အပိုင်း ၅

ပညာရှင်ရောဂါသည်လေး ကျွန်မယောက်ျား

အပိုင်း ၅; သံသယဖြစ်ဖွယ်ရာ ဇနီးဟောင်း

ပိုင်ချွမ်းက ဖွားဖွားပိုင်ရဲ့ အုတ်ဂူရှေ့တွင်အကြာကြီးရပ်နေပြီး မုရှောင်ယက သူ့နားမှာတိတ်တိတ်လေး အဖော်ပြုပေးနေခဲ့သည်။ 

သေခြင်းတရားကို တစ်ကြိမ်ကြုံပြီးနောက်မှာ မုရှောင်ယက ပိုစိတ်ရှည်လာပြီး တည်ငြိမ်လာသည်။ သူမမှာအသက်ရှင်ဖို့ လေးနှစ်ပဲကျန်တော့တာမို့ သူမနိုင်ငံခြားမှာ ကျောင်းမတက်တော့ဘူး။ စာကျက်ဖို့အချိန်အများကြီးမပေးဘူး၊ အလုပ်ရှာဖို့စိတ်ရှုပ်ခံမှာမဟုတ်ဘူး၊ သူမအိမ်မက်ကိုတောင်မှ ဖြည့်ဆည်းဖို့အများကြီး ကြိုးစားအားထုတ်မှာ မဟုတ်ဘူး။ သူတို့အားလုံးက အရေးမပါပုံရပေမယ့် ဘဝကနှေးကွေးသွားတာကို ရုတ်တရက်တွေ့လိုက်ရပြီး အချိန်အကန့်အသတ်ပိုရှည်လာလိမ့်မည်။

လက်ရှိ မုရှောင်ယတွင် ဤခံစားချက်မျိုးရှိသည်။ သူမက နွေးထွေးတဲ့ သာမန်နည်းလမ်းဖြင့် သူမ၏လေးနှစ်တာကို ကျော်ဖြတ်နိုင်လိမ့်မယ်လို့မျှော်လင့်ထားသည်။

'ဂွီ ~'

မနက်စာကို ရိုးရိုးရှင်းရှင်းသာစားပြီး သင်္ချိုင်းမြေကို အလျင်အမြန်လာခဲ့တာကြောင့် သူမအစာအိမ်က ပိုင်ရှင်၏လစ်လျှူရှုမှုကို မခံနိုင်သဖြင့် နောက်ဆုံးတွင် မကျေမနပ် အော်သံပြုလာသည်။

မုရှောင်ယက သူမဘေးမှာရပ်နေတဲ့ ပိုင်ချွမ်းကိုတိတ်တဆိတ်ကြည့်လိုက်ရာ ကံကောင်းထောက်မစွာနဲ့ သူကအုတ်ဂူရှေ့တွင် ရပ်နေဆဲဖြစ်တာကြောင့် ဘာမှမကြားလိုက်ပုံရသည်။ သူမအစာအိမ်၏ နာကြည်းမှုကို ခံစားရင်းသူမလက်ကို ဆန့်ကာဖုံးလိုက်သည်။ သူမလက်ကို ရွှေ့လိုက်သောအခါ စိမ်းမြစိမ်းကျောက်စိမ်းလက်ကောက်က အင်္ကျီမှကြယ်သီးနဲ့ တိုက်မိသွားပြီးကြည်လင်ပြတ်သားတဲ့ အသံတစ်ခုထွက်လာသည်။

အသံကတကယ်ကို ပေါ့ပါးတယ်၊ ဒါကိုဘယ်သူမှသတိမထားမိနိုင်ဘူး၊ ဒါပေမယ့် အစောကထိ ဘာတုံ့ပြန်မှုမှမပေးတတ်တဲ့ ပိုင်ချွမ်းက ရုတ်တရက် လှည့်ကြည့်လာသည်။ အော်တစ်ဇင် ခံစားနေရတဲ့ လူနာကတစ်ခါတစ်ရံ သေးငယ်တဲ့ကိစ္စများ အထူးသဖြင့် အသံများအပေါ် စိတ်ထက်သန်စွာ တုံ့ပြန်လိမ့်မည်။

