အပိုင်း ၁၂၁-၁၂၂

Part 121

အတန်း​၂မှမိန်းက​လေးများမှာ ထိုအတင်းအဖျင်းကို

မည်သို့မျှမယုံနိုင်​ချေ။ 

​လောဂျစ်ကျကျဆိုရလျှင် မည်မျှပင်အရည်ရွှမ်းလှ​သော အတင်းအဖျင်းဖြစ်ပါ​စေမူ၊ မိမိနှင့်ရင်းနှီး​သောသူများဖြင့်သာ​ေ၀မျှရိုးထုံးစံရှိသည်ပင်၊ သူစိမ်းတစ်​ယောက်နှင့်မည်သူကများ အတင်းတုတ်လိုမည်နည်း၊

၄င်းမှာထူးဆန်းပြီး မယုံကြည်ရ​သော လှည့်စားမှုတစ်ခုသာမဟုတ်ပါ​လော၊ ယခုမူ အတန်း၈ကမိန်းကလေး များက မိမိတို့နှင့်တကူးတကအတင်းအဖျင်းကိုလာ​ေ၀မျှလိုသည်တဲ့။

'ဒီ​တော့နင်ပြောချင်တာက ကျန်း ယန်ရှန့်က ချူစား​နေတဲ့မိန်းက​လေး​ပေါ့၊ အင်း ၊ သူနဲ့တစ်တန်းတည်းနေတဲ့ငါ​တောင်မသိတာနင်ကဘယ်ကကြားလာတာလဲ'

​ငွေချူစား​သောမိန်းက​လေးများနှင့်ပါတ်သတ်လျှင်လည်း လူအများ၏ပုံ​သေအ​တွေးကရှိ​သေးသည်၊ 

မိန်းက​လေးတစ်​ယောက်က ​ငွေမက်လျှင် ၄င်းမှာ ဘ၀င်မြင့်ခြင်းဟု၊ဆိုနိုင်သည် ထိုကဲ့သို့မိန်းက​လေးမှာ မိမိကိုယ်ကိုယ်​​ကျော့​ကျော့​​မော့​မော့ပြင်ဆင်ပြီး ပိုက်ဆံရှိ​သော​​ယောကျားများနှင့်စကား​ပြော​သောအခါတွင်လည်း ချွဲပစ်​နေလိမ့်မည်၊

သို့​သော်၄င်းပုံစံအား ကျန်းယန်ရှန့်နှင့်တွဲ၍ပင်မြင်ကြည့်မရ​ချေ။ 

'ကျန်းယန်ရှန့်ကအရမ်းလှ​ပေမယ့် သူကလုံး၀A​လေ'

မ​နေ့ကရွာခဲ့​သောမိုး​ကြောင့် စမ်းသပ်ခန်းအ​ဆောက်အဦးနှင့်စာသင်​ဆောင်ကြားရှိလမ်းကြားမှာ ​ရေအနည်းငယ်အိုင်လျက်ရှိသည်။ ထို​နေရာကဖြတ်သွားသူတိုင်းလိုလို ​ကျော်ခွ၍ပင်သွားကြ၏။ 

အတန်းထဲမှအရပ်အပုဆုံးမိန်းက​လေးမှာ သူမ၏​ခြေ​​ထောက်တိုတို​လေးများ​ကြောင့် ထို​ရေအိုင်ကိုမကျော်ခွနိုင်​ချေ။ ကြံရာမရသည့်အဆုံး ​ရေအိုင်​ပေါ်မှသာ​ခြေဖျား​ထောက်ပြီးသွားရန်အလုပ်တွင် 

ကျန်းယန်ရှန့်က​ရောက်လာခဲ့သည်။ 

ကျန်းယန်ရှန့်မှာ အနက်​ရောင်အင်္ကျီ၊အနက်​ရောင်​ဘောင်းဘီရှည်နှင့် အနက်​ရောင်ဆံပင်ရှည်များကို ခပ်မြင့်မြင့်စီး​နှောသ်ထားလျက် ရိုးရှင်းကာ သပ်ရပ်​နေခဲ့သည်။ 

သူကရုတ်တရက်​ရောက်လာပြီး ဘာကိုမျှမဆိုပဲ သူမ၏ညာဘက်လက်ကိုဆန့်ထုတ်လျက် ​သေးငယ်​သောအတန်း​ဖော်အား ခါးမှ​စွေ့ခနဲဆွဲ​​ပွေ့လိုက်ကာ ​ရေအိုင်အား ​ခြေတစ်လှမ်းသာသုံး၍ အသာအယာ​ကျော်သွားလိုက်သည်။

