အခန်း(၅၁) - လူတိုင်းကို ပိတ်ပင်လိုက်သည်

“လှပပြီး အာဟာရဖြစ်စေတယ်” ဟူသော စကားစုသည် မိန်းကလေးတိုင်းနီးပါး၏ အာခီလိဖနောင့်လိုပင် ဖြစ်သည်။ မိနစ်ပိုင်းအတွင်း မရေမတွက်နိုင်သော အမျိုးသမီးများသည် အချိန်နှင့်တစ်ပြေးညီ မှတ်ချက်များဖြင့် အော်ဟစ်ခဲ့ကြသည်။

မျက်နှာကို လှပစေပြီး အာဟာရဖြစ်စေတယ်လို့ စုယန်ယန်က ပြောလိုက်သည့်အခါတွင် ကံစမ်းမဲတွင် ဝင်ရောက်ကံစမ်းလို့ ရမလား၊ သူမဆီကနေ တိုက်ရိုက် ဝယ်ယူလို့ ရနိုင်မလား ဆိုသည့် မေးခွန်းတွေ အများကြီး တက်လာခဲ့သည်။

ယန်ယန်သည် ဤမေးခွန်းများကို မြင်သောအခါတွင် မရယ်မောပဲ မနေနိုင်ခဲ့ပါ။ “ဒီနေ့ချက်ပြုတ်တာ မှန်သမျှကို ကံစမ်းမဲဖောက်ပေးသွားမှာပါ။ ဒါပေမယ့် တိုက်ရိုက်ထုတ်လွှင့်မှုအတွင်း ပြင်ဆင်ချက်ပြုတ်ထားသည့် အရာများသည် တင်ဆက်သူ တစ်ဦးတည်းသာ ချက်ပြုတ်ထားပြီး အကန့်အသတ်ရှိသောကြောင့် ရောင်းချဖို့ မလုံလောက်တာကို ကျေးဇူးပြုပြီး နားလည်ပေးကြပါ။”

သူမ ထိုသို့ပြောပြီးနောက် လူတိုင်းက စိတ်ပျက်သွားကြကာ သူတို့က ကံထူးရှင်ထဲက တစ်ယောက်ဖြစ်ဖို့ကိုပဲ ‌စောင့်မျှော်နေကြသည်။

ဟောက်ချန်ဟွမ်းသည် စုယန်ယန်က ဆိုးရွားစွာ ဝင်ရောက်စွက်ဖက်မှုကို ယခုအချိန်အထိ သတိမပြုမိတာကို မြင်လိုက်ရတော့ သက်ပြင်းချမိသည်။ သူက နက်ရှိုင်းသောအသံဖြင့် မေးလိုက်သည်။ “နေရာတိုင်းကို လိုက်ပြီး ပြဿနာတက်အောင် လှုံ့ဆော်ပေးနေတဲ့ ဒီအကောင့်တွေကို အသံမထွက်အောင် လုပ်လို့ရမလား ဒါမှမဟုတ် ပိတ်ပင်လို့ မရဘူးလား။”

ကျိုးယန်ပိုင်သည် ထိုစကားကို ကြားလိုက်ရသောအခါတွင် အနည်းငယ် ကြက်သေ သေသွားသည်။ “သခင်လေး မေးချင်တာက သူတို့ကို မတွေ့ချင်တာက မစ်စုရဲ့ တိုက်ရိုက်ထုတ်လွှင့်မှုအခန်းမှာပဲလား ဒါမှမဟုတ် ဝဘ်ဆိုက်တစ်ခုလုံးမှာလား။ အကယ်၍ သခင်လေးက ဝဘ်ဆိုက်တစ်ခုလုံးကို ဆိုလိုချင်တာဆိုရင် ဒီကိစ္စကို ပြုလုပ်ဖို့ ဝဘ်ဆိုက်ရဲ့ သီးသန့်နည်းပညာရှင်များထံ ဒါကို လွှဲပြောင်းပေးဖို့ပဲ လိုအပ်ပါတယ်။ ဒါပေမယ့် သူတို့ကို မစ်စုရဲ့ တိုက်ရိုက်ထုတ်လွှင့်မှုအခန်းမှာပဲ ပိတ်ဆို့ချင်တယ်ဆိုရင် သခင်လေးက မစ်စု၏ တိုက်ရိုက်ထုတ်လွှင့်မှုအခန်းရဲ့ ကြီးကြပ်သူဖြစ်ဖို့ လိုအပ်ပါတယ်။ ကြီးကြပ်သူတွေက အကောင့်တွေကို အသံပိတ်နိုင်ပြီး ပိတ်ဆို့နိုင်သည့်အပြင် တိုက်ရိုက်ထုတ်လွှင့်မှုများတွင် သူတို့ကို ထပ်မံပါဝင်နိုင်ခွင့်အား အပြီးတိုင် ပိတ်ပင်လိုက်နိုင်ပါတယ်။”

