အပိုင်း ၅၄

Part 54

လျိုယွီရှန်းမှာ​ခေါင်းမာသည်ဟုဆိုနိုင်သည်။ ဤကဲ့သို့အရိုက်ခံရပြီးတာ​တောင်မှ ချီကျန်းကျန်းကို စဥ်းစားရဲ​သေးသည်။ သူက သူမကို သူ့၏သတို့သမီး​လောင်းအဖြစ်လ်ုချင်​နေဆဲပင်၊

သို့​သော်ထ်ုစကားကိုပြော​နေစဥ်မှာပင် သူ၏​ခေါင်းထဲ၌ ၀မ်ယွီ၏​​ရေခဲတမျှအေးစက်​သော အမူအယာနှင့် သြရှ​သောအသံဖြင့်​မေးခဲ့သည်ကိုကြား​ယောင်လာမိသည်။

မင်းချီကျန်းကျန်းကိုလက်ထပ်ချင်​သေးလား။

လျိုယွီရှန်းမှာ ကြက်သီးများထလာပြီး ဇက်ကိုပုလိုက်မိသည်။ 

သူ၏ကျိုးထား​သောလက်​မောင်းပင် ပို၍ကိုက်ခဲလာသ​ယောင်။ နာကျင်လွန်း၍ ရင်ထဲမှာငို​နေရသလိုမျိုး။

သို့နှင့်​ဆေးရုံက​ဆင်းသည်နှင် လျိုယွီရှန်းမှာ သက်​တော်​စောင့်အသစ်များရှာချင်ခဲ့သည်။ ၀မ်မိသားစုမှာ ၀မ်ယွီအားပစ်ပယ်ထားသည်မို့ သူ့ကို​နောက်ထပ်ဘာမှလုပ်နိုင်လိမ့်မည်မဟုတ်​ချေ။

သူချီကျန်းကျန်းကို သ​ဘောကျသွားတာ​ကြောင့် ဘာမှမလုပ်နိုင်ခင်မှာပင် အကန်ခံလိုက်ရပြီး လက်ကလည်းအချိုးခံလိုက်ရသည်။ ထိုသည်ကပင် သူသည်ချီကျန်းကျန်းကိုပို၍လိုချင်စိတ်ဖြစ်လာ​အောင် လုပ်​နေခဲ့သည်။

သူမကိုမည်သို့ရ​အောင်လုပ်ရမည်နည်း။

သူခံလိုက်ရတာကို အလကား​တော့အဖြစ်မခံနိုင်​ချေ။

လျိုယွီရှန်း၏စကားကိုကြားလျှင် ​ဆေးရုံခန်းထဲမှလုများအားလုံး ​အေးခဲသွား​တော့သည်။

အထူးသဖြင့် ချီယန်နှင့် တင်းယီကျွင်းပင်။ သူတို့မှာအခင်ဖြစ်ပွားစဥ်က ချီကျန်းကျန်းလည်းရှိ​နေခဲ့တာ​ကြောင့် လူမှူ​ရေးအရတစ်​ခေါက်​လောက်လာ လာကြည့်​ပေးခဲ့တာဖြစ်သည်၊ သို့​သော် လျိုယွီရှန်းမှ ချီကျန်းကျန်းကို လက်ထပ်ချင်သည်ဟု ကြားလိုက်ရမည်ဟုမထင်ထားခဲ့​​ချေ။

ချီယန်မျက်​​မှောင်ကျုံ့လိုက်မိသည်။

တင်းယီကျွင်း၏မျက်နှာကလည်းမသာယာစွာ မဲ​မှောင်သွားခဲ့သည်၊

၀မ်ယွီကအသုံးမကျသလို ဘာ​နောက်ခံမျှလည်းမရှိ​ချေ။  လျိုယွီရှန်းမှာလည်း ​​ပွေရှုပ်ပြီး တက်လမ်းမရှိ

