MM Story Teller

အပိုင်း၉၃

Viewers 8k

🥰 Chapter 93 ✅

ယုဟန် အသိပြန်ဝင်လာချိန်တွင် မင်လျိုရီ၏နောက်၌ နောက်ထပ်လူတစ်ယောက်ရှိနေသေးသည်ကို သတိပြုမိလိုက်သည်။ ထိုလူက ဝှီးလ်ချဲလ်ပေါ်တွင် ထိုင်နေပြီး ဝတ်စုံသားသားနားနားဝတ်ဆင်ထားသည်။ ထိုလူ၏နက်ခ်တိုင်အရောင်နှင့် မင်လျိုရီ၏အင်္ကျီအရောင်က လိုက်ဖက်နေသည်။ ထိုလူ၏ မျက်လုံးများက ဖုံးကွယ်ထားသော်လည်း ကြည့်ကောင်းနေဆဲဖြစ်သည်။ သူကဝှီးလ်ချဲလ်ပေါ်တွင်

ထိုင်နေပြီး သူ့ကိုစောင့်ကြပ်ပေးနေသော လူတစ်စုက အနားတွင်ရှိနေသည် ။ သူကအဓိကလူပဲ ဖြစ်ရမယ်...

'ဒါဆို ဒီလူက မင်လျိုရီရဲ့ယောက်ျားပေါ့'

ယုဟန်က ပြောလိုက်သည် ။

" လျိုရီ... မတွေ့ရတာ ကြာပြီနော် "

ယုဟန်က သူမအားရင်းနှီးစွာခေါ်နေသည်ကို ကြားလိုက်သောကြောင့် သူမ ချက်ချင်းမျက်မှောင်ကျုံ့သွားမိသည်။ မူလကိုယ်က ဟုဟန်ကိုသဘောကျသော်လည်း လက်ရှိမင်လျိုရီကတော့ သူ့ကိုသဘောလည်းမကျသလို ထိုသူနှင့်လည်း ဘာမှမပက်သတ်ချင်ပေ။ လက်ရှိကာလ၏မင်လျိုရီက ယောင်ကျိကျိုး တစ်ဦးတည်းနှင့်သာသက်ဆိုင်သည်။

ယောင်ကျိကျိုး ဒေါသထွက်သွားမှာကိုလည်း မင်လျိုရီက အလွန်စိုးရိမ်နေသေးသည်။ ဘယ်ယောက်ျားကမှ သူ့တို့ဇနီးကို ထိုသို့ခေါ်တာမျိုး သဘောကျမည်မဟုတ်ပေ ။

မင်လျိုရီက အေးစက်စွာပြောလိုက်သည် ။

" ကျွန်မကို နာမည်အပြည့်အစုံပဲခေါ်ပါ "

ယုဟန်က ပြီးစလွယ်သာနေတတ်သောသူဖြစ်သောကြောင့် သူမလို အရှက်ရတာမျိုးရှိမနေပေ။ မင်လျိုရီကို သူလာစေချင်သည့်အကြောင်းက ငွေညစ်ရန်ဖြစ်သည်။ ထိုမှသာ အနာဂတ်တွင် သူသက်တောင့်သက်သာ နေနိုင်ပေမည်။ ထိုအရာထက် ဘာကမှပိုအရေးမကြီးပေ။ ငွေသာရမည်ဆိုလျင် ယုဟန်ကဘာမဆိုလုပ်နိုင်သည် ။

ယုဟန်က ဒေါသမထွက်သည့်အပြင့်ပြုံးလိုက်သည်။သူကယောင်ကျိကျိုးကို ကြည့်ကာပြောလိုက်သည် ။

" ပြီးတော့ ခင်ဗျားက .."

မင်လျိုရီက ဘာကိုမှဖုံးကွယ်မထားပေ။ ယောင်ကျိကျိုးက ဝှီးလ်ချဲလ်ပေါ်တွင်ထိုင်နေပြီး မမြင်ရသေးသော်လည်း အနာဂတ်တွင်ပြန်ကောင်းလာလိမ့်မည် ။ ထို့အပြင် သူ့အားရန်သွားစမိပါက အဆုံးသတ်

ကောင်းမည်မဟုတ်ပေ။ အနာဂတ်တွင် မည်သူမဆို ယောင်ကျိကျိုးက သူမ၏ခင်ပွန်းဆိုတာကို သိလာလိမ့်မည်။

