Chapter 113

📽️ Chapter 113

Extra 19 : ဖန်များ၏ အချစ်နှင့်အမုန်း(ဝေ့ပေါ်) 

( ဒီတစ်ပိုင်းက ကွန်မန့်ပုံစံတွေများပါတယ် ရန်ရှူနဲ့ပတ်သက်တဲ့အကြောင်းတွေကို fanတွေဘက်က ဘယ်လိုထင်မြင်ကြတယ်ဆိုတာကို ကွန်မန့်မှာ ပြောကြတဲ့ ပုံစံတွေမို့ပါ တစ်ချက်တစ်ချက်ကျရင် အပေါ်နဲ့အောက် အဆက်အစပ်မရှိတာတွေလည်း ပါနိုင်ပါတယ်)

“မင်းကို ကိုယ့်ဘဝထဲ ခေါ်မယ်"အား စုစုပေါင်း ဆယ်ရက်ကြာ တိုက်ရိုက်ထုတ်လွှင့်ခဲ့သည်။ 

တိုက်ရိုက်ထုတ်လွှင့်မှုအတွင်း ရန်ရှူက များသောအားဖြင့် ဖန်များနှင့် ဆက်သွယ်မှု မပြုလုပ်ခဲ့ပေ။ ရံဖန်ရံခါ ဆိုဖာပေါ်တွင်လှဲနေကာ တစ်ခါတစ်ရံ ကွန်ပြူတာဖြင့် ကစားနေပြီး တချို့သော အချိန်များတွင် ညဆယ်နာရီအထိ အိပ်နေတတ်သည်။ သို့သော်လည်း ထိုဆက်ဆံမှုသေးသေးလေးကပင် ကြည့်ရှုသူ သန်းဆယ်ချီအောင် လုပ်ဆောင်နိုင်ဆဲပင်။ 

ဆယ်ရက်တာ တိုက်ရိုက်ထုတ်လွှင့်မှု ပြီးဆုံးသွားလေသည်။ 

အင်တာနက် အသုံးပြုသူများ: [ရန်ရှူရဲ့ ပုံမှန် တိုက်ရိုက်ထုတ်လွှင့်မှုကို ကြည့်ရတာ လူနာနှစ်ယောက်ရဲ့ နေ့စဥ်ဘဝကို ကြည့်နေရသလိုပဲ... ပရိုဂရမ်ကို "ဘဝကိုဦးဆောင်ခြင်း"လို့ ပေးရမှာ…] 

[ဒါက သာမန်လူတစ်ယောက်ရဲ့ဘဝ မဟုတ်ဘူးလို့ ငါလည်း တွေးမိတယ်... စိတ်ရောဂါရှိတဲ့ လူတစ်ယောက်ရဲ့  ဘဝပဲ…] 

[ရန်ရှူရဲ့ ဘဝက သိသိသာသာကို အရမ်းကျိုးကြောင်းမဆီလျော် ဖြစ်နေပေမယ့် သူလုပ်တာတွေက အရမ်းကျိုးကြောင်းသင့်နေတယ်…] 

[ပြီးတော့ ငါတို့တွေကလည်း ဆိုက်ကိုပါ့သ့် နှစ်ယောက်ကို ချစ်နေရတာပဲ... ငါတို့ကလည်း သာမန်မဟုတ်တော့တာများလား…] 

ဟဲ့ဖန်: [ ငါအရင်က "ကောင်းကင်က မွေးဖွားပေးခဲ့တဲ့ စုံတွဲ" တို့ "ကောင်းကင်က တွဲဖက်ပေးလိုက်တဲ့ အတွဲ"တို့ "မျိုးမစစ်က ပဲတီစိမ်းနဲ့ တွေ့တယ်"တို့ မယုံခဲ့ဘူး... ရန်ရှူနဲ့ မစ္စတာစန့်ကို တွေ့မှပဲ နားလည်သွားတယ်…] 

[ကောင်းကင်ကတွဲဖက်ပေးတဲ စုံတွဲတဲ့လား... သူတို့နဲ့ လိုက်သားပဲ…] 

[သူတို့ကို လှောင်ပြောင်ဖို့ ငါ့မှာ ဘာအရည်အချင်း ရှိလို့လဲ... သူတို့တွေက ဒီလောက်ထိ အံဝင်ခွင်ကျ ဖြစ်တဲ့ တွဲဖက်တွေ ရနေချိန်မှာ ငါ့အတွက်ကျ ဘာလို့ တစ်ယောက်လောက်တွေ့ဖို့ ခဲယဥ်းနေရတာလဲ…] 

[ဟုတ်တယ်... တွေးကြည့်လိုက်တော့ သူတို့က တကယ့်ကို ကောင်းကင်က တွဲဖက်ပေးထားတဲ့ စုံတွဲပဲ... သာမန်ဆန်တဲ့လူတွေက သူတို့နဲ့ တွဲနိုင်မှာ မဟုတ်ဘူး…] 

[ဝူး.......] 

