အပိုင်း ၁၇၃ ( Mine Owner 22 )

ယန်ကျင်းဇီ၏စိတ်အခြေအနေဟာ ဆိုးရွားနေသည်။

သူ့စိတ်အခြေအနေ ဆိုးရွားသောအခါ သူစိတ်တိုလာလိမ့်မည်။ သူ စိတ်တိုသည်နှင့်တပြိုင်နက် သူသည် Zerg များကို ရိုက်နှက်ရာတွင် အနည်းငယ် ရက်စက်လာသည်။

ယခင်က နေရာတိုင်းတွင် တပ်မှူးအားလုံးကို ရိုက်နှက်ခဲ့ကြသော Zerg များမှာ ယခုမူ သူ၏ လိုက်လံရိုက်နှက်ခြင်းကို ခံနေကြရသည်။

တပ်မှူးများ “ … ”

ယခင်က သူတို့ရှေ့တွင် ယန်ကျင်းဇီ Cossack ကို အမှောက်သိပ်ခဲ့စဉ် သူတို့သည် ယန်ကျင်းဇီက အဆင့် SSS လောက် ဖြစ်နိုင်ကာ သူတို့ထက် အလွန်ဆုံး အဆင့်တစ်ဆင့်သာ ပိုမိုမြင့်မားသည်ဟု ထင်ခဲ့ကြမိသည်။ ယခုမူ ၎င်းကား...

ဒါ အဆင့် SSS လောက်ပဲ မဟုတ်တာ သေချာတယ်!

သူတို့ ရိုးသားလျက်ရှိနေခြင်းကြောင့်သာ ကံကောင်းထောက်မပြီး ယခုအချိန်တွင် သူတို့အလွန်ကံကောင်း၍ အဆင်ပြေသွားသည်။

Lone Wolf ကဲ့သို့ မျိုးဆက်သစ် လူငယ်စွမ်းအားရှင်များ : “ … ”

သူတို့သည် ကိုယ့်ကိုကိုယ် အလွန်အစွမ်းထက်သည်ဟု အမြဲထင်ခဲ့ကြသော်ငြား ယနေ့တွင် သူတို့သည် ရိုက်နှိုးခံလိုက်ကြရသည်။

စားပွဲထိုးယူနီဖောင်းတွေ ဝတ်ထားတဲ့ သူတို့နားက လူတွေက သူတို့နဲ့ အသက်တူလောက်ပြီး သူတို့ထက် အားမနည်းကြတဲ့အပြင် ယန်ကျင်းဇီလို နတ်ဆိုးမျိုးလည်း ရှိသေးတယ်!

ဖုဖေး၏အမူအရာဟာ သိသိသာသာ ပြောင်းလဲသွားသည်။ သူသည် ယခင်က ရှဇီရှိူ့ကို သနားခဲ့သည်။ ရှဇီရှိူ့၏လက်တွဲဖော်က သူ့လောက် မကောင်းဟု သူ ထင်ခဲ့မိသည်။ ရလဒ်လား? ရှဇီရှိူ့ရဲ့ နှောင်ကြိုးသွယ်လက်တွဲဖော်က Marshal ဖြစ်နေတယ်!

Marshal က ရှဇီရှိူ့ကို သဘောကျပြီး ရှဇီရှိူ့၏ ထူးချွန်မှုကို တွေ့မြင်ခဲ့သည်။ သို့သော် သူက ရှဇီရှိူ့ကို ဆုံးရှုံးခဲ့၏...

ဗီလာထဲတွင်။

ယခင်အစောက ဗီလာထဲရှိ လူများသည် စိတ်အခြေအနေမကောင်းဖြစ်ခဲ့ကြသည်။ သူတို့အားလုံးသည် သူတို့ကို Zerg များ စားပစ်ကြလိမ့်မည်ဟု အမြဲခံစားခဲ့ကြရသည်။ ကြယ်တာရာမဟာမိတ်၏ ဝေးလံသော ဂြိုဟ်ပေါ်မှ အောက်ခြေရှိ လူများက ငွေရှာရန် အလုပ်များနေသောကြောင့် Zerg ကို လုံးဝ နားမလည်သော်လည်း သူတို့အားလုံးသည် Zerg များ‌အကြောင်း များစွာသိထားကြသည်။

SS အဆင့် စစ်သည်တော်တွေရဲ့ တိုက်ခိုက်မှုကို ခံနိုင်တဲ့ တစ်ရာ ဒါမှမဟုတ် အဲ့ထက်ပိုတဲ့ Zerg တွေက ဂြိုဟ်တစ်ခုကို ဖျက်ဆီးဖို့ အခက်အခဲမရှိလောက်ဘူး!

