MM Story Teller

Chapter 130

Viewers 19k

👾Chapter 130

ခိုးရာလိုက်ပြေးရအောင်

လင်းဟန်သည် သူ ဟယ့်ယွင်ထင် တစ်ယောက်တည်းသာ ချန်ထားပြီး လူတိုင်း၏ ဆက်သွယ်လာမှုအားလုံးကို ဘလော့ထားလိုက်သောကြောင့် ဆက်သွယ်ရေးကိရိယာမှတစ်ဆင့် မြည်လာသည့် သူ့အသံကို ကြားလိုက်ရသည်။

"ကိုယ်တို့ အခြားရပ်နားစခန်းတစ်ခုဆီ ရွှေ့လိုက်ပြီ။ ဒီနေ့ မင်းကို လာကြိုဖို့ အချိန်အားတယ်" ဟယ့်ယွင်ထင် ခေတ္တမျှရပ်လိုက်ပြီး "မင်း သူတို့ရှေ့မှာ ကိုယ်နဲ့အတူ ဆက်ပြီးတွဲသွားချင်သေးလား"

လင်းဟန် ပြုံးလိုက်၏။ ထိုအပြုံးက သူပြန်လာပြီးကတည်းက ပထမဆုံးအကြိမ်ပင်။

"သေချာတာပေါ့"

—

လင်းဟန် အိမ်ပြန်ရောက်သောအခါ မတွေ့ရသည်မှာ ကြာပြီဖြစ်သော ပျော်ရွှင်စရာ ဘောလုံးလေးက တံခါးခေါက်သံကြားသည်နှင့် ဧည့်ခန်းထဲမှ အလျှင်အမြန် လှိမ့်ဆင်းလာကာ စားပွဲထောင့်နှင့် တိုက်မိလုနီးပါးပင်။ သူ ထိုအကောင်ငယ်လေးကို ကောက်ချီလိုက်ပြီး စိတ်ရှည်ရှည်နှင့် ချော့မြူပေးလိုက်သည်။

ကူးလုလု၏ စိတ်အခြေအနေ အနည်းငယ် ပြန်လည်ကောင်းမွန်လာချိန်တွင် လင်းဟန် ခဏစဉ်းစားသော်လည်း ထိုကိစ္စကိုပြောရန် အစပျိုးလိုက်သည်။ "ဒီည ငါ အိမ်ကနေ ထွက်သွားရမယ်။ ဟိုးအဝေးကြီးကိုသွားရမှာ"

ကူးလုလုမှာ ဤနေရာတွင် အချိန်အတော်ကြာ နေထိုင်ခဲ့ပြီး လင်းဟန် ပြောလိုက်သည့်စကား၏ အဓိပ္ပါယ်ကို အလျင်အမြန်ပင် နားလည်ပေသည်။ ခဏအကြာ၌ သူ့မျက်လုံးလေးများမှာ မှိတ်သွားခဲ့သည်။

ခဏအကြာတွင် လင်းဟန်၏လက်ချောင်းကို အလွန်ညင်သာစွာ ကိုက်လိုက်ပြီး အလွန်ထူးခြားသော အသံတစ်သံထွက်လာသည်။

ခုကောမျိုးနွယ်၏ ကိုက်ချက်က အလွန်ပြင်းထန်သော်လည်း ထိုအသေးလေးသည် လင်းဟန်ကို လုံးဝမထိခိုက်စေလိုပေ။ သူ၏စိတ်ခံစားချက်ကို မည်ကဲ့သို့ဖော်ပြရမည်မှန်း မသိသောကြောင့် ထိုကဲ့သို့သော ကူကယ်ရာမဲ့သည့်နည်းလမ်းဖြင့် လင်းဟန်၏လက်ချောင်းများကို သူ့သွားများနှင့်သာ ပွတ်သပ်နေခဲ့သည်။

သူ့ခံစားချက်များကို ခံစားမိသောကြောင့် ပျော်ရွှင်သွားစေရန် လင်းဟန် ကောင်ငယ်လေး၏ အနှစ်သက်ဆုံး သရေစာမုန့်ကို ဗီရိုထဲမှ သွားယူလိုက်သည်။

