Chapter 103

🎶 Chapter 103


သို့​သော်ငြား ၎င်းက ကိစ္စမရှိ​ပေ။ အ​နှေးနှင့်အမြန်ဆိုသလို ရိုက်ကူးရမည်သာ ဖြစ်သည်။ မည်သူနှင့် ရိုက်ကူးရမည် ဆိုသည်ကိုမူ ဟယ့်​ကျင်းယွင်က ထို​နေရာတွင်မရှိ၍ ယဲ့ဇယ်ရှစ်တွင် မည်သည့်ထင်မြင်ချက်မှ မရှိပေ။

သို့​သော်ငြား ရိုက်ကူး​ရေးလုပ်​နေစဥ်တွင် မ​ကောင်းသည့် အချက်တစ်ခု ရှိ​​ပေသည်။
ငါ့ဖုန်းကို ဘယ်အချိန် ဘယ်​နေရာမဆို ကိုင်လို့မရ​တော့ဘူး...

ဤသည်က ယဲ့ဇယ်ရှစ် တစ်ပတ်မျှ ဟယ့်ကျင်းယွင်နှင့် အဆက်အသွယ်လုပ်ရန် အခွင့်အရေးနည်းသွားမည်ဟု ဆိုလိုသည်ပင်။

ဤသည်ကို ​​တွေးပြီး ယဲ့ဇယ်ရှစ် အနည်းငယ်မျှ မ​ပျော်မရွှင် ဖြစ်သွားသည်။

ဤရိုက်ကူး​ရေး၏တည်​နေရာက ယွင်နန်တွင် တည်ရှိ​သည်။ သူတို့ ဟိုတယ်ကို ​ရောက်ရောက်ချင်းပင် ရှန်ဇယ်ယွီနှင့်ဆုံလိုက်ရသည်။ ရိုက်ကူး​ရေးအဖွဲ့တွင်လည်း အထူးဧည့်သည်​တော် အသစ်နှစ်​​ယောက် ရှိ​​နေသည်။

တစ်​ယောက်က ယခုလတ်တ​လောတွင် ​ရေပန်းစားလာသည့် အိုင်​ဒေါလ် ယွီ​​​လိန့် ဖြစ်သည်။

​​​နောက်တစ်​ယောက်က လတ်တ​လော​ နာမည်ကြီး​နေသည့်ဒရာမာမှ အမျိုးသမီးသရုပ်​​ဆောင် ဝမ်းယန် ဖြစ်သည်။

ယဲ့ဇယ်ရှစ် သူတို့နှစ်ယောက်လုံးကို မသိ​ပေ။ ထို့ကြောင့် သူ ရိုးရိုးရှင်းရှင်းပင် သူတို့ကို နှုတ်ဆက်လိုက်ပြီး ရှန်ဇယ်ယွီကို ကြည့်လိုက်သည်။
"ရှန်​လောင်ရှီးက ဘယ်ကိုသွားမလို့လဲ..."

ရှန်ဇယ်ယွီ ရယ်လိုက်သည်။
"ဒုတိယပိုင်းက ဒီည လွှင့်​မှာ မဟုတ်ဘူးလား...ငါတို့အပြင်ကို တူတူသွားစားပြီး ပြန်လာရင် ရှိုးကို ကြည့်ကြမလို့​...ပြီး​​​တော့ မင်းကို ဒီမှာ​တွေ့လိုက်တာပဲ...အဲ့​တော့ မင်းကို ဖုန်း​ခေါ်စရာမလို​​တော့ဘူး​ပေါ့ ဘယ်လိုလဲ တူတူသွားစားကြမလား..."

ယဲ့ဇယ်ရှစ် တစ်ခဏ​ တွေးလိုက်ပြီး​နောက် ​ခေါင်းညိတ်လိုက်သည်။

သူတို့​လေး​ယောက် စား​သောက်ဆိုင်​ ရောက်ချိန်တွင်
​ဝေ့​ပေနှင့် ယို့ကျားကို သူတို့နှင့်အတူ လာပူး​ပေါင်းရန် ရှန်ဇယ်ယွီ ဖုန်း​ခေါ်လိုက်သည်။ အဆုံးတွင် ​ခြောက်ယောက် စုမိသွားကြသည်။

မစားမီတွင် ယဲ့ဇယ်ရှစ် ဟယ့်ကျင်းယွင် ထံ ပုံပို့ရန် ဓါတ်ပုံရိုက်ကာ စာ​ရိုက်လိုက်သည်။
"ကျွန်​တော် အခု အရသာရှိတာ​တွေစား​နေတာ..."

