🦇🦇🦇chapter-3🦊🦊🦊

"ဦး...ဘယ်သွားမလို့လဲ???"

"ဥယျာဥ်ထဲသွားမလို့...."

"ဦးမှာဥယျာဥ်ရှိတာလား??? မီးလည်းလိုက်ချင်တယ်...မီးစိမ်းစိုနေတဲ့အပင်လေးလှလှတွေလေးတွေကိုကြည့်ချင်လို့...."

"ပေါက်စကဘာလိုက်လုပ်မှာလဲ...အိမ်မှာပဲနားနားနေနေ နေစမ်းပါ....ပေါက်စရာ...."

"မီးလည်းလိုက်ချင်ပါတယ်ဆို...မလိုက်ခိုင်းရင်ဦးကိုစိတ်ကောက်မှာနော်...."

ပေါက်စကခြေဆောင့်ကာဆူပုပ်ပုပ်လေးနှင့်ပြောတယ်...ဒီကောင်မလေးကတော့တကယ့်ဟာလေး....

"အေးပါ...လိုက်ချင်လည်းလိုက်ခဲ့...."

"တကယ်နော်...."

"အွန်း..."

ကျွန်တော်ခေါင်းငြိမ့်ပြလိုက်တယ်....

"ဟေး...."

မတတ်နိုင်ပဲပေါက်စကိုဥယျာဥ်ဆီခေါ်လာခဲ့လိုက်တယ်....ထိုဥယျာဥ်​လေးကကျွန်​တော်ဝါသနာအရစိုက်ထားတဲ့အပင်​လေး​တွေနှင့်လှပ​နေတဲ့​နေရာ​လေးတခု....ကျွန်​တော်ကအပင်​လေး​တွေစိုက်ရတာဝါသနာပါတယ်....အဲ့တာ​ကြောင့်လည်းဒီဥယျာဥ်​လေးဖြစ်လာတာ​​ပေါ့....

   အားလပ်တဲ့အချိန်ကျရင်ဒီဥယျာဥ်​လေးထဲမှာပန်းချီလာဆွဲဖြစ်တယ်....တိတ်ဆိတ်တဲ့ဒီဥယျာဥ်​လေးထဲမှာပန်းချီဆွဲ​နေရရင်စိတ်ညစ်စရာတွေ၊စိတ်ဖိစီးတာ​တွေအားလုံး​ပျောက်သွား​တော့တယ်....

  🩸🩸🩸🩸🩸🩸🩸🩸🩸🩸🩸🩸🩸🩸

    ကျွန်တော့်ဥယျာဥ်ထဲကအပင်​လေး​တွေကို​​စောင့်​ရှောက်​ပေးတဲ့vampire​ကောင်​လေး​တွေကိုအပင်သစ်​တွေထပ်စိုက်ထားဖို့မှာ​နေခဲ့တယ်....ထိုအချိန်မှာ​ပေါက်စက​တော့​ကျွန်​တော့်အနားမှာမ​နေပဲဥယျာဥ်ထဲမှာပတ်ကြည့်ကာအလုပ်ရှုပ်​နေ​လေရဲ့....

"ပေါက်စ....လျှောက်မသွားနှင့်နော်....ဒီနားမှာပဲနေ....."

"ဟုတ်ကဲ့ပါ...ဦး...ဦးလုပ်စရာရှိတာလုပ်..."

    ဦးရဲ့ဥယျာဥ်မှာပန်းပင်​လေး​တွေအနည်းငယ်သာရှိပြီးသီးပင်စားပင်တွေသာများတယ်.....ဦးကအပင်​လေး​တွေကို​သေချာပြုစုပျိုး​ထောင်ထားပုံ​ပေါ်တယ်....အပင်​တွေအားလုံးကကျန်းမာသန်စွမ်းပြီးအရွက်က​လေး​တွေဆိုစိမ်းစိုနေတာ....

ညနေစောင်းနေ၀င်ချိန်ဖြစ်တာကြောင့်လတ်ဆတ်အေးမြတဲ့လေလေးတွေကအပင်လေးတွေကြားကနေဖြတ်ကာတိုက်ခတ်နေတယ်....

ကျူးလစ်အစိမ်း​ရောင်စပျစ်သီး​လေး​တွေသီး​နေတဲ့စပျစ်ပင်ကြီး​တွေ့​တော့မျက်လုံး​တွေ၀င်းလက်သွားတယ်....စပျစ်တခိုင်ခူးလိုက်ပြီးစားလိုက်တယ်....

   အွန်း...အရသာကိုရှိ​လိုက်တာ...ချို​နေတာပဲ....ကျူးလစ်ဦးရဲ့ဥယျာဥ်ထဲကလတ်လတ်ဆတ်ဆတ်အသီး​တွေကိုခူးစား​နေတာအ​တော်သ​ဘော​တွေ့​နေတယ်....