မိခင်တစ်​​ယောက်အ​နေဖြင့် သူမက​တော့သူမ၏သမီးဖြစ်သူမှာ တစ်​ယောက်နှင့်မှမတန်ဟုထင်သည်။

လျိုယွီရှန်း ၀မ်း​ခေါင်းသံကြီးနှင့်ဆိုလာပြန်သည်။

"၀မ်ယွီကျွန်​တော့်ကိုရိုက်သွားတယ်၊ ဒါ့​ကြောင့် သူ့မိန်းက​လေးက်ု ကျွန်​တော့်က်ု​ပေးရမယ်၊ ကျွန်​တော်ချီကျန်းကျန်းကိုလိုချင်တယ်၊ ၀မ်စီစီကိုမလိုချင်ဘူး"

၀မ်ကျင်စန်း၏မျက်နှာမှာမူ လွန်စွာ ရုပ်ဆိုးလာ​ခဲ့​တော့သည်။

၀မ်ယွီနှင့် ချီကျန်းကျန်းကို လက်ထပ်​ပေးခြင်းဖြင့် သူတို့မှာ အရင်းအနှီးစိုက်စရာမလိုပဲ ​ရေရှည်အကျိုးအမြတ်ကိုရ​စေလိမ့်မည်။ သူမည်သို့သ​ဘောတူနိုင်မည်နည်း။

ထို့အပြင် ထိုစကားကို ၀မ်မိသားစု​ရှေ့တွင် ​ပေါ်တင်​ပြောခဲ့သည်။ ၀မ်စီစီအစား ချီကျန်းကျန်းကို လိုချင်သည်ဆိုသည်မှာ ၀မ်မိသားစုအား လုံး၀မျက်နှာဖျက်​နေခြင်းမဟုတ်ပါ​လော။

ဘာကိုအ​လျော်အစားလဲ၊

ဤသည်မှာ ၀မ်မိသားစုနှင့် ချီမိသားစု၏မျက်နှာက်ု တ်ုက်ရိုက်နင်း​ချေ​နေခြင်းပင်။

"​တော်​လောက်ပြီ" ၀မ်ရိရန်မှာသည်းမခံနိုင်​တော့ပဲ ​အော်လိုက်​တော့သည်။ 

အခန်းထဲရှိလူများအားလုံးသူ့အား ကြည့်လိုက်မိကြသည်။

ရှု​ေ၀့သူမနှုတ်ခမ်းကိုလှုပ်လိုက်​သော်လည်း ၀မ်ကျင်စန်းကို ကြည့်လိုက်ရာ ရပ်တန့်မည့်ပုံမ​တွေ့လျှင် 

သူမလည်းပါးစပ်ပိတ်လ်ုက်ရ​တော့သည်၊

၀မ်ရိရန်၏မျက်နှာမှာ ရုပ်ဆိုးစွာ

"ဦး​လေးလျို ၊ အန်တီလျို၊ ဟုတ်တယ်၊ လျိုယွီရှန်းကိုရိုက်လိုက်တာ ၀မ်ယွီရဲ့အမှားပဲ၊ သူ လျိုမိသားစုကိုပြန်​တောင်းပန်သင့်တယ်၊ ဒါ​ပေမယ့် သူလျိုယွီရှန်းကို ရိုက်ခဲ့တာကလည်း လျိုယွီရှန်းက ချီကျန်းကျန်းကို အရင်​ကိုယ်ထိလက်​ရောက်နှောင့်ယှက်လ်ု့ပဲ၊

၀မ်ယွီက လျိုယွီရှန်းကို မရိုက်ခဲ့ဘူးဆ်ုရင် ကျွန်​တော်ကလည်း လျိုယွီရှန်းကို ရိုက်ပစ်မှာ"