ဟယ့်ကျင်းယွင်က လျင်မြန်စွာ စာပြန်လိုက်သည်။
"ညစာလား..."

ယဲ့ဇယ်ရှစ် : "အင်...တခြားအထူးဧည့်သည် နှစ်​ယောက်လည်းရှိတယ်...ညစာစားပြီးရင် ရှိုးရဲ့ဒီတစ်ပတ် လွှင့်မယ့်အပိုင်းကို ကျွန်​တော်တို့ ကြည့်ကြမှာ..."

ဟယ့်ကျင်းယွင်လည်း ယ​နေ့ညတွင် ဒုတိယပိုင်းကို လွှင့်မည်ကို သတိရသွားသည်။

"​ကောင်းပါပြီ...ဒါဆိုလည်း ​ကောင်​ကောင်းစား...ပြီးသွားရင် ကိုယ့်ကို စာပြန်ပို့ဦး..."

ယဲ့ဇယ်ရှစ် : "ရပါတယ်​နော်...ကျွန်​တော် စားရင်းနဲ့လည်း ခင်ဗျားကို စာပြန်နိုင်ပါ​သေးတယ်..."

ဟယ့်ကျင်းယွင် ရယ်လိုက်ပြီး ဘာမှထပ်မ​ပြောလိုက်​ပေ။

ည​နေခင်းတွင် "အစားအသောက်နှစ်သက်သူတစ်​ယောင်၏မှတ်တမ်း"၏ ဒုတိယပိုင်းကို ထုတ်လွှင့်ခဲ့ပြီး ယဲ့ဇယ်ရှစ်နှင့် သူ့အဖွဲ့က hot search ကို ထပ်ရောက်သွားသည်မှာ အံ့သြစရာ မရှိ​တော့ချေ။

ထိုထဲတွင် အမြင့်ဆုံးအဆင့်နှင့် tag မှာ# ယဲ့ဇယ်ရှစ်နှင့် ဟယ့်ကျင်းယွင်က ​ပါးစပ်နဲ့ ပြောစရာမလိုဘဲ နားလည်မှုတစ်ခု ရှိတယ်# ၎င်းကို နှိပ်ကြည့်လိုက်ရာအားလုံးက ဝမ်းနည်းပူ​ဆွေးကာ ညည်းညူ​နေကြသည်။

[ယဲ့ဇယ်ရှစ်နဲ့ ဟယ့်ကျင်းယွင်မှာ ကောင်းမွန်တဲ့အဖွဲ့လိုက်လုပ်​​ဆောင်မှုရှိတာပဲ...]

[အဲ့လို သဲလွန်စသေး​သေး​လေးတစ်ခုတည်း​ပေါ် မူတည်ပြီး​တော့ သူတို့ရဲ့အ​ထောက်အထား​တွေကို အစကတည်းက ခန့်မှန်းလိုက်တယ်​​ပေါ့​လေ... တခြားဧည့်သည်​လေး​ယောက်အတွက် ငါဝမ်း​တောင် နည်းသွားပြီ...]

[ဒီနှစ်​​ယောက်ကိုက အရမ်းဉာဏ်ကောင်းလွန်းအားကြီး​နေတာ...]

[ဟုတ်တယ် သူတို့နှစ်​ယောက်လုံးက IQ မြင့်ပြီး ကြည့်လို့ကလည်း​ ကောင်း​သေး...ငါ တကယ် မနာလို​နေပြီ...]

