MM Story Teller

Chapter 42

Viewers 2k

👨‍❤️‍👨Chapter 42

– ရှီမိသားစုထဲသို့ ဝင်ရောက်ခြင်း

ဖိန်ရော့ဝိန်းက အရမ်း စိတ်လှုပ်ရှားနေသော်လည်း သူမကိုယ်သူမ စိတ်အေးအောင်ထားပြီး စဥ်းစားရတော့သည်။

ရှီသွမ်းက ရုတ်တရက် သူမကို ကမ်းလှမ်းလိုက်ရ၍ အနည်းငယ် နေရခက်နေမိသည်။

ထို့ပြင် သွမ့်ရှူးထုံနှင့် သူမ ဆွေးနွေးထားကြသည့် လစာကလည်း ကောင်းနေသည်။ ရှန်းချွမ်ကောင်တီက ယန်မြို့တော်လောက် မကောင်းသော်လည်း သူမအတွက်က မြိုငယ်လေးတွင် နေရသည်က ပိုပြီး သက်တောင့်သက်သာ ဖြစ်စေသည်။

“ဥက္ကဌရှီရဲ့ ကြင်နာမှုအတွက် ကျေးဇူးတင်ပါတယ်...ဒါပေမယ့် သခင်လေးသွမ့်ကို နွေဦးဆောင်းဦးခန်းမကို သွားဖို့ ကတိပေးထားပြီးသား ဖြစ်နေလို့ပါ...."

ဤကမ်းလှမ်းချက်ကို ငြင်းလိုက်ရသည့်အတွက် သူမ၏ နှလုံးက သွေးစိမ်းရှင်ရှင် ထွက်နေလျှင်တောင် ဤတွင်းကြီးထဲ ခြေမလှမ်းနိုင်သေးပေ။

ထို့ပြင် နေရာတိုင်း အဆင့်တန်းမြင့် အရည်အချင်းတွေ ရှိနေသည့် ကုမ္ပဏီကြီးထဲ ဝင်ရမည်ထက် တက်သစ်စကုမ္ပဏီလေးနှင့် အတူတူတွဲလုပ်ရသည်က ပိုကောင်းလေသည်။

အရေးအကြီးဆုံးအရာက နွေဦးပန်းနံပါတ်၁၏ ထုတ်ပိုးမှုဒီဇိုင်းက အများကြီး ချီးကျူးခံထားရ၍ သူမတာဝန်ကျေသလို ခံစားရကာ နွေဦးဆောင်းဦး ခန်းမ၏ လူတစ်ယောက်အဖြစ် သတ်မှတ်မိစေသဖြင့် လောလောဆယ် ထွက်မသွားချင်သေးပေ။

ရှီသွမ်းက ခေါင်းညိမ့်ပြလိုက်ရင်း စကားဆိုမလာတော့ပေ။ သူက သူမကို ထွက်သွားရန် ကမ်းလှမ်းချက်တစ်ခု ပေးခဲ့သည်။ သို့သော်လည်း သူမကို စမ်းသပ်ကြည့်ပြီးနောက် ပြောရခက်သည့် ခံစားချက်များ ဝင်လာသည်။

သူက ဖိန်ရော့ဝိန်းကို နွေဦးဆောင်းဦးခန်းမတွင် ဆက်မလုပ်စေချင်သော်လည်း သွမ့်ရှူးထုံက သူ့ကို ကူညီပေးနိုင်မည့်သူမျိုး ရသွားခဲ့၍ ဝမ်းသာမိသည်။

သူက ဆယ်စုနှစ် နှစ်ခုစာအထိ နေခဲ့သော်လည်း တွယ်ညှိပြီး တွေဝေနေမိသည်မျိုး တစ်ကြိမ်မှ မခံစားခဲ့ရပေ။

ရှီသွမ်း၏ ကားထဲက မှုန်မှိုင်းမှိုင်းလေထုနှင့်စာလျှင် သွမ့်ရှူးထုံနှင့် ရှီယွိတို့၏ စကားဝိုင်းက အတော်လေး ပျော်စရာကောင်းနေသည်။ ရှီယွိက သူ့ကိုယ်သူ ရွယ်တူများထက် ပိုပြီး ရင့်ကျက်သည်ဟု သတ်မှတ်ထား၍ ရွယ်တူများနှင့်ဆိုလျှင် ပြောစရာစကား သိပ်မရှိပေ။ သို့သော်လည်း အကြီးများနှင့် ပြောရမည့်အခါတွင်လည်း အသက်ကွာလွန်း၍ စကားပြောဖို့ ခက်နေပြန်သည်။