သူကအသက်ကိုပြင်းပြင်းရှူလျက် ဆက်​ပြောလ်ုက်သည်။ 

"လျိုယွီရှန်းက အရင်ကကျွန်​တော့်ညီမကိုလက်ထပ်ဖ်ု့ဆန္ဒရှိခဲ့တယ်ဆိုရင် ချီကျန်းကျန်းနဲ့သွားမရှုပ်သင့်ဘူး။ အခုကျ ချီကျန်းကျန်းကိုလက်ထပ်ချင်တယ်တဲ့လား။ ​တောင်းပန်ပါရဲ့၊ ၀မ်မိသားစုက​တော့လက်မခံနိုင်ဘူး။ ခင်ဗျားတို့က ၀မ်မိသားစုကို လုံး၀မျက်နှာသာမ​ပေးချင်တာပဲ"

"ပြီး​တော့ ချီမိသားစု" တံခါး၀မှ ချီကျိုးချန်း၏အသံကဟိန်းထွက်လာခဲ့သည်။

"ကျိုးချန်း မင်း​ကျောင်းမသွားဘူးလား" တင်းယီကျွင်း မျက်​မှောင်ကျုံ့လိုက်သည်။ 

ချီကျိုးချန်းမှာ သူ၏​ကျောင်း၀တ်စုံကို၀တ်ဆင်ထားဆဲပင်။ သူကကုတင်​ပေါ်မှ လျိုယွီရှန်းက်ုကြည့်လျက် ​အေးစက်စွာ​ပြောလိုက်သည်၊

"ပြီးမှသွားမယ်၊ အခု​တော့ ဘယ်လို​ကောင်မျိုးက မ​နေ့ညကကျွန်​တော့်အစ်မကို အနိုင်ကျင့်ရဲသလဲကြည့်ဦးမယ်"

တင်းယီကျွင်း ဘာမှမ​ပြော​တော့ပဲ ချီယန်နှင့် မျက်နှာမ​ကောင်း​သော သူမသား​ဘေးတွင်သာရပ်​နေလိုက်သည်၊

ချီယန်ဖြည်းညင်းစွာ စ​​ပြောလာခဲ့သည်။ 

"မ​နေ့ညက​ပြောခဲ့တဲ့စကား​တွေက မူး​နေလို့ဆ်ုပြီး နားလည်​ပေးလို့ရ​သေးတယ်၊ ဒါကိုအခုထိ ဆက်​ပြော​နေ​သေးတယ်ဆို​တော့ နည်းနည်းမလွန်လွန်းဘူးလား"

ချီမိသားစုမှသူမ၏သမီးဖြစ်သူကို အဘယ်​ကြောင့်အမျိုးသားနှစ်​ဦးကြားက အ​လျော်အစားအဖြစ် သ​ဘောထားရဲရသနည်း။

သူမကအရာ၀တ်ထုမဟုတျပေ။

"အကို ၊ စိတ်​​လျှော့ပါ" အ​ဖေလျိုက ပြုံးလျက် အ​ခြေအ​နေကိုဖြန်​ဖြေရန်ကြိုးစားလိုက်သည်၊

"ကျွန်​တော့်ရဲ့ မလိမ်မိုးမလိမ္မာသားက ပြသနာပဲရှာတတ်တယ်၊ သူ​လျှောက်​ပြော​နေတာ​တွေ စိတ်ထဲမထားပါနဲ့"

"အ​ဖေကျွန်​တော်​လျှောက်​ပြော​နေတာမဟုတ်ဘူး၊ ကျွန်​တော်ချီကျန်းကျန်းကိုပဲလိုချင်တာ" လျိုယွီရှန်းမှာ ပြသနာရှာဆဲ.

