အပိုင်း ၉

သူဌေးကတော်ဖြစ်ရတာထက် လွယ်တာရှိသေးရဲ့လား

အပိုင်း ၉

သိပ်မကြာခင်ပင် god's prophercy ၏ တရား၀င်အကောင့် ဖွင့်လှစ်လိုက်ပြီး ချက်ချင်းပင် လူတိုင်းသုံးသည့် လူမှုစာမျက်နှာပေါ်တွင်ရော မီဒီယာ ဆော့ဖ်ဝဲများထံ‌တွင်မှာ ရေပန်းစားရှာဖွေမှုထဲ ရောက်သွား၏။ ရွှီယန်ယု၏ ကိုယ်ပိုင် brand နာမည်ကြီးမှုက တော်တော်လေးမြင့်လေသည်။

Brand အသစ်တစ်ခု ချပြတော့မယ်ဆိုရင် တော်တော်လေး အလုပ်များရပေမယ့်လို့ ရွှီယန်ယုကတော့ မလိုအပ်ပေ။ သူမက ပိုက်ဆံကို ကြေငြာဖို့အတွက်သုံးပြီး ရလဒ်ကလည်း တော်တော်လေး လွယ်လွယ်ကူကူ ထွက်လာသည်။

ယနေ့ တိုက်ရိုက်ထုတ်လွှင့်မှု၌ ကျန်းချင်ယွင်မှာ သူ့မောင်လေးနှင့် ညီမလေးစုယင်တို့အား မင်္ဂလာ၀တ်စုံလိုက်ကြည့်ပေးမှာဖြစ်သည်။ သူမက ရှန်မိသားစုရဲ့ပိုင်ဆိုင်မှုကို ပြချင်လို့ လုပ်ပေးတာဖြစ်သည်။ ဒီနေ့ရိုက်ကွင်းက တော်တော်လေးကြီးပြီး ထိပ်တန်း မင်္ဂလာ၀တ်စုံအရောင်းဆိုင်တစ်ခုက ရွေးချယ်ဖို့ ကူညီပေးမှာဖြစ်သည်။

ရှန်ဖန့်နဲ့ ကျင်းချင်ယွင်က ဆိုဖာပေါ်တွင်ထိုင်နေပြီး ဘာပြောရမှန်း မသိကြပေ။ ဒါပေမဲ့ မျက်စိမလွှဲဘဲ တစ်ယောက်ကိုတစ်ယောက် ကြည့်နေကြသည်။ ရှန်ယိနဲ့ စုယင်တို့ ၀တ်စုံရွေးခြင်းကို အဓိကရိုက်တာဖြစ်ပေမယ့်လို့ သေချာကြည့်တဲ့ကြည့်ရှုသူတွေကတော့ ထောင့်တစ်နေရာမှာ ကြည်နူးနေကြတဲ့စုံတွဲကို တွေ့ကြလေသည်။

လူတော်တော်များများက တိုက်ရိုက်လွှင့်မှုမှာ မှတ်ချက်ပေးကြတော့သည်။

[ ကြည့်ရတာ သူတို့ဆက်ဆံရေးက အတုအယောင် မဟုတ်လောက်ဘူး။ သူတို့ကင်မရာရှေ့မှာ ကြည့်မနေကြဘူးဆိုရင်တောင် အဆင်ပြေပါတယ်။ ]

[ မင်္ဂလာ၀တ်စုံ ရွေးရတာက တော်တော်လေး ဒုက္ခများတာပဲ။ ကျန်းချင်ယွင်က သူ့အမြင်ကိုပြောဖို့လိုသေးတယ်ထင်တယ်။ အချိန်ရှိရင် နည်းနည်းလောက်အိပ်လိုက်တာ ပိုမကောင်းဘူးလား။ သူ အစောကြီးထထားတော့ တော်တော်လေး ပင်ပန်းနေပြီထင်တယ်။ ]

[ မယုံနိုင်သေးဘူး။ ရှန်ဖန့်ညီလေးတောင် လက်ထပ်တော့မယ်ဆိုတာ။ ဒါက တစ်သက်မှာ တစ်ကြိမ်ဆိုတော့ တော်တော်အလုပ်ရှုပ်မှာပဲ။ ]

