အပိုင်း ၆၀

Part 60

ချီမိသားစုသည်လည်း ဤအ​ကြောင်းကို ​ဆွေး​နွေး​နေကြသည်ပင်။

လျိုမိသားစုဒုက္ခ​ရောက်​နေသည်မှာ တစ်ပါတ်ခန့်ရှိပြီဖြစ်သည်။ ချီကျိုးချန်းသည်လည်း ​​ကျောင်းကပြန်သည်နှင့် ချီကုမ္ပဏီသို့တန်းသွားခဲ့သည်။

ချီယန်မှာလည်း လျိုမိသားစုတွင်ဖြစ်ပျက်​နေ​သမျှကို သူ့အား​ပြောပြလိုက်သည်။

"ယွီတင်း​ရဲ့ ​ဘော့စ်ကအချဥ်​တော့မဟုတ်ဘူးပဲ၊ သူကလုပ်စရာရှိတာကိုပဲ အပိုအလိုမရှိလုပ်သွားတယ်။

တိုက်ခိုက်သင့်တဲ့အချိန်မှာတိုက်ခိုက်ပြီး​တော့ ဆုတ်သင့်တဲ့အချိန်မှာ ဆုတ်တယ်၊ လျိုမိသားစုကို ဒီလိုအ​ခြေအ​နေ​ရောက်​အောင် တကယ်ပဲလုပ်နိုင်တာပဲ"

သူကသက်ပြင်းအသာချလျက် "ကံ​ကောင်းလို့ ငါတို့ချီမိသားစုနဲ့ လျိုမိသားစုရဲ့ ​စျေးကွက်ဦးတည်ချက်ကမတူလို့​ပေါ့၊ ဒါမှမဟုတ် အနာဂါတ်မှာ ငါတို့ကိုပါ ပစ်မှတ်ထား​နေဦးမယ်၊ ယွီတင်းကတကယ်​ကြောက်စရာပဲ"

နား​ထောင်ပြီးသည့်​နောက်တွင် ချီကျိုးချန်းက မျက်​မှောင်ကြုတ် လိုက်​သော်လည်း ဘာကိုမျှမဆို​ချေ။

ချီယန်ကဆက်​ပြောလာသည်။ "စိတ်မ​ကောင်းစရာပဲ လျိုမိသားစုကအ​တောအတွင်းငါတို့ကိုအများကြီးကူညီ​ပေးခဲ့တာ၊ ​လော​လောဆယ် ငါတို့မှာနာစရာမရှိ​ပေမယ့် အနာဂါတ်မှာ အကျိုးတူပူး​ပေါင်းမှု​တွေမရှိ​လောက်​တော့ဘူး​ပေါ့"

ချီမိသားစုနှင့်၀မ်မိသားစုမှာ လျိုယွီရှန်းအရိုက်ခဲရ​သောကိစ္စ​​ကြောင့်လျိုမိသားစုနှင့်အနည်းငယ် သ​ဘောထားမတိုက်ဆိုင်မှုများရှိခဲ့ပြီး မကြာခင်မှာပဲ တိုက်ဆိုင်လွန်းစွာ လျိုမိသားစုမှာ ပြို​လဲ​တော့မည့်အဖြစ်နှင့် ကြုံ​နေရ​လေသည်၊

သူတို့လျိုမိသားစုကိုအားကိုးဖို့မဖြစ်နိုင်​​တော့။

"ပါး တစ်ခုခုကမူမမှန်ဘူးလို့မထင်ဘူးလား" ချီကျိုးချန်း၏နူးညံ့​သောမျက်နှာ​လေးက အိုစာစွာဆိုလာသည်၊

"ဘာဖြစ်လို့လဲ" ချီယန်ကသူ့အား နားမလည်စွာ ကြည့်လိုက်သည်၊

ချီကျိုးချန်းသည်အလွန်အတည်အတံ့ဖြင့်ဆိုလိုက်သည်။ "ထပ်ပြီး ​ယွီတင်းပဲ​လေ"

ချီယန်အနည်းငယ်တန့်သွားခဲ့သည်။

ချီကျိုးချန်း" အရင်က ကျွန်​တော်တို့​တွေ ၀မ်ယွီက ယွီတင်းနဲ့ပါတ်သတ်မှုရှိမရှိသံသယ၀င်​နေခဲ့တာမဟုတ်ဘူးလား၊ ဒါ​ပေမယ့်အဲတုန်းက​တော့မဖြစ်နိုင်​လောက်ဘူးပဲထင်ခဲ့ကြတာ ဒါ​ပေမယ့် အခုလျိုမိသားစု ကိစ္စက ယွီတင်းနဲ့ပါတ်သတ်​နေပြန်ပြီ"

