Chapter 32

📽️Chapter 32

အခြေအနေ : လက်ဆောင်

တင်ဆက်သူက သက်ပြင်းချလိုက်သည်။

"ဒီလို သူငယ်ချင်းကောင်းရှိတာ အရမ်းကောင်းတာပဲ…" 

ဆွေ့ဟို့ယွီ ရယ်မောလိုက်သည်။

"ဒါပေါ့... သူ့ကို သတ်ချင်မိတဲ့ အချိန်တွေလည်း အများကြီး ရှိပေမယ့်ပေါ့လေ... တစ်ကြိမ်ကို မတူတဲ့ အကြောင်းအရင်းနဲ့ အကြမ်ရှစ်ရာလောက်လေ..." 

တင်ဆက်သူက သူ့အား သတိပေးချင်ပုံရသည်။

"ရန်ရှူလည်း ကြည့်နေတယ် ထင်တယ်နော်…" 

"သူ ကြည့်ကြည့်မကြည့်ကြည့် အရိုက်ခံရဖို့ အကြွေးတင်နေတုန်းပဲ…" 

[မှန်တယ်... ငါလည်း ဦးလေးရဲ့ ဖန်ပါပဲ... ငါလည်း သူ့ကို သွားရှုပ်ချင်တယ်လို့…] 

[သူ့ကို ချုပ်ထားလိုက်…] 

[သူတို့က အရမ်းချိုမြိန်နေတာပဲ... ဘုရားရေ…] 

[အစ်ကိုယွီ ကျွန်မတို့အစား ကူရိုက်ပေးပါ…] 

တင်ဆက်သူက ထပ်မေးလိုက်သည်။

"မင်း ငယ်ငယ်တုန်းက အကလေ့ကျင့်ခဲ့တယ်ဆိုပြီးတော့ ကြီးလာမှ ဘာလို့ အားကစားသမား ဖြစ်လာတာလဲ... တကယ်တော့ မင်းအနေနဲ့ ဖျော်ဖြေရေးလောကထဲ ဝင်လို့ ရတာပဲလေ…" 

သူ ပုခုံးတွန့်လိုက်သည်။

"ငါတို့ ရန်ရှူကိုလည်း အသိအမှတ် ပြုသင့်တယ်မလား... ဒီနယ်ပယ်မှာ သူက တကယ် ပါရမီပါပြီးတော့ ကြိုးလည်း ကြိုးစားတယ်... ဒါပေါ့ သူ့ရဲ့ ပြင်းပြစိတ်ကြောင့် ကံကောင်းမှုလည်း တွဲပါလာတာလေ…" 

"ကံကောင်းမှုလား…" 

ဆွေ့ဟို့ယွီ ခေါင်းညိတ်ပြလိုက်သည်။

"ဒါပေါ့... ရန်ရှူက ပထမနှစ် အနုပညာစာမေးပွဲမှာ ကျခဲ့တယ်လေ... နောက်တော့ အမှတ်အနည်းဆုံးနဲ့ ဆက်သွယ်ရေးတက္ကသိုလ်ကို ဝင်သွားတယ်... ကျောင်းပွဲတော်ရဲ့ ကံစမ်းမဲပွဲမှာ အနိုင်ရသူတစ်ယောက်ပဲ ရှိမှာလေ... သူက ဆုရခဲ့တဲ့ တစ်ဦးတည်းသောသူပဲ... ဒီလိုနဲ့ ဖျော်ဖြေရေးလောကထဲကို ဝင်လာတာ…" 

ဟို့မော့က နားထောင်နေပြီး ထိုအခိုက်တွင် ဝင်ပြောလာခဲ့သည်။

"ဒါပေါ့ ကြောင်လိုက်ဖမ်းတာက သတင်းထူးကြီး ဖြစ်သွားစေနိုင်ပေမယ့် ဘယ်သူကများ ရှိနိုင်ဦးမှာလဲ... ဝက်ဝံကိုတောင် မလိုက်နိုင်တဲ့အချိန်မှာ ကြောင်လိုက်ဖမ်းဖို့ကို ပြောမနေနဲ့တော့" 

[ဦးလေးရဲ့ talent show: ကြောင်နောက် လိုက်နေတဲ့ ကို koiငါးလေး…] 