သူက သူမအစာအိမ်ကို ပွတ်တိုက်နေတဲ့ မုရှောင်ယကို မသေချာမရေရာစွာ ကြည့်လိုက်သည်။

"ကျွန်မ နည်းနည်း ဗိုက်ဆာတယ် " မုရှောင်ယက နေရခက်စွာ ရယ်မောလိုက်သည်။

"ငါတို့တစ်ခုခုသွားစားသင့်တယ်" မင်းဗိုက်ဆာလျှင်စားသင့်သည်။

အော်တစ်ဇင်တွေရဲ့ ဦးနှောက်က အများအားဖြင့် ပုံသေသာ စဉ်းစားလေ့ရှိသည်။ သူတို့က သာမန်လူတစ်ယောက်၏ စိုးရိမ်ပူပန်မှုများနှင့် လွဲမှားမှုများမရှိပေ။ သူတို့တစ်ခုခုလုပ်ချင်လျှင် သူတို့ကပြတ်ပြတ်သားသားနှင့် လျင်မြန်စွာလုပ်လိမ့်မည်။ ဟုတ်ပါတယ်၊ သူတို့ကသူတို့ကိုယ်သူတို့ ထုတ်ဖော်ပြောဆိုဖို့ ကောင်းမွန်တဲ့စွမ်းရည်တွေပိုင်ဆိုင်ထားကြတာ ဖြစ်သည်။

ပိုင်ချွမ်းက သူ့ကိုယ်သူထုတ်ဖော်ပြောဆိုနိုင်မှု အလွန်အမင်းကောင်းမွန်ခဲ့သည်။ သူ့ဆရာဝန်ပါမောက္ခဖန် အစီရင်ခံစာအရ နောက်ဆုံးနှစ်အနည်းငယ်အတွင်းမှာ ပိုင်ချွမ်းရောဂါကို အသေးစိတ် မှတ်တမ်း တင်ထားပြီး သူ့တိုးတက်လာမှုတွေပါ ပါသည်။ သူက ပိုင်ချွမ်း မိဘတွေကိုတောင် အသက်တစ်နှစ် မပြည့်ချိန်တုန်းက ပိုင်ချွမ်းမှာ ထိခိုက်ဒဏ်ရာ ရမရ မေးမြန်းခဲ့သေးသည်။ 'ဘာကြောင့်လဲဆိုတော့ ပိုင်ချွမ်းရဲ့ပြန်လည်နာလန်ထူမှုက အရမ်းကောင်းတယ် ဒါကြောင့် အရင်ကတည်းက လူမှုပေါင်းသင်းဆက်ဆံရေး စွမ်းရည်တွေပိုင်ဆိုင်ထားသလိုပဲ။'

' ရှောင်ယက အရမ်းဗိုက်ဆာနေတယ်၊ သူမတစ်ခုခုစားချင်တယ်။ ' ဒီစိတ်ကူးက ပိုင်ချွမ်းကိုဒီနေရာကနေ ထွက်သွားဖို့လှုံ့ဆော်ပေးခဲ့ပေမယ့် သူကခြေလှမ်းအနည်းငယ်လှမ်းပြီးနောက် မုရှောင်ယက သူ့နောက်ကိုလိုက်မနေတာကို တွေ့လိုက်တာကြောင့် သူကပဟေဠိဖြစ်စွာနဲ့ သူ့ခြေလှမ်းကို ရပ်တန့်လိုက်သည်။

"အဖွား၊ သမီးတို့အခုသွားပါတော့မယ်" ဤသို့ပြောပြီးနောက် မုရှောင်ယက လျင်မြန်စွာပြေးသွားပြီး ပိုင်ချွမ်းလက်ကို ပုံမှန်လိုဘဲ ဆုပ်ကိုင်လိုက်ခဲ့သည်။

ပိုင်ချွမ်းက အံ့သြသွားသည်။ ယခုအကြိမ်က တတိယအကြိမ်ဖြစ်ပြီး သူ့နှလုံးသားထဲမှာ နားလည်မှု တစ်ခု ပေါ်ထွက်လာသည်။ မုရှောင်ယက သူတို့လက်နှစ်ဖက်ကို အတူဆုပ်ကိုင်ထားတာကို ကြိုက်သည်။

ဒီနားလည်မှုအသစ်က သူ့ကိုနည်းနည်း ပိုပျော်ရွှင်လာစေခဲ့သည်။

လူနှစ်ဦးက လှေခါးထစ်များအတိုင်း တောင်ခြေဆီကို တစ်လှမ်းချင်း ဆင်းသွားကြသည်။ သုသာန် ဂိတ်ဝမှာ ရပ်ထားတဲ့ အနက်ရောင် benz က လူတိုင်း၏အာရုံစိုက်မှုကိုရခဲ့သည်။ မုရှောင်ယက ပိုင်ကျန့် သူတို့အတွက်ချန်ထားခဲ့တဲ့ ကားဆိုတာကို သိလိုက်သည်။ သူမကလည်း ပိုင်ချွမ်းကို ဆွဲပြီး ကားဆီကိုလျှောက်သွားခဲ့သည်။ 

"ရှောင်ချွမ်း" လူနှစ်ဦးက ကားအနီးကို ရောက်ချိန်မှာ အနက်ရောင်ဝတ်စုံ ၀တ်ထားတဲ့ အမျိုးသမီးတစ်ဦးက ကားပေါ်မှဆင်းလာပြီး ပိုင်ချွမ်းကို ရင်းနှီစွာခေါ်လာသည်။