သူတို့ထဲတွင် ကိုယ်ပိုင်အကောင့်များ၌ သေတမ်းစာများကို ရေးသားပြီးသူများမှာ အမှန်တကယ်ပင် အများအပြား ရှိနေသည်။ 

မျက်စိတစ်မှိတ်အတွင်းမှာပဲ အခြေအနေတွေ ပြောင်းသွားတယ်!

သေတမ်းစာ ရေးတော့ ဘာထူးလဲ? အခုချက်ချင်း Marshal အတွက် အလံသွား ဝှေ့ယမ်းကြမယ်! 

“ အရှင် Marshal က အစွမ်းထက်လိုက်တာ! ”

“ ဒါဆို ယန်ကျင်းဇီက အရှင် Marshal ပေါ့! ဒီနေ့ တပ်မှူးတွေအကုန် ဒီရောက်နေတာ မဆန်းတော့ဘူး! ”

“ အဲ့အစောင့်တွေ အကုန်လုံး သန်မာနေကြတာ မဆန်းတော့ဘူး။ အသားကင်တဲ့လူတောင် အဆင့် SS စိတ်စွမ်းအင် ရှိတယ်! ”

“ ငါတို့ဗီလာရဲ့ အကာအကွယ်အဖုံးကို ငါ အခုပဲ လေ့လာကြည့်ခဲ့တယ်။ ဒါက စစ်ဌာနချုပ်ရဲ့ အကာအကွယ်အဖုံးထက် မနိမ့်တာ သေချာတယ်! ”

“ Marshal ဟာ Marshal ဖြစ်ထိုက်ပါပေတယ်! ”

“ စစ်နတ်ဘုရားက အရမ်းချောတာပဲ! ”

…

ဗီလာရှိ လူများသည် ယန်ကျင်းဇီကို ချီးကျူးကြပြီး Star Network တွင် တိုက်ရိုက်ထုတ်လွှင့်မှုကို ကြည့်ရှုနေကြသူတိုင်းဟာလည်း အလွန်စိတ်လှုပ်ရှားနေကြသည် : “ချစ်တယ် ဆရာ Kan! မင်းက ငါတို့ကို တပ်မှူးတွေ ပြရုံတင်မဟုတ်ဘဲ အရှင် Marshal ကိုတောင် ငါတို့ကို မြင်ရစေခဲ့တယ်!”

“Marshal ah ah ah ah!”

“ငါ replay သွားကြည့်ပြီး screenshot လည်း ရိုက်လာခဲ့တယ်။ Marshal က အရမ်းချောတယ်! သူ့ဘေးကလူက သူ့အကူဆရာလား? သူလည်း အရမ်းချောတယ်!”

…

လူတိုင်း အလွန်စိတ်လှုပ်ရှားနေကြပြီး ရှချီချီ တစ်ဦးတည်းကသာ မှင်တက်နေသည် : “ သူက Marshal လို့ ပြောလိုက်တာလား? ဒါဘယ်လိုလုပ်ဖြစ်နိုင်မှာလဲ!” 

“ သူက Marshal ဆိုတာ သေချာတယ်! သူသာ Marshal မဟုတ်ဘူးဆိုရင် ဘယ်လိုလုပ် သူ့ဆီမှာ စစ်နတ်ဘုရား ရှိနိုင်မလဲ?” 

“ ယန်ကျင်းဇီ ကြယ်မြို့တော်ကို ရောက်လာတဲ့နေ့မှာ Marshal ကလည်း စစ်ဌာနချုပ်ကို သွားခဲ့တယ်မလား? အချိန်က ကွက်တိပဲ! ”

“ Cossack အဲ့လိုဖြစ်ခဲ့တာ မဆန်းတော့ဘူး... သူက Marshal ကို ဒေါသထွက်စေခဲ့တာပဲ! ” 

…

ရှချီချီသည် သူ(မ)ဘာသာ ရေရွတ်လိုက်သည် : “ ဒါ မဖြစ်နိုင်ဘူး၊ ဒါ မဖြစ်နိုင်ဘူး... ” Marshal က Cossack မဟုတ်ဘူးလား? ဘာလို့ ယန်ကျင်းဇီ ဖြစ်နေတာလဲ?

