MM Story Teller

Chapter 19

Viewers 188

🏫 Chapter 19

သူတို့နှစ်ယောက်သား အသားကင်ဆိုင်သို့ မသွားကြပေ။ ပထမတစ်ချက်ကြည့်ရုံနှင့် ယွီမော့က အပြင်ထွက်၍ အပြင်စာများမစားသူဟု ထင်ရသည်။

အသားကင်က ကျန်းမာရေးနဲ့ မညီညွတ်တဲ့အရာတွေ ပါဝင်နေတာမို့ ယွီမော့က အသားကင်စားပြီး တစ်ခုခုဖြစ်သွားရင် ဘယ်လိုလုပ်မလဲ...

နောက်ဆုံးတွင် ချီဖန့်က ယွီမော့အား အမဲသားခေါက်ဆွဲ နှစ်ပန်းကန် ကျွေးရန်သာ ရွေးချယ်လိုက်သည်။

နှစ်ယောက်သား နေ့လည်စာ စားပြီးသောအခါ လူစုရန် အချိန်မကျန်တော့၍ ယွီမော့က ချီဖန့်နောက်မှ တိတ်တဆိတ် လိုက်လာသည်။ တစ်လမ်းလုံး စကားမပြောသော်လည်း ချီဖန့်ကိုသာ စိုက်ကြည့်နေသောကြောင့် သူ၏ အကြည့်များက အလွန်အားကောင်းနေသည်။

ချီဖန့်က လမ်းလျှောက်နေစဉ် ယွီမော့၏ စိုက်ကြည့်ခြင်းကို ခံရသောကြောင့် မတတ်သာဘဲ ရပ်လိုက်ပြီး မေးလိုက်သည်။

"ဘာဖြစ်လို့လဲ..."

ယွီမော့က သူ့၏ အကြည့်ကို ပြန်ရုပ်သိမ်းလိုက်ပြီး ခေါင်းကို ခါပြလိုက်သည်။

ချီဖန့်က ယွီမော့၏ စိတ်ဝင်စားမှု မရှိသည့် အမူအရာကို ရိုးနေပြီဖြစ်သည်။ အမှန်တကယ်တွင် ယွီမော့က ပေါင်းသင်းဆက်ဆံရေး အလွန်လွယ်ကူသူ ဖြစ်ကာ သူကြိုက်လျှင် ခေါင်းညိတ်ပြီး မကြိုက်လျှင် ခေါင်းခါပြသည်။ အခြားသူများက ပါးစပ်ဖြင့် ကြိုက်သည်ဟု ပြောသော်လည်း အမှန်တကယ်ကြိုက်သည်ဟု မဆိုလိုပေ။

"လူစုဖို့ တစ်နာရီပဲ ကျန်တော့တယ် ငါတို့... "

ချီဖန့်က လူစုမည့်နေရာသို့ ဦးစွာသွားပြီး ခဏစောင့်မလားဟု ပြောချင်ရုံရှိသေးသည်။ ထိုအခါ ယွီမော့၏ မျက်လုံးထောင့်မှ အခြားတစ်ဖက်သို့ လှမ်းကြည့်သည်ကို တွေ့လိုက်ရသည်။ ချီဖန့်က ခဏရပ်ပြီး သူ့ဦးနှောက်ထဲတွင် မြေပုံကို လျင်မြန်စွာ စဥ်းစားကြည့်လိုက်သည်။

အဲ့ဘက်က...

"ငါတို့ ကျားသစ်နက်ကို သွားကြည့်ကြမလား... တိရစ္ဆာန်ရုံမှာ ကျားသစ်နက်တစ်ကောင် ရောက်လာတယ်လို့ ကြားတယ် အရမ်းမိုက်တယ်တဲ့..."