အ​ဖေလျိုမှာထရပ်လိုက်ပြီး သူ့အား​သေ​စေ​လောက်​သော အကြည့်ကြီးဖြင့် တစ်ချက်ကြည့်လိုက်ပြီး 

"ကျွန်​တော် သားကို အလိုလိုက်ထားတာများသွားတယ်၊ အကိုကျင်စန်းနဲ့ အစ်ကိုချီ၊  ပြီး​တော့ ရိရန်နဲ့ ကျိုးချန်း၊ ဒီ​ကောင့်ကို ​သေချာဆုံးမလိုက်ပါ့မယ်၊ သူ့ကိုဂရုစိုက်မ​နေပါနဲ့"

၀မ်ရိရန်နှင့် ချီကျိုးချန်းတို့မှာ ဘာမှမ​ပြော​သော်လည်းမျက်နှာအမူအယာက​တော့ မ​ကောင်းလှ​ချေ။

၀မ်ကျင်စန်းနှင့်ချီယန်ကမူ အနည်းငယ်​ပြေ​လျော့သွား​သော်လည်း သူတို့လည်းဘာကိုမျှမဆို​ချေ။

အ​ဖေလျိုကတန့်သွားပြီး ဆက်​ပြောလာသည်၊

"၀မ်ယွီကလည်း ဘာမှ​တောင်းပန်​နေဖို့မလိုပါဘူး၊ ကျွန်​တော်သားကပြသနာကိုစခဲ့တာပဲ။ ဒါ​ပေမယ့် သူကိုယ်တိုင်လည်းအခု အိပ်ယာ​ပေါ်လှဲ​နေရတာပဲ​လေ၊ သူ့ကိုခွင့်လွှတ်​ပေးလိုက်ပါ။ သူကခုထိငယ်ပြီးမရင့်ကျက်နိုင်​သေးလို့။"

အ​ခြေအ​နေကသူတို့ဘက်တွင်သာ​နေခဲ့​သော်လည်း လျိုယွီရှန်းက ချီကျန်းကျန်းကိုလိုချင်ပါသည်ဟုထ​အော်လျက် အကုန်ဖျက်ဆီးလိုက်သည်။ ၀မ်ရိရန်က ​ပေါက်ကွဲလာပြီး လျိုယွီရှန်းမှချီကျန်းကျန်းကို​နှောင့်ယှက်ခဲ့သည်ကိုထုတ်​ပြောလာပြီး ချီကျိုးချန်းကပါ​ရောက်လာကာ ချီမိသားစုဘက်မှ မျက်နှာပျက်ရမှုကိုထုတ်​ပြောလာပြန်ရာ  အ​ခြေအ​နေမှာ သူတ်ု့ဘက်မှမဟုတ်​​ချေ။

​တောင်းပန်ခြင်းက အသုံးမ​၀င်​သော်လည်း အနည်းငယ်​ကျေနပ်​အောင်​တော့လုပ်​ပေးနိုင်သည်။

၀မ်ကျင်စန်းနှင့် ချီယန်၏အမူအယာမှာအနည်းငယ်ပို​ကောင်းသွားခဲ့သည်။

" သူကကျွန်​တော့်အစ်မကို အနိုင်ကျင့်ပြီး​တော့ ဒီတိုင်းလွှတ်​ပေးရမယ်​ပေါ့၊ သူ့က်ုရိုက်တာ ၀မ်ယွီ၊ ချီကျန်းကျန်းမဟုတ်ဘူး" 

ချီကျိုးချန်းကမူ အခုထိမ​ကျေနပ်​​သေး​ချေ။ သူ့သည် ငယ်ရွယ်သည်မို့ အကျိုးအမြတ်​တွေဘာ​တွေကိုလည်း စိတ်မ၀င်စား​ချေ။

သူ့အမြင်တွင် လျိုယွီရှန်းမှာ ချီကျန်းကျန်းက်ုထိရဲမှ​တော့ လက်ကျိုးခံရဖို့ထိုက်တန်သည်။

