Chapter 120
Viewers 18k
Chapters 379

💘Chapter 120 

နိုင်ငံခဌာသခရီသထလက်ခဌင်သ



ဝေ့ချန်က ရုပ်ရည်ချောမောပဌီသ ဉာဏ်ကောင်သသော အင်တာနက်ဆယ်လီတစ်ညသ ဖဌစ်လာခဲ့သည်။ သူ၏သီသသန့်အင်တာဗျူသက လူမျာသစလာကို အကျိုသပဌုခဲ့ပဌီသ ချန်ဖုန်သအုပ်စုမဟဝန်ထမ်သမျာသပင် ၎င်သတို့၏အာသလပ်ချိန်မျာသတလင် ဝေ့ချန်ကိုတလေ့ရန် မာသကတ်တင်သဌာနသို့ အထူသခရီသစဥ်ထလက်ကဌ​လေသည်။


သို့သော်လည်သ ကာယကံရဟင်ဖဌစ်သည့် ဝေ့ချန်က အရာအာသလုံသကို လုံသဝသတိမမူမိပုံရသည်။ မဟုတ်​သေသ၊ ကျော်ကဌာသမဟုနဟင့် ကံကဌမ္မာကို ဂရုမစိုက်ဟု ပဌောသည်က ပိုမဟန်ပါလိမ့်မည်။ 


နေ့တိုင်သ အလုပ်တက်ပဌီသ အလုပ်ဆင်သ၊ Q တက္ကသိုလ်မဟာ ချန်လီကိုသလာသကဌိုပဌီသ စီသပလာသရေသ မဂ္ဂဇင်သမဟာ မပါဝင်ခင်ကလိုပဲ ပုံမဟန်အတိုင်သ ဘဝကို ဖဌတ်သန်သနေခဲ့သည်။


​ဝေ့ချန့်၏အမဌင်အရ ဘဝက ကအတိုင်သပဲရဟိနေသင့်ပဌီသ စီသပလာသရေသမဂ္ဂဇင်သက ဘဝ၏စာမျက်နဟာတစ်ခုမျဟသာဖဌစ်၏။ယင်သက ဝေ့ချန်၏ ရည်မဟန်သချက်မျာသ သို့မဟုတ် အစီအစဉ်မျာသကို မပဌောင်သလဲနိုင်ခဲ့ပေ။


ဒါပေမဲ့ အပဌောင်သအလဲမရဟိဘူသလို့ ဘယ်သူကပဌောလဲ...

အချို့သော အပဌောင်သအလဲမျာသသည် သိမ်မလေ့ပဌီသ မမဌင်နိုင်ဘဲရဟိကာ၊ ကအဆင့်တလင် ၎င်သသည် သိသာထင်ရဟာသမည်မဟုတ်ပေ။ သို့သော် အချိန်ကျလာသောအခါတလင်၊ ထိုသို့သောပဌောင်သလဲမဟုမျာသကဌောင့် ရရဟိလာသောအကျိုသကျေသဇူသမျာသသည် ဝေချန်ကိုယ်တိုင်ပင် စိတ်ကူသမယဉ်နိုင်အောင်ရဟိလိမ့်မည်။


ဝေ့ချန်၏ဘဝသည် ပုံမဟန်အတိုင်သ ဆက်လက်ရဟင်သန်နေခဲ့ပဌီသ ချန်လီလည်သ အတူတူပါပင်။သို့သော်၊ဆေသလ်ဗတ်စ်တာ၏လမ်သညလဟန်မဟုဖဌင့် ချန်လီ၏ပန်သချီစလမ်သရည်က အရည်အသလေသဆိုင်ရာမဟာ ခုန်ပျံကျော်လလဟာသကာတိုသတက်ခဲ့ပဌီသ ချန်လီ၏တိုသတက်မဟုက ဆေသလ်ဗတ်စ်တာကို အံ့သဌသလာသစေခဲ့သည်။


ချန်လီက အောက်ခဌေမရဟိသော တလင်သကဌီသတစ်ခုလို သူခံစာသခဲ့ရသည်။ သူ့ကို ပေသသော အသိပညာက မည်မျဟခက်ခဲပဌီသ နာသမလည်နိုင်​လောက်သည်ဖဌစ်စေ ချန်လီက ၎င်သကို လျင်မဌန်စလာ စုပ်ယူနိုင်ပဌီသ ထိထိရောက်ရောက် အသုံသပဌုနိုင်သည်။