ယွီမော့၏ မျက်လုံးများတွင် အံ့အားသင့်သည့် အရိပ်အယောင်တစ်ခု ပေါ်လာပြီးနောက် ခေါင်းညိတ်ပြလိုက်သည်။

တိရစ္ဆာန်ရုံသို့ အသစ်ရောက်လာသော ကျားသစ်နက်ကို တောထဲမှ စူးစမ်းရှာဖွေသူတစ်ဦးက ကယ်တင်လာသည်ဟု ဆိုသည်။ ထိုအချိန်က သူ့ခန္ဓာကိုယ်က အလွန်ပြင်းထန်စွာ ကိုက်ဖြတ်ခံထားရသည့်ဒဏ်ရာများ ရရှိထားသည်။ မြို့၏ တိရစ္ဆာန်ဆေးကုသရေး အရေးပေါ်ဌာနက သူ့ကို တစ်လနီးပါး ကုသခဲ့ရသည်။ ယခု ပြန်လည်သက်သာစပြုနေပြီဖြစ်သောကြောင့် တိရစ္ဆာန်ရုံက ကျားသစ်နက်များအတွက် သီးခြားနေရာတစ်ခု သတ်မှတ်ပေးထားသည်။

ကျားသစ်နက်က မြို့ပြလူများအတွက် အလွန်ရှားပါးသော မျိုးစိတ်တစ်မျိုးဖြစ်သည်။ လူအုပ်ကြီး၏ လမ်းကြောင်းအတိုင်း လိုက်သွားသောအခါ ချီဖန့်က ကျားသစ်နက်၏ ဆိုင်းဘုတ်ကို မြင်ရန် မကြာလိုက်ပေ။

နောက်ဆုံးတွင် ကျားသစ်နက်များက တောရိုင်းတိရစ္ဆာန်များဖြစ်ပြီး ဒဏ်ရာရနေလျှင်ပင် အန္တရာယ်ရှိသောကြောင့် ကျားသစ်နက်များ လှုပ်ရှားသည့်နေရာက သူတို့နှင့် အတော်ဝေးသေးသည်။ ချီဖန့်က ကျောက်တုံးပေါ်တွင် မျက်လုံးမှိတ်၍ လှဲနေသော ကျားသစ်နက်ကို ရှာတွေ့ရန် အချိန်အတော်ကြာအောင် ကြည့်ရှုခဲ့ရသည်။

သူက အလွန်ကောင်းမွန်သော ဖုံးကွယ်မှုတစ်ခုဖြစ်သည်။ ကျားသစ်နက်က သမ်းဝေပြီး ပါးစပ်ကို ဟလိုက်မှ ချီဖန့်က သူရှိနေသည့်နေရာကို ရှာတွေ့နိုင်ခဲ့သည်။

"ကြည့်၊ ဟိုမှာပဲ..."

ချီဖန့်က ယွီမော့ မမြင်နိုင်မည်ကို စိုးရိမ်ပြီး ကျားသစ်နက်ကို လက်ညှိုးထိုးပြလိုက်သည်။

ယွီမော့က ကျားသစ်နက်ကို တစ်ချက်ကြည့်လိုက်သည်။ သူက ယခုတင် ဒဏ်ရာရထားသောကြောင့် ကျားသစ်နက်၏ အမွေးများက ရိတ်ထားခံရပြီး သူစိတ်ကူးထားသည့် တောတွင်းဘုရင်နှင့် မတူဘဲ အနည်းငယ် ရယ်စရာကောင်းနေသည်။

ယွီမော့က ကျားသစ်နက်ကို ခေတ္တခဏ စိုက်ကြည့်နေပြီး သူ မည်သည်ကို ခံစားရသည်ကို မပြောနိုင်ပေ။ သူက စကားပြောရန် အမြဲတမ်း တွန့်ဆုတ်နေသောကြောင့် သူ့အတွေးများက အကြိမ်များစွာ လျစ်လျုရှု့ခံခဲ့ရသည်။ သို့သော် ချီဖန့်က သူ မည်သည်ကို တွေးနေသည်ကို သိနိုင်သည်။

ချီဖန့်က သူ့ဘေးတွင် ရပ်နေပြီး ပတ်ဝန်းကျင်တွင် လူများလွန်းသောကြောင့် နှစ်ယောက်သား ကပ်ရပ်နေရသည်။ ယွီမော့ ခေါင်းငုံ့လိုက်သည်နှင့် ချီဖန့်၏ ဦးခေါင်းပေါ်ရှိ ဆံပင်တိုအနည်းငယ်ကို တွေ့လိုက်ရသည်။ ကျားသစ်နက်ကို မြင်ရသည့် အကွာအဝေးက အလွန်နည်းသောကြောင့် ယွီမော့၏ ပတ်ဝန်းကျင်ရှိ လူတိုင်းက မသိစိတ်က ရှေ့တိုး၍ တိုးဝှေ့ရန် ကြိုးစားကြသည်။