သူ(မ)သည် အခြားသူများကို အလွန်မေးကြည့်ချင်ခဲ့မိပြီး မေးရန် မကောင်းကြောင်း ရုတ်တရက် သတိရလိုက်သဖြင့် မေးမြန်းချင်စိတ်ကို သူ(မ) မျိုသိပ်လိုက်ရသည်။ 

စာအုပ်ထဲမှ အကြောင်းအရာများကို သူ(မ) စတင်စဉ်းစားကြည့်သည်။

၀တ္ထုစာအုပ်ကို ရှဇီရှိူ့၏အမြင်နှင့် တခါတရံတွင် ဖုဖေး၏အမြင်မှ ရေးသားထားသည်။ ၎င်းဟာ Marshal က မည်မျှအစွမ်းထက်ပြီး ပိုင်ဆိုင်သည့်အရာများ မည်မျှရှိသည်ကို ဖော်ပြထားသော်လည်း... အခြားတပ်မှူးများက Cossack ကို လက်သိပ်မခံခဲ့ကြချေ။

စာအုပ်ထဲတွင် Cossack သည် စစ်စရိတ်များနှင့် အခြားအရာများကို အသုံးပြုကာ တပ်မှူးများကို "နာခံ" တတ်စေရန် သင်ပေးခဲ့သည်။

Marshal ကသာ တကယ် အရမ်းအစွမ်းထက်ရင် သူ ဒီလိုမဖြစ်သင့်ဘူးမလား?

သူ(မ) ထိုသို့တွေးနေစဉ် မလှမ်းမကမ်းရှိ တပ်မှူးခုနစ်ဦး အားလုံးက ယန်ကျင်းဇီကို တလေးတစား ကြည့်နေကြသည်ကို တွေ့လိုက်ရသည်။ 

အခု ဒီလူတွေက ယန်ကျင်းဇီကို ဆန့်ကျင်တယ်လို့ မပြောကြဘူး၊ သူတို့အကုန်လုံးက ယန်ကျင်းဇီကို သဘောကျလေးစားနေကြတယ်!

ရှချီချီ သူ(မ)ခေါင်းပေါ် ရေအေးတစ်ပုံး လောင်းချခံလိုက်ရသလို လူတစ်ကိုယ်လုံး ရုတ်တရက် အသိပြန်ဝင်လာတယ်!

စာအုပ်ထဲရှိ အကြောင်းအရာများသည် အရာရာတိုင်း မမှန်ကန်နေလောက်ချေ။ စာအုပ်ထဲတွင် မရေးထားလောက်သော ကိစ္စအများအပြားလည်း ရှိနေသေးသည်။

ဥပမာအားဖြင့် Cossack က Marshal ဖြစ်လာနိုင်ခြင်းတွင် အခြားလျှို့ဝှက်ချက်များလည်း ရှိနေနိုင်လောက်သည်။

ဆိုတော့ အခု... Cossack က တကယ်ပဲ အသုံးမကျတဲ့လူ ဖြစ်ပြီး တပ်မ ၈ ရဲ့ တပ်မှူး မဟုတ်တော့ဘူးလား?

ရောင်ဝါပျောက်ကွယ်သွားပြီး ရှချီချီသည် ဖုဖေးကို ထပ်မံကြည့်မိသောအခါတွင် သူ(မ) ရုတ်တရက် ခံစားလိုက်ရသည်... ဖုဖေးတွင် ပြဿနာများစွာ ရှိနေသည်။

ရှချီချီသည် မကူးပြောင်းမီတွင် မည်သည့်အခက်အခဲကိုမှ မခံစားခဲ့ဖူးဘဲ အလွန်ရိုးရှင်းပြီး စိတ်ကူးယဉ်ရခြင်းကို နှစ်သက်သည်။ သူ(မ)သည် ဖုဖေးကဲ့သို့ ကောင်းကင်ဘုံ၏ သားရတနာက ရှဇီရှိူ့ကို ကြိုက်ခဲ့ပြီး သူနှင့် လုံးဝ အတူမရှိချင်သော ရှဇီရှိူ့က ရိုးရိုးရှင်းရှင်း လူကောင်းယောင်ဆောင်နေခြင်းသာ ဖြစ်သည်ဟု ထင်မိခဲ့သည်။ 

သို့သော် သူ(မ) အသိပြန်ဝင်လာသောအခါ ထိုနေ့တွင် ဖြစ်ပျက်ခဲ့သည်များကို ပြန်တွေးမိသည်...