“နေရာတိုင်းကို ပြဿနာရှာတဲ့ ဆိုးရွားတဲ့ ပိုးမွှားကောင်တွေကို ငါတို့ မပိတ်ပင်လို့ ဘယ်ဖြစ်မလဲ။ သူတို့က ပတ်ဝန်းကျင်ကို ရန်လိုသော ပတ်ဝန်းကျင် ဖြစ်စေဖို့ အားပေးအားမြှောက် ပြုသည့်အတွက်ကြောင့် သူတို့သာ ဆက်ရှိနေမယ်ဆိုရင် တခြားသူတွေကို စိတ်အနှောင့်အယှက် ဖြစ်စေလိမ့်မယ် မဟုတ်လား။”

ဒီလိုလှည့်ကွက်လေးတွေက “နုံအတဲ့” ပရိတ်သတ်များကို လှည့်စားဖို့ လုံလောက်နိုင်ပေမယ့် ဟောက်ချန်ဟွမ်းလို စူးရှတဲ့ အမြင်အောက်ကနေ လွတ်မြောက်နိုင်မယ်လို့ ထင်ပါသလား။

သို့သော်လည်း ထိုအကောင့်များကို ပိတ်ပင်နိုင်ရန် သူက အရင်ဆုံး ယန်ယန်၏ တိုက်ရိုက်ထုတ်လွှင့်မှုအခန်းရဲ့ ကြီးကြပ်သူ ဖြစ်ဖို့ လိုအပ်သည်။

သူက ကျန်းကျစ်ယန် တစ်ခါက ပြောခဲ့ဖူးတာကို အမှတ်ရလိုက်သည်။ တိုက်ရိုက်ထုတ်လွှင့်မှုတစ်ခု၏ ကြီးကြပ်သူဖြစ်ရန် တင်ဆက်သူထံမှ ပထမဦးစွာ လက်ခံအတည်ပြုချက်ကို ရယူရမည်ဖြစ်သည်။ ဟောက်ချန်ဟွမ်းရဲ့ မျက်လုံးတွေက တလက်လက် တောက်ပလာရင်း ချက်ချင်းပင် ကျိုးကျစ်ယန်ထံသို့ ဖုန်းခေါ်ဆိုလိုက်သည်။

ထိုအချိန်တွင် ကျိုးကျစ်ယန်သည် ယန်ယန်၏ တိုက်ရိုက်ထုတ်လွှင့်မှုအခန်းတွင် ကီးဘုတ်ဖိုက်တာများ ပေါ်လာသည့် သတင်းကို လက်ခံရရှိခဲ့သည်။ သူက ဟောက်ချန်ဟွမ်းထံမှ ရုတ်တရတ် ဖုန်းခေါ်ဆိုမှုကို လက်ခံရရှိသောအခါ သူ့စိတ်ထဲ ပထမဆုံး ဝင်လာသည့်အတွေးက “သွားပြီ” ဟူသော အတွေးပင်ဖြစ်သည်။

သခင်လေးသည် အနာဂတ်မဒမ်၏ ပထမဦးဆုံး တိုက်ရိုက်ထုတ်လွှင့်သည့် နေ့ရက်တွင်ပင် သေသေချာချာ ဂရုစိုက်စောင့်ကြည့်ပေးရန် ပုဂ္ဂိုလ်ရေးအရ ညွှန်ကြားထားသည်။ သုံးရက်မြောက်နေ့မှာပင် အမှားအယွင်းတွေ ကြုံတွေ့လာလိမ့်မယ်ဟု ဘယ်သူက ထင်မှာလဲ။ သူ့ပြစ်မှုအတွက် အယူခံဝင်ဖို့ အချိန် အလုံအလောက် ရနိုင်ပါသေးလား။

ကျိုးကျစ်ယန်သည် ကြောက်လန့်နေသော်လည်း ဖုန်းမကိုင်ပဲ မနေရဲပါ။ သူက တုန်တုန်ယင်ယင်နဲ့ ဖုန်းကောက်ကိုင်ရင်း “သခင်လေး...” လို့ ခေါ်လိုက်သည်။

“နောက်ဆိုရင် တိုက်ရိုက်ထုတ်လွှင့်မှု ကံစမ်းမဲ အစီအစဥ်မှာ ငါ့အတွက် လှည့်စားပေးဖို့ မလိုတော့ဘူး။”

“အာ...” ကျိုးကျစ်ယန်သည် သူ့အသိစိတ်ကို ပြန်မရမီ အချိန်ခဏလောက် ကြက်သေ သေသွားခဲ့သည်။

“ဒါပြီး... နောက်တစ်ကြိမ်...”