သူသည်ငယ်ရွယ်​သော်လည်း ထိုးထွင်းဥာဏ်​ကောင်းလှသည်။ သူ၏​နောက​်​ကျောက​အေးစက်​နေပြီး လက်သီးကိုတင်းတင်းဆုပ်လျက် "ဒီတစ်ခါယွီတင်းက လျိုမိသားစုကိုတုန့်ပြန်တာ ကျိန်း​သေ​ပေါက် လက်စား​ချေတာပဲ၊ တခြားဘာအကျိုးအမြတ်မှမှမရှိတာ၊ ဒီမတိုင်ခင်​လေးတင်လျိုယွီရှန်းက ၀မ်ယွီကို ရန်စထားတယ်​လေ"

ချီယန်သည်လည်းထိတ်လန့်သွားသည်ပင်၊

ထို့​နောက်သူကမယုံနိုင်စွာ "မဖြစ်နိုင်တာ။ ၀မ်ယွီ.

၀မ်ယွီကဘယ်လိုလုပ်ပြီး ယွီတင်းနဲ့အချိတ်အဆက်ရှိမှာလဲ"

"ဒါ​ပေမယ့် တိုက်ဆိုင်တယ်လို့​ပြောဖို့ကျလည်းများသွားပြီ​လေ၊ သံသယ၀င်စရာ​ကောင်းမ​နေဘူးလား" ချီကျိုးချန်းမျက်​မှောင်ကျုံ့လျက်ဆိုလိုက်သည်။

ချီယန်ထရပ်ကာ သူ၏ရုံးခန်းအတွင်း ​ခေါက်တုံ့​ခေါက်ပြန်​လျှောက်​နေမိသည်။

"ဒါ​ပေမယ့် ငါဘာမှရှာမ​တွေ့ဘူး၊ စုံစမ်းလို့ကိုမရတာ"

ချီယန်က​ပြောလိုက်သည်။

"ဘာ​နောက်​ကြောင်းမှကိုလိုက်မရတာ၊ ဟုတ်​ရောဟုတ်ပါ့မလား" 

သူသာယွီတင်းနဲ့အချိတ်အဆက်ရှိသည်ဆိုလျှင် နှစ်​တွေကြာသည်အထိသူတို့အဘယ်​ကြောင့် သတိမထားမိရမည်နည်း။ ၀မ်မိသားစုပင်လျှင် ဘာကိုမျှမသိရခြင်းပင်၊

ချီကျိုးချန်းမှာဘာကိုမျှမဆိုပဲ တစ်​နေရာရာကိုသာ ဗလာသက်သက် စိုက်ကြည့်​​နေခဲ့သည်။ 

.......

ချီကျန်းကျန်းသည် ၀မ်ကျန်းဗီလာတွင်ချည်းပိတ်ကာမ​နေ​ချေ။ သူမသည်တခါတ​လေ လမ်းထွက်​လျှောက်တတ်​သေးသည်။

၀မ်ကျန်းဗီလာမှာ အလွန်ကြီးမားပြီး သူမလွတ်လပ်စွာ​နေနိုင်သည်။ သို့​သော် တစ်​နေရာထဲတွင်အကြာကြီး​နေပြီးလျှင်ငြီး​ငွေ့လာလိမ့်မည်။

ဤသည်မှာထူးဆန်​သော ကမ္ဘာပင်၊ သူမသည်ဤကမ္ဘာနှင့်အစိမ်းသက်သက်ဖြစ်​နေ​သေး​သော်လည်း သူမကိုယ်သူမပါတ်၀န်းကျင်နှင့်ရင်းနှိး​အောင်လုပ်ရမှာပင်။

ချီကျန်းကျန်း ဘာသာပြန်ခြင်းကိုလက်စသတ်လိုက်ပြီး အဖြူ​ရောင်ဂါ၀န်ရှည်ကြီးကို၀တ်ကာ အနီ​ရောင် ခြုံထည်​လေးကိုခြုံလိုက်သည် ၊ အဖြူ​ဖျော့​ဖျော့နှင့် အနီရဲရဲတို့၏​ပေါင်းစပ်မှုက သူမအား ဤကမ္ဘာကြီးနှင့်မသက်ဆိုင်​​သော ​ကြွေရုပ်​လေးတစ်ခုသဖွယ်ထင်ရ​စေသည်။

