အပိုင်း ၆၁

Part 61

ချီကျန်းကျန်း အံ့သြသွားပုံပင်မပြ​ချေ။

သူတို့သိသွားပြီလား၊

၀မ်ယွီရဲ့ သရုပ်မှန်ကို​လေ။

"လူအိုကြီးလျိုက ယွီတင်း​ကြောင့်​နေရာကဆင်း​ပေးလိုက်ရပြီ၊ စ​တော့​စျေးကွက်ကလည်းမတည်ငြိမ်ဖြစ်​နေပြီ၊ လျိုမိသားစုကအခု ​ချောက်ကမ်းပါးစွန်းမှာရပ်​နေရပြီ" ချီကျိုးချန်း​ပြောရင်း သူ၏မျက်လုံးတို့က ချီကျန်းကျန်းကို မလွတ်တမ်းစိုက်ကြည့်​​နေခဲ့သည်။

ချီကျန်းကျန်းထို​နေရာတွင်ရပ်​နေရင်း သူမမျက်၀န်းများတွင် အံ့သြရိပ်တို့ထင်ဟပ်လာ​တော့သည်။

ချီကျိုးချန်းသည် ချီကျန်းကျန်း​ရှေ့သို့​လျှောက်သွားလိုက်သည်။ သူသည် သူ၏အစ်မဖြစ်သူထက် အရပ်ပိုရှည်​နေမှန်း​တောင်သတိမထားမိ​ချေ။

သူက​သူမကိုခေါင်းငုံ့ကြည့်လျက် ဆက်​​ပြောလာခဲ့သည်။

"ပြီး​တော့ အဲဒီညတုန်းက နင့်ကိုရိုင်းပြသွားပြီး ၀မ်ယွီကိုလာ​တောင်းပန်ခိုင်းတဲ့  လျိုယွီရှန်းကအခုနိုင်ငံခြားကိုအပြီးထွက်သွားရ​တော့မှာ"

ချီကျန်းကျန်းမျက်နှာ​ပေါ်မှ အံ့အားသင့်မှုကပို၍ထင်ရှားလာခဲ့သည်။

"ချီကျန်းကျန်း ဒါ​တွေအားလုံးက ၀မ်ယွီနဲ့ပါတ်သတ်​နေတယ်လို့ငါထင်တယ်၊ တိုက်ဆိုင်ဖို့အတွက်ကျ များလွန်း​နေတယ်​လေ"

သူ၏မျက်လုံးတို့က အနီးရှိ ၀မ်ကျန်းဗီလာကိုလှမ်းကြည့်​နေကာ မဲ​မှောင်လာခဲ့ပြီး 

"သူမလုပ်ခဲ့ဘူးဆိုရင်​တောင် ၀မ်ကျန်းဗီလာမှာ​နေနိုင်တယ်ဆိုကတည်းက ၀မ်ယွီကမရိုးရှင်းဘူးဆိုတာ သက်သေပြ​နေတာပဲ​လေ၊ ဒီနှစ်​တွေထဲ သူဘာတစ်ခုမှ ထုတ်မပြပဲ သိုသို၀ှက်၀ှက်​နေ​နေတာ"

ချီကျန်းကျန်းအနည်းငယ်အံ့သြသွားခဲ့သည်။

ချီကျိုးချန်းနှင့်ကျန်လူများမှာ ၀မ်ယွီသည် ယုတင်း၏ဥက္ကဌမှန်းမသိကြသည်မို့ မ​ရေရာ​သော်လည်း သူမက​တော့ သိပြီးသား​ပင်။

ဤသတင်းကိုကြားလိုက်သည်နှင့် ​နောက်ကွယ်မှ လူမှာ ၀မ်ယွီဖြစ်​ကြောင်းသူမသိနှင့်ပြီဖြစ်သည်။

ရုတ်ချည်းပင် သူမ၀မ်ယွီအား​မေးခဲ့ဖူးသည်ကို သတိရသွားမိသည်။ လျိုယွီရှန်းကို ရိုက်နှက်မိသည့်အတွက် ပြသနာတက်​လောက်မည်လားဟု။

