MM Story Teller

👻 Chapter 43

Viewers 3k

👻Chapter 43

ကျိရှင်းကျန်းရန် ခေါင်းညိတ်လိုက်သည်။

"မှန်တယ်..မလောက်လေးမလောက်စားဂူဖောက်သူခိုး၂ယောက်က ဘယ်လိုလုပ် သင်္ချိုင်းဂူရဲ့ဂိတ်ကိုဖွင့်နိုင်မှာတဲ့လဲ...ဒါပေမယ့်သူတို့က သင်္ချိုင်းဂူကိုတော့နှောင့်ယှက်မိသွားတယ်..အဲဒါနဲ့သင်္ချိုင်းဂူရဲ့ပထမအဆင့်ကလည်း မတော်တဆပွင့်လာခဲ့တယ်..ဒါပေမယ့်အဲဒီဂူဖောက်သူခိုး၂ကောင်ကလည်း မကောင်းဆိုး၀ါး၀ိညာဥ်တွေဆီကချက်ချင်းအသတ်ခံလိုက်ရတယ်လေ.. တို့တွေသတိမထားမိခဲ့တာက သူတို့ထဲကတစ်ယောက်က သင်္ချိုင်းဂူထဲကနေလွတ်လာတာပဲ"

ကျိရှင်းကျန်းရန်မှာ ဆရာတော်ပုရှင်းကိုအသာကြည့်လိုက်လေသည်။

"ပုရှင်းမင်းလိုက်ဖမ်းနေတဲ့သရဲက လွန်ခဲ့တဲ့၃၂၁နှစ်တုန်းက သင်္ချိုင်းဂူကနေလွတ်လာတဲ့ဂူဖောက်သမား၂ယောက်ထဲက တစ်ယောက်ပဲ"

ဆရာတော်ပုရှင်း လက်ဖ၀ါး၂ဖက်ကိုပူးကပ်လိုက်လေသည်။

"အောမိသောဖော..အဲဒီမကောင်းဆိုး၀ါး၀ိညာဥ်က သင်္ချိုင်းဂူကို၀င်လို့ရတာမထူးဆန်းတော့ပါဘူး..အထဲမှာ သူ့အလောင်းရှိနေတာကိုး"

ထိုဆရာသခင်များ၏ စကား၀ိုင်းမှာ အံ့အားသင့်ဖွယ်ကောင်းလှပေသည်။ ရှီကျားမှာ ရွှမ်းရွှယ်လောကမှလူမဟုတ်လေရာ သူကြားလိုက်သော်လည်း နားမလည်လိုက်သော စကားများရှိနေဆဲပင်။ သူကသိချင်မိရုံသာဖြစ်လေသည်။

"ဒီတော့ ချင်စန်းရှီကိုဘယ်လိုရှာကြမလဲ"

ကျိရှင်းကျန်းရန်က တည်တံ့သောအမူအရာဖြင့်ဆိုလာခဲ့သည်။

"ဒါဆို တို့တွေက ချင်စန်းရှီကဘယ်လိုလူလဲဆိုတာ သိဖို့လိုတယ်"

ရှီကျားမှာ ထိုက်ဟော်ဓါးအကြောင်းကိုရှာကြည့်ခဲ့စဥ်က ယင်ကျိရင်အကြောင်းကိုပင် လမ်းကြုံရှာကြည့်ခဲ့သေးလေသည်။ သတင်းအရ ယင်ကျိရင်မှာ နဂါးပလ္လင်ပေါ် ၄၆ရက်သာထိုင်ခဲ့ရသည်ဟုပင်။ သူသည်အင်ပါယာတစ်ဦးဖြစ်ခဲ့ပြီး ချင်ပြည်ထောင်၏ဘုရင်ဖြစ်လေသည်။ ကျူးလုတိုက်ပွဲမတိုင်ခင်ကပင် လျိုဖန်းနှင့် ရှန်းယွီတို့မှာ အရင်ဖောက်ထွက်နိုင်သူက နန်းကိုဆက်ခံရမည်ဟု သဘောတူထားခဲ့ကြသည်။ လျိုဖန်းက ဗျူဟာဆွဲလျက် ဦးဆောင်ကာရှန်းယန်ကိုဖောက်ထွက်နိုင်ခဲ့လေသည်။ ကျိရင်မှာ ၀တ်ရုံဖြူကို၀တ်ဆင်လျက် ကျောက်စိမ်းတော်၀င်တံဆိပ်တုံးကို အပ်နှံကာ ဒူးထောက်လျက်တရား၀င်အရှုံးပေးခဲ့ရလေသည်။

