အပိုင်း၈၈
Viewers 8k
Chapters 270

🥰 Chapter 88 ✅


ယောင်ကျိကျိုး၏ စကားများကြောင့် မင်လျိုရီအနည်းငယ်ရှုပ်ထွေးသွားသည်။ 


'ဘယ်လိုခံစားရလို့ပါလိမ့်...ဝိညာစမ်းရေက ပြဿနာဖြစ်နေတာများလား... မဖြစ်နိုင်တာ သူတစ်ယောက်တည်းပဲ နေ့တိုင်းသုံးတာမှမဟုတ်တာ ငါလဲသုံးတာပဲကို ပြဿနာရှိတာဘယ်လိုလုပ်ဖြစ်နိုင်မှာလဲ'


မင်လျိုရီသည် သံယသများဖြင့် မေးလိုက်သည်။ 


"ဘယ်လိုခံစားရလို့လဲ" 


ယောင်ကျိကျိုးက စိတ်ပါလက်ပါနှင့် မင်လျိုရီ၏ ဆံပင်များကိုသပ်ပေးလိုက်သည်။ သူသည် အစကတည်းက သူ့​၏ကံကြမ္မာကို လက်ခံပြီးပြီဖြစ်သည်။ မင်လျိုရီဆိုရင်ရော ဘာဖြစ်လဲ... ဒီအချိန်အတွင်းမှာ သူ့ရဲ့ဇနီးလေးသည် ကြိုးကြိုးစားစားနှင့်ပြုစုပေးခဲ့ပြီး သူ၏အရိပ်အခြေကို ချက်ချင်းအကဲခတ်နိုင်သည်။ နတ်ဘုရားမတစ်ယောက်လိုမျိုး သူ့ဆီကို နွေးထွေးမှုနှင့် အလင်းကို ဆောင်ယူလာပေးခဲ့သည်။ 


မင်လျိုရီသည် ရိုးသားပွင့်လင်းသည်။ သူ့ဇနီးလေးကို မချစ်နိုင်စရာအကြောင်းမရှိပေ။ သူပြန်သတိရလာတော့ သူ၏ဇနီးကလွဲလို့ ကျန်တဲ့သူအကုန်လုံးကို ဆုချခဲ့သည်။ ယောင်ကျိကျိုးသည် ဘာပေးရမလဲမသိ၍ အခက်တွေ့နေခဲ့သော်လည်း ယနေ့အဖြစ်အပျက်ကြောင့် သူ့နှလုံးသားအလိုရှိရာကို တွေ့ရှိသွားခဲ့သည်။ သူက မင်လျိုရီ၏ဆံပင်ကိုသပ်ပေးလိုက်ပြီး စိတ်လှုပ်ရှားစွာပြောလိုက်သည်။ 


"အချစ် ကိုယ်တို့ပြန်စကြမလားဟင် အစကနေ" 


မင်လျိုရီသည် ယောင်ကျိကျိုးဘာတွေတွေးနေမှန်းမသိတော့ပေ။ အခုလေးတင် ဘာမဟုတ်တာလေးကြောင့် ပျော်ခဲ့တယ်ဆိုပြီး အခုသူမနှင့် အစကပြန်စရန်ပြောလာသည်။ 


သို့သော် ထိုအရာအားလုံးက အရေးမကြီးပါ။ ယောင်ကျိကျိုးက သူမကိုအချစ် ဟုခေါ်နေသည်။ ထိုစကားသည် သူနိုးလာပြီးကတည်းက သူမကို ပထမဆုံးခေါ်သည့် အညှင်သာဆုံးနှင့်တိုက်ရိုက်အကျဆုံး အခေါ်အဝေါ်ပင်ဖြစ်သည်။ အရင်က သူမအား မင်လျိုရီဟုသာခေါ်ပြီး မူလမင်လျိုရီကိုလဲ ထိုကဲ့သို့သာ ခေါ်ခဲ့သည်။ 