အ​ဖေလျို၏မျက်နှာက​တောင့်သွားပြီး ဖြစ်ညစ်ကာပြုံးလိုက်ရသည်။

 "အစ်ကိုချီ ၊ အစ်ကို့မိသားစုရဲ့ ကျိုးရှန်းကအ​တော်​လေးကြီးလာပြီပဲ။ ​နောက်ဆုံးတစ်​ခေါက်​တွေ့တုန်းက​တောင် သူဒီ​လောက်ထိမရှည်​သေးဘူး​နော်"

သူကသက်ပြင်းချလျက်ဆိုလိုက်သည်

"အာ..ဒီတစ်ကြိမ်​တော့ ယွီရှန်းက ကျန်းကျန်းအ​ပေါ်လွန်ခဲ့မိတာပါ၊ မ​နေ့ညကသူမူးပြီး ​​လျှောက်​ပြောရုံပါ။ ရိရန်နဲ့ တခြားသူ​တွေလည်းရှိ​နေခဲ့တာပဲ သူဘာမှမလုပ်ရဲပါဘူး။လူငယ်​တွေကလှတာ​လေးမြင်ရင်သ​ဘောကျကြတာပဲ​လေ။ သူချီကျန်းကျန်းကိုသ​ဘောကျမိသွားပြီး သူ့ပါးစပ်ကိုမထိန်းနိုင်ခဲ့လို့​နေမှာပါ။ သူ့ကိုချီကျန်းကျန်းကို​တောင်းပန်ခိုင်းလိုက်ပါ့မယ်၊ပြီး​တော့ ​နောက်တစ်ခါဒီလိုမဖြစ်​စေရပါဘူး ကတိ​ပေးပါတယ်"

ချီကျိုးရှန်းတစ်ခုခုဆက်​ပြောချင်​သေး​သော်လည်း

ချီယန်ကသူ့အားတားလိုက်သည်။ ထိုအစားသူက​ပြောလိုက်သည်" ကျွန်​တော့်မှာ သမီးဆိုလို့ ကျန်းကျန်းတစ်​ယောက်ပဲရှိတာ၊  ယွီရှန်းဒီတစ်ခါ​တော့​တော်​တော်လွန်တယ်၊ ​နောက်တစ်ခါဒီလိုမဖြစ်ပါ​စေနဲ့" 

"စိတ်ချပါ" 

၀မ်ကျင်စန်း၏မျက်နှာလည်း​ပြေ​လျော့သွားပြီးပြုံးလိုက်တာ "၀မ်ယွီကလည်း သူ့က်ုရိုက်နှက်တဲ့အထိမလုပ်ခဲ့သင့်ပါဘူး၊ အချိန်ကျရင် သူ့ကိုခေါ်လာပြီး​တောင်းပန်ခိုင်းလ်ုက်ပါ့မယ်၊လူငယ်​တွေရန်ဖြစ်ကြတာပုံမှန်ပါပဲ၊  ကျွန်​​တော်တို့မိသားစုသုံးခုက ရင်းနှ်းတဲ့ မိတ်​ဆွေ​တွေပဲဗျာ၊ ဒါ​တွေ​ပြောမ​နေပါနဲ့​တော့"

ကိစ္စကသည်လိုနှင့်​ပြေငြိမ်းသွား​တော့သည်။

၀မ်ယွီကတစ်စုံတစ်ဦးကိုရိုက်ခဲ့သည်ဆို​​သော်လည်း 

လျိုယွီရှန်းအမှားလည်းပါသည်ပင်။ အားလုံး၏​ရှေ့တွင်ချီကျန်းကျန်းကိုလိုချင်ပါသည်ဟု​ပြောလိုက်ကတည်းက ချီမိသားစုနှင့် ၀မ်မိသားစုကို ရန်စမိကာ ချက်ချင်း လျိုမိသားစု၏အမှားအဖြစ်​ပြောင်းသွားရသည်။

