အပိုင်း ၂၂
Viewers 1k
Chapters 600

အခန်း(၂၂) - ငါ အိုနေပြီလား

 

[ငါးကြင်းရဲ့အနံ့က အရသာရှိမယ့်ပုံပဲ။ ဒီလိုအနံ့လိုပဲ ငါးရဲ့အရသာကလည်း ကောင်းမလားလို့ ငါတွေးမိတယ်။ တင်ဆက်သူရေ နင် မတရားလုပ်နေတာပဲ။ နင်က မွှေးရနံ့ဖန်ရှင်ကိုပဲ ဖွင့်ထားပြီး အရသာဖန်ရှင်ကိုကျ ဘာလို့ မဖွင့်ထားရတာလဲ။ ဒီမွှေးရနံ့က ဘေးအိမ်က ကလေးကိုပါ အော်ငိုအောင် လုပ်နိုင်တယ်။]

 

[ငါပြောထားတာကို ငါ ပြန်ရုပ်သိမ်းတယ်။ တိုက်ရိုက်ထုတ်လွှင့်မှု အစီအစဉ် တင်ဆက်သူအများစုက ကြွားဝါပြောဆိုတတ်ပေမယ့် အနည်းဆုံးတော့ သူမရဲ့ အချက်အပြုတ် စွမ်းရည်က ကောင်းမွန်ပါတယ်။ ငါ စာရင်းသွင်းချင်ပါတယ်။]

 

စုယန်ယန်သည် ဖန်သားပြင်ပေါ်ရှိ များပြားလှသော မှတ်ချက်များကို တစ်ချက်ကြည့်လိုက်သည်။ ဆန်ပြုတ်ကို အပူခံ နေ့လယ်စာ ဘူးထဲသို့ လောင်းထည့်နေရင်း သူမနှုတ်ခမ်းထောင့်စွန်းလေးများ အနည်းငယ် တွန့်ကွေးသွားသည်။

 

“ကိုချီအရွက်က ကိုယ်ခန္ဓာအတွင်း လုပ်ဆောင်ချက်တွေကို ပြန်လည် ကောင်းမွန်စေပြီး မျက်စိအမြင်အား ကောင်းစေနိုင်ပါတယ်။ ကိုချီစေ့ကိုယ်တိုင်က အသည်း၊ ကျောက်ကပ်နဲ့ အဆုတ်တွေကို အာဟာရ ဖြည့်တင်းပေးတယ်။ ကျောက်ကပ် (သို့ ) အသည်းရဲ့ လုပ်ဆောင်ချက် ချိုတဲ့သူများနှင့် ညဘက်တွင် အမြင်အာရုံ သိပ်မကောင်းတဲ့ ကလေးလေးတွေအတွက် အထူးသင့်လျော်တယ်။ သို့ပေမယ့် သွေးတိုးရှိသူတွေအတွက် ဒီဝက်အသည်းစွပ်ပြုတ်ကို စားသောက်ဖို့ အကြံမပေးပါဘူး။ ဝက်အသည်းက အသည်းအားဆေးအဖြစ် လုပ်ဆောင်ပြီး သွေးကို အာဟာရဖြစ်စေသည်။ အလွန်အကျွံ စားသုံးမိမယ်ဆိုရင် သွေးတိုးရောဂါ ရှိသူတွေအတွက် အန္တရာယ်ဖြစ်စေပါတယ်။ ကျေးဇူးပြုပြီး မိသားစုဝင်တွေက သွေးတိုးရှိနေမယ်ဆိုရင် ဒီအစားအသောက်ကို ရှောင်ရန် သတိပေးဖို့ ကြည့်ရှုသူတွေကို မှာကြားချင်ပါတယ်”

 

“ရှန်းကျားနဲ့ ငါးကြင်းကတော့ သရက်ရွက်နဲ့ အစာအိမ်တို့ကို နွေးထွေးစေပြီး အစာစားချင်စိတ်ကို အားကောင်းစေကာ အစာချေဖျက်မှုကို အားပေးတယ်။ ချိုချဉ်အရသာသည် အရသာခံအာရုံ ခံနိုင်ရည် အားနည်းသော သက်ကြီးရွယ်အိုများ သို့မဟုတ် အစာမကြေခြင်းနှင့် အသက်ရှူလမ်းကြောင်းဆိုင်ရာ ပြဿနာရှိသူများအတွက် သင့်လျော်ပါတယ်။ သို့ပေမယ့် သတိထားသင့်သည့် အချက်တစ်ခုရှိတယ်။ ကိုယ်ဝန်ဆောင်မိခင်များအတွက်မူ သန္ဓေသားလောင်းကို အန္တရာယ်ဖြစ်စေနိုင်တဲ့အတွက်ကြောင့် ဒီဟင်းလျာကို စားသုံးခြင်းမပြုလုပ်ရန် အကြံပေးချင်ပါတယ်”