တစ်လမျှကြာပြီးနောက် ရှန်းယွီသည် ရှန်းယန်အား အင်အားအလုံးအရင်းနှင့်ဖောက်၀င်လာခဲ့လေသည်။ သူသည်အဲဖန်းနန်းတော်အားမီးရှိူ့လျက် ရှန်းယန်မြို့တော်တွင်လည်း အစုလိုက်အပြုံလိုက်သတ်ဖြတ်ခဲ့သည်။ သူ၏အပေါင်းအပါမှာလည်း ကျိရင်ကိုခေါင်းဖြတ်ခဲ့လေသည်။

ပါးစပ်ရာဇ၀င်များအရ ကျိရင်ကို သူ၏ယုံကြည်ရသော ကုန်းကုန်းအိုကြီးတစ်ဦးက တော်၀င်နန်းတော်ထဲမှ သယ်ထုတ်လာပြီး သူ့အားမြှုပ်နှံရန်နေရာကိုရှာဖွေပေးခဲ့သည်ဟုပင်။ အရာအားလုံးမှာ လျက်တပြက်ဖြစ်ပျက်သွားလေရာ ကျိရင်မှာ သင်္ချိုင်းဂူသော်လည်းကောင်း မြေချရန်နေရာသော်လည်းကောင်းမရှိခဲ့ချေ။ သူ့အားမည်သည့်နေရာတွင်မြှုပ်နှံထားခဲ့သည်ကိုလည်း မည်သူကမျှမသိခဲ့ကြတော့ချေ။ သမိုင်းမှတ်တမ်းများမှာလည်း ၄၆ရက်မျှသာစိုးစံခဲ့သော ချင်စန်းရှီအကြောင်းကို မေ့လျော့သွားခဲ့ကြတော့သည်။

ကျိရှင်းကျန်းရန်ကဆိုသည်။

"ငါတို့ တင်းဟိုင်ဂိုဏ်းက အင်ပါယာသင်္ချိုင်းဂူက နှစ်ပေါင်း၃၀၀ကျော်စောင့်ကြည့်နေခဲ့တဲ့အတောအတွင်းမှာ လျှို့၀ှက်ချက်တွေတော်တော်များများကိုလည်းရှာတွေ့ခဲ့တယ်လေ..ကျိရင်က အင်ပါယာသင်္ချိုင်းဂူအနားမှာ မြှုပ်နှံခံလိုက်ရတာတော့သေချာတယ်..သူ့မှာ ဂူသပ်သပ်မရှိဘူး..ဒီတော့ သူ့ဖခင်ဖြစ်သူနားမှာမြှုပ်နှံခံရတာကအသင့်တော်ဆုံးပဲလေ"

ရှီကျားမှာ အဓိကအချက်ကိုဖမ်းဆုပ်လိုက်လေသည်။

"အဖေဟုတ်လား"

ကျိရှင်းကျန်းရန်မှာခေါင်းညိတ်လိုက်လေသည်။

"အင်း..ကျိရင်က ချင်ရှီဟွမ်ရဲ့သား.. ဖူစူးရဲ့ညီနဲ့ ဟောဟိုင်တို့ရဲ့အစ်ကိုကြီးပဲ"

ရှီကျားရှာတွေ့ခဲ့သောသတင်းအရ သမိုင်းသုတေသီများမှာ ချင်စန်းရှီိနှင့်ပတ်သက်၍ ပဟေဠိ၂ခုသာရှိခဲ့လေသည်။ ပထမတစ်ခုမှာ သူ၏သင်္ချိုင်းဂူနေရာဖြစ်ပြီး ဒုတိယတစ်ခုမှာ သူ၏သရုပ်မှန်ဖြစ်သည်။

ရှန်းယွီသည် လူအစုလိုက်အပြုံလိုက်သတ်ဖြတ်ကာ မြို့ရွာများကိုသိမ်းပြီးမီးရှို့ဖျက်ဆီးခဲ့ကာ ၄င်းကပင် သမိုင်းမှတ်တမ်းအတော်များများမှာလည်း မီးနှင့်အတူပြာကျသွားခဲ့လေသည်။