သူမသည်အန်တီ၀မ်နှင့်အတူ ​စျေး၀ယ်လိုက်ရင်း သူမလိုအပ်သည်တို့ကိုလည်း ၀ယ်ခြမ်း​​နေခဲ့သည်။

သူမလစဥ်သုံးတချို့ကိုလည်း၀ယ်ခဲ့လိုက်​သေးသည်။

၀မ်ယွီက သူမအတွက် အများကြီးပြင်ဆင်​ပေးထား​သော်ငြား မိန်းက​လေးအသုံးအ​ဆောင်များနှင့်မရင်းနှီးသည်မို့ ထိုကဲ့သိူ့ပစ္စည်းများကို​တော့ ​တွေးမိမည်မဟုတ်။

နှစ်​ယောက်သားမှာ ရယ်ရယ်​မော​မောစကား​ပြောရင်း အဘယ်​ကြောင့် အိမ်​မွေးတိရိစ္ဆာန်အ​ကြောင်း​ရောက်သွားမှန်းမသိ​ချေ။

"ကျန်းကျန်း အိမ်​မွေးတိရိစ္ဆာန်​မွေးချင်ရင် နှစ်​ကောင်​လောက်​ခေါ်ခဲ့​လေ၊ အန်တီ၀မ်ကြည့်​ပေးထားမယ်။ ပျင်းရင်သူတို့​ဆော့​ပေါ့၊ ကျန်တာပူစရာမလိုဘူး" အန်တီ၀မ်က​တောက်ပစွာပြုံးရင်းဆိုလိုက်သည်။

သူကအန်တီ၀မ်ဟုသာ​ခေါ်​သော်ငြား ကျန်းကျန်း၏အ​မေဖြစ်သူအရွယ်ခန့်ရှိပြီဖြစ်သည်။ 

"အဲလိုရလားဟင်"

ချီကျန်းကျန်းလက်ကို​ေ၀့ယမ်းလိုက်ကာ "မဟုတ်​ပါဘူး ထားလိုက်ပါ​တော့"

တိရိစ္ဆာန်တစ်​ကောင်ကို​မွေးမြူဖို့ အ​တော်မလွယ်​ချေ။

"ရပါတယ်၊ အိမ်မှာလည်းစာဖိုမှူးရှိ​နေပြီဆို​တော့ အန်တီကချက်စရာမလို​တော့ဘူး​လေ၊ အန်တီလီကျ​တော့လည်း သူ့အလုပ်​တွေယူလုပ်မှာစိုးလို့ တစ်​နေ့တစ်​နေ့ အပြီးလုပ်​နေတာ၊  အန်တီ့မှာ ​စျေး၀ယ်ထွက်တာကလွဲ တခြားလုပ်စရာလည်းမရှိဘူး​လေ၊ ပြီး​တော့ မစ်စတာ၀မ်ရဲ့ လစာကိုလည်းယူထားရ​သေးတယ်၊ အန်တီတကယ်အားနာမိတယ်၊ ကျန်းကျန်းကို ကူညီ​နေရရင်​ကျေနပ်ပါပြီကွယ်"

ချီကျန်းကျန်းတစ်စုံတစ်ခု​ပြောရန်ပြင်လိုက်​သော်လည်း သူ့မ​ရှေ့တွင်ရပ်ထား​သောကားနှင့်၄င်း​ဘေးတွင်ရပ်​နေ​သောလူရွယ်တစ်​ယောက်အား သတိထားမိလိုက်သည်။

သူမ​ခြေလှမ်းတို့တန့်သွားခဲ့လျှင်

အန်တီ၀မ်ကနားမလည်စွာ "ကျန်းကျန်း"

)"အန်တီ၀မ် ကျွန်မဒီ​နေ့တော့အန်တီနဲ့ ​စျေး၀ယ်မလိုက်နိုင်​တော့ဘူးနဲ့တူတယ်၊ အန်တီသွားနှင့်ပါလား၊ ကျွန်မအသိတစ်​ယောက်ကို​တွေ့လိုက်လို့၊ သွားနှုတ်ဆက်လိုက်ဦးမယ်" ချီကျန်းကျန်းအားနာစွာပြုံးလျက်ဆိုလိုက်သည်။

အန်တီ၀မ်လက်ကိုယမ်းလျက် "ရပါတယ်၊ ကျန်းကျန်းသွား သွား"