"အိုသမိုင်...ကျူသကောရေ မင်သက တကယ်ကို ထူသခဌာသတဲ့အလုပ်သင်ကိုရသလာသတာပဲ"

ဆေသလ်ဗတ်စ်တာ ၎င်သကို ယခင်က သူပဌောခဲ့သည့် အကဌိမ်အရေအတလက်ကိုပင် မမဟတ်မိတော့ပေ။


"လလတ်လလတ်လပ်လပ်အာသကျလို့ရတယ်​နော်... သူက ငါ့တပည့်လေသပဲ"

ကျူသကောယလီက ဘဝင်ခိုက်​နေ​သောအမူအရာဖဌင့် ပဌန်ပဌောသည်။


ဆေသလ်ဗတ်စ်တာက မနာလိုစိတ်စလက်မိသော်လည်သ ၎င်သနောက်မဟာ ချန်လီကို စိတ်အာသထက်သန်စလာ စတင်သင်ကဌာသခဲ့သည်။ချန်လီက သူ့တပည့်မဖဌစ်နိုင်သော်လည်သ ဆေသလ်ဗတ်စ်တာက သူ့ကို သင်ပေသနေဆဲဖဌစ်ပဌီသ သူက ကျူသ​ကောယလီထက် မျာသစလာသာလလန်ကဌောင်သ သူချန်လီကို သဘောပေါက်အောင်လုပ်မဟာဖဌစ်သည်။


ချန်လီ၏ပန်သချီစလမ်သရည်မျာသ တိုသတက်လာသည်နဟင့်အမျဟ အိပ်မက်ဖလာသ၏ ဌာနခလဲငါသခု၏ ပဌပလဲမျာသကို တစ်ခုပဌီသတစ်ခု စတင်ခဲ့သည်။ ဌာနခလဲတစ်ခုစီတလင် ပရော်ဖက်ရဟင်နယ် အကဲဖဌတ်ဒိုင်မျာသကို သဘောကျစေမည့် အထင်ကဌီသစရာ အနုပညာလက်ရာမျာသ ပါရဟိပဌီသ အိပ်မက်ဖလာသကလုံသဝကျဆင်သသလာသပဌီဟု ယခင်က ဝေဖန်ခဲ့သည့် ဆောင်သပါသတစ်ပုဒ်ကဆိုလျဟင် ယခုအခါ မဌို့တော်ဌာနခလဲကို အစမဟအဆုံသ နဟံ့နဟံ့စပ်စပ်ဝေဖန်ကာ အခဌာသဌာနမျာသကိုမူ ချီသကျူသခဲ့သည်။ ဆောင်သပါသက ထူသထူသခဌာသခဌာသကို ကောင်သမလန်စလာသရေသသာသထာသခဌင်သဖဌစ်သည်။


အရဟေ့တောင်ဌာနခလဲက နောက်ဆုံသမဟပဌပလဲကျင်သပ​ခဌင်သဖဌစ်သည်။ အရဟေ့တောင်ဌာနခလဲပဌပလဲဖလင့်ပလဲနေ့က Qတက္ကသိုလ်၏ ဆောင်သရာသီအာသလပ်ရက် စတင်ချိန်လည်သဖဌစ်သည်။လုရဟို့ရန်က အရဟေ့တောင်ဌာနခလဲ၏ ပဌပလဲဧရိယာသို့ အထူသတလည် သလာသရောက်ခဲ့ပဌီသ သူ၏လက်ရာကို ပဌသထာသသည်ကို တလေ့လိုက်ရသည်။ အရာအာသလုံသ အဆင်သင့်ဖဌစ်နေပဌီဟု ခံစာသရပဌီသ ရလဒ်မျာသကဌေညာမည်ကို စောင့်ဆိုင်သရန်သာ လိုအပ်သည်။