ကျန်းကျန်းကျန်းတစ်ယောက်: [တူမကြီးတို့.. ငါတို့ဦးလေးကို အသရေဖျက်နေပါပြီ.... သူ့ကို သွားပြီး ကြိမ်းမောင်းကြရအောင်…] 

[အသစ်လေးပါ နားမလည်လို့... ဒါက ဦးလေးကို ကြိမ်းမောင်းနေတာလား... သူ့အကောင့်ကို မားကတ်တင်း ဆင်းနေတာလား…] 

[ဦးလေးကို ခေါ်လိုက်လေ... နင် သူ့ကို ကြိမ်းမောင်းရင် သူနင့်ကို လက်စတုံးပေးလိမ့်မယ်…] 

[‌ဘလက်ဖန်တွေကို ဆန့်ကျင့်ပြီး ကစားနေတာကို ဦးလေးက ဘယ်အချိန်တုန်းက ငါတို့ကို အသုံးချလိုက်တာလဲ... သူ့ကို အားပေးကြရအောင်…] 

[ဒီတစ်ခါတော့ လူတိုင်းရေ ရှောင်ရှန်းမိသားစုက ဖန်တွေလို ဟန်မဆောင်ကြပါနဲ့တော့... အရင်တစ်ခေါက်က နင်တို့ ရှန်းမိသားစုက ဖန်တွေဆီမှာ ပေါ်သွားတာလေ…] 

[ယာယာမိသားစုက ဖန်လို ဟန်ဆောင်မယ်…] 

[ငါက ယာယာမိသားစုကပါ... ယာယာမိသားစုက ဗုဒ္ဓဘာသာဝင်တွေမို့ ပထမအကြည့်မှာတင် အတုဆန်နေတယ်... ယန်မိသားစုကလို ဟန်ဆောင်ကြရအောင်] 

ညရောက်လာသောအခါ ရန်ရှူက ရုတ်တရက်ဆိုသလို ဝေ့ပေါ်၌ စာတင်လာသည်။ 

ရန်ရှူ: [ငါထင်တာတော့... ဒီတစ်ခါ တကယ် လမ်းခွဲချင်နေပြီ…] 

သိသိသာသာပင် ရန်ရှူက ချစ်သူကောင်လေးနှင့် လမ်းခွဲလေပြီ။ 

အဓိက မားကတ်တင်းပလပ်ဖောင်းများက သတင်းတင်ရန် အပြေးရောက်ချလာပြီး ပရိုဂရမ်မာများသည်ပင် အချိန်ပိုဆင်းရမလားဟု တွေးနေခဲ့ကြသည်။ 

ရလဒ်အနေဖြင့် ဝေ့ပေါ်၌ ရန်ရှူ ဆေးခြယ်သည့်စတိုင်က ဤသို့ ဖြစ်လာသည်။ 

[ဦးလေးက ဝေ့ပေါ်မှာ ပိုစ့်တင်တော့ မားကတ်တင်းအကောင့်တွေ အတည်ထင်သွားတော့မှာ…] 

[ဒီတစ်ခေါက် လမ်းခွဲတာရဲ့ အကြောင်းအရင်းကို သိချင်နေတာ ငါတစ်ယောက်တည်းလား…] 

[သူတို့တွေ အကြိမ်လေးရာလောက် လမ်းခွဲပြီးသွားပြီ မဟုတ်ဘူးလား... မဟုတ်ရင် ခဏလောက်စောင့်ပြီးမှ အကြိမ်လေးရာမြောက် အောင်အောင်မြင်မြင် လမ်းခွဲတာကို အောင်ပွဲခံဖို့ ပြန်လာမယ်…] 

[ဦးလေးရေ... ငါတို့ကို အပြင်လူတွေလို ကြုံရာကျပန်း ဆက်ဆံနေတုန်းလား... ငါတို့ မင်းရဲ့ ကွန်ပလိန်းတွေ ကြားချင်တယ်လေ…] 

[ငါထင်တာ... အစ်ကိုယွီက အမည်းရောင်ကောက်နှံပင်ကို ဆွဲနှုတ်လိုက်ပြီလားလို့…] 

[မစ္စတာစန့်က သူ့ကို ချော့ပြီးသွားလောက်ပြီ ထင်တယ်... ဟုတ်တယ်မလား…] 

မနက်ပိုင်း 2:23 အချိန်တွင် ရန်ရှူက ဝေ့ပေါ်၌ ပိုစ့်တင်လာပြန်သည်။

[အားလုံး စိတ်ပူစေမိလို့ တောင်းပန်ပါတယ်... ကျွန်တော်တို့ ပြန်အဆင်ပြေသွားပါပြီ]