မင်လျိုရီက ယုံကြည်မှုရှိရှိပြောလိုက်သည် ။

" ဒါက ကျွန်မယောက်ျား ယောင်ကျိကျိုး "

ယောင်ကျိကျိုးက တစ်ချိန်လုံးမျက်လုံးမှိတ်ထားပြီး သူ့ကိုတစ်ချက်လေးပင်လှမ်းမကြည့်သည့်အတွက်ယုဟန် ရုတ်တရက်အနည်းငယ် မပျော်မရွှင်ဖြစ်သွားသည်။

' ဒီလူက အရမ်းမောက်မာတာပဲ... သူက ချမ်းသာတော့ရော ဘာဖြစ်တုန်း...'

ယောင်ကျိကျိုးက ယုဟန်၏အတွေးများကို သတိထားမိပုံရသော်လည်း စိတ်ထဲထားမနေပေ။ ထိုအစား သူကယုဟန်ကို အလွန်ပွင့်လင်းသော ပုံစံဖြင့်သာပြောလိုက်သည် ။

" စိတ်မကောင်းပါဘူး... ငါ့ မျက်လုံးက သိပ်မကျန်းမာသေးလို့..."

ထိုစကားကြားသောအခါ ယောင်ကျိကျိုး တစ်ချိန်လုံး မျက်လုံးမှိတ်ထားရသည့်အကြောင်းကို ယုဟန်နားလည်လိုက်သည် ။

' ဒါပေမဲ့ ဒီလိုတောင်ဖြစ်နေတာကို သူကဘာလို့ အိမ်မှာမနေခဲ့တာလဲ... သူဘာဝင်ပါစရာလိုသေးလို့လဲ ... သူက မင်လျိုရီကို နှိပ်စက်နေတာများလား...'

သို့သော်လည်း မင်လျိုရီ၏လက်ရှိလှပနေသည့်အသွင်အပြင်ကြောင့် အရင်ကခံစားချက်အဟောင်းများက သူကိုတစ်ဖန်ပြန်တောက်လောင်ချင်လာအောင်လှုံဆော်နေသည်။

ယုဟန်က ပြုံးကာ ပြောလိုက်သည် ။

" ခင်ဗျားနေမကောင်းဘူးဆိုမှတော့ အိမ်မှာ နားနေသင့်တာပေါ့... ဒီလိုကိစ္စသေးသေးလေးကို ခင်ဗျားကိုယ်တိုင် အပင်ပန်းခံစရာမလိုပါဘူး... "

ယောင်ကျိကျိုးက ထိုစကားကြောင့်လှောင်ရယ်လိုက်သည်။

သူသာဒီနေ့လိုက်မလာရင် ဒီတေလေဂျပိုးကသူ့ဇနီးကို အနိုင်ကျင့်နေမလားဆိုတာ ဘယ်သူကသိမှာလဲ...

ပိုက်ဆံဆိုတာကိစ္စသေးသေးလေးပါပဲ... ဒါပေမဲ့ မင်လျိုရီကို မှဲ့တစ်ပေါက်စွန်းစေခဲ့ရင်တော့ သူက သေဖို့ထိုက်တန်သွားပြီ...

ထိုကောင်းတာတစ်ခုမှမရှိသည့်သူက သူမဆီမှငွေညစ်ချင်နေတာတစ်ခုနဲ့တင် သူမကိုတစ်ယောက်တည်း မလွှတ်သင့်ကြောင်း သူယုံကြည်သည်။

" ငါ့ဇနီးရဲ့ကိစ္စတိုင်းက အရေးကြီးတဲ့ကိစ္စလို့ သတ်မှတ်လို့ရတယ်... သူမကိုဘယ်လိုနစ်နာတာမျိုးကိုမှ ငါမဖြစ်စေချင်ဘူး..."

ယောင်ကျိကျိုး ထိုသို့ပြောလာလိမ့်မည်ဟု ယုဟန်မထင်ထားပေ။ သူက ကိုးရိုးကားယား ပြုံးလိုက်သည်။

ဒီနေ့ဘယ်သူပဲလာလာ သူတို့ကသူ့ကိုငွေပေးဖို့ပဲ လိုတယ်။

မင်လျိုရီက ဘေးတွင်ရပ်နေပြီး ယောင်ကျိကျိုးကို နူးညံ့စွာကြည့်လိုက်သည်။ ယောင်ကျိကျိုးကလည်း အချိန်ထပ်မဖြုန်းချင်တော့သည့်အတွက် တိုက်ရိုက်ပဲ မေးလိုက်သည် ။

" ဆိုင်ရှင်ဘယ်မှာလဲ..."

