အခန်း ၆၆ - ၈၀

အခန်း(၆၆) - ပါးစပ်အပြည့် ခွေးစာ စားလိုက်ရတယ်

ကျန်နှစ်ယောက်မှာလည်း အလားတူ အခြေအနေချင်း ရှိခဲ့ပြီး သူတို့သည် ပြန်လည်သက်သာ ကောင်းမွန်လာသော စစ်ဆေးချက်များ ရရှိခဲ့ကြသည်။ သူတို့သည် အချိန်နှင့်တပြေးညီ မှတ်ချက်များ ပေးပို့ရန် ရှက်ရွံ့မိပေမယ့် သူတို့က ကျေးဇူးတင်ရှိကြောင်း ပြသလိုသေးသည်။

စုယန်ယန်သည် သူတို့ထဲမှ လူတချို့က ဆုလက်‌ဆောင်များ ပေးပို့နေတာကို မြင်လိုက်သည်နှင့် သူမ ဘာကိစ္စကြောင့်မှန်း သိလိုက်သည်။

သူမသည် လူတချို့ထံမှ ယုံကြည်မှုရမှတ်များကို လက်ခံရရှိထားပြီးဖြစ်သောကြောင့် သူတို့ သူမစွပ်ပြုတ်ကို သောက်ပြီး ထိုစွပ်ပြုတ်၏ အကျိုးအာနိသင်ကို ခံစားရကြောင်း ညွှန်ပြနေသည်။

ကြည့်ရှုသူများကို ကျေးဇူးတင်ရှိကြောင်း ပြောပြပြီး‌‌နောက် သူမသည် ဒီနေ့ အစီအစဥ်အကြောင်းကို သူတို့အား ပြောပြခဲ့သည်။

“သတင်းကောင်းနဲ့ သတင်းဆိုး ရှိပါတယ်၊ ဘယ်တစ်ခုကို အရင်နားထောင်ချင်လဲ။”

အထူးတလည် သက်ရောက်မှုရှိစေသော အကြိုမိတ်ဆက်ခြင်းကြောင့် တိုက်ရိုက်ထုတ်လွှင့်မှုတွင် မှတ်ချက်များစွာ ပေးပို့လာသောကြောင့် စက္ကန့်အနည်းငယ်ကြာ လိုင်းကျသွားပြီး‌နောက် တစ်စုံတစ်ယောက်က သတင်းဆိုးက ဘာလဲဟု အမေးရှိလာခဲ့သည်။ တင်ဆက်သူမှာ ပြဿနာအချို့ ကြုံတွေ့နေလို့လား။

စုယန်ယန်သည် ခဏလောက် ကြက်သေ သေသွားခဲ့သည်။ ကြည့်ရှုသူတွေ ဒီလိုမျိုး တုံ့ပြန်လိမ့်မယ်ဟု သူမ မမျှော်လင့်ထားပေ။ သူမမျက်မှောင် အသာကြုတ်မိလိုက်ပေမယ့် သူမရဲ့ရယ်ချင်စိတ်ကို မနည်းထိန်းထားလိုက်ရသည်။

“သတင်းဆိုးကတော့ ဒီနေ့ ကျွန်မတို့အိမ်ကို တစ်ယောက်ယောက် အလည်လာဖို့ရှိတော့ အခု ကျွန်မ ချက်ပြုတ်ပြင်ဆင်မယ့် ဟင်းလျာတွေက သူ့အတွက်ပဲ ဖြစ်သွားတယ်။ ဒါ့ကြောင့် ဒီနေ့ ကျွန်မချက်ပြုတ်မယ့် ဟင်းလျာတွေကို ကံစမ်းမဲ မဖောက်ပေးနိုင်ပါဘူး။ တောင်းပန်ပါတယ်။”

ဒီရလဒ်သည် သူတို့တွေရဲ့ မျှော်လင့်ချက်တွေထက် ကျော်လွန်ခဲ့သော်လည်း လူအများစုသည် တင်ဆက်သူမှ သူတို့ချက်ပြုတ်ပြင်ဆင်သည့် ဟင်းလျာများကို ဘယ်သူ့ကို ပေးသင့်သည်၊ မပေးသင့်သည်ကို ဆုံးဖြတ်ပိုင်ခွင့်ရှိကြောင်း နားလည်ပေးကြသည်။

သူတို့ ပိုအတွေးများနေတဲ့ အကြောင်းအရာက...

