Chapter 13

🎶 Chapter 13 

ရှုံးထွက်ပွဲစဉ်များ မစမီ ၊ ရှုံးနိမ့်သည့် အဖွဲ့ထဲမှ ပြိုင်ပွဲဝင်များ ထပ်မံ ယှဉ်ပြိုင်သည့်အခါ လိုအပ်သည့် ခေါင်းစဉ်ရွေးချယ်ရေး ကံစမ်းပွဲတစ်ခုရှိ‌လေသည်။ 

ယဲ့ဇယ်ရှစ်က အကနှင့်တွဲဖက်သီဆိုရမည့် ခေါင်းစဉ်ရသည်။ 

ယဲ့ဇယ်ရှစ် ကံစမ်းမဲနှိုက်ရမည်ကို မြင်သောအခါ မျက်မှောင်ဖွဖွကြုတ်မိသည်။ ထို့ကြောင့် မြန်မြန်မဲနှိုက်ကာ ပြီးဆုံးစေလိုက်သည်။ 

သူ့ကံက အနည်းငယ်ဆိုးသည့်အတွက် သူ့ရင်ထဲတွင် တီးတိုးရေရွတ်ရုံမှတပါး အခြားမတတ်နိုင်ပေ။  

တစ်ခေါက်ပြီး တစ်ခေါက် ကနေရတာပဲ.. အခုလည်း ကရပြန်ဦးမယ် ပင်ပန်းလိုက်တာနော်… 

ထိုမြင်ကွင်းကို ကင်မရာဖြင့် ရိုက်ယူမိသွားပြီးနောက် ပရိသတ်များမှာ ယဲ့ဇယ်ရှစ်က နောက်လာမည့် ‌ပြိုင်ပွဲအတွက် စိုးရိမ်နေသည်ဟု ခံစားလိုက်ကြရသည်။ 

“ငါမှတ်မိသလောက် ယဲ့ဇယ်ရှစ် အရင် က vocal music ကိုရွေးခဲ့တာ မလားလား…ဒီလိုအကနဲ့ တွဲပြီးဆိုရတော့ သူတကယ်အဆင်ပြေပါ့မလား…” 

“အဆင်ပြေသင့်တာပေါ့…ပြောရရင် ‌အခုလေးတင်ပြီးသွားတဲ့ “No Trend,No Money”မှာ ကကွက်တွေပါတယ်လေ…ပြီးတော့လည်း ယဲ့ဇယ်ရှစ်က ကောင်းကောင်း ဖျော်ဖြေသွားနိုင်တာပဲလေ…” 

ထိုသို့ပြောနေကြသော်ငြား စိုးရိမ်နေကြသူများလည်း ရှိနေကြသေးသည်။ 

သူ့ဘေးက သူ့သူငယ်ချင်း မျက်မှောင်ကြုတ်သည်ကိုမြင်လိုက်သော ရှန်ဇယ်ယွီမှာ ‌မစဘဲမနေနိုင်ချေ။ 

“ကိစ္စမရှိပါဘူးကွာ…မင်းက ဘာတွေစိုးရိမ်နေတာလဲ… အဆိုးဆုံးဆို ငါလာပြီး မင်းအတွက် ရုပ်ရှင်ရိုက်ပေးရရုံပေါ့…” 

ထိုသို့ကြားလိုက်ရသော ဟယ့်ကျင်းယွင်မှာ ရှန်ဇယ်ယွီအား ဘေးတိုက် ငဲ့ကြည့်လိုက်သည်။ 

ရှန်ဇယ်ယွီ မှာ ထိုအကြည့်အား ပဟေဠိဖြစ်သွားသည်။ 

“ဘာတုန်းဟ…” 

ဟယ့်ကျင်းယွင်၏ နှုတ်ခမ်းပါးများမှာ အဝိုက်သဏ္ဌာန် လှပစွာ တွန့်ကွေးသွားပြီးပြောလိုက်သည်။ 

“သူအထုတ်ခံရမယ်လို့ မင်းကို ဘယ်သူပြောလဲ…” 

ရှန်ဇယ်ယွီက ထိုသည်အား ခွင့်ပြုချက်ပေးသည်ဟုပင်ယူဆကာ ပြောလိုက်သည်။ 

“ရှုံးထွက်ပွဲစဉ်တွေဆိုတာ နယ်ပယ်အစုံကနေ စစ်ဆေးတာမျိုးကွ…ငါတို့အစီအစဉ်က ယောကျာ်းလေးအဖွဲ့ အတွက် လူရွေးဖို့ပဲလေ…ယောက်ျားလေးအဖွဲ့ တွေဆိုတာကလည်း နယ်ပယ်အစုံမှာ သန်မာတဲ့သူမျိုးကိုပဲ လိုအပ်တာလေ…” 

ဟယ့်ကျင်းယွင် ပြုံးလိုက်သော်လည်း အဖြေပေးမလာပေ။ 

မကြာခင် ငါတို့အဖြေသိရမှာပါ... 

