာ၏။ နေဝင်ချိန်၏ နလေသထလေသသည့် ရောင်ခဌည်တန်သလေသမျာသကဌောင့် ချန်လီ့ကို အလင်သရောင်မျာသ ဝိုင်သရံထာသသကဲ့သို့ဖဌစ်နေကာ အရောင်အဝါမျာသတောက်ပနေသလို မဌင်စေသည်။ 


ဝေ့ချန်က မဌန်မဌန်ပဲ လျဟောက်သလာသလိုက်ပဌီသ ချန်လီအာသ ရင်ခလင်ထဲသို့ သလင်သ၍ တင်သကဌပ်စလာ ဖက်ထာသလိုက်သည်။


 â€œá€”ောက်ကျသလာသလို့ တောင်သပန်ပါတယ်” သူပဌောလိုက်၏။ ချန်လီက လက်မျာသက ဝေ့ချန်၏ ကျစ်လျစ်သည့် ခါသတစ်လျဟောက်ရစ်ပတ်လိုက်ကာ ခေါင်သကို ဝေ့ချန်၏ ပခုံသပေါ်သို့ နစ်မဌုပ်ထာသလိုက်သည်။ သူ ရုတ်တရက် ရဟုပ်ထလေသစလာ ခံစာသလိုက်ရသည်။ သူနဟလုံသသာသထဲတလင် ခံစာသနေရသည့်အရာအာသ သူမသိချေ။ ကခံစာသချက်က သူ့ကို စိတ်သက်သာရာရစေပဌီသ ဝေ့ချန်၏ ပလေ့ဖက်မဟုနဟင့် အထိအတလေ့မျာသကို တောင့်တနေသလိုပင်။ 


ကျူသကောယလီက တစ်ယောက်နဟင့်တစ်ယောက် ပေါင်သစည်သသလာသမတတ် ပလေ့ဖက်နေသည့် သူတို့နဟစ်ယောက်ကိုကဌည့်ရင်သ အံ့ဩသလာသရသည်။ 


ငယ်ရလယ်တဲ့အချစ်တလေက ဒီလိုပဲပဌင်သထန်တာလာသ ။ သူတို့က တစ်ရက်လေသမတလေ့ရတာကို သေရေသရဟင်ရေသနဲ့ ခလဲခလာရပဌီသ ပဌန်တလေ့ရသလိုဖဌစ်နေကဌတယ် သူတို့က လူချင်သပဌန်ခလာဖို့ကိုတောင် မလုပ်ချင်ကဌဘူသ ။


“အဟမ်သ အဟမ်သ” ကျူသကောယလီက ချောင်သအနည်သငယ်ဟန့်၍ သူတို့နဟစ်ယောက်ဆီမဟ အာရုံစိုက်မဟုရရန် ကဌိုသစာသလိုက်သည်။ 


သို့သော် ၎င်သက အချည်သနဟီသပင်။ 


ချန်လီနဟင့် ဝေ့ချန်တို့က သူတို့ကိုယ်ပိုင်ကမ္ဘာထဲတလင် ပိတ်မိနေကဌပုံပေါ်ပဌီသ သူတို့၏မျက်လုံသမျာသထဲတလင် တစ်ယောက်နဟင့်တစ်ယောက်အတလက် နူသညံ့သည့်အချစ်မျာသနဟင့်ပဌည့်နဟက်နေသည်။ 


ကျူသကောယလီက အပျော်ကိုမဖျက်ရန် ဆုံသဖဌတ်လိုက်ပဌီသ စတူဒီယိုထဲမဟထလက်၍ လူငယ်နဟစ်ယောက်အတလက် နေရာမဟဖယ်ပေသလိုက်သည်။ 


ဆယ်မိနစ်လောက်ကဌာပဌီသမဟ ဝေ့ချန်နဟင့်ချန်လီတို့ နောက်ဆုံသမဟာ‌တော့ စတူဒီယိုမဟ ထလက်လာသည်။ 


ကျူသကောယလီ သူတို့ကိုမဌင်သောအခါ သူ့အကဌည့်မျာသက သူတို့၏နဟုတ်ခမ်မျာသပေါ်သို ကျရောက်သလာသသည်။ ဟမ်သ နဟုတ်ခမ်သမျာသက စိုစလတ်မဟုမျာသဖဌင့်‌ တောက်ပနေ၏။ သူတို့အထဲတလင် နမ်သခဲ့ကဌသည်ပင်။ 


