အပိုင်း ၁၇၆ ( Mine Owner 25 - extra )

ကြယ်မြို့တော်၊ ဗဟိုစစ်တက္ကသိုလ်။

ယနေ့ ဗဟိုစစ်တက္ကသိုလ်မှ ကျောင်းသား ကျောင်းသူများ အားလုံးဟာ အလွန်စိတ်လှုပ်ရှားနေကြသည်။ သူတို့သည် ကျောင်းအ၀င်ဝကို ရံဖန်ရံခါ ကြည့်နေကြပြီး ကျောင်းအဝင်ဝတွင် တိုက်ရိုက်ရပ်နေသော ကျောင်းသားတချို့ပင် ရှိနေသည်။

အရှင် Marshal က သူတို့ကျောင်းမှာ စာသင်ပေးဖို့ လာနေပြီ! သူက သူတို့ကို စိတ်စွမ်းအင် အသုံးပြုနည်း သင်ပေးမှာ!

အခြေခံအားဖြင့် ကြယ်တာရာမဟာမိတ် တစ်ခုလုံး၏ ထိပ်တန်းစစ်သည်တော်များသည် ဗဟိုစစ်တက္ကသိုလ်တွင် သူတို့၏အသက်အရွယ်အလိုက် လာရောက်ပညာသင်ကြားကြသည်။ ယခု ဤကျောင်းသည် ငယ်ရွယ်သော အဆင့် S စစ်သည်တော် တစ်ဒါဇင်၊ အဆင့် A စစ်သည်တော် ရာပေါင်းများစွာနှင့် အဆင့် B စစ်သည်တော်များစွာ၏ နေရပ်မြေ ဖြစ်လာသည်။

တချို့သည် လွန်ခဲ့သော ရက်အနည်းငယ်က ရှမိသားစု ဂုဏ်ပြုစားပွဲသို့ သွားရောက်ခဲ့ကြပြီး ယန်ကျင်းဇီ၏ အရည်အချင်းကို သိခဲ့ကြသော်ငြား အချို့သော လူများသည် အွန်လိုင်းဗီဒီယိုများမှ ယန်ကျင်းဇီကိုသာ မြင်တွေ့ခဲ့ကြရသည်။

ဤအခိုက်အတန့်တွင် ရှမိသားစု၏ပွဲသို့ သွားရောက်ခဲ့ကြသူများအား တစ်စုံတစ်ဦးက မေးမြန်းလိုက်သည် : “ အရှင် Marshal က တကယ်ပဲ အရမ်းအံ့ဩစရာကောင်းတာလား? ”

“ ဒါပေါ့! အဲ့တုန်းက တပ်မှူးတွေ အကုန်လုံးကို အင်းဆက်တွေက အနိုင်ယူနိုင်ခဲ့ပေမယ့် အရှင် Marshal ကတော့ အင်းဆက်တွေကို ဆက်တိုက်လိုက်နေခဲ့တာ! ” ထိုနေ့က ရှမိသားစု၏ပွဲတွင် ရောက်ရှိနေခဲ့ပြီး Zerg နှင့် တိုက်ပွဲကို ပါဝင်ဆင်နွှဲခဲ့သူတစ်ဦးက ကျယ်လောင်စွာ ပြောလာသည် : “ အဲ့အချိန်တုန်းက အရှင် Marshal ရဲ့ စိတ်စွမ်းအင်က ဖိနှိပ်လိုက်တော့ ငါ့တစ်ကိုယ်လုံး ကြေမွတော့မယ်လို့ ခံစားခဲ့ရတယ်! ” 

နောက်တစ်ဦးက ဆိုသည် : “ ဟုတ်တယ်၊ အရှင် Marshal က တကယ် သန်မာတယ်! ”

“ အရှင် Marshal ဘယ်တော့လာမလဲ ငါ မသိဘူး။ ”

လူအုပ်ကြီး စကားပြောနေစဉ်တွင် ယာဉ်ပျံတစ်စီးက ရုတ်တရက် သူတို့ခေါင်းပေါ်မှ ဖြတ်မောင်းသွားသည်။

ကျောင်းသားများ စိတ်ရှုပ်ထွေးသွားကြသည် : “ ဘယ်တုန်းက ကျောင်းက ကားပျံတွေကို မောင်းဝင်ခွင့်ပြုလိုက်တာလဲ? ”

သူတို့ဗဟိုစစ်တက္ကသိုလ်၏ လုံခြုံရေးသည် စစ်ဌာနချုပ်ကဲ့သို့ ခိုင်ခံ့မှုမရှိသော်လည်း ကားပျံတွေကိုတော့ ဝင်ခွင့်မပြုထားဘူး!

“ အဲ့ဒါ အရှင် Marshal ရဲ့ ကားပျံ! ” လူတစ်ဦးက ပြောခဲ့သည်။

အမှန်ပင်၊ ၎င်းမှာ ယန်ကျင်းဇီ၏ ယာဉ်ပျံ ဖြစ်သည်။ Star Network မှာလည်း ဓာတ်ပုံတွေ ရှိတယ်!

အရှင် Marshal ဒီရောက်နေပြီ!

ဤကျောင်းသားများသည် အံ့အားသင့်သွားကြပြီး ထို့နောက် ချက်ချင်းပင် အမီလိုက်ကြတော့သည်။

လေထဲတွင် ရှဇီရှိူ့သည် အောက်မှ ပြေးလိုက်နေသော ကျောင်းသားများကို ကြည့်ကာ အနည်းငယ် စိတ်မသက်မသာ ခံစားရသည် : “ ကျောင်းက ယာဉ်‌ပျံတွေကို ဝင်ခွင့်မပြုဘူး... ”

“ ကိုယ့်မှာ လက်မှတ်ရှိတယ်။ ” ယန်ကျင်းဇီက ပြောသည်။

“ ဘာလက်မှတ်လဲ? ” ရှဇီရှိူ့က မေး၏။

“ ဗဟိုစစ်တက္ကသိုလ်မှာ ပေါ့ပေါ့ပါးပါး မောင်းနှင်နိုင်တဲ့ လက်မှတ်။ ” ယန်ကျင်းဇီက ဖြေသည်။

“ အဲ့လိုလက်မှတ်ရှိတာလား? ကျောင်းအုပ်တောင် သူ့ကားနဲ့ မောင်းပြီး မဝင်ဖူးဘူး။ ” ရှဇီရှိူ့သည် ဤကဲ့သို့အခွင့်ထူးကြောင့် အနည်းငယ် စိတ်မသက်မသာဖြစ်မိသည်။

“ အဟမ်း... ” ယန်ကျင်းဇီက ဆိုသည် : “ ဒါပေါ့၊ ကျောင်းအုပ်က သူ့ကား မောင်းပြီး မဝင်နိုင်ဘူး။ ဒီကျောင်းကို သူ ပိုင်တာမှ မဟုတ်တာ။ ”

ရှဇီရှိူ့ : “ ဒီကျောင်းကို မင်း ပိုင်တာလား? ”

ယန်ကျင်းဇီ : “ ဟုတ်တယ်။ ”

ရှဇီရှိူ့ : “ ... ”

ယန်ကျင်းဇီက သဘောကျစွာ ရယ်မောသည် : “ ဇီရှိူ့၊ ကိုယ့်လုပ်ငန်း‌တွေက အများအားဖြင့် ငွေရှာနိုင်တယ်။ စစ်ဌာနချုပ်နဲ့ ဒီကျောင်းက ငွေ‌‌တွေ ယူသုံးနေတော့ ကိုယ်က အခွင့်ထူးအချို့ တောင်းလိုက်ရုံပါပဲ။ ”

