အခန်း (၁၀၈)

ဒါက သက်ကြီးရွယ်အိုတွေကို အကျိုးပြုစေတယ်

ချက်ပြုတ် ပြီးစီးသွားသော အစားအသောက် စားပွဲတစ်ခုလုံးရဲ့ ဆွဲဆောင်မှုကို ခံလိုက်ရသော ကြည့်ရှုသူများသည် တိုက်ရိုက် ထုတ်လွှင့်မှု အရသာမြည်းစမ်း ဖန်ရှင်ဖြင့် ဟင်းလျာ အားလုံးကို မြည်းစမ်းကြည့်ရန် ဖိတ်ခေါ်ရန်ပင် မလိုအပ်ခဲ့ပါ။ သို့ရာတွင် စုယန်ယန် လက်ဝယ် ကိုင်ဆောင်ထားသော နှင်းမှုန်စမ်း သစ်သီးနွားနို့ အချိုပွဲဆီသို့ အလျင်အမြန် အာရုံပြောင်း သွားခဲ့သည်။

[တင်ဆက်သူ၊ တင်ဆက်သူ၊ အဲ့တာ ဘာလဲ။ ဘာလို့ တလက်လက် တောက်ပနေရတာလဲ။ အဲ့တာကို စားလို့ရလား။]

[တင်ဆက်သူ မစားရတဲ့ ဟာတွေကို မထုတ်ယူဘူး။ တင်ဆက်သူ လက်ထဲက ဟာလေးက ပျော့ပျောင်းပြီး အရသာ တော်‌တော်ကောင်းမယ့်ပုံပဲ။ (¯﹃¯)]

စုယန်ယန်သည် ဒီအစားကောင်း ကြိုက်သူများ၏ စူးစမ်းလိုစိတ်ကို သဘောကျသွားမိသည်။

“ဒါကို ကျောက်ပွင့်ဖြူလို့ ခေါ်တယ်။ ဒီမှိုအမျိုးအစားမှာ ပရိုတင်း၊ သတ္တုဓာတ်နဲ့ အမိုင်နိုင်အက်စစ်တွေ ပေါကြွယ်ဝစွာ ပါဝင်တယ်။ ဒါကို များများစားရင် အသားအရေကို လှပစေတယ်၊ ကိုယ်ခံအားကို အားကောင်းစေပြီး ကျန်းမာရေး အလုံးစုံကို မြှင့်တင် ပေးနိုင်တာကြောင့် မင်းတို့ရဲ့ သက်တမ်းကို ပိုရှည်စေနိုင်ပါတယ်”

‘လှပစေတယ်၊ အသားအရေ ကောင်းမွန်စေတယ်’ နဲ့ ‘ကျန်းမာရေး အလုံးစုံကို မြှင့်တင်ပေးနိုင်ပြီး အသက်ပိုရှည်စေတယ်’ ဆိုတဲ့ စကားလုံးတွေဟာ အမျိုးသမီးများနှင့် သက်ကြီး ရွယ်အိုတို့၏ နှလုံးသားများကို ဖမ်းစားစေနိုင်ခဲ့သည်။

လူသားတွေဟာ အသက်အရွယ် တစ်ခုသို့ ရောက်ရှိလာသည် နှင့်အမျှ သူတို့ ပိုင်ဆိုင်ထားသမျှ ငွေကြေးဥစ္စာများသည် အချိန်ယန္တရားကို မတိုက်စားစေနိုင်ကြောင်း သိရှိလာခဲ့ကြသည်။ သူတို့၏ ခန္ဓာကိုယ်နှင့် ကျန်းမာရေးဟာ သူတို့အတွက် အကြီးမားဆုံး စိုးရိမ်စရာတွေ ဖြစ်လာသည် နှင့်အညီ သူတို့၏ ကျန်းမာ‌ရေးကို ဂရုစိုက်ဖို့ ပိုမို သတိရှိလာကြကာ ဖျားနာခြင်းမရှိပဲ အသက်ပိုရှည် စေနိုင်ဖို့အတွက် တိုက်ပွဲ ဝင်လာခဲ့ကြသည်။