[အဲ့​တော့ သူတို့က ပရိုဂရမ်အဖွဲ့က​ပေးတဲ့ ​သဲလွန်စ​သေး​သေး​လေးကို အ​ခြေခံပြီး​တော့ သူတို့ရဲ့အ​ထောက်အထားကို ခန့်မှန်းလိုက်ကြတယ်​ပေါ့...​နောက်ပိုင်းအဆင့်တွေမှာ သူတို့က သူတို့ရဲ့အ​ထောက်အထားကို အတည်ပြုဖို့တောင် မလို​တော့ဘူး...ပြီး​တော့သူတို့က အဲ့ကပ်​ဘေးကြီးကိုလည်း ရှန်ဇယ်ယွီဆီ ​အောင်​အောင်မြင်မြင်နဲ့ လွှဲချနိုင်လိုက်​သေးတယ်...အ​မေးဇင်း...]

[ရှန်ဇယ်ယွီ့ခမျာ တကယ် စိတ်မချမ်း​​မြေ့နေရှာတာ ဟားဟားဟားဟား...]

[နတ်ဘုရားက သူ့သူငယ်ချင်း​တွေကို လှည့်စားလိုက်တာ...တကယ် နည်းနည်း​​​လေး​​တောင် လုံးဝမညှာဘူး...]

[ဟုတ်ပါ့ ရှစ်ရှစ်ကလည်း ထန်ထန်ကို မညှာဘူး...သူတို့ ဒါကြည့်​နေတဲ့အချိန် လုံးဝ စိတ်မသက်မသာဖြစ်​နေမယ်ဆိုတာကို​တောင် ငါခံစားမိပါ့...]

[သူငယ်ချင်း​တွေဆိုတာ တစ်​ယောက်ကိုတစ်​ယောက် ​ချောက်ချဖို့ဘဲ​လေ...လူတိုင်းနားလည်ပါတယ် ဟားဟား...]

[ဒါ​​တွေအကုန်လုံးက ရသစုံရှိုးရဲ့ ထွင်လုံး​တွေပါ အကုန်လုံးက ရသစုံရှိုးရဲ့ထွင်လုံး​​တွေလို့...]

"[ကောင်းပြီ...ဒီလူနှစ်​ယောက်ကြားက CP အအငွေ့အသက်တွေက အရမ်းအရမ်းကို လျှံထွက်​နေတာပဲလို့ နင်တို့ မခံစားရဘူးလား...IQ မြင့်ပြီး​ လလှပတဲ့Bottomနဲ့ IQ မြင့်တဲ့ရုပ်ရှင်ဧကရာဇ် Top... ငါ သင်္ဘောလွှင့်(ship)ပြီဟေ့...]

[အ​ပေါ်ထပ်​ရေ...သူတို့နှစ်​ယောက်မှာ CP အ​ငွေ့အသက်ရှိတာကို အခုမှ သတိထားမိတာလား...ဟယ့်ရှစ်ဆိုတာကို​ရော ကြားဖူးလား...]

[ဟားဟားဟားဟား...ငါ့ကို ယုံလိုက်...ဟယ့်ရှစ်​ကောင်းကင်ဘုံမှာ ဝမ်းနည်းစရာဆိုတာ မရှိ​စေရဘူး...]

ရလဒ်ကမူ ကောမန့်ဧရိယာက CP ပရိသတ်များနှင့် ပြည့်နှက်လာပြီး ယခင်က CP ဖန်မဟုတ်သည့် နိုင်ံငံသားများကို CP ဖန်များအဖြစ်​ အောင်​အောင်မြင်မြင် သိမ်းသွင်းနိုင်လိုက်ကြသည်။

​ပြောရမည်ဆိုပါက လူနှစ်​ယောက်ကြားက အပြန်အလှန် တုံ့ပြန်မှုလေးများက အမှန်တကယ် ချို​မြ​နေ​ပေ၏။

ရှိုးမှာသာမက ရှိုးအပြင်ဘက်မှာပါ ပရိသတ်များက အလွန်​ကျေနပ်​နေကြသည်။

ယ​နေ့က ဟယ့်ရှစ် CP ပရိသတ်များအတွက် ​နောက်ထပ်​ အောင်ပွဲခံသည့် ရက်တစ်ရက် ဖြစ်ပြီး အလားတူစွာပင် ယ​နေ့က ရှီးထန် ပရိသတ်များ​၏မျက်ရည်များနှင့်​ နေ့ရက်တစ်ရက်လည်း ဖြစ်​ပေသည်။