[ ဒါပေမဲ့ ဘေးခန်းက ထုတ်လွှင့်မှုကတော့ တော်တော်လေး သက်တောင့်သက်သာရှိပုံပဲ။ ရွှီယန်ယုကတော့ နေ့တိုင်း သူဝါသနာပါတာ လုပ်နေတာ။ ]

[ နေ့တိုင်း ဘာမှမလုပ်ဘဲ ပိုက်ဆံဖြုန်းဖို့ပဲသိတဲ့ ရွှီယန်ယုနဲ့တော့ ဘယ်တူပါ့မလဲ။ သူ့ယောက်ျားက တော်တော်လေးကံဆိုးတာပဲ။ သိပ်မကြာပါဘူး သူတို့မိသားစု ပျက်စီးလိမ့်မယ် ]

[ အပေါ်ထပ်က တစ်ယောက်က တော်တော်လေးဉာဏ်မရှိဘဲ နောက်မှာ ကျန်ခဲ့တာပဲ။ လက်ရှိရေပန်းစားရှာဖွေမှုကို ကြည့်လိုက်ဦး။ ရွှီယန်ယုက သူ့ကိုယ်ပိုင် brand တောင် တည်ထောင်လိုက်ပြီ။ ပြီးတော့ G လုပ်ငန်းစုနဲ့လည်း လက်တွဲထားတာ။ မျက်စိပါတဲ့သူတိုင်း သူ့အလုပ်အကိုင် တိုးတက်လာမှန်းသိတယ် ]

[ ဒါက သင့်လျော်ပါတယ်။ သူတို့က ချမ်းသာတဲ့ဇနီးမယားတွေပဲ။ သူတို့ကိုယ်တိုင်အတွက် အချိန်ဖြုန်းတာနဲ့ သူများအတွက် အချိန်ဖြုန်းတာပဲ ကွာတာ။ ]

[ ဟ ဟ ဟ ရယ်လိုက်ရတာ။ အကြောင်းအရာက ဆီလျော်ပါပေတယ်။ ]

[ ကံကောင်းတာက ရှန်ဖန့်က ဘာမှမရှိပေမယ့်လို့ ရွှီယန်ယုကတော့ တကယ်မိုက်တာပဲ ]

ကျန်းချင်ယွင်က တိုက်ရိုက်လွှင့်မှုက မှတ်ချက်တွေကို ကြည့်လိုက်မိသောကြောင့် မျက်နှာပျက်သွားရသည်။ ရွှီယန်ယု လုပ်ငန်းတစ်ခု စလုပ်သည်ဆိုတဲ့သတင်းကို မြင်လိုက်ရသည်နှင့် စိတ်မချမ်းမသာဖြစ်သွား၏။ ဒါကကောင်းတယ်လို့ သူမ မထင်ပေ။

ဒါက ဟာသတစ်ခုပဲ။ ဒီလိုအထက်စီးဆန်တဲ့ နာမည်မျိုးကို brand နာမည်အဖြစ် ပေးတာထက် ရယ်ရတာမရှိပေ။

Brand ရဲ့နာမည်က သူ့သေတွင်း သူတူးသလို ဖြစ်ပြီး ပစ္စည်းများပို့ချိန်၌ တခြားသူများအတွက် ဟာသဖြစ်လိမ့်မည်။

ပြောရရင် ရွှီယန်ယုက သူ့နာမည်သူ မသိတာပဲ။ ကျန်းချင်ယွင်မှ  စိတ်အေးသွားပြီး ရွှီယန်ယုက သူ့ခြေထောက်ပေါ် သူကိုယ်တိုင် ကျောက်တုံးပစ်ချနေတာ ဖြစ်သည်။

ကျန်းချင်ယွင် တွေးနေတုန်းမှာပင် ရှန်ယိနဲ့ စုယင်ရဲ့ အသံကို ကြားလိုက်ရလေသည်။ မင်္ဂလာ၀တ်စုံတွေရဲ့တန်ဖိုးက လေးမီလီယမ်ကျော်မည် ဟူ၍ ပြောနေသည်။

 ၀တ်စုံက စုစုပေါင်းဆယ့်နှစ်စုံဖြစ်ပြီး တစ်စုံလျှင် အနည်းဆုံး ယွမ်လေးသောင်းလောက်ရှိလေသည်။ အဆင့်မြင့်မင်္ဂလာ၀တ်စုံများ၏ တန်ဖိုးမှာ တော်တော်လေးခမ်းနားသည်ပင်။