……………. 

ယဲ့ဇယ်ရှစ် ယခင်ပြိုင်ပွဲတွင် အဘယ့်‌ကြောင့် မဲ‌မပေးဘဲ နေခဲ့သည်ကို လီချန်ကျန့်လည်း သိချင်မိသည်။ ထို့အတွက်ကြောင့် ယဲ့ဇယ်ရှစ်မှာ ရှုံးသွားသည့်အဖွဲ့၏ ရှုံးထွက်ပြိုင်ပွဲတွင် ပထမဆုံးယှဉ်ပြိုင်မည့်သူ ဖြစ်လာလေသည်။ 

စတိတ်စင်ပေါ်ရှိ စလိုက်မီးရောင်များ မှိန်ဖျော့သွားသည်။ ထို့နောက် ဖန်သားပြင်ထက်တွင် ယဲ့ဇယ်ရှစ်၏ နာမည်ပေါ်ထွက်လာလေသည်။ 

အလင်းတန်းတစ်ခုက အထက်မှအောက်သို့ ကျလာပုံမှာ ယဲ့ဇယ်ရှစ်၏ ကိုယ်တစ်ပိုင်းအား အမှောင်ထဲသို့ ပျော်ဝင်နေသယောင် ဖြစ်‌စေလေသည်။ အလင်းတန်း၏ ရောင်ပြန်ဟပ်မှုက အနှီအမျိုးသား၏ ပြီးပြည့်စုံသည့် မျက်နှာတစ်ခြမ်းအား သေချာမြင်နိုင်စေရန် လုံလောက်လေသည်။ 

ယဲ့ဇယ်ရှစ်၏ နှုတ်ခမ်းထောင့်လေးများ ရုတ်တရက် မြင့်တက်သွားသည်။ သူ၏တောက်ပနေသော မျက်လုံးအောက်မှ မှဲ့သေးသေးလေးမှာ ညှို့ယူဖမ်းစားနိုင်စွမ်းရှိလေသည်။ 

ထို့နောက် မိုက်ကရိုဖုန်းမှာ သူ၏ နှုတ်ခမ်းစွန်းနားလေးသို့ ဖြည်းညှင်းစွာ ရွေ့လျားသွားကာ တခဏအတွင်းပင် အလွန်တရာ ထိုးထွင်းနိုင်စွမ်းရှိသော အသံမှာ စတိတ်စင်ထက်မှ ပေါက်ကွဲပျံ့နှံလာလေသည်။ 

“အခုတော့ သန်မာလာရမယ့် အကြောင်းပြချက်ကို ရှာတွေ့ခဲ့ပြီ … ငါ့ကို မင်းနဲ့အတူ ခေါ်ဆောင်သွားပြီး ရှေ့ဆက်ချီတက်ကြမယ်..” 

“ဒါ ကြာပန်းနီ (Gurenge) မဟုတ်လား…..” 

“ငါဒီသီချင်းကို ယောက်ျားလေးအဖွဲ့ ရဲ့ ရှုံးထွက်ပြိုင်ပွဲ တစ်ခုမှာ ကြားရလိမ့်မယ်လို့ တစ်သက်နဲ့တစ်ကိုယ် ဘယ်လိုမှ ထင်မထားခဲ့ဘူး…” 

“… ယဲ့ဇယ်ရှစ်က တကယ်ကြီး ကြာပန်းနီ (Gurenge) နဲ့ ကမလို့လား…မိသားစုလိုက် ရှော့ခ်ရသွားခြင်း…” 

(T/N…တကယ်ကြီးDemon slayer ရဲ့ op songတစ်ခုဖြစ်တဲ့ Gurengeပါလို့) 

ပရိသတ်များ အလုံးစုံ အံ့ဩမသွားမီတွင် နောက်ကွယ်မှ သံစဉ်မှာ ရပ်တန့်သွားပြီး ပိုရင်းနှီးသည့် တီးလုံးသံမှာ ထွက်ပေါ်လာလေသည်။ ထို့နောက် မီးရောင်များကပရိသတ်များအကြား ထွန်းလင်းလာသည်။ 

“အားလုံးပဲ……” 

