MM Story Teller

အပိုင်း၉၁

Viewers 8k

🥰 Chapter 91 ✅

မင်လျိုရီက ယောင်ကျိကျိုး၏ စကားကို ခေါင်းညိတ်လိုက်ပြလိုက်သည်။ ထိုလူများသည် ယောင်ကျိရန် လွှတ်လိုက်သည့်လူဖြစ်ပါက ယောင်ကျိုကျိုး သိပေလိမ့်မည်။ အနည်းဆုံးတော့ ထိုလူများကို ယောင်ကျိုကျိုးက ကုမ္ပဏီ၌မြင်ဖူးထားလောက်မည်။ မင်လျိုရီက ချက်ချင်းပဲ စုံစမ်းရန် လူကို စေလွှတ်လိုက်တော့သည် ။

ယုဟန်က တဖြည်းဖြည်းပြန်စဥ်းစားကြည့်ရင်း ထိုလူ၏ရုပ်ရည်ကိုပုံပေါ်လာသည်။ သူပြန်ပြောလိုက်သည် ။

' ခေါင်းဆောင်က ထိပ်ပြောင်တယ် ၊အရပ်ပုပြီး သူ့ရဲ့နားရွက်အောက်မှာ ထင်ရှားတဲ့ မှည့် ရှိတယ်... သူတို့ကမျက်နှာကိုဖုံးကွယ်ဖို့ ဆေးပလာစတာတွေကပ်ထားပေမဲ့ ဝရုန်းသုန်းကာဖြစ်တဲ့အချိန်မှာ ကွာကျကုန်တာ... ငါအကုန်လုံးတွေ့လိုက်ရတယ် '

မင်လျိုရီက ထိုခွဲခြမ်းစိတ်ဖြာ၍ရလာသော သွင်ပြင်ကို ယောင်ကျိကျိုးအား ပြန်ပြောလိုက်သည် ။ သူခဏလောက်တွေးကြည့်ပြီး ထိုလူကိုသူသေချာပေါက် မြင်ဖူးကြောင်း အတည်ပြုလိုက်သည်။

ထိုသူကသည် ယောင်ကော်ပိုရေးရှင်း အတွက် တစ်ချို့သော မြေကွက်ပရောဂျက်တစ်ချို့ကို စာချုပ်ချုပ်ခဲ့ဖူးလောက်သည် ။ ထို့အပြင် ထိုလူက ယောင်ကျိရန်နှင့်လည်းရင်းနှီးပြီး သူ့ရုံးခန်းကိုပင် တိုက်ရိုက်သွားလေ့ရှိသည် ။

ယောင်ကျိကျိုးက အလေးအနက်ဖြင့် မင်လျိုရီကို ပြောလိုက်သည် ။

" ဒီကိစ္စကတကယ်ကို ယောင်ကျိရန်နဲ့ ပက်သက်နေတာပဲ... သူဘယ်လောက်လိုချင်လဲ မေးလိုက်... "

ယောင်ကျိုကျိုးက ယောင်ကျိရန်၏ပါဝင်ပက်သက်နေမှုကို အတည်ပြုပေးပြီးနောက်တွင် မင်လျိုရီသက်ပြင်းချလိုက်သည် ။

' အဲ့ဒါက တကယ်ကို ယောင်ကျိရန်လုပ်နေတာပဲ... '

ယောင်ကျိရန်သည် ယောင်ကျိကျိုးနှင့်တိုက်ရိုက်မဖြေရှင်းရဲသလို သူမကိုလည်း ဘာမှမလုပ်ရဲသောကြောင့် တစ်ခြားတစ်ဖက်မှတိုက်ခိုက်ရန် လူများလွှတ်လိုက်ခြင်းဖြစ်သည် ။

' ဒီလိုလက်သီးပုန်းနည်းလမ်းနဲ့ တိုက်ခိုက်တယ်ပေါ့... ဒီယောင်ကျိရန်က တကယ်အဆိုးဆုံးပဲ...'

မင်လျိုရိသည် ထိုသို့တွေးပြီးနောက်စာပြန်လိုက်သည် ။

" ရှင့်ကိုဒီလိုတွေ တွေ့ကြုံစေခဲ့မိတဲ့အတွက် ကျွန်မစိတ်မကောင်းပါဘူး... ကျွန်မယောက်ျားက ဒီကိစ္စနဲ့ပက်သက်ပြီး အပြည့်အဝတာဝန်ယူပေးပါလိမ့်မယ်... ရှင်ပိုက်ဆံဘယ်လောက်လိုသလဲ... ကျွန်မတို့ အကုန်လုံး ပေးပါ့မယ်..."

