MM Story Teller

👻Chapter 10

Viewers 1k

👻Chapter 10

ဘဲလ်မြည်သံတစ်ခုနှင့်အတူ သူ၏နောက်မှ ဓါတ်လှေကားတံခါးမှာပွင့်သွားခဲ့လေသည်။ ရှီကျားလေးလံသော အမူအရာနှင့် သူ၏ကိုယ်ကိုလှည့်လိုက်လေသည်။ သူ၏လက်ချောင်းကိုတင်းကြပ်စွာဆုပ်ထားခဲ့ပြီးထိုလက်ချောင်းများပေါ်တွင် သွေးရောင်အရှိန်အ၀ါတို့ လွှမ်းခြုံရစ်ပတ်နေခဲ့လေသည်။ သူသေချာမကြည့်လိုက်ရသေးခင်မှာပင် စိတ်လှုပ်ရှားနေသော အသံတစ်ခုကိုကြားလိုက်ရလေသည်။

"ငါပြောပါတယ်..ငါကျိန်းသေပေါက်ရှာတွေ့မှာပါလို့...အာ ရှီကျား..မင်းဒီကိုဘယ်လိုရောက်နေတာလဲ..မင်းလည်းရှာတွေ့သွားပြီလို့မပြောနဲ့နော်...အာ..ကြည့် ဒီမှာ စက္ကူပိုက်ဆံတွေရှိနေတယ်..တစ်ယောက်ယောက်သေသွားတာသေချာတယ်...ဒီတိုက်ခန်း၂ခုထဲကတစ်ခုကတော့ ပြဿနာရှိနေတာသေချာတယ်...ငါဒီကိုရောက်တာနဲ့ ငါ့သံလိုက်အိမ်မြှောင်လက်တံတွေက ချက်ချင်းယောက်ယက်တွေခတ်ကုန်တာလေ...ဒီမကောင်းဆိုး၀ါး၀ိညာဥ်ရဲ့ယင်စွမ်းအင်က အတော်သန်မာတာပဲ ..ငါတွေ့ဖူးသမျှထဲဆို မင်းထက်ပဲ အားနည်းလောက်တယ်"

ရှီကျား"..."

မျက်ပေတုံး ဆရာသခင်အတုလေးက အဆုံးမရှိ ကရားရေလွှတ်တတွတ်တွတ်ဆိုနေခဲ့သည်။ ယခုလေးတင်ရှားရှားပါးပါး ကျက်သီးထဖွယ်ခံစားချက်လေးက ဖြုတ်ဆိုပျောက်ဆုံးသွားခဲ့လေသည်။

"ငါ့သံလိုက်အိမ်မြှောင်က မင်းကိုညွှန်နေတာဆိုရင် စွမ်းအင်ရှုပ်ထွေးနေလို့မဟုတ်ဘူး ပျက်သွားတာပဲဖြစ်မယ်...မင်း၀ူရှန်းရှင်းလီကိုချွတ်ခဲ့တာဖြစ်ရင်ဖြစ်..မဟုတ်ရင် ငါ့သံလိုက်အိမ်မြှောင်က ပျက်နေလို့ပဲ..အဲလိုသာဆို ငါလည်းဘယ်သွားငိုရမှန်း သိမှာမဟုတ်ဘူး...မင်းက သရဲတွေထက်တောင် ယင်စွမ်းအင်များနေတာကိုး..ငါ့သံလိုက်အိမ်မြှောင်က..."

"ပါးစပ်ပိတ်တော့"

ရှီကျား၏သည်းခံနိုင်စွမ်းတို့ အဆုံးသတ်ကိုရောက်ရှိလာခဲ့လေသည်။

ပြဿနာအရင်းအမြစ်ကိုရှာတွေ့နိုင်ခြင်းမှာ ထိုပြဿနာကိုဖြေရှင်းနိုင်သည့်နည်းလမ်းကိုတွေ့ခြင်းဟုမဆိုလိုချေ။

ဖေးယွီမှာ အလွန်ယုံကြည်ကိုးစားမရပုံပေါ်သော်လည်း သူသည် လောလောဆယ်ရှီကျားရှာတွေ့နိုင်သမျှ သရဲဖမ်းဆရာသခင်တစ်ဦးဖြစ်နေခဲ့သည်။ သို့နှင့် တဖက်လူအား သူတွေ့ခဲ့သည်တို့ကိုပြောပြလိုက်လေသည်။