သို့​သော် လျိုယွီရှန်း မှာအိပ်ယာထဲတွင် လှဲ​လျောင်း​နေရဆဲဖြစ်ကာ ​လာမည်​့ပ​ရောဂျက်တစ်ခုအတွက် လျိုမိသားစု၏အကူအညီကိုလည်းလိုသေးသည်မို့ သည်အတ်ုင်း​ကျေ​အေး​ပေးလိုက်ရုံသာတတ်နိုင်သည်၊

မိသားစုတစ်စုထွက်သွားလျှင်  ​ဆေးရုံခန်းထဲ၌ လျိုမိသားစုသာကျန်ရစ်​လေသည်။

"မင်းဘယ်လ်ု​တွေ​ပြောလိုက်ရတာလဲ" ဖန်ကျန်းမှာ သားဖြစ်သူမျက်နှာအားဆွဲဆိတ်လိုက်ချင်​သော်လည်း လျိုယွီရှန်း၏ဖြူ​ဖျော့​သောမျက်နှာ​လေးကိူမြင်လျှင် ဘာမျှမလုပ်ရက်​တော့ပြန်။

လျိုယွီရှန်းမှာ သူ့အ​မေအား သနညးစဖွယ်ကြည့်လျက် ​တောင်းပန်လာသည်။

"မား ကျွန်​တော်ချီကျန်းကျန်းကိုတကယ်ပဲကြိုက်တာ၊ အရင်က၀မ်စီစီက​ကောင်းတယ်လို့ အ​မေ​ပြောခဲ့တုန်းကသားလည်း သူ့ကိ​ုတစ်​ခေါက်​လောက်ကြည့်ပြီး သ​ဘောတူခဲ့တာ​ပေါ့၊ ဒါ​ပေမယ့် အဲဒီတုန်းကချီကျန်းကျန်းကိုမ​တွေ့​သေးဘူး​လေ၊ သူ့က်ုမ​​နေ့ညက​တွေ့လိုက်တုန်းက သားတကယ်ကြိုက်သွားတာ၊ အရမ်း အရမ်း အရမ်းကြိုက်တာ"

"အခုထိပါးစပ်မပိတ်​သေးဘူးလား" အ​ဖေလျို​က​ငေါက်လ်ုက်သည်။ 

"​နောက်ကို ဒီစကားထပ်မကြားရ​စေနဲ့၊ ချီကျန်းကျန်းက​စေ့စပ်ပြီးသားကွ"

"ကျွန်​တော်​လျှောက်​ပြော​နေတာမဟုတ်ဘူးလို့ ကျွန်​တော့်​ကြောင့် ပါးမျက်နှာပျက်ရတာကို သိပါတယ်၊ အဲဒါ​ကြောင့်ဘာမှဆက်မ​ပြောလိုက်တာ၊ ချီကျန်းကျန်းကိုမှမရရင်မယူဘူးဗျာ၊ ​သေတဲ့ထိ ဘယ်သူ့မှမယူဘူး" လျိုယွီရှန်းအခိုင်အမာဆိုလိုက်သည်၊

အ​ဖေလျို၏နှလုံးသားကအနည်းငယ်​ပျော့​ပျောင်းသွားသည်။

သူ့သားကမလိမ်မာလှ​သေည်လည်း ပါးစပ်ပိတ်ထားရန်သာ​ပြော​သော်လည်း သူ့စိတ်ထဲက​တော့မပါလှ​ချေ။

ကိစ္စကရှုပ်​ထွေး​သော်လည်း သ​ဘောကျသွားမှ​တော့ဘာတတ်နိုင်မည်နည်း။

သူ့အ​ဖေ၏အမူအယာအနည်းငယ်​ပျော့​ပျောင်းသွားသည်က်ုမြင်လျှင် လျိုယွီရှန်းက

"ပါး နဲ့မား.. ကျွန်​တော့်လက်​တောင်အချိုးခံလိုက်ရတာ​လေ၊ ၀မ်ယွီကကျွန်​တော်ကို​သေ​အောင်သတ်​တော့မလို့ပဲ၊ ကျွန်​တော်ချီကျန်းကျန်းကို ကြိုက်ရုံ​လေးပါ"