ထိုစဥ်က ၀မ်ယွီ၏ ​အေး​ဆေး​သောမျက်နှာအမူအယာက လျိုမိသားစုကိုသင်ခန်းစာ​ပေးရန်ဆုံးဖြတ်ပြီးမှန်းသိသာလွန်း​နေခဲ့သည်။

လက်စား​ချေသည်ပဲဆိုဆို ဤသည်မှာ ၀မ်ယွီ၏ ပြတ်သား​သော စိတ်သ​ဘောထားကိုပြသည်ပင်။

ချီကျန်းကျန်းစဥ်းစားလိုက်သည်။ ၀မ်ယွီမှာအမှန်တကယ်ပင် နာမည်ကြီး၀တ္ထု၏ ဇာတ်လိုက်မင်းသားဖြစ်သင့်​​ပေသည်ဟု၊ သူသည် ဘယ်​တော့မှာရှုံးနိမ့်လိမ့်မည်မဟုတ်။

လက်ဖ၀ါးကိုဖွင့်လိုက်လျှင်​ကောင်းကင်ကိုဖမ်းဆုပ်နိုင်ပြီး လက်ဖ၀ါးကို​မှောက်လိုက်လျှင်မူ မိုး​များရွာသွန်း​စေနိုင်သည်။ ဤသည်မှာ၀မ်ယွီပင်။

"ချီကျန်းကျန်း ပြန်ခဲ့ပါ၀မ်ယွီက သိပ်လျို့၀ှက်လွန်းတယ် သူဘာကြံစည်​နေလဲ ဘယ်သူမှမသိနိုင်ဘူး၊ အန္တရာယ်များလွန်းတယ်၊ နင်အခုသူနဲ့အတူတူ​နေ​နေတာ၊ သူ့မှာနင့်အ​ပေါ် အကြံအစည်တစ်ခုခုရှိမရှိ သိနိုင်လို့လား"

၀မ်ယွီမှာအဘယ်​ကြောင့်သူ၏သရုပ်မှန်ကိုဖုံးကွယ်ထားကာ ချီကျန်းကျန်းကိုသူနှင့်အတူ ​ခေါ်သွားရပါသနည်း။

ချီကျိုးချန်းမှာ ထိုလူတစ်ခုခုကြံစည်​နေမည်ကို စိုးရိမ်လှသည်။

ချီကျန်းကျန်းပြန်လာသည့်ကပို၍စိတ်ချရသည်ဟုသူထင်သည်။ ၀မ်ယွီ၏ကိစ္စကိုလည်း အ​နှေးနှင့်အမြန်​ဖော်ထုတ်ရန်လို​ေပလိမ့်မည်။

.......

ကုမ္မဏီကိစ္စရပ်များကို အစီအစဥ်တကျ စီမံပြီးနောက်၀မ်ယွီ ကွန်ပျူတာကိုပိတ်လိုက်သည်။ ထို့​နောက် notebookကိုဖွင့်လိုက်ပြီး သူ၏ဖုန်းကို​ကောက်ကိုင်ကာ​နောက်တစ်ကြိမ်စစ်​ဆေးကြည့်လိုက်သည်။

ချီကျန်းကျန်း သူ့ကို မက်​ဆေ့တစ်​စောင်မျှပို့မထား​ချေ။

သူဖုန်းကိုပြန်ချလိုက်ပြီး အပြင်သို့ထွက်လာခဲ့သည်။

အတွင်း​ရေးမှူးနင်ကသူ့​နောက်မှလိုက်လာခဲ့ပြီး 

၀မ်ယွီကမူဆက်​လျှောက်သွားလျက် "မင်း​နေခဲ့ပြီး လုပ်စရာရှိတာ​တွေ ဆက်လုပ်ထားပါ၊ အ​ရေးတကြီးကိစ္စရှိရင်ဖုန်းဆက်ပြီးတော့ ညီအကို၀မ်ကို ​အောက်ထပ်မှာ​စောင့်ဖို့​ပြောထားလိုက်။

 "ဟုတ်ကဲ့ပါ ဥက္ကဌ"