"ငါ မင်းအတွက် အများကြီး ပြင်ဆင်ပေးထားခဲ့ရမလား။ ဒါမှမဟုတ် နောက်ဆုံးအကြိမ်ကလိုမျိုး မင်းကို တိရစ္ဆာန်ရုံရဲ့ ဂရုစိုက်မှုအောက်မှာ ထားခဲ့ရမလား" လင်းဟန် ပြောလိုက်၏။ “အဆင်ပြေရဲ့လား”

အကောင်ငယ်လေးထံမှ ပြန်ဖြေသံထွက်မလာခဲ့ပေ။ မုန့်များကို မြင်သည့်အချိန်တိုင်း တောက်ပနေသော သူ့မျက်လုံးများသည် စိတ်ကျေနပ်မှုမရှိဘဲ ထိုင်းမှိုင်းနေပေသည်။ အချိန်အတော်ကြာပြီးနောက် သူ နယ်စပ်ဒေသမှ ထွက်ခွာသည့်အချိန်ကကဲ့သို့ လင်းဟန်၏လက်ပေါ်တွင် စိုစွတ်မှုတစ်ခုကို ခံစားလိုက်ရသည်။ လင်းဟန် ငုတ်တုတ်ထိုင်ကာ အကောင်ငယ်လေး၏ မျက်လုံးများကို ကြည့်လိုက်သည်။

"ဒါပေမယ့်... မင်း မက်ခါထဲမှာဆို သေချာပေါက် မူးလဲသွားလိမ့်မယ်"

ဤတစ်ကြိမ်တွင် ကူးလုလုက တုံ့ပြန်လာခဲ့သည် — ခေါင်းယမ်းလိုက်ခြင်းက ငြင်းဆိုသည့် အမူအရာဖြစ်ကြောင်းကို နားလည်ကာ သူ မူးမလဲသွားကြောင်း ဖော်ပြရန် ချက်ချင်းပင် ခေါင်းလေးကို အပြင်းအထန် ခါယမ်းလာလေသည်။

သူ ပြောလိုသည့် အဓိပ္ပါယ်ကို လင်းဟန် သိသောကြောင့် "ဒါဆို... မင်းက ငါနဲ့ လိုက်ချင်တာလား"

အကောင်ငယ်လေးက ထိုသံထည်ခွံကြီးကိုပြန်အမှတ်ရသွားပြီး ခဏမျှ တုံ့ဆိုင်းနေဆဲဖြစ်သော်လည်း နောက်ဆုံးတွင် ခိုင်မာစွာ ခေါင်းညိတ်ပြလာ၏။

—

လင်းဟန်၏ တိုက်ခန်းဝင်ပေါက်မှာ ယာဉ်ပျံကိုသာ ရပ်ထားနိုင်သော်လည်း စစ်ချီတက်ရာလမ်းတစ်လျှောက် အချိန်က အရေးတကြီးဖြစ်နေသောကြောင့် မည်သူမျှ ယာဉ်ပျံကို ထပ်မံ ပျံသန်းလိမ့်မည်မဟုတ်ပေ။ ဤသို့ဖြင့် ညနေပိုင်း၌ အင်ပါယာစစ်တက္ကသိုလ်၏ ကတ္တရာလမ်းပေါ်ကို မက်ခါတစ်စီးက လူအများ၏ အာရုံစိုက်ဖွယ် အမူအရာဖြင့် ဆင်းသက်လာခဲ့သည်။

ထိုမက်ခါမှာ လူတိုင်းရင်းနှီးပြီးသားဖြစ်သည့် ကြီးကျယ်ခမ်းနားမှု၊ ထိုက်တန်သည့် အရည်အချင်းများနှင့် ပြည့်စုံသော မက်ခါပင်ဖြစ်သည်။