သို့သော် ယွီမော့က ထိုသို့ လူစည်ကားသည့် အခြေအနေမျိုးတွင်ပင် ချီဖန့်က သူ့ကို အစအဆုံး မထိမိကြောင်း တွေ့လိုက်ရသည်။

ပတ်ဝန်းကျင်က မည်မျှပင် ပြန်၍ စည်ကားစေကာမူ ချီဖန့်က သူ့ခန္ဓာကိုယ်ကို ထိန်းထားရန် ကြိုးစားနေသည်။ အကြိမ်အနည်းငယ်ကြာသောအခါ ချီဖန့်၏ မျက်နှာက နီရဲလာသည်။

"လူစုဖို့ အချိန်နီးပြီ ငါတို့ အရင်ပြန်ကြမလား..."

ချီဖန့်က သူ့အားကို နောက်သို့ ဖိပြီး မေးလိုက်သည်။ ဤနေရာတွင် လူများ ပို၍ ပို၍ များလာသောကြောင့် နောက်ထပ် အကြိမ်အနည်းငယ်ကြာလျှင် သူက ယွီမော့၏ ခန္ဓာကိုယ်ပေါ်သို့ မှီကျသွားနိုင်ချေရှိသည်။

လူများလွန်းသောကြောင့်လား၊ အသန့်အကြိုက်လွန်ရောဂါကြောင့်လား မသိသော်လည်း ယွီမော့၏ မျက်နှာက မကောင်းတော့ချေ။

ယွီမော့က ချီဖန့်နောက်တွင် သူ့လက်ကို မြှောက်ထားလျက် ခဏရပ်လိုက်ပြီးနောက် မသိသာအောင် ပြန်ချလိုက်ကာ ခေါင်းညိတ်ပြလိုက်သည်။

နှစ်ယောက်သား အချိန်မီ လူစုသည့်နေရာသို့ ရောက်လာကြပြီး အတန်းဖော်အနည်းငယ်လည်း ပြန်ရောက်နေကြပြီဖြစ်သည်။ အတန်းခေါင်းဆောင်က နှစ်ယောက်သားကို တစ်ချက်ကြည့်လိုက်ပြီး မည်သည်မှ မပြောဘဲ လူဦးရေကို ရေတွက်ပြီးနောက် ကားပေါ်သို့ တက်သွားသည်။ ယွီမော့က ချီဖန့်နောက်မှ လိုက်၍ ကားပေါ်သို့ တက်သွားသည်။

ချီဖန့်က တစ်လမ်းလုံး မရပ်ဘဲ နောက်ဆုံးတန်းနားရှိ လူမရှိသည့် ထိုင်ခုံသို့ လျှောက်သွားသော်လည်း ယွီမော့က ထိုင်ခုံဘေးတွင် တွန့်ဆုတ်နေသည်။

နံနက်က ထိုလူက သူ့ကို လာရှာသောအခါ ချီဖန့်က သူ့နှင့်အတူ ထိုင်ချင်သည်ဟု ပြောခဲ့သော်လည်း ယွီမော့က ချီဖန့်က သူ့နှင့်အတူ မထိုင်ချင်ကြောင်းကို ရှင်းလင်းစွာ သိသည်။ ထိုလူက အထင်လွဲသွားခြင်းသာဖြစ်ပြီး ချီဖန့်ကလည်း ထပ်၍ ရှင်းပြရန် ပျင်းရိနေခြင်းဖြစ်သည်။

ငါ အခု ဒီနေရာမှာ ထိုင်လို့ရသေးလား...

ချီဖန့်က ခေါင်းကို ငုံ့၍ ခါးပတ်ကို ပတ်လိုက်သည်။ သူ မော့ကြည့်လိုက်သောအခါ ယွီမော့က ထိုင်ခုံဘေးတွင် ရပ်နေသည်ကို တွေ့လိုက်ရသည်။ သူ မည်သည်ကို တွေးနေသည်ကို မသိချေ။ ကံကောင်းထောက်မစွာ သူရွေးချယ်လိုက်သည့် ထိုင်ခုံက နောက်တွင် ရှိသောကြောင့် သူက အခြားသူများကို မပိတ်ဆို့ချေ။

"ဘာဖြစ်လို့လဲ... ဒီမှာ ထိုင်ရတာ မကြိုက်ဘူးလား..."