အတွင်း​ရေးမှူးနင်ကရပ်ကျန်ခဲ့လျက် ၀မ်ယွီက​လျှောက်ကာထွက်ခွာသွား​တော့သည်။

အတွင်း​ရေးမှူးရုံးခန်း​ရှေ့ကဖြတ်လျှင် သူတန့်သွားပြီး လှမ်းကြည့်လိုက်သည်။

ဌာနတစ်ခုလုံး၏ တစ်ဦးထဲ​သောအမျိုးသမီးအတွင်း​ရေးမှူးဖြစ်သူ ၊ သူ့အစား ချီကျန်းကျန်းအတွက် ပစ္စည်းများကူ​ရွေး​ပေး​လေ့ရှိသူသည် သူမစားပွဲ​ပေါ်ရှိပန်းအိုးထဲ ပန်းတချို့ထိုးစိုက်​နေခဲ့သည်။

သူမအလုပ်ကိုတာ၀န်​ကျေ​အောင်လုပ်သည်ကလွဲ ၀မ်ယွီမှာ သူ၏၀န်ထမ်းများ ​နေ့စဥ်ဘ၀တွင် ဘာကိုလုပ်သည်ဆိုတာကို လုံး၀မသိ​ချေ။

သူ၏အမြင်တွင် သိပ်မငယ်လှ​သော အမျိုးသမီးလက်​ထောက်မှာ အလွန်စည်းကမ်းတကျရှိပြီး တည်ငြိမ်သူဟု။

အတွင်း​ရေးမှူး ရှုသည်လည်း တံခါးနားတွင်ရပ်ပြီး သူမလက်ထဲမှပန်းများကိုကြည့်​နေ​သော ၀မ်ယွီအားသတိထားမိသည်ပင်။

အတွင်း​ရေးမှူးရှုသည်အလျင်အမြန်နှုတ်ဆက်လိုက်သည်။

"ဥက္ကဌ"

၀မ်ယွီရုတ်တရက်​​မေးလိုက်သည်။ 

"ဘာလို့ပန်း​တွေထား​နေတာလဲ"

ထိုစကားလုံးများမှာ အတွင်း​ရေးမှူးရှူ၏နားထဲတွင် ငလျင်လှုပ်သွားသကဲ့သို့၊ သူမ၏မျက်လုံးများမှာလည်း ၀မ်ယွီမှာ သူမအားအလုပ်ကိစ္စမဟုတ်​သော တစ်စုံတစ်ခုအား​မေးလာသည်ကို မယုံနိုင်စွာ ပြးကျယ်​နေခဲ့သည်။

သူမပြန်​ဖြေလိုက်သည်။" ကျွန်မသ​ဘောကျလို့ပါ၊ ပန်းမကြိုက်တဲ့မိန်းက​လေးရယ်လို့ ရှားတယ်​လေ၊"

၀မ်ယွီက​ခေါင်းငြိမ့်လိုက်ပြီး "မင်းဘယ်လိုပန်းမျိုးကြိုက်တာလဲ"

"ဟင်"

"မိန်းက​လေး​တွေ... မိန်းက​လေး​တွေကအများအားဖြင့် ဘယ်လိုပန်းမျိုး​တွေကြိုက်ကြလဲလို့..."

ဝမ်ယွီကမျက်​မှောင်ကြုတ် လျက် ထပ်​​မေးလိုက်သည်။

သူ၏အမူအယာမှာ အလုပ်ကိစ္စမှလွဲ ဘာကိုမှစိတ်မ၀င်စား​သော သူ​ဌေးတစ်​ယောက်အမူအယာမျိုးဖြစ်​နေတုန်းပင်၊ သို့​သော်မထင်မှတ်ထား​သော ​မေးခွန်းမျိုးကို​မေးလာခဲ့သည်။

အတွင်း​ရေးမှူးရှု ရုတ်ချည်းဆိုသလို ၀မ်ကျန်းဗီလာတွင်​နေ​သောမိန်းက​လေးကို သတိရသွားမိသည်။ သူမကလှလွန်း၍ မိန်းက​လေးချင်းပင် နှစ်ခါပြန်မကြည့်ပဲမ​နေနိုင်​ချေ။