[ဟားဟားဟား... ရှူရှူနဲ့ ပတ်သက်သမျှ အားလုံး ရယ်စရာကြီးတွေ…]

တင်ဆက်သူက ကွန်မန့်များကို ကြည့်နေပုံရပြီးနောက် ပြောလိုက်သည်။

"ဖန်တွေ မေးချင်နေတဲ့ မေးခွန်းတွေက ဘာများဖြစ်မလဲ ကြည့်ရအောင်...အိုး... ရန်ရှူက တကယ်ပဲ ထိန်းသိမ်းတတ်သူလားတဲ့... သူက စင်ဂယ်များလား…" 

ဆွေ့ဟို့ယွီ လက်ခါပြလိုက်သည်။

"ထိန်းသိမ်းတတ်သူ မဟုတ်ပါဘူး... ပြဿနာ ရှာတဲ့နေရာမှာ တော်တော်လေး စွမ်းဆောင်ရည် ရှိတယ်... ချစ်သူလည်း ရှိခဲ့ဖူးသေးတယ်…"

[သူက ချစ်ခဲ့ဖူးသေးတာလား…] 

[ငါတို့ဦးလေးကို ကြွားပြောတယ်ပဲထင်နေတာ... သူက စင်ဂယ်မားသားတွေနဲ့ သန္ဓေသားလောင်းတွေရဲ့ စဥ်းစားမှုလို့ပဲပေါ့…] 

[ချစ်သူဟောင်းက ဘယ်သူများလဲ…] 

[တစ်ယောက်ပဲ ရှိခဲ့တာလား... လွန်ခဲ့တဲ့ နှစ်ပေါင်းများစွာကလား…] 

ဆွေ့ဟို့ယွီလည်း သူ့ရှေ့မှ ကြီးမားသော မျက်နှာပြင်ကြီးပေါ်က ကွန်မန့်များကို တွေ့နေရပြီး ပြန်ဖြေလိုက်လေသည်။

"ဟုတ်တယ်... ချစ်သူ တစ်ယောက်ပဲ ရှိခဲ့တာ…" 

[မယုံနိုင်ပါဘူး…] 

[ငါကတော့ ဦးလေးကို ချစ်သူ တစ်ထောင်လောက် ရှိခဲ့မယ်လို့ လွန်လွန်ကျူးကျူး တွေးခဲ့တာပဲ…] 

ဆွေ့ဟို့ယွီက မျက်နှာပြင်ကြီးကို ကြည့်ကာ ဆိုလိုက်သည်။ 

"တကယ် တစ်ယောက်တည်းပါ... ဒါပေမယ့် အကြိမ် ရှစ်ရာလောက် ရန်ဖြစ်လိုက် ပြန်တွဲလိုက် လုပ်ခဲ့ကြတာ…" 

[ဘာလို့ ဒီလို ဖြစ်ရတာလဲ…] 

[ဘာတွေ ဖြစ်နေတာလဲ…] 

[ရှူရှူက အမှိုက်ကောင်လား…] 

ဆွေ့ဟို့ယွီက မျက်နှာပြင်ကြီးကို ထောက်ကာ ပြောလိုက်သည်။

"မင်းက တစ်ချက်ကြည့်လိုက်တာနဲ့ ဖန်အတုပဲ... ရန်ရှူရဲ့ အကျင့်နဲ့ဆို လမ်းခွဲဖို့ အကြောင်းပြချက်တွေ ပြတ်လပ်နေပါ့မလား…"

[ရုတ်တရက်ကြီး အကျိုးအကြောင်းသင့်သွားသလိုပဲ…] 

[နားလည်ပြီ…] 

[အကြိမ် ရှစ်ရာလောက် ရိုက်သတ်ချင်တဲ့ သူငယ်ချင်းတွေ... ပြီးတော့ ရည်းစားဟောင်းနဲ့က အကြိမ် ရှစ်ရာလောက် လမ်းခွဲလိုက်သေးတယ်... ဦးလေးရဲ့ နေ့စဥ်ဘဝက တကယ့်ကို ထူးခြားနေတာပဲ…] 

[ဦးလေးက ရည်းစားနဲ့ တွဲနေတုန်း တကယ့်ကို ပေါ်ပြူလာ မဖြစ်ခဲ့ဘူးနေမယ်…] 