[ရပါတယ်... ငါတို့ကလည်း လုံးဝ စိတ်မပူပါဘူးလို့…] 

[ညနေ ရှစ်နာရီမှာ လမ်းခွဲပြီး မနက် နှစ်နာရီမှာ ပြန်ပြေလည်သွားတာ... ဒီအတောအတွင်း မင်းတို့တွေ အချိန်ကို အလဟသ ဖြစ်အောင် လုပ်နေမှာ မဟုတ်ဘူးလို့ ငါထင်တယ်…]  

[မားကတ်တင်းအကောင့်တွေ သူတို့ပြန်တည့်တဲ့သတင်းကိုလည်း တင်ကြမှာလား…] 

[ဝံပုလွေလာပြီဆိုတဲ့ ပုံပြင်ကို ကြားဖူးလား…] 

[ဦးလေးနဲ့ မစ္စတာစန့်တို့ လမ်းခွဲလိုက်ကြပေမယ့် ဘယ်လို လမ်းခွဲရမလဲ မသိကြဘူး…] 

[ငါလည်း ဖန်တွေ ပြန်ရုတ်လိုက်ပါပြီ... နောက်တစ်နေ့မနက်မှ ပြန်လာခဲ့မယ်…]

[ညီအစ်မတို့ ဖန်တွေကို ပြန်ရုတ်လိုက်ရင်တောင် မစ္စတာစန့်ဆီကနေ အချော့ခံရမှာ မဟုတ်ဘူး... ဦးလေးတစ်ယောက်ပဲ မစ္စတာစန့်ဆီကနေ အချော့ခံရမှာ…] 

[ဦးလေးကို ချစ်တယ်... ဦးလေးက အကောင်းဆုံးပဲ... သူ့ကို အမြဲတမ်း ထောက်ပံ့နေမယ်…] 

အမျိုးသားမာ: [ငါ ဘာတွေ တွေ့ကြုံခဲ့ရလဲဆိုတာ ဘုရားသခင် သိပါတယ်... ဝေ့ပေါ် ဖွင့်လိုက်တာနဲ့ ဦးလေးရဲ့ သတင်းကို တွေ့လိုက်ရတယ်...  ခေါင်းစဥ်က "ရန်ရှူ ညနက်သန်းခေါင်နဲ့ ကြက်"တဲ့... အောက်ပိုင်းကိုလည်း ဖုံးထားတာ... အဲ့အချိန်တုန်းက ငါ့နှလုံးသား ခုန်ပေါက်နေတာများ... သူ ဒီတစ်ခါတော့ ဖန်တွေ ဆုံးရှုံးတော့မှာလားလို့ တွေးနေမိတာ... ဖန်အဖြစ် ငါးနှစ်တာနေပြီးတော့ နောက်ဆုံးတော့ အဆုံးသတ် ပြီလားလို့ပေါ့... ရလဒ်ကတော့ ငါဝင်ကြည့်လိုက်တာ "ရန်ရှူက ညနက်သန်ခေါင် ကြက်တွေနဲ့ ပြေးနေတယ်"တဲ့... ဒါ မရက်စက်လွန်းဘူးလား... ငါကတော့ ဒါက ဖြစ်သင့်တဲ့အရာလို့ တွေးပြီး တည်ငြိမ်နေတာ... ထင်ထားတဲ့ အတိုင်းပါပဲ ဦးလေးရေ] 

[ဒီသတင်းကို ငါလည်း တွေ့လိုက်တယ်... ကြည့်ရတာ ဦးလေးက ဘဝအတွေ့အကြုံယူဖို့ သွားခဲ့တာပဲ... လယ်သမားတစ်ယောက်ရဲ့ ကြက်က ထွက်ပြေးသွားတော့ ဦးလေးက မီတာတစ်ထောင်လောက်ပြေးပြီး ကူဖမ်းပေးခဲ့တာ... ပြီးကျတော့  ကင်မရာသမားက သူ့နောက် မလိုက်နိုင်တော့လို့ သူတစ်ယောက်တည်း ပြေးဖမ်းပေးခဲ့တာလေ... ကြက်က အသက်ရှင်လျက်တော့  ပြန်လာပါရဲ့... အကြောက်လွန်ပြီး ဆယ်ရက်လောက် ဥမဝပ်နိုင်ခဲ့ဘူးတဲ့... ရွာသားကြီးက ပရိုဂရမ်အဖွဲ့ကို လျော်ကြေးတောင်းလို့ အဖွဲ့က ကြက်ကို ဝယ်ခဲ့လိုက်ရတာလေ…] 

[ထပ်သိချင်သေးတယ်... ဆက်ပြောပါဦး…] 