ကျိရင်မှာ ပလ္လင်ပေါ်၄၆ရက်မျှသာထိုင်ခဲ့ရလေကာ သူ၏သရုပ်မှန်နှင့်ပတ်သက်၍ သဲလွန်စများများစားစားမကျန်ရှိချေ။ အဖန်းနန်းတော်မီးလောင်ပြာကျသွားသည်နှင့်အတူ သူ၏အထောက်အထားများမှာလည်း မီးနှင့်အတူပျောက်ကွယ်သွားခဲ့တော့သည်။

တချို့မှာတော့ကျိရင်သည် ပထမအင်ပါယာ၏ညီငယ်ဟုယုံကြည်ကြလေသည်။ ကျိရင်သည် ပထမအင်ပါယာ၏တူဖြစ်ကာ ဟောဟိုင်၏၀မ်းကွဲအစ်ကိုဟု ယုံကြည်ကြသောသမိုင်းသုတေသီများလည်းရှိလေသည်။

တချို့မှာလည်း ၆ပြည်ထောင်စု၏နှစ်စဥ်မှတ်တမ်းများမှ 'ကောင်းဟာ အားရှီရဲ့အစ်ကိုတော် ကျိရင်ကိုတင်မြှောက်ခဲ့တယ်' ဟူသောအဆိုအရ ကျိရင်မှာ ပထမအင်ပါယာ၏သားဖြစ်ကြောင်းယုံကြည်ကြသူများလည်းရှိလေသည်။ တနည်းဆိုရသော် ချင်အားရှီနှင့် ဟောဟိုင်တို့၏အစ်ကိုတော်ကျိရင်ကိုအင်ပါယာအဖြစ်တင်မြှောက်သည်ဟုအဓိပ္ပါယ်ကောက်နိုင်လေသည်။

လက်ရှိတွင်မူ ကျိရင်အား ဖူစူး၏သားအဖြစ်ယူဆခြင်းမှာ သမိုင်းသုတေသီလောကတွင် အပြောအများဆုံးသီအိုရီတစ်ခုဖြစ်နေခဲ့လေသည်။ သို့တိုင်အောင်ကျိရှင်းကျန်းရန်မှာ ကျိရင်သည်ပထမအင်ပါယာ၏သားဖြစ်ပြီး ဖူစူး၏ညီငယ်သာဖြစ်ကြောင်းဆိုလာခဲ့လေသည်။

ကျိရှင်းကျန်းရန်က ဆက်ပြောနေဆဲဖြစ်သော်လည်း သံသယများနှင့်ပြည့်နေသော ရှီကျားမှာ ဘာမျှမဆိုနိုင်ခဲ့ချေ။ ထိုစဥ်သူ၏အနီးမှခပ်နိမ့်နိမ့်အမျိုးသားအသံတစ်ခုကိုကြားလိုက်ရလေသည်။

"သမိုင်းမှတ်တမ်းတွေအကုန်မီးထဲပါသွားတော့ ဘာမှမကျန်ခဲ့ဘူးလေ..ဒါပေမယ့်လူတွေရဲ့မှတ်ဥာဏ်တွေကိုတော့ဖျက်လို့မရဘူး..ရှင်းယန်ရဲ့မီးထဲမှာပဲသေသွားခဲ့ကြတဲ့၀ိညာဥ်တွေကချင်စန်းရှီကဘယ်သူလဲဆိုတာသိကြတယ်.. အဲဒီနှစ်ပေါင်း၃၀၀အတွင်းမှာတင်းဟိုင်ဂိုဏ်းက ၀ိညာဥ်တွေဆီကနေ အင်ပါယာသင်္ချိုင်းဂူအကြောင်းကိုအမြဲလေ့လာနေခဲ့တာ"

ရှီကျားက ယဲ့ကျင်းကျီကိုကြည့်လျက် ခေါင်းအသာညိတ်လိုက်မိလေသည်။

အမှန်တကယ်ကိုပင် ရွှမ်းရွှယ်လောကမှာ သမိုင်းအချက်အလက်များကိုရှာဖွေရန်သူ့နည်းသူ့ဟန်နှင့်ရှိကြလေသည်။