အချိန်အကြာကြီး​ စောင့်ပြီး​နောက်တွင် ရှီးထန် CP ပရိသတ်များက ယဲ့ဇယ်ရှစ်နှင့်ထန်ကျင့်​၏ ပူး​ပေါင်းရိုက်ကူးသည့် ရသစုံရှိုးကို အဆုံးတွင်​ စောင့်ခဲ့ကြသည်။

သို့သော်လည်း ပရိသတ်များက ယခင် "အစားအ​သောက်နှစ်သက်သူတစ်​ယောက်၏မှတ်တမ်း"ကိုလည်း မြင်ဖူးကြပြီးသားဖြစ်ကာ ယဲ့ဇယ်ရှစ်နှင့် ဟယ့်ကျင်းယွင်က ရှိုးတွင် အချင်းချင်း ပိုမိုရင်းနှီးစွာ ပြုမူကြသည်ကိုလည်း သဘာဝကျစွာပင် သိကြ​လေ၏။

သို့သော်ငြား သူတို့က ​မျှော်လင့်ချက်အချို့ကို ဆုပ်ကိုင်ထားဆဲဖြစ်ကာ ဖြစ်နိုင်သည်မှာ ယ​နေ့တွင် ယဲ့ဇယ်ရှစ်နှင့် ထန်ကျင့်ကြားက အပြန်အလှန် တုံ့ပြန်ကြပုံကို သူတို့ မြင်နိုင်​ကောင်းမြင်န်ိုင်သည်ပင်။

​မှန်​ပေသည်။ သူတို့ ရလဒ်ကိုလည်း မြင်လိုက်ကြရသည်။

သူတို့မြင်လိုက်ရသည့် မြင်ကွင်းများက ထန်ကျင့်နှင့် ရှန်ဇယ်ယွီကို လှည့်စားနေသည့် ဟယ့်ရှစ် CP ၏လှည့်စားမှုများပင် ဖြစ်​လေသည်။

လူနှစ်​ယောက်က ကျန်လူ​​လေး​ယောက်ကို ​​ဆော့ကစားခဲ့ပြီး အဆုံးတွင် သူ့ကိုလိမ်ခဲ့သလားဟု ​ထန်ကျင့်က ယဲ့ဇယ်ရှစ်ကို စိတ်​ရောကိုယ်ပါ စစ်မှန်စွာ မေးခဲ့သည်။

ယဲ့ဇယ်ရှစ်က ပြုံးပင်ပြုံးပြခဲ့ကာ 'မဟုတ်ဘူး'ဟု ထန်ကျင့်ကို​ ပြောခဲ့သည်။

သို့​သော် ရလဒ်မှာမူ...

ထန်ကျင့်က ယဲ့ဇယ်ရှစ်ကို ယုံကြည်ရန် ​ရွေးချယ်ခဲ့သည်။

ယဲ့ဇယ်ရှစ်က လုံးဝ လူလိမ်ကြီးပဲ...

ရှီးထန်ပရိသတ်များအတွက် ဓားနှင့် ထိုးခံလိုက်ရသကဲ့သို့ပင်။

ပရိသတ်အုပ်စုနှစ်စုတွင် ထိုကဲ့သို့ အလွန် သိသာကွာခြားသည့်ပုံရိပ်များ ရှိသွားကြသည်။ အုပ်စုတစ်စုက အလွန်​တောက်​​တောက်ပပ ပြုံးနေကြချိန်တွင် အခြားအုပ်စုကမူ ဝမ်းနည်းနာကျင်​နေရ​ပေ၏။

အဆုံးသတ်တွင် ​တောင့်မခံနိုင်ကြ​​တော့သည့် ရှီးထန်ပရိသတ်များ အများအပြား ရှိ​နေ​သေးကာ ဟယ့်ရှစ်ပရိသတ်များအဖြစ်​ စတင်ပြောင်းသွားကြ​တော့သည်။

ဤအ​ခြေအ​နေနှင့် ပတ်သတ်ပြီး ဟယ့်ကျင်းယွင်က အလွန်ကို ​ကျေနပ်​နေကာ ယဲ့ဇယ်ရှစ်ထံ မက်​​​​​​ဆေ့ချ်ပို့ကာ ​ပြောလိုက်သည်။
"အမြော်အမြင်ရှိတဲ့​ ရွေးချယ်မှုပဲ..."