သူသည် ဤကျောင်းက သူ့အပိုင်ဖြစ်ကြောင်း ယခင်က သိပင် မသိခဲ့ဘဲ ဤကျောင်းသို့ လာ၍ အနာဂတ်တွင် စာသင်ပေးမည့်အကြောင်းကို Allen နှင့် စကားပြောဖြစ်သည့် ‌နောက်ပိုင်းမှသာ သူ သိခဲ့ရသည်။

“ ငါတို့အတွက် ကောင်းပါ့မလား... ဒီလိုလုပ်တာကလေ? ” ရှဇီရှိူ့သည် ထင်ရှားကျော်ကြားနေသည်ကို အဆင်မပြေသေးပေ။

“ ဘာမှမမှားဘူး။ ကိုယ်တို့ ဝင်ပေါက်ကနေ ဆင်းရင် လူအဝိုင်းခံရဖို့ များတယ်။ ” ယန်ကျင်းဇီက ပြောသည်။

ဟုတ်သားပဲ... ရှဇီရှိူ့သည် ယန်ကျင်းဇီ၏စကားကို နားထောင်လိုက်ပြီး သူတို့၏ယာဉ်ပျံဟာလည်း နောက်ဆုံးတွင်မူ ကျောင်းရုံးခန်း အဆောက်အဦး၏ ထိပ်ဆုံးလွှာ၌ ရပ်သွားပြီဖြစ်သည်။

ဒီအချိန်မှာပဲ ရှဇီရှိူ့လည်း အပေါ်ဆုံးထပ်မှာ ကားပါကင် တကယ် ရှိနေတာကို သိလိုက်ရတယ်! 

ဗဟိုစစ်တက္ကသိုလ်သည် အလွန်ကောင်းမွန်သော တက္ကသိုလ် ဖြစ်သည်။ ရှဇီရှိူ့သည် ယခင်က ဤနေရာတွင် စာ‌လေ့လာခဲ့သည်။ သူသည် သိပ်မကောင်းသော အတန်းဖော်အချို့ကို တွေ့ခဲ့ရသော်ငြား ဆရာများက အလွန်ကောင်းနေဆဲဖြစ်သည်။

ယန်ကျင်းဇီက စာသင်ပေးမည့်အကြောင်းကို သိရသောအခါ မူလက သူသည် စာဆက်လေ့လာရန် စီစဉ်ခဲ့ပြီး တစ်ချိန်တည်းတွင် ယန်ကျင်းဇီအတွက် လက်ထောက်ဆရာလည်း လုပ်ပေးမည်ဖြစ်သည်။ သို့သော် ယန်ကျင်းဇီက သဘောမတူပေ : “ မင်း အခု ကျောင်းသွားရင် မင်းရဲ့အတန်းဖော်တွေ အဆင်မပြေဖြစ်လိမ့်မယ်။ မင်းကို စောင့်ကြည့်နေတဲ့ လူတွေတောင် ရှိလိမ့်မယ်... မင်း ကိုယ့်လက်ထောက်ဆရာ လုပ်တာက ပိုကောင်းလိမ့်မယ်၊ ကိုယ် မင်းကို ကိုယ်တိုင်ကိုယ်ကျ သင်ပေးမယ်! ”

“ မင်း ငါ့ကို သင်ပေးနိုင်လား? ” ရှဇီရှိူ့က မေးသည်။

“ ဒါပေါ့! ” ယန်ကျင်းဇီ၏မျက်နှာပေါ်မှ အမူအရာဟာ အနည်းငယ်ပင် မပြောင်းလဲသွားပေ။

မူလပိုင်ရှင်က စိတ်စွမ်းအင်အထိန်းကွပ်မဲ့လို့ စာသိပ်မသင်ခဲ့ရပေမယ့် သူက သူ့ကိုယ်သူ ယုံကြည်မှုရှိတယ်!

ထို့ကြောင့် ရှဇီရှိူ့သည် ကျောင်းကို ဆက်သွယ်ပြီး အတန်းမတက်ဘဲ ယန်ကျင်းဇီ၏ နောက်သို့ လိုက်၍ စာသင်ရန် လျှောက်ထားခဲ့သည်။

ယန်ကျင်းဇီကမူ... သူသည် အနန္တစွမ်းအားရှင် အိမ်တော်ထိန်း Allen ကို အားကိုးခဲ့၏။

Allen ဟာ တကယ်ကို အရာရာ အစွမ်းထက်သည်။ သူသည် အစောပိုင်းနှစ်များတွင် မူလပိုင်ရှင်အတွက် ရှာထားခဲ့သော ဆရာများအားလုံးကို ချက်ချင်း စုစည်းကာ ပို့ခဲ့ပြီး ရှဇီရှိူ့က သင်ယူချင်သည့်အရာမှန်သမျှကို ဤဆရာများထံတွင် ရှာတွေ့နိုင်ကြောင်း ညွှန်ပြခဲ့သည်။

ဆရာများ ရှိနေရာ ယန်ကျင်းဇီသည် သူကိုယ်တိုင် သင်ကြားရန် မပြင်ဆင်တော့ပေ။ သူသည် ဤဆရာများထဲမှ နှစ်ဦးကို နေ့စဉ်နေ့တိုင်း သူ၏ “လက်ထောက်များ” အဖြစ် ရွေးကာ ကျောင်းသို့ လိုက်ပါစေပြီးနောက် ရှဇီရှိူ့ကို နှစ်ဦး–တစ်ဦး သင်ပေးစေရန် ရည်ရွယ်ထားသည်။

ယခုအချိန်၌ ဆရာနှစ်ဦးသည် ယာဉ်ပျံ၏ ကားနောက်ခန်းတွင် ထိုင်နေကြသည်။

Allen နှင့် ဆရာနှစ်ဦးတို့ ထိပ်ဆုံးလွှာရှိ ရုံးခန်းထဲသို့ ယန်ကျင်းဇီ၏နောက်မှ လိုက်သွားချိန်တွင် ဗဟိုစစ်တက္ကသိုလ်၏ ကျောင်းအုပ်ကြီးနှင့် ဆရာအများအပြားမှာ အနည်းငယ် စိတ်ပူနေသည်။

“ အရှင် Marshal က အရမ်းသန်မာပေမယ့် သူက ကျောင်းသားတွေကို သင်ပေးဖို့ကို သိပ်မသိလောက်ဘူး။ ငါတို့ သူနဲ့ တွဲသင်ဖို့ ဆရာတစ်ယောက် ရှာသင့်သလား? ”

“ မင်း သူနဲ့ တွဲသင်ဖို့ ဆရာတစ်ယောက် ရှာနိုင်ရင်တောင်မှ... ဆရာက အရှင် Marshal ထက် အများကြီး အားပိုနည်းပြီး အရှင် Marshal သင်နေတာကိုတောင် မသိနိုင်လောက်ဘူးဆိုရင် သူ ဘာလုပ်နိုင်မှာလဲ? ”

“ တကယ်တော့ အရှင် Marshal ဘာမှမသင်ပေးလည်း ကိစ္စမရှိဘူး။ အနည်းဆုံးတော့ သူ့တည်ရှိမှုက အဲ့ဒီကောင်စုတ်လေးတွေကို အမြင်ပွင့်စေနိုင်တယ်။ ငါ ရှဇီရှိူ့ကို နည်းနည်းစိုးရိမ်တယ်။ သူက အတန်းမတက်ဖို့ စာလျှောက်ထားတယ်... သူ စာဆက်လေ့လာဖို့ အစီအစဉ်မရှိဘူးလား? ”

“ ငါ ရှဇီရှိူ့ကို အရမ်းသဘောကျတယ်။ သူ အရင်က အခက်အခဲတွေ အများကြီးနဲ့ ကြုံတုန်းကတောင် သူက ကြိုးစားပမ်းစား စာ‌လေ့လာခဲ့တယ်။ အခု သူ့ရဲ့ အရှင် Marshal နဲ့ နှောင်ကြိုးကြောင့် သူ စာဆက်မလုပ်တော့ဘူးဆိုရင် ရှက်စရာပဲ။ ”

…

ဤလူများ စကားပြောနေစဉ် ယန်ကျင်းဇီနှင့် အခြားသူများ ရောက်လာကြသည်။

ဤဆရာများသည် နှုတ်ဆက်ရန် အတူတကွ အပြင်ထွက်ခဲ့ကြပြီး ဤနှုတ်ဆက်ခြင်း...