[ဘယ်လိုမျိုး သန့်စင်မွန်မြတ်တဲ့သူက ရှူရှူကို ချစ်မိသွားရလဲ မစဥ်းစားတတ်တော့ဘူး…] 

ထိုအခိုက် ရန်ရှူ၏ အထူးပြုလုပ်ချက် လက်ဆောင်များက မျက်နှာပြင်ထက်တွင် ထပ်ပြီး ကြီးစိုးသွားလေသည်။ 

ဆွေ့ဟို့ယွီက မျက်နှာပြင်ထက်ကို ကြည့်ကာ ရယ်လိုက်သည်။

"သူက နှုတ်ပိတ်ခ လာပေးနေတာပဲ... အဆင်ပြေပါတယ်... ဒီအကြောင်း မပြောကြဘဲ နေကြစို့…" 

ရန်ရှူက ဆွေ့ဟို့ယွီ၏ တိုက်ရိုက်ထုတ်လွှင့်မှုကို ကြည့်ပြီးနောက် စိတ်သက်သာရာရသွားသည်။ 

သူက ဆွေ့ဟို့ယွီထံ အလျင်အမြန် စာပို့လိုက်သည်: [အစ်ကိုယွီ... ဘာလို့ အားလုံး ပြောပြလိုက်တာလဲ…] 

အစ်ကိုယွီက ပန်းလေးလို လှတယ်: [မင်း ငါ့ကိုပြောထားတာလေ... မင်းကို ကြိုပြောထားပြီးသားပဲ…] 

RS: [လမ်းခွဲတဲ့အကြောင်း ပြောစရာ မလိုပါဘူး... မဟုတ်ရင် ဖန်တွေက ကျွန်တော့်ကို အမှိုက်ကောင်လို့ ထင်နေကြမှာပေါ့…] 

အစ်ကိုယွီက ပန်းလေးလိုလှတယ်: [အိုး... စကားမစပ် မင်းတို့ ပြန်တွဲကြပြီလို့ ပြောတယ်…] 

RS: [မဟုတ်ပါဘူး... သူအဲ့အကြောင်း မပြောဘူး…] 

တစ်ခဏ စောင့်ပြီးနောက် ဆွေ့ဟို့ယွီ စာမပြန်လာတော့ပေ။ 

သူက ဆွေ့ဟို့ယွီနှင့် စကားများလေ့မရှိဘဲ သူစာမပြန်လာလျှင် သူလည်း ပြန်မည် မဟုတ်ပေ။ သူ ကိုယ်တိုင်ကလည်း အလုပ်သွားရပေတော့မည်။ 

တစ်ခဏအကြာ ဆွေ့ဟို့ယွီက သူ့ကို စာပြန်လာသည်: [ကောင်းပြီလေ... ဟို့မော့က ဒါတွေ ရှင်းပေးလိမ့်မယ်... မင်း စောစော အိပ်သင့်တယ်…] 

RS: [အင်းပါ... ဟုတ်ပါပြီ…] 

ရန်ရှူက ဤနေရာတွင် တစ်ခုခု မှားနေကြောင်း နားမလည်သေးသော်လည်း သူ့ကိုယ်သူ ထိပ်တန်းစကားပြောခန်းတွင် နှစ်မြုပ်ထားကာ အကြီးဆုံးတူမများ သူ့အကြောင်း ဆွေးနွေးနေသည်ကို ကြည့်နေခဲ့သည်။ 

ထို့နောက် အချိန်နှင့်အမျှ စာတစ်ကြောင်းချင်း ချေပကာ သူကိုယ်တိုင်အတွက် ရှင်းချက်ထုတ်နေခဲ့သည်။ 

[ဦးလေးရဲ့ ကောင်မလေးအတွက် ကောင်းမယ်လို့ မထင်ဘူးနော်…] 

[သူ့စကားတွေအရ စကားများတဲ့အခါတိုင်း တစ်ခါမှ မရှုံးလောက်ဘူး... သူ့ကောင်မလေးကို သူ့ဘဝသူ သံသယ ဖြစ်သွားစေလိမ့်မယ်... သူ့ကောင်မလေးက သူ့ကိုချော့နေရလောက်တယ်…] 

[အားလပ်ရက်တွေမှာ သူပေးတဲ့ လက်ဆောင်တွေက အရမ်း တဲ့တိုးဆန်လောက်တယ်... သူက သူ့စိတ်ကူးနဲ့ မညီတဲ့ တစ်ဖက်လူက ပေးတဲ့လက်ဆောင်ကို ယူလောက်တယ်နော်…] 