ကျိရှင်းကျန်းရန်ကဆိုသည်။

"ဟယ့်ရှီပေ့နဲ့ ထိုက်ဟော်ဓါး ဒါတွေအားလုံးက သင်္ချိုင်းဂူထဲအတူမြှုပ်နှံထားတဲ့သေသူရတနာပစ္စည်းတွေပဲ..ကျိရင်မှာဒါတွေရှိနေတယ်ဆိုမှတော့ သူကသင်္ချိုင်းဂူအပြင်ဘက်မှအမြှုပ်ခံလိုက်ရတာမဟုတ်မှန်း သေချာသွားပြီ..အဲဒီအစားသူလည်းသင်္ချိုင်းဂူထဲမှာပဲ အမြှုပ်ခံလိုက်ရတာဖြစ်နိုင်တယ်..အင်ပါယာသင်္ချိုင်းဂူကိုဆောက်တုန်းကလုံး၀အသေပိတ်ထားခဲ့မှာပဲ..တခြားကောလဟာလတစ်ခုရှိတာက ပထမအင်ပါယာဟာ သက်ရှည်ခြင်းကိုလိုချင်ခဲ့လို့ မာကျူရီကိုမြစ်အဖြစ်သုံးခဲ့ပြီး သန်းပေါင်းချီတဲ့မြေနီစစ်သားရုပ်တွေနဲ့မြင်းရုပ်တွေကို သူ့စစ်တပ်အဖြစ်ထုခဲ့တယ်တဲ့..သူက သူ့ရဲ့အချစ်ဆုံးသားဖူစူးအတွက်တောင် သင်္ချိုင်းဂူထဲကို၀င်လာပြီး သူနဲ့အတူသေဆုံးပြီးသည်အထိထာ၀ရအဖော်ပြုနိုင်အောင်ဆိုပြီး လျှို့၀ှက်လမ်းကြောင်းတစ်ခုချန်ထားပေးခဲ့သေးတယ်"

ယဲ့ကျင်းကျီကမေးလိုက်သည်။

"သူက ဖူစူးကိုသူနဲ့အတူမြှုပ်နှံစေချင်ခဲ့တာလား"

ကျိရှင်းကျန်းရန်ကဆိုလာသည်။

"အဲလိုလည်းပြောလို့ရတယ်..ဒါပေမယ့်ဖူစူးကဘယ်တုန်းကမှနန်းမတက်ခဲ့ပဲ သူ့ကိုယ်သူပဲ သတ်သေသွားခဲ့တယ်လေ..သူကမဟာတံတိုင်းအောက်မှာ သေသွားပြီးတော့ မဟာတံတိုင်းရဲ့အပြင်မှာပဲ မြှုပ်နှံခံလိုက်ရတယ်..ပထမအင်ပါယာလည်း အဲဒီလိုမျှော်လင့်ထားခဲ့မှာမဟုတ်ဘူး.."

ခတ္တမျှတန့်သွားပြီးနောက် ကျိရှင်းကျန်းရန်၏ အမူအရာမှာ ပို၍မကောင်းဖြစ်လာခဲ့လေသည်။

"ဒီတော့အခုတို့တွေရင်ဆိုင်ရမှာက ဖူစူးအစားအင်ပါယာသင်္ချိုင်းဂူမှ အမြှုပ်ခံလိုက်ရတဲ့ကျိရင်ပဲ"

လူတိုင်းကိုယ်စီဆွေးနွေးကုန်ကြပြန်သည်။ သူတို့အားလုံးနီးပါးလိုလိုပင် ကျိရင်မှာဝေးဝေးမသွားနိုင်သေးပဲ ချင်နှင့်ထန်ရုပ်ရှင်မြို့တော်အနီးတွင်ရှိလိမ့်ဦးမည်ဟုယူဆကြလေသည်။ ထို့နောက်လူစု၄စုခွဲလျက် အရပ်၄မျက်နှာတခွင်စတင်ရှာဖွေကြလေတော့သည်။ တချိန်တည်းမှာပင် သူတို့သည်ဂျူနီယာဆရာသခင်ငယ်လေးများကို ရုပ်ရှင်မြို့တော်တခွင် ပိုက်စိတ်တိုက်ခြေရာခံခိုင်းထားလျက် တစ်ခုခုထူးခြားသည်နှင့် သူတို့ကိုချက်ချင်းသတင်းပို့ရမည်ဖြစ်လေသည်။

ယဲ့ကျင်းကျီမှာ အရှေ့အရပ်သို့ရှာရန်တာ၀န်ပေးခံရလေသည်။ ချန်းအန်၏မြို့လယ်ခေါင်မှာလည်း အရှေ့အရပ်တွင်တိုက်တိုက်ဆိုင်ဆိုင်ရှိနေခဲ့လေသည်။ သို့နှင့်သူနှင့်ရှီကျားမှာ အရှေ့အရပ်သို့ အတူတကွ ထွက်သွားလိုက်ကြ၏။