ဗဟိုစစ်တက္ကသိုလ်၏ ကျောင်းအုပ်ကြီးသည် ယန်ကျင်းဇီဘေးရှိ “လက်ထောက်” ကို ကြည့်ကာ မေးမိသည် : “ စီနီယာလား? ”

ထိုလူက ကျောင်းအုပ်ကို ပြုံးပြသည် : “ ညီအစ်ကို မတွေ့တာကြာပြီ။ ”

ကျောင်းအုပ်ကြီး အံ့ဩသွားသည်။ သူသည် သူ့စီနီယာအစ်ကိုနှင့် အမြဲအဆက်အသွယ်ရှိသည်။ သူ့စီနီယာအစ်ကိုက အလွန်ဉာဏ်ကောင်းသော်ငြား သုတေသနလုပ်ခြင်းကို ဝါသနာပါကာ အနည်းငယ် ပျင်းရိတတ်သည်။ သူက ဤနှစ်များတွင် လွယ်ကူပြီး လစာမြင့်သည့် အလုပ်တစ်ခုကို လုပ်နေသည်ဟု ပြောထားသည်... ဒီတော့ သူက အရှင် Marshal ရဲ့ ဘေးမှာ အလုပ်လုပ်နေတာလား?

ကျောင်းအုပ်ကြီးက သူ၏ စီနီယာအစ်ကိုကို မှတ်မိပြီး တစ်ချိန်တည်းတွင် အခြားသော ဆရာများစွာကလည်း ယန်ကျင်းဇီ၏ တခြား“လက်ထောက်”ကို သတိထားမိခဲ့ကြသည် : “ ဆရာ Cameron! ”

ဆရာ Cameron သည် အလွန်ကျော်ကြားသော စစ်ဗိုလ်ကြီးတစ်ဦး ဖြစ်သည်။ စစ်တပ်က သူ့ကို အမြဲတစေ ခေါ်ယူချင်ခဲ့သော်ငြား ‌သူ့ကို မခေါ်နိုင်ခဲ့ချေ။ မကြာသေးမီနှစ်များအတွင်း သူသည် Star Network တွင် active မဖြစ်ရုံသာမက ကမ္ဘာတစ်ဝှမ်းကို လိုက်လံလည်ပတ်နေခဲ့ပြီး အကောင်းဆုံး မြို့စောင့်တပ် တည်နေရာကို ပုံစံထုတ်ရန်အတွက် ကြယ်တာရာမဟာမိတ် တစ်ခုလုံးကို သေချာစွာ လေ့လာလိုသည်ဟု ပြောခဲ့သည်... ဘာလို့ သူက အခု အရှင် Marshal ရဲ့ “လက်ထောက်” ဖြစ်နေတာလဲ?

“ မင်းတို့ အချင်းချင်း သိကြလား? ” ယန်ကျင်းဇီက ပြောသည် : “ အရမ်းကောင်းတယ်... Cameron, မင်းတို့ ဇီရှိူ့ရဲ့ သင်ခန်းစာ အကြောင်းအရာနဲ့ လက်ရှိအခြေအနေကို မေးလိုက်ပါ၊ ပြီးမှပဲ ဇီရှိူ့ကို စာသင်ပေးရမယ်။ ” 

“ ဟုတ်ကဲ့ပါ အရှင်! ” ဤလူနှစ်ဦးက ချက်ချင်း ပြန်ဖြေသည်။

အရှင် Marshal သည် သူတို့ကို အနှစ် ၂၀ ကြာ ကြည့်ရှုစောင့်ရှောက်ခဲ့ပြီး ဘာမှမလုပ်ခိုင်းခဲ့ချေ။ အခု သူက သူတို့ကို ကျောင်းသားတွေကို စာသင်တာလေးပဲ လုပ်ခိုင်းတော့ သေချာပေါက် သူတို့ ဒီကျောင်းသားတွေကို ကောင်းကောင်းသင်ပေးရမှာပေါ့!

ဗဟိုစစ်တက္ကသိုလ် ဆရာများ : “ ... ” ယခင်က သူတို့ ရှဇီရှိူ့၏ စာလေ့လာမှုအတွက် စိုးရိမ်ခဲ့ကြသည်... ဒါပေမယ့် အခုတော့ လုံးဝ စိတ်ပူစရာမလိုတော့ဘူး!

စိတ်မပူတာကို မပြောနဲ့ဦး၊ သူတို့တောင် ရှဇီရှိူ့နဲ့ စာသင်ချင်ကြတယ်!

အရှင် Marshal ၏ ကျောင်းသားများကို သင်ကြားပေးခြင်းအတွက်မူ...

ယန်ကျင်းဇီက ဆိုသည် : “ ငါ စိတ်စွမ်းအင်မြှင့်တင်နိုင်တဲ့ နည်းတချို့ သိတယ်။ ”

အရှင် Marshal က စိတ်စွမ်းအင် မြှင့်တင်နည်းကို တကယ် သိတယ်! သူကိုယ်တိုင် သင်ပေးဦးမှာလား?

ကျောင်းအုပ်ကြီးက ချက်ချင်း မေးသည် : “ အရှင် Marshal, ကျွန်တော် အတန်းတက်လို့ရမလား? ”

အခြားဆရာများကလည်း ထိုစကားကို ကြားသောအခါ ပြောကြသည် : “ အရှင် Marshal, ကျွန်တော်လည်း အတန်းတက်ချင်တယ်! ”

ယန်ကျင်းဇီက ပြောသည် : “ သေချာပေါက် မင်းတို့ တက်နိုင်တယ် ဒါပေမယ့် ငါ တစ်ကြိမ်ကို လူတစ်ရာပဲ သင်ပေးနိုင်မယ်။ ”

“ နားလည်ပါပြီ ” ကျောင်းအုပ်ကြီးက ပြောပြီးနောက် သူ့ဘေးရှိ ဆရာကို လှမ်းကြည့်သည် : “ အရှင် Marshal က တစ်ကြိမ်ကို တစ်ခန်းပဲ သင်ပေးမယ်လို့ ကျောင်းသားတွေကို သွားပြောလိုက်ပါ။ ”

သူတို့ရဲ့ ဗဟိုစစ်တက္ကသိုလ်က အတန်းတစ်တန်းကို ကျောင်းသားဒါဇင်နည်းနည်းပဲ ရှိတဲ့ အတန်းသေးသေးလေးတွေနဲ့ လက်ရွေးစင် ပညာရေးကို ကျင့်သုံးတယ်!

ကျန်တဲ့ ထိုင်ခုံတွေကို ဆရာ၊ဆရာမတွေအတွက် သီးသန့်ထားလိုက်ရအောင်!