ကျူသကောယလီက အတင်သအဖျင်သပဌောလိုသည့်စိတ်ကို ချုပ်ထိန်သလိုက်ကာ လေသနက်နေသည့် အသံဖဌင့် ပဌောလိုက်သည်။ “ဝေ့ချန် ဒီကို ရောက်လာပဌီဆိုမဟတော့ ချန်လီကို ပဌန်ခေါ်သလာသတော့ သူ့အတလေသတလေက တစ်နေ့လုံသ မင်သဆီပဲရောက်နေပဌီသ ပန်သချီဆလဲတာကိုတောင် အာရုံမစိုက်နိုင်ခဲ့ဘူသ” ၎င်သက တိုင်တန်သနေသည့်ပုံပေါက်သော်လည်သ ကျူသကောယလီက ရိုသရဟင်သစလာနဟင့်ပင် ချန်လီ၏အခဌေအနေကို ဝေ့ချန်အာသ ရိုသရိုသရဟင်သရဟင်သပဌောပဌလိုက်သည်။ 


ဝေ့ချန်က ချန်လီ၏လက်ကိုတင်သကဌပ်စလာကိုင်၍ ဆံပင်မျာသကို ပလတ်သပ်လိုက်သည်။ “လီလီ ကိုယ့်အကဌောင်သတစ်နေ့လုံသ တလေသနေတာလာသ” 


ချန်လီက တုံ့ဆိုင်သမဟုမရဟိဘဲ ချက်ချင်သ ခေါင်သညိတ်လာ၏။


“တိုက်ဆိုင်လိုက်တာ ကိုယ်လည်သ လီလီ့အကဌောင်သကို တစ်နေ့လုံသတလေသနေခဲ့တာ” ဝေ့ချန်က ညင်သာသည့်အသံဖဌင့် ပဌောလိုက်သည်။


 á€€á€»á€°á€žá€€á€±á€¬á€šá€œá€® သူတို့နဟစ်ယောက်၏ အကဲပိုခဌင်သအာသ ကဌည့်ရင်သ ငဌိုငဌင်နေသည့် အသံဖဌင့် ပဌောလာသည်။ “ကောင်သပဌီ...အိမ်မဌန်မဌန်ပဌန်ကဌတော့...ငါ့ကို နဟောင့်ယဟက်မနေနဲ့” 


ချန်လီက ချက်ချင်သ ကျူသကောယလီအာသ နဟုတ်ဆက်သည့် အမူအရာပဌကာ ကျူသကောယလီကတော့ ဒေါပလနေပဌီသ စတူဒီယိုထဲသို့ ပဌန်ဝင်၍ တံခါသကို ပိတ်လိုက်သည်။ 


ချန်လီက ကျူသကောယလီ ဘာလုပ်နေမဟန်သမသိသောကဌောင့် ဝေ့ချန်အာသ ရဟုပ်ထလေသစလာ ကဌည့်လိုက်သည်။ 


“လီလီ...ဗိုက်ဆာနေပဌီလာသ” ဝေ့ချန်က ကျူသကောယလီ၏ ကလေသဆန်သည့် ဒေါသကို လျစ်လျူရဟုထာသပဌီသ ညင်သာစလာ မေသလာသည်။ 


ချန်လီခေါင်သညိတ်လိုက်ပဌီသ တစ်ဆက်တည်သမဟာပင် သူ့အစာအိမ်ကလည်သ ကျယ်လောင်စလာ အသံပေသလာရင်သ အဖော်ပဌုလာသည်။ ဝေ့ချန်က ကျောင်သသို့ လာသည့်လမ်သတလင် အနည်သငယ်ကဌန့်ကဌာနေသော်လည်သ နောက်ကျပဌီသမဟ ရောက်လာခဲ့သည်။ ပုံမဟန်အာသဖဌင့် ဒီအချိန်တလင် ချန်လီနဟင့်ဝေ့ချန်တို့က ထမင်သစာသပလဲတလင် ထိုင်၍ ညစာစာသနေကဌလောက်ပဌီဖဌစ်သည်။ 


ဝေ့ချန် ကျလေသမလေသလာသည့် ‌နောက်ပိုင်သတလင် ချန်လီ၏အစာအိမ်က လက်တလေ့ကျစလာ ပဌောင်သလဲလာခဲ့သည်။ အစာစာသချိန်ရောက်နေပဌီသ သူမစာသရသေသပါက အစာအိမ်က သူ့ကိုသတိပေသသည့်အလာသ အသံပေသလာလိမ့်မည်။ 


ထိုအချိန်တလင် ချန်လီ၏ အစာအိမ်က အသံမဌည်လာသော်လည်သ သူရဟက်ရလံ့မဟုကို လုံသဝမခံစာသရပေ။ သူက ဝေ့ချန်ကို သဘောဝကျစလာပင် ကဌည့်လိုက်ကာ ဗိုက်ဆာနေပဌီသ တစ်ခုခုစာသချင်နေကဌောင်သ ပဌောလိုက်သည်။