[ဆက်ပြောပြမယ်... ကြက်ကို ပရိုဂရမ်အဖွဲ့က  ချက်စားလိုက်ကြတာ... ဦးလေးက သက်ရှိငရဲမင်းကြီးပဲ…] 

[ဦးလေးက ချစ်ဖို့ကောင်းလိုက်တာ... ငါလည်း ခွမ်းပေါင် ကြက်သားဟင်း၊ ကြက်သားနဲ့ မှို စတူး... ကြက်သားတုံး သုံးခွက်ဟင်း စားချင်တယ်လေ…] 

[တကယ်တော့... ဦးလေးအတွက် စိတ်မကောင်းဘူး... သူများကို ကြက်ကူဖမ်းပေးချင်ခဲ့တာကိုနော်... သူပြန်လာတော့ မစ္စတာစန့်ဆီ စာပို့ပြီး သူ့အကူအညီက အောင်မြင်ခဲ့ပါတယ်လို့ ကြွားပြောခဲ့သေးတာ... လှည့်ကြည့်လိုက်တော့ လျော်ကြေးပေးဖို့ စွပ်စွဲခံရရော... အဆုံးကျ ဦးလေးလည်း နာကျင်မှုကနေ သင်ခန်းစာယူပြီး ကြက်ဆီထမင်း အိုးလိုက်ကို ဝမ်းပမ်းတနည်း ထိုင်စားခဲ့ရရှာတယ်…] 

[ရန်ရှူနဲ့ ပတ်သက်သမျှ သတင်းတွေက အမြဲတမ်း ထူးဆန်းနေတာတွေချည်းပဲ... သူက သာမန်ဆန်တာလေးတွေ မလုပ်နိုင်တော့ဘူးလား…] 

[ဘလက်ဖန်လေးက ဦးနှောက်ရှိသားပဲ... ကြက်ပြေးလို့ လိုက်ဖမ်းတာ သာမန်လူတွေမလုပ်ကြလို့လား…] 

[အသိသာချည်းကို မင်းတို့တွေက တစ်ယောက်နဲ့ တစ်ယောက် ကိုက်ဖြဲနေကြတာပဲ... ဒါပေမယ့် ဦးလေး ဒီလို လုပ်ခဲ့တာကို တွေ့တော့ သာမန်ဆန်ပါတယ်လို့ ငါပြောနိုင်ပါသေးတယ်…] 

[ဦးလေးရဲ့ ပြီးပြည့်စုံတဲ့ အလုပ်တွေက ဒီနေရာမှာအားလုံး ထစ်သွားပြီ... ကျေးဇူးပြုပြီး ကွန်မန့်တွေကို ကိုယ်တိုင် ဆန်းစစ်ကြည့်ပါ…] 

*****

ဘလော့ဂါတစ်ယောက်ကpostတစ်ခု တင်ခဲ့ပေသည်။

[တင်ဆက်သူ: ဒီတစ်ကြိမ် ရှီတိကို ထောက်ခံပါသလား... ရှူရှူ: သူ... သူ... သူ့ရဲ့ သရုပ်ဆောင်စွမ်းရည်က ကျေနပ်ဖွယ်ရာပါပဲ] 

[သတင်းထောက်: မင်းက လိင်တူကြိုက်တယ်လို့ သတင်းတွေ ထွက်နေတယ်... 

ရှူရှူ: ငါငါ... နှစ်မျိုးလုံး ကြိုက်ပါတယ်... ] 

[သတင်းထောက်: မင်းနဲ့ XXတို့က သူငယ်ချင်းကောင်းတွေနော်... သူ့ရဲ့ သီးသန့်ဘဝက ရှုပ်ထွေးလွန်းတယ်ဆိုတဲ့ ကောလဟာလနဲ့ ပတ်သက်ပြီး ဘာပြောချင်လဲ... 

ရှူရှူ: သူက ငါနဲ့ဆို... အ...အ…အရမ်း ကောင်းတယ်…] 

[တင်ဆက်သူ: ဆွေ့ဟို့ယွီနဲ့ ဟို့မော့တို့ကလည်း သူငယ်ချင်းတွေပဲလား...

ရန်ရှူ: သူ…သူ… သူ… သူတို့က တင်းနစ် ပါတနာ သူငယ်ချင်းကောင်းတွေပါ…] 

*****

[ခဏလေး တစ်ခုခု မှားနေပြီ…] 

[အစ်ကိုယွီ ကိုယ်တိုင်ပြောတာ ဦးလေးက သူလိမ်မိတိုင်း စကားထစ်တတ်တယ်တဲ့ တကယ်ဆိုရင် အစ်ကိုယွီနဲ့ ဟို့မော့လည်း...] 

[အား.....] 