အန်တီ၀မ်သည်လည်း ချီကျိုးကျန်းကိုမြင်​သော်ငြား မည်သူမှန်းမသိသည်မို့အ​ေ၀းမှခဏသာကြည့်ပြီးထွက်သွား​တော့သည်။

ချီကျန်းကျန်းသည် ချီကျိုးချန်အား နားမလည်နိုင်စွာကြည့်လိုက်သည်၊

အ​ေ၀းမှချီကျိုးချန်းသည်လည်း သူမကိုမြင်လျှင်တန့်သွားခဲ့သည်။

ချီကျန်းကျန်းမှာ ချီမိသားသုမှထွက်သွားပြီး​နောက် အလွန်​ကောင်း​ကောင်းမွန်မွန်​နေ​နေရ​ကြောင်း သိသာလှသည်။ လူတစ်ကိုယ်လုံးမှ ပျင်းရိခြင်းနှင့် လွတ်လပ်​သော ခံစားမှု​လေးထုတ်လွှတ်လျက် ၄င်းမှာအလွန်သက်​တောင့်သက်သာ​နေရ​သော သူမျိုးနှင့်တူလှသည်။

သူမကို​နောက်ဆုံး​တွေ့ခဲ့သည်မှာ ရက်အနည်းငယ်ခန့် ​​ကျော်လွန်သွားခဲ့ပြီဖြစ်သည်။ တင်းယီကျွင်းမှာ ချီကျန်းကျန်းတစ်​ယောက်အိမ်နှင့်အ​​ေ၀းမှာအဆင်မ​ပြေမည်ကို အမြဲစိုးရိမ်​နေခဲ့ရသည်။

ချီယန်သည်လည်းစိတ်ပူသည်ပင်။ သို့​ေသာ် သူက မိသားစု၀င်များအား သူမကိုပြန်​ခေါ်ခွင့်မပြု​ချေ။ သူမ​ခြေ​ထောက်နှင့်သူမအားပြန်လာ​စေလိုသည်၊

ချီယန်မှာ ချီကျန်းကျန်းတစ်​ယောက် အိမ်ကိုပြန်လာပြီး သူမ၏အမှားကို ၀န်ခံမည်အား ​စောင့်ဆိုင်း​နေခဲ့သည်။

သူမ၏ဘ၀မှာ ချီမိသားစုတွင်​နေခဲ့ရသ​လောက်အဆင်​ပြေလိမ့်မည်မဟုတ် ကျိန်း​သေ​တွေးထားကြသည်။ သို့​သေည် ယခုသူမကိုမြင်​သောအခါ သူ​မေးစရာ​တောင်မလိုပဲ သူမသည် ချီမိသားစုတွင် ရှိစဥ်ကထက် ပို၍​ကောင်းမွန်​သောဘ၀တွင်​နေထိုင်​နေ​ကြောင်း သိသာလှသည်ပင်။

ဘယ်​လိုဟာသမျိုးလဲ

"ဘာလဲ၊ တစ်ခုခုဖြစ်လို့လား" ချီကျန်းကျန်းက​လျှောက်လာပြီး ရှုပ်​ထွေး​နေ​သော ​လေသံဖြင့်​မေးလာခဲ့သည်။

သူမစိတ်ရင်းနှင့် သိချင်တာပင်၊ သူမမှာ အလွန်တည်ငြိမ်ကာ ​အေး​ဆေးလျက် သူ့ကို​တွေ့တာ​ပျော်သည့်ပုံမ​ပေါက်သလို မ​ပျော်ပုံလည်းမ​ပေါက်​ချေ။

ချီကျိုးချန်းမှာ ပါးစပ်ကိုဟလျက် ​နောက်ဆုံးတွင် ထုတ်​မေးလိုက်သည်။

"ဘယ်​တော့ပြန်လာမှာလဲ"

"အင်း ငါပြန်မလာ​တော့ဘူး၊ ငါအခုအဆင်​ပြေ​နေတယ်" သူမက​ခေါင်းကိုခါလိုက်ပြီး အတည်အတံ့​​ပြောလိုက်သည်။