စင်မြင့်ပေါ်ရှိ ယဲ့ဇယ်ရှစ်မှာ ရှပ်အင်္ကျီရှိ ကြယ်သီးများကို ဖြုတ်ထားကာ ဆက်ဆီကျသော ညှပ်ရိုးလိုင်းလေးအား စတိတ်မီးရောင်အောက်တွင် ဖွင့်ဟထားလေသည်။ သံစဉ်အတိုင်း လိုက်ပါစီးမျောကာ ရင်းနှီးနေသော လိပ်ပြာခြေနင်းကွက်များဖြင့် စတင်လိုက်သည်။ 

ထို့နောက် အိုအိရန်ခြေလှမ်းကကွက်နှင့်အတူ ခြေထောက်တစ်ဖက်အားဆန့်ကာ ပခုံးလေးကို ယမ်းလျက် တင်ပါးများကို ရှေ့ထိုးနောက်ငင်ဆွဲဆောင်သည့် ကကွက်များသည် ဆက်တိုက်ဆိုသလို ပေါ်ထွက်လာတော့သည်။ 

မှတ်ချက်စာမျက်နှာမှာ ခဏတာ ငြိမ်သက်သွားရပြီး ခဏအကြာတွင်မူ ဝရုန်းသုန်းကား ပေါက်ကွဲထွက်တော့သည်။

[အားးးးးးးးး.....ငါတော့သေပါပြီ...]

[Pure land of bliss...တကယ်ကြီးလား ယဲ့ဇယ်ရှစ် တကယ်အံ့ဩဖို့ကောင်းတာပဲ...]

[သေစမ်း....အဲ့ဒီအကကို ယောကျာ်းလေး ရှုံးထွက်ပွဲစဥ် တစ်ခုမှာ မြင်ရလိမ့်မယ်လို့ တစ်သက်နဲ့တစ်ကိုယ် မတွေးဖူးဘူး...] 

[…House danceကို…တကယ်ကြီး ….house dance ကို ယောကျာ်းလေးတစ်‌ယောက်က တကယ်ကြီး ကတယ်ပေါ့လေ…ဒါပေမယ့် ဘာဖြစ်လို့ ငါ့ထက်တောင် ပိုကတတ်နေရတာလဲလို့…] 

(TN/ - house dance, pure land of bliss ကို ggမှာ ရှာကြည့်လို့ရပါတယ်။ အဲ့ဒီမှာ လိပ်ပြာခြေနင်းကကွက်က ဘယ်လိုဆိုတာမြင်ရမှာပါ..ပရိသတ်တွေ ဝူးဝါးဝူးဝါးဖြစ်သွားရတဲ့အကြောင်းကို vd ကြည့်ကြည့်ရင် သိရမှာပါ။) 

ယဲ့ဇယ်ရှစ်၏ ကကွက်များက သက်ဝင်လှုပ်ရှားပြီး ဖျတ်လတ်တက်ကြွသည်။ လှုပ်ရှားမှုများကလည်း သပ်ရပ်တိကျနေသည်။ သူ့မျက်နှာရှိ အပြုံးမှာလည်း ယုံကြည်မှုအပြည့်ဖြင့် တောက်ပနေလေတော့သည်။ 

ယဲ့ဇယ်ရှစ် ကပြီးသည်နှင့် ခံစားချက်များ စူးနစ်စွာ စတင်သီဆိုတော့သည်။ 

“ငါဟာ အရောင်မှိန်နေတဲ့ မီးအိမ်လေးနောက်ကို လိုက်ပြီး… ခိုင်မာတဲ့ နှလုံးသားတစ်ခုနဲ့… ငါရဲ့တုန်ရီနေတဲ့ လက်တွေဟာ… အမိအရ ဖမ်းဆုပ်ဖို့တစ်ခုခုကို ရထားခဲ့ပြီ…” 

ခန္ဓာကိုယ်အား တစ်ပတ်လှည့်လိုက်လျက် အလွန်ဆွဲဆောင်မှုရှိစွာ ခါးကိုလှုပ်ကာ ပုခုံးလေးအား ရမ်းလိုက်လေသည်။ အမျိုးသမီးတစ်ယောက်၏ နူးညံ့မှုနှင့် အမျိုးသားတစ်ယောက်၏ တောင့်တင်းကြံ့ခိုင်မှုတို့အား ယဲ့ဇယ်ရှစ်၏ပေါင်းစပ်မှုက အလွန်အကြူးကို မျက်စိပဒါသဖြစ်လှ၏။ 