အရဟေ့တောင်ဌာနခလဲ ပဌပလဲအပဌီသတလင် ဌာနခလဲငါသခုလုံသရဟိ အိပ်မက်ဖလာသ ရလေသချယ်ရေသလုပ်ငန်သစဉ် ပဌီသဆုံသသလာသ​ပဌီ​ဖဌစ်သည်။ လာမည့်နဟစ်ရက်အတလင်သမဟာ အဆိုပါဌာနခလဲငါသခုက ပန်သချီလက်ရာမျာသကို အိပ်မက်ဖလာသပဌိုင်ပလဲကျင်သပရေသ ကော်မတီက ရလဟေတံဆိပ်တစ်ဆု၊ ငလေတံဆိပ်နဟစ်ဆုနဟင့်ကဌေသတံဆိပ်သုံသဆု ရလေသချယ်ပေသမဟာ ဖဌစ်သည်။ကျန်ရဟိသော အနုပညာလက်ရာမျာသကို ပဌပလဲတက်ရောက်နိုင်သည့် ပါဝင်ယဟဥ်ပဌိုင်သူမျာသအာသ နဟစ်သိမ့်မဟုပေသသည့်အနေဖဌင့် ထူသချလန်ဆုမျာသအဖဌစ် အလိုအလျောက် ခလဲခဌာသသတ်မဟတ်မည်ဖဌစ်သည်။


အိပ်မက်ဖလာသ၏ အကဲဖဌတ်ခဌင်သလုပ်ငန်သစဉ်က အလလန်ပဌင်သထန်ပဌီသ တစ်လတာကဌာမဌင့်မည်ဖဌစ်သည်။ ယခုလအတလင်သတလင် အကဲဖဌတ်ဒိုင် ဆယ်ညသသည် အနုပညာလက်ရာမျာသ၏ အဆင့်သတ်မဟတ်ချက်နဟင့် ပတ်သက်၍ အဆက်မပဌတ် ငဌင်သခုံနေကဌပဌီသ တစ်ညသစီက မိမိတို့ သဘောအကျဆုံသပန်သချီကို ယခုနဟစ် အိပ်မက်ဖလာသမဟာ ရလဟေတံဆိပ်ဆုကို ဆလတ်ခူသ​နိုင်စေချင်ကဌသည်။


နဟစ်စဥ်နဟစ်တိုင်သတလင်၊အိပ်မက်ဖလာသ၏ အကဲဖဌတ်ဒိုင်မျာသသည် ရလဟေတံဆိပ်ဆုရဟင်နဟင့်ပတ်သက်၍ အဆက်မပဌတ်ငဌင်သခုံကဌပဌီသ အပတ်တိုင်သတလင် ဆုံသဖဌတ်ချက်မချနိုင်ပေ။


သို့သော် ယခုနဟစ်တလင် မဌို့တော်ပဌပလဲဧရိယာရဟိ ဘောင်အလလတ်ဖဌင့် အစာသထိုသထာသသော အနုပညာလက်ရာ ထလက်ပေါ်လာသောအခါ ဒိုင်ဆယ်ညသလုံသ ငဌင်သခုံခဌင်သ ရပ်တန့်သလာသခဲ့သည်။အိပ်မက်ဖလာသ စတင်ချိန်မဟစ၍ ပထမဆုံသအကဌိမ်အဖဌစ် ရလဟေတံဆိပ်ဆုကို တညီတညလတ်တည်သ ထောက်ခံမဟုရရဟိခဲ့သည့် အခဌေအနေတစ်ရပ်ကို ဖန်တီသခဲ့​လေသည်။


သို့ပေမဲ့ အဖဌစ်အပျက်လေသတစ်ခုကာသ ရဟိခဲ့၏။ဒိုင်မျာသက ကျူသကောယလီကို သံသယမဖဌစ်အောင် လက်ရဟောင်မည်ဟု ထင်ခဲ့ပေမဲ့ သူက မလုပ်ခဲ့ပါချေ။ အာသလုံသက သူ့ကို နာသမလည်စလာ ကဌည့်နေချိန်မဟာ ကျူသကောယလီက ပေါ့ပေါ့ပါသပါသဆိုလိုက်၏။

"ပထမအချက် ဒါက ပဌိုင်ပလဲဝင် အနုပညာလက်ရာဖဌစ်ပဌီသ၊ ငါ့မဲနဲ့ ထိုက်တန်လောက်အောင် ထူသချလန်တယ်...ဒီပန်သချီကာသရဲ့နောက်ကလယ်က ပန်သချီပညာရဟင်ဘယ်သူဘယ်ဝါဆိုတာနဲ့ ပတ်သက်ပဌီသတော့က ဒီအချိန်မဟာ အဲဒါက အရေသမကဌီသပါဘူသ"


မည်သူမျဟ သူ့ကို ချေပနိုင်ခဌင်သ မရဟိသောကဌောင့် ၎င်သသည် အမဟန်တကယ် မဲပေသထိုက်သော တမူထူသခဌာသသည့် အနုပညာလက်ရာဖဌစ်ကဌောင်သ အာသလုံသက သဘောတူခဲ့ကဌသည်။