[ငါပိုပြီး တွေးလေလေ အဲ့ဒီလိုကောင်လေးမျိုးက စိတ်ကူးထားတဲ့ပုံစံ မဟုတ်ဘူးလို့ ခံစားရလေလေပဲ... သူတို့တွေ လမ်းခွဲသွားကြတာ အံ့သြစရာ မရှိတော့ဘူး…]  

ရန်ရှူက ကီးဘုတ်ပေါ်တွင် တတောက်တောက် နှိပ်ကာ ပြန်ဖြေလိုက်သည်: [ငါနဲ့ ချစ်ကျွမ်းဝင်ရတာ လုံးဝကို ချမ်းသာသုခနဲ့ ပြည့်စုံနေမှာ...] 

သူ မမျှော်လင့်ထားခဲ့သည်မှာ ဖန်များက မတုန်မလှုပ်နှင့်တုံ့ပြန်ခဲ့ကြသည်ကိုပင်။ 

ရှူခုန်းမဟုတ်တဲ့ ရှူခုန်း: [ဥပမာ...]

သူက မျက်နှာပြင်ထက်ကို ကြည့်ကာ တိတ်ကျသွားခဲ့လေသည်။ 

ငါရော အရင်တုန်းက... စန့်ရှန်း ပျော်အောင် လုပ်ပေးခဲ့ဖူးလား...

သူ သေသေချာချာ တွေးကြည့်လိုက်သည်။

ငါတို့က သုံးရက်တစ်ခါ ရန်ပွဲအသေးစားလေးတွေ ဖြစ်ပြီး ငါးရက်တိုင်းမှာ ရန်ပွဲအကြီးကြီး ဖြစ်ပြီး နှစ်တစ်ဝက်မှာ ပျမ်းမျှ နှစ်ကြိမ်ခွဲလောက် လမ်းခွဲနေကြတာ စန့်ရှန်း ပျော်နေပါ့မလား... 

စကားများတာတွေအတွက်ကတော့... 

စန့်ရှန်းက သူနှင့် စကားပြိုင်မများပေ။ 

ရန်ရှူ မတရား ဆူညံလာမှသာ စန့်ရှန်း ဒေါသထွက်သွားပြီး သူ့အား ခပ်ပြင်းပြင်း ဖာခ့်ပေလိမ့်မည်။ 

သူ စဥ်းစားကြည့်လိုက်ပြီးနောက် ချက်ချင်း နားလည်သွားလေသည်။ 

စန့်ရှန်း အချိန်အတော်ကြာသည်အထိ ပြန်တွဲမည့်အကြောင်း မပြောလာသည်မှာ အံ့သြစရာ မရှိတော့ပေ။ 

သူ ငါ့ကို စိတ်ကုန်သွားတာလား... 

ငါနဲ့ ချစ်ကျွမ်းဝင်ရတာ ကောင်းတဲ့အရာ ဟုတ်ပုံမရဘူး... 

သူ့ကိုယ်သူ အသေအချာ လေးလေးနက်နက် ပြန်လည်စစ်ဆေးကြည့်လိုက်သည်။ 

ထို့နောက် သူစိတ်ပိုင်းဖြတ်လိုက်သည်။ 

ငါ ဘယ်တော့မှ ပြောင်းလဲမှာ မဟုတ်ဘူး... စန့်ရှန်းသာ ငါ့ကို မျှဝေခံစားကြည့်ရဲရင် ငါ စန့်ရှန်းကို သတ်လိုက်မယ်... ဘယ်သူမှ မစဥ်းစားသင့်ဘူး... 

မဟုတ်ဘူး... စန့်ရှန်းကို လွှတ်ပေးလိုက်သင့်တယ်... ပြီးရင် ရည်းစားကောင်လေး ရှစ်ယောက် ဆယ်ယောက်လောက် ရှာလိုက်မယ်... သူတို့အားလုံးက စန့်ရှန်းထက် ပိုကောင်းကြမှာပဲ... 