“ဒီတစ်ကြိမ်ကိုတော့ ထားလိုက်”

“ကောင်းပါပြီ၊ ကောင်းပါပြီ” ကျိုးကျစ်ယန်သည် အလျင်အမြန် သဘောတူလိုက်သည်။ “သခင်လေးမှာ အခြားတောင်းဆိုစရာ ကျန်သေးလား။”

“အခုမှ ယန်ယန့်ရဲ့ တိုက်ရိုက်ထုတ်လွှင့်မှုကို ဝင်ကြည့်ဖူးပြီး သူမကို ကျိန်ဆဲနေတဲ့သူတွေ ရှိတယ်။ သူတို့ကို ဘယ်လိုကိုင်တွယ်ရမလဲဆိုတာကို မင်းသိလား။”

သူတို့ကို ကိုင်တွယ်ရန် တခြားဘာနည်းလမ်းတွေ ရှိသလဲ။ ဟုတ်တာပေါ့၊ သူတို့ကို ပိတ်ပင်၊ ပိတ်ပင်ပြီးတော့ ပိတ်ပင်ပစ်ရလိမ့်မည်။

“ဟုတ်ကဲ့၊ ကျွန်တော် သိပါတယ်။ ကျွန်တော် အဲ့တာကို ချက်ချင်းလုပ်‌ဆောင်ဖို့ နည်းပညာရှင်တစ်ဦးကို ဖုန်းဆက်ခေါ်လိုက်မယ်။ ကျွန်တော်တို့ရဲ့လက်ထဲကနေ တစ်ယောက်မှ လွတ်မသွားစေရဘူး။”

ကျိုးကျစ်ယန်သည် သူ့သူငယ်ချင်းအပေါင်းကို တွင်းနက်ထဲ ပစ်ချလိုက်ပါသည်။ သူ့ဘဝလုံခြုံရေးအတွက် နည်းပညာရှင်အားလုံးကို ဒီနေ့ည အချိန်ပိုဆင်းခိုင်းရမည်ဖြစ်သည်။

နည်းပညာရှင်အားလုံး ညည်းညူမိသည်။ “...” ငါတို့ ဘယ်သူ့ကို စိတ်တိုအောင် လုပ်မိလို့လဲ။

ဟောက်ချန်ဟွမ်းသည် ကျိုးကျစ်ယန်၏ အလိုက်သိမှုကို စိတ်ကျေနပ်ပြီး သူ့ရဲ့ပေါ့ဆမှုကို အပြစ်တင်ရှိခြင်း မရှိတော့ပေ။

ထိုအချိန်မှာပင် ယန်ယန်ရဲ့ စွပ်ပြုတ်နှင့် လက်ဖက်ရည်ကြမ်းဟာ ပြီးလုနီးပါး ဖြစ်သွားပြီ။

နှင်းဆီယိမူချောင်လက်ဖက်ရည်ကြမ်း ပွက်ပွက်ဆူလာတဲ့အခါ မီးပိတ်လိုက်ပြီး မီးပေါ်တွင် ငါးမိနစ်ကြာ နွှေးထားလိုက်သည်။

ငါးမိနစ်ကြာ နွှေးထားပြီးနောက် စုယန်ယန်သည် အိုးအဖုံးကို ဖွင့်လိုက်ရာ နှင်းဆီပန်းရနံ့များက အိုးထဲမှ သင်းပျံ့စွာ ထွက်အံလာပြီး တိုက်ရိုက်ထုတ်လွှင့်မှု အခန်းတစ်ခုလုံးအနှံ့ မွှေးပျံ့သွားစေသည်။

လက်ဖက်ရည်ကြမ်းကို စူးစမ်းနေကြသော ပရိသတ်အများအပြားကို လှုပ်လှုပ်ရွရွ ဖြစ်စေပြီး အိပ်ယာစောစောထရာမှ ခံစားနေရသည့် အိပ်ချင်စိတ်မပြေခြင်းမှာ ခြေရာလက်ရာမရှိ ပျောက်ကွယ်သွားကြသည်။

[ဒီလက်ဖက်ရည်ကြမ်းရဲ့ အနံ့က အရမ်းကောင်းတာပဲ။ သူ့အနံ့လေးက နှင်းဆီရနံ့အတိုင်းပဲ။]

Prev Next