စုယန်ယန်သည် ကျောက်ပွင့်များကို အရင်ဆုံး နူးညံ့သွားအောင် ရေစိမ်လိုက်သည်။ ထို့နောက် အမှုန်အမွှားများကို ဖယ်ရှားပြီး ကျောက်ပွင့်ဖင်ပိုင်းကို လှီးဖြတ်လိုက်သည်။ သူမသည် အိုးတစ်လုံးထဲ နွားနို့လောင်းထည့်ကာ ဆူအောင် တည်ကာ မီးဖိုပေါ်မှ ချထားလိုက်သည်။

ထို့နောက် စုယန်ယန်သည် နောက်ပိုင်းတွင် အသုံးပြုရန်အတွက် ကီဝီသီးနှင့် ချယ်ရီ ခရမ်းချဉ်သီးများကို အတုံးလေးတွေ လှီးဖြတ်လိုက်သည်။

ဒီအသီးအနှံတွေကို မြင်လိုက်ရတော့ အင်တာနက် အသုံးပြုသူများသည် သူတို့ကိုယ်သူတို့ ဆင်းရဲလွန်းတယ်လို့ ခံစားရကာ မျက်ရည်များ ကျဆင်းလာပြီး ချဉ်လာခဲ့ကြသည်။

စွပ်ပြုတ်တွေ ကျက်ပြီး နွားနို့လည်း အေးသွားသည့် အခါမှာတော့ စုယန်ယန်ဟာ နွားနို့ထဲကို သစ်သီးများ ထည့်လိုက်သည်။ ကြည့်ရတာ လှပပြီး အရောင်အသွေး စုံလင်သောကြောင့် မိန်းကလေး ပရိသတ် တော်တော်များများရဲ့ နှလုံးသားတွေကို သိမ်းပိုက်သွားခဲ့သည်။

[ဒီအချိုပွဲက အရမ်းလှတာပဲ၊ ငါ ဒါကိုစားကြည့်ဖို့ မစောင့်နိုင်တော့ဘူး။]

[ဒီမှာလဲ အတူတူပါပဲ။ ဒီအထဲကို သစ်သီးတွေ အများကြီး ထည့်သွင်းထားတော့ ငါ ဒါကို စားလိုက်ရင် ပိုက်ဆံတွေကို ငါ စားသုံးနေရတယ်လို့ ခံစားရတယ်။ ငါ့နှလုံးသားလေး နာကျင်သွားပြီ။]

[ကောင်းပြီ၊ နင်တို့ မစားဘူးဆိုရင် ငါ စားလိုက်‌တော့မယ်။ အင်း... ဒါက အရမ်းနူးညံ့ပြီး မွှေးတယ်၊ သစ်သီးတွေက အရမ်းချိုတာပဲ။ ပူပူနွေးနွေး ဟင်းလျာတွေ စားသောက်ပြီးရင် ဒီလို အချိုပွဲမျိုးလေးကို စားလိုက်ရတာက အရမ်းပျော်ဖို့ ကောင်းတာပဲ။]

အစားအသောက်နဲ့ ပတ်သက်ရင် လူတွေတော်‌တော်များများ မစားဘူးလို့ ပြောကြပေမယ့် သူတို့၏ ခန္ဓာကိုယ်က သူတို့ပါးစပ်တွေထက် ပိုရိုးသားကြတယ်။

အထူးသဖြင့် သူတို့ဟာ တိုက်ရိုက်ထုတ်လွှင့်မှု အရသာမြည်းစမ်း ဖန်ရှင်မှတစ်ဆင့် မြည်းစမ်း ကြည့်ရုံမျှဖြင့် လက်တွေ့ဘဝက အစားအစာမျာကို မထိခိုက်စေပဲ သူတို့ကို မြည်းစမ်းနိုင်မယ့် အခွင့်အရေးကို လက်လွတ် ဆုံးရှုံးသွားမယ်ဆိုရင် သူတို့ အမှန်တကယ် ရူးသွပ် သွားပေလိမ့်မည်။

အချိုပွဲ အဆင်သင့် ဖြစ်ချိန်တွင် ခြောက်နာရီ ထိုးခါနီးပြီ။ အချိန်ကုန် သက်သာစေရန် အတွက် စုယန်ယန်သည် ဟင်းလျာ ရှစ်ပွဲအတွက် ကံထူးရှင်ရှစ်ဦးကို တစ်ကြိမ်တည်း ကံစမ်းမဲဖောက် ပေးခဲ့သည်။