ရက်အနည်းငယ်ကြာသည်အထိ ရန်ရှူက ထိုဝေ့ပေါ်ပိုစ့်ကို တမှိုင်မှိုင် တွေးမိနေဆဲ ဖြစ်ပြီး ထိုစာကို သီးသန့် စာမပြန်ခဲ့သည့်အတွက် ပို၍ပင် အလှောင်ခံနေရသည့်နှယ် ဖြစ်သွားလေသည်။ 

ထိုကတည်းကစ၍ အနုပညာလောကထဲတွင် ရန်ရှူက ရည်းစားကောင်မလေး အနည်းဆုံး အမျိုးသား အနုပညာရှင် ဖြစ်သွားခဲ့လေသည်။ 

သူနှင့် သူ့ဖန်များက မိသားစုများ ဖြစ်၍ ရိုမန့်တစ်အချစ်များ ဖြစ်မလာနိုင်ပေ။ 

ဖန်များသည်ပင် သူနှင့် ချစ်ကျွမ်းမဝင်လိုကြ၍ စန့်ရှန်းက ပို၍ ဝေးပေတော့မည်။  

ရန်ရှူ ရက်အတော်ကြာ စိတ်ဖိစီးနေခဲ့သည်။ 

ထိုညတွင် ရန်ရှူက ခြင်ထောင်ထဲမှနေ၍ ဓါတ်ပုံရိုက်ကာ စန့်ရှန်းထံ ပို့လိုက်သည်။ 

RS: [ပုံ] 

RS: [ခြင်ကိုက်ခံထားရတယ်... မင်းလာလည်ဦးမှာလား…] 

စန့်ရှန်းက ခပ်မြန်မြန် ပြန်ဖြေလာခဲ့သည်: [ကိုယ် ရောက်လာရင် ကုတ်ပေးရဦးမှာလား…] 

RS: [ငါ့ဘေးမှာ လာလှဲသင့်တယ်... ဒီလိုဆို ခြင်တွေက ငါ့ကို မဟုတ်ဘဲ မင်းကိုပဲ ကိုက်ကြမှာ…] 

X: [မင်းက လက္ခဏာတွေကို ကုသနေပေမယ့် တကယ့်ရင်းမြစ် မဟုတ်သေးဘူး... တခြားနည်းလမ်း ကူစဥ်းစားပေးရမလား…] 

ရန်ရှူက ပထမတွင် စန့်ရှန်း၏ စကားကို နားမလည်ခဲ့ဘဲ ရက်အနည်းငယ်အကြာ ပစ္စည်းပို့သူ ရောက်လာမှ နားလည်သွားသည်။  

ဖွင့်ကြည့်လိုက်သောအခါ အထဲတွင် တိတ်တဆိတ် လှဲလျောင်းနေသည့် လျှပ်စစ်ခြင်ဆေးခွေလေး ရှိနေသည်။ 

သူက ခြင်ဆေးခွေထက်မှ လီလီပန်းပုံကို ကြည့်ကာ ပဟေဠိ ဖြစ်သွားသည်။ 

ဒီလောက်တောက်ပနေတဲ့ အပြင်အဆင်က ဘာလဲဟ... 

သူ ပလပ်တပ်လိုက်သည့်အခါမှ နားလည်သွားလေသည်။ 

ပလပ်တပ်ပြီးနောက် လီလီပန်းများက အရောင်စုံ လင်းလာပြီး တစ်ကွင်းတည်း ကွေ့ဝိုက်သွားသည်။

(ကံကောင်းမှုက သင့်ကို ကံကောင်းဖို့ ဆုတောင်းပေးတယ်.... ကံကောင်းမှုက ပျော်ရွှင်မှုနဲ့ အချစ်တွေ ယူလာပေးတယ်... ကံကောင်းမှုက သင့်ကို ကံကောင်းဖို့ ဆုတောင်းပေးတယ်...)