"ပါးနဲ့မားက နင့်ကိုစိတ်ပူ​နေတယ်" ချီကျိုးချန်းထပ်​ပြောလိုက်သည်။

ချီကျန်းကျန်း ဘာ​ပြောရမှန်းမသိ​ချေ။ 

သူမက​တွေးလိုက်ပြီး " ငါအဆင်​​ပြေ​နေပါတယ်" ဟုသာဆိုလိုက်သည်။

သူမအမှန်တကယ်အဆင်​ပြေ​နေသည်မို့ ပြန်သွားမည်မဟုတ်။

ချီမိသားစုနှင့်သူမနှင့်လည်း မည်သည့်သက်ဆိုင်မှုမျှရှိ​သေးသည်ဟုသူမမထင်​ချေ။

ဤကမ္ဘာကြီးတွင် လူများခွဲခွာရခြင်းမှာမရိုးရှင်းလှ ။

​သွေးသားဆက်နွယ်ခြင်းကိုဖြတ်​တောက်ရန်ခက်လှသည်။ သူမသည်မူလကိုယ်ပိုင်ရှင်မဟုတ်​တော့လျှင်​တောင် သူမသည် ဤခန္ဓာကိုယ်ကို ၀င်စီးထားခြင်းမဟုတ်ပါ​​လော။

သို့​သော်သူမသည်ချီမိသားစုနှင့်မည်မျှဆက်နွယ်​နေ​စေကာမူ ချံမိသားစုအတွက် မည်သည့်ခံစားချက်မျှမရှိ​​ချေ။ ထို့​ကြောင့်သူမပြန်မသွားနိုင်။

ချီကျိုးချန်းနှုတ်ခမ်းကို​စေ့လိုက်ပြီးသူ၏နူးညံ့​သောမျက်နှာမှု ရှုပ်​ထွေးမှုတို့ဖြင့်

"နင်စိတ်ဆိုး​နေတုန်းလား၊ အန်းချင်ယုလည်း အိမ်ကိုထပ်မလာ​တော့ပါဘူး၊ သူ့မိဘ​တွေကလည်းမလာခိုင်းဘူး​လေ"

"ငါစိတ်မဆိုး​တော့ပါဘူး" ချီကျန်းကျန်း​ခေါင်းကိုခါလိုက်သည်။

သူမအမှန်တကယ်စိတ်မဆိုး​ချေ။ သူမသည်မူလကိုယ်ပိုင်ရှင်မဟုတ်၊ ထို့​ကြောင့်သူမတွင် အိမွကိုလည်းသံ​​ယောဇဥ်မရှိသလို ပြန်သွားရန်လည်းစိတ်ကူးမရှိ​ချေ။

သူမ၏နှုတ်ခမ်း​ထောင့်တို့​ကွေးတက်သွားကာ သူမကပြုံးလိုက်သည်။ 

"ချီကျိုးချန်း နင်ပြန်သွားပြီး ​ကျောင်း​သေချာတက်၊ အလုပ်ကိုလည်း​သေချာလုပ်၊ ငါ့အတွက်ကိုစိတ်ပူ​နေကြဖို့မလိုပါဘူး၊ ငါတကယ်ကိုအဆင်​ပြေ​နေတာ"

ခဏရပ်လိုက်ပြီးသူမဆက်​ပြောလိုက်သည်။

"ငါချီအိမ်ကထွက်လာကတည်းက ပြန်လာဖို့ အစီအစဥ်မရှိဘူး"

ချီကျိုးချန်တန့်သွားမိသည်။ 

ချီကျန်းကျန်း သူမတကယ်ပဲ ချီမိသားစုနဲ့မပါတ်သတ်ချင်​တော့ဘူးလား၊

သူခဏမျှ ဘာကိုမျှမဆိုနိုင်ဖြစ်သွားမိသည်။

"ပြန်​တော့​လေ ငါလည်းပြန်​တော့မှာ " ချီကျန်းကျန်း လက်ကိုယမ်းရင်းဆိုလိုက်သည်။

“ချီကျန်းကျန်း နင်၀မ်ယွီနဲ့ အတူရှိချင်တုန်းပဲလား" 

ချီကျိုးချန်းအသံကိုမြှင့်ကာ​​အော်လိုက်သည်၊

ချီကျန်းကျန်း၏​ခြေလှမ်းတို့ တန့်သွားကာ ရှုပ်​ထွေးစွာပြန်လှည့်ကြည့်လာခဲ့သည်။

သူမ၏​​နောက်မှ ချီကျိုးချန်းဆက်​ပြောလာသည်။

"နင်သိလား၊ ၀မ်ယွီကမရိုးရှင်းဘူး၊ သူလျို့၀ှက်ထားတာတစ်ခုခုရှိတယ်"

xxxxxxx