ချီဖန့်က အံ့အားသင့်သွားပြီး တစ်ဝက်လောက် ထရပ်ကာ ရှေ့သို့ ကြည့်လိုက်သည်။ ယွီမော့က နောက်ဆုံးတန်းကို ပို၍ ကြိုက်သည်ဟု သူ ထင်သောကြောင့် နောက်ဆုံးနားကျသောနေရာကို ရွေးချယ်ခဲ့ခြင်းဖြစ်သည်။ ယခု ရှေ့ထိုင်ခုံများတွင် လူများ ထိုင်နေကြပြီး ထပ်၍ ပြောင်းလိုက်လျှင် သူတို့ အတူတကွ ထိုင်နိုင်မည် မဟုတ်ပေ။

ယွီမော့က နောက်သို့ လှည့်ကြည့်ပြီး ခေါင်းခါကာ ချီဖန့်ဘေးတွင် ထိုင်ချလိုက်သည်။

"အင်း၊ မင်းတို့နှစ်ယောက်က နောက်မှာ အဝေးကြီး ထိုင်နေကြတာပဲ..."

ချီဖန့်က လှည့်ကြည့်လိုက်သောအခါ သူ့နောက်ခုံတွင် အားကစားကော်မတီအဖွဲ့ ထိုင်နေသည်ကို တွေ့လိုက်ရသည်။ အားကစားကော်မတီအဖွဲ့ဝင်က ယွီမော့နှင့် အရွယ်အစား တူညီပြီး နောက်ဆုံးတန်းက ရှေ့ခုံများထက် ပိုမြင့်သည်။ အားကစားကော်မတီအဖွဲ့ဝင်က မတ်မတ်ထိုင်ရန် မဝံ့ရဲဘဲ နောက်ခုံကိုသာ မှီထားနိုင်သည်။

"ချီဖန့်၊ မင်း ခဏလောက် အိပ်ချင်ရင် ငါတို့ နေရာချင်းလဲလို့ရတယ်...ဘယ်လိုပဲဖြစ်ဖြစ် နောက်ဆုံးတန်းမှာ ဘယ်သူမှ မထိုင်ဘူးလေ ပြီးတော့ ယွီမော့ရဲ့ ပခုံးတွေကိုလည်း သက်သာစေတယ်..."

သို့သော် သူ့ဗီဇက သူ့ကို ပါးစပ်ပိတ်ထားရန် အလွန်အားကောင်းစွာ ပြုလုပ်စေသည်။

"ပခုံးတွေ...ပခုံးတွေ ဘာဖြစ်လို့လဲ..."

ချီဖန့်က အံ့အားသင့်သွားပြီး နံနက်က အားကစားကော်မတီအဖွဲ့ဝင်က ယွီမော့၏ ပခုံးများ ထုံနေသည်ဟု ပြောခဲ့ပုံရသည်။

"အင်း၊ မင်း မသိဘူးလား..."

အားကစားကော်မတီအဖွဲ့ဝင်က အံ့အားသင့်သွားသည်။

"မနက်က မင်း ယွီမော့ပေါ်မှာ တစ်လမ်းလုံး အိပ်လာတာလေ ယွီမော့က မင်းနိုးသွားမှာစိုးလို့ လှုပ်ကို မလှုပ်ခဲ့ဘူး..."