     ကျူးလစ်အပင်လေးတွေကြားလျှောက်သွားနေရင်းထောပတ်ပင်ကြီးတပင်ကိုတွေ့တယ်....ထောပတ်သီးလေးတွေကစိမ်းစိုပြီးပြည့်ပြည့်ဖောင်းဖောင်းလေးတွေဖြစ်နေတာကြောင့်ကျူးလစ်ရဲ့စားချင်စိတ်ကိုဆွဲဆောင်နေသလိုပင်....

   အဲ့တာနှင့်ကျူးလစ်သစ်ပင်ပေါ်တက်လိုက်ပြီး၀င်းမဲ့နေတဲ့ထောပတ်သီးလေးကိုခူးလိုက်တယ်....အသီးကိုခူးချင်စိတ်နှင့်အပင်ပေါ်တက်လာပေမဲ့အဆင်းကျတော့ကျူးလစ်ပြန်မဆင်းတတ်တော့....

အောက်ကိုငုံကြည့်လိုက်တော့အလွန်မြင့်နေတာကြောင့်ကျူးလစ်ကြောက်စိတ်တို့ကြီးစိုးသွားတော့တယ်....

  🩸🩸🩸🩸🩸🩸🩸🩸🩸🩸🩸🩸🩸🩸

"ဦးရေ...ဦး...မီးကိုကယ်ပါအုန်း...."

ပေါက်စရဲ့အသံကိုကြားလိုက်ရတာကြောင့်လုပ်လက်စအလုပ်တွေထားခဲ့ပြီးသူမကိုလိုက်ရှာရတော့တယ်....

"ပေါက်စ...မင်းဘယ်မှာလဲ???ကျူးလစ်ရေ....ပေါက်စလေး..."

"ဦး...မီးအပင်ပေါ်မှာ..."

ပေါက်စအသံကြားလို့မော့ကြည့်လိုက်တော့သူမကထောပတ်ပင်ပေါ်မှာ....

"ပေါက်စ....မင်းအဲ့အပေါ်ဘာတက်လုပ်နေတာလဲ???အခုချက်ချင်းဆင်းခဲ့...."

"မီးမှမဆင်းတတ်တာ...မီးကြောက်တယ်...."

ပြောရင်းငိုနေသည့်ပေါက်စ....ကျစ်...ဒီပေါက်စနှင့်တော့တကယ်ခက်ပြီ....

"ပေါက်စလေး....မကြောက်နှင့်...ဖြေးဖြေးချင်းဆင်းခဲ့....ဦးရှိတယ်...."

"မီးပြုတ်မှာကြောက်တယ်...ဦး..."

"ဦးဖမ်းပေးထားမယ်....ပေါက်စသာသတိထားပြီးဆင်းခဲ့...."

ပေါက်စသစ်ပင်ပေါ်ကနေဖြေးဖြေးချင်းဆင်းလာပေမဲ့ခြေချော်ပြီးသစ်ပင်ပေါ်ကပြုတ်ကျပါလေရော....ကျွန်တော်သူမကိုအောက်ကနေဆီးဖမ်းထားလိုက်တယ်....

"အား!!!"

ပေါက်စကကြောက်အားလန့်အားနှင့်ကျွန်တော့်ကိုအရင်းတွယ်ကပ်ဖက်ထားတယ်.....

"ပေါက်စ....မျက်လုံးဖွင့်ကြည့်ပါအုန်း....မင်းဘာမှမဖြစ်ပါဘူး...."

ဦးအသံကြားမှမျက်လုံးဖွင့်ကြည့်လိုက်တော့ကျူးလစ်ကိုဦးကပွေ့ချီထားတယ်....ပြီးတော့ကျူးလစ်ရဲ့လက်တွေကဦးကိုတင်းတင်းကြပ်ကြပ်ဖက်ထားနေမိတယ်....

    ကျူးလစ်ရှက်ပြီးမျက်နှာလေးတွေနီမြန်းသွားတော့တယ်....ရင်တွေကလည်းခုန်နေတာတဒုန်းဒုန်းပဲ....

"ကျေးဇူးတင်ပါတယ်....ဦး..."

ကျူးလစ်ဦးလက်ပေါ်ကနေဆင်းလိုက်တယ်....

"ပေါက်စ....မင်းအဲ့သစ်ပင်ပေါ်ဘာတက်လုပ်တာလဲ???"

"မီးထောပတ်သီးစားချင်လို့တက်ခူးတာပါ...ဦး..."

"အဲ့တာဦးကိုပြောရောပေါ့...ပြုတ်ကျရင်ဘယ်လိုလုပ်မလဲ...မှောင်လည်းမှောင်နေပြီ...."

"ဦးကမီးကိုပဲ....ဆူနေတာ...."

ပေါက်စနှုတ်ခမ်းလေးဆူကာပြန်ပြောနေတယ်....

"ပေါက်စ...မင်းကတကယ်ကလေးဆိုးလေးပဲ...."

သူမရဲ့ပါးလေးကိုဖွဖွလေးညှစ်လိုက်တယ်....

🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋

chapter-4 coming soon🫧🫧🫧🫧🫧

              🍰🍰authoress-yoon mieno🍰🍰