[တစ်စုံတစ်ယောက်လား။ အဲ့တာက ငါထင်နေတဲ့ တစ်စုံတစ်ယောက်လား။ မနက်စောစောမှာ အစားအသောက်ကဏ္ဍ တိုက်ရိုက်ထုတ်လွှင့်မှုကို ကြည့်ပြီး ပါးစပ်အပြည့် ခွေးစာအကျွေးခံလိုက်ရတဲ့အတွက် အံ့အားသင့်မိတယ်။ တစ်ကိုယ်ရေသမားဖြစ်ရတာ ခက်ခဲကြမ်းတမ်းလိုက်တာ။]

[တင်ဆက်သူက သူ့အတွက် စွပ်ပြုတ်နဲ့ အခြားဟင်းလျာတွေ ကိုယ်တိုင် ချက်ပြုတ်ပြင်ဆင်ပေးနေတယ်လို့ မြင်ယောင်ကြည့်ကြပါ။ ချဥ်တယ်လို့ ခံစားမိကြရင် ငါ့ကို ခွင့်လွှတ်ပေးကြပါ။]

[အဟမ်း... တစ်စုံတစ်ယောက် အလည်လာမယ်လို့ သူမပြောလိုက်တာကို ဘယ်သူမှ သတိမထားမိကြတာလား။ သူတို့တွေက စုံတွဲတွေဆိုရင် ပြန်ရောက်တယ် ဒါမှမဟုတ် တစ်ခုခုကို အသုံးပြုပြောသင့်တယ် မဟုတ်လား။ သူတို့က ကွဲနေတာလား ဒါမှမဟုတ် အလုပ်ခရီးကနေ ပြန်ရောက်လာတာလား အဲ့လိုမျိုး ပြောသင့်တယ်မလား။]

စုယန်ယန်သည် ထိုမှတ်ချက်ကို တစ်ချက်ကြည့်ပြီး သူမ ခပ်ဖျော့ဖျော့လေးပြုံးကာ ရှင်းပြလိုက်သည်။ “ကျွန်မတို့က လာမည့်လထဲမှာမှ လက်ထပ်ထိမ်းမြားကြမှာပါ။ ပြီးတော့ ကျွန်မတို့ အခုလောလောဆယ် အတူတူ မနေသေးပါဘူးရှင့်။”

ကြည့်ရှုသူများ ရုတ်တရတ် သဘောပေါက် နားလည်သွားကြသည်။

[ဒါဆို သူတို့က စေ့စပ်ထားကြပေမယ့် လက်မထပ်ရသေးဘူးလို့ ဆိုလိုတာပေါ့။ ငါ့အတွက် အခွင့်အရေးရှိသေးတယ်လို့ ဆိုလိုတာလား။]

[ဟုတ်တယ်၊ ဟုတ်တယ်၊ ဟုတ်တယ် လက်ထပ်ထိမ်းမြားတာက အရေးကြီးဆုံးကိစ္စပဲ။ တင်ဆက်သူရေ ကျွန်တော်ဆိုရင်ရော ဘယ်လိုလဲ။ ကျွန်တော်က တကယ်တော့...]

ကြည့်ရှုသူ A နှင့် Bသည် သူတစ်ပါး၏ လက်ထပ်ထိမ်းမြားခြင်းကို ဝင်ရောက်စွက်ဖက်ရန် ရည်ရွယ်ချက် မရှိပေမယ့် သူတို့ စနောက်ကျီစယ်နေရုံသာ ဖြစ်သည်။ သူတို့‌ နောက်ထပ်မှတ်ချက်များကို ရေးသားလိုက်ချိန်တွင် သူတို့က... အဘမ်းခံထားရတာကို တွေ့ရှိသွားခဲ့ကြသည်။

ကြည့်ရှုသူ A နှင့် B “???”