ဖေးယွီတန့်သွားခဲ့လေသည်။

"အဲဒီအမေနဲ့သားက သရဲတွေလား"

ရှီကျားခေါင်းကိုအသာယမ်းလိုက်သည်။

"ငါသရဲတွေအများကြီးတွေ့ဖူးတယ်..အငြိုးစွမ်းအင်အများကြီးရှိတဲ့ မကောင်းဆိုး၀ါး၀ိညာဥ်မှမဟုတ်ရင် သာမာန်လူတွေက ခံစားမိဖို့ခက်တယ်..ညဘက်မှာ သူတို့ကလူတွေမြင်နိုင်အောင် ကိုယ်ထည်ဖန်ဆင်းနိုင်တယ်ဆိုတာကဖြစ်နိုင်တယ်..ဒါပေမယ့်အဲဒီကလေးရဲ့ကိုယ်မှာ ကိုယ်ပူချိန်ရှိနေတယ်..အဲဒီသူအမေရဲ့ကိုယ်ပေါ်မှာလဲ သွေးနံ့ပြင်းပြင်းရပေမယ့် သရဲနဲ့လည်းမတူပြန်ဘူး"

ဖေးယွီမျက်လုံးတို့ပြူးသွားခဲ့သည်။

"အဲလိုသွေးနံ့ပြင်းပြင်းမျိုးဘာလို့ရှိနေမှာလဲ..မဟုတ်မှလွဲရော.."

ရှီကျားအမူအယာမဲ့စွာဆိုလိုက်သည်။

"အဲဒါဆို အဲဒီအိမ်မှာ နေ့လည်စာ ကြက်သားဟင်းချက်မှာမို့ ကြက်ခုတ်နေရင်းတန်းလန်းထွက်လာတာလား"

ဖေးယွီ"...မဖြစ်နိုင်ဘူးလား"

ကြက်: ငါဘာများမှားလို့လဲ...

လှေကားထိပ်တွင် တံခါး၂ချပ်မှာ တင်းကြပ်စွာစေ့ပိတ်ထားလျက် တိုက်ခန်း၂ခု၏ တည်ရှိမှုကို ပိတ်ဆို့ထားသည့်နှယ်။ ထောင့်ရှိ သံဘေစင်ထဲမှ စက္ကူပိုက်ဆံတွင် စွဲနေသော နောက်ဆုံးသော မီးပွင့်ကလေးမှာ တဖြည်းဖြည်း မီးခိုးရောင်အဖြစ်ပြောင်းသွားခဲ့လေတော့သည်။

ထိုအဆောက်အဦးထဲမှထွက်လာသည်နှင့် ဖေးယွီမှာ သူလွယ်ထားသော အိတ်လေးထဲမှ ထူးဆန်းသော အနက်ရောင်သံတုံး၂တုံးကိုထုတ်လာခဲ့သည်။ ထိုသံတုံး၂တုံး ကလေးတုန်းက လှည့်၍ဆော့ရသော ဂျင်များနှင့်တူလေသည်။ ၄င်းတို့မှာ ကန်တော့ချွန်သဏ္ဍာန်ရှိကာ ကိုယ်ထည်မှာ မာကြောကာဖောက်ထွင်းမြင်နိုင်သောအနက်ရောင်ဖြစ်သည်။ ထိပ်အချွန်နေရာတွင်မူ သွေးနီရောင်သန်းနေခဲ့လေသည်။ ရှီကျားမှာ ၄င်းတို့သည် ထိပ်နေရာတွင် သွေးစက်တချို့ကိုခဲထားသော ဖောက်ထွင်းမြင်ရသော အတုံးများသာဖြစ်ကြောင်းသတိထားမိလိုက်လေသည်။

ရှီကျား စိတ်၀င်စားစွာ အကြိမ်အနည်းငယ်စူးစမ်းကြည့်နေခဲ့လေသည်။ သို့သော် ဖေးယွီကဆိုလာသည်။

"မင်းလည်းငါ့အိတ်က စတိုင်ကျတယ်ဆိုတာ သတိထားမိသွားပြီလား"

ရှီကျား ၄င်းကိုကြားသော် တန့်သွားခဲ့လေသည်။ သူ၏အကြည့်တို့က ထိုကတော့ချွန်၂ခုမှ ဖေးယွီ၏အိတ်ထံကူးပြောင်းသွားကာ သူသည်ဆွံ့အသွားခဲ့လေသည်။