အိမ်တွင်ဧည့်သည်လာသည့်အခါနှင့် အပြင်သို့ထွက်သည့်အခါမှသာ သူမကို ဇနီးဟုခေါ်ပြီး စိတ်ထဲကပါ၍မဟုတ်ဘဲ အခေါ်အဝေါ်သာပြောင်းလိုက်ခြင်းသာဖြစ်သည်။ သို့သော် ယနေ့တွင်မတူညီမှန်း သူမသိသည်။ ယောင်ကျိကျိုးသည် သူမကို "အချစ်" ဟုခေါ်နေပြီး သူမကိုသာခေါ်ခြင်းဖြစ်သည်။ မင်လျိုရီ၏မျက်နှာသည် ရုတ်ချည်းရဲတက်သွားပြီး မျက်ရည်များထပ်ကျလာပြန်သည်။ 


ယောင်ကျိကျိုးသည် မင်လျိုရီ၏မျက်ရည်များကို ခံစားမိပြီး ထိတ်လန့်သွားသည်။ သူဘာအမှားလုပ်မိပြန်ပြီလဲ... ဒါမှမဟုတ် မင်လျိုရီက သူနှင့်အတူမရှိချင်လို့များလား... သူသည် ယောင်အဖွဲ့အစည်း၏ စီအီးအိုတစ်ယောက်ဖြစ်သော်လည်း ဝှီးချဲပေါ်တွင်သာထိုင်ပြီး ဘာတစ်ခုကိုမှမမြင်နိုင်သည့် အသုံးမကျသည့်လူတစ်ယောက်ဖြစ်နေသည်။ သာမန်လူတစ်ယောက်သည် သူနှင့်မည်သို့မျှ အတူရှိချင်မည်မဟုတ်ပေ။ 


ထိုထက်ပိုပြီး မတွေးမိခင် မင်လျိုရီ၏အသံအားကြားလိုက်ရသည်။ 


"ဒါဆိုလည်း ပြန်စကြတာပေါ့" 


ထို့နောက် ယောင်ကျိကျိုးသည် သူ့ဇနီးလေးက သူ့ရင်ဘတ်ပေါ်မှီတွယ်လာသည်ကို ခံစားလိုက်ရပြီး သူမ၏လက်များက သူ၏ခါးကိုဖက်တွယ်လာတော့သည်။ ထိုပွေ့ဖက်မှုသည် စစ်မှန်သည်ဟုခံစားမိသောကြောင့် သူမကိုတင်းတင်းကြပ်ကြပ် ပြန်ဖက်လိုက်ပြီး ဘယ်တော့မှ သူမနှင့်ခွဲမနေချင်တော့ပေ။ 


မျက်နှာပေါ်တွင် အပြုံးတစ်ပွင့်ဖြင့် ပြောလိုက်သည်။ 


"မင်းမယုံလောက်ပေမဲ့ ကိုယ် ကိုမာ၀င်နေချိန်မှာတောင် မင်းကိုယ့်ကိုထိလိုက်ရင် အပြင်လောကနဲ့ပြန်ဆက်သွယ်နိုင်သွားတယ်...ကိုယ့်ကို နှိပ်ပေးနေရင်ဖြစ်ဖြစ် ထမင်းကျွေးနေရင်ဖြစ်ဖြစ်လေ" 


"ပြီးတော့ စကားသံတွေလဲကြားရသေးတယ် အကုန်လုံးတော့ နားမလည်ပေမဲ့ ဘယ်သူ့အသံလဲဆိုတာတော့ ကိုယ်သိတယ်...မင်းကိုယ့်အဖေကို မြောင်လွေ့မင် ကိုယ့်ကိုအပ်စိုက်ကုထုံးကုပေးဖို့ ပြောတာကိုလဲ ကြားရတယ်"