 

သက်ကြီးရွယ်အိုများ ဟုတ်လား။

 

တိုက်ရိုက်ထုတ်လွှင့်မှုကို အစအဆုံးကြည့်နေခဲ့သည့် ဟောက်ချန်ဟွမ်းသည် ဖန်သားပြင်ပေါ်တွင် ရုတ်တရက် ပေါ်ထွက်လာသည့် စကားများကြောင့် သူ့ခေါင်း ပွင့်ထွက်သွားသလို ခံစားလိုက်ရသည်။

 

မနေ့ညက စုယန်ယန်က သူ့ကို ‘ဒယ်ဒီ’ လို့ ခေါ်ဆိုခဲ့ပြီး အခုတော့ အဘိုးကြီးလို့ ခေါ်ဆိုနေတာလား။ သူမစိတ်ထဲမှာ သူက အဲ့လောက်တောင် အသက်ကြီးနေပြီလား...

 

အလွန် စိတ်မချမ်းမသာဖြစ်ပြီး ဟောက်ချန်ဟွမ်းသည် သူ အရင်က မလုပ်ဖူးသော အရာတစ်ခုကို ပြုလုပ်ခဲ့သည်။

 

သူက သူ့ဖုန်းကင်မရာကို ဖွင့်ပြီး ရှေ့ကင်မရာကို သူ့မျက်နှာအနီးသို့ ရွှေ့လိုက်ပြီး သူ့မျက်နှာသွင်ပြင်ကို အသေးစိတ် ကြည့်ရှုစစ်ဆေးခဲ့သည်။

 

ဘေးတွင် ရပ်နေတဲ့ ယုကျစ်ယန်က ဒီမြင်ကွင်းကို မြင်လိုက်သည့်အခါမှာ အလွန်အမင်း ထိတ်လန့်သွားခဲ့သည်။ အလွန်မဆီလျော်သော အတွေးတစ်ခုဟာ သူ့စိတ်ထဲ ဝင်လာခဲ့သည်။

 

‘တစ္ဆေတစ်ကောင်က သခင်လေးရဲ့ ခန္ဓာကိုယ်ကို အပိုင်စီးထားတာလား...’

 

“ကျစ်ယန်”

 

ယုကျစ်ယန်သည် သူ့နာမည်ခေါ်သံကို ရုတ်တရက် ကြားလိုက်ရမှ သူ့ရဲ့ ပျံ့လွင့်နေတဲ့ စိတ်အာရုံတွေဆီကနေ အသိပြန်ဝင်လာခဲ့သည်။ သူ အလွန်အမင်း ထိတ်လန့် တုန်လှုပ်နေပြီး သူ့ကျောရိုးတွေ ပြုတ်ကျသွားတော့မလို တုန်ယင်ကာ “ဟုတ်တယ် သခင်လေး” လို့ ပြန်ဖြေလိုက်သည်။

 

“ငါ အိုနေပြီလား”

 

အိုနေတာလား။ ယုကျစ်ယန်က သူ့စိတ်တွေ တုန်လှုပ်ချောက်ချား နေသောကြောင့် အကြားမှားလိုက်တယ်လို့ တွေးမိလုနီးပါး ဖြစ်သွားခဲ့ရသည်။

 

ဟောက်ချန်ဟွမ်း၏ ရုပ်ရည်အသွင်အပြင်သည် အသက်နှစ်ဆယ်ကျော်လောက်သာ ရှိပုံရပြီး မျက်နှာက တင်းရင်းနေကာ ငယ်ရွယ်နုပျိုသော အမျိုးသားတစ်ယောက်အဖြစ် မြင်နေရသည်။ သို့သော် သူ့ကို သခင်လေးက သူ့ထက် ပိုအိုစာတယ်လို့ ထင်သည့် အတွက်ကြောင့် သွယ်ဝိုက်ပြီး လှောင်ပြောင်တာလားဟု သံသယဖြစ်လိုက်မိသည်။

 

“သခင်လေး ဘာကြောင့် အဲ့လိုထင်နေရတာလဲ။ ဆိုရိုးစကားအရဆိုရင် လူတွေက အသက်သုံးဆယ်အရွယ်မှ ဘဝစတယ်လို့ ဆိုကြတယ်။ အခု သခင်လေးက အသက်နှစ်ဆယ်ကျော်ရုံလေးပဲ ရှိသေးတာဆိုတော့ မင်း အသက်ကြီးတယ်လို့ မမှတ်ယူနိုင်သေးဘူးလေ ဟုတ်တယ် မဟုတ်လား”