စုယန်ယန်သည် ပင်လယ်ခရုဂျင်ဆင်း စွပ်ပြုတ်ကို ကံထူးသွားသော ပရိသတ်အား လေးလေးနက်နက် ပြောကြားခဲ့သည်။

“ဒီစွပ်ပြုတ်က ယင်နဲ့ ယန် အားနည်းတဲ့အတွက် သားဥအကြွေစောတဲ့ လူနာတွေအတွက် ပိုသင့်တော်တယ်၊ ဒါ့ကြောင့် ရှင်တို့ ပတ်ဝန်းကျင်မှာ ဒီသတ်မှတ်ချက်တွေနဲ့ ကိုက်ညီတဲ့ လူရှိရင် ဒါကို စမ်းကျွေး ကြည့်နိုင်ပါတယ်”

ကံထူးရှင်က စုယန်ယန် ပြောတာကို ကြားပြီး စပ်စုလိုက်သည်။

[ယင်နဲ့ယန် အားနည်းတယ် ဆိုတာကို ဘာကိုဆိုလိုချင်တာလဲ။]

“ပြောချင်တာက သူတို့ရဲ့ အဓိကချီ နှစ်မျိုးစလုံး အားနည်းသွားတာမျိုးကို ဆိုလိုတာပါ။ ရှင် ဒါကို နားလည်ဖို့ တော်တော် ခက်ခဲနိုင်ပေမယ့် လူပြိန်း နားလည်အောင် ပြောရရင်တော့ လူနာက ဆောင်းရာသီမှာ အအေးဒဏ်နဲ့ နွေရာသီမှာ အပူဒဏ်ကို ကြောက်တဲ့လူမျိုးကို ဆိုလိုချင်တာပါ”

စုယန်ယန်က ထိုသို့ ရှင်းပြပြီးသည်နှင့် ထိုဝေဒနာနှင့် အလားတူ ဝေဒနာကို ခံစားနေရပြီး ဆေးကုသမှု ခံယူနေသော လူနာများရဲ့ မှတ်ချက်တွေဟာ ချက်ချင်းပင် ဖန်သားပြင်ပေါ်တွင် ပြည့်နှက် သွားခဲ့လေသည်။ ဒါကို ကြည့်ရတာ အတော်လေး စိတ်ဝင်စားဖို့ ကောင်းသည့် မြင်ကွင်းတစ်ခုပါပဲ။

ဟောက်ချန်ဟွမ်း၏ အကောင့်သည် ကံစမ်းမဲတွင် ကြာစေ့၊ တရုတ်ဆီးသီးနှင့် ဘဲသားစွပ်ပြုတ်ကို ရရှိခဲ့သော ကံထူးရှင်ဖြစ်သည်။

စုယန်ယန်သည် ဒီစွပ်ပြုတ်က သူ့အတွက် အကျိုးရှိမယ်ဆိုတာ သိပေမယ့် အင်တာနက်ပေါ်တွင် သူက ချစ်စရာကောင်းသော အမျိုးသမီး တစ်ယောက်အဖြစ် တမင်တကာ ဟန်ဆောင် နေသေးတာကို တွေးရင်း သူ့ကို စနောက်ချင်စိတ်ကို ထိန်းမရနိုင်ခဲ့ဘူး။

ယန်: [ကြာစေ့၊ တရုတ်ဆီးသီးနဲ့ ဘဲသားစွပ်ပြုတ်ကို ကံထူးသွားတဲ့အတွက် ကြီးကြပ်သူ အစ်မကို ဂုဏ်ပြုပါတယ်။ ဒီစွပ်ပြုတ်က သက်ကြီးရွယ်အိုတွေ အတွက် များစွာ အထောက်အကူ ဖြစ်စေတာကြောင့် ကျေးဇူပြုပြီး ဒီစွပ်ပြုတ်ကို သက်ကြီးရွယ်အိုတွေကို မျှဝေပေးဖို့ မမေ့ပါနဲ့။]

***

Prev Next