သူမ၏သူ​ဌေးဖြစ်သူကိုပြန်ကြည့်လိုက်ချိန်တွင် အတွင်း​ရေးမှူးရှုမှာအနည်းငယ်ရယ်ချင်သွားမိသည်။

သို့​သော်သူမက ထိန်းလိုက်ပြီး ခပ်တည်တည်နှင်

"နှင်းဆီ၊ နှင်းဆီ​တွေ​ပေးရင်သူမသ​ဘောကျမှာပါ"

၀မ်ယွီ​ခေါင်းငြိမ့်လိုက်ပြီး အမူအယာမဲ့စွာထွက်ခွာသွား​တော့သည်။

မသိလျှင် သာမာန်​မေးခွန်းတချို့သာ​မေးသွားခဲ့သလို၊ လုံး၀ပင်အ​ရေးမကြီးသလိုလို၊

အတွင်း​ရေးမှူးရှုမှာ မပြုံးမိ​အောင်ထိန်းထားလိုက်ရသည်။

"ဘာဖြစ်တာလဲ၊ ဥက္ကဌဘာ​ပြော​သွားတာလဲ" 

အတွင်း​ရေးမှူးနင်က​လျှောက်လာပြီး ​မေးလိုက်သည်။

သူကဒရိူင်ဘာကို​ခေါ်​နေခဲ့တာမို့ အတွင်း​ရေးမှူးရှုနှင့် သူ၏ဥက္ကဥဖ စ်သူဘာ​တွေ​ပြော​နေခဲ့မှန်း မသိလိုက်​ချေ။

သို့သော် သူ​ဌေးထံမှ ညွှန်ကြားမှုတစ်ခုကိုမျှ မလစ်ဟင်း​စေရသည့် အတွင်း​ရေးမှူးနင်က သူ့သူ​ဌေးသူ့အတင်းကိုတုတ်​နေမည်စိုးသဖြင့်အမြန်​လျှောက်လာကာ​မေးလိုက်ခြင်း

အတွင်း​ရေးမှူးရှု၏အသံက ရယ်မြူးရိပ်တို့ပါ၀င်လျက် "သူ​ဌေးက မိန်းက​လေးတစ်​ယောက်ကို ဘယ်လိုလိုက်ရမလဲ​မေး​နေတာ"

အတွင်း​ရေးမှူးနင် "...."

သူ၏ မမူအယာက "မင်းငါ့ကို ​​သောက်ကျိုးနဲ လာ​နောက်​နေတာလား"ဟု

အတွင်း​ရေးမှူးရှူသူမ၏​ခေါင်းကိုခါလိုက်ပြီး အပြုံး​ဖျော့​ဖျော့ဖြင့် ပန်း​တွေကိုဆက်ပြင်​နေလိုက်သည်။ 

"ကျွတ်.. မူလတန်းတက်​နေတဲ့ ကျွန်မတူ​လေးကမှ သူ​ဌေးထက်ပို​မျှော်လင့်ချက်ရှိဦးမယ်"

အတွင်း​ရေးမှူးနင်"..."

သူသည် မိမိမှာသူ​ဌေး၏ပထမဆုံးအတွင်း​ရေးမှူးဖြစ်သည်ကို သတိရလျှင် ဘ၀ကိုပင်သံသယ၀င်သွားမိသည်။ သူသူ​ဌေးရဲ့ လတ်တ​လောဘာကိစ္စကိုမှလည်းမသိရပါလား။

ထိုအချိန်တွင်၀မ်ယွီမှာ ကား​နောက်ခုံတွင်ထိုင်လျက် ညီအကို၀မ်ကသူ့ကို ၀မ်ကျန်းဗီလာသို့​မောင်းပို့​ပေး​လေသည်။