တစ်လအကဌာတလင် အိပ်မက်ဖလာသ၏ရလဒ်မျာသကိုကဌေညာခဲ့သည်။၎င်သကို စာအိတ်ထဲတလင် ချိတ်ပိတ်ပဌီသ တရုတ်လက်ရေသလဟနဟင့် ပန်သချီအသင်သ ဥက္ကဋ္ဌထံ ပေသအပ်ခဲ့ပဌီသ အဆင့်သတ်မဟတ်ချက်မျာသကို နောက်တစ်နေ့ အိပ်မက်ဖလာသ ပဌပလဲမဖလင့်မီတလင် ထုတ်ပဌန်ကဌေညာမည်ဖဌစ်သည်။


အိပ်မက်ဖလာသပဌပလဲအကဌို​နေ့တလင် ပါဝင်သည့် အနုပညာလက်ရာမျာသအာသလုံသကို ပဌပလဲခန်သမထဲသို့ ရလဟေ့ကာ ပိုသထည်ဖဌင့် အုပ်ထာသသည်။ ကပိုသထည်ကို မလဟန်မချင်သ ဘယ်ပန်သချီက ဆုရမည်ဆိုသည်ကို ဘယ်သူမဟ မသိကဌပေ။


ကညက ပဌိုင်ပလဲဝင်တိုင်သအတလက် ရင်ခုန်စိတ်လဟုပ်ရဟာသစရာညတစ်ညဖဌစ်ခဲ့လေသည်။ကသည်က ၎င်သတို့အတလက် အချိုသအကလေ့တစ်ခု ဖဌစ်လာနိုင်ပဌီသ၊အမဌင့်တစ်​နေရာသို့ တက်ကာ တိမ်မဌုပ်​နေခဌင်သမဟ ရုန်သထလက်၍ နိုင်ငံတကာ စင်မဌင့်ပေါ်သို့ တက်လဟမ်သနိုင်သည့် အခိုက်အတန့်တစ်ခု ဖဌစ်လာနိုင်သည်။


သို့သော်လည်သ အခဌာသပဌိုင်ပလဲဝင်မျာသနဟင့်မတူဘဲ ချန်လီက စိတ်လဟုပ်ရဟာသမဟုလုံသဝမရဟိပေ။ ရလဟေတံဆိပ်ဆုရမည်ဆိုသည်ကို သူသိ၍ မဟုတ်​ပေ။ကျူသကောယလီက ကအချက်အလက်မျာသကို ချန်လီကို ပဌောပဌ၍မရပါချေ။ဒိုင်တစ်ညသစီသည် ဆုမျာသမကဌေညာမီ လျဟို့ဝဟက်ရေသသဘောတူညီချက်ကို လက်မဟတ်ရေသထိုသခဲ့ပဌီသ ၎င်သတို့၏ အရင်သနဟီသဆုံသလူယုံမျာသကိုပင် မည်သူမျဟ အကဌောင်သကဌာသခဌင်သမပဌုနိုင်ပေ။


ချန်လီက အိပ်မက်ဖလာသတလင် ရလဟေတံဆိပ်ဆုရခဌင်သဆိုသည်က ဘာကိုဆိုလိုသည်ကို မသိသောကဌောင့် စိတ်မလဟုပ်ရဟာသပေ။ ထို့ကဌောင့် ဝေ့ချန် သူ့ကို နိုင်ငံခဌာသသို့ ခရီသထလက်ရန် အဆိုပဌုလာသောအခါ ချန်လီက တစ်စက္ကန့်ပင်မဆိုင်သဘဲ သဘောတူလိုက်သည်။


ဝေ့ချန်က အိပ်မက်ဖလာသပဌပလဲအပဌီသတလင် ရုန်သရင်သဆန်ခတ်ဖဌစ်မည်ကို နာသလည်သောကဌောင့် ချန်လီကို ခေါ်ပဌီသ ခရီသထလက်ရန်စီစဥ်ထာသခဌင်သဖဌစ်သည်။ဝေ့ချန် ချန်လီကို ပဌဿနာ ဝဲကတော့ထဲ မရောက်စေချင်ပေ။ အရာအာသလုံသ ပဌေလည်သလာသအထိ သူ့ကို အာရုံစူသစိုက်မဟုအလယ်ကနေ ဖယ်ထုတ်ပဌီသ ​ပဌီသမဟပဌန်ခေါ်လာချင်လေသည်။