ထို့​နောက်တွင်အတန်း​ဖော်​လေးကို အသာအယာပြန်ချ​ပေးလိုက်​လေသည်။ 

အတန်း​ဖော်​လေးမှာ ​​အော်ပင်​အော်လိုက်မိ​၏

​ယောကျာ်း​လေးများမှာမူ ၄င်းကိုမြင်လျှင် မိမိတို့ထဲမှအပိန်ဆုံးနှင့်အ​ပေါ့ဆုံးဟုထင်ရ​သော ​ကောင်​လေးတစ်ဦးကို မချီ၍စမ်းသပ်ရန်ကြိုးစားကြ​တော့သည်။ 

သို့​သော်သူတို့ထဲမှမည်သူကမျှထို​ကောင်​လေးအား လက်တစ်ဖက်တည်းနှင့် မ မနိုင်သည်ကို​တွေ့လိုက်ရ​တော့သည်။ ၂​ယောက်​ပေါင်းမှသာမချီနိုင်​လေသည်။ ထို့အပြင်လူအပိုကိုချီလျက် ​ရေအိုင်ကိုဖြတ်​ကျော်ဖ်ု့မဆိုထားနှင့် ​ခြေတစ်လှမ်းကိုပင်အ​တော်လှမ်းကြရရှာ၏၊ 

ပုံမှန်အားဖြင့်အလွန်လှပ​သောမိန်းက​လေးမျိုးကို တခြားမိန်းက​လေးများက ကြည့်မရခြင်းမုန်းတီးခြင်းများရှိတတ်ကြသည်။ သို့​သော် ကျန်းယန်ရှန့်ကိုမူ အတန်း၂မှမိန်းက​လေးများမှာ ရှင်းမပြနိုင်​သောစွဲလမ်းမှူကြီးပင်ရှိ​နေ​လေသည်။ 

ထို့​နောက်တွင် မိန်းက​လေးများမှာအလျင်အမြန်​ဆွေး​နွေးပြီးသွားခဲ့သည်။ ကျန်းယန်ရှန့်သာ​​ယောကျာ်း​လေးတစ်ဦးဖြစ်ခဲ့လျှင် ​ဖြောင့်လှပါချည်ရဲ့ဆို​သော ​ယောကျာ်း​လေးတစ်အုပ်ကိုပင် ​ကွေး​စေနိုင်လိမ့်မည်ဟု၊ 

စာသင်ချိန်တွင်း၌ ​အတန်းပိုင်မှ ​ကျောင်းတွင်း အချစ်ဇာတ်လမ်းများမရှိရန်သတိ​ပေး​သောအခါမိန်းက​လေးများမှာ ကြိတ်ရယ်လျက် 

"ဆရာစိတ်မပူပါနဲ့ သမီးတို့ကလည်း ​​ကောင်​လေးမလိုချင်ပါဘူး​နော်၊ ​ကောင်မ​လေးပဲလိုချင်တာ"

အတန်းပိုင်"???"

​

တတန်းလုံးပွဲကျလျက်ပင် ထပ်ဆိုလာသည်။

"အမှန်ပဲ၊ ​ကောင်​လေးတစ်​ယောက်ထက်ပို ​ယောကျာ်းဆန်တဲ့ ​ကောင်မ​လေးရည်းစားဆိုပိုတောင်မိုက်​သေး"

အတန်းပိုင်.. 

 'ဘာကို​​ယောကျာ်းပီသတဲ့​ကောင်မ​လေးလဲ 

ငါပဲ​ခေတ်​နောက်ကျ​နေတာလား၊ အာ လူငယ်​တွေကိုလည်းလိုက်ကိုမမှီပါဘူး'

ကျန်ယန်ရှန့်မှာ အတန်း​ဖော်မိန်းက​ေလးများကြားတွင်အလွန်​ပေါ်ပျူလာဖြစ်​နေခဲ့သည်။

ထို့​ကြောင့်ပင် ၀မ့်ချမ်၏သူငယ်ချင်းများက အတန်း၂မှမိန်းက​လေးများအား လိုက်ရန်ကြိုးစားပြီး ကျန်းယန်ရှန့်အ​ကြောင်းများမ​ကောင်း​ပြောသည့်အခါတိုင်း အတန်း၂မှမိန်းက​လေးများမှာ သူတို့အား ဥာဏ်ရည်ချို့တဲ့​နေသူများအလားကြည့်လာကြလိမ့်မည်။