ကျန်းချင်ယွင်မှ ဒါက ရှန်မိသားစုရဲ့ပိုင်ဆိုင်မှုနဲ့ဆိုရင် သာမန်ပစ္စည်းတွေပဲဟူ၍ တွေးလိုက်လေသည်။

[ တိုက်ရိုက်လွှင့်မှုတွေ အများကြီး ကြည့်ထားလို့လားမသိဘူး။ လေးမီလီယမ်ဆိုတာ ဘာမှမဟုတ်တော့သလိုပဲ။ ]

[ ရွှီယန်ယုက ယွမ်သုံးရာမီလီယမ်ကို နာရီတစ်လုံး၀ယ်ဖို့အတွက်သုံးတာတွေ့တော့ ဒီ၀တ်စုံလေးနည်းနည်းက ဘာမှမဟုတ်ဘူးလို့ တွေးမိတာပဲ။ ဒါတောင် သူ၀ယ်ထားတဲ့အိမ်တွေ လမ်းတွေ ထည့်မတွက်ရသေးဘူး။ ဒါကြောင့် ဘာကိုမှထပ်ပြီး အံ့ဩစရာလို့ မမြင်တော့တာဖြစ်နိုင်တယ်။ ]

[ ဟုတ်တယ် သာမန်ပဲလို့ ခံစားရတယ်။ ငါသာ ရွှီယန်ယု တိုက်ရိုက်လွှင့်မှုကို ကြည့်မထားဘူးဆိုရင်တော့ အံ့ဩမိလောက်မှာပေါ့ ]

ထိုမှတ်ချက်များတွေ့သည်နှင့် ကျန်းချင်ယွင်မှာ လက်သီးဆုပ်လိုက်မိသည်။ ဒါပေမဲ့ တိုက်ရိုက်လွှင့်မှုမပြီးခင်အထိ ပြုံးထားလေသည်။ အင်တာနက်သုံးသူများက သူမရဲ့တိုက်ရိုက်လွှင့်မှုကို ရွှီယန်ယုရဲ့တိုက်ရိုက်လွှင့်မှုနဲ့ ယှဉ်ကြည့်နေကြသည်။

ဒီနေ့တိုက်ရိုက်ထုတ်လွှင့်မှုမှာတော့ ရွှီယန်ယုက ထွေထွေထူးထူး ဘာမှလုပ်နေခြင်းတော့မရှိပေ။ သူမက ရင်ထိုးလုပ်ရန်နှင့် ပလက်တီနမ်ပုခုံးသိုင်းကြိုးအတွက် စိန်အကြမ်းထည်များအား ပုံစံချနေခြင်းဖြစ်သည်။

 ကြည့်ရတာ အ၀တ်အထည်ပေါ်မှာ သုံးဖို့အတွက် ဖြစ်လောက်မည်။ ဒီဇိုင်းဖန်တီးတာက သူမအတွက် သင့်လျော်သည်ပင်။ အ၀တ်အထည် brand ဆိုတာကလည်း ကောင်းမွန်တဲ့ဈေးကွက်ဖြစ်သည်။

ကျန်းချင်ယွင် ကြည့်လေလေ ပိုပြီးဒေါသထွက်လေလေဖြစ်သည်။ မှတ်ချက်တော်တော်များများက သူလုပ်ချင်တာ လွတ်လွတ်လပ်လပ် မလုပ်ရဘူးဟုပြောကြသော်လည်း တစ်ချို့မှတ်ချက်များက သူ့ကိုမေးထားသည့် မေးခွန်းများဖြစ်လေသည်။

[မစ္စကျန်း ရွှီယန်ယုရဲ့ ယွမ်တစ်ဘီလီယမ် မြှုပ်နှံထားတဲ့လုပ်ငန်းကို ဘယ်လိုမြင်လဲ]