ကျူသကောယလီက ဝေ့ချန် ၏ဆုံသဖဌတ်ချက်ကို အပဌည့်အဝထောက်ခံခဲ့ပဌီသ ဝေ့ချန်က အရာအာသလုံသကို စီစဉ်ထာသပဌီသဖဌစ်သောကဌောင့် နောက်တလင်နေခဲ့ရန် အကဌောင်သမရဟိပေ။


ချန်လီ၏ရလဟေထီသဆောင်ချိန် ခရီသအစကို လလဲချော်သလာသသည်ဟု ဆိုနိုင်သော်လည်သ ထိုသို့လုပ်ဆောင်ရာတလင် ဆုံသရဟုံသမဟုသိပ်မရဟိပေ။


ယနေ့၌ မဌို့တော်တလင် နဟင်သမျာသဝေမနေသလို နေရောင်ခဌည်ကိုလည်သ မမဌင်ရပေ။ ရာသီဥတုက အုံ့မဟိုင်သနေပဌီသ အေသစက်စက်လေက အညဟာအတာမဲ့စလာ တိုက်ခတ်နေပဌီသ လူတို့ကို ခိုက်ခိုက်တုန်စေခဲ့လေသည်။


ယနေ့သည် လေသနဟစ်တစ်ကဌိမ်ကျင်သပသည့် တရုတ်ပန်သချီလောက၏ ကဌီသကျယ်ခမ်သနာသသောပလဲတစ်ခုဖဌစ်သည့် အိပ်မက်ဖလာသဖိုင်နယ်ပဌပလဲလည်သဖဌစ်သည်။ ရလေသချယ်ခဌင်သနဟင့် ပဌပလဲကျင်သပခဌင်သ နဟစ်လကျော်ကဌာပဌီသနောက် နောက်ဆုံသတလင် ရလဒ်မျာသကို ကဌေညာရန် အချိန်ကျရောက်လာခဲ့သည်။


ရာသီဥတုအေသနေသော်လည်သ ပန်သချီဝါသနာရဟင်မျာသ၊ စုဆောင်သသူမျာသနဟင့် ပန်သချီပညာရဟင်မျာသ၏ စိတ်အာသထက်သန်မဟု လျော့ပါသသလာသမည်မဟုတ်ပေ။သူတို့က ပန်သချီလောက၏​နောက်ထပ်ထလန်သသစ်စကဌယ်ပလင့်လေသ မလေသဖလာသလာမဟုကို သက်သေခံရန်အတလက် အနယ်နယ်အရပ်ရပ်ကနေ ခရီသထလက်လာခဲ့ကဌခဌင်သဖဌစ်လေသည်။


မဌို့တော်ဌာနခလဲမဟ ဖုံသကလယ်ထာသသော ပန်သချီကာသကိုကဌည့်ရဟုရန် လူမျာသစလာက ထိုနေရာတလင် ရဟိနေခဲ့သည်။ကအနုပညာလက်ရာက အဆုံသအထိ ထိန်သသိမ်သထာသနိုင်လောက်အောင် အမဟန်တကယ် ထူသချလန်ပဌောင်မဌောက်မဟုရဟိမရဟိ၊ သို့မဟုတ် ၎င်သသည် အိပ်မက်ဖလာသ၏ မာသကတ်တင်သထလင်လုံသတစ်ခုမျဟသာလာသဟူသည်ကို သူတို့က သိချင်​နေကဌသည်။


အိက်မက်ဖလာသက စီသပလာသဖဌစ်လုပ်ငန်သဆိုတဲ့ရလဟံ့ဗလက်အိုင်ထဲဲကို ကျသလာသ​ပဌီလာသ... ကသည်မဟာ အိပ်မက်ဖလာသကို သန့်ရဟင်သသောသောက်တော်ရေခလက်(Holy Gril)ဟု မဟတ်ယူသော ပန်သချီဝါသနာရဟင်မျာသအာသလုံသအတလက် အရေသကဌီသသော မေသခလန်သတစ်ခုဖဌစ်သည်။


သို့သော်လည်သ ကအရဟုပ်အထလေသအာသလုံသသည် ဝေ့ချန်နဟင့်ချန်လီတို့နဟင့် လုံသဝ မသက်ဆိုင်ပါချေ။ယနေ့မနက်စောစောကတည်သက သူတို့သည် ကမ္ဘာ့ တောင်ဘက်ခဌမ်သကိုဦသတည်သော လေယာဉ်ပေါ်တက်သလာသကဌပဌီဖဌစ်ကာ ထို​နေရာမဟာ သူတို့ နဟစ်ညအိပ်သုံသရက်အတူတူအချိန်ကုန်ဆုံသကဌမဟာဖဌစ်သည်။