ချီဖန့်က လုံးဝ ကြောင်အသွားသည်။

နံနက်က သူကားမူးသောကြောင့် အိပ်ပျော်သွားပြီး နောက်ပိုင်း မည်သည်များဖြစ်သွားသည်ကို မမှတ်မိတော့ချေ။ အားကစားကော်မတီအဖွဲ့ဝင် သတိပေးမှ ချီဖန့်က သူ၏ ခေါင်းအုံးက မာလွန်းသောကြောင့် မကြိုက်ခဲ့ပုံကို ရုတ်တရက် သတိရသွားပြီး နိုးလာသောအခါ မကောင်းသည့်မှတ်ချက် ပေးချင်သေးသည်ကိုလည်း သတိရသွားသည်။

ချက်ချင်းပင် သူ့လည်ပင်းအေးသွားသလို ခံစားလိုက်ရသည်။

ချီဖန့်က သူ့လည်ပင်းကို စမ်းကြည့်ပြီး ယွီမော့က သူ့ကို ခေါင်းဖြတ်မထားကြောင်း အတည်ပြုလိုက်သည်။

"တောင်းပန်ပါတယ်..."

ချီဖန့်က တောင်းပန်လိုက်သည်။ ယွီမော့က အခြားသူများ သူ့ကို ထိတွေ့သည်ကို လုံးဝ မကြိုက်ချေ။ တစ်ကြိမ်က သူ မတော်တဆ တိုက်မိခဲ့ခြင်းသာဖြစ်သော်လည်း ယွီမော့က ဒေါသထွက်ပြီး သူ့အဝတ်အစားကို ယူသွားကာ နောက်နေ့မှ လျှော်ခိုင်းခဲ့သည်။ ဤတစ်ကြိမ်တွင် သူ့ကြောင့်ဖြစ်သောကြောင့် ယွီမော့က သူ့အဝတ်အစားကို ချက်ချင်း မချွတ်ဘဲ သူ့မျက်နှာကိုသာ မီးရှို့ပစ်လောက်သည်။

"ငါ အိပ်ပျော်သွားပြီး သတိမထားမိလို့လေ... မဟုတ်ရင်... မင်း ပြန်သွားပြီး မင်းအဝတ်အစားကို ငါ့ကို ပေးပါလား... ငါ လျှော်ပေးမယ်လေ..."

ယွီမော့၏ အေးစက်သော မျက်လုံးများက အားကစားကော်မတီအဖွဲ့ဝင်ထံသို့ ရွေ့သွားသည်။ ချီဖန့်ပေါ်သို့ အကြည့်များ ကျရောက်လာသောအခါ မကျေနပ်မှု တစ်စုံတစ်ရာကို မတွေ့ရပေ။ သူက မတတ်သာသည့်ပုံစံဖြင့် တိုးညှင်းစွာ ပြောလိုက်သည်။

"မလိုပါဘူး..."

ချီဖန့်၏ အကြည့်က ယွီမော့၏ ဘယ်ဘက်ပခုံးပေါ်သို့ ရောက်သွားပြီး အစွန်းအထင်း တစ်စုံတစ်ရာ မကျန်ကြောင်း သေချာသွားသည်။ သူက ခေါင်းညိတ်ပြီး အားပေးသည့်အနေဖြင့် ထပ်ပြောလိုက်သည်။

"မင်း အဆင်မပြေရင် ပြောနော်..."

ကားပေါ်ရှိ အတန်းဖော်များက လျင်မြန်စွာ စုရုံးလာကြသည်။ တစ်နေကုန် ဆော့ကစားပြီးနောက် လူအများစုက ပင်ပန်းနွမ်းနယ်ကာ ထိုင်ခုံများပေါ်တွင် လှဲလျောင်းနေကြသည်။ ကားက နံနက်ကကဲ့သို့ ဆူညံခြင်း မရှိဘဲ ချီဖန့်က ယွီမော့ပေးထားသော အအန်ပျောက်ဆေးကို သောက်ပြီး နဖူးကို ပွတ်သပ်ကာ မအိပ်ပျော်အောင် ကြိုးစားပြီး အားတင်းထားလိုက်သည်။

သို့သော် ကားစထွက်ပြီး မိနစ်အနည်းငယ်အတွင်း ချီဖန့်က ဝေဝါးလာသည်။ သူက ခေါင်းကို လှည့်၍ ကားပြတင်းပေါက်ကို မှီလိုက်ပြီး အေးစက်သော ထိတွေ့မှုက ချီဖန့်ကို ခေတ္တခဏ သတိဝင်စေသော်လည်း မကြာမီ ဤနည်းလမ်းက အကျိုးသက်ရောက်မှု မရှိတော့ပေ။

ဤနည်းအတိုင်း ဆက်သွားပါက သူက သေချာပေါက် အိပ်ပျော်သွားလိမ့်မည်။

ချီဖန့်က မျက်နှာကို သုတ်လိုက်ပြီး အိတ်ကပ်ထဲမှ နားကြပ်ကို ထုတ်ကာ မိုဘိုင်းဖုန်းထဲသို့ တပ်လိုက်ပြီး ယွီမော့ကို မေးလိုက်သည်။

"မင်း သီချင်းနားထောင်ချင်လား..."