အင်ပါယာဗိုလ်ချုပ် တစ်ဦးတည်းသာ ပိုင်ဆိုင်သော M2742 မက်ခါပင်။

အခန်း၏ အနီးတစ်ဝိုက်ရှိ ကျောင်းသားများက အစပိုင်းတွင် မတုံ့ပြန်နိုင်ခဲ့ကြသော်လည်း ထိုမက်ခါမှာ မည်သူ၏မက်ခါဖြစ်ကြောင်းကို သိရှိပြီးနောက် စိတ်လှုပ်ရှားကာ အံ့ဩသွားကြသည်။ လူအုပ်ကြီးက အဘယ်ကြောင့် ထိုမက်ခါက ဤနေရာသို့ ရောက်နေတာလဲ ဆိုသည့်အကြောင်းကို တီးတိုးပြောဆိုလာကြသည်။ စိတ်လှုပ်ရှားနေသော ကျောင်းသားများက ဓါတ်ပုံရိုက်နေကြပြီး သူတို့ ထိုမက်ခါကို အနီးကပ် လူကိုယ်တိုင် မြင်ဖူးသည့် အဖြစ်အပျက်ကို မယုံကြည်နိုင်လောက်အောင် ဖြစ်နေကြသည်။

မကြာမီတွင် လူငယ်လေးတစ်ဦးက မက်ခါဆီသို့ တစ်လှမ်းချင်း လျှောက်လှမ်းလာသည်ကို တွေ့လိုက်ရသည်။ သူ့ခြေလှမ်းများက တည်ငြိမ်နေပေ၏။

—— မနက်ပိုင်းတွင် ရပ်နားစခန်း၏ ဝင်ပေါက်၌ ပေါ်ထွက်လာခဲ့ပြီး ယနေ့ ကောင်စီအစည်းအဝေးတွင် မတ်တပ်ရပ်ကာ အဖွဲ့နှစ်ဖက်စလုံးကို ဒေါသတကြီး ပြစ်တင်ရှုံ့ချခဲ့သည့် အိုမီဂါပင်ဖြစ်၏။ သူ့ပခုံးပေါ်တွင် နူးညံ့ပျော့ပျောင်းသည့် တိရစ္ဆာန်လေးတစ်ကောင် ရှိပုံရသော်လည်း မှောင်စပြုလာသည်နှင့်အမျှ သူတို့ ထိုအကောင်ငယ်လေးကို ရှင်းရှင်းလင်းလင်း မမြင်ရပေ။

သူ တည်တည်ငြိမ်ငြိမ် နေသင့်သည်ဟု လင်းဟန် ခံစားမိသည်။ ရှေ့ဆက်ရမည့်ခရီးက ချောမွေ့လိမ့်မည် မဟုတ်ဘဲ ထိုဇာ့ဂ်များကလည်း အရှုံးပေးလိမ့်မည် မဟုတ်ကြောင်း သူ သိပေသည်။ သို့သော် သူ့နှလုံးသားက ခုန်နေဆဲဖြစ်ပြီး သူ့အထက်ကလူများနှင့် လက်တွဲကာတိုက်ပွဲဝင်ချင်နေဆဲပင်။ သူ မက်ခါပေါ်သို့ တက်ကာ နှစ်ပေါင်းများစွာ တောင့်တခဲ့ရသော ထိုင်ခုံကို သိမ်းပိုက်ပစ်ချင်လှသည်။ သူ့အိပ်မက်များ၊ သတ္တိများနှင့်အတူ ကြယ်များဆီ ရွက်လွှင့်သွားကာ သူ မည်သည့်နေရာသို့ သွားနေပါစေ အထီးကျန်လိမ့်မည် မဟုတ်ပေ။

"သွားကြရအောင်" လင်းဟန်က ကူးလုလု၏ ခေါင်းပေါ်ရှိ နူးညံ့သည့်အမွေးများကို ပွတ်သပ်ကာ ပြုံးလိုက်ပြီး “ခိုးရာလိုက်ပြေးရအောင်”