ဖေးယွီမှာ ဘ၀င်ခိုက်နေသော အမူအယာဖြင့် နဂါးရုပ်ထိုးထားသော အစိမ်းရင့်ရောင်အိတ်ကလေးကိုပုတ်ပြလာခဲ့လေသည်။ ထိုအိတ်၏အ၀ကို ပိတ်ရန်သုံးသော ကြယ်သီးလေးကမူ ကြောင်မျက်လုံးကျောက်လေးဖြစ်လေသည်။ ၄င်းမှာ အတော်လေးထူးဆန်းသော ကြောင်မျက်လုံးကျောက်လေးဖြစ်လေသည်။ ရှီကျားအသေအချာကြည့်လိုက်ချိန်တွင် ထိုမျက်လုံးလေးမှာ အမှန်တကယ်မျက်တောင်တစ်ချက် ခတ်လိုက်သည်ကိုပင် မြင်လိုက်ရသည့်နှယ်။

ဖေးယွီကဆိုလာသည်။

"ငါထျန်းကုန်းကျိုက်ဆီကနေ ငါဒီရှန်းခွန်အိတ်ကို၀ယ်ဖို့ 88pointsတောင်သုံးခဲ့ရတာ..ဒီအိတ်လေးက ရှေ့လကုန်ခါနီးမှ စင်ပေါ်ရောက်လာတာလေ..ဒီတစ်အိတ်တည်းရယ်..ဒါတောင်ငါရအောင်လုနိုင်ခဲ့တာ..ဒီအိတ်လေးကတကယ် ဒီနှစ်ရဲ့ ဖက်ရှင်အကျဆုံးပစ္စည်းလေးပဲ..သူ့အရောင်ပဲဖြစ်ဖြစ် ဒီဇိုင်းပဲဖြစ်ဖြစ်..တို့အသိုင်းအ၀ိုင်းထဲမှာ ငါ့နဂါးနက်အိတ်လေးက စတိုင်အမိဆုံးပဲ..မင်းရောဘယ်လိုထင်လဲ"

ရှီကျား"... gay li gay qiလိုမျိုးလား.."

(TN -အင်တာနက်slangတစ်ခုပါ..ရှာကြည့်ပေမယ့်ဘာကိုပြောချင်တာမှန်းအတိအကျနားမလည်ဘူးရယ်)

ဖေးယွီ" ဘာချီလဲ"

ရှီကျားကအသာပြုံးလိုက်သည်။

"ဘုရင့် အာဏာရှင်ချီလိုလေ"

ဖေးယွီ" ဒါပေါ့"

ချီးကျူးမြှောက်ပင့်ခံရပြီးနောက်၀ယ် အတုအယောင်ဆရာသခင်လေးဖေးမှာ အတားအဆီးကိုဆွဲရာတွင် ပို၍ စိတ်အားတက်ကြွလာတော့သည်။

သူသည်ထိုကတော့ချွန်လေးခုကို အဆောက်အဦး၏ ထောင့်လေးခုဖြစ်သော အရှေ့အနောက် တောင်မြောက်တွင် ထိုးစိုက်လိုက်လေသည်။ သွေးနီရောင်အဖျားကိုသာမြေကြီးတွင်ထိုးစိုက်ထားခြင်းဖြစ်သည်။ နောက်ဆုံးတစ်ခုကိုထိုးစိုက်ပြီးနောက် ဖေးယွီမှာ အ၀ါရောင်အဆောင်လက်ဖွဲ့တစ်ခုကိုထုတ်လိုက်ပြီး တိတ်တဆိတ်စတင်ရွတ်ဖတ်တော့သည်။

" ကမ္ဘာကြီးဟာ သဘာ၀အတိုင်းပဲ..မကောင်းတဲ့ချီတွေပျောက်ကွယ်သွားစေ..အနက်ရောင်တွင်းပေါက်ကြီးတွေကို..တောက်ပတဲ့ ထိုက်ယွမ်းနဲ့လင်းလက်စေမယ်...အရပ်မျက်နှာပေါင်းစုံက ကောင်းကင်ဘုံစွမ်းအင်တွေစီးဆင်းစေ..သဘာ၀နဲ့တစ်သားထဲတစ်စေ..ကျုံးရှန်းရဲ့ မန္တာန်..ကျောက်စိမ်းပေလွှာရဲ့အစ..အထွပ်အမြတ်တောင်ကြီးငါးလုံးရဲ့ ဖိနှိပ်အားကိုယူ၍ ပင်လယ်ကြီး၄ခုလုံးသိကြားစေ...နတ်ဆိုးဘုရင်ဟာ စွမ်းအားကင်းမဲ့တယ်..ငါ၏ခြေရင်းမှာခစားလေ..မကောင်းတဲ့စွမ်းအင်တွေပြိုကွဲလို့..တာအိုချီတွေဆက်လက်ပြန့်ပွားစေ...ကောင်းကင်ဘုံရဲ့အမိန့်"

“သွား.."