ဆိုင်ရှင်နှင့်သူ့ဇနီးက အလွန်ရိုးသားသည့်အတွက် ငွေအများကြီးတောင်းမည်မဟုတ်မှန်း ယုဟန်သိသည်။ သို့သော်လည်း ယခူအခြေအနေက ကြုံတောင့်ကြုံခဲ အခွင့်အရေးမျိုးဖြစ်သည်။ ဒါကို လွဲချော်သွားတာနှင့် နောက်တစ်ကြိမ်ဆိုတာ ရှိမလာနိုင်ပေ။ ထို့အပြင် သူတို့ကချမ်းသာသည့်မိသားစုဖြစ်သည့်အတွက် ထိုကဲ့သို့ ငွေပမာဏမဆိုသလောက်လေးကို ဂရုစိုက်လိမ့်မည်မဟုတ်။ အဆုံးတွင်တော့ ထိုကဲ့သို့ချမ်းသာသည့်သူများက ပြဿနာရှာပြီးလျင်ပိုက်ဆံနှင့် ဖြေရှင်းရတာကို သဘောကျသည့်သူများသာဖြစ်သည် ။

ယုဟန်က ခဏလောက်တွေးကြည့်ပြီး အမြန်ပဲ ပြန်ဖြေလိုက်သည် ။

"ဒီကိစ္စကိုကိုင်တွယ်ဖို့ ဆိုင်ရှင်ကကျွန်တော့်ကို အာဏာအပြည့်ပေးထားတယ်... လျော်ကြေးအတွက် ကျွန်တော်နဲ့တိုက်ရိုက်ဆွေးနွေးလို့ရပါတယ်..."

ထိုတေလေဂျပိုးက အားလုံးကိုအစီစဥ်ချထားပြီး သူ့သူဌေးကိုပင် မလိုက်လာစေတာကို ယောင်ကျိကျိုး သဘောပေါက်သည်။ ယောင်ကျိကျိုးက ချမ်းသာပြီးတုံးအသောသူ မဟုတ်ပေ။ ဒီလူကိုအောင်မြင်ခွင့်ပေးမည်မဟုတ်သလို အခွင့်အရေးရလျှင် သင်ခန်းစာပါ ပေးလိမ့်မည်။

ယောင်ကျိကျိုးက ပုံမှန်အတိုင်းသာ ပြောလိုက်သည်။

"ဟဲရှန့် အထဲကို လူတွေခေါ်လာလိုက်... ဆုံးရှုံးတာတွေစစ်ပြီး စာရင်းချရေးလိုက်..."

မစ္စတာဟဲ့က ချက်ချင်းသဘောတူလိုက်ပြီး အထဲသို့ လူများခေါ်ကာ ပြန်ဝင်လာသည်။ သူတို့က အထဲတွင် ပြန်လည်ပြုပြင်နိုင်တာထက် အပျက်အစီးအလွန်များလိမ့်မည်ဟု ထင်ထားသော်လည်း တကယ်တမ်းက ဘာမှထွေထွေထူးထူး မဟုတ်ပေ ။

မှန်တံခါးနှင့်ထိုင်ခုံစားပွဲအချို့သာ ပျက်စီးနေခြင်း ဖြစ်သည်။ ငွေရှင်းကောင်တာနှင့်စားဖိုချောင်တို့ကလည်း အဆင်ပြေနေပြီး ဘာမှအထိအခိုက်မရှိပေ။

အထဲဝင်လာသောလူများကိုကြည့်ပြီး ယုဟန် ရုတ်တရက်မကျေမနပ်ဖြစ်သွားသည်။

' သူက အပျက်အစီးကိုစစ်ဆေးဖို့ လူတွေကိုခေါ်လာတာလား... ငါ့ကိုဒီတိုင်းလေး မကျော်သွားချင်ဘူးဆိုတာ ရှင်းနေတာပဲမဟုတ်ဘူးလား... ကြည့်ရတာ ဒီနေ့တော့ ငါ့ရဲ့အမြတ်အစွန်းကို မရတော့ဘူးထင်တယ် ..'

🥰

Prev Next