၀မ့်ချမ်နှင့်အ​ပေါင်းအပါများထင်သည်က စကားများကတဖြည်းဖြည်းစ ကားလာပြီး​နောက် မထိန်းချုပ်နိုင်​သော အတင်းအဖျင်းကြီးတစ်ခုဖြစ်လာလိမ့်မည်ဟုပင်။

ကျန်းယန်ရှန့်၄င်းတို့ကိုကြားလျှင် ၀မ့်ချမ်လက်ချက်မှန်း​ကောင်း​ကောင်းသိ​လေသည်။ 

အလယ်တန်းတုန်းကလည်း ၀မ့်ချမ်သည်ထိုသို့မဟုတ်မမှန်သတင်းများဖြန့်လျက် သူမကို အတန်းထဲအပါယ်ခံတစ်​ယောက်အဖြစ်အထီးကျန်​စေခဲ့သည်။

ကျန်းယန်ရှန့်နှင့် ၀မ့်ချမ်မှာ တစ်ဦးနှင့်တစ်ဦးစရိုက်မတူကြသည်တိုင် သူမက​တော့၀မ့်ချမ်အား ယုံကြည်လျက် အလွန်အမင်းခင်မင်ခဲ့ဖူးသည်။ 

သို့​သော်ယခု​တော့ ၀မ့်ချမ်မှာသူမအားဒုက္ခ​ပေးရန်ကြံစည်လာပြန်​ချေပြီ၊ ထင်ထားသည့်အတိုင်းပင် ၀မ့်ချမ့်မှာ သတိ​ပေးလိုက်ရုံနှင့်အမှတ်သည်း​ချေရှိသူမျိူးမဟုတ်ခဲ့ပေ။

ကျန်းယန်ရှန့်မှာ သူမအ​တော်​လေး​အေး​ဆေး​နေချင်လျှင်​တောသ်​နေလို့မရသလိုခံစား​နေရသည်။ သူမသည်းခံ​နေလျှင်ပို၍​ရောင့်တက်လာကြသည်။ ထို့​ကြောင့်သူမထရပ်လိုက်​တော့သည်။ 

"ဘယ်သွားမလို့လဲ" သူမ​ဘေးမှထိုင်ခုံ​ဖော်မှ​မေးလာခဲ့သည်။ 

"အတန်းစ​တော့မယ်​လေ"

"အမှိုက်သွားရှင်းမလို့" ကျန်းယန်ရှန့်ကခပ်ပြတ်ပြတ်ဆိုလျက် ထွက်သွား​တော့သည်။ 

​ကော်ရစ်တာမှဖြတ်လျှင်တခြားအတန်းကို​ရောက်ရန် ​ခြေနှစ်လှမ်းစာသာ​ေ၀းသည်။ 

အတန်း၈သို့ကျန်းယန်ရှန့်​ရောက်လာသည်နှင့် မူလကဆူညံ​​နေသာအတန်းမှာငြိမ်သက်သွား​တော့သည်။

အတန်းမတူသည့်တိုင်​အောင် ကျန်းယန်ရှန့်မှာ ​​​ကျောင်း၏ပန်းပွင့်​လေးအဖြစ်နာမည်ကြီးကာ ရှုလီချန်ကိုအရူးအမူးလိုက်​နေသူအဖြစ်သိကြသည်။ထို့အပြင်သူမကရှုလီချန်အားလှည့်ဖျား​နေသူဟုလည်း ၀မ့်ချမ်ထံမှသတင်းများကြားရသည်ပင်။

ထို့​ကြောင့်အတန်းထဲတွင်ကျန်းယန်ရှန့်အားမသိသူဟူ၍မရှိ​ချေ။ 

ထိုအတင်းအဖျင်း၏ဘုရင်မကရုတ်ချည်း​ပေါ်လာသည်ကို​တွေ့လျှင် လူတိုင်းမှာတစ်ခုခုဖြစ်​တော့မည်ဟု အာရုံခံမိလိုက်ကြ​တော့သည်။ 

"ကျန်းယန်ရှန့်" ရှုလီချန်မှာ သူမအားအံ့သြတကြီးနှုတ်ဆက်လိုက်သည်။

"ငါ့ကိုလာရှာတာလား"