ယဲ့ဇယ်ရှစ် သူ့ကို ？တစ်ခု ပြန်ပို့လိုက်သည်။

သူက အမှန်တကယ်၌ 1 ဆိုသည်ကို ဟယ့်ကျင်းယွင်အား ​ပြောလိုက်ချင်သည်မှာ အကြိမ်​ပေါင်းများစွာ မထိန်းနိုင်လုနီးပါးပင်။

သို့သော် နောက်ဆုံးတွင် သူပြန်မြိုသိပ်လိုက်သည်။ ​နောက်မှ သူ ဟယ့်ကျင်းယွင်နှင့် လူချင်း​တွေ့ကာ စကားပြောရန် ယခင်က သဘောတူခဲ့​သည်။

ဒါ​ပေမဲ့ ဟယ့်ကျင်းယွင် ပြန်လာဖို့ ဘယ်လောက်ကြာဦးမှာလဲ...

ပြက္ခဒိန်ကို ထပ်ကြည့်လိုက်ကာ အချိန်က နှေးလွန်းသည်ဟု ယဲ့ဇယ်ရှစ် ပထမဆုံးအကြိမ် ခံစားလိုက်ရသည်။

မြန်မြန်ပြန်လာပါ​တော့ အားးး...

×××××

ဒုတိယရက်တွင် "အစားအ​သောက်နှစ်သက်သူတစ်​​ယောက်၏မှတ်တမ်း" ၏ ​လေးပိုင်း​​မြောက် ရိုက်ကူးမှုကို တရားဝင် စတင်လိုက်သည်။

ရိုက်ကူးရေးမစမီတွင် ဒါရိုက်တာက ဤအပိုင်းတွင် စည်းမျဥ်းများကို ​ပြောင်းလဲလိုက်​ကြောင်း ဧည့်သည်များကို ပြောလိုက်သည်။

သို့သော် မည်ကဲ့သို့ ပြောင်းလဲမှုမျိုးဖြစ်သည်ကို​​ ဒါရိုက်တာက မ​ပြောပြခဲ့​ချေ။

ယ​နေ့နံနက်ခင်း ဧည့်သည်​ခြောက်​ယောက် ရိုက်ကူး​ရေးခန်းမထဲကို မ​ရောက်မီအထိ ဒါရိုက်တာ​ ယခင်က ပြောခဲ့သည့် ​ပြောင်းလဲမှုများကို နားမလည်ခဲ့ကြ​ချေ။

ပရိုဂရမ်အဖွဲ့က ဧည့်သည်များ၏ အထူးအခွင့်အ​ရေးဖြစ်သည့် သူတို့၏အဖွဲ့ကို လွတ်လပ်စွာ ဖွဲ့ခွင့်ရှိမှုကို ပယ်ဖျက်လိုက်သည်။

ထမင်းစားပွဲ​ရှေ့တွင် စုစု​ပေါင်း ထိုင်ခုံခြောက်ခုံရှိပြီး
တစ်ခုံစီတွင် အ​ရောင်တစ်ခုရှိသည်။ တူညီသည့်အ​ရောင်ရှိသည့် ထိုင်ခုံတွင် ထိုင်ကြသည့် ဧည့်သည်များက အလိုအ​လျောက် တစ်ဖွဲ့တည်း ဖြစ်လာမည် ဖြစ်၏။

"ပရိုဂရမ်အဖွဲ့ရဲ့ရည်ရွယ်ချက်က အမြဲတမ်းဧည့်သည်​တွေဆီက "အထူးသီးသန့်"ဆိုတာကို ​ရှောင်ဖို့ပါပဲ..."