 

အသက်သုံးဆယ်အရွယ်မှ ဘဝ စတင်တာလား။ ဟောက်ချန်ဟွမ်းက ကျစ်ယန်ကို အကြည့်တစ်ချက် ပစ်ခွင်းလိုက်ပြီး “ငါက အရွယ်မရောက်ဘူးပေါ့” ဟု အေးစက်စွာ ပြောလိုက်သည်။

 

ယုကျစ်ယန် “...” ဒီလူက သူ ရင်းနှီးကျွမ်းဝင်တဲ့ သခင်လေးဖြစ်နေဆဲပါပင်။ သို့သော် ဒီနေ့မှာတော့ သူက အခါတိုင်းထက် အဆတစ်ရာလောက် ပိုကြောက်စရာကောင်းနေလေ၏။  QAQ

 

စုယန်ယန်၏ ဟင်းလျာအကြောင်း ရှင်းပြချက်သည် ဟောက်ချန်ဟွမ်းအား အဓိပ္ပါယ်ကောက် လွဲမှားစေကြောင်းကို သူမ မသိခဲ့ပါလေ။

 

စုယန်ယန် တရုတ်ဆေးဖက်ဝင် ဟင်းလျာနှစ်မျိုးကို ထုပ်ပိုးလိုက်ပြီး တစ်နေ့တာအတွက် သူမ၏ တိုက်ရိုက်ထုတ်လွှင့်မှုကို အဆုံးသတ်ဖို့ စီစဉ်ခဲ့ပေမယ့် ဖန်သားပြင်ပေါ်မှာ လွင့်ပျံနေသော တောက်ပတဲ့ မှတ်ချက်တစ်ခုကို ရုတ်တရက် မြင်လိုက်ရသည်။

 

[တင်ဆက်သူရေ အဲ့ဒီဟင်းလျာက အစာစားချင်စိတ်ကို ဖြစ်ပေါ်စေနိုင်လား။ ကျွန်တော်ရဲ့ မိသားစုမှာ အစာစားချင်စိတ် ပျောက်ဆုံးနေတဲ့ သက်ကြီးရွယ်အို မိသားစုဝင် တစ်‌ယောက်ရှိတယ်။ ကျွန်တော်တို့ မိသားစုတွေကလည်း အရမ်းစိုးရိမ်ပူပင် နေကြရတယ်။ မင်းရဲ့ တရုတ်ဆေးဖက်ဝင်ဟင်းလျာက တကယ်ပဲ စားချင်စိတ်ကို တိုးမြင့်ပေးနိုင်တယ်ဆိုရင် ကျေးဇူးပြုပြီး ကျွန်တော်ကို ဝေမျှပေးလို့ရမလား။ ကျွန်တော် တန်ဖိုးပေးချေဖို့ ဆန္ဒရှိပါတယ်။]

 

ကြည့်ရှုသူက သူ့မှတ်ချက်ကို စုယန်ယန် မမြင်မှာစိုးရိမ်နေသည့်အလား အဆက်မပြတ် ပေးပို့နေခဲ့သည်။ ထို့နောက် သူက လက်ဆောင်ပေးပို့သည့် နေရာသို့သွားကာ စိန်များစွာပါဝင်သည့် စိန်ထုပ်များစွာကို သူမထံသို့ လက်ဆောင်များ စတင်ပေးပို့ခဲ့သည်။ စိန်တစ်လုံးလျှင် တရုတ်ယွမ်ငွေ တစ်ရာခန့်သာ တန်ကြေးရှိသော်လည်း ပလက်ဖောင်းနှင့် စာချုပ်မချုပ်ဆိုရသေးသည့် ထုတ်လွှင့်တင်ဆက်သူ အသစ်များအတွက်မူ ဒါက စျေးအကြီးဆုံး လက်‌ဆောင်တစ်ခုဖြစ်သည်။

 

ဒီလူက အကြိမ်တိုင်း လက်ဆောင် ဒါဇင်ပေါင်းများစွာ ပေးပို့ခဲ့ပြီး အလွန်များပြားသော ပမာဏကို ဖြစ်စေသည်။ ထိုပမာဏသည် စနိုးဘောလုံးလေးကနေ အလွန်များပြားသည့် ပမာဏသို့ရောက်ရန် အချိန်အကြာကြီး မယူခဲ့ပါ။

***

Prev Next