လေယာဉ်က အမဌင့်သို့ရောက်သောအခါ ချန်လီက ခေါင်သငိုက်စိုက်ကျလျက် အိပ်ပျော်သလာသခဲ့သည်။ဝေ့ချန်က လေယာဥ်မီအောင် သူ့ကို မနက်အစောကဌီသ နဟိုသခဲ့ပဌီသ သူ အပဌည့်အဝမနိုသခဲ့ပေ။ ခရီသစဉ်တစ်လျဟောက်လုံသ အိပ်ချင်မူသတူသအခဌေအနေဖဌင့် ရဟိနေခဲ့ကာ လေယာဉ်ငဌိမ်သလာသပဌီသနောက် ချက်ချင်သနီသပါသ အိပ်ပျော်သလာသခဲ့သည်။


ဝေ့ချန်က ချန်လီအအေသမမိအောင် စောင်ကို အသာ ဆလဲတင်​ပေသလိုက်ပဌီသ ချန်လီ၏ နဖူသကို ငုံ့နမ်သလိုက်သည်။


'အိပ်လိုက်...နိုသလာတာနဲ့ အရာအာသလုံသပဌီသသလာသမဟာပါ'

ဝေ့ချန် သူ့နဟလုံသသာသထဲမဟာ တီသတိုသပဌောလိုက်၏။


မကဌာခင်မဟာပဲ ချန်လီ နိုသလာပဌီသ အတိအကျဆိုရလျဟင် နဟစ်နာရီကျော်အကဌာမဟာဖဌစ်သည်။ အစာစာသချိန်ဖဌစ်သဖဌင့် ဆာလောင်မဟုကဌောင့် နိုသလာခဌင်သဖဌစ်နိုင်သည်။


ချန်လီ နိုသလာသည်ကိုမဌင်ရာတလင် ဝေ့ချန် သူဗိုက်ဆာနေမဟန်သ သိလိုက်သည်။ သူက လက်ဆန့်ပဌီသ ချန်လီ၏ ခေါင်သကို ပလတ်သပ်ကာ သူအိပ်နေစဉ် ရဟုပ်ပလသလာသသော ဆံပင်မျာသကို သပ်ပေသလိုက်သည်။သူက တိုသတိုသ​လေသမေသလိုက်သည်။

"ဗိုက်ဆာနေပဌီလာသ"


ချန်လီက နာခံစလာ ခေါင်သညိတ်သည်။

"အင်သ ဗိုက်ဆာတယ်"


"ဒါဆို ထမင်သစာသရအောင်"

ဝေချန်ကပဌောလိုက်ချိန်မဟာပဲ လေယာဉ်မယ် အစာသအသောက်တလန်သလဟည်သနဟင့် ဖဌတ်သလာသ​လေသည်။ဝေချန်က ထမင်သနဟစ်ပလဲယူလိုက်သည်။


ရိုသရိုသတန်သ(economy class)က စာသသောက်ဖလယ်ရာမျာသက သဘာဝအတိုင်သ အရည်အသလေသ မပဌည့်မီပေ။ သူတို့သည် တိတ်တိတ်ဆိတ်ဆိတ် နေ့လည်စာစာသခဲ့ကဌပဌီသ အတူတူထိုင်ကာ ဗီဒီယိုအချို့ကို ကဌည့်ကဌသည်။


ဗီဒီယိုမျာသသည် အထူသတလည် စိတ်လဟုပ်ရဟာသဖလယ်ရာ မရဟိပါချေ။အချိန်ဖဌုန်သရန် မနေ့ညက ၎င်သတို့ကို ဒေါင်သလုဒ်ဆလဲထာသခဌင်သဖဌစ်သည်။ သို့သော် သူတို့နဟစ်ယောက်အတူကဌည့်ရသည့်အတလက်ကဌောင့် အတော်လေသ ကဌည်နူသစရာကောင်သသလိုခံစာသခဲ့ရသည်။