ထို့ကြောင့် ယန်ကျင်းဇီသည် သူ သင်ကြားပေးမည့် ခန်းမကျယ်ကြီးထဲသို့ လျှောက်ဝင်သွားသောအခါ အနည်းငယ် အသက်ပိုကြီးသည့် ကျောင်းသား ၇၀ ကျော်နှင့် သာမန်ကျောင်းသား ၂၀ ကျော်တို့ကို တွေ့လိုက်ရသည်။

ယန်ကျင်းဇီ : “ … ”

ယန်ကျင်းဇီ သိရှိသော စိတ်စွမ်းအင်မြှင့်တင်ခြင်း နည်းလမ်းဟာ မူလပိုင်ရှင်၏မိသားစု မျိုးဆက်ပေါင်းများစွာ ရှာဖွေထုတ်ဖော်ခဲ့သည့် အရာ ဖြစ်သည်။

သို့သော် မူလပိုင်ရှင်၏နည်းလမ်းတွင် အားနည်းချက်အချို့ ရှိနေသေးကာ ကံကောင်းစွာဖြင့် သူ့စိတ်စွမ်းအင်က အလွန်သန်မာသည်။ ဤနည်းလမ်းကို လေ့လာကာ အကျဉ်းချုပ်လိုက်ပြီးနောက် သူသည် ဤအားနည်းချက်ကို ဖယ်ရှားခဲ့ကာ ယခုအခါတွင် ၎င်းကို သင်ကြားခြင်းအတွက် အသုံးပြုနိုင်ပြီဖြစ်သည်။ 

ယန်ကျင်းဇီသည် ဤလူများကို စိတ်စွမ်းအင်လေ့ကျင့်နည်း သင်ကြားပေးပြီး ပြောလိုက်သည် : “ တကယ်တော့ မင်းရဲ့စိတ်စွမ်းအင်ကို မြှင့်တင်ချင်တယ်ဆိုရင် မင်း အဲ့ဒါကို များများအသုံးပြုပြီး တိုက်ခိုက်ရမှာဖြစ်တယ်။ မင်းတို့ ဒီနည်းလမ်းကို လက်တွေ့အသုံးချတဲ့အခါ ငါ ငါ့စိတ်စွမ်းအင်ကို သုံးပြီး မင်းတို့ကို ဖိနှိပ်ထားပေးရင် အကျိုးသက်ရောက်မှု ပိုကောင်းလိမ့်မယ်။ ”

ယန်ကျင်းဇီက အသေးစိတ် ရှင်းပြခဲ့ပြီး နောက်သင်ခန်းစာများတွင် သူက သူ့စိတ်စွမ်းအင်ကို အသုံးပြု၍ သူတို့ကို ဖိနှိပ်ထားမည်ဟု ပြောရာ သူတို့သည် ၎င်းကို တစိမ့်စိမ့် တွေးတောမိကြသည်။

“ အရှင် Marshal, ကျွန်တော်တို့တွေ လူအများကြီး ရှိတာ၊ အရှင် ကျွန်တော်တို့ကို လွှမ်းမိုးနိုင်ပါသလား? ” ကျောင်းသားတစ်ဦးက မေးသည်။

ယန်ကျင်းဇီတွင် စိတ်သဘောထားကောင်း ရှိပုံရသည်။ အွန်လိုင်းတွင် သူ၏ အီမိုဂျီများ နေရာအနှံ့ ရှိနေခြင်းကိုတောင်မှ သူက ဒေါသမထွက်သဖြင့် လူအများသည် သူ့ကို မကြောက်ရွံ့ကြပေ။

“ မင်း စမ်းကြည့်နိုင်တယ်။ ” ယန်ကျင်းဇီက သူ့ကို ပြုံးပြပြီး သူ့စိတ်စွမ်းအင်ကို ထုတ်လိုက်သည်။

မေးခွန်း မေးသော ကျောင်းသားနှင့် မပြင်ဆင်ရသေးသော အခြားကျောင်းသားများစွာသည် ချက်ချင်း လွှမ်းမိုးခံလိုက်ကြရသည်။ 

သူတို့တွင် တခြားတခုခု ပြောရန် အချိန်မရှိတော့ဘဲ သူတို့၏စိတ်စွမ်းအင်ကို စတင်လေ့ကျင့်ကြတော့သည်။

ယန်ကျင်းဇီကမူ...

ယန်ကျင်းဇီသည် ရှဇီရှိူ့၏အနားသို့ ရောက်သွားပြီး စိတ်စွမ်းအင်အနည်းငယ်ကို အသုံးပြု၍ ရှဇီရှိူ့၏စိတ်စွမ်းအင်နှင့် ဆက်သွယ်ကာ ရှဇီရှိူ့နှင့် အတန်းသွားတက်လေသည်။

သူတို့နှစ်ဦးသည် သူတို့၏ စိတ်စွမ်းအင်ယှက်နွယ်မှုမှလွဲ၍ တကယ်ပင် ဘာမှမလုပ်ကြသော်ငြား...

အကူဆရာက စစ်သည်တော်များကို စိတ်စွမ်းအင်လမ်းညွှန်‌မှု ပေးသောအခါ သူက စစ်သည်တော်များ၏ ခံစားချက် တစ်စိတ်တစ်ပိုင်းကို ခံစားနိုင်သည်။

စစ်သည်တော်များ အချင်းချင်း ရင်ဆိုင်တိုက်ပွဲဝင်ရာတွင်လည်း အလားတူပင်ဖြစ်သည်။

ဟိုးယခင်၌ကပင် အချင်းချင်း မနှစ်သက်ပုံရသည့် စစ်သည်တော်နှစ်ဦးသည် တိုက်ခိုက်ရန် ချိန်းဆိုခဲ့ကြသည်။ သူတို့နှစ်ဦးသည် သူတို့ တိုက်ခိုက်နေသော လူက သူတို့ကို သဘောကျကြောင်း အတူတကွ သိရှိသွားခဲ့ကြပြီး ထို့နောက် တိုက်ပွဲက ပေါ့ပါးသထက် ပိုပိုပေါ့ပါးလာကာ နောက်ဆုံးတွင် လိုင်စင်ရယူရန် တန်းတန်းမတ်မတ် ထွက်သွားခဲ့ကြတော့သည်...

ထို့ကြောင့် ယန်ကျင်းဇီကလည်း သူ့စိတ်စွမ်းအင်ကို အသုံးပြုလျက် လူပေါင်းတစ်ရာကျော်ကို ဖိနှိပ်ထားချိန်တွင် သူ့စိတ်ခံစားချက် အနည်းငယ်ကို ထုတ်ဖော်ပြသမိမည်ဖြစ်သည်။ 

ဗဟိုစစ်တက္ကသိုလ်၏ ကျောင်းသားများနှင့် ဆရာများ : “ ... ” အရှင် Marshal ရဲ့ စိတ်စွမ်းအင် ဖော်ပြတဲ့ ခံစားချက်က နည်းနည်း မထူးဆန်းဘူးလား?

သူတို့ ထင်ထားသလို မကြီးကျယ်တဲ့အပြင် ချိုမြိန်မှု အပြည့်တောင် ရှိနေတယ်။ ဒီလိုစိတ်စွမ်းအင်မျိုးဆီက ဖိနှိပ်ခံရတော့ သူတို့ အချစ်အကြောင်း တွေးနေမိပြီ!

ဒီနေ့ သူတို့ ဒီကို ရောက်နေတာ အတန်းတက်ဖို့ တကယ်ဟုတ်ရဲ့လား? ဘာလို့ သူတို့ကို ခွေးစာတွေ အတင်းစားခိုင်းနေတယ်လို့ သူတို့ ခံစားနေရတာလဲ?

မေ့လိုက်တော့၊ သူတို့ သူတို့ရဲ့စိတ်စွမ်းအင်ကို မြှင့်တင်ဖို့ပဲ သေချာလေ့လာပြီး ကြိုးစားလုပ်ဆောင်ရမယ်...

အတန်းပြီးမှသာလျှင် ယန်ကျင်းဇီက သူ၏ ချိုမြိန်သော စိတ်စွမ်းအင်ကို ရုပ်သိမ်းသွားသည်။ 

ဆရာများနှင့် ကျောင်းသားများသည် စိတ်သက်သာရာရစွာ သက်ပြင်းချလိုက်ကြပြီး ထို့နောက် သူတို့ တွေ့လိုက်ရသည်မှာ ယန်ကျင်းဇီက ရှဇီရှိူ့ပေါ်သို့ ချက်ချင်း ခေါင်းမှီချလိုက်သည်ကိုပင် : “ ဇီရှိူ့၊ ကိုယ် အတန်းမှာ အရမ်းပင်ပန်းတယ်... မင်း ကိုယ့်အတွက် ကိုယ့်စိတ်စွမ်းအင် ကူညီဖြေလျှော့ပေးရမယ်! ”

ကျောင်းသားများ : “ ??? ” အရှင် Marshal, အရှင့်ရဲ့စိတ်စွမ်းအင်က အရမ်းသန်မာပြီး အရမ်းချောမွေ့နေတယ်၊ အရှင် ဘာပင်ပန်းတာလဲ? အရှင်က စိတ်စွမ်းအင်သွယ်ပို့ခံရဖို့ လုံးဝ မလိုအပ်ဘူး!