လင်းဟန် မတ်မတ်ရပ်ကာ ဓါတ်လှေကားပေါ်သို့ တက်လိုက်ချိန်တွင် သူ့အကောင်ငယ်လေး၏ခေါင်းကို ဂရုတစိုက် ကာကွယ်ထားခဲ့သည်။ ထို့နောက် ကျောင်းသားများ၏ အားကျသော သို့မဟုတ် အံ့သြနေသော မျက်လုံးများ၏အလယ်တွင် မောင်းနှင်ခန်းသို့ လျှောက်သွားခဲ့သည်။ တစ်စုံတစ်ယောက်က တစ်စုံတစ်ရာကို တီးတိုးပြောဆိုနေသောလည်း လေက အနည်းငယ်ပြင်းထန်စွာ တိုက်ခတ်နေသောကြောင့် လင်းဟန် မကြားရပေ။

သူတို့က သူ မည်သူမည်ဝါဖြစ်ကြောင်း စပ်စုနေခြင်းဖြစ်နိုင်သလို သူနှင့်ဟယ့်ယွင်ထင်၏ ဆက်ဆံရေးအကြောင်းကို ဆွေးနွေးနေခြင်းလည်း ဖြစ်နိုင်ပေသည်။ သို့မဟုတ် သူ့ပခုံးပေါ်ရှိ အကောင်ငယ်လေးအပေါ် သူတို့၏ ချစ်ခင်နှစ်သက်မှုများကို ဖော်ပြခြင်းလည်း ဖြစ်ပေလိမ့်မည်။

ထူထဲလေးလံသော တံခါးပေါက်ကြီး ပိတ်သွားချိန်တွင် အပြင်ဘက်ရှိလေသံနှင့် တီးတိုးသံများအားလုံးက ပြတ်တောက်သွားပေသည်။ လင်းဟန် အိမ်မှယူဆောင်လာသော စောင်သေးသေးလေးဖြင့် ကူးလုလုကို ထုပ်ပိုးပြီး သက်တောင့်သက်သာရှိသော ထောင့်တစ်ခုကို ရှာဖွေကာ သူ့ကိုအနားယူခွင့်ပေးပြီးနောက် ဘေးနားရှိ တိတ်ဆိတ်နေသောလူကို ကြည့်လိုက်သည်။

ဟယ့်ယွင်ထင်မှာ သူတို့ ပထမဦးဆုံး တွေ့ဆုံချိန်ကကဲ့သို့ စည်းစနစ်ကျလှသည့် ၀တ်စုံကို ၀တ်ဆင်ထားသည်။ အဘယ်ကြောင့် ဤအကောင်ပေါက်လေးကို ခေါ်လာခဲ့လဲဟု လင်းဟန်အား မမေးပေ။ သို့သော် အပြင်ဘက်မြင်ကွင်းကို ရိုးရိုးရှင်းရှင်းပင် ပိတ်လိုက်သောကြောင့် အပြင်ဘက်ရှိ စပ်စုလိုသည့်လူများကို လင်းဟန် မမြင်ရတော့ပေ။

M2742 မှာ ခဏမျှသာ ရပ်နားခဲ့ပြီး အလိုရှိသည့်သူအား ရရှိသယ်ဆောင်ပြီးနောက် အင်ဂျင်ကို အမြန်ပြန်လည်စက်နှိုးကာ ထွက်ခွာသွားခဲ့သည်။

"အခုအခြေအနေက ဘယ်လိုရှိလဲ" လင်းဟန် သဘာဝကျကျပင် မေးလိုက်၏။

သူ ဒုတိယမောင်နှင်ခန်းသို့ သွားရန် အလျင်မလိုခဲ့ပေ။ မည်သို့ပင်ဆိုစေကာမူ ယခုအချိန်တွင် မည်သည့်ရှုပ်ထွေးသောစစ်ဆေးရေးမျိုးကို လုပ်ဆောင်ရန် မလိုအပ်ပေ။ သူ စွမ်းအင်ပမာဏ အနည်းငယ်သုံးစွဲပြီး မောင်းနှင်သွားရုံသာပင်။ ဟယ့်ယွင်ထင်က လင်းဟန်အား ယေဘုယျ အခြေအနေကို ရှင်းပြခဲ့သည်။