ချန်းအန်မြို့ထဲသို့ရောက်ခါနီးသော်လည်း မမျှော်လင့်ထားစွာပင် ယဲ့ကျင်းကျီမှာ ဟိုဟိုသည်သည်လျှောက်ရှာမနေခဲ့ချေ။ ရှီကျားမေးလိုက်မိသည်။

"ဆရာယဲ့ ခင်များချင်စန်းရှီကိုသွားမရှာတော့ဘူးလား"

ယဲ့ကျင်းကျီမှာတော့ သူ့ကိုယ်သူအချောင်ခိုနေသည်ဟုလုံး၀မခံစားရပဲ အတည်ပေါက်နှင့်ဆိုလာခဲ့သည်။

"မင်းကိုအရင်ပို့ပေးပြီးမှ"

ရှီကျား"...."

လမ်းတစ်လျှောက်တွင် ရှီကျားဘာမျှထပ်မဆိုတော့ချေ။ ဟိုတယ်သို့ရောက်ခါနီးမှသာ သူမည်သို့မျှမနေနိုင်တော့ပဲ ဆိုလာခဲ့လေသည်။

"အဲဲဒီ'ghosts know'တင်တဲ့သတင်း.."

"ကိုယ့်အမှားပါ.."

ကြည်လင်သောအမျိုးသား၏အသံမှာ ရှီကျားကိုဖြတ်၍ပြောလာခဲ့သည်။ ယဲ့ကျင့်ကျီမှာ သူ့ကိုကြည့်လျက် သူ့ကိုယ်သူအပြစ်တင်လာခဲ့လေသည်။

"အနာဂါတ်မှာ'ghosts know'ကမင်းအကြောင်းတွေကိုထပ်မတင်စေရတော့ဘူး..ဒါပြီးရင်ကိုယ်သူတို့ဌာနချုပ်ကိုသွားပြီး စကားနည်းနည်းသွားပြောလိုက်မယ်"

ရှီကျား"....."

စကားသွားပြောမှာလား..၀ူရှန်းချင်းလီကိုဆွဲပြီး သူတို့လည်ပင်းမှာဓါးထောက်ပြီး စကားပြောမှာမျိုးလား..

အနည်းငယ်မျှတွေးကြည့်ပြီးနောက် ရှီကျားကဆိုသည်။

"အဲဒီသတင်းကပျက်သွားပြီးပြီလေ"

ယဲ့ကျင်းကျီမျက်တောင်ခတ်လာခဲ့သည်။

"ပျက်သွားပြီလား"

ရှီကျားခေါင်းညိတ်လိုက်လေသည်။

"အင်း..ဖျက်သွားတာကြာပြီ..ခင်များအလုပ်ရှုပ်စရာမလိုတော့ပါဘူး.."

ထို့အပြင်၄င်းမှာ သတင်းမှားသာဖြစ်ကာ 'ghosts know' ကိုယ်တိုင်မှာ pointပေါင်းများစွာအလျော်ပေးခဲ့ရသေးလေသည်။

ယဲ့ကျင်းကျီမှာခတ္တမျှတွေးလျက်ဆိုလာခဲ့သည်။

"အင်..သူတို့ဖျက်ရမှာပေါ့..."

မနှစ်ကသူဌာနချုပ်ကိုသွားရောက်ဆွေးနွေးခဲ့ဖူး၍လားမဆိုနိုင် 'ghosts know'မှာ သူ၏အတင်းအဖျင်းများကို စိတ်ရှိသလိုမတင်ရဲကြတော့ချေ။

သူတို့၂ယောက်၏အတွေးများမှာ လုံး၀ဆန့်ကျင်ဘက်ဖြစ်နေခဲ့လေသည်။ သို့တိုင်အောင် သူတို့အပြန်အလှန်စကားဆိုနေကြဆဲပင်။

ဟိုတယ်သို့၀င်ပြီးနောက် ရှီကျားမှမေးလိုက်လေသည်။

"ချင်စန်းရှီရဲ့၀ိညာဥ်ကဒီကမ္ဘာမှာဆက်နေပြီး ပြန်လည်မ၀င်စားရသေးဘူးဆိုတော့..ပထမအင်ပါယာလည်း ပြန်မ၀င်စားရသေးဘူးလား"