[အများကြီး မမှန်းကြနဲ့... သူတို့တွေက အာကစားသမားတွေနော်... ဒီလိုသတင်းကြောင့်နဲ့ ဆိုင်းငံ့ခံရရင် လူတိုင်း ဆုံးရှုံးကုန်မယ်…] 

မကြာမီ ဘလော့ဂါက ထိုပိုစ့်ကို ပြန်ဖျက်သွားသည်။ 

သို့သော်လည်း ရန်ရှူ၏ CPဂရုနှင့် ဆွေ့ဟို့ယွီနှင့် ဟို့မော့တို့၏ CP ဂရုတွင် အားလုံးခန့်မှန်းနေကြသည် ဒဏ္ဍာရီလာကိစ္စကြီး ဖြစ်သွားလေတော့သည်။ 

သကြား: [ယူလို့ရပါပြီ... တရားဝင်အောင်လက်မှတ်ပါ... ဒါပေမယ့် ငါတို့တွေ ဒါကိုလျှို့ဝှက်ထားရမယ်... ကမ္ဘာကြီး ပျက်စီးမယ်ဆိုရင်တောင် ငါတို့က ကမ္ဘာကို ကယ်တင်ရမယ်... ငါတို့ရဲ့ ကောင်းမှုကုသိုလ်တွေကို ဖုံးကွယ်ထားရမယ်…] 

[နားလည်တဲ့သူတွေကတော့ သဘာဝကျကျကို နားလည်ကြမှာပဲ... နားမလည်တဲ့သူတွေက နားလည်မှာ မဟုတ်ဘူး... ကိစ္စမရှိဘူး…] 

မကြာမီ ရန်ရှူက ထိုလောကကြီးအပြင်ဘက်၌ ထစ်အသွားပြန်လေတော့သည်။ 

မုန့်ရှင်းယာက ရသစုံရှိုးတစ်ခုတွင် မေးလာသည်။

"ဒါဆို မစ္စတာစန့် အစ်ကိုရန်ကို ကြိုက်တာထက်ပိုပြီးတော့ အစ်ကိုက မစ္စတာစန့်ကို ကြိုက်တာပေါ့လေ…"

ရန်ရှူ သူ့ခါးကို မတ်ကာ လွှမ်းမိုခြယ်လှယ်ပုံဖြင့် အထစ်ထစ်အငေါ့ငေါ့ ပြောလာသည်။

"မ… မ…မဟုတ်... မဟုတ်တာ... သူ... သူပါနော် သူက ငါ့ကို ပိုကြိုက်တာ…" 

မုန်ရှင်းယာ ဆက်မေးသည်။

" မစ္စတာစန့်ထက်ပိုပြီး ခြေစလှမ်းခဲ့ရတာ အစ်ကိုမလား…" 

"မဟုတ်... မဟုတ်ပါဘူးလို့ ပြောနေတယ်လေ…" 

"ဪ...ဪ..."

မုန့်ရှင်းယာ နားလည်သွားသည်။

"ဒါဆို အစ်ကို လမ်းခွဲချင်တာက တကယ်တော့ လုပ်ချင်..." 

"မဟုတ်ဘူး... မဟုတ်ဘူးလို့ မဟုတ်ပါဘူးဆို…" 

အစပိုင်းတွင် လူအများစုက ရန်ရှူမှ အချစ်ရေးအကြောင်းကို ကြွားဝါရန် ထစ်ထစ်အအပြောရင်း သရုပ်ဆောင်နေခြင်း ဖြစ်မည်ဟု သံသယ ရှိခဲ့ကြသည်။ 

ရလဒ်အနေဖြင့် hot searchတွင် ပါပြီးနောက် ဖြုတ်ချခံလိုက်ရလေသည်။ ထိုမေးခွန်းနှင့်အဖြေ ဗီဒီယိုကလစ်ကလည်း မကြာမီ ပြန်ဖျက်သွားသည်။ 

ဤတစ်ကြိမ်၌ လူတိုင်းက ယင်းမှာ ရှိူးတစ်ခု မဟုတ်ဘဲ ရန်ရှူက ရှက်လွန်း၍ ဒေါသထွက်သွားကြောင်း အတည်ပြုလိုက်ကြလေသည်။ 

ရန်ရှူ၏သဘောထားအရ စန့်ရှန်းက သူ့ကို ပို၍ ကြိုက်သင့်သည်ပင်။ 

သူဘက်က စန့်ရှန်းအား တကယ့်တကယ် ကြိုက်လှပါသော်ငြား စန့်ရှန်း သူ့အား ကြိုက်သည်ထက် မပိုစေရပေ။

မနက် တစ်နာရီထိုးသောအခါ တူမကြီးများက သတင်းရခဲ့ကြသည်။ ဦးလေး တိုက်ခိုက်နေလေပြီ။ 

သူတို့အနည်းငယ် တွေဝေသွားကြသည်။ အချို့လူများက ဖန်အုပ်စုကို ဖွင့်ကာ ဖြစ်နေသော အရာများကို သိရန် စကားပြောမှတ်တမ်းများကြား ရှာဖွေနေကြလေသည်။  