သူကအရပ်မြင့်ကာ ​တောင့်တင်း​သောကိုယ်ရှိပြီး ကျန်းယန်ရှန့်၏​ရှေ့တွင်ပိတ်ရပ်​နေခဲ့သည်။

ကျန်းယန်ရှန့်သည်လက်ကိုဆန့်လျက် သူ၏ပုခုံးကိုဖိချလိုက်သည်။ 

ရှုလီချန်မှာမတုံ့ပြန်နိုင်ခင်မှာပင် အလွန်ပြင်းထန်​သော အားအင်တစ်ခုကသူ၏ပုခုံးအားဖိချ​နေသည်ကိုခံစားရလျက် ​ဘေးသို့အမြန်ဖယ်​ပေးလိုက်မိ​လေသည်။

Xxxxxxx

Part 122

ကျန်းယန်ရှန့်သည် လမ်းတွင်ပိတ်​နေ​သော ရှူလီချန်ကိုဖယ်ရှားပြီးသည်နှင့် မျက်လုံးက်ို​ေ၀့ကြည့်လိုက်ပြီး... သူမ၏အကြည့်များက ၀မ့်ချမ်ထံသို့ကျ​ရောက်သွား​တော့သည်။

၀မ့်ချမ်မှာ​နေရာတွင်ထိုင်လျက် မိန်းက​လေးအများက၀န်းရံထားသည်။ ထိုမိန်းက​လေးအုပ်စုမှာ ရထားဘူတာအိမ်သာမှ​ရေကို​​သောက်ရ​အောင်ကျန်းယန်ရှန့်ထံမှတွန်းအား​ပေးခံရဖူးရာ ကျန်းယန်ရှန်​ရောက်လာသည်ကိုမြင်လျှင် မျက်နှာများတမဟုတ်ခြင်းဖြူ​ဖျော့သွား​တော့သည်။

ကျန်းယန်ရှန့်​လျှောက်လာသည်နှင့် ၀န်းရံ​နေ​သောအုပ်စုမှာအလိုလို​နောက်ကိုဆုတ်သွားလျက်၀မ့်ချမ်တစ်ယောက်တည်းသာကျန်ရစ်​လေသည်။

အတန်း၈မှလူမှန်သမျှမှာ ကျန်းယန်ရှန့်က ၀မ့်ချမ်အတွက်​ရောက်လာတာကိုမြင်နိုင်ပြီး ၀မ့်ချမ်အနီးမှ ထိုင်ခုံ​ေဖာ်များပင်လျှင် ​ကြောက်ရွံ့စွာ​ရှောင်ထွက်ကုန်ကြ​တော့သည်၊ 

၀မ့်ချမ်၏နှလုံးသားမှာလည်း ဒရမ်တီးသလိုခုန်​ပေါက်လျက်ပင်။

ကျန်းယန်ရှန့်မည်မျှသန်မာ​ကြောင်းသူမမြည်းစမ်းဖူးခဲ့သည်မဟုတ်ပါ​လော၊

သို့​သော်သူမသည် ​ကျန်းယန်ရှန့်ကို​ကျောင်းတွင်လှုပ်ရှားရဲမည်ဟုမ​​မျှော်လင့်ထား​ချေ။သူမက​ကျောင်းတွင် အနိုင်ပင်မကျင့်ဖူးခဲ့၊ ရီအထက်တန်း​ကျောင်းမှာအလွန်စည်းကမ်းတင်းကြပ်လှသည်။ဤကဲ့သို့ကိစ္စမျိုးမှာ​ကျောင်းကသာ​ဖြေရှင်း​လေ့ရှိသည်ပင်။

Aအဆင့်အတန်းမှကျန်းယန်ရှန့်လို​ကျောင်းသူမျိုးက လူတိုင်းထက်​ကျောင်းစည်းကမ်းကိုပို၍လိုက်နာမည်ဟုသူမထင်ထားခဲ့သည်။ အလွန်ဆုံးမှ ထိုအတင်းအဖျင်းများကိုမ​ကျေနပ်လျှင် သူမကိုစကားဖြင့်တိုက်ရိုက်​ပြောရုံသာဟု၊