အမှန်တကယ်တော့ ဖုဖေးဟာ ရှဇီရှိူ့ကို နာကျင်စေခဲ့သည်။

ယခုမူ ယန်ကျင်းဇီ၏ အစားထိုးရောက်ရှိမှုကြောင့် အရာအားလုံး ပြောင်းလဲသွားခဲ့ပြီဖြစ်သည်။

ရှဝေချန်ကို ကယ်ဆယ်နိုင်ခဲ့ပြီး ကြီးမားသော ရာဇ၀တ်ဂိုဏ်းတစ်ခု ဖျက်ဆီးခံခဲ့ရကာ တပ်မ ၈ မှ တပ်မှူးပင် ပြင်းထန်စွာ ဒဏ်ရာရရှိခဲ့သည်။

ယန်ကျင်းဇီက အများကြီးလုပ်ပေးခဲ့ပေမယ့် ဖုဖေးကရော? စာအုပ်ထဲမှာ ဖုဖေးက ရှဇီရှိူ့ ထပ်မလိုက်နိုင်တော့အောင် ဒုတိယဗိုလ်ချုပ်ကြီးတစ်ဦးကို သတ်လိုက်ပြီးတော့ ကိစ္စတစ်ခုလုံးကို ဖော်ထုတ်ခဲ့တယ်!

ယန်ကျင်းဇီက ရှဇီရှိူ့အပေါ် တကယ် ကောင်းသည်။ ရှဇီရှိူ့ ယခင်က လုပ်ခဲ့သမျှကို သူ စိတ်မဝင်စားချေ။ အစောက ပွဲအခမ်းအနားတွင်လည်း ရှဇီရှိူ့ မစားနိုင်တော့သော အစားအစာကို သူက စိတ်မရှိဘဲ ယူစားနိုင်သည်။ 

ဒါပေမယ့် ဇာတ်လမ်းက ဘာလို့ ဒီလိုဖြစ်လာတာလဲ?

ရှဇီရှိူ့က ဇာတ်လိုက် ဖြစ်ပြီး သူ့မှာ ဇာတ်လိုက်ရောင်ဝါ ရှိနေတာကြောင့်လား? အဲ့ဒါကြောင့် ဖုဖေး မရှိတော့လည်း သူက ပိုကောင်းတဲ့တစ်ယောက်ကို ရနိုင်တာလား?

ရှချီချီတစ်ကိုယ်လုံး အနည်းငယ် တွေဝေမှင်တက်နေသည်။

အနားရှိလူများသည် ၎င်းကိုမြင်ပြီး သူ(မ)အနားမှ မသိမသာ အနည်းငယ် ခွာလိုက်ကြသည်။ 

ယခင်အတိတ်တွင် ရှချီချီက ရှဇီရှိူ့ကို အလွန်ကောင်းစွာ ဆက်ဆံခြင်းမရှိခဲ့ဘဲ ယန်ကျင်းဇီကိုလည်း ပြဿနာသွားရှာခဲ့ဖူးသည်... သူတို့ သူ(မ)နှင့် မပတ်သက်ချင်ပေ။  

ယန်ကျင်းဇီသည် အခြားသူများ၏ အတွေးများကို မသိဘဲ Zerg များကို ရိုက်နှက်နေဆဲဖြစ်သည်။

ရိုးရိုးသားသား ပြောရလျှင် ဤအင်းဆက်များကို သတ်ရခြင်းမှာ မလွယ်ကူချေ။

သူတို့က အရေအတွက်များပြီး အလွန်သန်မာကြသည်။ တစ်ကောင် သို့မဟုတ် နှစ်ကောင်ကို ရှင်းပစ်ရန်မှာ သူ့အတွက် လွယ်သော်ငြား အုပ်စုတစ်စုကို ရှင်းရန်မူ သူ၏ အချိန်နှင့် အားထုတ်မှု လိုအပ်သည်။

အရေးကြီး‌ဆုံးမှာ ရှဇီရှိူ့က သူ့ကို တစ်ခါမှ မတုံ့ပြန်ခြင်းပင်။ သူ့ကို အနည်းငယ် စိတ်လှုပ်ရှားစေသည်...