ယွီမော့က နားကြပ်တစ်ဖက်ကို ယူလိုက်ပြီး

ချီဖန့်က မိုဘိုင်းဖုန်းကို လှန်ကြည့်လိုက်သည်။ သီချင်းများက အလွန်ငြိမ့်ညောင်းလွန်းပြီး ငြိမ့်ညောင်းသော သီချင်းများကို နားထောင်သည်နှင့် သူက ပြန်၍ အိပ်ပျော်သွားလိမ့်မည်။ ထို 'သဲပန်းပုရုပ်များ' လည်း အလုပ်မဖြစ်ဘဲ ၎င်းက ယွီမော့ရှေ့တွင် ပုံရိပ်ကို ပျက်စီးစေသည်။ နောက်ဆုံးတွင် ချီဖန့်က မြူးကြွသော အင်္ဂလိပ်သီချင်းတစ်ပုဒ်ကို တွေ့လိုက်သည်။

(T/N: သဲပန်းပုရုပ်များရဲ့ အသံထွက်က အဓိပ္ပာယ်မဲ့တဲ့ လိင်အင်္ဂါနဲ့တူပြီး အဓိပ္ပာယ်မဲ့၊ ရယ်စရာကောင်းပြီး လူတွေကို ရယ်မောစေတယ်၊ ရယ်စရာကောင်းတဲ့ အဓိပ္ပာယ်မဲ့သီချင်းလို့ ခန့်မှန်းမိပါတယ်)

နားကြပ်တစ်ဖက်မှ အသံများ စီးဆင်းလာပြီး အဆိုတော်၏ အသံက အလွန်ကြည်လင်ပြီး တေးသွားက အလွန်ပျော်ရွှင်ဖွယ်ကောင်းသည်။ ယွီမော့က သီချင်းများကို ရှားပါးစွာ နားထောင်ပြီး ဤအရာများက သူ့အတွက် စိတ်ဝင်စားစရာ မကောင်းချေ။ ဤသီချင်းက သူ ပထမဆုံးအကြိမ် နားထောင်ခြင်းဖြစ်ပြီး အင်္ဂလိပ်သီချင်းဖြစ်သော်လည်း ယွီမော့က သီချင်းစာသားများကို အပြည့်အဝ နားလည်နိုင်သည်။

၎င်းက လျှို့ဝှက်အချစ်အတွက် သီချင်းတစ်ပုဒ်ဖြစ်သည်။

ယွီမော့က တိတ်တဆိတ် နားထောင်နေပြီး ခဏအကြာတွင် နားကြပ်ကို အနည်းငယ် ဆွဲလိုက်သည်ဟု ခံစားလိုက်ရသည်။ သူက ခေါင်းကို ဘေးသို့ လှည့်လိုက်သောအခါ ချီဖန့်က မျက်လုံးများကို မှိတ်ပြီး ပြတင်းပေါက်ကို မှီနေသည်ကို တွေ့လိုက်ရသည်။ နားကြပ်ကြိုးက အလုံအလောက် မရှည်သောကြောင့် ချီဖန့်၏ နားကြပ်က သူ့ပခုံးပေါ်သို့ ကျနေပြီဖြစ်သည်။

ယွီမော့က နှစ်ယောက်လုံး၏ နားကြပ်ကို သိမ်းဆည်းရန် လက်ကို ဆန့်လိုက်ပြီး ကြမ်းပြင်သို့ ကျလုဆဲဆဲဖြစ်နေသော ချီဖန့်၏ မိုဘိုင်းဖုန်းကို ကောက်ယူလိုက်သည်။ လမ်းက မညီညာသောကြောင့် ကားက တုန်ခါနေပြီး ချီဖန့်၏ ခေါင်းက ပြတင်းပေါက်ကို ညင်သာစွာ တိုက်မိသည်။ ယွီမော့ လက်ကို ဆန့်လိုက်သည်နှင့် နောက်ထိုင်ခုံမှ ညည်းသံကို ကြားလိုက်ရသည်။