သို့ရာတွင် သူတို့သည် ရှဇီရှိူ့ထံ၌ ယန်ကျင်းဇီ၏စိတ်စွမ်းအင်အတွက် စိတ်ပူပန်‌နေသော အကြည့်ကိုလည်း မြင်လိုက်ရသည်။

ကျောင်းသားများ : ဒီလူနှစ်ယောက်က အတန်းချိန်တစ်ချိန်လုံးလည်း သူတို့ကို ခွေးစာတွေ ကျွေးခဲ့ကြတယ်၊ အတန်းပြီးတော့လည်း ဒီလူတွေက သူတို့ပါးစပ်ထဲကို ခွေးစာ တစ်ပန်းကန် တိုက်ရိုက်ထိုးထည့်လိုက်ကြသေးတယ်!

လက်မခံနိုင်စရာပဲ!

ဒါပေမယ့်... သူတို့ နောက်ထပ်တစ်ခေါက် ပြန်လာဦးမယ်!

ဒီနည်းလမ်းက သူတို့ရဲ့ စိတ်စွမ်းအင်ကို အမှန်တကယ် မြှင့်တင်ပေးနိုင်တယ်!

သူတို့ရဲ့အင်အားကို မြှင့်တင်နိုင်သရွေ့ ခွေးစာစားရတဲ့ ပြဿနာက ဘာအရေးကြီးလဲ? ခွေးစာက တကယ်ပဲ အလွန်မွှေးတယ်။

ယင်းကား ယန်ကျင်းဇီနှင့် ရှဇီရှိူ့၏ လူများကို ခွေးစာကျွေးနည်း... မဟုတ်သေး၊ လူများကို စိတ်စွမ်းအင်လေ့ကျင့်နည်း သင်ပေးပုံ ဖြစ်သည်။

ယန်ကျင်းဇီ၏ အတန်းအကြောင်းကို ညည်းညူသူများ အများအပြား ရှိသော်လည်း အတန်းသို့ လာသူများမှာ များစွာရှိနေဆဲဖြစ်ပြီး ရှဇီရှိူ့၏အတန်းကို လာရောက်နားထောင်သူများပင် ရှိသည်...

ယန်ကျင်းဇီသည် သူတို့ကို မတားမြစ်ခဲ့ပေ။ သူတို့ ရှဇီရှိူ့ရဲ့ စာလေ့လာမှုကို မနှောင့်ယှက်သရွေ့ သူတို့ နားထောင်နိုင်တယ်!

အချိန်အတော်ကြာပြီးနောက် ဗဟိုစစ်တက္ကသိုလ်၏ ဖိုရမ်တွင် သူတို့နှစ်ဦးအကြောင်း ဆွေးနွေးမှုများ ပိုများလာခဲ့သည်။

“အရှင် Marshal နဲ့ ရှဇီရှိူ့တို့ရဲ့ ဆက်ဆံရေးက တကယ်ကောင်းတယ်။”

“ရှဇီရှိူ့ရဲ့ စွမ်းအင်အဆင့်က A+ ရောက်နေပြီလို့ ငါ ကြားခဲ့တယ်။ ပြီးတော့ သူက အနာဂတ်မှာ တဖြည်းဖြည်းနဲ့ အဆင့် S ကို ရောက်နိုင်ပြီး ဒီထက်တောင် ပိုမြင့်နိုင်သေးတယ်တဲ့။”

“ရှဇီရှိူ့က တကယ် ကောင်းချီးရထားတာပဲ။ အရှင် Marshal က သူ့ကို အထူးတလည် ကောင်းကောင်းဆက်ဆံတယ်။”

“ငါ ရှဇီရှိူ့ကို တကယ် အားကျမိတယ်!”

…

ထို့နောက် သူတို့ စကားပြောနေစဉ် တစုံတဦးက အမည်ဝှက်ဖြင့် ‌ရုတ်တရက် ပြောလာသည် : “ရှဇီရှိူ့က အရမ်းပျော်နေလား? ငါတော့ မတွေ့ဘူး။ ရှဇီရှိူ့က လွတ်လပ်မှုကို နှစ်သက်တဲ့ လူတစ်ယောက် ဖြစ်ပေမယ့် အရှင် Marshal နဲ့ ဆက်ဆံရေးကို စထူထောင်ကတည်းက သူတို့နှစ်ယောက်က မခွဲခွာကြဘူး။ သူက အတန်းကိုတောင် ပုံမှန်အတိုင်း မသွားနိုင်ဘူး။ သူ တကယ် ပျော်ရွှင်ရဲ့လား? ပြီးတော့ ရှဇီရှိူ့က “Warrior's House” ( “စစ်သည်တော်၏ အိမ်ဂေဟာ” ) ကို သွားပြီး စိတ်စွမ်းအင်အထိန်းကွပ်မဲ့တာကို ခံစားနေရတဲ့ စစ်သားတွေကို ကူညီတဲ့ အချိန်ပိုင်းအလုပ်တွေကို လုပ်လေ့ရှိခဲ့တယ်။ မင်းတို့အားလုံး ဒီအကြောင်း သိပြီးလောက်ပြီ။ ဒါပေမယ့် အရှင် Marshal နဲ့ အတူရှိကတည်းက သူက အဲ့ဒီကို ဘယ်တော့မှ ထပ်မသွားတော့ဘူး... သူ့ကို အရမ်းကို တင်းတင်းကြပ်ကြပ်နဲ့ မောင်ပိုင်စီးထားတဲ့ပုံအရ အရှင် Marshal က သူ့ကို ဒီအလုပ်လုပ်ခွင့် ပေးဖို့ သေချာပေါက် မလိုလားဘူး။ အနာဂတ်မှာ သူ အရှင် Marshal ဆီမှာ ပိတ်မိနေမှာကိုတောင် ငါ စိုးရိမ်မိတယ်။”

ဤလူ၏မှတ်ချက်ကို ဖတ်ပြီးနောက် လူအများအပြားသည် သူတို့နှလုံး “ဒုတ်ခနဲ” ခုန်သွားသည်ကို ခံစားလိုက်ကြရသည်။

ဤလူ မှန်သည်။ ယန်ကျင်းဇီနှင့် ရှဇီရှိူ့တို့ဟာ တစ်ဦးနှင့်တစ်ဦး ခွဲလို့မရချေ။

ယန်ကျင်းဇီက ရှဇီရှိူ့ကို အရမ်းကြိုက်တာ မြင်တွေ့နိုင်ပေမယ့် ဒါက ရှဇီရှိူ့အတွက် တကယ်ပဲ ကောင်းရဲ့လား? ရှဇီရှိူ့ တကယ် ပျော်ရဲ့လား? 

ထို့အပြင် ယန်ကျင်းဇီက ရှဇီရှိူ့ကို သဘောကျပြီး ရှဇီရှိူ့နှင့် နှောင်ကြိုးဖွဲ့ထားလျှင်တောင်မှ သူက ရှဇီရှိူ့ရဲ့ အရင်ကိစ္စတွေကို တကယ် ဂရုမစိုက်ဘူးလား?

ရှဇီရှိူ့က လူတွေအများကြီးကို စိတ်စွမ်းအင်သွယ်ပို့ပေးတာ လုပ်ပေးခဲ့တယ်!