ပိုင်ချွမ်းက စကားတစ်ခွန်းမှပြန်မပြောဘဲ သူမကိုဂရုမစိုက်သလိုသာကြည့်ပြီး သူ့မျက်လုံးတွေကို ပြန်ရုတ်သိမ်းလိုက်သည်။ 'ဒါပေမယ့် မုရှောင်ယက လူတွေနဲ့လွယ်လွယ်ကူကူ မဆက်သွယ်နိုင်တဲ့ ပိုင်ချွမ်း အကြောင်းသိတယ်၊ ဒီရိုးရှင်းတဲ့တုံ့ပြန်မှုက သူကဒီအမျိုးသမီးကို သိတယ်။'

"မိန်းကလေးမု" အမျိုးသမီးက ပိုင်ချွမ်း တုံ့ပြန်မှုမရှိတာကို အကျွမ်းတဝင်ရှိပုံရသည်။ ထို့ကြောင့် သူမခေါင်းကိုလှည့်ပြီး မုရှောင်ယကို ခေါ်လာသည်။

"ဟယ်လို ရှင်က ... ?"

"ကျွန်မက MD (ဥက္ကဌ) ပိုင်ရဲ့ အတွင်းရေးမှူးပါ ကျွန်မနာမည်က ဝမ်ကျင်းပါ ဥက္ကဌပိုင်က ကျွန်မကို ဒီမှာစောင့်ခိုက်ခဲ့လို့ပါ " ဤအရာကိုပြောပြီးနောက်မှာ ဝမ်ကျင်းက လူနှစ်ယောက်အတွက် ကားတံခါးကိုဆွဲဖွင့်လိုက်သည်။

မုရှောင်ယက ရိုးရိုးရှင်းရှင်းဘဲ ကျေးဇူးတင်စကားပြောပြီး ပိုင်ချွမ်းကိုကားပေါ်တက်ဖို့ခေါ်ခဲ့သည်။

ဝမ်ကျင်းက တံခါးပိတ်လိုက်ပြီးနောက် သူမလည်းကားပေါ်တက်ပြီး ကားစက်နိုးရင်း မုရှောင်ယကို မေးလာသည်။ "မိန်းကလေးမု ကျွန်မရှင့်ကိုအရင်ပြန်ပို့ပေးရမလား။ "

"ကျေးဇူးပါပဲ ကျွန်မ အိမ်က ... "

"ဖန်းဟွာ လမ်းနံပါတ် ၁၂၆ ချင်းယွမ် အထက်တန်းကျောင်း သင်ကြားရေးနှင့် အုပ်ချုပ်ရေး ၀န်ထမ်းအိပ်ရာ အိမ်နံပါတ် ၁၈" မုရှောင်ယ စကားအဆုံးကိုမစောင့်ဘဲ ဝမ်ကျင်းက မုရှောင်ယရဲ့ လိပ်စာကိုတိကျစွာ ရွတ်ပြလာခဲ့သည်။ 

"ရှင် ဒါကိုဘယ်လိုသိတာလဲ။ " မုရှောင်ယက အနည်းငယ် အံ့သြသွားသည်။

"ကျွန်မအရင်တုန်းက ရှောင်ချွမ်းကိုလာတွေ့ဖူးတယ် ရှင့်အိမ်က ရှောင်ချွမ်းရဲ့ အိမ်ဘေးကဆိုတော့ နှစ်ယောက်လုံးရဲ့ အိမ်လိမ်စာတွေကို မှတ်မိနေတာ"

"ဟုတ်လား" မုရှောင်ယက နည်းနည်းတော့ စိတ်ဝင်စားသွားသည်။ ဤဝမ်ကျင်းက ပိုင်ချွမ်းနဲ့ အလွန်ရင်းနှီးနေပုံရသည်။ ဒါကြောင့် သူမ မနေနိုင်ဘဲ မေးလိုက်တယ် "ရှင် ရှောင်ချွမ်းနဲ့ အရမ်းရင်းနှီးလား။ "