ဒီအင်းဆက်တွေရဲ့အပြစ်ပဲ!

သူ ရှဇီရှိူ့ကို သေသေချာချာလေး ရှင်းပြခဲ့သင့်တယ်!

သူတို့နှစ်ယောက် နက်နက်ရှိုင်းရှိုင်း ချစ်ခင်နေကြတဲ့ ညတစ်ညကို ရွေး၊ ပြီးရင် သူ့အကြောင်းကို ရှင်းပြလိုက်ပြီးတော့ အိပ်ရာပေါ်က ရန်ပွဲနဲ့ အဆုံးသတ်လိုက်တာ ဘယ်လောက်ကောင်းလဲ!

ယန်ကျင်းဇီသည် နောက်ထပ် Zerg တစ်ကောင်ကို သတ်လိုက်သည်။

သူ၏ ရက်စက်ကြမ်းကြုတ်သော အသွင်အပြင်သည် လူများစွာကို မသိစိတ်မှ ကြောက်လန့်စေပြီး ထို Zerg များကိုလည်း ကြောက်ရွံ့စေကာ ကရုဏာကိုပင် စတင်တောင်းဆိုလာခဲ့သည်။

“ သနားခံချင်တာလား? နောက်ကျနေပြီ! ” ယန်ကျင်းဇီသည် တစ်ခုခုကို တွေးမိပြီး ပြောလိုက်သည် : “ မင်းတို့ ဒီရောက်လာဖို့ ငါ အလုပ်အများကြီး ရှုပ်ခဲ့ရတယ်၊ ငါ မင်းတို့အားလုံးကို သတ်ပစ်မယ်! ” Zerg များဟာ ဤသည်က ထောင်ချောက်ဟု အထင်လွဲနေပုံရရာ သူတို့ကို ဆက်ပြီး အထင်လွဲခိုင်းလိုက်မည်။

“ သေစမ်း၊ သေစမ်း... ” Zerg များက အလွန်ဒေါသထွက်နေသည် : “ Cossack က ငါတို့ကို လိမ်ခဲ့တာပဲ! ” ယခုအခါတွင် သူတို့သည် ဤသည်က ထောင်ချောက်ဟု ဆုံးဖြတ်လိုက်ကြသည်။

အစက သူတို့ဟာ ကြယ်မြို့တော်မှာ ပြဿနာလာရှာပြီး တပ်မှူးတစ်ယောက်၊ နှစ်ယောက်လောက် အသတ်ခံရရင် ပိုအဆင်ပြေတယ်လို့ပဲ သဘောတူခဲ့ကြတာ၊ ဒါပေမယ့် ရလဒ်ကရော?

ဒီမှာ အစွမ်းထက်တဲ့ အကာအကွယ်ဒိုင်းကာတွေ ရှိတယ်၊ ရုပ်ဖျက်ထားတဲ့ စွမ်းအားရှင်တွေ မရေမတွက်နိုင်အောင် ရှိတယ်၊ ပြီးတော့ ဒီလိုကပ်ဘေးဆိုးတောင် ရှိနေသေးတယ်!

Cossack က သူတို့ကို လှည့်စားခဲ့တယ်!

“ Cossack? ” ယန်ကျင်းဇီသည် ဤနာမည်ကို ရုတ်တရက် ကြားရသောအခါ အနည်းငယ် အံ့ဩသွားသည်။

တပ်မ ၈ တပ်မှူးက မရိုးရှင်းချေ...

ပြောရမည်ဆိုလျှင် မူလဇာတ်ကြောင်းထဲတွင် မူလပိုင်ရှင်ကသာ အလွန်မရိုးရှင်းဘဲ ရှချီချီကို တိုက်ရိုက်သတ်ကာ ဖုဖေးနှင့် Cossack တို့နှင့်အတူပင် မသေဆုံးခဲ့လျှင် သူ့ကို Cossack သတ်သွားလောက်သည်။

ဤပိုးကောင်များ၏အသံများက ကျယ်လောင်ပြီး ယန်ကျင်းဇီ ကြားရသောအခါတွင် တခြားသူများလည်း ၎င်းတို့ကို ကြားလိုက်ကြရသည်။