အားကစားကော်မတီအဖွဲ့ဝင်က ပတ်ဝန်းကျင်ကို လှည့်ကြည့်ပြီး ချီဖန့် အိပ်ပျော်နေသည်ကို တွေ့လိုက်ရသည်။ နောက်ထိုင်ခုံတွင် လာအိပ်ရန် သူ့ကို ပြောရန် လုပ်နေချိန်တွင် ခန္ဓာကိုယ်ပေါ်၌ အေးစက်သော အကြည့်တစ်ခုကို ခံစားလိုက်ရသည်။ သူက လန့်သွားပြီး တစ်ခုခု ပြောချင်သော်လည်း ချက်ချင်း မေ့သွားသည်။

ယွီမော့က အားကစားကော်မတီအဖွဲ့ဝင်ကို တစ်ချက်ကြည့်ပြီးနောက် ချီဖန့်ကို သူ့ပခုံးပေါ် မှီစေရန် ညင်သာစွာ လက်ကို ဆန့်လိုက်ကာ ချီဖန့် သက်သောင့်သက်သာဖြစ်စေရန် အနည်းငယ် ထိုင်ချလိုက်သည်။

သူ့ကို ထိုသို့ မြင်သောအခါ အားကစားကော်မတီအဖွဲ့ဝင်က မည်သည်မှ မပြောခြင်းက ကောင်းကြောင်း သိသွားသည်။ သူက နှာခေါင်းကို ပွတ်သပ်ပြီး နောက်သို့ ဆုတ်သွားသည်။

ချီဖန့်က အိပ်ငိုက်လွန်းသောကြောင့် ဤသို့ ရွှေ့လိုက်ပြီးနောက် စကားအနည်းငယ်သာ ရေရွတ်ပြီး ယွီမော့၏ ပခုံးများကို ပွတ်သပ်ကာ ပြန်အိပ်ပျော်သွားသည်။

ယွီမော့၏ ရှုထောင့်မှ ကြည့်လိုက်သောအခါ ချီဖန့်၏ မျက်တောင်အရိပ်များက ယပ်တောင်အသေးစားကဲ့သို့ တိတ်တဆိတ် စင်းနေသည်ကို မြင်နိုင်သည်။ ချီဖန့်၏ အသက်ရှူသံက အလွန်တိုးညှင်းပြီး အသက်ရှူနှုန်းက ရှည်လျားကာ နှေးကွေးသည်။ အချိန်အတော်ကြာ နားထောင်ပြီးနောက် ယွီမော့ပင် အိပ်ငိုက်သည့် အရိပ်အယောင် အနည်းငယ် ကူးစက်ခံရသည်။

ယွီမော့က ဘယ်ဘက်ပခုံးကို ငြိမ်သက်စွာ ထိန်းထားလျက် အခြားနားကြပ်ကို သူ့နားသို့ တပ်လိုက်ပြီး ချီဖန့်၏ မိုဘိုင်းဖုန်းမှ ဖွင့်ထားသော သီချင်းကို တိတ်တဆိတ် နားထောင်နေသည်။

ယွီမော့က အံ့သြစွာဖြင့် မျက်တောင်ခတ်ပြီး ချီဖန့်၏ ဖုန်းမျက်နှာပြင်ကို ဂရုတစိုက် နှိပ်လိုက်သည်။

မူလက ဖွင့်ထားသော အင်္ဂလိပ်သီချင်းက တရုတ်သီချင်းဖြင့် အစားထိုးခံလိုက်ရသည်ကို သူ မသိလိုက်ပေ။ သီချင်းစာသားများ၏ ပျော်ရွှင်ဖွယ် တေးသွားက နားလည်ရန် လွယ်ကူသည်။ ယွီမော့က စာသားအနည်းငယ်မျှသာ နားထောင်ရသေးပြီး သီချင်းပြီးသောအခါ နောက်သီချင်းအသစ်ဖြင့် အစားထိုးခံလိုက်ရသည်။