ယဲ့ကျင်းကျီကဆိုသည်။

"ချင်စန်းရှီက ပြိုလဲသွားတဲ့ပြည်ထောင်ရဲ့ အုပ်ချုပ်သူဖြစ်ခဲ့တာဆိုတော့..သူ့ရင်ထဲမှာအရှက်တရားနဲ့ အမုန်းတရားတွေရောစုပြုံနေပြီး ပြန်မ၀င်စားနိုင်ခဲ့တာ..ပထမအင်ပါယာအတွက်ကတော့ သူနန်းတော်ကိုအပြန်မှာပဲ ပြင်းပြင်းထန်ထန်သေသွားခဲ့တာ..အဲဒါနဲ့တင်အငြိုးအတေးတွေရှိနေပြီ.. ပြီးတော့ သင်္ချိုင်းဂူထဲမှာ အမြှုပ်ခံလိုက်ရတယ်..သင်္ချိုင်းဂူဆိုတာ ယင်စွမ်းအင်တွေကိုစုစည်းထားတဲ့ အစီအရင်တစ်ခုလိုပဲ ဒီတော့ သူလည်းပြန်မ၀င်စားနိုင်ပဲအငြိုးကြီးအင်ပါယာ၀ိညာဥ်ဖြစ်လာတာဖြစ်နိုင်ပါတယ်"

ရှီကျားမျက်မှောင်ကျုံ့လိုက်မိသည်။

"အကယ်၍ ပထမအင်ပါယာကမသေသေးပဲ သင်္ချိုင်းဂူထဲမှာရှိနေတုန်းဆိုရင် သူ့ရဲ့သားယင်ကျိရင်ကို တွေ့ဖူးမှာပေါ့"

ယဲ့ကျင်းကျီ၏ခြေလှမ်းတို့ရပ်တန့်သွားခဲ့လေသည်။

"ဖြစ်နိုင်ပါတယ်"

ရှီကျားမှာလည်းတွေးတောလျက် ကျိရင်နှင့် ပထမအင်ပါယာမှာ တစ်ဦးနှင့်တစ်ဦး အချိန်ကြာခဲ့စဥ်ကပင်တွေ့ဖူးပြီးလောက်သည်ဟုတွေးမိလေသည်။ မဟုတ်ပါကကျိရင်မှာ ဟယ့်ရှီပေ့နှင့်ထိုက်ဟော်ဓါးကိုမည်သို့ရရှိခဲ့လိမ့်မည်နည်း။ ၄င်းမှာ ပထမအင်ပါယာသင်္ချိုင်းဂူ၏သေသူပစ္စည်းများဖြစ်သည်။

ယဲ့ကျင်းကျီသည် ရှီကျား၏အခန်းတွင်အရံအတား အစီအရင်၃ထပ်ချပေးခဲ့လေသည်။ သူ ဂရုတစိုက်စစ်ဆေးပြီးမှသာ ချန်းအန်တခွင်ကျိရင်ကိုရှာဖွေရန်ထွက်သွားခဲ့၏။

ရှီကျားမှာလည်းရေမိုးချိုးပြီးနောက်ဖုန်းကိုဖွင့်လျက် ချင်ပြည်ထောင်သမိုင်းကြောင်းများအကြောင်းရှာဖွေဖတ်ရှူကြည့်နေလိုက်သည်။

သို့သော် ထိုသမိုင်းမှတ်တမ်းများထဲတွင် ပထမအင်ပါယာ ဖူစူးနှင့် ဟောဟိုင်တို့၏အကြောင်းများသာရှိလေသည်။ ကျိရင်အကြောင်းမှတ်တမ်းများကိုမူ လက်ချိုး၍ပင်ရေတွက်နိုင်အောင်နည်းပါးလှ၏။ ၄င်းမှာဖူစူးသတ်မသေခင်အထိ ပထမအင်ပါယာတွင်ဤသားတစ်ဦးဘယ်တုန်းကမှမရှိခဲ့သည့်အလား..