စက္ကူအဆောင်လက်ဖွဲ့လေးမှာ လေထဲတွင် တဖြတ်ဖြတ်လွင့်နေခဲ့လေသည်။ ထောင့်လေးခုမှ သွေးရောင်စီးကြောင်းလေးခုက ဖေးယွီ၏ လက်ဖ၀ါးထံပြေး၀င်လာခဲ့လေသည်။ သူကလက်ဖ၀ါးကိုဖွင့်လျက် အတူတကွချိတ်ဆက်နေကြသော သွေးစီးကြောင်းလေးခုကို ဖမ်းယူလိုက်လေသည်။ သူ၏ညာလက်ကိုသုံးလျက် ဖိချလိုက်သည်နှင့် ထိုသွေးစီးကြောင်း ၄ခုမှာ မြေကြီးပေါ်သို့ ခိုင်မာစွာ နှစ်ခံလိုက်ရလေသည်။

ထိုချည်ကြိုးမျှင်နှယ် သွေးစီးကြောင်း ၄ခုမှာ အသိစိတ်ရှိနေသည့်အလား ဖေးယွီ၏လက်ထဲတွင် ဆက်တိုက်ရုန်းကန်နေခဲ့လေသည်။ သူကရုတ်ချည်း လက်ညှိုးထိပ်ကိုကိုက်ချလိုက်ပြီး သူ၏သွေးတစ်စက်ကို ထိုသွေးစီးကြောင်း လေးခုဆုံရာထံဖိချလိုက်ပြန်သည်။

ဘုန်း...

ထိုသွေးစက်မှာ ထိုသွေးစီးကြောင်းလေးခုထံစီး၀င်သွားပြီး ထိုသွေးစီးကြောင်းလေးခုမှာလည်း ယင်နှင့် မကောင်းဆိုး၀ါးစွမ်းအင်ကို ဖိနှိပ်လာခဲ့လေသည်။

ရှီကျားကောင်းကင်ကိုမော့ကြည့်လိုက်လျှင် နေရောင်မှာ တိမ်စိုင်များကြားမှ ဖောက်ထွင်းကာ ဖြာကျလာပြီး အိမ်ရာ၀န်းကိုတဖြည်းဖြည်းလင်းလက် နွေးထွေးလာစေသည်ကို ခံစားလိုက်ရလေသည်။ အိမ်ယာ၀န်းအတွင်း အချိန်ကြာ မလှုပ်မယှက်စွဲကပ်နေသော ယင်စွမ်းအင်များမှာလည်း တဖြည်းဖြည်းကျဲပါးသွားခဲ့လေသည်။ ပတ်၀န်းကျင်တစ်ခုလုံးမှာ ရုတ်ချည်း အသက်ပြန်၀င်လာသော ဇွန်ဘီတစ်ကောင်နှယ်။

စကားတပြောပြောနှင့် လမ်းလျှောက်နေကြသော အမျိုးသမီးများမှာ တက်ကြွစွာရယ်မောလိုက်ကြကာ လေ့ကျင့်ခန်းလုပ်နေကြသူများမှာလည်း ပို၍ အသက်၀င်လာခဲ့လေသည်။

သူတို့၏ရှေ့မှ အဆောက်အဦးတစ်ခုတည်းကသာ ယင်စွမ်းအင်များဆက်လက်ဖုံးလွှမ်းလျက် ကျန်ရှိနေခဲ့လေသည်။

ဖေးယွီက သူ၏လက်ချောင်းထိပ်ကိုစုပ်လိုက်သည်။ သူ၏လက်ချောင်းမှာ သွေးထပ်၍ မထွက်တော့သည်အထိစောင့်ပြီးမှ သူကဆိုလာခဲ့သည်။