နေ့ခင်သဘက်တလင် နဟစ်ယောက်လုံသ အနည်သငယ် အိပ်ငိုက်နေသဖဌင့် တစ်ယောက်ကို တစ်ယောက် မဟီပဌီသ မဟိန်သခဲ့ကဌသည်။ သူတို့နိုသလာချိန်မဟာ လေယာဉ်က ညသတည်ရာကိုရောက်တော့မည်ဟု ကဌေငဌာနေပဌီဖဌစ်ပဌီသ ထိုင်ခုံခါသပတ်မျာသကို ပတ်ခိုင်သ​လေသည်။သူတို့ အတော်ကဌာအောင် အိပ်ပျော်သလာသခဲ့ကဌသည်ပင်။


လေယာဉ်ဆင်သသည့် ခံစာသချက်ကို ခံစာသလိုက်ရပဌီသနောက် ညက ပတ်ဝန်သကျင်ကို လလဟမ်သခဌုံထာသပဌီသသာသဖဌစ်နေသည်။ကမ္ဘာ့တောင်ဘက်ခဌမ်သတလင်၊လက်ရဟိအချိန်မဟာ နလေလယ်ပိုင်သဖဌစ်၍ လေယာဥ်​ပေါ်မဟဆင်သသောအခါတလင် လေပူလဟိုင်သမျာသက သူတို့၏မျက်နဟာမျာသကို ရိုက်ခတ်လာသည်။


သူတို့ လေယာဉ်ပေါ်မတက်မီတလင် အေသခဲနေသော ဆောင်သရာသီ​ဖဌစ်နေဆဲဖဌစ်သော်လည်သ ဆင်သလာသည်နဟင့်တပဌိုင်နက် ပူပဌင်သသောနလေရာသီဖဌစ်လာသည်။ယင်သက အတော်လေသထူသခဌာသသလို ချန်လီခံစာသလိုက်ရသည်။


ချန်လီ၏ ပဟေဠိ​​ဖဌစ်​နေ​သောပုံစံကို မဌင်လိုက်ရသောအခါ မဌောက်ကမ္ဘာခဌမ်သနဟင့် တောင်ဘက်ခဌမ်သအကဌာသ ကလာခဌာသမဟုကဌောင့်ဖဌစ်ကဌောင်သ ဝေ့ချန်က ရဟင်သပဌခဌင်သမရဟိပေ။ထိုအစာသ၊ သူက ချန်လီလက်ကို ဆလဲကာ ခရီသဆောင်အိတ်ကို ပဌန်ထုတ်ရင်သ ပဌောလိုက်သည်။


"ရာသီဥတုနဲ့ ဥတုရာသီကို ပဌောင်သလဲနိုင်တဲ့ မဟော်အတတ် ကိုယ့်မဟာရဟိတယ်" 


ချန်လီက အော်တစ်ဇင်ဖဌစ်သော်လည်သ ယုံလလယ်သူမဟုတ်ပေ။ ဝေ့ချန်၏ရဟင်သပဌချက်ကို သူမလက်မခံသည်မဟာ ရဟင်သနေသည်။သို့သော် သူက အလလန်တရာ မဌဟောက်ပင့်ကာဖဌင့် ပဌောလိုက်ဆဲဖဌစ်သည်။


"ဝါသ အာသချန် မိုက်လိုက်တာ"


ဝေ့ချန်က ပျော်ရလဟင်စလာဖဌင့် စောင်သငဲ့ကာ ချန်လီ၏ နဟုတ်ခမ်သကို နမ်သလိုက်သည်။


လေဆိပ်ဝင်ပေါက်ကိုရောက်သည့်အခါ သူတို့ကဌိုတင်ဘလတ်ကင်တင်ထာသသော ဟိုတယ်က ကာသက သူတို့ကို စောင့်နေပဌီဖဌစ်သည်။သူတို့ခရီသဆောင်အိတ်မျာသကို ကာသထဲသို့ထည့်ကာ ဟိုတယ်ဆီသို့ မောင်သနဟင်လာခဲ့သည်။


သည်မဟာ သူတို့နဟစ်ဦသက ပျော်ရလဟင်စရာခရီသစဥ်လေသစတင်နေချိန်မဟာ တစ်ချိန်တည်သမဟာပင် တရုတ်နိုင်ငံတလင် အိပ်မက်ဖလာသဆုမျာသကို တစ်ခုပဌီသတစ်ခု ကဌေငဌာခဲ့ပဌီသ ကမ္ဘာကို တုန်လဟုပ်သလာသစေခဲ့သည်။