ယုဟန်က မက်ဆေ့ချ်ကိုကြည့်ရင်း မျက်လုံးပြူးသွားသည်။ မင်လျိုရီက တည့်တိုးပြောလာလိမ့်မည်ဟု သူမထင်ထားပေ။ မင်လျိုရီက ချမ်းသာသည့်အိမ်တော်နှင့်လက်ထပ်ပြီး သူဌေးတစ်ယောက်ဖြစ်လာခဲ့သည်။ ထိုအချိန်တုန်းက သူမနှုတ်ဆက်စကားတောင်မဆိုဘဲ ထွက်သွားခဲ့တာ အံ့သြစရာမရှိတော့ပေ ။ သူမက ' ကျွန်မယောက်ျားက တာဝန်ယူပါလိမ့်မယ်' ဟုပင် ပြောလိုက်သေးသည်။ မင်လျိုရီက ထိုသူဌေးနှင့် ဆက်ဆံရေးကောင်းပုံရ၏။ အရင်က မင်လျိုရီသူ့ကိုလိုက်ပိုးပန်းပြီး အကြိုက်ဆောင်ပေးခဲ့သည်ကိုတွေးမိရင် သူဒေါသထွက်သွားမိသည် ။

သို့သော် သူမနေရာတွင်သူသာဆိုလျင် ထိုသို့ပဲရွေးချယ်မိပေလိမ့်မည်။ ထိုအချိန်က ချမ်းသာသည့်မိန်းမတစ်ယောက်က လာရှာခဲ့လျှင် သူလည်းနှုတ်မဆက်ဘဲ ပျော်ပျော်ကြီးထွက်သွားမှာဖြစ်သည် ။ မင်လျိုရီ၏ ရွေးချယ်မှုက မမှားပေ ။ ငွေရစရာရှိနေသ၍ အဲ့ဒါက အကောင်းချည်းပဲ ဖြစ်သည် ။ တစ်ခြားအရာတွေကတော့ အရေးပါသည့်ကိစ္စများမဟုတ်ပေ ။

ထိုသို့တွေးမိပြီးနောက် ယုဟန်ကမတန်တဆစျေးကို ရေး၍ စာပြန်လိုက်သည် ။

'အနည်းဆုံး ၆သန်း..: တကယ်လို့ အဲ့ဒါက မလောက်သေးဘူးဆိုရင် ငါမင်းကို ထပ်ပြောမယ်...'

မင်လျိုရီက သူတောင်းသည့်ပမာဏကို တွေ့လိုက်ရသောအခါ ထိတ်လန့်သွားပြီး ချက်ချင်းပဲ ယောင်ကျိကျိုးကို ပြောလိုက်သည် ။ ယောင်ကျိကျိုးကြားသောအခါ လှောင်ရယ်လေသည်။ ထိုပမာဏက ပမာဏအစစ်ထက်ပင် ပိုရယ်စရာကောင်းနေသည် ။ ထိုလူက သူတို့ကို ငွေညစ်ချင်နေပြီး ပြဿနာက သူငွေညစ်ချင်သည့်သူက ယောင်ကျိကျိုး ဖြစ်နေတာပင် ။

ယောင်ကျိကျိုးက အေးစက်စွာ ပြောလိုက်သည် ။

"ပိုက်ဆံက ပြဿနာမဟုတ်ပါဘူး... ဒါပေမဲ့ ဒီလိုပုံစံမျိုးနဲ့တော့ ကိုယ်မပေးနိုင်ဘူး... အဲ့ဒါကို ကိုယ်တစ်ခုခုပြောင်းလဲရမယ်..."

နောက်တစ်နေ့မနက်က ပုံမှန်နေ့များကဲ့သို့ မဟုတ်ဘဲ အရမ်းအလုပ်ရှုပ်၍ ယောက်ယတ်ခတ်နေသည်။ သူအိပ်ယာထကတည်းက ပထမဆုံးအကြိမ်အဖြစ် ယောင်ကျိကျိုး ကိုယ်တိုင်ကိုယ်ကျ ကိစ္စတစ်ချို့ကို စီမံနေခြင်း ဖြစ်သည် ။ ဟဲရှန့်ပင်လျှင် ယောင်ကျိကျိုးအတွက် စီစဥ်ပေးရန်ဗီလာသို့ အစောကြီးရောက်လာရသည် ။ အတွင်းရေးမှူးက ယောင်ကျိကျိုးကို စက်ချုပ်ဆရာဆီသီးသန့်အပ်ထားသော ဝတ်စုံနှင့် မင်လျိုရီအတွက် ရာသီသစ်အဝတ်များကို ယူလာပေးသည်။