"အခုလေးတင်ငါ ယင်စွမ်းအင်ကို ဒီအဆောက်အဦးကနေ ပြန့်မသွားအောင်ပဲ တားထားလိုက်တယ်..ငါ့သွေးကမလုံလောက်ဘူး..ယင်စွမ်းအင်ကိုအကြာကြီးမဖိနှိပ်နိုင်မှာစိုးရတယ်..ငါခဏနေရင် ထျန်းကုန်းကျိုက်ကိုသွားပြီး ငရဲဘုရင်ယဲ့ရဲ့သွေးစက်ကိုမှာလိုက်မယ်"

ရှီကျားမျက်တောင်ခတ်လိုက်သည်။

"သွေးစက်ဟုတ်လား"

ဖေးယွီကရှင်းပြလာခဲ့သည်။

"အခုလေးတင် ငါယင်စွမ်းအင်ကိုဖိနှိပ်ဖို့ သွေးစက်တွေကိုသုံးလိုက်တာလေ တွေ့လိုက်တယ်မလား..ငါထုတ်လာတာလေ..အာ..သွေးစက်လေးစက်လေ...ထိပ်ဖျားမှာ နီနီတွေလေ အဲဒါငါ့သွေး..သွေးစက်အရှိန်အ၀ါကပြင်းတယ်..ငါကသွေးစက်ပိုင်ရှင်ဖြစ်နေရင်တောင်မှ ငါ့စကားကိုနားထောင်ချင်မှနားထောင်တာ..အဲဒါကြောင့်သွေးတစ်စက်ထပ်ဖောက်ပြီး ထိန်းချုပ်လိုက်ရတာလေ"

ပြောပြောဆိုဆိုနှင့် ဖေးယွီမှာ သူ၏ဖုန်းကိုထုတ်ယူလျက် "ငါဘာကြုံခဲ့ရလဲ သရဲတွေပဲသိတယ်" (Ghost know) official အကောင့်ကိုဖွင့်လိုက်လေသည်။ ထို့နောက် ရွေးချယ်စရာဘားများအောက်မှ ထျန်းကုန်းကျိုက်ကို နှိပ်လိုက်လေသည်။ ထို့နောက် ရုတ်ချည်းဆိုသလိုပင် ရှီကျား၏မျက်လုံးများရှေ့တွင် အွန်လိုင်းရှော့တစ်ခုဗြန်းခနဲဆို ပေါ်လာခဲ့လေသည်။

ရှီကျား"..."

ဖေးယွီ" ငါရှာနေတာ..ရှာနေတာ..အာ..သွေးစက်..အဲ တွေ့လား ဒီမှာကြည့်..ငရဲဘုရင်ယဲ့ရဲ့သွေးစက်ကရောင်းအားက အဆင့်၂ပဲ"

ရှီကျားသေချာကြည့်လိုက်သည်။ ထိုသွေးစက်အရောင်းဆိုင်တွင် ထိပ်ဆုံးမှ ရောင်းကုန်မှာ "နန်ရိသွေးစက်"ဖြစ်သည်၊။ သူကအစပိုင်းတွင် အနည်းငယ်ရှုပ်ထွေးနေသေးသည်။

ဒုတိယအဆင့်ကလူရဲ့သွေးစက်က ပထမအဆင့်ကလူထက်ဘာလို့ရောင်းအားပိုကောင်းနေရတာလဲ..

သို့သော် ထိုသွေးစက်၂စက်၏ စျေးနှုန်းကိုယှဥ်ကြည့်ပြီးသော် သူချက်ချင်းနားလည်သွားခဲ့တော့သည်။

နန်ရိ- သွေးစက်: 8 points /တစ်စက်

ယဲ့ကျင်းကျီ- သွေးစက်: ၁၈ points/ တစ်စက်

အဲတော့ ရွှမ်းရွှယ်ကမ္ဘာကလူတွေလည်း စျေးနှုန်းအနိမ့်အမြင့်ကိုကြည့်ကြသေးတယ်ပေါ့ အာ..

.....မဟုတ်သေးဘူး..အခုအာရုံစိုက်ရမှာက ဘာလို့သူတို့မှ အွန်လိုင်းရှော့ကြီးတောင်ရှိနေရတာလဲ..

ဒါကတရား၀င်အကောင့်လေ..modouအဆင့်ဇယားကိုထားလိုက်ဦး..အွန်လိုင်းရှော့ကြီးပါရှိနေသေးတယ်ပေါ့..သူတို့ဘယ်တောင်တောင်မှ ခေတ်ရှေ့ပြေးနေကြတာလဲဟ...