နောက် သွမ့်ရှူးထုံနှင့် ဆုံမိသောအခါ သူက စကားပြောစက်ကြီးအဖြစ် ပြောင်းသွားသလိုပင်။ သွမ့်ရှူးထုံနှင့် ပိုပြီး ပြောဆိုဆက်ဆံလေလေ တစ်ခါက အသုံးအဖြုန်းကြီးခဲ့သည့်သားက ဖုံးကွယ်ထားသော ရတနာဖြစ်နေသည် ဆိုသည့်အချက်ကို ပိုသိလာရလေလေပင်။ သူ ဘာပဲပြောပြော သွမ့်ရှူးထုံက ညှိပြီးပြောဆိုနိုင်သည်။

အရေးအကြီးဆုံးအချက်က သွမ့်ကောက ပြဿနာတစ်ခုကို သူ့စိတ်သဘောအတိုင်း စဥ်းစားဆုံးဖြတ်နိုင်သည်။ သူက အစဥ်းစားတတ်ဆုံးလူပဲ။

ရှီယွိက သွမ့်ရှူးထုံ ပုခုံးပေါ် လက်ချိတ်လိုက်သည်။ နှစ်ယောက်သား ဘေးချင်းကပ် ထိုင်နေရင်း သူက အင်္ကျီလက်ကို ပင့်ပြီး ပြောလိုက်သည်

" သွမ့်ကော....ဒီနေရာမှာ ကျွန်တော် အမှန်အတိုင်း ပြောမယ်နော်....အရင်တုန်းကတော့ ကောရဲ့ သတင်းတွေကို ကြားခဲ့ရတယ်....အဲ့ဒီတုန်းကတော့ ကောကို သူများတွေလိုမျိုး ထင်ခဲ့မိတာ...."

သွမ့်ရှူးထုံ၏ မျက်ခုံးများက မြောက်တက်သွားလေသည် " ငါ အရင်က အဲ့လောက် မဆိုးခဲ့ဘူးလားလို့...."

" ကျွန်တော့်အမှားပါ..." ရှီယွိက အံတင်းတင်းကြိတ်မိသည် " ကောလဟာလတွေကို နားမထောင်ခဲ့သင့်ဘူး...."

သွမ့်ရှူးထုံက ကျေနပ်သွားသလို ခေါင်းညိမ့်ပြလာသည် " နားက ကြားရသမျှတွေတိုင်းက အမှန်မဟုတ်သလို မျက်စိနဲ့ မြင်ရသမျှဟာတွေလည်း အမှန် မဟုတ်နိုင်ဘူး....ကိုယ့်ဘာကို စဥ်းစားကြည့်ဖို့ သင်ယူရမယ်...."

ရှီယွိက အကြံပေးချက်ကို လက်ခံကြောင်း ပြလာသည်။ နောက် သွမ့်ရှူးထုံ၏ ပုခုံးနား ကပ်လာပြီး တိုးတိုးလေး မေးလာသည်

" ဒါဆို ကောက မိန်းကလေးဖိန်က ကျွန်တော့် အန်တီ ဖြစ်လာမယ်လို့ ထင်လား...."

တစ်မိနစ်လောက်ကြာသည်ထိ သွမ့်ရှူးထုံမှာ လူငယ်လေး၏ မေးခွန်းကို ဘယ်လိုဖြေပေးရမလဲ မသိဖြစ်နေသည်။ ရှီယွိက ပေါ့ပေါ့တန်တန် မေးနေခြင်းမဟုတ်မှန်း သူသိနေသည်။ လူငယ်လေး၏ မျက်လုံးထဲကနေ သူကြုံခဲ့ရသည့် ဆုံးရှုံးမှုကြီးကို မြင်နေရ၍ပင်။

ကြည့်ရတာ ကောင်လေးက ရှီသွမ်းကို လက်မထပ်စေချင်ဘူး ထင်တယ်။

" တကယ်လို့ သူမက မင်းရဲ့ အန်တီဖြစ်လာရင်ရော...." သွမ့်ရှူးထုံက မေးလိုက်သည်။

ရှီယွိက ချက်ချင်း ခေါင်းငုံ့သွားရင်း အတော်ကြာသည်ထိ တိတ်ဆိတ်နေပြီးမှ ဘာမှမဖြစ်သွားသလို ဟန်ဆောင်လိုက်ရင်း ပြောလာသည် ။

" ကျွန်တော့် ဦးလေးက အရမ်းအိုနေပြီ....လက်ထပ်ရမှာ ပုံမှန်ပါပဲ...."