ဖန်ကျန်း၏နှလုံးသားမှာလည်း​ပျော့​ပျောင်းသွားရကာ လျိုယွီရှန်းနှင့် အ​ဖေလျိုအားကြည့်လိုက်သည်။

သူမချီကျန်းကျန်းကိုသိသည်။ ထိုမိန်းက​လေး၏သတင်းမှာမ​ကောင်းလှ ထို့​ကြောင့် အ​မေလျိုကသိပ်သ​ဘောမကျ​ချေ။ သို့​သော်သူမ၏သား​လေးကမူ ထိုမိန်းက​လေးကိုအမှန်တကယ်သ​ဘောကျပုံ​ပေါ်သည်။ 

"ဒါဆို မင်းကချီကျန်းကျန်းနဲ့​စေ့စပ်ရရင်လည်း အခုအပြင်ထွက်ပြီး ပြသနာရှာ​နေဦးမှာလား" ဖန်ကျန်းက​မေးလိုက်သည်။

လျိုယွီရှန်းကပြုံးလိုက်ကာ " ဟင့်အင်း သားထပ်ပြီးအရှုပ်​တွေမလုပ်​တော့ဘူး​နော်၊ ၀မ်ယွီကကျွန်​တော့်လက်ကိုချိုးပြီး​​တောင်ခြိမ်း​ခြောက်ခဲ့​ပေမယ့် ကျွန်​တော် သူ့ကိုလိုချင်​နေတုန်းပဲ"

​ပြောရင်းဖြင့်သူ၏ကျိုး​နေ​သောလက်ကိုပင် လှုပ်ပြလိုက်​သေးသည်။

ဖန်ကျန်းမှာလုံး၀တိတ်သွားရ​တော့သည်။

သူမကအ​ဖေလျိုအားကြည့်လ်ုက်ပြီး 

"အ​ဖေကြီး ရှင့်သားက တကယ်ကြီးတစ်​ယောက်​ယောက်ကိုသ​ဘောကျသွားတာ​လေ၊ ချီကျန်းကျန်းက​လည်းချီမိသားစုကသမီး​လေးပဲ၊ ၀မ်မိစားစုနဲ့ ၀မ်စီစီဆိုတာလည်း ဒီလိုပဲ​ဖြေရှင်းလို့ရပါတယ်၊ ရှင့်ရဲ့သားကိုခံစားရ​အောင်မလုပ်ပါနဲ့လား၊ ချီမိသားစုနဲ့ ​စေ့စပ်လိုက်တာလည်းအဆင်​ပြေမှာပါ..."

အ​ဖေလျိုကဘာကိုမျှမဆိုပဲ မျက်​မှောင်ကြုတ် လျက်​တွေး​တော​နေခဲ့သည်။

အ​တော်ကြာပြီး​တော့မှ သူက​ပြောလာခဲ့သည်။

"မင်းကတစ်ခုခုကိုလိုချင်တယ်ဆိုတိုင်း ​အော်ဟစ်ပြီး​တောင်းလ်ု့မရဘူးကွ၊ မိသားစုနှစ်ခုကိုမျက်နှာပျက်​စေရာမကျဘူးလား"

"ချီကျန်းကျန်းရဲ့ သတို့သား​လောင်းက ၀မ်ယွီဖြစ်​နေလို့​ပေါ့၊ ငါကြည့်လုပ်လိုက်မယ်၊ ချီမိသားစုကမင်းကို​ကျော်ပြီး ၀မ်ယွီကို​ရွေးစရာအ​ကြောင်းကိုမရှိတာ..."

"​ကျေးဇူးပါပါး ကျွန်​တော်ပါးစကားကိုနား​ထောင်ပါ့မယ်..."

xxxxxxxx