ဖေးယွီမှာ ရှီကျား၏ မူမမှန်သော အမူအရာကို သတိမထားမိခဲ့ချေ။ သူ၏နှလုံးသားမှာ နာကျင်နေခဲ့လေသည်။

"ဒီမကောင်းဆိုး၀ါး၀ိညာဥ်ရဲ့ယင်စွမ်းအင်က ငါတွေ့ဖူးသမျှထဲမှာ အသန်မာဆုံးပဲ...နန်ရိသွေးကို၀ယ်တာက အသုံးမ၀င်ဘူး..ငရဲဘုရင်ယဲ့သွေးစက်ကို၀ယ်မှပဲရမှာ..18pointတောင်မှ...အာ...၄စက်လောက်၀ယ်ရင်.. 72pointတောင် အဲဒါက တစ်လနဲ့ တစ်၀က်လောက် သရဲလိုက်ဖမ်းရတာလောက်ရှိတယ်လို့.."

ဖေးယွီမှာ အော်ဒါတင်နေရင်း ရှီကျားအား လေထွားနေခဲ့လေသည်။

သူ့ကိုယ်သူမည်မျှ အံ့အားသင့်ဖွယ်ရာကောင်းလှကြောင်း မည်မျှမိမိုက်လှကြောင်း ရေပက်မ၀င် တတွတ်တွတ် လေလုံးထွားနေသော စကားလုံးတချို့မှလွဲလျှင် ရှီကျားမှာနောက်ဆုံးမှာတော့ အဓိပ္ပါယ်ရှိသည် တစ်ခုခုကိုကြားလိုက်ရလေသည်။

"Ghosts know" officialအကောင့်မှ နေ့တိုင်းဆိုသလို ရွှမ်းရွှယ်လောက၏နေ့စဥ်သတင်းပေါင်းစုံကို တင်ပေးလေ့ရှိလေသည်။ ဥပမာ ရှီကျားမှာ သူတို့ထံမှ အသိပေးချက်တစ်ခုကိုလက်ခံခဲ့ရလေသည်။

《 အံ့ဖွယ်သတင်းထူး! ၀ူရှန်းရှင်းလီရဲ့ ပိုင်ရှင်ကပြောင်းသွားခဲ့ပြီလား...ငရဲဘုရင်ယဲ့ရဲ့ ချစ်သက်လက်ဆောင်! 》

ထိုသတင်းကိုဖတ်ရပြီးချင်းချင်း ရှီကျား အတုအယောင်ဆရာသခင်လေး၏ မျက်နှာကို အညှာအတာမဲ့စွာ ထိုးချလိုက်လေသည်။

ထိုရိုက်ချက်မှာရုတ်ချည်းရောက်ရှိလာခြင်းဖြစ်လေရာ အရူးလိုရယ်မောနေသော ဆရာသခင်လေးဖေးမှာ မရှောင်နိုင်လိုက်ချေ။ အရိုက်ခံရပြီးသည်ဖေးယွီမှာ ပေါက်ကွဲပစ်ချင်ခဲ့သော်လည်း ရှီကျားတစ်ယောက် ဒေါသအပြုံးကြီးနှင့် သူ၏ဖုန်းမျက်နှာပြင်ကို မြှောက်ပြလာသည်အားတွေ့လိုက်ရလေသည်။

"ဒီဟာကို မင်းရေးထားတာလား"

ဖေးယွီမှာချက်ချင်းညှိုးရော်သွားလျက် အပြစ်မကင်းစွာ ခြောက်ကပ်ကပ်ရယ်မောလာခဲ့သည်။

"မ..မဟုတ်ပါဘူး..ငါက စာကြမ်းလေးပဲရေးပို့လိုက်တာ..ဒီသတင်းကိုတော့ 'Ghosts Know' ကလူတွေပဲရေးထားတာ ကျိန်းသေတယ်"

ထိုသတင်းကိုဖွင့်ကြည့်လိုက်လျှင် ဖတ်ရှုသူဦးရေမှာ 100,000+ရှိကာ likeအရေအတွက်မှာ 36,000ရှိနေခဲ့လေသည်။ မရေတွက်နိုင်သော လူများကလည်း ကောမန့်များကို ချန်ထားရစ်ခဲ့ကြသည်။