သွမ့်ရှူးထုံက ရယ်လိုက်မိသည် " သူက အဲ့လောက်ထိလည်း မအိုသေးပါဘူးကွာ....မင်းထက် ဆယ့်နှစ်နှစ်ပဲ ကြီးတာပါ...အခုမှ နှစ်ဆယ့်ခုနစ်နှစ်ပဲ ရှိပါသေးတယ်...."

" ဟုတ်တယ်...." ဆယ်ကျော်သက်လေးက ပြတင်းပေါက်အပြင်ဘက်ကို ကြည့်လိုက်ရင်း ပြန်ဖြေလာသည် " အဲ့လောက်ထိ မအိုသေးဘူး...."

လူငယ်လေး၏ စိတ်အခြေအနေကို အကဲခတ်လိုက်ရင်း သွမ့်ရှူးထုံက စဥ်းစားကြည့်ပြီးနောက် သူတွေးနေသည့်အရာကို နားလည်သွားသလို ခံစားမိသည်။ ထို့ကြောင့် သူက နှစ်သိမ့်ပေးလိုက်သည်

" မင်းက သူ့ရဲ့ တစ်ဦးတည်းသော ဆွေမျိုးပဲ....သူ လက်ထပ်သွားရင်တောင် မင်းကို ချန်ထားခဲ့မှာ မဟုတ်ပါဘူး....စိုးရိမ်စိတ်တွေကို ရင်ထဲ တွန်းပို့မနေပါနဲ့....သူနဲ့အတူ ပြောဆိုဆွေးနွေးကြည့်လို့ရတယ်လေ...."

ရှီယွိက ခေါင်းခါပြလာသည် " သွမ့်ကော....ကော နားမလည်ပါဘူး...."

သွမ့်ရှူးထုံက သူ့ခေါင်းလေးကို ပုတ်ပေးလိုက်ရင်း ပြောလိုက်သည် " ငါက မင်းထက် ထမင်းပိုစားလာခဲ့တာ....ဘယ်လိုလုပ် နားမလည်ပဲ နေမှာလဲ...."

“ဒါပေမယ့် ကျွန်တော့်ဦးလေးက ကျွန်တော့်ကို စိတ်ဆိုးနေပြီလေ...." ရှီယွိက သူ့ဘက် ကြည့်လာသည့်အချိန် မျက်လုံးလေးများက နီရဲနေ၍ ဝမ်းနည်းနေဟန်ပင်

" ကျွန်တော့် အမှားပါ...အရင်တုန်းက မိုက်မဲခဲ့ပြီး မကောင်းတဲ့အရာတွေ ပြောခဲ့မိတယ်...."

သူက သူ့ကိုယ်သူ အပြစ်တင်မိသော်လည်း တစ်ချိန်တည်းဆိုသလို ရှီသွမ်းက သူ့အပေါ် လက်မလျှော့သွားစေချင်မိ၍ ထိုလူ၏ စည်းကို သွားသွားစမ်းခဲ့မိသည်။

သွမ့်ရှူးထုံက သူ့ပုခုံးကို ပုတ်ပေးလိုက်ရင်း နှစ်သိမ့်ပေးလိုက်သည်

" သူက မင်းရဲ့ ဦးလေးလေ....ရန်ညှိုးထားနေမှာ မဟုတ်ပါဘူး...."

“ ကျွန်တော် ဘယ်လောက်တောင် ဆိုးဆိုးဝါးဝါးတွေ ပြောခဲ့မှန်း ကောမသိပါဘူး...."

ရှီယွိက နောက်ပြန်မှီလိုက်ရင်း မျက်လုံးတို့ စိုစွတ်လာသည်ကို ကွယ်လိုက်ရန် အောက်ငုံ့ကြည့်လိုက်သည်။ သူ့အသံက အနည်းငယ် အက်ကွဲနေသည်

" သူ သေချာပေါက် ကျွန်တော့်ကို သဘောမကျတော့ဘူး....သူသာ လက်ထပ်သွားရင် ကျွန်တော်က ထွက်ရတော့မှာ...."