ပွဲအတွင်းရှိ အော်ဟစ်သံတို့မှာ ညံမဆဲ ၊ များစွာသော ပရိသတ်တို့မှာလည်း သူတို့၏ ထိုင်ခုံမှ မထဘဲ မနေနိုင်တော့ကာ သီချင်းနှင့်အတူ လိုက်ပါစီးမျောမိကြတော့သည်။ 

သူ၏လက်ထဲရှိ အလင်းပြားလေးမှာလည်း ပရိသတ်များနည်းတူ ကြယ်ပုံသဏ္ဌာန်လင်းလက်နေသည့် light stick လေးတစ်ခုကဲ့သို့ဖြစ်သည်။ 

“လူတွေအကုန် ပျော်ရွှင်မှုနဲ့ ထိုက်တန်ပါတယ်… 

မစွန့်လွှတ်နိုင်တဲ့ အိပ်မက်တွေနဲ့ မရပ်တန့်နိုင်တဲ့ လက်ရှိ… 

တစ်ယောက်ယောက်အတွက် ငါသန်မာလာနိုင်တယ်ဆိုရင်… ဝမ်းနည်းမှုတွေ အကုန်လုံး လုံးဝပပျောက်အောင်ထိ ကျေးဇူးတင်မိမှာပါ….” 

အံဩစရာကောင်းလွန်းလှသည်မှာ မီးရောင်များက ယဲ့ဇယ်ရှစ်အား အမှောင်ထဲတွင် တောက်ပနေသည့် ကြယ်လေးတစ်ပွင့်အလား လင်းလက်တောက်ပနေစေလေသည်။ 

သူ ကနေသည်မှာ အလွန်ပေါ့ပါးလင်းလက်နေသောကြောင့် မိုးပေါ်ရှိ ကြယ်များပင် အရောင်မှိန်သွားသလိုပင်။ 

စင်ပေါ်ရှိ ထိုလူသားလေးမှာ အလင်းလက်ဆုံး မီးရှူးမီးပန်းအလား လင်းလက်တက်ကြွစွာ သက်ဝင်လှုပ်ရှားနေလေသည်။ 

စင်အောက်ရှိ light stick များမှ အလင်းရောင်များမှာ သူ့အား ကြယ်တာရာများဖြင့် ဝန်းရံနေသကဲ့သို့ဖြစ်‌နေသည်။ ယဲ့ဇယ်ရှစ်ကမူ စင်ပေါ်တွင် သူ့နှလုံးသားစေရာအတိုင်း ပျော်ရွှင်ကြည်နူးစွာ ကခုန်နေတော့သည်။ 

သူ့ခြေထောက်များကို ဆန့်ကာ ခါးလေးကိုလှည့်လိုက်သည်။ နဖူးမှ ချွေးစက်လေးများက သူ၏မျက်တောင်လေးများပေါ်သို့ စီးကျကာ တွဲလွဲခိုနေသည်။ ကကွက်နှင့်ပေါင်းစပ်လိုက်သောအခါ ထိုချွေးစက်လေးများမှာ ခရစ်စတယ်လေးများ သကဲ့သို့ပင်။ 

နောက်ဆုံးအမြင့်သံမှာ ကောင်းကင်မှ ဖြေးညင်းစွာ သက်ဆင်းလာသကဲ့ နူးညံ့စွာ ထွက်ပေါ်လာသည်။ ယဲ့ဇယ်ရှစ်ပြုံးလိုက်သည်။ အခိုက်အတန့်တိုင်းမှာ နှလုံးသားထဲမှ လာသည့်အတွက် စွဲမက်နှစ်သက်ဖွယ်ကောင်းလွန်းလှသည်။ 

အံ့သြစရာပဲ….တကယ်ကိုစွဲလန်းစရာပဲ… 

ရှန်ဇယ်ယွီ အလွန် အံဩမှင်သက်မိသွားကာ မချီးကျူးဘဲ မနေနိုင်ချေ။ 

“ယဲ့ဇယ်ရှစ်က...တကယ်ကို strongဖြစ်လွန်းတယ်…” 

ဟယ့်ကျင်းယွင်၏ မျက်လုံးများက ယဲ့ဇယ်ရှစ်ကိုယ်ပေါ်မှမခွာတော့ပေ။ သူ့နှုတ်ခမ်းထောင့်မှ အပြုံးကမူ တဖြည်းဖြည်း ကြီးသထက်ကြီးလာကာ ပိုင်ဆိုင်အရယူလိုသည့် စိတ်ပိုင်းဖြတ်မှုတို့က မျက်ဝန်းများတွင် ထင်ဟပ်လာတော့သည်။ 