ထိုအုပ်စုနှင့် ပတ်သက်ပြီး သံသယမရှိပေ။ 

[ဦးလေး ဟက်ခ်ခံရတာလား…] 

[ဦးလေးက ဒီလောကထဲမှာ ရှိတာ ဒီလောက်ကြာပြီ... အောင်မြင်မှုအတွက် မတုန်မလှုပ်ပဲ နေခဲ့တာ... အလွယ်တကူ အဆုံးသတ်ပစ်မှာ မဟုတ်ဘူး... ဘာလို့ ရုတ်တရက်ကြီး တိုက်ခိုက်ချင်လာရတာလဲ…] 

[ဘာကြောင့်လဲ…] 

အဆုံးတွင် လူတစ်ယောက်က ပို့ပေးလာခဲ့သည်။ 

[Screenshot] 

[‌အဲ့ဒီလူက anti-fan တစ်ယောက်... ဦးလေး သူ့ကို ဒေါသထွက်နေတာ…] 

[ဘာတွေ ဖြစ်နေတာလဲ ရှင်းမပြကြတော့ဘူးလား... ဦးလေး ဒေါသထွက်အောင် သူဘာလုပ်လိုက်တာလဲ…] 

[အဲလူက မစ္စတာစန့်ကို စိတ်ကျရောဂါရဲ့ ဆရာကြီး ဆိုပေမယ့် တကယ်က ဂိုက်ထုတ်နေတဲ့သူလို့ ပြောခဲ့တာ... သူရဲ့ အခုလက်ရှိ ရထားတဲ့နေရာကလည်း မိသားစု နောက်ခံကြောင့်ပဲတဲ့... အစပိုင်းမှာ မိဘတွေရဲ့ အထောက်အပံ့ကြောင့် တက္ကသိုလ် တက်နိုင်ခဲ့တာ...တကယ့် တကယ်က ကောလိပ်ဝင်ခွင်စာမေးပွဲတောင် မအောင်ခဲ့ဘူးဆိုလား... မိသားစုနောက်ခံကောင်းလို့ ကံကောင်းတာပဲရှိတာ... ပညာရေးမှတ်တမ်းက စုတ်ချာနေတာပဲလို့ ထပ်ပြောခဲ့သေးတယ်…] 

[သေစမ်း... ဦးလေးကို ကျိန်ဆဲလို့ရတယ်... ဦးလေးရဲ့ လောင်ကုန်းကို သွားမလုပ်နဲ့လေဟယ်…] 

[သူတို့တွေ ငါတို့ဦးလေးကို ဟက်ခ်နိုင်သွားတာလား…] 

[လူတိုင်း အာရုံစိုက်ပေးကြပါ... မဆဲကြပါနဲ့... သိက္ခာရှိရှိ နေကြပါ…] 

[မန်နေဂျာကျဲကျဲရော စာတင်ပြီလား…] 

[လတ်တလော ရထားတဲ့ သတင်းအချက်အလက်အရ မစ္စတာစန့်က မြောက်ပိုင်းအားကစားအကယ်ဒမီကနေပြီး သူရဲ့ အားကစား လုပ်ဆောင်ချက်မှတ်တမ်းတွေကြောင့် ထောက်ခံချက်ရခဲ့တယ်... သူက အထက်တန်းက ပြိုင်ပွဲမှာ အဆင့်ငါးနေရာ ချိတ်ခဲ့တာ... အဲ့အချိန်တုန်းက ပထမနေရာက ဟို့မော့ဖြစ်ပြီးတော့ ကမ္ဘာ့နံပါတ်တစ်ဖြစ်နေပြီ... ဒါပေမယ့် စန့်ရှန်းက ရွှေဆုမှာ နံပါတ်ငါးနေရာ အမြဲရခဲ့တယ်... နောက်တစ်ခု ထပ်ပြောရရင် မစ္စတာစန့်က မာစတာတန်းနဲ့ ဒေါက်တာဒီဂရီအတွက် ပေါင်းစပ်တက်ရောက်နေပြီးတော့ ဘွဲ့မယူရသေးပါဘူး... အမြင့်ဆုံးပညာအရည်အချင်းက တက္ကသိုလ်ပထမဘွဲ့ပဲ ရှိပါသေးတယ်…] 

[ဘာကြီး... ဘာလို့ မစ္စတာစန့်က အရမ်း အင်အားကြီးနေရတာလဲ... ဟို့မော့နဲ့ ဥက္ကဌစန့်က ထောက်ခံချက်ရခဲ့ပြီးတော့ အစ်ကိုယွီက ကောလိပ်ဝင်ခွင့်စာမေးပွဲမှာ ပြည်နယ်ချန်ပီယံပဲ... သူတို့နှစ်ယောက်က အဆင့်မြင့်ပညာတတ်တွေပဲ... ဦးလေးက ဘာလို့ ကံကောင်းနေရတာလဲ…] 