တစ်ဘီလီယမ်ဆိုတာက ကျန်းချင်ယွင်ကို နာကျင်စေသည်။

သူ့နှလုံးသားပါ နာကျင်သွားရသလို ခံစားလိုက်ရသည်။

သူမက ပိုက်ဆံရှိပြီး ချမ်းသာပေမယ့် ဒီလောက်ပိုက်ဆံအများကြီးကိုတော့ အကန့်အသတ်မရှိဘဲ မသုံးဖူးချေ။ ဒါကြောင့် ဒီလောက်ပမာဏက ဘယ်တော့မှသုံးဖြစ်မည်မဟုတ်ပေ။ သူ့မျက်လုံးထဲ၌ တော်တော်လေးမသက်မသာဖြစ်ရသည်။

ကျန်းချင်ယွင်က ထိုမှတ်ချက်၏ အောက်၌ ပြန်ဖြေလိုက်လေသည်။

[ ငါကတော့ ကိုယ့်ကိုယ်ကိုယ် ထိန်းကွပ်တတ်ရမယ်လို့ ထင်တယ် ]

[ ကျန်းချင်ယွင်ရဲ့စကားလုံးတွေက ရွှီယန်ယုက ဒီ brand ကိုကောင်းကောင်းလည်ပတ်နိုင်ဖို့ အရည်အချင်းမရှိဘူးလို့ လှောင်နေတာလား ]

[ ငါကတော့ အဓိပ္ပာယ်က ဒီထက်လေးနက်တယ်လို့ ထင်တာပဲ။ ရွှီယန်ယုက ဒီလောက်မြင့်တဲ့နေရာကို ရောက်နေပြီး အားလုံးကို လွယ်လွယ်လေး လုပ်သွားတာ။ သူရွေးထားတဲ့ Brand နာမည်ကလည်း တော်တော်လေးအထက်စီးဆန်တယ်။ အောင်မြင်တယ်ဆိုရင် ဘာမှမဖြစ်ပေမယ့် မအောင်မြင်ရင်တော့ ရယ်စရာဖြစ်မှာ။ ဒါကြောင့် ဒီစာလုံးတွေကိုတော့ အထိန်းအကွပ်ရှိသင့်တယ်လို့ ရွှီယန်ယုကို ပြောတာ။ ]

[ ဟုတ်တယ်။ ချမ်းသာတာနဲ့ စီးပွားရေးလုပ်နိုင်တယ်ဆိုတာမှ မဟုတ်တာ ]

[ ငါ ရွှီယန်ယု ငွေတွေအများကြီး ရင်းနှီးမြှုပ်နှံတာနဲ့ပတ်သက်လို့ အကောင်းမမြင်တာမျိုး မဟုတ်ပါဘူး။ အခု သူက ဆူးနှင်းဆီ ဒီဇိုင်းတစ်ခုပဲ ထွက်သေးတာ ကျန်တဲ့ထုတ်ကုန်တွေ ထွက်သေးတာ မဟုတ်ဘူး။ ဒါကြောင့် သူကဈေးကွက်ထဲ ၀င်ဆန့်အောင် လုပ်ရဦးမှာ။ သူက တကယ်ကြီး မကျွမ်းကျင်သေးဘူး။ ]

ရွှီယန်ယုရဲ့ စီးပွားရေးပေါ် စွန့်စားလိုစိတ်က နာမည်ကြီးသွားပေမယ့်လို့ လူအချို့ရဲ့ဝေဖန်ခြင်းလည်း ခံနေရသည်။

ဒီမှတ်ချက်တွေက သူမရဲ့ကိုယ်ပိုင်ဒီဇိုင်းအကြောင်း မဟုတ်ဘူး။ ဒါပေမဲ့ လူတိုင်းက သူ စီးပွားရေးမလုပ်တတ်ဘဲ brand ကို စီမံခန့်ခွဲဖို့ ခက်လိမ့်မည်ဟု ထင်နေကြ၏။

Gabriel ၏ တရား၀င်အကောင့်မှလည်း ထုတ်ကုန်သစ်မိတ်ဆက်ပွဲနှင့်ပတ်သက်ပြီး ကြော်ငြာသည့်ပုံများ တင်ထား၏။ ထုတ်ကုန်သစ်မှာ သစ်နက်ရေမွှေးဖြစ်ပြီး " infected innocence" လို့ အမည်ရသည်။ တရား၀င်ဗီဒီယို ထွက်လာတဲ့အခါမှာတော့ အင်တာနက်ပေါ်မှ လူအများ၏ စိတ်၀င်စားမှုခံရလေသည်။