အိပ်ခန်းထဲတွင် မင်လျိုရီက အဝတ်အထည်အတန်းလိုက်ရှေ့၌ ရပ်နေပြီး ယောင်ကျိကျိုးအတွက် အထူးတလည်အဝတ်အစားရွေးပေးနေသည် ။ ဒါက ယောင်ကျိကျိုးနှင့်သူမ ပထမဆုံးအကြိမ် အတူတူအပြင်ထွက်ချင်းဖြစ်သောကြောင့် သူမ သေချာပြင်ဆင်ထားမှဖြစ်မည် ။ ထို့အပြင် သူမကရည်းစားဟောင်းနှင့်ပါ တွေ့ရအုန်းမည်ဖြစ်သည့်အတွက် သူမ မျက်နှာအပျက်ခံလို့ မဖြစ်နိုင်ပေ။ မင်လျိုရီက ဖုန်းထုတ်ကာ ဒီနေ့အတွက်မိုးလေဝသခန့်မှန်းချက်ကို ကြည့်ပြီး အဝတ်ရွေးလိုက်သည်။

" ဒီနေ့က နည်းနည်းပူတာပဲ... မီးခိုးရောင်ဆိုရင်ရော ဘယ်လိုလဲ..."

ယောင်ကျိကျိုး၏မျက်နှာထက်၌ အပြုံးတစ်ခုဖြစ်ပေါ်လာသည်။

သူမိန်းမကအရမ်းကောင်းတာပဲ... သူမက ရာသီဥတုကိုပါကြည့်ပြီး အဝတ်ရွေးပေးသေးတယ်...

ယောင်ကျိကျိုးက ခေါင်းညိတ်ပြသောအခါ မင်လျိုရီက ကျောက်ချမ်းကို အဝတ်လဲဖို့ကူညီရန် ခေါ်လိုက်သည်။ ထို့နောက်မှသာ သူမကသူမအတွက် အဝတ်အစားများကို ရွေးချယ်လိုက်သည်။ မင်လျိုရီက 'Klein' ဘရန်းမှ အပြာရောင်ဒူးအတိဂါဝန်ကို ရွေးချယ်လိုက်သည် ။

အဝတ်လဲပြီးနောက် သူမကမှန်ကြည့်လိုက်သောအခါ ထိုဝတ်စုံက သူမ၏ခန္ဓာကိုယ်နှင့် လုံးဝကို ကွက်တိကျနေသည်။ မင်လျိုရီက ကျေနပ်စွာဖြင့် ခေါင်းညိတ်လိုက်သည်။ ယောင်ကျိကျိုးအဝတ်အစားလည်းပြီးချိန်၌ သူမကတစ်ချက်သွားကြည့်လိုက်သည် ။ ထိုသူကဝှီးလ်ချဲလ်ပေါ်တွင် ထိုင်နေရသော်လည်း ကျော့ရှင်းကာအထက်တန်းဆန်သောပုံစံနှင့် စိတ်ဓါတ်ကလည်းမြင့်မားသည်။ မင်လျိုရီက သေချာကြည့်လိုက်မှ သူနက်ခ်တိုင်မဝတ်ထားတာကို တွေ့လိုက်ရသည်။ သူမက ဒါကို အနည်းငယ် မရေမရာဖြစ်နေ၏ ။

'ကျောက်ချမ်းက သေချာတိကျတဲ့သူပါ ၊ ဒါကို သူက ဘယ်လိုလုပ် သတိမထားရတာလဲ...'

ယောင်ကျိကျိုးက ဝှီးလ်ချဲလ်ပေါ်တွင် ထိုင်နေပြီး တစ်ယောက်ယောက်က သူ့အား စိုက်ကြည့်နေသည်ကို သတိထားမိသွားသည်။ ထို့နောက်ခြေသံတချို့ကြားလိုက်ရပြီး မင်လျိုရီပြန်လာနေသည်ကို သိလိုက်သည် ။ မဟုတ်လျှင် သူ့ကို ထိုကဲ့သို့ မည်သူမှ စိုက်ကြည့်ရဲမည် မဟုတ်ပေ ။

မင်လျိုရီ မှန်းသိသွားသောအခါ သူ့မျက်နှာကပြုံးသွားပြီး ညင်သာစွာပြောလိုက်သည်။

" အချစ်... မင်းပြန်လာပြီလား... ကိုယ့်ကိုယ် နက်ခ်တိုင်ချည်ပေးမလား..."

🥰

Prev Next