၀မ့်ချမ်မှာ အခုမှ​တော့ ​ကြောက်​နေ၍မထူးဘူးဟု​တွေးလျက် ဘာပဲဖြစ်ဖြစ် ကျန်းယန်ရှန့်ဆီတွင်​တော့အရှုံးမခံနိုင်ဟုဆုံးဖြတ်ကာ စားပွဲကိုလက်​ထောက်ကာ ထရပ်လျက် ကျန်းယန်ရှန့်အား ပြန်ရန်​တွေ့ရန်ပြင်လိုက်သည်။

သို့​သော်သူမစားပွဲ​ပေါ်လက်​ထောက်ရုံရှိ​သေးချိန် ကျန်းယန်ရှန့်၏ အနက်​ရောင်​ဘောင်းဘီရှည်ကို၀တ်ဆင်ထား​သော ​​ခြေ​ထောက်ရှည်များက ၀မ့်ချမ်၏ခုံအားပြင်းထန်​​သောအရှိန်ဖြင့် ကန်ထည့်လိုက်​တော့သည်။

၀မ့်ချမ်​အော်ဟစ်လိုက်မိသည်၊

အတန်း၈တစ်ခုလုံးလည်း တမဟုတ်ချင်းငြိမ်ကြသွား၏။

ဤအတန်းထဲတွင် အလယ်တန်း၌ ​ကျောင်းသားဆိုးဖြစ်ခဲ့သူ ရန်ဖြစ်ဖူးသူများ အများအပြားရှိကာ သူတို့က ရန်ပွဲ​တွေ ဒရာမာ​တွေကိုမ​ကြောက်ရွံ့ကြ​ပေ။ 

မိန်းမလှ​လေးနှစ်​ယောက်၏ရန်ပွဲကို​စိတ်ပါစွာပင်ကြည့်ရှု​နေကြ​လေသည်၊

ရှုလီချန်၏အဖွဲ့ထဲမှ​ကောင်​လေးတစ်ဦးကသူ့ပုခုံးအားပုတ်ကာ​စိတ်လှုပ်ရှားလျက်မေးလာခဲ့သည်။

"​​သေစမ်း သူကမင်းလိုက်​နေတဲ့​ကောင်မ​လေးလား

မိုက်ချက်ပဲ"

ရှုလီချန်မှာယခု​လေးတင် ကျန်းယန်ရှန့်ထံမှဖြစ်ညစ်ခံလိုက်ရ​သောသူ၏ပုခုံးကိုပွတ်သပ်လျက် ဖြစ်ညစ်ကာဆိုလိုက်ရသည်။

"ဒါ​ပေါ့"

၀မ့်ချမ်မှာ ကျန်းယန်ရှန့်​ကျောင်းတွင်ဤသို့ပြုမူလိမ့်မည်ဟုမထင်ထား​ချေ​။ သူမက​ကျောင်းသူ​ကောင်းကြီးမဟုတ်​ပေ​​လော၊ သူမအဘယ်​ကြောင့်ရမ်းကားရဲ​နေပါသနည်း။

၀မ့်ချမ်မှာ ဤဘ၀မှကျန်းယန်ရှန့်ကိုနားမလည်နိုင်သည်မှာသနားစရာပင်။

ကျန်းယန်ရှန့်မှာသူမဘ၀တွင်ဘာကိုမျှဂရုမစိုက်​​ချေ။ သူမ၏အတိတ်ဘ၀တွင် ​ကျောင်းစည်းကမ်းကိုချိုး​ဖောက်ဖူး​သောအကြိမ်​ပေါင်း​ရေပင်မ​ရေတွက်နိုင်​ချေ။အဆုံးတွင်​ကျောင်းပင်အထုတ်ခံလိုက်ရပြီး ကျန်းယန်ရှန့်၏ ​ပြင်းထန်​သောစရိုက်ကိုမူမထိန်းချုပ်နိုင်ခဲ့ကြ​ချေ။

"ကျန်းယန်ရှန့်နင်ဘာလုပ်တာလဲ"

၀မ့်ချမ်စူးရှစွာ​အော်လိုက်သည်။ 

ကျန်းယန်ရှန့်ကမူ ၀မ့်ချမ်အား​အေးစက်စွာကြည့်လျက်

"ငါဘာလုပ်​နေတယ်ဆိုတာ နင်က​တော့​ကောင်း​ကောင်းသိသင့်တာ​ပေါ့"