ယခုအခါ အကြီးမားဆုံး ရပ်နားစခန်းပြဿနာကို ဖြေရှင်းပြီးပေပြီ။ အနည်းဆုံးအနေဖြင့် ဇာ့ဂ်အသစ်များက ထိုနေရာမှ ရောက်လာလိမ့်မည် မဟုတ်ကြောင်း အာမခံနိုင်ပေသည်။ ထို့အပြင် နယ်စပ်ဒေသမှ ဖြတ်သန်းရမည့် အဖိုးအခက အလွန်မြင့်မားသောကြောင့် ဇာ့ဂ်များပင်လျှင် ထိုကဲ့သို့တန်ဖိုးကြီးသည့်လမ်းကြောင်းကို ရွေးချယ်ရန်မှာ မဖြစ်နိုင်ပေ။

ထို့ကြောင့် နောက်လာမည့်တာဝန်မှာလည်း အလွန်ရိုးရှင်းပေ၏။ ကျန်ရပ်နားစခန်းအားလုံးကို ထိန်းချုပ်ထားပြီး တစ်ဖက်က ကျူးကျော်ဝင်ရောက်လာမည်ကို တတ်နိုင်သမျှ ကာကွယ်ရန်ပင်ဖြစ်၏။ ပင်မကြယ်၏ ရပ်နားစခန်းဆယ့်သုံးခု၏ တစ်နေရာချင်းစီတွင် သက်ဆိုင်ရာတပ်ဖွဲ့တစ်ခုစီကို တာဝန်ခွဲဝေပေးအပ်ထားသည်။ အခြေစိုက်စခန်းတွင် တာဝန်ထမ်းဆောင်နေသော မက်ခါများအားလုံးနီးပါးကို စေလွှတ်ထားပြီး ဒုတိယတပ်ခွဲများကိုလည်း ခွဲဝေတာဝန်ပေးထားသည်။ အခြေစိုက်စခန်း၏ အဖွဲ့သုံးဖွဲ့ကို အဓိကနယ်မြေတစ်ဝိုက်တွင် အဖွဲ့ဆယ့်သုံးဖွဲ့ခွဲထားသည်။ အခြေအနေအရ တုံ့ပြန်ဖြေရှင်းနိုင်ရန် အမျိုးမျိုးသောအရေအတွက်ရှိသည့် မက်ခါများကို စီစဉ်ပေးထားပြီး အဖွဲ့တစ်ခုစီတွင် ၎င်း၏ ကိုယ်ပိုင်ခေါင်းဆောင်များလည်း ရှိပေသည်။

ဤအခြေအနေမျိုးတွင် အင်ပါယာ၏ အိမ်ရှေ့စံမင်းသားက အမြဲဂရုစိုက်ရန် လိုအပ်ပေသည်။ ဝမ်ကျောက်ကောတွင် သူ၏ကိုယ်ပိုင်သီးသန့် အစောင့်တွေ ရှိသောကြောင့် ပြောစရာမလိုပေ။ ဝမ်ထျန်းယောင်၌ မြို့ခံကာကွယ်ရေးတပ်များရှိပြီး ကျန်မင်းသားများ၏ အမွေဆက်ခံသူများကလည်း ကာကွယ်ရေးစစ်တပ်၏ တစ်စိတ်တစ်ပိုင်း ဖြစ်လာပေလိမ့်မည်။

M ဂလက်စီမှာ ဟိုးအရင် အချိန်အတော်ကြာကတည်းက ဖွံ့ဖြိုးလာခဲ့သော်လည်း ဝမ်ကျောက်ကော၏မျိုးဆက်တွင် မင်းသားများ သိပ်မကျန်တော့ပေ။ ပြည်သူ့အချစ်တော်မင်းသား အလွန်ချစ်ရတဲ့ မင်းသားဝမ်ယဲ့ စစ်ပွဲ၌မသေဆုံးခင်မှာပင် ကျန်ရှိနေသည့် ဝမ်ယွီနှင့်ဝမ်ဟမ့်တို့တွင် စစ်မှန်သော ဩဇာအာဏာမရှိခဲ့ပေ။ သူတို့၏ ဖယ်ရိုမုန်းများနှင့် စကားပြောစွမ်းရည်များ ရှိခြင်းကြောင့်သာ နှစ်ဦးစလုံး ကိုယ်ပိုင်နယ်မြေများတွင် မည်သည့်ဒုက္ခမှမရှိဘဲ ငြိမ်းချမ်းစွာနေထိုင်နိုင်ခြင်းဖြစ်သည်။