ဤသည်မှာ ဟောက်ချန်ဟွမ်းက သူ့ရဲ့ ကြီးကြပ်သူရာထူးကို အသုံးပြု၍ သူ့ကောင်မလေးကို ခိုးယူရန် ကြိုးစားနေသည့် အဆိုပါ စိတ်အနှောင့်အယှက်ပေးသည့် မှတ်ချက်များကို ဖယ်ရှားပြီး သူတို့ စကားများနေတာကို တားမြစ်ရန် သူတို့ကို တစ်နာရီကြာဘမ်းပြီး သင်ခန်းစာ ပေးလိုက်သည်မှာ ပထမဆုံးအကြိမ်ဖြစ်သည်။

သူတို့ရဲ့ လက်ထပ်ထိမ်းမြားခြင်းကို စနောက်ကျီစယ်နေသူတွေ ကင်းစင်သွားတာနဲ့ စုယန်ယန်ကို သူမတို့လက်ထပ်ပွဲနေ့ကျရင် တိုက်ရိုက်ထုတ်လွှင့်ပေးမလား ဒါမှမဟုတ် သူမတို့လက်ထပ်သည့်နေ့ကျရင် ကံစမ်းမဲဖောက်ပေးမလား ဒါမှမဟုတ် တရုတ်ဆေးဖက်ဝင်ဟင်းလျာတွေ များများချက်ပြုတ်မလား ဆိုသည့်အကြောင်းအရာများကို မေးမြန်းထားသည့် မှတ်ချက်များကိုသာ မြင်တွေ့ရတော့သည်။

စုယန်ယန်က ထိုမှတ်ချက်များကို နားလည်သဘောပေါက်ပေမယ့် သင့်တော်သည့် စကားမျာကို ကောင်းမွန်စွာ ပြောလိုက်သည်။ “လက်ထပ်တဲ့နေ့ကျရင် အလုပ်များမှာဖြစ်တဲ့အတွက် ကျွန်မရဲ့ တိုက်ရိုက်ထုတ်လွှင့်မှုကို မထုတ်လွှင့်နိုင်ပါဘူးရှင့်။ ဒါပေမယ့် နောက်မှ မင်းတို့တွေအတွက် ကံစမ်းမဲများများ ဖောက်ပေးပါ့မယ်ရှင့်။ သတင်းကောင်း၊ သတင်းကောင်းကတော့ ဒီနေ့ ကျွန်မ ဟင်းလျာများများ ချက်ပြုတ်ပြင်ဆင်မှာ ဖြစ်သည့်အတွက် ဒီနေ့ တိုက်ရိုက်ထုတ်လွှင့်ချိန်က ကြာမြင့်ပါမယ်။”

စုယန်ယန်က ဒီလိုပြောပြီးတာနဲ့ ဖန်သားပြင်အပြည့် ညည်းညူနေတဲ့ မှတ်ချက်များ ပေါ်လာခဲ့သည်။

[အဲ့တာကို ဘယ်လိုလုပ်ပြီး သတင်းကောင်းလို့ ဆိုလို့ရမှာလဲ။ ငါတို့က ကြည့်ပဲကြည့်နိုင်ပြီး အဲ့တာကို မစားရဘူးလေ။ ဒီထက်ပိုပြီး နာကျင်ကောင်းတဲ့အရာ ဘယ်မှာ ရှိပါ့မလဲ။]

ဖန်သားပြင်ပေါ်တွင် ညည်းညူသံများ များပြားလွန်းသဖြင့် နောက်ဆုံး၌ စုယန်ယန်သည် အလျော့ပေး ပြောကြားလိုက်သည်။ “ကောင်းပြီ။ ငါ လျော်ကြေးပေးတဲ့အနေနဲ့ ငါ အနံ့အရသာမြည်းစမ်းဖန်ရှင်ကို ပြောင်းပေးမယ်။ မင်းတို့ မစားနိုင်ပေမယ့် မင်းတို့ ဟင်းလျာတွေကို အနံ့ခံလို့ ရနိုင်မယ်၊ အဲ့တာဆို အဆင်ပြေမလား။”

စုယန်ယန်၏ အလျော့ပေးမှုကြောင့် စိတ်လှုပ်ရှားနေကြသော ကြည့်ရှုသူများကို ငြိမ်သက်သွားစေပြီးနောက် မကြာမီတွင် သူတို့တွေဟာ ချက်ချင်းဆိုသလို နောင်တရသွားခဲ့သည်။

Prev Next