ရှီကျားမှာ သမိုင်းကြောင်းသတင်း၀က်ဘ်ဆိုက်အစုံကိုမွှေနှောက်ရှာဖွေကြည့်သည့်တိုင် ကျိရင်၏မွေးနေ့အတိအကျကိုပင် ရှာမတွေ့ခဲ့ပါချေ။ သူ့အကြောင်းကိုဖော်ပြချက်အများစုမှာ 'သဘောထားကြီးကာ ကြင်နာတတ်သူ' သို့တည်းမဟုတ် သူသည် ပလ္လင်ပေါ်တွင်ပို၍မြဲမြဲထိုင်ခွင့်ရခဲ့ပါကအခြေအနေများကိုပြောင်းပြန်လှန်နိုင်ခဲ့လောက်သည်' ဟူ၍ပင်။

"သူကလည်း သင်္ချိုင်းဂူထဲမှာပဲဆိုတော့ ပထမအင်ပါယာကိုလည်းတွေ့ဖူးမှာပဲ"

"ဒီလူ..ဖခမည်းတော်အင်ပါယာကိုမတွေ့ဖူးပါဘူး"

ညင်သာ၍သိမ်မွေ့သောအမျိုးသားတစ်ဦး၏အသံကိုနောက်မှကြားလိုက်ရလေသည်။ ရှီကျား၏မျက်လုံးတို့စူးရှသွားလျက် ချက်ချင်းဆိုသလိုလက်သီးကိုတင်းကြပ်စွာဆုပ်လိုက်မိလေသည်။

ကျိရင် ဘေးသို့စောင်းလျက်ရှောင်လိုက်လေသည်။

ချောမောသောအမျိုးသားမှာ ဟိုတယ်၏မှိန်ပြပြညလင်းမီးရောင်အောက်တွင် အနက်ရောင်၀တ်ရုံကို၀တ်ဆင်လျက် တိတ်တဆိတ်ရပ်နေခဲ့၏။ သူကနှုတ်ခမ်းတို့ကိုအသာစေ့လျက် ညင်သာစွာပြုံးပြလာခဲ့သည်။ ထိုအပြုံးမှာ ရှီကျားယခင်ကမြင်ဖူးသော အပြုံးမျိုးနှင့်မတူချေ။ သူကပြုံးနေသော်လည်း ရင်ထဲမှလာသောအပြုံးမျိုးမဟုတ်ချေ။ ထိုကြည်လင်သောမျက်၀န်းများထဲတွင် အငြိုးတရားရော မကျေနပ်မှုများရောရှိမနေပဲ ညင်သာမှုနှင့် ငြိမ်သက်မှုတို့သာရှိနေခဲ့လေသည်။

"ရှန်းယန်အသိမ်းခံရတဲ့အချိန်တုန်းက အားရှီကဒီလူရဲ့အလောင်းကိုသယ်ပြီး ဖခမည်းတော်အင်ပါယာရဲ့သင်္ချိုင်းဂူထဲကို လျှို့၀ှက်၀င်ပေါက်ကနေသယ်သွားပေးခဲ့တယ်..ဖခမည်းတော်ကအားရှီရဲ့၀ိညာဥ်ကိုလက်တစ်ဖက်နဲ့ဖိချေလိုက်ပေမယ့် ဒီလူကိုတော့ သင်္ချိုင်းဂူထဲကနေနှင်မထုတ်ခဲ့ဘူး..လှောင်အိမ်ထဲကငှက်ကိုတောင်လွှတ်ပေးလိုက်ပြီးပြီပဲ..ကျန်တဲ့နှစ်ပေါင်း၂၀၀၀ကျော်ကို သူကဒီလူကိုဘယ်လိုလုပ် သူ့ရဲ့ ထာ၀ရသက်ရှည်နန်းဆောင်ကို၀င်ခွင့်ပေးပြီး သူနဲ့အတူ သက်ရှည်မြစ်ပေါ်မှ အိပ်စက်ခွင့်ပြုမှာတဲ့လဲ.."

(TN-သင်္ချိုင်းဂူထဲမှာနေခွင့်ပြုလိုက်တာတင် ကျေနပ်ပါတယ်ဆိုတဲ့သဘောပါ)

ကျိရင်မှာ သူ၏မျက်လုံးတို့ကိုမြှင့်လျက် ရှီကျားကိုကြည့်လာခဲ့ပြီး သူ၏အပြုံးတို့မှာနွေးထွေးနေခဲ့လေသည်။

"ဖခမည်းတော်အင်ပါယာတွေ့ချင်ခဲ့တဲ့သူက ဒီလူမဟုတ်ခဲ့ပါဘူး"

👻

Prev Next