"အာ ဟုတ်တယ်" ဝမ်ကျင်းက ပြောလာသည်။ "ကျွန်မက ရီဖုန်းအုပ်စုရဲ့ ပညာသင်ဆုကိုရခဲ့တယ်၊ ဒါကြောင့် ကျွန်မဘွဲ့ရပြီးတာနဲ့ ရီဖုန်းအုပ်စုရဲ့ လုပ်ငန်းခွင်ထဲကို တန်းဝင်ခဲ့တာ MD ပိုင်က သူ့ညီရှောင်ချွမ်းကို အရမ်းစိုးရိမ်တာကြောင့် သူကုမ္ပဏီမှာရှိနေတဲ့အခါ သူ(ပိုင်ကျန်း)က သူ့လိုအပ်ချက်တွေ အားလုံးကို အမြဲပိုဂရုစိုက်ပေးခဲ့တယ်။ MD ပိုင်ရဲ့ အတွင်းရေးမှူးဖြစ်လာတော့ ကျွန်မကရှောင်ချွမ်းနဲ့ ပြောဆိုဖြစ်လာတာလေ အဆန်းတော့မဟုတ်ပါဘူး။" ရီဖုန်းအုပ်စုက ပိုင်ချွမ်းပါပါး ပိုင်ကောယွိရဲ့ ကုမ္ပဏီဖြစ်ပြီး သူကိုယ်တိုင်တည်ထောင်ခဲ့တာဖြစ်သည်။

“ ဒါဆို ရှောင်ချွမ်းက ကုမ္ပဏီမှာ ရှင့်ရဲ့ဂရုစိုက်မှုရတဲ့အတွက်ကံကောင်းတာပေါ့”

"ဒါပေါ့ " ဝမ်ကျင်းက ခေါင်းစဉ်ကို ချက်ချင်းပြောင်လိုက်သည်။ "တကယ်တော့ ရှောင်ချွမ်း ရှင့်ကိုလက်ထပ်ခွင့်တောင်းဖို့ ရှာနေတုန်းက ကျွန်မလည်းရှိတယ်"

"ရှင်ရှိနေတယ်။" မုရှောင်ယက မျက်ခုံးပင့်ပြီးမေးလိုက်သည်။

"အဲဒီနေ့က ရှောင်ချွမ်းက ရုတ်တရက်ကြီး ဆေးရုံကနေပျောက်သွားတယ် MD က သူ့အတွက် အရမ်းစိတ်ပူနေတာ ဒါကြောင့် ကျွန်မတို့အနီးပတ်၀န်းကျင်ကို ရှာဖွေပြီးသွားတဲ့အခါ ပိုင်ချွမ်း အိမ်ကိုပြန်သွားတာလားလို့ ကျွန်မတို့ သံသယဝင်မိတာနဲ့ ကားကိုအိမ်ဘက်မောင်းလာပြီး ဆက်ရှာခဲ့တာ ကျွန်မ ရှောင်ချွမ်းက ရှင့်ကို လက်ထပ်ခွင့်တောင်းမယ်လို့ လုံးဝမထင်ထားမိဘူး။ " ဝမ်ကျင်းကရယ်ပြီး ဆက်ပြောလာသည်။ "တကယ်တမ်းပြောရရင် ကျွန်မအဲ့အချိန်တုန်းက ရှင်တို့နှစ်ယောက်စလုံးနဲ့ ယှဉ်ရင် ပိုပြီးစိတ်လှုပ်ရှားနေခဲ့တာ"

မုရှောင်ယက ရှက်ပြုံးလေးပြုံးလိုက်မိသည်။ သူမ လက်ထပ်ခွင့်တောင်းခံရတာကို တစ်စုံ တစ်ယောက်က မြင်သွားလိမ့်မယ်လို့ သူမမျှော်လင့်ခဲ့ဘူး။

"ကံကောင်းတာပဲ ကျွန်မသဘောတူခဲ့တယ်"

"အမှန်အတိုင်းပြောရရင် အဲဒီတုန်းက ရှင်သဘောမတူရင် ကျွန်မ ရှင့်အစားသဘောတူခဲ့လိမ့်မယ်" ဝမ်ကျင်းက ဟာသတစ်ဝက်နှောပြီး ပြောလာသည်။

မုရှောင်ယက တစ်ဖက်က စလာတာကိုရယ်ချင်ပေမယ့် ပိုင်ချွမ်းရဲ့ ကြည်လင်တဲ့ မျက်ဝန်းတွေကို မြင်လိုက်ရချိန်မှာ သူမနှလုံးသားက ဒုတ်ကနဲ ခုန်သွားခဲ့ပြီး အရင်ဘဝက သူမမြင်ခဲ့ရတဲ့ အက်ကွဲနေတဲ့ အမာရွတ်တွေကို ပြန်မှတ်မိသွားခဲ့သည်။ 

"ရှင်က ကျွန်မအစား ဘယ်လိုလုပ်သဘောတူလို့ရမှာလဲ။" မုရှောင်ယက ရုတ်တရက် သတိထားလာသည်။

"မိန်းကလေးမု မသိတာ ဖြစ်နိုင်တယ်၊ ဒါပေမယ့် ရှောင်ချွမ်း သူ့အခြေအနေတွေက ပိုထူးခြားပေမဲ့ ကျွန်မတို့အလုပ်ထဲမှာဆို သူကရေပန်းအစားဆုံး လူပျိုတွေထဲမှာ နံပါတ် ၅ နေရာမှာလေ။ ကျွန်မတို့ ကုမ္ပဏီမှာ သူနဲ့လက်ထပ်ချင်တဲ့ ကောင်မလေးတွေအများကြီးရှိတယ်။"