သူတို့အနက် ဝမ်ယွီနေထိုင်သည့် ကြယ်ခွဲက ဗွီပရိုတွန်ဂြိုဟ်နှင့် တန်းတူနီးပါး အထူးဝေးလံသော်လည်း တည်နေရာသည် ပင်မကြယ်နှင့် အနည်းငယ်ပို၍နီးပေ၏။ ဒုတိယအခြေစိုက်စခန်း ခေါင်းဆောင်လုဟွိုက်၏ တာဝန်မှာ ရပ်နားစခန်းသုံးခုကို ကာကွယ်ရန်နှင့် ဝမ်ယွီတည်ရှိရာ ကြယ်ခွဲ၏လုံခြုံရေးကို ကာကွယ်ရန်ဖြစ်သည်။

ဝမ်ယွီ နေထိုင်ရာ ကြယ်ပွင့်ခွဲ၏ ရပ်နားစခန်းနေရာတွင် အလွန်လျှို့ဝှက်ထားသော ခုန်မှတ်တစ်ခု ရှိနေကြောင်း လူအနည်းငယ်မျှသာ သိကြသည်။

ဤခုန်မှတ်၏ အရွယ်အစားက နဂါးငွေ့တန်းရှိ များပြားလှသော အခြားကြီးမားသည့် ခုန်မှတ်များစွာ၏စွမ်းအင် ဆယ်ပုံတစ်ပုံထက်နည်းသော်လည်း ထိုအကြောင်းကို မည်သူမျှ မသိသောကြောင့် မညသည့်မက်ခါ၊ မည်သည့်ကြယ်သင်္ဘောမျှ ဤခုန်မှတ်သို့ ရောက်ရှိမလာခဲ့ပေ။ ထို့အပြင် အင်ပါယာမှလူများကလည်း ၎င်းက အလယ်အလတ်တန်းစား သာမန်ကြယ်ခွဲတစ်ခုမျှသာ ထင်ခဲ့ကြသည်။

ဤနေရာတွင် ခုန်မှတ်တစ်ခု ရှိနေခြင်းကို သိသူများမှာ တော်ဝင်မင်းမျိုးမင်းနွယ်များ သို့မဟုတ် စစ်တပ်အာဏာကို ချုပ်ကိုင်ထားသော စစ်ဗိုလ်ချုပ်များသာဖြစ်၏။

ーー အဘယ်ကြောင့်ဆိုသော် ဤနေရာရှိ လျှို့ဝှက်ချက်က ခုန်မှတ်တစ်ခုရှိခြင်းထက် ပိုသောအကြောင်းအရာကြောင့်ပင်။

၎င်းမှာ လွန်ခဲ့သော နှစ်ပေါင်းများစွာက စစ်ပွဲတစ်ခုမှ ကျန်ရှိခဲ့သော ခုန်မှတ်တစ်ခုဖြစ်သည်။ ထိုခုန်မှတ်မှာ အဓိကနယ်မြေမှ စတင်ထွက်ခွာပြီး ရပ်နားစခန်းနေရာအထိ တိုက်ရိုက်ဖြတ်ကျော်နိုင်ကာ စွမ်းအင်လုံလောက်သောအခြေအနေတွင် အခြားဂလက်စီများသို့ပင် အရှိန်အဟုန်ဖြင့် သွားနိုင်ပေသည်။ တစ်နည်းဆိုရသော် ဤခုန်မှတ်၏တည်နေရာကို အခြားဂလက်စီများက သိရှိသွားပါလျှင် အင်ပါယာ၏ အဓိကနယ်မြေတစ်ခုလုံးကို အကာအကွယ်မရှိဘဲ ရန်သူတပ်များကို ထုတ်ဖော်ပြသလိုက်သကဲ့ပင်။