သူ မြင်နိုင်သည်။ 

ယဲ့ဇယ်ရှစ် ကိုယ်ပေါ်ရှိ မွှေးညှင်းပေါက်တစ်ခုလေးစီတိုင်းမှ သူ၏စင်မြင့်အပေါ် နှစ်သက်မှုတို့ကို မြင်နိုင်နေသည်။ 

နေရောင်အောက်တွင် ပွင့်ဖူးလာသည့် ပန်းပွင့်လေးမှာ အလင်းရောင်အား လိုက်လံငံ့မျှော်‌နေသကဲ့သို့ပင်… 

မျက်ဝန်းများ မြင်နိုင်သည့်နေရာတွင် အလင်းရောင်ရှိသကဲ့သို့ပင် ယဲ့ဇယ်ရှစ်မှာ ဤစင်မြင့်ကို ပိုင်ဆိုင်ရန် မွေးဖွားလာသူပင်ဖြစ်သည်... 

သူက မွေးရာပါ အကသမားတစ်ယောက်ပင်... 

သူသည်သာ အလင်းရောင်ဖြစ်သည်... 

ရင်းနှီးနေသည့် လိပ်ပြာခြေလှမ်းကကွက်တို့မှာ ထပ်မံထွက်ပေါ်လာပြန်သည်။ ယဲ့ဇယ်ရှစ်၏ စည်းချက်တကျ လှုပ်ရှားနေသော ကိုယ်လုံးလေးမှာ ပို၍ပင် မျက်စိပဒါသဖြစ်ဖွယ်ကောင်းလာသည်။ 

သူ့ရှပ်အင်္ကျီတွင်လည်း ချွေးတို့စိုရွှဲနေလေသည်။ သူ၏ချောမွေ့သောမျက်နှာပြင်ပေါ်တွင်လည်း ချွေးအလွှာပါး‌‌လေးတစ်ခု ဖြစ်တည်နေသည်။ မီးတောင်ကျောက်ကဲ့သို့ မျက်ဝန်းများမှာလည်း လင်းလက်တောက်ပနေတော့သည်။ 

နောက်ဆုံးကကွက် အဆုံးသတ်သောအခါ သီချင်းသံမှာလည်း တဖြည်းဖြည်းတိုးလာကာ မီးရောင်များက ပို၍ပင် လင်းထိန်လာသည်။ နောက်ဆုံးတွင် သီချင်းသံ လုံးဝပျောက်ဆုံးသွားကာ မီးရောင်မှာလည်း အမြင့်ဆုံး လင်းလက်လာတော့သည်။

စင်မြင့်အလယ်ရှိ ယဲ့ဇယ်ရှစ်မှာ အပြုံးလေးတစ်ခု ဆင်ထားလျက်။ သူ၏အဖြူရောင် ရှပ်အင်္ကျီလေးမှာ ချွေးများဖြင့်စိုရွဲနေကာ ခါးအထက်တွင် သွားကပ်နေသည်။ 

ထိုကောက်ကြောင်းလေးမှာ ခွန်အားအပြည့်ဖြင့် တက်ကြွနေလေသည်။ 

ပရိသတ်များဆီမှ မီးရောင်တို့မှာ သူ့ထံတွင် ပြန့်ကျဲနေသည်။ ယခုအခိုက်အတန့်လေးတွင် ယဲ့ဇယ်ရှစ်မှာ အလင်းလက်ဆုံး ကြယ်လေးတစ်ပွင့်သကဲ့သို့ပင်။ 

“အားးးးးးးးးး…...” 

အားပေးသံတို့မှာ ဒီလှိုင်းလုံးများအလား ပွဲခင်းတစ်ခုလုံးတွင် ဟိန်းကာထွက်ပေါ်လာသည်။ ပရိသတ်တို့မှာ သူတို့၏ စိတ်လှုပ်ရှားမှုအား အော်ဟစ်ခြင်းဖြင့်သာ ဖော်ပြနိုင်ကြတော့သည်။ 

“မိုက်လွန်းတယ်…” 

“ယဲ့ဇယ်ရှစ်….အမေးဇင်း…” 

“ငါ ရင်ထဲတော်တော်ထိသွားပြီ….ငိုနေရပါပြီ…” 

မှတ်ချက်စာမျက်နှာတွင်မူ အံ့ဩထိတ်လန့်သည့် သ‌င်္ကေတတို့ဖြင့် ပြည့်နှက်နေလေသည်။ 

[သီချင်းသံစထွက်လာတုန်းက ငါ့ရဲ့ အိုတာကုရည်းစားလေးက ကြားသွားတာ အဲ့ဒီကတည်းကငါ့‌ဘေးမှာ သူလာထိုင်နေတာ အခုထိကို ထမသွားသေးဘူး…ငါ ယဲ့ဇယ်ရှစ်ကို မဲပေးရမယ်…ငိုရမလား ရယ်ရမလားမသိတော့ဘူး…ငါက ထန်ကျင့်ဖန်လေဟယ်…]