ဝမ်ကျင်းက သူမကိုဟာသတစ်ခုလို ပြောခဲ့သည်။ ဒါပေမယ့် မုရှောင်ယက ဒီအချိန်မှာမပြုံးနိုင်တော့ဘူး။

'ဖွားဖွားပိုင်က အရင်ဘဝတုန်းကလည်း ဒီလိုအချိန်မှာဆုံးသွားတယ်။ သူမကလဲ ပိုင်ချွမ်း လက်ထပ်ခွင့် တောင်းတာကို ငြင်းလိုက်တယ် ဒါဆို သူဘယ်သူ့ကို သွားပြီး လက်ထပ်ခွင့်တောင်ခဲ့တာလဲ။ မတော်တဆတွေ အတူပေါင်းစပ်ပြီး ပြောပြနေတာက သူမရှေ့ကဝမ်ကျင်းက အရင်ဘဝက ပိုင်ချွမ်းရဲ့ဇနီးဆိုတာကိုပဲ။'

တစ်ကယ်လို့ သူမသူ့ကိုငြင်းပယ်လိုက်လျှင် သူက ဒီအမျိုးသမီးနဲ့ လက်ထပ်ဖို့သူသဘောတူပါ့မလား။ 

ဒါပေမယ့် ဖွားဖွားပိုင်ရဲ့ နောက်ဆုံးဆန္ဒကို ဖြည့်ဆည်းဖို့ ပိုင်ချွမ်းက သဘောတူလိမ့်မယ်။

မုရှောင်ယ ဒီ့ထက်ပိုတွေးလေ၊ ဒီဖြစ်နိုင်ခြေက မဖြစ်နိုင်ဘူးဆိုတာ ပိုသိလာလေလေပဲ ပိုင်ချွမ်းကို ပိုင်မိသားစုက ဘယ်လောက်ဂရုစိုက်လဲ၊ သူတို့က သူ့ကိုလက်ထပ်ဖို့ဘယ်သူ့ကိုမှ ခွင့်ပြုမှာမဟုတ်ဘူး။ ဒါပေမယ့် ဝမ်ကျင်းက MD ရဲ့ အတွင်းရေးမှူးဖြစ်ပြီး သူမက ပိုင်ချွမ်းနဲ့လည်း အဆင်ပြေပုံပေါ်သည်။ ပိုင်ချွမ်းသာ သူ့အဖွားဆန္ဒကို ဇွတ်လုပ်ချင်ရင် ပိုင် မိသားစုကသဘောတူရလိမ့်မည်။

ဝမ်ကျင်းက ပိုင်ချွမ်းနဲ့ ယခင်ဘဝက လက်ထပ်ခဲ့လျှင် ပိုင်ချွမ်းကို ထိခိုက်စေတဲ့ သူသည် သူမလည်းဖြစ်နိုင်သည်။

"မိန်းကလေးမု။ မိန်းကလေးမု။ "

မုရှောင်ယက သူမကိုယ်ပိုင်အတွေးများဖြင့် ဖမ်းစားခြင်းခံရပြီး ဝမ်ကျင်းက သူမနာမည်ကို အော်ခေါ်ကာမှ ရုတ်တရက် သူမသတိပြန်ဝင်လာသည်။

"အဲဒါဘာလဲ။"

"ကျွန်မတို့ရောက်ပြီ " ဝမ်ကျင်းက သူမကိုပြုံးပြပြီး သတိပေးလိုက်သည်။

မုရှောင်ယက ပြတင်းပေါက်အပြင်ကို ကြည့်လိုက်တာနဲ့ မျှော်လင့်ထားသည့်အတိုင်း ကားက သူမအိမ်တံခါးရှေ့တွင်ရပ်နေတာကို တွေ့လိုက်ရပြီး ပိုင်ချွမ်းက ဘေးကနေ တိတ်တိတ်လေး သူမကိုကြည့်နေသည်။

"လာ ကားပေါ်ကဆင်းရအောင်" မုရှောင်ယက ပိုင်ချွမ်းကို ကားပေါ်ကဆင်းဖို့ အချက်ပြလိုက်သည်။ ပိုင်ချွမ်းကလည်း မုရှောင်ယစကားကိုနားထောင်ပြီး လူနှစ်ယောက်အတူတကွထွက်သွားသည်။

"မိန်းကလေးမု ကျွန်မဂိတ်ရှေ့ကနေ စောင့်နေပါ့မယ်။ မင်းတို့နှစ်ယောက်စားပြီးသွားရင် ရှောင်ချွမ်းကို အိမ်ပြန်ပို့လိုက်မယ်။"ဝမ်ကျင်းက ပြောလာသည်။