၀မ်ယွီကသိပ်စကား​ပြောရတာကို မကြိုက်သဖြင့် ညီအကို၀မ်က ကား​​မောင်းရင်း "သူ​ဌေး ကျွန်​တော့်မိန်းမက​ပြော​တယ်၊ ကျန်းကျန်းဒီ​နေ့ စိတ်အ​ခြေအ​နေ​ကောင်း​နေတယ်တဲ့၊ ​နေ့လည်ခင်းတုန်းကလည်း စားဖိုမှူးအသစ်နဲ့ ကိတ်ဖုတ်တာ​တွေသင်​နေပြီး အရမ်း​ပျော်​နေတယ်ဆိုပဲ"

"အင်း" ၀မ်ယွီပြန်​ဖြေလိုက်သည်။

မသိသူဆိုလျှင် သူ၏​လေသံ​ကြောင့် စိတ်မ၀င်စားဟုထင်ကြလိမ့်မည်။ သို့​သော် ၀မ်ယွီအား​ကောင်း​ကောင်းသိကြသူတို့ကမူ ထိုအင်းဟုပြန်​ဖြေသည်ကပင်အလွန်စိတ်၀င်စားမှုရှိ၍မှန်း တန်းသိကြလိမ့်မည်။

သေချာပေါက်ပင်၊ သူ​နောက်ကြည့်မှန်မှကြည့်လိုက်သည့်အခါ ၀မ်ယွီ၏အမူအယာကနူးညံ့​နေသည်ကို​တွေ့လိုက်ရသည်။

သူသည်ကားကိုအလျင်မလိုစွာ​မောင်းနှင်​နေခဲ့သည်။

ရုတ်တရက်၀မ်ယွီသည်တစ်စုံတစ်ခုကိုမြင်သည်နှင့် 

"ကားကိုရပ်လိုက် "

အစ်ကို၀မ်လည်းကားကို​လမ်း​ဘေးတွင် အလျင်ပမြန်ရပ်လိုက်ရသည်။

၀မ်ယွီကား​ပေါ်ကဆင်းလျက် ပန်းဆိုင်​လေးဆီ​လျှောက်သွားလိုက်သည်။

 အကို၀မ်လည်းအနည်းငယ်မျှတန့်သွားမိရသည်။ 

ထို့​နောက်သူကနားလည်မှုရှိစွာပြုံးလိုက်​တော့သည်။

အိုက်ယား ကျန်ူကျန်းအတွက် ပန်း​တွေ၀ယ်​နေတာပဲ၊

သူလည်ငယ်ရွယ်ခဲ့ဖူးသည်သာ။ လက်ရှိ သူ​ဌေးနှင့် ကျန်းကျန်းကိုကြည့်လိုက်သည်နှင့် ဘ္တွေဖြစ်​နေကြမှန်း တန်း​ပြောနိုင်သည်သာ။

သူတို့အားလုံးလည်း ကျန်းကျန်းကို လွန်စွာသ​ဘောကျကြပါသည်။ ကျန်းကျန်း​ရောက်မလာခင်ကမူ သူ​ဌေးမှာ ယခုလိုပုံစံမျိုးမဟုတ်​ချေ။

ပန်းဆိုင်ထဲတွင်...

ဆိုင်ရှင်မှာ မျက်စိကျိန်း​လောက်​အောင်​ချော​မော​သော အမျိုးသားတစ်ဦး ​လျှောက်၀င်လာသည်ကို​တွေ့လိုက်ရ​တော့သည်။ သူမ​တွေ့ဖူး​သော နာမည်ကြီးတချို့ထက်ပင်​ချော​သေးသည်။

သူမအနည်းငယ် တုန်လှုပ်သွားလျက် ခဏကြာမှသတိပြန်၀င်လာကာ "ပန်း၀ယ်မလို့လားရှင့် ၊ ဘယ်လိုပန်းမျိုးကိုရှာ​နေတာလဲဟင်"

"နှင်းဆီပါ" ၀မ်ယွီကဆိုလိုက်သည်။

​ဆိုင်ရှင်တစ်ယောက် ဤမျှ​ချောလှ​သောအမျိုးသားကပိုင်ရှင်ရှိ​နေပြီးဖြစ်သည်ကို ​နှ​မြောတသဖြစ်သွားသော်လည်း သူမ အ​ပြုံးကမူ​တောက်ပစွာဖြင့် 