[မစ္စတာစန့်ရဲ့ စိတ်ကျရောဂါက လုပ်ပြောနေကြတာ မဟုတ်ဘူးနော်... သူနှစ်တွေအကြာကြီး နေမကောင်းဖြစ်ပြီး ကုသမှု ခံယူခဲ့ရတာ အမှန်ပဲ... ဦးလေးက တစ်ချိန်လုံး သူ့ဘေးမှာ ရှိနေပေးခဲ့တာ... အကြိမ်တိုင်း လမ်းခွဲဖို့ ပြဿနာ ရှာတာကလည်း မစ္စတာစန့်ရဲ့ အာရုံစိုက်မှုကို ရချင်လို့... ဒါမှ သူ့ကိုယ်သူ နာကျင်အောင် မလုပ်တာ့မှာလေ…]

[ဖာခ့်... အဲလိုကြီးလား] 

ထိုအချိန်၌ ကောင်းချင်က အုပ်စုထဲတွင် ပါ်လာခဲ့သည်။ 

[ရန်ရှူရဲ့ ပြဿနာကိစ္စတွေကို ဖြေရှင်းစရာ မလိုပါဘူး... မစ္စတာစန့် အာရုံစိုက်အောင် လုပ်တာကတော့ တကယ်ပါ] 

ကောင်းချင်: [မစ္စတာစန့်က ဒီလောကထဲက မဟုတ်တော့ ဒီကိစ္စက သူ့အတွက် ကပ်ဘေးလိုပဲ... သူ့လက်အောက်မှာ ရှိတဲ့ ကုမ္ပဏီတွေမှာ စတော့စျေးအပေါ် သက်ရောက်မှု ရှိလာလိမ့်မယ်... လူတိုင်း ရှင်းလင်းဖို့ ကူညီပေးကြပါ] 

[လက်ခံရရှိ ] 

[နားလည်ပါပြီ] 

[သူ့ဆီ အပြေးသွားကြမယ်] 

နှစ်နာရီကြာပြီးနောက် ငြင်းခုံမှုက တစ်ဖက်သတ် အကျိုးရလဒ်အဖြစ် ပြီးဆုံးသွားခဲ့သည်။ 

ရန်ရှူ၏ဖန်များက ရန်ရှူအတိုင်း ပါးစပ်ဆိုးကြသော်ငြား အချင်းချင်း အားနည်းချက်လည်း ရှိကြသည်။

ပထမတွင် သူတို့က "ကြက်သားချဥ်"၏ အချဥ်စကားလုံးများသာ သုံးခဲ့သည်။ ထိုတစ်ကိုယ်တော် ဝေဖန်ချက်များမှာ မားကတ်တင်းအကောင့်များထံမှ ပြောင်းပြန်လှန်ခံရပြီး အခန်းကဏ္ဍတစ်ခုအနေဖြင့် ကွဲပြားသော screenshot များ ပြသခဲ့ကြသည်။ 

မထင်မှတ်ထားစွာဖြင့် များစွာသော မားကတ်တင်းအကောင့်များက ထိုကိစ္စကို လိုက်ပါပြောဆိုလာကြပြီး ဘလက်ဖန်အချို့ကို တိုက်ခိုက်ခဲ့ကြေလသည်။ 

အကြီးဆုံးတူမများက သတိချပ်သွားကြပြီး ချက်ချင်း သတင်းလိုက်တူးကြလေသည်။ 

သိထားသည့်အတိုင်း ရန်ရှူရေးထားသည့် စာမူကြမ်းများစွာက သာမန်အားဖြင့် တုံ့ပြန်မှုများ မဖြစ်ပေါ်လာစေခဲ့ပေ။ 

သူတို့က ပထမဆုံးအကြိမ် စန့်ရှန်းကို တိုက်ခိုက်ရန် ကြိုးစားလိုက်ချိန် ဖန်များထံမှ သင်ခန်းစာပေးခံလိုက်ရမည်ဟု မထင်ထားခဲ့ပေ။ 

ဖန်များက ပွဲများကို ငြီးငွေ့နေရုံသာ။ ပွဲမှ ထွက်သွားမည်ဟု ဆိုလိုခြင်းမဟုတ်ပေ။ 

ကမ္ဘာပေါ်တွင် အကြီးဆုံးတူမများနှင့် ပတ်သက်ပြီး ဒဏ္ဍာရီ တစ်ခု ရှိပေသည်။ 

ရန်ရှူ ဖုန်းယူ၍ ဝေ့ပေါ် ကြည့်လိုက်ရာ တစ်ခဏမျှ ဆွံ့အသွားရသည်။

"ငါ့ဖန်တွေ တကယ် အချိန်ဖြုန်းနေကြတယ်လို့ ထင်တာပဲ…" 