သူ့ဘက်က ကောင်လေးကို ဘယ်လို ဖြေပေးရမလဲ မသိတော့၍ သွမ့်ရှူးထုံမှာ လက်လျှော့လိုက်ရတော့သည်။

တူဝရီးနှစ်ယောက်ကြား နားလည်မှုလွဲနေသည့် အဖြစ်အား တတ်နိုင်သမျှ မြန်မြန်ဖြေရှင်းဖို့လိုသည်။ မဟုတ်လျှင် မကောင်းတာတစ်ခုခု ဖြစ်သွားပေလိမ့်မည်။

သူတို့က ရှန်းချွမ်ကောင်တီသို့ ပြန်ရောက်သောအခါ ဖိန်ရော့ဝိန်းက သွမ့်ရှူးထုံ၏ အိမ်တွင် နေခဲ့ပြီး သွမ့်ရှူးထုံက ရှီသွမ်း၏အိမ်သို့ လိုက်သွားလေသည်။

စစချင်းတွင် သွမ့်ရှူးထုံက ရှီသွမ်းနေရာရောက်လျှင် နေရခက်နေလိမ့်မည်ဟု ထင်ထားခဲ့သော်လည်း ရှီမိသားစုအစေခံများက နည်းနည်းမှ သတိမထားမိရလောက်အောင် တော်ကြသည်။ ရှီသွမ်းက အိမ်ပြန်ရောက်ပြီးနောက် အလုပ်ကိစ္စကြောင့် အပြင်ထွက်သွားပြန်၍ သူတို့နှစ်ယောက် စကားမပြောလိုက်ရပေ။

သွမ့်ရှူးထုံက ခုနက ရှီသွမ်းဆီကနေ တစ်ခုခု ခံစားမိ၍ ကိစ္စတစ်ခုခု ရှိနေမှန်း သိလိုက်သည်။ အခြားယောက်ျားလေးနှင့် အဆက်အဆံ သိပ်မလုပ်မိစေရန်အတွက် သူက စမ်းသပ်ချက်များတွင်သာ စိတ်နှစ်ထားပြီး နွေဦးပန်းနံပါတ်၂ကို ထုတ်ဖို့ အကောင်းဆုံးကြိုးစားတော့သည်။

ဖိန်ရော့ဝိန်းက နွေဦးဆောင်းဦးခန်းမတွင် အလုပ်လာလုပ်မည်ဟု သူ့ကို ကတိပေးထားလေသည်။ သူမ၏ကိုယ်ဝန်ကြောင့် သွမ့်ရှူးထုံက သူမကို အိမ်မှာပဲ အလုပ်လုပ်ဖို့ ခွင့်ပြုလိုက်သည်။ သူမဘက်က ဒီဇိုင်းများကို အချိန်မှီ ပို့ပေးနေသရွေ့ ထုတ်လုပ်ရေးပိုင်း နှောင့်နှေးလိမ့်မည် မဟုတ်ပေ။

ဂျူလိုင်လ အဆုံးပိုင်းတွင် နွေဦးပန်းနံပါတ်၂၏ ထုတ်လုပ်မှုက နောက်ဆုံးအဆင့်ထဲ ရောက်နေပြီဖြစ်သည်။ ကုမ္ပဏီ၏ အကြီးပိုင်းစီမံခန့်ခွဲရေးဝန်ထမ်းများနှင့် ညှိုနှိုင်းကြည့်ပြီးနောက် သွမ့်ရှူးထုံက နံပါတ်၂ မပြင်ဆင်ခင် နံပါတ်၁၏ ကြော်ငြာရလဒ်ကို စောင့်ဖို့ ဆုံးဖြတ်လိုက်သည်။

ကြော်ငြာရိုက်ဖို့ ဘာမှအချိန်မကြာလိုက်ပေ။ သြဂုတ်လ အစောပိုင်းတွင် နွေဦးဆောင်းဦးခန်းမက ကြော်ငြာနေရာကို ဝယ်ထား၍ ကြော်ငြာလွှင့်ပြီးသည်နှင့် ရောင်းအားတက်မတက် ကြည့်ရန် စောင့်နေကြသည်။

သို့သော်လည်း ကြော်ငြာစလွှင့်ခင် နွေဦးဆောင်းဦးခန်းမ၏ ရောင်းအားက ပေါက်ကွဲစပြုလာ၍ အချက်အလက်ထိန်းသိမ်းရေး ဝန်ထမ်းက နှလုံးရောဂါရလုနီးနီး ဖြစ်သွားခဲ့သည်။