"အတွင်းရေးမှူး ဝမ် စောင့်စရာမလိုပါဘူး။ ကျွန်မတို့ထမင်းစားပြီးပြီးချင်း ကျွန်မကိုယ်တိုင်ဘဲ ရှောင်ချွမ်းကို လိုက်ပို့လိုက်ပါ့မယ်။" သူမသံသယများကြောင့် မုရှောင်ယက ဝမ်ကျင်းကို ပိုင်ချွမ်းနဲ့ အဆက်အဆံမလုပ်စေချင်တော့ပေ။ 

"ဒါပေမယ့် ... MD က ရှောင်ချွမ်းကို အိမ်ပြန်ပို့ပေးဖို့ ကျွန်မကို သေချာမှာထားလို့ပါ။ "

မုရှောင်ယက မျက်မှောင်ကြုတ်လိုက်မိသည်။ သူမက ဝမ်ကျင်းကို သူ့ကို အိမ်မပြန်ပို့စေချင်ဘူး။ ဒါပေမယ့် ဝမ်ကျင်းကို ပိုင်ကျန့်က အမိန့်ပေးထားသည်။ ပိုင်ကျန့်နဲ့ သူမဆက်ဆံရေးက တကယ်ကို မနီးစပ်ဘူး။ ဒါကြောင့် ဒါကသူတို့ကို ပိုအဆင်မပြေ ဖြစ်သွားစေလိမ့်မည်။

"မင်းသူမကို မစောင့်စေချင်ဘူးလား။" ဒီအချိန်မှာ ပိုင်ချွမ်းက သူမဘေးနားကနေ ရုတ်တရက် စကားပြောလာသည်။ မုရှောင်ယက ဝမ်ကျင်းကို ဒီကနေအခုထွက်သွားစေချင်တာ သူကြားလိုက်ရသည်။

ဝမ်ကျင်းက အံ့သြသွားပြီး ပိုင်ချွမ်းကို ကြည့်လိုက်သည်။ ပိုင်ချွမ်းက တစ်ယောက်ယောက်ကို စကားပြောတာကို သူမပထမဆုံးမြင်ဖူးတာ ဖြစ်သည်။

"အင်း ကျွန်မ ရှင့်ကို ညကျရင် ပြန်လိုက်ပို့ပေးမယ်" မုရှောင်ယက ခေါင်းငြိမ့်လိုက်သည်။

"မင်း ပြန်တော့" မုရှောင်ယရဲ့ စကား အဓိပ္ပါယ်ကိုရှင်းရှင်းလင်းလင်း နားလည်ပြီးနောက်မှာ ပိုင်ချွမ်းက မဆိုင်းမတွဘဲ ဝမ်ကျင်းကိုမောင်းထုတ်လိုက်သည်။ ဘယ်လိုဘဲဖြစ်ဖြစ် သူက ဝမ်ကျင်းကို ပထမဆုံးစကားပြောဖူးတာလဲဖြစ်သလို ရင့်ရင့်သီးသီးပြောဖူးတာလဲ ပထမဆုံးပဲ ဖြစ်သည်။

“ရှောင်ချွမ်း ကျွန်မ…”ဝမ်ကျင်းက ရုတ်တရက်ရှက်ရွံ့လာသည်။

"ပြန်တော့" ပိုင်ချွမ်းက မျက်မှောင်နည်းနည်းကြုတ်လာသည်။ ဒီလူကဘာလို့မသွားနိုင်သေးတာလဲ။

ရီဖုန်းအုပ်စုမှာ လူတိုင်းသိတာတစ်ခုရှိသည်။ အဲ့ဒါက ဒုတိယသခင်လေးကို ဘယ်တော့မှ မပျော်ရွှင်အောင် မလုပ်ရဆိုတာဖြစ်သည်။ မျက်ခုံးလေး တွန့်သွားတာကအစ ခွင့်မပြုထားဘူး။ ဒုတိယသခင်လေးသာ စိတ်လွတ်သွားမယ်ဆို ဥက္ကဌနဲ့ MD က မင်းကို ဘဝအကြောင်းလေးတွေ ခေါ်ဆွေးနွေးလိမ့်မည်။ ဤအကြောင်းကြောင့် ပိုင်ချွမ်းရဲ့ မျက်ခုံးများတွန့်သွားတာကို မြင်ပြီးနောက်မှာ သူမဘာမှဆက်မပြောရဲတော့ဘဲ မုရှောင်ယ အိမ်ကချက်ချင်းမောင်းထွက်သွားခဲ့သည်။