၀မ့်ချမ်မှာကြမ်းပြင်​ပေါ်လဲကျလျက်က​နေကုန်းထရန်ပြင်လိုက်သည်။ သို့​သော်သူမမထနိုင်ခင်မှာပင် အခန်း၀မှအရိပ်တစ်ခုကို​တွေ့လိုက်လျှင်သူမ၏လှုပ်ရှားမှုများရပ်တန့်သွားခဲ့သည်။

သူမသည်ထရပ်မည့်အစားပြန်လည်လဲကျ​စေကာ အားနည်းချင်​ယောင်​ဆောင်လိုက်သည်။

သူမကအလွန်နစ်နာ​နေသလိုအသံမျိုးနှင့်

"နင်ဘာ​တွေ​ပြော​နေတာလဲ ငါနားမလည်ဘူး၊ နင်ငါ့ကိုဘာလို့ရိုက်ရတာလဲ"

သူမကိုယ်သူမ​ကောင်း​ကောင်းသရုပ်​ဆောင်​နေသည်ဟုထင်​သော်လည်း ကျန်းယန်ရှန့်ကသူမအား မည်မျှ​ဖောက်မြင်နိုင်​ကြောင်းမခန့်မှန်းနိုင်​ချေ၊

ကျန်းယန်ရှန့်မှာ​နောက်သို့လှည့်ကြည့်စရာမလိုပဲ အ​ခြေအ​နေကိုရိပ်စားမိသည်။

သို့​သော်ကျန်းယန်ရှန့်ကဂရုမစိုက်​ချေ၊

၀မ့်ချမ်ကနစ်နာသူသိပ်ဖြစ်​ချင်​နေမှ​တော့ သူမကဖြစ်​အောင်လုပ်​ပေးလိုက်မည်။

ကျန်းယန်ရှန့်၀မ့်ချမ်၏​ခြေ​ထောက်အားကန်ထည့်လိုက်သည်။ ၀မ့်ချမ်မှာ သူမဤမျှအကြင်နာကင်းမဲ့လိမ့်မည်ဟုမထင်ထား​ချေ။ ထို​ကြောင့်သူမနာကျင်စွာ​အော်လိုက်မိသည်။ 

ကျန်းယန်ရှန့်၏အသံကမူပို၍ပင်ကျယ်​လောင်​နေခဲ့သည်။ 

"နင့်မှာအဲ​လောက်အချိန်​တွေ​ပေါ​နေရင် စာပဲ​သေချာကြည့်​လေ၊ အတင်း​ပြောတာထက်ပိုအကျိုးမရှိဘူးလား၊ နင်​ဖော်မျူလာ​တွေ​တောင်အလွတ်ရလို့လား"

"နင့်ကိုယ်နင်ငတုံးဆိုတာ​ရောသတိထားမိလား"

"နင်ကဒီလို​ကျောင်း​ကောင်း​ကောင်းကိုလည်း​ရောက်လာပြီးပြီ၊ ဆရာ​ကောင်း​တွေနဲ့ အခွင့်အလမ်း​ကောင်း​တွေလည်းအများကြီးရှိ​နေတာကို၊ နင်နည်းနည်း​လောက်ကြိုးစားလိုက်တာနဲ့ တက္ကသိုလ်​ကောင်း​ကောင်းကို၀င်နိုင်ပြီ၊ "

"နင့်ကိုယ်နင်ဘာလုပ်​နေတယ်ထင်လဲ၊ အသုံးမ၀င်တာ​တွေလုပ်ပြ​နေပြီး​တော့ နင့်ကိုယ်နင် ရုပ်ရှင်ထဲသရုပ်​ဆောင်​​နေတယ်များထင်​နေလား၊ နင်​ကျောင်းကိုလာတာစာသင်ဖို့မဟုတ်ဘူးလား"

"နင့်မှာသင်ယူချင်စိတ်မရှိပဲ နင့်ဘ၀ကိုနင်ဖြုန်းတီးချင်တယ်ဆိုရင်လည်း နင့်ပြသနာကိုနင့်ဘာနင်​လုပ်၊ ငါတို့အတန်းထဲမှာ​တော့ပြသနာလာမရှာနဲ့"

"သူတို့ကနင်နဲ့တူတယ်များထင်​နေလား၊ နင်သိလား၊ သူတို့မှာဒီသုံးနှစ်စာအတွက် ကြိုးစားမှရမှာ၊ နင်​ကောင်း​ကောင်းကြိုးစားတယ်မကြိုးစားဘူးဆိုတာက နင်တစ်​ယောက်တည်းနဲ့ပဲဆိုင်တာ၊ သူတို့မှာ နင်နဲ့ချစ်တမ်းမုန်းတမ်းကစား​နေရမယ့်အချိန်မရှိဘူးသိရဲ့လား"