ဖုဖေး၏မျက်နှာ ဖြူဖျော့သွားကာ တပ်မှူးခုနစ်ဦးသည် မတုန့်ဆိုင်းဘဲ အမိန့်တချို့ကို ထုတ်ပြန်ခဲ့ကြသည်။

အိမ်တွင် တိုက်ရိုက်ထုတ်လွှင့်မှုကို ကြည့်ရှုနေသော Cossack သည် ယန်ကျင်းဇီ၏တိုက်ခိုက်မှုများကို တွေ့မြင်နေရသည်။ ယန်ကျင်းဇီ ထိုအင်းဆက်များကို ချေမှုန်းချိန်တွင် သူသည် “ဆိုးရွားသော အကြိုခံစားချက်” ကို ခံစားနေရပြီးဖြစ်ကာ ယခုအခါတွင်မူ အရာအားလုံး ပြီး‌ဆုံးသွားပြီဟု သူ သိလိုက်၏။

သူ့စိတ်စွမ်းအင်က တဖန်ပြန်လည်ထကြွလာကာ သူ့ကို လုံးဝ ထွက်မပြေးနိုင်အောင် ဖြစ်စေပြီး ထို့အပြင် သိပ်မကြာလိုက်ပဲ တစ်စုံတစ်ဦးက အိမ်ထဲဖောက်ဝင်လာသည်...

ပွဲအခမ်းအနား ကျင်းပရာတွင်။

Zerg များက သူတို့နှင့် ပူးပေါင်းကြံစည်ခဲ့သူကို “ဝန်ခံ”ပြီးဖြစ်ရာ သူတို့ဟာ နာကျင်စွာ သေဆုံးနိုင်ပြီဖြစ်သည်... ယန်ကျင်းဇီသည် နောက်ဆုံး Zerg ကို သတ်ပစ်လိုက်သည်။

၎င်းကို သတ်ပြီးနောက် သူသည် သူ့လက်ထဲရှိ Zerg ကို ပစ်ချလိုက်ကာ အထူးလေးနက်သော ပြဿနာတစ်ခုကို စတင်ရင်ဆိုင်ရလေတော့သည် – သူ ရှဇီရှိူ့ကို သေသေချာချာ ဘယ်လိုရှင်းပြရမလဲ?

ယန်ကျင်းဇီ mecha (မက်ခါစက်ရုပ်) ထဲမှ ထွက်မလာမီတွင် သူ့စိတ်စွမ်းအင်သည် ရှဇီရှိူ့ကို လေးလေးနက်နက် တောင်းပန်မှုဖြင့် ထွေးပွေ့ပြီးဖြစ်သည်။

ရှဇီရှိူ့သည် အလိုအလျောက် သူ့စိတ်စွမ်းအင်ကို ဆန့်ထုတ်ချင်သော်ငြား ၎င်းကို ခုခံထားခဲ့သည်။

သူသည် ယန်ကျင်းဇီ တိုက်ခိုက်နေချိန်တွင် စိတ်ပူနေခဲ့ပြီး ၎င်းကို အများအပြား တွေးရန် အချိန်မရှိခဲ့ပေ။ ယခုမူ သူသည် ၎င်းကို သေချာတွေးကြည့်သောအခါ ယန်ကျင်းဇီနှင့်ပတ်သက်ပြီး သူ ဘာကိုမှ လုံးဝ မသိကြောင်း ‌သဘောပေါက်သွားရသည်။  

ပြီးတော့ ယန်ကျင်းဇီက အဲ့လိုအထောက်အထားအမှားနဲ့ ဘာပဲလုပ်ခဲ့ချင်ပါစေ ကိစ္စမရှိပေမယ့် ဒီလူက အစတုန်းက ရှချီချီနဲ့ လက်ထပ်ချင်ခဲ့တာမလား? 

သူ့ကို ရှချီချီအစား ပို့ခဲ့တာလေ!

ဖုဖေးကြောင့် သူတို့ လက်ထပ်ဖြစ်ပြီးတော့ ယန်ကျင်းဇီက ကွာရှင်းချင်ခဲ့တယ်၊ အဲ့တုန်းက သူ ရှချီချီကို လက်ထပ်ချင်နေတုန်းလား?