အမြန်အပြေးအလွှား သွားရှာကြည့်လိုက်မှ အကြောင်းပြချက်ကို တွေ့သွားရသည်။

သူတို့၏ ဘရန်းကိုယ်စားလှယ် လင်မန့်မန့်က ဝေ့ပေါ်တွင် နွေဦးပန်းနံပါတ်၁ကို ကြော်ငြာပေးထားပြီး နွေဦးဆောင်းဦးခန်းမ၏ တရားဝင်ဘလော့ကိုပါ ချပေးထားမှန်း သိလိုက်ရသည်။

လင်မန့်မန့်က ဘယ်သူမို့လို့လဲ။ သူမက ဖျော်ဖြေရေးလောကရဲ့ ထိပ်ဆုံးမှာရှိနေတဲ့ စတားတစ်ယောက်လေ။ တစ်နေ့ သူမ၏ လက်ထပ်ပွဲကို ကြေငြာလိုက်ရင်တောင် ဝေ့ပေါ်က တုပ်တုပ်မှမလှုပ်နိုင်အောင် ဖြစ်သွားစေသည်ထိ နာမည်ကြီးလေသည်။

ဖန်ပေါင်း ဆယ်သန်းမကရှိသည့် သူမ၏ဆွဲဆောင်မှုက သေချာပေါက် အားမနည်းလှပေ။

ကြော်ငြာဌာန၏ ဒါရိုက်တာက ရင်ဘတ်ကို အုပ်ပြီး တရားဝင်ဘလော့ပေါ်က ဖန်အရေအတွက်ကို ကြည့်လိုက်မိသည်။ သူက သူ့ဘဝကြီး အမြင့်ဆုံးရောက်သွားသလို ခံစားလိုက်ရသည်။

လက်တုန်တုန်နှင့် မောက်စ်ကို ရွေ့ပြီး လင်မန့်မန့်၏ ဝေ့ပေါ်ကို ဝင်ကြည့်ရာ ရေးထားသည်က :[ **နွေဦးပန်းတွေလို ကျက်သရေရှိတယ်....ဆောင်းဦးလမင်းကြီးလို တောက်ပတယ်.....**]

တစ်ချိန်တည်းမှာပင် ဓါတ်ပုံတစ်ခုနှင့် တွဲတင်ထားလေသည်။

ဓါတ်ပုံက ကြော်ငြာ ရိုက်ကူးရေးလုပ်ခဲ့စဥ်က ရိုက်ထားသည့် ပုံဖြစ်သည်။ ဓါတ်ပုံထဲက အမျိုးသမီးက အမှန်ပင် နွေဦးပန်းများလို ကျက်သရေရှိရှိ လှပတင့်တယ်နေပြီး ဆောင်းဦးလမင်းလို တောက်ပပွင့်လန်းနေသည်။

ကောမန့်နေရာက ချက်ချင်းပင် ရူးသွားကုန်ကြတော့သည်။

“နတ်ဘုရားမက အရမ်း လှတာပဲ....အား...ဝေါ်စစ်လာ...."

[ T/N : ဒါကလေ အတိုကောက်စာလုံးလေးပါ။ အဓိပ္ပါယ်က အရမ်းလှလွန်းလို့ ငါ သေတော့မယ်လို့ ပြောတာပါ]

“နတ်ဘုရားမလေး....နတ်ဘုရားမလေး....မင်းလေးက အရမ်း လှတာပဲကွယ်...."

" ငါ တကယ်ကြီး နတ်ဘုရားမ သုံးတဲ့ skincare သုံးနေတာတဲ့....အိပ်မက်များလား...."

" နွေဦးဆောင်းဦးခန်းမဆိုတာကို တစ်ခါမှ မကြားဖူးပါဘူး....နတ်ဘုရားမက ဘယ်လိုလုပ် ဒီလိုဘရန်းမျိုး ကြော်ငြာပေးရတာလဲ....တစ်ခြားကောင်းတာတွေ မရှိတော့ဘူးလား....ကုမ္ပဏီက ဘာတွေ လုပ်နေတာလဲ...."