"ရှင် သူ့ကိုမကြိုက်ဘူးလား။ သူမကို ဘာလို့မောင်းထုတ်လိုက်တာလဲ။" ဝမ်ကျင်း ထွက်ခွာ သွားပြီး နောက်မှာ မုရှောင်ယက ရွှင်လန်းလာပေမယ့် ပိုင်ချွမ်းက အမိန့်ပေးသလိုပြောလိုက်တာကြောင့် သူမမေးချင်ခဲ့တာ ဖြစ်သည်။

"ငါသူမကိုမကြိုက်ဘူး "ပိုင်ချွမ်းက သူမကို လေးနက်စွာတည့်မတ်ပေးခဲ့သည်။

"မကြိုက်ဘူးလား။ ဒါဆိုသူက ဘာလို့ရှင့်ကို ရှောင်ချွမ်းလို့ ခေါ်တာလဲ။" မုရှောင်ယက ပိုင် မိသားစုရဲ့လက်ထောက်တစ်ယောက်နဲ့ နောက်ဆုံးတွေ့ခဲ့တုန်းက ဒုတိယသခင်လေးလို့ ခေါ်တာကို ကြားဖူးသည်။ ' ဒီအမျိုးသမီးက သူ့ကိုဘာလို့ ရှောင်ချွမ်းလို့ ခေါ်တာလဲ။ တစ်ယောက်က အဲဒါကို ကြားတဲ့အခါမှာ သူတို့ကသူတို့မှာရင်းနှီးတဲ့ ဆက်ဆံရေးရှိတယ်လို့ မသိစိတ်ကထင်လိမ့်မယ်။'

"... သူမကခေါ်ချင်တဲ့သူပဲ" ပိုင်ချွမ်းရဲ့ နားလည်မှုအရဆို ပိုင်ချွမ်း၊ ဒုတိယသခင်လေးနဲ့ ရှောင်ချွမ်းတို့က သူ့ကိုခေါ်တဲ့နာမည်တွေပဲဖြစ်ပြီး ဘာမှမခြားနားပေ။ 

"ဒါဆို ရှင်ကသူမခေါ်ချင်သလို သူမကိုခေါ်ခွင့်ပြုတာလား။" မုရှောင်ယက တကယ်ကို မကျေမနပ်ဖြစ်ခဲ့သည်။

ပိုင်ချွမ်းက မုရှောင်ယကို ကြည့်ရင်းစိတ်ရှုပ်ထွေးသွားပြီး သူမစကားများ၏ဆိုလိုရင်းကို သူနားမလည်ခဲ့ပေ။

အော်တစ်ဇင်ဖြစ်နေတဲ့ လူတွေက ဘာသာစကားမှာ သူတို့ရဲ့လုပ်ဆောင်ချက် မချို့တဲ့ရင်တောင် ပေါင်းသင်းဆက်ဆံရေးမှာ အခက်အခဲတွေရှိခဲ့သည်။ ဒါပေမယ့် သူတို့က တခြားသူတွေနဲ့ အပြန်အလှန် ဆက်ဆံတဲ့အခါမှာသူတို့က အခြားသူတွေပြောနေတာကို ကြားရလိမ့်မည်။ အဲဒီဥပမာအနေနဲ့ ဥပမာတွေနဲ့ဆင်တူယိုးမှားတွေ၊ ရွဲ့ပြောတာတွေကို သူတို့အတွက်နားမလည်နိုင်ဘူး။ ဒါကြောင့် ပိုင်ချွမ်းက မုရှောင်ယရဲ့မေးခွန်းမဟုတ်အမေးကို နားမလည်နိုင်ခဲ့ဘူး။ 

"ရှင်သူမကို ဒီလိုခေါ်ဖို့ခွင့်မပြုနဲ့။" မုရှောင်ယက ပိုင်ချွမ်းအနေနဲ့ ထိုလှောင်ပြောင်သရော်စကားများနှင့် ဥပစာစကားတို့ကို နားမလည်နိုင်ကြောင်းသိသည်။ ဒါကြောင့်သူမက ပြတ်ပြတ်သားသားသာ ပြောနိုင်သည်။

“ အိုး ” ပိုင်ချွမ်းက မုရှောင်ယရဲ့ စိတ်နေစိတ်ထားကိုနားမလည်ပေမဲ့ မုရှောင်ယ သူ့ဆီက တောင်းတဲ့အရာကိုသူနားလည်သည်။ အဲဒါကလုံးဝမသင့်တော်ဘူးလို့ခံစားနေရသည်။

"နောက်ပိုင်းမှာ ရှင်နဲ့ရင်းနှီးတဲ့သူတွေကိုပဲ ရှောင်ချွမ်းလို့ခေါ်ခိုင်း ရှင်နားလည်လား။ " မုရှောင်ယက ရှင်းပြလိုက်သည်။