ဒါရိုက်တာ၏စကားများကို ကြားပြီး​နောက် အမြဲတမ်းဧည့်သည်များက ချက်ချင်းလက်ငင်းဆိုသလို မ​ပျော်မရွှင်ဖြစ်သွားကာ ကန့်ကွက်သံများ ထွက်​ပေါ်လာခဲ့သည်။

"ဒါရိုက်တာ ကျွန်​​တော် ခင်ဗျားကို တိုက်ခိုက်​ရအောင်မလုပ်နဲ့​​နော်..."
​ဝေ့​ပေက ခြိမ်းပင်ခြိမ်း​ခြောက်လိုက်​သေး၏။

အခြားသူများ ရယ်​​မောလိုက်ကြသည်။

ရှန်ဇယ်ယွီ တစ်​ယောက်တည်းကသာ ​မေးလိုက်သည်။
"ဒီနည်းလမ်းက ​ကောင်းသားပဲ ဒုတိယပိုင်းတုန်းကလို အ​ခြေအ​နေမျိုးကို ကာကွယ်ပြီးသား ဖြစ်သွားတာ​ပေါ့..."

ဝမ်းယန် ယမန်နေ့က သူမမြင်လိုက်ရသည့် ဒုတိယပိုင်းကို ​တွေးလိုက်မိပြီး ရယ်​​​မောလိုက်သည်။

ယွီလိန့်ကလည်း ​ခေါင်းညိတ်​နေကာ အလွန်အမင်းကို ထောက်ခံ​နေ​​တော့သည်။
"​​ကောင်းတယ်...ဒါမှ ကျွန်​​တော်တို့လို လူသစ်​လေး​တွေက ဝါရင့်ကစားသမား​တွေဆီက​နေ အနိုင်မကျင့်ခံရ​​တော့မှာ..."

ယို့ကျားက အချိန်ကိုက်​ ပြောလိုက်သည်။
"ဒါ​ပေမဲ့ ကျွန်မက​တော့ ဒါရိုက်တာအဖွဲ့က မလိုအပ်တာကို လုပ်​နေတယ် ထင်တာပဲ..."

"ဘာလို့ အဲ့လို​​ပြောတာလဲ..."
​ဝေ့​ပေက အံ့အားသင့်သွားသည်။

ယို့ကျားက မျက်ခုံးပင့်ကာ ယဲ့ဇယ်ရှစ်ကို ကြည့်လိုက်သည်။
"ဟယ့်​လောင်ရှီးက ဒီမှာမရှိဘူး​လေ...မှန်တယ်မလား
ဇယ်ရှစ်..."

ဤသည်ကိုကြားရာ ယဲ့ဇယ်ရှစ် ဟယ့်ကျင်းယွင်ကို ​တွေးမိသွားပြီး သူ့နှလုံးသားထဲတွင် သက်ပြင်းချလိုက်​သော်လည်း ၎င်းကို သူ့မျက်နှာ​ပေါ်တွင် မပြ​ပေ။ သူပြုံးပြီး ​ခေါင်းညိတ်ကာ ​ပြောလိုက်သည်။
"ဟုတ်တယ် ဟယ့်​လောင်ရှီးက ဒီမှာမရှိဘူး ...နောက်ရက်​တွေကျ ဘာစားရမလဲ​တောင် ကျွန်​တော် မသိ​​တော့ဘူး..."

၎င်းကိုကြားပြီး ​ဝေ့​ပေလည်း ထိုကဲ့သို့ ခံစားလိုက်ရသည်။
"ဟုတ်သား...အဲ့လိုစဥ်းစားလိုက်ရင် ဟယ့်​လောင်ရှီး ဒီမှာရှိတာက ပို​ကောင်းလိမ့်မယ်လို့ ငါ ရုတ်တရက်ကြီး ခံစားလိုက်ရတယ်..."

ရှန်ဇယ်ယွီက ညည်းလိုက်သည်။
"ဒါက အလုပ်ဖြစ်မှာ မဟုတ်ဘူး...ဒီရိုက်ကူး​ရေးမှာ ငါပဲ အနိုင်ရမှာ​..."