ဒီရေမွှေးရဲ့ဖန်တီးမှုက သန့်စင်သော ချစ်ခြင်းဆိုတဲ့ဗိုင်းရပ်စ်တစ်မျိုးကနေ စသည်။ အဲ့ဗိုင်းရပ်စ်နဲ့ ထိတွေ့လိုက်ရင် တစ်ယောက်ယောက်က အချစ်နယ်ပယ်ထဲ ကျရှုံးလိမ့်မည်ဖြစ်သည်။ ဗီဒီယို အဆုံးမှာတော့ တစ်ခုခုကဆွဲထုတ်သွားသလိုမျိုး တော်တော်လေး မသက်မသာဖြစ်တယ်လို့ ခံစားရလိမ့်မည်။ ဒီလိုအထီးကျန်မှုမျိုးက တော်တော်လေးနက်ရှိုင်းသည်ပင်။

လှပတယ်၊ သန့်ရှင်းတယ်၊ ဒါပေမယ့်လို့ တစ်ချိန်တည်းမှာလည်း အန္တရာယ် ရှိနေပေသည်။

ဒါက ဒီရေမွှေးနဲ့ ဆက်စပ်နေတဲ့အချက်တွေဖြစ်သည်။

အင်တာနက်သုံးသည်တွေက ဘာကြောင့် မစ္စစတယ်လာ ဘာလို့ ရွှီယန်ယုကို အသိအမှတ်ပြုသလိုဆိုတာကို သိရှိလိုက်ရ၏။ ရွှီယန်ယုရဲ့ဆူးနှင်းဆီ ဒိီဇိုင်းမှ အထီးကျန်ဆန်တဲ့အတွေးတွေ စိတ်ထဲမှာ ပိတ်လှောင်ခံထားရတဲ့ဆိုတဲ့ အယူအဆက ဒီရေမွှေးနဲ့ အယူအဆချင်း တော်တော်လေး ဆင်တူနေတာကို တွေ့ရလေသည်။

ဒါကြောင့် သူတို့နှစ်ဦး ဆက်ဆံရေးကောင်းပြီး သီးသန့်စားပွဲတောင် လုပ်ကြသည်ကို မအံ့ဩတော့ပေ။ ရွှီယန်ယုရဲ့ ဒီဇိုင်းက မစ္စစတယ်လာကို တော်တော်လေးဆွဲဆောင်နိုင်ပေသည်။

ပြီးတော့ ရွှီယန်ယုရဲ့စိတ်နေသဘောထားကလည်း ဒီရေမွှေးနဲ့ တော်တော်လေး လိုက်ဖက်လေသည်။ ဒီရေမွှေးနဲ့ ထပ်တူကျနိုင်တဲ့ အနုပညာရှင်မျိုး ထပ်မရှိနိုင်ဘူး ဟူ၍ပင် ပြောလို့ရ၏။

ဒါက တရား၀င်အကောင့်မှာ မစ္စစတယ်လာကိုယ်တိုင် အင်တာဗျူး ဖြေထားသည့်အကြောင်းဖြစ်ငည်။ သူ ရွှီယန်ယုကို မြင်လိုက်တည်းက သိလိုက်လေသည်။ ရွှီယန်ယုက "infect pure love"နှင့် အသင့်လျော်ဆုံးဆိုတာကိုပင်။

Gabriel ရဲ့ တရား၀င်ပစ္စည်းမိတ်ဆက်ပွဲ အခမ်းအနားကျင်းပသည့် နေ့ဖြစ်သည်။ ဒီပွဲအခမ်းအနားအား အင်တာနက်ပေါ်၌ တိုက်ရိုက်ထုတ်လွှင့်တင်ဆက်၏။ အနုပညာရှင်များစွာ တက်ရောက်ကြပြီး မြင်နေကျ ထိပ်တန်းအနုပညာရှင်များစွာကို တွေ့နိုင်ပေသည်။

လူအများစိတ်၀င်စားမှုကို ခံရတဲ့ အထူးဧည့်သည်ကတော့ ရွှီယန်ယု ဖြစ်သည်။

အင်တာနက်အသုံးပြုသူတွေက သူမ ပေါ်လာမည့်အချိန်ကို စောင့်နေကြသည်။ လူတစ်ချို့က ရွှီယန်ယု အနီရောင်ကော်ဇောပေါ် လျှောက်လှမ်းမည့် အချိန်ကို မစောင့်နိုင်တော့ပေ။