သီချင်းဖွင့်ခြင်းမပြုမီ ချီဖန့်က သီချင်းအားလုံး စဆုံးဖွင့်သည့်ပုံစံကို တစ်ပုဒ်တည်း ထပ်ခါထပ်ခါ ဖွင့်သည့်ပုံစံသို့ ပြောင်းရန် မေ့သွားသည်။

ယွီမော့က နားကြပ်ကို ပြန်တပ်လိုက်ပြီး မျက်နှာက ဗလာ ဖြစ်နေသည်။ သူ့ကို မြင်သော မည်သူမဆို ယွီမော့က အလွန်ယဉ်ကျေးသော သီချင်းများကို နားထောင်နေသည်ဟု ခံစားရလိမ့်မည်။

မိနစ်သုံးဆယ်ကျော် ခရီးစဉ်တွင် ယွီမော့က တရုတ်၊ အင်္ဂလိပ်နှင့် ဂျပန်အပါအဝင် သီချင်းစုစုပေါင်း ဆယ့်တစ်ပုဒ်ကို နားထောင်ခဲ့ပြီး ၎င်းတို့ထဲမှ တစ်ပုဒ်တွင် အဆိုတော်က သီချင်းစာသားများကို တစ်လျှောက်လုံး အော်ဟစ်နေသော်လည်း ယွီမော့က စကားတစ်လုံးမျှ နားမလည်ပေ။

ကျောင်းသို့ ရောက်ခါနီးအချိန်တွင် ယွီမော့က နားကြပ်ကို ချွတ်လိုက်ပြီး စဉ်းစားဟန်ဖြင့် ကြည့်နေသည်။

ဒါဆို...

ချီဖန့်က ဒီလို သီချင်းမျိုးကို သဘောကျတာလား...

ယွီမော့က အိမ်မှ ဂန္တဝင်သီချင်းများကို ပေါ့ပ်သီချင်းများဖြင့် အစားထိုးသင့်သလား၊ သို့မဟုတ် နောင်တွင် ချီဖန့်က မေးလာပါက သူ (ချီဖန့်)က သူ (ယွီမော့) ကြိုက်နှစ်သက်သော အရာများက ခေတ်နောက်ကျသည်ဟု ထင်လျှင် မည်သို့လုပ်ရမည်လားဟု လေးနက်စွာ စဉ်းစားနေသည်။

--------------

ဘာသာပြန်သူ၏ မှတ်ချက်။ ။

ယွီမော့ရဲ့ အသန့်အကြိုက်လွန်ရောဂါအကြောင်း နည်းနည်းပြောပြချင်လို့ပါ

အသန့်အကြိုက်လွန်ရောဂါ(Mysophobia) ဆိုတာကတော့ ပိုးမွှားတွေ ဒါမှမဟုတ် အညစ်အကြေးတွေနဲ့ ညစ်ပတ်မှာကို အလွန်အမင်း စိုးရိမ်ကြောက်လန့်တဲ့ စိတ်ရောဂါတစ်မျိုးပါ။ ဒါကို germaphobia လို့လည်း ခေါ်ကြပါတယ်။

Mysophobia ရှိတဲ့သူတွေဟာ သူတို့ရဲ့ စိုးရိမ်ပူပန်မှုတွေဟာ အခြေအမြစ်မရှိဘူးဆိုတာ သိပေမယ့် ထိန်းချုပ်ဖို့ ခက်ခဲတတ်ပါတယ်။ ဒီရောဂါဟာ သူတို့ရဲ့ နေ့စဉ်ဘဝကို အကြီးအကျယ် ထိခိုက်စေနိုင်ပြီး အလုပ်၊ ကျောင်း၊ လူမှုဆက်ဆံရေးနဲ့ အခြားကိစ္စတွေမှာ အခက်အခဲတွေ ဖြစ်စေနိုင်ပါတယ်။

Mysophobia ရှိတယ်လို့ ထင်ရင် စိတ်ရောဂါအထူးကုဆရာဝန်နဲ့ တိုင်ပင်ပြီး ကုသမှုခံယူဖို့ အရေးကြီးပါတယ်။

🏫🏫🏫

Prev Next