“ အိုး ” ပိုင်ချွမ်း နားလည်သလိုလိုရှိသွားပြီ။

ဒါကြောင့် မုရှောင်ယက သူ့ကိုရှောင်ချွမ်းကို ကားပေါ်မှာခေါ်လိုက်တဲ့အခါ သူကသူမနဲ့ရင်းနှီးနေပြီဆိုတာ ပြသည်။ ပိုင်ချွမ်းက သူ့မှတ်ဉာဏ်ထဲမှာ သတင်းအချက်အလက်အသစ်ကို ထပ်ထည့်သွင်းခဲ့သည်။

ပိုင်ချွမ်းရဲ့ နာခံမှုကြောင့် မုရှောင်ယက နောက်ဆုံးတွင်ကျေနပ်သွားခဲ့သည်။ သူမက သူ့ကို အိမ်ထဲခေါ်သွားတယ် သူမက လမ်းလျှောက်နေချိန်မှာ သူ့ကိုပြောပြလာသည်။ “ ငါ့မိဘတွေက ဒီအချိန်မှာအိမ်မှာရှိနေလောက်တယ်။ ခနနေဝင်သွားချိန်မှာ ကျွန်မတို့လက်ထပ်ထားတဲ့ ကိစ္စကိုသူတို့ကိုပြောမယ် ရှင်ကကျွန်မအနားမှာဘဲ ထိုင်ရမယ် အဆင်ပြေလား။ "

“ အင်း ”

"ကျွန်မအခုနည်းနည်း ဗိုက်ဆာနေတယ်။ ကျွန်မတို့စားပြီးသွားမှ လက်ထပ်ထားတဲ့ ကိစ္စကိုပြောကြတာပေါ့။ "

“ အင်း ”

“ good boy ”

ပိုင်ချွမ်းရဲ့ နက်မှောင်နေတဲ့ မျက်လုံးကြီးတွေက မုရှောင်ယကို တိတ်တဆိတ် စူးစိုက်ကြည့်နေပြီး သူ့ကို ကလေးတစ်ယောက်လို ဆက်ဆံတာနဲ့ ပတ်သက်ပြီး သူကပြသနာတစ်စုံတစ်ရာမပြခဲ့ပေ။ မုရှောင်ယက သူ့ကိုဒီလိုမျိုးနှစ်သိမ့်ခဲ့တာ ကြာပြီဖြစ်တာကြောင့် သူကဒီအခိုက်အတန့်ကိုတောင်မှ မြတ်နိုးမိသည်။

"အစ်ကိုကြီး ပိုင်ချွမ်း သမီးကိုဒီမှာစောင့်ဦး သမီး ခဏနေပြန်လာခဲ့မယ်" ကောင်မလေးက သူ့ကိုပြောပြီးနောက်မှာ ခုန်ဆွခုန်ဆွနဲ့ ပြေးထွက်သွားပြီး အချိန်နည်းနည်းကြာမှ ပြန်လာခဲ့သည်။

"အစ်ကိုကြီး ပိုင်ချွမ်း အစ်ကိုကြီး သမီးကိုဒီမှာဘဲစောင့်နေတာလား။ ထွက်မသွားခဲ့ဘူးလား။ "

လူငယ်လေးက ခေါင်းကိုပြင်းပြင်းထန်ထန်ယမ်းပြလာတယ် သူ ခြေတစ်လှမ်းမှ မထွက်သွားခဲ့ချေ။

“ Good Boy ” ကလေးမလေးက အရွယ်ရောက်သူတစ်ဦးလို ပြုမူပုံကိုသင်ယူခဲ့ကာ သူမခြေဖျားထောက်ပြီး ကောင်လေး၏ ဦးခေါင်းကိုပုတ်ဖို့ ဆန္ဒရှိသော်လည်း အရပ်က ကွာခြားလွန်းတာကြောင့် သူ့ပုခုံးကိုသာ ပုတ်နိုင်ခဲ့သည်။ 

ဒီတခါတော့ သူမကသူ့ပခုံးကိုမပုတ်ဘူး။ ပိုင်ချွမ်း မျက်လုံးတွေက နည်းနည်းမှိန်ကျသွားပြီး သူကရုတ်တရက် မုရှောင်ယလက်ကို ဆွဲလိုက်ပြီး သူ့ပုခုံးပေါ့ အတင်းဖိလိုက်တယ်။

"ဘာဖြစ်လို့လဲ။" မုရှောင်ယက သူမခေါင်းကိုလှည့်လိုက်ပြီး ပိုင်ချွမ်းရဲ့ တောက်ပတဲ့ မျက်လုံးများကိုကြည့်ပြီး မေးလိုက်သည်။

.........

စာရေးသူမှတ်ချက်

ဇနီးဟောင်းက ဖြတ်သွားဖြတ်လာသက်သက်ပါပဲ ဒရာမာတွေ အများကြီးလုပ်မှာမဟုတ်ဘူး။