[သေစမ်း…ငါလဲ ထန်ထန့်ဖန်ပဲ…ဒါပေမယ့် အခုတစ်ခေါက် ယဲ့ဇယ်ရှစ်က ငါ့ကိုတကယ်ကြီး စိုးမိုးသွားတာ…] 

[သူကနေတုန်းကဆိုရင် သူ့မျက်လုံးထဲမှာ ကြယ်တွေတောင်ရှိနေသလိုပဲ…]

ယဲ့ဇယ်ရှစ် နာမည်အား မည်သူစတင်ကာ အော်လိုက်မှန်းမသိသော်ငြား လူအုပ်ကြီးမှာ ထိုနာမည်လေးအား အတူတကွ အော်ဟစ်နေကြတော့သည်။ မရေမတွက်နိုင်သော အသံတို့၏ ပေါင်းစုံမှာမှာ အမည်လေးတစ်ခုသာ ဖြစ်နေတော့သည်။ 

“ယဲ့ဇယ်ရှစ်…ယဲ့ဇယ်ရှစ်…ယဲ့ဇယ်ရှစ်….” 

ပရိသတ်၏ အားပေးမှုကို ယဲ့ဇယ်ရှစ် ခါးကိုင်းလျက် လေးလေးနက်နက် ဂါရဝပြုလိုက်ကာ လက်ခံလိုက်သည်။ 

“အားးးးး…” 

အော်ဟစ်သံများမှာ ရုတ်ချည်း ပိုကျယ်‌လောင်လာသည်။ 

ရှီးရွှီပင် စင်ရှေ့ထွက်ရန် ခဏတာရပ်တန့်ထားလိုက်ရသည်။ ယခုအချိန်တွင် စင်မြင့်ကို ချုပ်ကိုင်ထားသူမှာ ယဲ့ဇယ်ရှစ်ပင် ဖြစ်လေသည်။ 

နှစ်မိနှစ်ခန့်အကြာတွင် မြောက်မြားစွာသောအသံတို့မှာ ယဲ့ဇယ်ရှစ်၏ အော်သံကြောင့် တဖြည်းဖြည်းငြိမ်သက်သွားသည်။ 

ဟယ့်ကျင်းယွင်မှာ ပထမဆုံးမတ်တပ်ထရပ်သူဖြစ်ကာ စကားတစ်ခွန်းမျှ မဆိုဘဲ လက်ခုပ်တီးတော့သည်။ 

သူ၏ဦးဆောင်မှုကြောင့် ရှန်ဇယ်ယွီနှင့် ချွီရှောင်းတို့လည်း မတ်တတ်ထရပ်ကာ လက်ခုပ်သံပေးလာသည်။ ပရိသတ်များလည်း ထပ်မံအားပေးကြပြန်သည်။ 

အားပေးသံများ ပြီးဆုံးသွားသည်။ 

 “ယဲ့ဇယ်ရှစ်…” 

ဟယ့်ကျင်းယွင်က ပထမဆုံးစကားပြောသူ ဖြစ်လာသည်။ သူ့မျက်ဝန်းများတွင် ချီးကျူးဂုဏ်ယူမှုတို့က ပြည့်လျှံနေလျက်သားပင်။  

“မင်း ငါ့ကို အံ့ဩအောင်လုပ်သွားပြန်ပြီ…” 

ယဲ့ဇယ်ရှစ် ပြုံးကာ ကျေးဇူးတင်ကြောင်း ပြောလိုက်သည်။ 

“ချီးကျူးလို့ရပါတယ် ရုပ်ရှင်ရိုက်ဖို့ကတော့ နိုးပဲနော်” 

“မင်းရောငါပါ နားလည်ကြပါတယ်ကွာ” ဆိုသည့် အဓိပ္ပာယ်ပါသည့် အကြည့်ဖြင့် ဟယ့်ကျင်းယွင်အား သူကြည့်လိုက်သည်။ 

ဟယ့်ကျင်းယွင် သူ့အပြုံးအား မထိန်းထားနိုင်တော့ချေ။ သူ့နှုတ်ခမ်းထောင့်များ ကွေးသွားကာ မနိုင်ဘူး ဆိုသည့်သဘောဖြင့် ခေါင်းယမ်းမိသည်။ 