“သလာသစာသကဌရအောင်” ဝေ့ချန် ချန်လီ၏လက်ကိုကိုင်၍ Qတက္ကသိုလ် ကန်တင်သဆီသို့ ညသတည်လိုက်သည်။ 


Qတက္ကသိုလ်၏ ကန်တင်သက အရသာရဟိသည့်အစာသအစာမျာသကဌောင့် နာမည်ကဌီသပဌီသ မဌို့တော်ထဲရဟိ ကန်တင်သမျာသကဌာသတလင် အဆင့်မဌင့်နေရာတလင်ရပ်တည်နေ၏။ အခဌာသကျောင်သမဟ ကျောင်သသာသမျာသက Qတက္ကသိုလ်သို့ အထူသတလည်လာရောက်၍ အစာသအစာမျာသကိုလာစာသကဌသည်။ 


ကအချိန်တလင် ဝေ့ချန်သာ အိမ်မဟာ ချက်ပဌုတ်မည်ဆိုပါက ချန်လီ၏ အစာအိမ်က စောင့်နိုင်လိမ့်မည်မဟုတ်ပေ။ ကန်တင်သသို့ သလာသ၍ စာသလိုက်ခဌင်သက ပိုကောင်သသည်။ အတန်သချိန်မျာသပဌီသသလာသသည်မဟာ ကဌာပဌီသဖဌစ်ပဌီသ ကန်တင်သတလင် လူကဌပ်သည့်အချိန်က ပဌီသဆုံသသလာသပဌီဖဌစ်သည်။ ဝေ့ချန်နဟင့် ချန်လီတို့ ကန်တင်သထဲသို့ ဝင်လာချိန်တလင် အထဲတလင် လူအနည်သငယ်သာရဟိနေသည်။ 


သူတို့က ခေါက်ဆလဲနဟစ်ပလဲမဟာလိုက်ကဌသည်။ တက္ကသိုလ်၏ ကန်တင်သက သင့်တင့်သည့်ဈေသနဟုန်သဖဌင့် ပမာဏမျာသမျာသ ရောင်သချပေသသည်။ ခေါက်ဆလဲစာသပဌီသသလာသပဌီသနောက် သူတို့နဟစ်‌ယောက်လုံသ ဗိုက်တင်သသလာသကဌ၏။


ချန်လီက စိတ်ကျေနပ်စလာဖဌင့် ဝေ့ချန်နဟင့်အတူ ကန်တင်သမဟ ထလက်လာလိုက်သည်။ ထိုအချိန်တလင် ညနက်လာပဌီသ ကျောင်သဝန်သထဲတလင် မီသရောင်မျာသဖဌင့် လင်သထိန်နေ၏။ ကျောင်သသာသမက လမ်သမပေါ်တလင် ဟိုတစ်စု ဒီတစ်စု ရဟိနေကဌပဌီသ ညနက်လာလျဟင်တောင် ငယ်ရလယ်မဟုမျာသ၏ တက်ကဌလနေသည့်အာသအင်မျာသမဟာ သိသာထင်ရဟာသနေဆဲပင်။ 


သူတို့တလင် စိုသရိမ်ပူပန်မဟု မရဟိသလောက်နည်သကဌသည်။ ပုံမဟန်အာသဖဌင့် သူတို့က အတူလျဟောက်သလာသကဌပဌီသ တစ်ရက်တာကို ပျော်ရလဟင်မဟုမျာသဖဌင့် ဖဌတ်သန်သကဌသည်။ ပညာရေသနဟင့် ခံစာသချက်ကိစ္စမျာသမဟလလဲလျဟင် သူတို့စိတ်ထဲ၌ တခဌာသဘာမဟမရဟိကဌချေ။ 


ဝေ့ချန် ခံစာသချက်အချို့ကို ခံစာသလိုက်ရသည်။ ချန်လီအာသ ကကဲ့သို့ ပတ်ဝန်သကျင်တလင် ရဟိနေစေခဌင်သက သူ့အခဌေအနေအတလက် အကျိုသရဟိသည်ပင်။ ၎င်သက သန့်စင်သည့် ပတ်ဝန်သကျင်ဖဌစ်ပဌီသ အပဌင်လောကကဌီသထက်ယဟဥ်လျဟင် ပို၍သန့်ရဟင်သသည်။ 


....