【 6666666, clickbaitကြီး..ငါ 'Ghosts know'တစ်ခုကိုပဲ followထားတာပါ 】

【ဟိုင်း..ငါက ထိတ်လန့်အံ့သြဖွယ်သတင်းထူး ဌာနကပါ..အယ်ဒီတာကမနက်ဖြန်အလုပ်ဆင်းမယ်ကြားပါတယ် .. 】

【 ငရဲဘုရင်ယဲ့ကတော့ စံပြမော်ဒယ်လို့ခေါ်ထိုက်ပါပေတယ်..ဒီလိုကိစ္စမျိုးကိုတောင်ဂရုတစိုက်နဲ့ ၀ူရှန်းရှင်းလီကိုတောင် ငှားပေးခဲ့သေးတယ်..အထူးယင်စွမ်းအင်ခန္ဓာကိုယ်နဲ့ လူတစ်ယောက်လက်ထဲမှာ ရှိနေတော့ဘာများလုပ်ရမှာတုန်း..အဲဒါက၀ူရှန်းရှင်းလီလေ...အာ..တွေးလိုက်တာနဲ့တင် သွားရည်ကျတယ်..… 】

【 နောက်ဆုံးကောမန့်ပါ..အဲဒီကျေးဇူးမသိတတ်တဲ့သေမျိုးက ငရဲဘုရင်ယဲ့ကိုချနိုင်လို့လား..သူကပြန်မပေးဘဲထားကြည့်ပါလား..ငရဲဘုရင့်ယဲ့ကဖြင့် သူ့ကို pointအဖြစ်ပြောင်းပစ်လိမ့် 】

【 တာအိုရောင်းရင်းလေးယဲ့မှာ တကယ်ကြင်နာတတ်တဲ့ နှလုံးသားလေးရှိတာပဲ..သြမိသောဖော... 】

၄င်းတို့ကိုဖတ်နေသော ရှီကျား"...."

အတော်အဆိပ်ပြင်းကြတာပဲ အာ...ဘယ်သူကကျေးဇူးမသိတတ်တဲ့ သေမျိုးလဲ..ဘယ်သူကpointလဲ...

ဖေးယွီနှင့် ၂ရက်ကြာ ရှိနေပြီးနောက် သူတို့ရွှမ်းရွှယ်လောကတွင်မကောင်းဆိုး၀ါး၀ိညာဥ်ကိုသတ်ခြင်းက သူတို့ကို pointများရရှိနေကြောင်း သိခဲ့ပြီးဖြစ်သည်။ ထိုမကောင်းဆို၀ါး၀ိညာဥ်ကလူတစ်ဦးကိုသတ်ဖူးပါက သူတို့point၂ ခုရရှိမည်ဖြစ်သည်။ လူ၂ယောက်သတ်ထားဖူးသော် 3 pointရရှိမည်ဖြစ်ကာ သတ်ဖူးသော အရေအတွက်ပေါ်လိုက်၍ pointများတိုးတိုးသွားမည်ဖြစ်လေသည်။

သို့သော် လူသတ်ဖူးသော မကောင်းဆိုး၀ါး၀ိညာဥ်များက အနည်းစုမျှသာဖြစ်လေသည်။ အများစုက လက်စားချေပြီးသည်နှင့် ပြန်လည်၀င်စားခြင်းစက်၀န်းသို့၀င်သွားရ၍ဖြစ်သည်။ ထို့အပြင် မကောင်းဆိုး၀ါး၀ိညာဥ်အများစုကလည်း လူသတ်နိုင်လောက်အောင် မသန်မာကြချေ။ ထို့ကြောင့် ဖေးယွီတို့ကဲ့သို့ သရဲဖမ်းဆရာသခင်များမှာ တစ်လလျှင် အလွန်ဆုံးမှာ pointတစ်ရာမျှသာရရှိနိုင်လေသည်။

ကြယ်များပေါ်က ငရဲဘုရင်ယဲ့ကိုတော့ထည့်တွက်၍မရချေ။

****

စာရေးသူမှာ ပြောစရာရှိတယ်:

ရွှမ်းရွှယ်လောကမှလူများ: ပန်းသစ်တော်စိမ်း ၅တောင်းကိုကြည့်ပြီး သွားရည်တောင်ကျလာပြီကွာ...

ပန်းသစ်တော်စိမ်း၅တောင်း: ဒီဘေဘီလေးက အားလုံးကို အမှုန့်ချေပစ်မယ်...

👻

Prev Next