အသံအရည်အသွေးက အတော်လေး ညံ့ဖျင်းပေသည်။ 

ရန်ရှူက လျှပ်စစ်ခြင်ဆေးခွေရှေ့တွင် တိတ်တဆိတ် ရပ်နေပြီး ရောင်စုံ အလင်းတန်းများကိုကြည့်ကာ ပျော်ရွှင်စရာ သီချင်းလေးကို နားထောင်နေခဲ့သည်။ ခြင်များက ခြင်ဆေးခွေကြောင့် အသတ်မခံရဘဲ လှုပ်ခါနေသော အလင်းများနှင့် ဆူညံသံကြောင့် သူ့ကို ကွေ့ပတ်သွားကြပေလိမ့်မည်။ 

သူက ရှေ့မှ လျှပ်စစ်ခြင်ဆေးခွေကို ဗီဒီယိုတိုလေး ရိုက်ကာ စန့်ရှန်းကို မေးလိုက်သည်: [မင်းတွေးမိတဲ့ နည်းလမ်းက ဒါလား…] 

X: [မီးမှိတ်ပြီး ကြည့်လိုက်…] 

သူ လက်လှမ်း၍ မီးပိတ်လိုက်ပြီးနောက် ခြင်ဆေးခွေမှ အလင်းများ ပို၍ တောက်ပြောင် လင်းလက်လာမည်ဟု မျှော်လင့်ထားစဥ်မှာပင် မည်သည့်အရာမှ ဖြစ်မလာခဲ့ပေ။ 

သူ့ခေါင်းကို အမှတ်တမဲ့ မော့ကြည့်လိုက်မှသာ မျက်နှာကျက်တွင် ပရိုဂျက်ရှင်းမျက်နှာပြင်တစ်ခု ရှိနေကြောင်း သိလိုက်ရသည်။ သူက မျက်နှာကျက်ပေါ်မှ စန့်ရှန်းကုမ္ပဏီ၏ လိုဂိုအကြီးကြီးကို တွေ့လိုက်ရပြီး ယင်းက အရောင်များအတိုင်း ကာလာစုံ ပြောင်းလဲနေခဲ့လေသည်။  

ရန်ရှူ: “…” 

အရမ်းကောင်းတယ်... စန့်ရှန်းက ငါ့စကားကို မှတ်ထားတာ... ဒီလိုဂိုက ကြီးမားတောက်ပပြီး တဖျတ်ဖျတ်လက်နေတာပဲ... 

ရန်ရှူ ခြင်ဆေးခွေကို ပလပ်ဖြုတ်လိုက်ပြီးနောက် ဖုန်းကို ကောက်ယူလိုက်သည်: [စန့်ရှန်း... မင်းနဲ့ ပတ်သက်ပြီး တစ်ခုခု မှားနေတာပဲ ဖြစ်မယ်... ဒီဟာကြီးကို မင်းဘာသာမင်း ကြည့်မိရဲ့လား... ဒါကြီးကို ကောင်းတယ်လို့ ထင်တာလားဟမ်... ဒီပစ္စည်းက လက္ခဏာနဲ့ ဇစ်မြစ်ကို ကုသပေးနိုင်မှာတဲ့လား... ခြင်တွေ မပြေးရင် ငါပြေးမယ်... ခြင်ကိုက်လို့ သေသွားရင် နောက်ဆို မင်းဘက်မှာ ပြဿနာတွေ မရှိတော့ဘူးပေါ့လေ... ဒါပေမယ့် မှတ်ထားလိုက်... ငါ ခြင်တွေနဲ့ တစ်ဂူတည်း အမြှုပ်ခံလိုက်ပြီးရင် ငါတို့ သရဲ ဖြစ်သွားရင်တောင် မင်းကို ဘယ်တော့မှ အလွတ်မပေးဘူး... ခြင်တွေနဲ့ ငါက နေ့တိုင်း မင်းကိုသတ်ဖို့ မင်းဆီ လာခဲ့မယ်… ]

သူက ဟိန်းဟောက်နေသော အသံဖြင့် စက္ကန့်ခြောက်ဆယ် ကြာသော အသံဖိုင်သုံးခုကို တစ်ဆက်တည်း ပို့လိုက်သည်။ 

အော်ပြီးသွားသောအခါ ရန်ရှူ လည်ချောင်း ရှင်းလိုက်သည်။ အကျယ်ကြီး အော်ထားရသဖြင့် လည်ချောင်းက မသက်မသာ ဖြစ်နေခဲ့သည်။ 

သူက မရေမရာ ဖြစ်နေသကဲ့သို့ ထင်ရသဖြင့် ဖုန်းကို ထုတ်ကာ ခြင်ဆေးခွေများကို ဗီဒီယိုတိုလေးများ ရိုက်ထားလိုက်သည်။ 

ဗီဒီယိုထဲတွင် ခြင်ဆေးခွေများ၏ အနီးကပ် ရိုက်ချက်ပါနေပြီး ယင်းက ပုံမှန်အခြေအနေအတိုင်း ဖြစ်နေသည်။