စန့်ရှန်းက ခွေးအမွေးများကို အားတက်သရော ဖြီးပေးနေသည်။ အခန်းထဲတွင် ခွေးမွေးများ ဝဲပျံနေလေသည်။ 

ခွေးများ အမွေးအကျွတ်ဆုံးကာလရောက်နေသဖြင့် ယခုတလော စန့်ရှန်း ထိုကိစ္စလုပ်ရင်း မအားလပ်ပေ။  

"ဘာမှလုပ်စရာမရှိတဲ့ နည်းပညာစီးကြောင်းကို လိုက်တဲ့ လူအုပ်စုပဲ... တိုက်ရိုက်ထုတ်လွှင့်မှု ပြန်လည်ပြသတာကို သွားကြည့်၊ မြင်မြင်သမျှ ပုံတွေ ထုတ်လာ... ပြီးတော့ မင်းမျက်လုံးတွေက ငါ့ထက် သေးလာကြီးလား ခွဲခြမ်းစိတ်ဖြာရ နိဂုံးချုပ်ရနဲ့... ရူးလောက်တယ်…" 

နားထောင်ပြီးနောက် စန့်ရှန်းက ရန်ရှူကို ကြည့်လာသည်။ သူက ရှုပ်ထွေးနေသည့်ပုံစံဖြင့် မေးလာသည်။

"အဆုံးသတ်က ဘာတဲ့လဲ…" 

"မင်းမျက်လုံးတွေက ပိုကြီးတာတဲ့…" 

"သူတို့ကြိုက်သလို ပြောကြပါစေ…"

စန့်ရှန်း သက်ပြင်း ခပ်လေးလေး ချလိုက်သည်။ 

ရန်ရှူ ဖုန်းကို ဆက်ကြည့်နေပြီး မနေနိုင်ဘဲ ဆဲရေးမိသွားသည်။

"သောက်ကျိုးနည်း…" 

စန့်ရှန်းက ခွေးကို ဆက်မကိုင်တော့ဘဲ ရန်ရှူကို ကြည့်၍ မေးလိုက်သည်။

"ဘာကိစ္စလဲ…"

စန့်ရှန်း တစ်ခဏမျှ ရှုပ်ထွေးသွားပြီးနောက် အချိန်အတော်ကြီးကြာမှ ဝေ့ပေါ်မှ လူတစ်ယောက်က ပြဿနာ ရှာနေခြင်း ဖြစ်ကြောင်း နားလည်သွားသည်။ 

"ပြဿနာ လာမရှာနဲ့…"

ရန်ရှူ သူ့ကို လက်ညှိုးထိုးကာ သတိပေးလိုက်သည်။ 

စန့်ရှန်းက သူ့ထံ လျှောက်လာနေပြီးနောက် ပြောလာသည်။ 

"လုပ်ပါ... ကိုယ် မင်းကိုလွမ်းလို့…" 

ပြောသည့်အတိုင်း သူ့ကို အိပ်ခန်းထဲသို့ ချီသွားရန် ပြင်သည်။ 

ရန်ရှူက ကျိန်ဆဲခြင်းတိုက်ပွဲအတွင်း ပါဝင်ဆင်နွှဲနေလေရာ သူ့ကို အာရုံမစိုက်မိပေ။ သူ ထိုသို့သာ ပြောလိုက်သည်။ 

"မင်းက တီကောင်ချီထားတဲ့ ကြက်ပဲ... ဘာလို့ ပြန်တိုက်ခိုက်ဖို့ ပုဆိန်ကို သုံးချင်ရတာလဲ…"

စန့်ရှန်းမှာ သူ့စကားကို အမှန်ပင် နားထောင်နေခဲ့ပြီး ပြန်ဖြေပေးလိုက်သည်။

"ကောင်းပြီလေ... ကြက်ကလေးက ဆန်ကိုလာဆိတ်မှ မငိုနဲ့နော်…" 

“…” ရန်ရှူတစ်ခဏမျှ တိတ်ဆိတ်သွားပြီး နောက်ဆုံး အသိပြန်ဝင်လာချိန်တွင် တံခါးဆီသို့ပြေးကာ စတင်ရုန်းကန်လိုက်သည်။ 

လုံးဝဥဿုံပင် ရုန်းကန်မှုများက အချည်းနှီး ဖြစ်သွားသည်။ 

ဤတိုက်ပွဲတွင် "ကြက်ကလေး"က အောင်နိုင်သွားခဲ့သည်။ 

ရန်ရှူမှာ အဖေအမေတ၍ ငိုနေရပြီး "ကြက်ကလေး"အား တောင်းပန်နေရလေတော့သည်။

📽️