“ဒါဆို ဒီခုန်မှတ်အကြောင်းကို ဘယ်သူတွေ သိနိုင်သေးလဲ" လင်းဟန် မေးလိုက်သည်။

ဟယ့်ယွင်ထင် အနည်းငယ် မျက်မှောင်ကြုတ်ကာ “အရမ်းနည်းတယ်။ ကိုယ့်ကိုတောင် ဘုရင်မင်းမြတ် ကိုယ်တိုင် ပြောပြခဲ့တာ။ ဒီခုန်မှတ်က အရမ်းကြီးမားတဲ့ လျှို့ဝှက်ချက်ပဲ။ နောက်ပြီး သူနဲ့ မင်းသားဝမ်ယွီ ကိုယ်တိုင်ကလွဲရင် အချိန်အတော်ကြာအောင် ဖုံးကွယ်ထားခဲ့တာ။ ကိုယ့်အထင် ဝမ်ထျန်းယောင်လည်း သေချာပေါက် မသိလောက်ဘူး”

ဟယ့်ယွင်ထင်မှာ အမှန်တကယ် သစ္စာရှိသူပင်။ သူ သဘောမကျသည့်လူများနှင့် မျက်နှာချင်းဆိုင်တွေ့ဆုံရချိန်၌ ဟယ့်ယွင်ထင်မှာ အပြင်ပန်းအားဖြင့် လေးစားမှုရှိပေသည်။ သို့သော် လင်းဟန်နှင့် အတူရှိနေချိန်တွင် သူတို့၏နာမည်အရင်းများကို ခေါ်တတ်သည့် အကျင့်ရှိပေ၏။

"ဗိုလ်ချုပ်လုဟွိုက်ကော သိလား"

"သူ့အဖေက အဲဒီတုန်းက အဲဒီနေရာမှာဖြစ်ပွားခဲ့တဲ့ တိုက်ပွဲမှာ ပါဝင်ခဲ့တယ်။ ဒါကြောင့် သူက အဲဒီအကြောင်းကို သိတဲ့လူနည်းစုထဲက တစ်ယောက်ပဲ"

အမှန်တကယ်၌ ထို့ကြောင့်ပင် ဝမ်ယွီက ထိုကြယ်ခွဲကို နှစ်ပေါင်းများစွာ စောင့်ကြပ်နေချိန်တွင် လုဟွိုက်သည်လည်း အဓိကနယ်မြေသို့ သွားလာနိုင်သည့် အရေးကြီးသော ဝင်ပေါက်ဖြစ်သည့် လူအများမသိအောင် ဖုံးကွယ်ထားသော အမျိုးအမည်မသိ ခုန်မှတ်ကို စောင့်ကြပ်နေခဲ့သည်။

"ဒီတစ်ခေါက် သူ မင်းသားဝမ်ယွီရဲ့ ကြယ်ခွဲဆီ သွားတဲ့အခါ အဲဒီနေရာကို ကာကွယ်ဖို့ အစွမ်းကုန် ကြိုးစားလိမ့်မယ်" ဟယ့်ယွင်ထင် ဆိုလိုက်၏။ “ဒါပေမယ့်...”

ဤအချက်အလက်အား ဇာ့ဂ်များ သိလား၊ မသိလားဆိုသည့်ကိစ္စကို အာမခံချက်မရှိပေ။ ထိုခုန်မှတ်၏တည်ရှိမှုက အမှန်တကယ်ကို ပို၍အန္တရာယ်များပေသည်။ အကယ်၍ ဇာ့ဂ်များ ထိုခုန်မှတ်ကို သိသွားနိုင်ခြေက အကြိမ်တစ်ထောင်တွင် တစ်ကြိမ်ရှိခဲ့လျှင်တောင် အဓိကနယ်မြေရှိ မြို့ခံကာကွယ်ရေးတပ်ဖွဲ့နှင့် အခြေစိုက်စခန်း၏ဆာဂျင် တချို့တဝက်တို့ နောက်တန်း၌ ရှိနေလျှင်တောင် ထိုဘေးအန္တရာယ်ဆိုးကြီးကို တောင့်ခံနိုင်ရန်မှာ မဖြစ်နိုင်သေးပေ။