သို့သော်ငြား လူတိုင်း ဤသို့တွေးနေကြစဉ် လူတစ်ဦးက သတင်းတစ်ပုဒ်ကို ပေးပို့လာသည်။

ဤသတင်းကို ယခုလေးတင် တင်ထားခဲ့ပြီး ခေါင်းစီးမှာ ဤသို့ဖြစ်သည် – “သတင်းထူး! အရှင် Marshal က Warrior's House ကို ဆင်းသက်လာတယ်!”

လူတိုင်း နှိပ်ကာ ဝင်ကြည့်ကြသည်။ ဤအခါမှသာ သူတို့ သိလိုက်ရသည်၊ အရှင် Marshal နှင့် ရှဇီရှိူ့တို့က ယနေ့တွင် Warrior's House သို့ အတူသွားခဲ့ကြပြီး ထိုနေရာရှိ စစ်သည်တော်များကို အခမဲ့ စိတ်စွမ်းအင်ကူညီဖြေရှင်းပေးခဲ့ကြသည်။ 

// အရှင် Marshal က ရှဇီရှိူ့ရဲ့ လွတ်လပ်မှုကို ကန့်သတ်တယ် // က ဘာလဲ၊ // အရှင် Marshal က ရှဇီရှိူ့ကို အရမ်းပိုင်စိုးပိုင်နင်းဆန်တယ် // ကရော ဘာလဲ... ဒီနှစ်ယောက်က ခံစားချက်ကောင်းတွေ ရှိပြီး မခွဲခွာချင်ကြရုံပဲ။ ဒါအကုန်ပဲမလား?

တစ်ချိန်တည်းမှာပင် Warrior's House ၌။

Warrior's House တွင် စစ်သည်တော်များကို ဝန်ဆောင်မှုပေးပြီး အကူဆရာအချို့က စစ်သည်တော်များကို ကူညီ၍ စိတ်စွမ်းအင်သွယ်ပို့ပေးရန် ဤနေရာသို့ လာကြမည်ဖြစ်သည်။

သို့သော် ဤသို့လုပ်ဆောင်သော အကူဆရာများသည် ယေဘူယျအားဖြင့် အဆင့်မမြင့်ကြရာ စစ်သည်တော်များအတွက် စေ့စေ့စပ်စပ် ကုသမှုခံယူရန် ခက်ခဲနေသည်။

ရှဇီရှိူ့သည် ကြိုတင်ချိန်းဆိုပြီးမှသာ ငွေတောင်းခြင်းဖြင့် ဤနေရာတွင် အချိန်ပိုင်းအလုပ် လုပ်ရန် ယခင်က လာခဲ့ဖူးသည်။ သို့ရာတွင် ယနေ့မူ သူသည် ဤနေရာသို့ ယန်ကျင်းဇီနှင့် ရုတ်တရက် ရောက်လာခဲ့သည်။

Warrior's House တာဝန်ခံသည် သူတို့ကို မြင်ပြီး အလွန်အံ့သြသွားသည်။

ရှဇီရှိူ့ မလာတော့ဘူးဟု သူ ထင်ခဲ့သည်။

သူ့ကို ပို၍ပင် အံ့အားသင့်စေသည်မှာ ရှဇီရှိူ့က ဤနေရာရှိ စစ်သည်တော်များကို အခမဲ့ စိတ်စွမ်းအင်လမ်းညွှန်မှု ထောက်ပံ့ပေးရန် သူ၏ဆန္ဒကို အမှ

န်တကယ် ဖော်ပြခဲ့ခြင်း ဖြစ်သည်။

“ တကယ်လား? ” တာဝန်ခံက အံ့အားသင့်ကာ ဝမ်းသာသွားပြီး ယန်ကျင်းဇီကို လှမ်းကြည့်သည်။

“ တကယ်ပါ ” ရှဇီရှိူ့က ပြုံးလျက် ဆိုသည် : “ အရှင် Marshal လည်း အတူရှိနေမယ်၊ အဆင်ပြေမလား? ”

“ ဒါပေါ့၊ ကိစ္စမရှိပါဘူး! ” တာဝန်ခံက ပြောသည်။

ယနေ့ Warrior's House တွင် စိတ်စွမ်းအင်အထိန်းကွပ်မဲ့ခြင်းကို ခံစားနေရသော စစ်သည်တော်တစ်ဦး ရှိနေသည်။ ၎င်းမှာ သက်ကြီးရွယ်အို အဆင့် E စစ်သည်တော်တစ်ဦး ဖြစ်သည်။

သူသည် ကြယ်မြို့တော်တွင် ရဲသားတစ်ဦးအဖြစ် အလုပ်လုပ်နေပြီး သာမန်လူတစ်ဦးနှင့် လက်ထပ်ခဲ့ကာ သာမန်ကလေးတစ်ဦး ရှိသည်။

သိပ်မကြာခင်က သူ့ဇနီး ဆုံးပါးသွားပြီးနောက် သူ့စိတ်စွမ်းအင်က မတည်မငြိမ်ဖြစ်လာသည်။ မကြာသေးမီကစပြီး ၎င်းမှာ နာကျင်လာရုံသာမက သူသည်လည်း စတင်သတိလျော့လာ၏။ သူ့ကလေးက သူ့ကို Warrior's House သို့ ခေါ်လာကာ အကူအညီတောင်းခဲ့သည်။

ယေဘူယျအားဖြင့် Warrior's House သည် ဤအခြေအနေတွင် များစွာမကူညီနိုင်သော်ငြား ယနေ့တွင်မူ ကွဲပြားသည်။ စစ်သည်တော်ကို ရှဇီရှိူ့ထံသို့ ခေါ်လာခဲ့သည်။

ရှဇီရှိူ့၏ စိတ်စွမ်းအင်အဆင့်သည် A+ ဖြစ်ပြီး သူသည် ဤစစ်သည်တော်၏စိတ်စွမ်းအင်ကို လျင်မြန်စွာ ကူညီဖြေရှင်းပေးလိုက်သည်။ စစ်သည်တော်အိုသည် နိုးလာပြီး ငိုကြွေးကာ နောက်ဆုံးတွင် သူ့ကလေးအတွက် ဘဝကို ကောင်းကောင်းမွန်မွန် နေထိုင်သွားရန် ဆုံးဖြတ်လိုက်တော့သည်။

ဤစစ်သည်တော်ပြီးနောက် တခြားတစ်ယောက် ရောက်လာသည်...

ရှဇီရှိူ့က စိတ်အားထက်သန်စွာဖြင့် ဤလူများကို စိတ်စွမ်းအင်လမ်းညွှန်မှု လုပ်ပေးနေစဉ် ယန်ကျင်းဇီက ဘေးမှ စောင့်ကြည့်ပေးပြီး ရှဇီရှိူ့ ပင်ပန်းနေချိန်တွင် ရှဇီရှိူ့၏စိတ်စွမ်းအင်ကို ငြိမ်သက်စေသည်။

၎င်းက အလွန်အသုံးဝင်သည်။

ရှဇီရှိူ့၏စိတ်စွမ်းအင် မည်မျှပင်ပန်းနေပါစေ၊ သူက ယန်ကျင်းဇီ၏ စိတ်စွမ်းအင်ပင်လယ်ထဲတွင် လူးလွန့်ပြီး ယန်ကျင်းဇီနှင့် ရောထွေးလိုက်လျှင် ပြန်လည်တက်ကြွသွားမည်ဖြစ်သည်...

ယန်ကျင်းဇီသည်လည်း ရှဇီရှိူ့၏စိတ်စွမ်းအင်က စိတ်စွမ်းအင် ထပ်တလဲလဲ အသုံးပြုခြင်း ဖြစ်စဉ်အတွင်း ပိုမိုသန်မာလာသည်ကို တွေ့ရှိခဲ့သည်။

ဒီလိုအကျိုးကျေးဇူးတွေ ရှိတာလား? ကြည့်ရတာ အနာဂတ်မှာ ရှဇီရှိူ့က စိတ်စွမ်းအင်သွယ်ပို့တာ များများလုပ်သင့်တဲ့ပုံပဲ!