ကျန်းယန်ရှန့်ကျိန်ဆဲလျက် ၀မ့်ချမ်အားကန်ထည့်လိုက်သည်။ ၀မ့်ချမ်မှာ တကြိမ်ပြီး တကြိမ်​အော်ဟစ်​နေရ​တော့သည်။ သို့​သော်ထို​အော်သံကပင် ကျန်းယန်ရှန့်၏စကားသံကိုမဖုံးလွှမ်းနိုင်​ချေ။ 

"နင့်ကိုယ်နင်သိပ်​တော်တယ်ထင်​နေလား၊ ဒီအရွယ်မှာ သူများ​​တွေကိုဟိုဟာဒီဟာ လုပ်ခိုင်းနိုင်တာနဲ့ပဲ နင့်ကိုနင်ဟုတ်လှပြီထင်​နေလား၊ နင်ကသိပ်​တော်​နေတာလား၊ နင့်အဆင့်​တွေသိပ်​ကောင်း​နေလို့လား"

"နင့်မှာ သူများ​တွေလိုက်မမှီနိုင်တဲ့ဘ၀မျိူးရှိ​ကောင်းရှိလိမ့်မယ် ဒါ​ပေမယ့် မှန်ထဲ​သေချာပြန်ကြည့်လိုက်ဦး နင့်ကအခွံသာသာပဲရှိတာသိရဲ့လား"

ကျန်းယန်ရှန့်သည်အံကိုကြိတ်လျက် စကားလုံးနှစ်လုံးကိုသာညှစ်ထုတ်လိုက်နိုင်သည်၊

"ထွက်သွား"

အတိတ်ဘ၀တွင်သူမမှာ ၀မ့်ချမ်နှင့်​ရော ရှုလီချန်နှင့်ပါအတူရှိဖူးတာ​ကြောင့် သူတို့ကဆိုးရွား​ကြောင်းကို​ကောင်း​ကောင်းသိ​လေသည်၊

သူတို့အားလုံးမှာ ပုံမှန်ဆယ်​ကျော်သက်တစ်ဦးယှဥ်ရန်မစွမ်းသာ​သော ကြွယ်၀မှုများရှိသည်၊ သို့​သော်ထိုသူတို့မှာ ဆိုး​ပေလျက် အချိန်နှင့် ငယ်ရွယ်မှုကိုဖြုန်းတီး​နေကြသည်။ 

ကျန်းယန်ရှန့်သည် ​မြေပြင်​ပေါ် ရှက်ရွံ့စွာလဲကျ​နေ​သော ၀မ့်ချမ်ကိုကြည့်လျက် အတိတ်ဘ၀မှမိမိ၏ အရှက်ရခဲ့မှုကိုပြန်မြင်​ယောင်မိပြီး အလွန်အမင်းမုန်းတီးလာမှုကိုမတားဆီးနိုင်​ချေ။

အံကိုကြိတ်လိုက်ပြီးသူမသည် ​နောက်ကိုလှည့်၍ ရှုလီချန်အား ပြင်းထန်စွာမကြည့်မိရန်မထိန်းချုပ်နိုင်ခဲ့​။

ထိုအကြည့်တွင်မဖုံးကွယ်နိုင်​သော အမုန်တရားများ ရွံရှာမှုများပါ၀င်လျက် ဓါးတစ်​ချောင်းနှယ်ထက်မြ​နေခဲ့သည်။

ရှုလီချန်သည် လျှပ်စစ်စီး​ကြောင်းတစ်ခုက လက်​ချောင်းထိပ်​လေးမှတဆင့်သူ၏တကိုယ်လုံးကို ဖြတ်သန်းစီးဆင်းသွားသလ်ုခံစားလိုက်ရသည်။ 

ထိုအကြည့်တစ်ချက်တွင် ရှုလီချန်မှာလည်း မိမိမှာ ကျန်းယန်ရှန့်အ​ပေါ် နက်ရှိုင်းစွာနစ်​မြော​နေခဲ့မိပြီဖြစ်​ကြောင်း သ​​ဘော​ပေါက်သွား​ချေ​တော့သည်။

Xxxxxx