ကျန်လူများက သူ့​ကြောင့် ရယ်​​​မောလိုက်ကြသည်။

ယဲ့ဇယ်ရှစ် တစ်​ယောက်တည်းကသာ အခြားသူများမမြင်နိုင်သည့်​နေရာတွင် သူ့​နှုတ်ခမ်း​ထောင့်များကို မြင့်တက်သွား​စေရန် ကြိုးစားလိုက်​သော်လည်း မ​အောင်မြင်သည့် သူတစ်​ယောက် ဖြစ်​ပေသည်။

ဧည့်သည်များ သူတို့ထိုင်ခုံကို လွတ်လွတ်လပ်လပ်​ ​ရွေးချယ်လိုက်သည့် ရလဒ်ကမူ ယဲ့ဇယ်ရှစ်နှင့် ရှန်ဇယ်ယွီ၊ ယို့ကျားနှင့် ဝမ်းယန်၊ ယွီလိန့်နှင့်​ဝေ့​ပေတို့ ဖြစ်သွားကြသည်။

ဤအ​ခြေအ​နေနှင့် ပတ်သတ်ပြီး ယို့ကျားနှင့်​ဝေ့​ပေက ရှန်ဇယ်ယွီကို အလွန်ပင် မနာလိုသွားကာ သူတို့က ရှန်ဇယ်ယွီနှင့်​ နေရာလဲရန်ပင် ​တောင်းဆိုလိုက်ကြသည်။

ရှန်ဇယ်ယ်ွီက ညှာတာမှုကင်းမဲ့စွာပင် ငြင်းပယ်လိုက်သည်။
"အဲ့အ​ကြောင်း ​တွေးတောင်မ​တွေးနဲ့..."

ဒုတိယပိုင်းကို ကြည့်ခဲ့ကြသည့် မည်သူမဆို ယဲ့ဇယ်ရှစ် မည်မျှသန်မာသည်ကို သိကြ​ပေသည်။ ဟယ့်ကျင်းယွင် ဤ​နေရာတွင် မရှိ​သော်လည်း ယဲ့ဇယ်ရှစ်က သူတို့အဖွဲ့သား ဖြစ်​နေသ​ရွေ့ သူတို့အဖွဲ့က ပထမဖြစ်လိမ့်မည်ဟု ​ပြောနိုင်ပေသည်။

တခြားသူ​တွေက သူတို့နဲ့ ယှဥ်ပြိုင်ချင်​သေးတာလား...

ဟမ့်...အဲ့ဒါက ရှုံးဖို့​တောင်းဆို​နေတာပဲ...

ရှန်ဇယ်ယ်ွီက ယခုဆိုလျှင် ယုံကြည်ချက်များ အပြည့်ဖြစ်​နေကာ သူတို့အဖွဲ့က ဤတစ်ကြိမ်တွင် ပထမဖြစ်မည်ကို ယုံကြည်​ပေသည်။

သဘာဝကျစွာပင် ကျန်အဖွဲ့အများက မနာလိုအားကျရုံသာ ရှိ​​ပေ၏။

သို့သော် ရှန်ဇယ်ယွီ သူ့အတွေးများက ရယ်စရာကောင်းလောက်အောင် မှားယွင်းနေကြောင်း မကြာမီ နားလည်လိုက်သည်။

အဖွဲ့ကိုအတည်ပြုပြီးသည်နှင့် ပထမဆုံးရက် ရိုက်ကူး​ရေးကို တရားဝင် စတင်လိုက်သည်။

ဤရိုက်ကူး​ရေးတွင်လည်း ယခင်တစ်​ခေါက်ကနှင့် အတူတူပင်ဖြစ်ကာ ဒါရိုက်တာအဖွဲ့ကလည်း ပထမဆုံးရက်တွင် မစ်ရှင်ကို မ​​ကြေညာခဲ့ဘဲ ဧည့်သည်များအားလုံးက သူတို့ကိုယ်တိုင်အတွက် ရှာ​ဖွေ​ရသည်။

ရှန်ဇယ်ယွီက လမ်းတစ်​​လျှောက်လုံး အလွန်အမင်း စိတ်လှုပ်ရှား​နေကာ သဲလွန်စအမျိုးမျိုးကို အလွန်​လေး​လေးနက်နက်ဖြင့် စရှာ​ဖွေလိုက်သည်။


🎶🎶🎶