ယန်ကျင်းဇီသည် ရှဇီရှိူ့နှင့် ဆွေးနွေးပြီး အနာဂတ်၌ တရက်ခြားတစ်ခါ လာ၍ တစ်ကြိမ်လျှင် အနည်းဆုံး စစ်သည်တော် အယောက်နှစ်ဆယ်ကို စိတ်စွမ်းအင်သက်သာအောင် လုပ်ပေးရန် နောက်ဆုံးတွင် ဆုံးဖြတ်လိုက်ကြသည်။

မည်သူ့ကို လုပ်ပေးရမည်ကိုမူ... ယန်ကျင်းဇီသည် လူလွှတ်ကာ စစ်ဆေးခိုင်းမည်ဖြစ်သည်။

ရှဇီရှိူ့သည် လူများကို ကူညီရန် မျှော်လင့်ချက်ဖြင့် ဤသို့လုပ်ဆောင်ခဲ့သော်လည်း ယန်ကျင်းဇီ မမျှော်လင့်ထားသည်မှာ ဤအခွင့်‌အရေးဟာ သူ့ကို မြှောက်ပင့်ချင်ကြသော လူတစ်စု၏ လုယူခြင်းကို ခံရလိမ့်မည်ကိုပင်။

ယန်ကျင်းဇီနှင့် ရှဇီရှိူ့တို့သည် ဤသို့လုပ်ဆောင်ရန် ဆုံးဖြတ်ခဲ့စဉ်က သိပ်မတွေးခဲ့ကြသော်ငြား သတင်းထွက်လာသောအခါ... Star Network တွင် ယန်ကျင်းဇီကို သဘောကျသူများ ပိုများလာသည်။

ထိုမျှတင်မက အကူဆရာများစွာသည် ရှဇီရှိူ့ထံမှ စတင်သင်ယူပြီး Warrior's Home သို့ သွားကာ ကူညီကြသည်။

ယခင်အတိတ်၌မူ အကူဆရာများသည် ၎င်းက သူတို့၏တန်ဖိုးကို လျော့ကျစေမည်ဟု ထင်ခဲ့ကြသဖြင့် မလုပ်ခဲ့ကြသော်ငြား ယခုမူ Mrs. Marshal က ထိုသို့လုပ်ဆောင်ရာ... ဒါပေါ့၊ သူတို့ Mrs. Marshal အတိုင်း လိုက်လုပ်ရမယ်!

အကူဆရာများ ဤသို့လုပ်ဆောင်ကြခြင်းကို စစ်သည်တော်များပင်လျှင် စိတ်မဆိုးကြပေ — အရှင် Marshal ရဲ့ အကူဆရာလည်း လုပ်နေတာပဲလေ!

ဤအရာအားလုံး ပြီးနောက် ယန်ကျင်းဇီသည် အကူဆရာများက စိတ်စွမ်းအင် ကူညီသွယ်ပို့ပေးသော လူဦးရေ များလာလေ၊ အကူဆရာများ ပိုမိုသန်မာလာလေဟု ပြောခြင်းဖြင့် သံကို ပူနေစဉ် ထုနှက်ခဲ့သောကြောင့် အခြားသော အကူဆရာများစွာလည်း စတင်ပါဝင်လာကြသည်။

ယန်ကျင်းဇီနှင့် ရှဇီရှိူ့တို့၏ ဘဝက အတော့်ကို ပြည့်စုံသော်လည်း ရှချီချီ၏ဘဝကတော့ သိပ်မကောင်းပေ။

ဖုဖေးသည် Cossack နှင့် Zerg တို့၏ ပူးပေါင်းဆောင်ရွက်မှုတွင် မပါဝင်ခဲ့သဖြင့် မကြာမီ လွတ်မြောက်လာခဲ့သော်လည်း သူ့တွင် ဤသို့သော ဖခင် ရှိရာ သူက အနာဂတ်တွင် စစ်တပ်ထဲသို့ မဝင်နိုင်တော့သည်မှာ သေချာသည်။ သူသည် ဗဟိုစစ်တက္ကသိုလ်တွင်ပင် စာဆက်မသင်နိုင်တော့ချေ။

ဖုဖေးသည် အလွန်အားကိုးရာမဲ့နေသော်ငြား ထိုအချိန်တွင် သူ့၌ မျှော်လင့်ချက် ရှိနေဆဲဖြစ်သည် — သူက မည်မျှသနားစရာကောင်းပါစေ ကိစ္စမရှိဘဲ အနည်းဆုံးတော့ ရှချီချီ ရှိနေဦးမည်ဟု သူ ခံစားရသည်။

သူ မိဘမဲ့တစ်ဦး ဖြစ်နေစဉ်ကပင် ရှချီချီက သူနှင့် အတူရှိရန် ဆန္ဒရှိခဲ့ပြီး နောက်ပိုင်းတွင် သူ(မ)က သူ့ကို ဘယ်တော့မှ မထားခဲ့ပေ... သူ တကယ်ကို ခံစားသွားခဲ့ရသည်။

သူ ရှဇီရှိူ့ကို မေ့ပြီး ရှချီချီနဲ့ ကောင်းကောင်းနေဖို့ ဆုံးဖြတ်လိုက်ပြီ!

သို့သော် ရှချီချီက ဖုဖေးကို မကြိုက်တော့ပေ။

Marshal ရောင်ဝါ မရှိသော ဖုဖေးက တကယ့်ကို သာမန်ဖြစ်သည်။ ပိုမိုအရေးကြီးသည်မှာ ဗဟိုစစ်တက္ကသိုလ်၌ ရှချီချီသည် ယန်ကျင်းဇီ၏ ရှဇီရှိူ့ကို ဆက်ဆံပုံအား တွေ့မြင်ခဲ့ရသည်။

သူ(မ) ဖုဖေးနဲ့ အတူဆက်ရှိနေဖို့ ဘယ်လိုလုပ် ဆန္ဒရှိနိုင်တော့ပါ့မလဲ?

ရှချီချီသည် ဖုဖေးနှင့် လမ်းခွဲချင်ခဲ့သည်။

သို့ရာတွင် ဖုဖေးက လမ်းမခွဲချင်ချေ။ သူသည် ရှချီချီ လမ်းခွဲချင်သည်မှာ ရှမိသားစု၏ ကန့်ကွက်နှောင့်ယှက်မှုကြောင့်ဟု ထင်သည်။ သူသည် ရှချီချီနှင့် အတူဆက်ရှိရန် ခိုင်ခိုင်မာမာ ပြောဆိုခဲ့ပြီး ရှချီချီနှင့် ခိုးပြေးချင်ခဲ့၏။

ဤသို့ဖြင့် နှစ်ယောက်သား စတင်စကားများကြတော့သည်။ ဤကာလအတောအတွင်း ရှချီချီက အကြောင်းအရာတစ်ခုကိုလည်း ထုတ်ဖော်ခဲ့သည် — သူ(မ) ဖုဖေးနဲ့ အတူရှိခဲ့တယ်ဆိုတာက ဖုဖေးက Cossack ရဲ့ သား ဖြစ်တာကို သူ(မ) သိနေခဲ့လို့ပဲ!