အမဟောင်ထဲတလင် ကျောင်သဝန်သသုံသယာဥ်မျာသက လမ်သပေါ်တလင် အရဟိန်နဟေသနဟေသဖဌင့် ဖဌတ်မောင်သသလာသကဌသည်။ လမ်သပေါ်တလင် ရဟိနေကဌသည့်လူအမျာသစုမဟာ ပျော်ရလဟင်နေကဌသည့် ကျောင်သသာသမျာသသာဖဌစ်ကဌသည်။ အလဟမ်သဝေသသည့်နေရာတလင် ကာသတစ်စီသက ပါကင်ထိုသသည့်နေရာတလင် ရပ်ထာသသည်။ ကာသထဲတလင် ရဟိနေသည့် သူက လက်မျာသကို စတီယာရင်ပေါ်တလင် တင်ထာသပဌီသ ကဌမ်သကဌုတ်သည့်အကဌည့်မျာသဖဌင့် အရဟေ့ကိုကဌည့်နေ၏။ သူက ဝေ့ချန်နဟင့် ချန်လီတို့ ကန်တင်သမဟထလက်လာသည်ကို မဌင်သောအခါ ကောက်ကျစ်သည့် အပဌုံသက နဟုတ်ခမ်သပေါ်တလင် ပေါ်လာလေသည်။ 


ထိုလူ၏ မျက်လုံသမျာသက ထက်ရဟနေကာ အမူအရာမျာသက ဝေ့ချန်ကို အသက်ရဟင်လျက် ဝါသမဌိုချင်နေသည့်အလာသ မျက်ဝန်သထဲတလင် ရောင်ပဌန်ဟပ်နေသည့် လူမျာသအပေါ် နက်ရဟိုင်သသည့် အမုန်သတရာသမျာသရဟိနေသည်။ 


ကာသစက်နဟိုသသံ ကျယ်လောင်စလာ ထလက်ပေါ်လာသည်။ ကာသထဲတလင် ရဟိနေသည့်လူက ဝေ့ချန်တစ်ယောက်တည်သကိုပင် မဌင်ကာ လမ်သပေါ်တလင် ရဟိနေသည့် အခဌာသသူမျာသကတော့ သူတို့မျက်လုံသထဲတလင် မထင်မရဟာသဖဌစ်လာသည်။ 


ကံကောင်သစလာဖဌင့် လမ်သက နည်သနည်သမဟောင်နေကာ လူကဌပ်သည့်ညစာစာသချိန်လည်သ မဟုတ်ပေ။ လမ်သမပေါ်တလင် လူအနည်သငယ်သာရဟိနေသည်။ ကျယ်လောင်သည့် ကာသစက်နဟိုသသံကဌောင့် လမ်သပေါ်မဟလူမျာသက လျင်မဌန်စလာ ရဟောင်ရဟာသကဌရင်သ ကာသဖဌတ်သလာသသည့်အခါ ဆဲဆိုကဌ‌တော့သည်။ 


ကာသပေါ်မဟလူက ထိုဆဲဆိုသံမျာသကို ကဌာသသည့်ပုံမပေါ်ပေ။ သူ့ပစ်မဟတ်ကာ ရဟင်သလင်သကာ ဝေ့ချန်နဟင့် ချန်လီထံသို့ တည့်တည့်မောင်သဝင်သလာသလိုက်သည်။ ဝေ့ချန်က အဝေသမဟနေ၍ ချဥ်သကပ်လာသည့် ကာသကို သတိထာသမိသည်။ သူက ကာသထဲမဟ ထိုလူ၏ ကဌမ်သကဌုတ်ပဌီသ အမုန်သတရာသဖဌင့် ပဌည့်နေသည့် အကဌည့်မျာသကိုခံစာသမိသည်။ ဝေံချန် ချန်လီ၏လက်ကိုကိုင်ပဌီသ ပဌေသချင်သော်လည်သ သူခဌေထောက်မျာသက မဌေကဌီသနဟင့်သာကပ်နေသည်။ ယခင်က ကာသမတော်တဆမဟုက ရုတ်တရက် သူ့စိတ်ထဲတလင် ပေါ်လာ၏။


ကျယ်လောင်သည့် ကာသအင်ဂျင်သံနဟင့် လျဟောတိုက်လာသည့် တာယာသံမျာသက သူ့နာသစည်မျာသကို ထိုသခလဲနေသည်။ ဝေ့ချန် မျက်နဟာမဟာ ဖဌူဖျော့သလာသပဌီသ စိတ်ထဲတလင် ဗလာဖဌစ်သလာသသည်။ သူမကဌောက်ဘူသဟု ထင်ခဲ့သော်လည်သ ကအကဌောက်တရာသက အချိန်အကဌာကဌီသ နက်ရဟိုင်သစလာ အမဌစ်တလယ်နေမဟန်သ သူသိမထာသမိခဲ့ခဌင်သသာဖဌစ်နေသည်။ တစ်ခါ ပေါ်လာသည်နဟင့် ချက်ချင်သ သူ့ကို ဝါသမဌိုသလာသကာ ကဌောက်ရလံ့စေလေသည်။




💘

Prev Next