"ကျွန်မတို့မှာ အလှဆုံးနှင်းဆီ​တွေရှိပါတယ်၊ ဘယ်​လောက်များများလိုချင်လဲရှင့်"

"ဟင်" ၀မ်ယွီတုန့်ဆိုင်းသွားမိသည်။

"ဘယ်နှပွင့်ယူချင်တာလဲလို့ပါ၊ တစ်ပွင့်ချင်း၀ယ်ချင်လည်းရတယ်၊ အစည်းလိုက်ဆိုလည်းရပါတယ်၊ "

"အပွင့်အ​ရေအတွက်က ထူးခြားလို့လား" ၀မ်ယွီက​မေးလိုက်သည်။

ဆိုင်ရှင်ကအနည်းငယ်တန့်သွားမိပြီး ၀မ်ယွီအားကြည့်လိုက်ကာ ယ​နေ့​ခေတ်တွင် နှင်းဆီဘယ်နှပွင့် ပို့ရမည်ကိုပင်မသိသည့်​ယောကျာ်းမျိုးရှိ​သေးသလားဟု၊ နားမလည်နိုင်ဖြစ်​နေမ်ိလေသည်၊ 

ပြီး​တော့ ဒီလူကဒီ​လောက်​ချောတာကို​လေ။

ဆိုင်ရှင်တစ်ဦး​အ​နေနှင့်သူမစိတ်ရှည်လက်ရှည်ရှင်းပြလိုက်သည်။ 

"ဧည့်သည်အလိုရှိသ​လောက်၀ယ်လိုရပါတယ်ရှင့်၊ အပွင့်အ​ရေအတွက်တိုင်းမှာသူ့အဓိပ္ပါယ်နဲ့သူရှိပါတယ်၊ ၉ပွင့်လည်းရတယ်၊ ၂၁ပွင့်လည်းရတယ်၊ ၃၆ဒါမှမဟုတ်၊ တခြားဟာ​တွေဆိုလည်းရပါတယ်"

"ဘယ်အ​ရေအတွက်ကအ​ကောင်းဆုံးလဲ" ၀မ်ယွီမှာ အတည်အတံ့ထပ်​မေးလိုက်သည်။

ဆိုင်ရှင်လည်း၀မ်ယွီ၏၀တ်ပုံစားပုံကိုကြည့်လိုက်ပြီး

ရုပ်ရှိ​ရေလျှံတစ်ဦးဟုသတ်မှတ်လိုက်ကာ.

ပြုံးလျက်"များများ​ပေး​လေ မိန်းက​လေးဘက်ကကြိုက်​လေ​ပေါ့ရှင်၊ကျွန်မတို့ဆီမှာ ၉၉ပွင့်ပါတဲ့တစ်စည်းရှိ​သေးတယ်၊ သူတို့အအခုမှလန်းလန်းဆန်း​ရောက်လာတာဆို​တော့ အပွင့်​တွေကလည်းလှသလို ​စျေးကလည်းကြီး​တော့ကြီးတယ်ရှင့် ၊ ၉ဆိုတာ အချိန်အကြာကြီးလို့အဓိပ္ပါယ်ရတယ်​လေ၊ ပန်းစည်းကိုလက်ခံရတဲ့ ဘယ်မိန်းက​လေးမဆိုသိပ်​​ပျော်သွားမှာ"

၀မ်ယွီ​ခေါင်းငြိမ့်လိုက်ပြီး "အင်း နားလည်ပြီ"

အပွင့်များရမယ်၊ ၉ဂဏန်းဖြစ်ရမယ်။

ကျယ်၀န်းလှ​သော၀မ်ကျန်းဗီလာကိုပြန်​တွေးမိလျှင် သူကဆိုင်ရှင်အားကြည့်လျက် 

"၉၉၉၉ ပွင့်ပါတဲ့တစ်စည်း​ပေးပါ"

ဆိုင်ရှင် "ရှင်..." 

ရှင်ဘာ​​ပြောလိုက်တယ်

ရှင်ဒီမှာတစ်ဆိုင်လုံးကို​ငွေနဲဖို့ပစ်ဖို့​ရောက်လာတာလား။

xxxxxxx