ချွီရှောင်းမှာ အထပ်ထပ်ချီးကျူးလာသည်။  

“ယဲ့ဇယ်ရှစ် မင်းငါ့ကို သဘောကျလား မေးမလာခင်…ငါအခု မင်းကို လေးလေးနက်နက်ဖြေပေးလိုက်မယ်…ငါတကယ် မင်းကို သဘောကျတယ်…” 

“နည်းပြချွီဆီက သဘောကျခံရတာ ကျွန်တော်သေပျော်ပါပြီ…” 

ယဲ့ဇယ်ရှစ် မျက်တောင်လေးပုတ်ကာ ရင်ဘတ်လေးပေါ် လက်တင်လျက်ပြောလိုက်သည်။ 

ပရိသတ်အုပ်ထံမှ ရယ်သံများထွက်လာသည်။ 

များစွာသော ပရိသတ်တို့မှာ ယဲ့ဇယ်ရှစ်၏ အကဖြင့် နစ်မွန်းနေလျက်ရှိသေးသောကြောင့် သူတို့ ချက်ချင်းပင် ရွှင်မြူးလာကြသည်။ 

“ယဲ့ဇယ်ရှစ်ကတော့ တကယ်ပဲ…ငါ့မှာအခုထိ ထိရှနေတုန်း …အခုသူက ငါ့ကိုထပ်ရယ်အောင် လုပ်လိုက်ပြန်ပြီ…” 

“ငါရောပဲ တကယ်ကို ထိရှသွားတာ…အွန်လိုင်းမှာ ရုပ်သံသွင်းထားဖို့ တောင်းဆိုပါတယ်…ဒါမှ သူအခု တင်ဆက်သွားတာကို ပြန်ကြည့်နိုင်မှာ…” 

“ပြန်ကြည့်မှာဟုတ်လား…တိုက်ရိုက်လွှင့်တာ မကြည့်လိုက်ရဘူးလား…” 

“ဘာတွေ တွတ်ထိုးနေကြတာတုန်း….မင်းတို့ပြောကြည့် ဒီလိုမျိုးအခြေအနေနဲ့ ယဲ့ဇယ်ရှစ်က ပြုတ်နိုင်ချေရှိ‌သေးလား…” 

ဤက အမှန်ပင်ဖြစ်သည်။ 

ယဲ့ဇယ်ရှစ်မှာ အတားအဆီးမရှိ အဆင့်တက်ပြီးသား ဖြစ်လေသည်။ ပရိသတ်များထံမှ မဲပေးမှု အများကိုပင် ရရှိထားသေးသည်။ သူက အရှုံးသမားကွင်းစင်မှပင် ထိပ်ဆုံး ၂၅ ယောက်သို့ တိုက်ရိုက်အဆင့်တက်ထားသူဖြစ်သည်။ ထိပ်ဆုံးနေရာမှ ထန်ကျင့်ကိုပင် အကျပ်တွေ့‌စေနိုင်သူဖြစ်သည်။ 

သူက နံပါတ်တစ် နှင့် အတော်လေးထိုက်တန်လေသည်။ 

ထန်ကျင့်မှာ စိတ်မသက်မသာဖြစ်နေသော်လည်း ယဲ့ဇယ်ရှစ် သန်မာသည်ကို ဝန်ခံရပေမည်။ သူက စင်ပေါ်တွင် ဘုရင်တစ်ပါးအလားဖြစ်နေပြီး စင်ပေါ်ရပ်နေသည်ကပင် ဖိအားတစ်ခုဖြစ်၍နေသည်။  

သူနှင့် ယဲ့ဇယ်ရှစ်သာ ယခုချက်ချင်း ယှဉ်ပြိုင်ရမည်ဆိုလျှင် သူအဆင့်တက်နိုင်လိမ့်မည်ဟု ထန်ကျင့် မသေချာပေ။

ဤကဲ့သို့ ယဲ့ဇယ်ရှစ်အား သူ မလိုလားသော်ငြား မချီးကျူးဘဲ မနေနိုင်ချေ။ 

အထူးသဖြင့် ယဲ့ဇယ်ရှစ် သူ့ဆီသို့ အပြုံးလေးဖြင့် လမ်းလျှောက်လာချိန်တွင် သူပို၍ စိတ်ပင်ပန်းနွမ်းနယ် လာသည်ကို ခံစားလိုက်ရသည်။ 

ဤခံစားချက်က အလွန်ဆိုးဝါးလှသည်။ ထိုသည်က သူ့အား ရင်တုန်ပြီး ကူကယ်ရာမဲ့စေသည်။ 

သူထိုသို့ ခံစားနေရသည်မှာ ယဲ့ဇယ်ရှစ် သူ့ကို လမ်းလှမ်းမပြမီ အထိပင်ဖြစ်သည်။ 

“ငါပြန်လာပြီ...” 