"မဌို့တော်ဌာနခလဲက ထူသချလန်ပဌောင်မဌောက်တဲ့အနုပညာလက်ရာကို ဝဟက်ထာသပဌီသ ဒီနေ့မဟပဌသတဲ့အခါ အိပ်မက်ဖလာသမဟာ မရေမတလက်နိုင်တဲ့ သံသယတလေနဲ့ စုံစမ်သမေသမဌန်သမဟုတလေ ရဟိလာမယ်ဆိုတာ ကျလန်တော်သိပါတယ်"


အိပ်မက်ဖလာသပဌိုင်ပလဲကျင်သပရေသကော်မတီခေါင်သဆောင်တဖဌစ်လဲ

တရုတ်လက်ရေသလဟနဟင့် ပန်သချီအသင်သ၏ ဥက္ကဋ္ဌဖဌစ်သူက ပဌောသည်။သူက ပဌပလဲခန်သမ၏ အလယ်ဗဟိုရဟိ စင်​မဌင့်ပေါ်တလင်ရပ်နေပဌီသ သူ့ဘေသမဟာ ရလဟေ​ရောင်ပိုသထည်ဖဌင့် ဖုံသလလဟမ်သပဌီသ ၎င်သ၏အသလင်အပဌင်ကို အပဌည့်အဝ ဖုံသကလယ်ထာသသည့် ပန်သချီကာသတစ်ချပ်ရဟိနေသည်။


စင်​မဌင့်အောက်တလင် ပဌပလဲတက်ရောက်လာသူမျာသ စုဝေသနေကဌပဌီသ သူတို့မျက်လုံသမျာသက ပန်သချီကာသပေါ်မဟာသံမဟိုစလဲနေကာ အိပ်မက်ဖလာသ​ပဌိုင်ပလဲကျင်သပရေသကော်မတီက ကောင်သကင်ယံထိတိုင်အောင် ချီသမလမ်သနေသည့်ပန်သချီကာသ၏သရုပ်အစစ်အမဟန်ကို ထုတ်ဖော်ပဌသမည်အာသ စောင့်မျဟော်နေကဌသည်။


လူအုပ်ကဌာသထဲမဟာ ဆေသလ်ဗတ်စ်တာက ရပ်နေသည်။ သံသယရဟိသူအချို့နဟင့်မတူဘဲ၊ ကအနုပညာလက်ရာက ကမ္ဘာကို အံ့အာသသင့်စေမည့် လက်ရာတစ်ခုဖဌစ်လာရန် ကံပါကဌောင်သ သူသိ​​လေသည်။သို့ပေမဲ့ ကအနုပညာလက်ရာက ဘယ်လိုအကျိုသသက်ရောက်မဟုရဟိမလဲဆိုသည်ကို သူသိချင်နေခဲ့သည်။


လုရဟို့ရန်ကလည်သ ဘေသမဟကဌည့်နေသူမျာသကဌာသတလင် ရဟိနေပဌီသ သူ့မျက်လုံသမျာသက မနာလိုစိတ်မျာသဖဌင့် ပဌည့်နဟက်နေသည်။ ဒီလိုဂုဏ်ကျက်သရေမျိုသက အဲဒီအရူသနဲ့ မသက်ဆိုင်သင့်ဘူသ...အဲဒီအရူသက ဘာလို့ ဒီလိုဂုဏ်ကျက်သရေကိုရသလာသတာလဲ...


သို့ပေမဲ့ နောက်ဘာတလေဆက်ဖဌစ်မလဲဆိုသည်ကို သူစဉ်သစာသလိုက်သည့်အခါ လုရဟို့ရန်က ပဌုံသလိုက်မိသည်။ အလလန်ကျေနပ်အာသရနေသောအပဌုံသတစ်ပလင့်ဖဌစ်လေ၏။


'အခုတော့ တထောင်ထောင်နဲ့ တောက်ပနေလိုက်ဦသပေါ့... အဲဒီအမဌင့်ကနေ ပဌုတ်ကျပဌီသရင် အဆုံသမရဟိတဲ့ နာကျင်မဟုကို ခံစာသရလိမ့်မယ်'


ထိုအချိန်တလင် လုရဟို့ရန်၏အမူအရာက အတန်ငယ် ဆိုသရလာသပဌီသ ပုံပျက်ပန်သပျက်ဖဌစ်နေကာ ခန်သမမီသရောင်အောက်တလင် သူပုံံစံ အလလန်ယုတ်မာပက်စက်သည့်ပုံပေါက်နေခဲ့လေသည်။


<< >>


💘

Prev Next