စစ်မြေပြင်တွင် ဟယ့်ယွင်ထင် ရန်သူအတွက် မည်သည့်ဖြစ်နိုင်ခြေမှန်သမျှ ချန်ထားရန်မှာ မဖြစ်နိုင်ပေ။ ဟိုးအရင်မူလကတည်းက ထိုခုန်မှတ်မှာ အဓိကနယ်မြေ၏ ရွှေ့ပြောင်းခြင်းအတွက် တည်ရှိခဲ့ခြင်းဖြစ်ပြီး ဤနှစ်များအတွင်း ယခုအခြေအနေနှင့် နှိုင်းယှဉ်လျှင် ကောင်းကျိုးထက် ဆိုးကျိုးပိုများနေပေသည်။ လက်ရှိအခြေအနေအရ လိုအပ်လာလျှင် ထိုခုန်မှတ်ကို ဖျက်စီးပစ်ရန်မှာ မလွဲမသွေဖြစ်လာမည့်ကိစ္စဖြစ်ကြောင်း ဟယ့်ယွင်ထင် သိပေသည်။

သို့ရာတွင် ဟယ့်ယွင်ထင် ဝမ်ယွီတည်ရှိရာ ကြယ်ခွဲတွင် တိုက်ရိုက်ပေါ်လာပါက ထိုနေရာ၌ ပြဿနာရှိနေသည်ဟု ရန်သူအား ရိုးရိုးရှင်းရှင်းပြောပြလိုက်သလို ဖြစ်နေမည်ဖြစ်ပြီး ၎င်းကို ဖုံးကွယ်ရန် အစောင့်အကြပ် များများချထားရန် လိုအပ်ပေသည်။

ထို့ထက်သာမက လက်ရှိအခြေအနေက သူ့ကို ကြယ်ခွဲဆီသို့ တိုက်ရိုက်သွားရန် အခွင့်မပေးပေ။ ထိုထက်ပိုအရေးကြီးသည့် အလုပ်တာဝန်များ ရှိနေပေသည်။

လင်းဟန် ပင်မဂြိုဟ်နှင့် အဓိကနယ်မြေ၏ စီစဉ်ပုံအကြောင်း များများစားစားမသိသော်လည်း အမည်နာမတစ်ခုက သူ့နှလုံးသားထဲတွင် ပေါ်ထွက်လာခဲ့၏။ "X ခံတပ်လား"

၎င်းမှာ ပင်မကြယ်နှင့် ဆက်သွယ်ထားသော အရေးပါဆုံးသောခံတပ်ဖြစ်ပြီး စစ်ရေးအရ မြေမျက်နှာသွင်ပြင် မြင့်မားသည်။ ဤခံတပ်အောက်တွင် ကျယ်ပြောလှသော အရပ်သားများ နေထိုင်ရာနယ်မြေဖြစ်ပြီး ထို့နောက် အလယ်ဗဟိုအတွင်းပိုင်းမှာ လူတိုင်းနေထိုင်လိုသော အဓိကနယ်မြေဖြစ်၏။ အကြီးမားဆုံး ရပ်နားစခန်းရှိ သံမဏိပိတုန်းကောင်ကို ဖယ်ရှားပြီးပေပြီ။ နောက်လာမည့် ရပ်နားစခန်းများအားလုံးကို ကောင်းမွန်စွာ ကာကွယ်ထားနိုင်လျှင်ဖြစ်စေ တပ်သား မလုံလောက်မှုကြောင့် ဆိုက်ကပ်တစ်ခု သို့မဟုတ် နှစ်ခုကို ရှုံးနိမ့်သွားလျှင်ဖြစ်စေ အင်းဆက်များ အကြီးအကျယ် ကျူးကျော်ဝင်ရောက်လာမည် မဟုတ်ပေ။ မည်သို့ပင်ဆိုစေကာမူ ရပ်နားစခန်းများ၏ သယ်ဆောင်နိုင်သည့် ပမာဏမှာ အမှန်တကယ်ကြီးမားပေသည်။

👾

Prev Next