"အံ့ဩဖို့ကောင်းတာက မြောင်လွေ့မင်ဆေးကုပေးနေချိန် ဘာမှသိပ်မခံစားရပေမဲ့ မင်းတစ်ယောက်တည်းကပဲ ကိုယ့်ကိုသတိပြန်၀င်အောင် လုပ်ပေးနိုင်တာ...ကိုယ့်ရဲ့ မျက်လုံးနဲ့ခြေထောက်တွေက ပြန်ကောင်းလာမှာလို့ မင်းပြောတာကိုလဲ တစ်ကြိမ်မကကြားရသေးတယ်...ကိုယ့်ကိုနှစ်သိမ့်ပေးဖို့လား တကယ်ထင်လို့လားတော့မသိပေမဲ့ မင်းကိုယ့်ကိုထိလိုက်တိုင်းမှာ မျှော်လင့်ချက်တွေရှိလာတယ်" 


ထိုသို့ပြောပြီးနောက် ယောင်ကျိကျိုးက မင်လျိုရီကို ပိုမိုတင်းကြပ်စွာဖက်ထားလိုက်ပြီး သူသာလက်လွှတ်လိုက်ရင် မင်လျိုရီသူ့ဆီက ပျောက်ကွယ်သွားမှာစိုးသည့်အလားပင်။ သူမကိုဖက်ထားမှသာလျှင် ယောင်ကျိကျိုးသည် ယခုအရာက အိပ်မက်မဟုတ်ကြောင်း စိတ်ချထားနိုင်တာဖြစ်သည်။ 


ယောင်ကျိကျိုးသည် ပြုံးလျက် မင်လျိုရီအားဖက်ထားပြီး အက်ရှရှအသံနှင့်ပြောသည်။ 


"ကိုယ့်အချစ်သိလား... လောကမှာ ကြောက်ဖို့အကောင်းဆုံးအရာက မျှော်လင့်ချက်မဲ့တာမဟုတ်ဘူး... မျှော်လင့်ချက်ထားတာပဲ" 


ထိုစကားများကြောင့် မင်လျိုရီထိတ်လန့်သွားသည်။ မင်လျိုရီသည် ယောင်ကျိကျိုး အားလုံးကိုကြားသွားလိမ့်မည်ဟု မထင်ခဲ့ပေ။ ယောင်ကျိကျိုး၏ပြောပြချက်များအရ ဒါတွေအားလုံး၏တရားခံသည် ဝိညာစမ်းချောင်းဖြစ်မည်ဟု သူမထင်သည်။ မဟုတ်ရင် ဒီလောက်ထိ မှော်ဆန်မည်မဟုတ်ပေ။ မင်လျိုရီက ခေါင်းမော့ကာ ယောင်ကျိကျိုးအားကြည့်လိုက်သည်။ သူမက နောက်ပြောင်သည့်ပုံပေါ်နေသော်လည်း အတည်ပြောလိုက်ခြင်းဖြစ်သည်။


"ယောင်ကျိကျိုး... ကျွန်မက ရှင့်ဆီကိုရောက်လာတဲ့ နတ်ဘုရားမတစ်ယောက်လေ" 


ယောင်ကျိကျိုးက ခပ်ဟဟရယ်လိုက်သည်။ 


'ဒီကမ္ဘာမှာနတ်ဘုရားတွေက တကယ်ပဲရှိတာလား ရှိတယ်ဆိုရင်တော့ သူ့ဇနီးလေးပဲဖြစ်ရမယ်" 


သူမသာနတ်ဘုရားမဟုတ်ရင် အဲတုန်းက သူဘယ်လိုလုပ်အသိပြန်၀င်လာပါ့မလဲ။ ထို့ကြောင့် ယောင်ကျိကျိုးက ပြုံးလျက်ပြောလိုက်သည်။ 


"မှန်တယ် မင်းက နတ်ဘုရားမပဲ"



🥰

Prev Next