ရှဇီရှိူ့သည် ယန်ကျင်းဇီက သူ့ကို သဘောကျကြောင်း သိရှိသည်။ ယန်ကျင်းဇီ၏စိတ်စွမ်းအင်က အတုမဖြစ်နိုင်ချေ။ ထို့အပြင် ယန်ကျင်းဇီက ‌သူနှင့် နှောင်ကြိုးလည်း သွယ်ထားသည်... သို့သော်ငြား ဤသို့တွေးမိလျှင် သူသည် အလွန်ပင် မပျော်မရွှင်ဖြစ်မိဆဲဖြစ်သည်။

ဘုံအကောင့်ထဲသို့ “ပိုင်ဆိုင်မှုအားလုံး”ကို ထည့်သွင်းခြင်းကဲ့သို့ သူ့စိတ်နှလုံးကို လှုပ်ရှားစေသည့် ယခင်က ယန်ကျင်းဇီ ပြုလုပ်ခဲ့သော ကိစ္စအချို့လည်း ရှိသေးသည်။ ယခု ၎င်းကို တွေးကြည့်သောအခါ... အဲ့ဒါက ယန်ကျင်းဇီရဲ့ ပိုင်ဆိုင်မှုအားလုံး လုံးဝ မဟုတ်ဘူးမလား?!

သူတို့က လက်ထပ်ပြီးပြီ၊ နှောင်ကြိုးဖွဲ့ပြီးပြီ၊ အိပ်ရာတစ်ခုတည်းမှာ အိပ်ပြီးပြီ။ ယန်ကျင်းဇီက သူ့ကို ဖုံးကွယ်ထားတုန်းပဲ!

ဒါတွေအကုန်လုံးက ဘာကြောင့်လဲ?

ရှဇီရှိူ့သည် သူ့ခေါင်းကို ပွတ်သပ်ချင်နေသော ယန်ကျင်းဇီ၏ စိတ်စွမ်းအင်မျှင်များမှ အတင်းခွာကာ မလှမ်းမကမ်းရှိ စစ်နတ်ဘုရားကို မျက်စောင်းထိုးလိုက်သည်။

တစ်ဖက်တွင်မူ ယန်ကျင်းဇီသည် mecha ကို ဖွင့်ပြီးဖြစ်သည်။

သူသည် ချောမောသော အသွင်အပြင်ကို လုပ်ချင်သော်ငြား ရှဇီရှိူ့၏ တုံ့ပြန်မှုကို တစ်ခါမှ မရသေးသောကြောင့် အနည်းငယ် ပျာယာခတ်နေသည်။

သူတော့ ဇာတ်သိမ်းပြီဟုပင် သူ ခံစားရသည်။

ရှဇီရှိူ့က သူ့ကို စိတ်စွမ်းအင်နဲ့ မတုံ့ပြန်ချင်တော့ဘဲ သူ့ရဲ့ နမ်းတာနဲ့ ပွေ့ဖက်တာကိုလည်း မခံချင်တော့ရင် ဘယ်လိုလုပ်ကြမလဲ?

သူနှင့် ရှဇီရှိူ့တို့သည် ရက်အနည်းငယ်သာ တွေ့ဆုံခဲ့ကြပြီး ရက်အနည်းငယ်သာ ပျော်ရွှင်ရသေးသည်။ ဒါပေမယ့် ရှဇီရှိူ့က သူ့ကို တစ်ရက်တည်းပဲ လျစ်လျူရှုထားရင်တောင် သူ မခံနိုင်ဘူး!

ယန်ကျင်းဇီသည် စိတ်ပူပန်နေပြီး “ချောမောသော ပုံပေါက်ရန်” လုံးလုံးမေ့သွားခဲ့သည်။

သူသည် mecha ထဲမှ ခုန်ထွက်ကာ ရှဇီရှိူ့ထံသို့ တန်းပြေးသည် : “ ဇီရှိူ့၊ ကိုယ် ရှင်းပြတာကို နားထောင်ပါဦး! ကိုယ် မင်းကို ဖုံးကွယ်ထားဖို့ တကယ် မရည်ရွယ်ခဲ့ပါ

ဘူး... ”

သူ၏ စိုးရိမ်ပူပန်စွာ ရှင်းပြချင်နေသော ထိုအမူအရာဟာ ချက်ချင်းပင် မရေမတွက်နိုင်သော လူများစွာ၏ screenshot ရိုက်ခြင်းကို ခံလိုက်ရသည်။

ချောမောသော Marshal ကို မူလက တွေ့ချင်ခဲ့သူများ : “ ...... ”