"ဒါက ကျွန်တော့်ရဲ့ စီမံခန့်ခွဲမှု ကုမ္ပဏီရဲ့ ဥက္ကဌက ပေးတဲ့ နွေးထွေးမှုလေးပါ... သူက ရိုက်ကူးရေးအဖွဲ့မှာ ခြင်တွေအများကြီး ရှိမှန်း သိလို့ ဒါကို ပို့လိုက်တာလေ... ဒါက ကြည့်လို့ ကောင်းနေတုန်းပါပဲ... အင်းပါ... နောက်ဆုံးကျတော့ လူချမ်းသာတွေရဲ့ အာရုံခံစားမှုကို မျှော်လင့်ထားလို့ မရဘူးလေ…" 

ထို့နောက် လျှပ်စစ်ခြင်ဆေးခွေကို ပလပ်တပ်ကာ အလင်းရောင်များ ဖွင့်လိုက်ပြီး သီချင်းသံ ထွက်ပေါ်လာသည်။ 

"ကြည်စမ်းပါဦး... အရောင်စုံမနေဘူးလား... အရမ်းလှပတဲ့ ကောင်းချီးလေးပါပဲ…" 

ထို့နောက် အလင်းများကို ပိတ်ကာ မျက်နှာကြက်ပေါ်မှ ပရိုဂျက်ရှင်း မျက်နှာပြင်ပေါ်တွင် ထင်ဟပ်နေသည်ကို ပြလိုက်သည်။ 

"ဘောစ့်ကို ဒီထက်မက ကြီးပွားချမ်းသာလာစေဖို့ ဆုတောင်းပေးပါတယ်…" 

ရိုက်ကူးပြီးနောက် ဝေ့ပေါ်တွင် တင်လိုက်သည်။ 

သူ့အကောင့်မှ ဝေ့ပေါ်တွင် ပိုစ့်တင်ရန်အတွက် အမှန်ပင် အခကြေးငွေပေးဆောင်ရန် လိုအပ်ပေသည်။ ထိုအခကြေးငွေက အမှန်ပင် မြင့်မားလှသည်။ ထို့အပြင် ဤပစ္စည်းမှာလည်း ဘောစ့်ဖြစ်သူထံမှ ဖြစ်ပြီး ရောင်းချရန် မဟုတ်ပေ။ ထို့ကြောင့် ပြဿနာ မရှိတန်ရာ။ 

သေချာပေါက်ပင် ကွန်မန့်များက ရယ်စရာကောင်းလှသည်။ 

[ဟားဟားဟား ဒါက ရည်းစားဟောင်းရဲ့ လက်ဆောင်များ စုစည်းမှုမှာ ပါဝင်နိုင်တယ်... အကောင်းဆုံး အဆင့်ကို ချိတ်မှာပဲ…] 

[သူတို့ရဲ့ ဘောစ့်အသစ်ကို အရမ်း စဥ်းစားပေးတတ်တဲ့သူ ဖြစ်မယ်လို့ ထင်ထားတာ... ဒါကိုတော့ ထင်မထားမိဘူး... ဟားဟားဟား…] 

[ကြော်ငြာဖို့ အခွင့်အရေးမယူဘူးဆိုတာ သေချာလား…] 

[အတွေးတွေ ရိုက်သွင်းပေးတဲ့ အရိပ်အယောင် တစ်ခုမှ မပါဘူးနော်…] 

တစ်ခဏအကြာ ဆွေ့ဟို့ယွီက reply ပြန်လာသည်။ 

[ခြင်ကို တွေ့တာနဲ့ ချက်ချင်းကပြလိုက်လို့ မရဘူးလား…] 

ရန်ရှူက ဆွေ့ဟို့ယွီကို စာပြန်လိုက်သည်။ 

[လိုချင်လို့လား... ပေးမယ်လေ…] 

ဆွေ့ဟို့ယွီ ပြန်ဖြေလာသည်: 

[ဟို့မော့က အရမ်း စိတ်ဝင်စားနေတယ်…] 

ရန်ရှူက ဆွေ့ဟို့ယွီကို replyပြန်သည် : 

[တော်လိုက်တော့... သူ့ကို မပေးဘူး…]

📽️