ထန်ကျင့် နေရာမှာပင် တောင့်ခဲသွားပြီး သူ့အရှေ့ရှိ ပြုံးနေသော ကောင်လေးအား ငေးကြည့်နေမိသည်။ 

“ ငါအဆင့်တက်သွားတဲ့အတွက် ကွန်ဂရက်ကျူလေးရှင်းလို့ မင်း ပြောတာကို ငါတကယ် ကြားချင်နေတာ…” 

ထန်ကျင့် သူ့နှုတ်ခမ်းများကို စူလိုက်ကာ ယဲ့ဇယ်ရှစ်အား ပဟေဠိဖြစ်စွာ ကြည့်လိုက်သည်။ 

ထန်ကျင့်၏ သံသယတို့အား မျက်မြင်တွေ့လိုက်ရသောကြောင့် ယဲ့ဇယ်ရှစ် နှုတ်ခမ်းထောင့်စွန်းမှ အပြုံးမှာ ပိုလေးနက်သွားသည်။ သူအကျယ်ကြီး ပြောလိုက်သည်။ 

“ပြောရရင်…လူတိုင်းက ထင်ပေါ်တဲ့သူဆီကနေ အသိအမှတ်ပြုခံချင်ကြတာပဲလေ ….” 

မကောင်းသည့် ခံစားချက်အငွေ့အသက်တို့ ထန်ကျင့်ရင်ထဲ ဖျတ်ခနဲ စီးဆင်းသွားသည်။ ဤအခြေအနေမျိုးက သူမျှော်မှန်းထားသည့် တိုးတက်မှုမျိုး မဟုတ်ချေ။ 

သို့သော် သူစကားပြန်မပြောဖို့ရန် မတတ်နိုင်ချေ။ လူတိုင်းက သန်မာလိုကြသည်။ ထန်ကျင့်သည်လည်း ချွင်းချက်မဟုတ်ပေ။ 

ထို့ထက် အံဩစရာကောင်းသည့် ယဲ့ဇယ်ရှစ်က သူ့အားမြှောက်ပင့်လာသောကြောင့် သူ စကားပြန်ပြောရတော့သည်။ 

အတော်အကြာပြီးနောက် ထန်ကျင့်၏ မျက်လုံးများ စိုစွတ်လာက သူအပြုံးလေးဖြင့် ပြောလိုက်သည်။ 

“မင်းအရမ်းတော်တာပဲ... အဆင့်တက်သွားတဲ့အတွက် ဝမ်းသာပါတယ်...ယဲ့ဇယ်ရှစ်...” 

ယဲ့ဇယ်ရှစ် နှုတ်ခမ်းထောင့်မှ အပြုံးမှာ ပိုပို ကြီးမားလာကာ သူ ရိုကျိုးစွာပြောလိုက်သည်။  

“ကျေးဇူးပါပဲ...” 

ထန်ကျင့်က ယဲ့ဇယ်ရှစ်၏ ချောမောခံ့ညားသော မျက်နှာအား ကြည့်လိုက်သည်။ သူ့နားရွက်များ အနည်းငယ် နီလာသောကြောင့် အဝေးသို့ ကြောင်တောင်တောင် ကြည့်လိုက်ရသည်။ 

ရည်မွန်တယ် ၊ အရမ်းတော်တယ်... 

ဒီလို ယဲ့ဇယ်ရှစ်က သေချာပေါက်ကို ကျော်ကြားလိမ့်မယ်...  

ထိုညတွင် ရှာဖွေသော Hot search တို့မှာ အကောင်းဆုံးသက်သေပင်ဖြစ်တော့သည်။ 

ယဲ့ဇယ်ရှစ်မှာ အမျိုးသားဖန် အများဆုံးဖြင့် “Time Idol” ၏ ပထမဆုံးပြိုင်ပွဲဝင်တစ်ယောက် ဖြစ်‌လာသည်ကို ယဲ့ဇယ်ရှစ်ကိုယ်တိုင် ဘယ်သောအခါမှ ခန့်မှန်းမိလိမ့်မည် မဟုတ်ချေ။  

“ဟုတ်ပါတယ်...အမျိုးသမီး မဟုတ်ဘဲ အမျိုးသားဖန်တွေပါလို့...”

🎶🎶🎶