ကောမန့်နေရာတွင် အမျိုးမျိုး ထင်ကြေးပေးနေကြသည်။ အများစုက ဤကြော်ငြာကို လက်ခံကြသည်။ လူနည်းစုလောက်သာ ကောမန့်ကနေ တစ်ခုခု ကြံစည်နေကြသည်။

သွမ့်ရှူးထုံက ဓါတ်ခွဲခန်းကနေ ထွက်လာသည့်အချိန် ထိုသတင်းကို ကြားသောအခါ လင်မန့်မန့်ကို ဖုန်းခေါ်လိုက်သည်။

“ကျေးဇူးတင်ပါတယ်...." သူက အပိုစကားများ မပြောခဲ့ပေ။ သူမ လုပ်ပေးခဲ့သည့်အရာကို စိတ်ထဲ ရှိနေသည်ကပင် လုံလောက်လေသည်။

လင်မန့်မန့်က ချိုချိုသာသာ ရယ်မောလိုက်ရင်း ပြောလာသည် " ကျေးဇူးတင်ဖို့ မလိုပါဘူးရှင်...ဘယ်လိုပဲဖြစ်ဖြစ် ဒါက နှစ်ဖက်လုံး အကျိုးရှိတဲ့ ကိစ္စပဲလေ....ပြီးတော့ နွေဦးပန်းနံပါတ်၁က တကယ် ကောင်းတယ်....ပုလင်းလေးကလည်း အရမ်းလှတယ်...."

သွမ့်ရှူးထုံကလည် ပြန်ချီးကျူးပေးလိုက်သည် " မိန်းကလေးလင်ရဲ့ ကြော်ငြာကလည်း တကယ့်ကို လှလှပပလေး ဖြစ်နေခဲ့တာပါ...."

နှစ်ယောက်သား ဟိုသည်ပြောကြရင်း အပြန်အလှန် ချီးကျူးလိုက်ကြပြီးချိန် လင်မန့်မန့်က ရုတ်တရက် ခေါင်းစဥ်ပြောင်းမေးလာသည် " ရှင်က ကျွန်မကို စိတ်ရင်းနဲ့ ချီးကျူးနေတာ တွေ့ရတော့ မေးခွန်းတစ်ခုလောက် မေးချင်မိတယ်....ဖြေပေးနိုင်မလား...."

သွမ့်ရှူးထုံက ယဥ်ယဥ်ကျေးကျေး ပြန်ဖြေလိုက်သည် ။

" မေးပါဗျာ...."

လင်မန့်မန့်က အသံကို နိမ့်လိုက်ရင်း မေးလိုက်သည် " ဖိန်ရော့ဝိန်းကလေ ဘယ်နေရာကများ ကျွန်မထက် ပိုသာနေလို့လဲ...."

သူမ ဘယ်လိုပဲ ဘာမှမဖြစ်သလို ပြုမူနေသည်ဆိုဆို လက်လျော့လိုက်သည်ဟုပဲ ပြောပြော သူမကံကြမ္မာကို လက်မခံနိုင်သေးပေ။

သူမနဲ့ လိရှောင်းကြားက နှစ်နှစ်ဆယ်ကျော် ငယ်သံယောဇဥ်တွေက ဒီလို စမ်းသပ်မှုမျိုးကို မခံနိုင်တော့ဘူးတဲ့လား။ သူမနဲ့ ဘယ်နေရာမှာမှ ယှဥ်လို့မရတဲ့ မိန်းမတစ်ယောက်က ဘယ်လိုလုပ် လိရှောင်းအချစ်ကို ရသွားနိုင်ရမှာလဲ။

ပြောရရင် လိရှောင်းတင်မကဘူး အကျင့်ပျက်နေတဲ့ လတ်လျားလတ်လျား သခင်လေးသွမ့်တောင် သူမကို ပျော်ပျော်ကြီး ကူညီကာကွယ်ပေးနေသေးတယ်။

အမှန်အတိုင်း ဝန်ခံရလျှင် သူမ မနာလိုမိသည်။

သွမ့်ရှူးထုံ "....."

သူက ဒီမေးခွန်းကို ဘယ်လို ပြန်ဖြေရမှာတဲ့လဲ။ လူတိုင်းရဲ့ စံနှုန်းအကြိုက်တွေက ကွဲပြားတာကြောင့် ချစ်မိသွားတယ်ဆိုတာက မျက်နှာလေးတစ်ခုနဲ့တင် မဟုတ်ဘဲနှလုံးသားနဲ့လည်း လိုက်ဖက်ညီနေလို့

လေ။

****

စာရေးသူမှာ ပြောစရာ ရှိပါတယ်။

လင်မန့်မန့် : လင်မိသားစုကို မမေ့လိုက်နဲ့ဦး။╭(╯^╰)╮

လိရှောင်း : ကျေးဇူးပြုပြီး ငါ့ကို ဖယ်ထားပေးပါ။ QAQ

👨‍❤️‍👨

Prev Next