ဘာလို့လဲဆိုတော့ ရွှီယန်ယု အနီရောင်ကော်ဇောပေါ် လျှောက်လှမ်းခဲ့သည်က လွန်ခဲ့သည့်သုံးနှစ်က နောက်ဆုံးဖြစ်သည်။

အဲ့အချိန်က အနီရောင်ကော်ဇော်ပေါ်မှာ အံ့ဖွယ်ပင်ဖြစ်သည်။

အချိန်တော်တော်ကြာပြီးတဲ့နောက် သွယ်လျပြီးသိမ်မွေ့တဲ့ပုံရိပ်တစ်ခု ဖြည်းဖြည်းချင်း လျှောက်လှမ်းလာတာကို တွေ့လိုက်ရသည်။ စွဲမက်ဖွယ် မျက်နှာလေးနှင့် အနက်ရောင်ကောက်သားနှင့် ဆံပင်တို့မှာ သူမအား ပိုပြီးကျော့မော့စေသည်။

ဒါပေမဲ့ ပိုပြီးသတိပြုမိကြသည်က  ရွှီယန်ယု ဒီနေ့၀တ်ဆင်လာတဲ့၀တ်စုံဖြစ်ပြီး တော်တော်လေးအံ့ဩရလေသည်။

အပေါ်ပိုင်းအင်္ကျီက ငွေရောင်ဇာပါးနဲ့ပြုလုပ်ထားပြီး နောက်၌ ပုခုံးသိုင်းကြိုးတစ်ခုသာ ပါလေသည်။ တော်တော်လေးဆွဲဆောင်မှုရှိလှပြီး အဓိကက ရွှီယန်ယု၏ ချောမွေ့နေသော နောက်ကျောဖြစ်သည်။

 အပေါ်အင်္ကျီ၏ နောက်ကျောဘက်ကို ဖော်ထားပြီး သူမ၏သေးသွယ်သောခါးတွင် ဆူးနှင်းဆီပုံစံ ခါးပတ်အားပတ်ထားသည်။ တစ်ထည်လုံးက တော်တော်လေးဆွဲဆောင်မှုရှိလှပြီး ကင်မရာမှ လှည့်ပြလိုက်သည့်အချိန်က ကြည့်သူများအား နှာခေါင်းသွေးလျှံစေသည်။

အောက်ပိုင်းတွင်တော့ နှင်းဆီပန်းပုံစံစကပ် ၀တ်ဆင်ထားပြီး မညီညာသည့် အနားသတ်များနှင့်ဖြစ်သည်။ သွယ်လျသည့် ခြေထောက်များနှင့် ခြေလှမ်းတိုင်းက လှပနေသည်။

ရွှီယန်ယု ထွက်လာသည့်အချိန်တွင် လူတိုင်းက သူ့အမူအရာ တည်ငြိမ်နေမယ်ဆိုတာ သိလေသည်။

" Red carpet ရဲ့အောင်နိုင်သူပဲ "

" အနုပညာရှင်တွေ အားလုံးကိုတောင် အေးဆေးလေးသတ်ချသွားတာ "

သူ၀တ်ဆင်လာသည့် ၀တ်စုံက တစ်ခြား brand က မဟုတ်ဘဲ god's prophercy က ဖြစ်ပြီး ရွှီယန်ယုကိုယ်တိုင်ဖန်တီးထားမှန်း သိရသည့်အခါ အင်တာနက်သုံး‌‌သူတွေလည်း အံ့ဩရကုန်၏။ ဒီနေ့ရဲ့ red carpetဘက အမြင့်ကိုရောက်နေပြီး စိတ်ထဲမှာ အံဩတာရော ထိတ်လန့်တာပါ ဖြစ်နေရသည်။

" ဒီကမ္ဘာမှာ ရုပ်ရည်ကော အရည်အချင်းရော ပြည့်စုံတဲ့သူ ရှိသေးတာလား။ နတ်ဘုရားတစ်ပါးရဲ့ဖန်ဆင်းမှုပဲ ဖြစ်ရမယ်။ "