ဖုဖေး၏ မျက်နှာသည် သိသိသာသာ ပြောင်းလဲသွားသည်။

သူသည် သူ၏ ရှဇီရှိူ့ကို ပိုးပန်းမှု ကျရှုံးချိန်တွင် အလွန်ဆိုးရွားသော ကိစ္စများစွာကို လုပ်နိုင်သည့် မိမိကိုယ်ကို မိမိ အလွန်ပြင်းပြင်းထန်ထန် တန်ဖိုးထားသော လူတစ်ဦး ဖြစ်ပြီး ယခု သူက ရှချီချီ၏လှည့်စားခြင်းကို ခံရသောအခါ... သူ သေချာပေါက် မလွှတ်ပေးပေ။ 

သူ့ကို နက်နက်ရှိုင်းရှိုင်း ချစ်ခင်တယ်လို့ သူ တွေးခဲ့တဲ့ ရှချီချီက တကယ်တော့ သူ့ကို လုံးဝ မချစ်ဘူး ဆိုတာကို သူ လက်မခံနိုင်သေးဘူး!

ဖုဖေးသည် ရှချီချီကို စတင်နှောင့်ယှက်တော့သည်။

သူတို့နှစ်ဦးသည် မူလကတည်းက တွဲနေခဲ့ကြသည်။ အတိတ်တွင် ရှချီချီက ဖုဖေးကို ချစ်ပြခဲ့သေးသော်လည်း ယခုမူ ဖုဖေးက ရှချီချီကို လိုက်လံပတ်သက်နေသည်... ရိုးရိုးသားသား ‌ဆိုရလျှင် အခြားသူများသည် ၎င်းကို ထူးဆန်းသည်ဟု မထင်ကြချေ။

သို့သော်ငြား... ဖုဖေးကဲ့သို့ အဆင့် S စစ်သည်တော်များဟာ ရှချီချီနှင့် ဖုဖေးတို့ ရှုပ်ထွေးပတ်သက်နေဆဲအချိန်တွင် သေချာပေါက် သူ(မ)နှင့် ဆက်ဆံရေး မပျိုးထောင်ချင်ကြတော့ခြင်းသာ ဖြစ်လာခဲ့သည်။

ရှချီချီလို လူမျိုးနဲ့ နှောင်ကြိုးသွယ်မယ့်အစား သူတို့ကိုပဲ သစ္စာရှိချစ်ခင်တဲ့ အဆင့် A အကူဆရာတစ်ယောက်ကိုပဲ သူတို့ ရှာလိုက်မယ်!

ဖုဖေးလောက် မတော်သော လူများကမူ... သူတို့ ရှချီချီကို လက်ထပ်ချင်ရင်တောင် ဖုဖေးရဲ့ နှောင့်ယှက်မှုကို သူတို့ မခံနိုင်ကြဘူး!

ရှချီချီနှင့် ဖုဖေးတို့သည် ဤနည်းအားဖြင့် ရှေ့မတိုးနောက်မဆုတ်သာ ဖြစ်နေကြပြီး သူတို့နှစ်ဦး အသက်ကြီးလာသည့်အထိ ရှချီချီသည် နှောင်ကြိုးဖွဲ့ရန် သင့်လျော်သော စစ်သည်တော်တစ်ဦးကို မတွေ့ခဲ့ရဘဲ ဖုဖေးသည်လည်း နှောင်ကြိုးဖွဲ့ရန် သင့်လျော်သော အကူဆရာကို မတွေ့ခဲ့ပေ။

သူတို့နှစ်ဦး၏ အတွင်းစိတ်ခံစားချက်များအတွက်မူ... ရှချီချီတွင် ဖုဖေးအတွက် အချစ်မရှိတော့သည်မှာ အချိန်အတော်ကြာပြီဖြစ်ပြီး ဖုဖေးက ရှချီချီကို မယုံကြည်သဖြင့် သူတို့ လုံးဝ နှောင်ကြိုးမဖွဲ့နိုင်ကြချေ။

အမှန်ပင်၊ ဤအရာများအားလုံးဟာ အနာဂတ်တွင် ဖြစ်လာမည့် အရာများ ဖြစ်သည်။

ယန်ကျင်းဇီကမူ...

ယန်ကျင်းဇီနှင့် ရှဇီရှိူ့တို့၏ မင်္ဂလာပွဲကို Zerg အရေးကိစ္စကြောင့် ရွှေ့ဆိုင်းခဲ့ရသော်ငြား နောက်ပိုင်းတွင် Zerg တို့၌ ကြယ်တာရာမဟာမိတ်ကို တိုက်ခိုက်မည့် ရည်ရွယ်ချက် မရှိသည့်အပြင် ၎င်းတို့က အနည်းငယ်လည်း အဝေးသို့ ထွက်ပြေးသွားကြကြောင်း တွေ့ရှိခဲ့သဖြင့် သူတို့၏မင်္ဂလာပွဲအတွက် ပြင်ဆင်မှုများဟာ စတင်ခဲ့‌သည်။

အနန္တစွမ်းအားရှင် အိမ်တော်ထိန်း Allen က ကြီးကျယ်ခမ်းနားသော မင်္ဂလာပွဲကို ပြင်ဆင်ခဲ့၏။ ရှဇီရှိူ့ တွေးနိုင်တဲ့ လှပတဲ့ပစ္စည်းမျိုးစုံနဲ့ မမျှော်လင့်ထားတဲ့ အရာတွေအကုန်လုံး မင်္ဂလာပွဲမှာ ရရှိနိုင်ခဲ့တယ်!

ထိုမျှတင်မကဘဲ ယန်ကျင်းဇီသည် Star Network တွင် စာအိတ်နီများ ဘီလီယံပေါင်းများစွာကို ပေးခဲ့သည်။

မင်္ဂလာပွဲတစ်ခုလုံးကို ကျင်းပပြီးပြီ... ၎င်းက သူတို့ကို credit ၁၀ ဘီလီယံကျော်ခန့် ကုန်ကျစေခဲ့လောက်၏။

ညနေခင်း၌ သူတို့သည် ဘီလီယံပေါင်းများစွာသော credit ‌အပေးအယူများ နောက်ထပ်အများအပြားကို သူတို့နှစ်ဦးချင်းကြားတွင် ပြုလုပ်ခဲ့ကြသည်။

အရာအားလုံး ပြီးပြည့်စုံခဲ့သည်။

သူတို့၏မင်္ဂလာပွဲကို လူတိုင်းနီးပါး ကောင်းချီးပေးခဲ့ကြပြီး ပို၍ပင် အံ့ဩစရာကောင်းသည်မှာ မင်္ဂလာပွဲပြီးနောက် အရှင် Marshal ယန်ကျင်းဇီက ဂြိုဟ်အစွန်အဖျားများတွင် ဖွံ့ဖြိုးတိုးတက်ရေး သွားရောက်လုပ်‌ဆောင်ရန်အတွက် ကြယ်မြို့တော်ရှိ အချမ်းသာဆုံးလူ၏ ချမ်းသာကြွယ်ဝမှုထက် များစွာပိုသည့် ငွေများကို လှူဒါန်းခဲ့ခြင်း ဖြစ်သည်။

ထို့နောက်တွင်လည်း သူတို့သည် ထိုသို့သော အပြုအမူများကို မရပ်တန့်ခဲ့ပေ။

သူတို့တစ်သက်တာတွင် သူတို့သည် ဂြိုဟ်များစွာကို ခရီးထွက်ပြီး မရေမတွက်နိုင်သော လူများစွာကို ကူညီခဲ့သည်။ သူတို့၏ရုပ်ထုများကို အလွန်များသော နေရာများစွာတွင် စိုက်ထူထားခဲ့ကြပြီး လူအများက ထပ်ခါတလဲလဲ ချီးကျူးခဲ့ကြသည်။

အမှန်ပင်၊ ယန်ကျင်းဇီက တစ်သက်လုံး ဟန်းနီးမွန်း ထွက်ချ

င်‌သောကြောင့် သူတို့နှစ်ဦး ဤသို့ဖြစ်ခဲ့ကြကြောင်းကိုတော့ သူတို့ကို ချီးကျူးကြသူများဟာ မသိခဲ့ကြရှာချေ။